إذا ناب أمرٌ معاذ الله ِ أو خطرٌ ! (سؤال )

[الــنــهــيــم]

بسم الله الرحمن الرحيم

أما إنه ُ ليحرج ُ الإنسان ُ من كثرة ِ السؤال ، وطلبِ المؤنةِ والمساعدة ِ، ولكنَ الحاجة تَلم ُ بالشخص ِ حتى تفتُ في عضدهِ فتا ً ،
فأرجو السماحَ والمغفرة َ ، فهو َ طلب بسيط ٌ لا يحتاج سوى بضع ُ أسطر ٍ تخطها أناملك َ ، وبعض أفكار ٍ مشتتة ً تلملمها وتنثر بها
عبقة ً فواحة ً لينتعش َ بها كل ُ غاد ٍ ورائح ٍ ، وحسب َ ما أرى أن القلم َ قد شطحَ بي عما كنت أرنو إليه ، وأصبو لتحقيقة ، ولم آتي
هنا لسبك ِ مقطوعة أديبة ٍ أو منظومة ٍ شعرية ..


دعوني أحدثكمُ الخبر َ :
عزمتُ الأمر َ لتركيب نظام DSL للأنترنت ، وذهبت ُ نحو مَحِل ٍ مجاور ٍ ، يُدعى ( إبدأ للحاسب ِ ) ..
فأزمعت ُ الرحيل َ نحوهـ ُ .. واتفقت معه لتركيبه ان شاء الله ..

وكانت الشركة أثير وبسرعة 64 ومحدد التحميل 2 ميقا فقط .. وهو َ يكفيني ويكفي عشرة ً من أمثالي .. رجالا ً فطاحلة ً ..
ومن هنا أتيت لسؤال ِ أهل ِ الخبرة ِ والمشورة ِ أمثالكم ..

فأتمنى لمن كانت له ُ تجربة في هذه الشركة أو لهذا المحل .. أن يخبرني مشكورا ً ..
هل هناك مشاكل لهذه الشركة أقصدُ أثير .. ؟!

وجزاكم الله كل خير ٍ ..
محبكم ابومعـاذ ،،

[المستشار]

ههههههههههههههههه
أبو معاذ الحين هذا و أنت إتصال عادي ..
كل ما دخلت الماسنجر أشوفك متكي على العتبه حقت الماسنجر ..


وش عاد لو أنه ( دي إس إل ) ..
شكلي أبا أشوفك حاطن فراش على شان تمرح بـُــه ..

[The Engineer]

أستاذي ابو معاذ

لماذا لا تتعامل مع الشركة مباشرة أفضل لك وأريح لك وحتى تكون بالصورة مع الشركة

ثانياً أنا لم أجرب شركة أثير مع خدمة الدي إس إل لكن أذكر أني جربته قبل سنتين تقريباً :)
الخدمة كانت جداً رديئة وحرمت بعدة شركة اسمه أثير ، لكن الآن ما أدري ما أقدر أحكم عليه لأني ما جربتة وإن شاء الله إني ما أجربة أبد :)

أنصح بشركة سعودي نت :
شركة محترمة جداً
إذا حصل خلل لازم يجيك تعويض
الدعم الفني مؤدب ومحترم وفاهم
الأسعار عالية شوي

الشركة اللي أنا مشترك معه حالياً هي أول نت :(
السرعة ممتازة
الدعم الفني غبي جداً ويكد وعادي يسكر السماعة بوجهك ويرفع صوتة وما إلى ذلك
الأسعار عادية

هذا بالنسبة للشركات

نجي للتجهيزات الداخلية

أولاً حدد كم عندك من جهاز أو كم ممكن بعدين يكون عندك من جهاز
وعلى هذا خذ المودم والمودم المعتمد عند شركة الإتصالات وشركات الإنترنت واللي تدربوا عليه موظفي الدعم الفني هي مودمات Speed Touch. لكني هل تبي منفذ واحد USB أو راوتر أربع منافذ أو رواتر أربع منافذ مع اتصال لا سلكي Wireless هذا شي راجع لك.

طبعاً تبي تحتاج شي اسمة Spliter سبليتر أو قاسم / فاصل ( ما أدري وش يسمى :))
فائدته إنه خط التلفون يحتوي على حرارة أو إشارة راح تنظم إشارة ثانية اسمة DSL :)
فإذا كنت شغال بدون القطعة هذي إذا رفعت السماعة راح يكون فيه تقطيع ووشوشة .

التسليك:
أنصحك بتغير سلك التلفون إلى سلك مسلح حتى يتم حفظ الإشارة من الإنقطاع
سعر المتر تقريباً : 90 هللة
وينصح إن ما طول الكيبل من الـ DB (البكسية) إلى المودم عن عشرين متر

هذا تقريباً اللي عندي وآسف على القرق والخرط الزايد :)

تحياتي..:)

[العاصف]

http://www.s3f.net/tarkf/7007.jpg

[الشجاع]

أظن الأخ

The Engineer


وفى وكفى الله يعطيه العافية


لكن أقوووووووووولك إبعد عن شبكة نت طعشات المترات . ؟؟

مشترك معهم لمدة سنة قاربت على الإنتهاء الله يمحطهم >>> تحس إنه من قلب >> بعذري كسفو بي.


طبعاً أول ما إشتركت

جا الزول حقهم ودخلناوه وقعدناوه على الأرض >> يستاهل

قدام الكمبوووتر وقلنا يالله شف شغلك

كم الوقت قال لالالا الوقت سيبك منه ياعم إذا طول ما أدري كم .

قلت بنفسي لك ساعتين >> مطوله تراي.

وإذا قضت ترا الباب اللي دخلك يطلعك .

المهم :-

ويقعد من بعد صلاة المغرب لا بعد مصلي معنا

إيييه

إلما الساعة عشر دجينابه بس كل اشوي مهارج الشبكة بجواله بس أظن الرقم مجاني 800إلخ

أوووووه >>> هذا ما قلته بنفسي

ألحين نبي نعشيه يعني .. ووواككك وش يشبعه ذا

وأكز للأهل ادبلو عشاكم قالو وراه خاص قلت لالالا الرجال يبي شكله يتعشى عندنا . >> والله من التولييف .>>> إيه مير خله على ربك .

ويوم إن الدي إس إل

اشتغل وأنا انقز فرحااان

وأقووول العشاء قال لالا عندي واحد ثاني أبرووح أركب له قلت خيره .

عاد شكله قعد عنده إلى السااعة ثنتين .

إييه ويشتغل الدي إس إل >--- ألف مبروووووك

أول أسبوع وما شي زين

الأسبوع الثاني طلع واحد صفر على النصر

بديت لجيت أشغله كود أتصل عليهم أقول نشطوه

ويومين سذا

والأسبوع الثالث ما شي وماشي

إلما قبل كم شهر

ويطفى له شهر ونتصل عليهم ويبدا يوصفون لنا سوي كذا ولا تسوي كذا وشف البكسية يمكن امنه البلا

بلا بكسية بلا خرابيط .

ونتصل على الإتصالات >>> سالفة طويله خل ننط لا أفغى روووسكم ألحييين عاد كود اسبيريين.

ويوم هددناهم قلت شوف صديق ما في كذا كذا >> أخبره زول وشلون صار هندي

ترا أبعلن بمنتديات النت كله عنكم وأسبكم وأشيل وأحط أنتم أخذتم الفلوس وخلاص أهم شيئ فلوووسكم وصلت <--- هوش كثير قبل أتصل كاتبه بورقه علشان ما أنساوه .

قالوا لالا وش دعوى يالله الفني جاك


ونفس الفكرة جا الزووول حقهم وبغينا نعشيه بس ستر ربك يالله لك الحمد . >> أبخل بخيييل.

ويوم جا يطلع قال والله هي أصلن الشركة مهب مسؤولة عن المشاكل ذي .

الشرهة مهب عليكم على اللي يشترك معكم .

===========================
العايد

للملابس الأطفالية

بشارع اللي ما أدري ون هوبه >>> الإعلان سريع عجزت أمسك شيئ

=====فاصل إعلاني==========

إيه عاد ما صلح إلا السبت اللي راح

يوم جت الإختبارات زينوووه >>> اكره .

طبعا كل هالقرق عشن ما تشترك معهم

حاقد عليهم اخاف يكسبون زبوووون .

مير أنت تدري جربهم وشف


( الآن انتهى القرق ويجب عليك أن تشرب حليب بالكوسة عشن يركد راسك )

[الــنــهــيــم]

...::: المستشار::...
:D صادز أنت ..

مشكور أخي العاصف يا عمدتنا يا انت :D


..:::: الاستاذ الفاضل : The Engineer :::....

حياك الله وبياكـ .. أما لو أن الأمر َ بيدي .. لجعلتك مشرفا ً بجوار حبيبنا السعودي ..
فأنت تستحق ذلكـ ..


أشكر لكـ توظيحاتك الجميلة والرائعة ..

أريد أن أسألك عن المودم .. هل فيه مودم ممتاز .. وفيه ضعيف ؟

ويبدو أني سأعدل عن رأيي .. وأضع شركة أول نت ..

ولكن بعد التحقق والتريث ..

والمودم أبي منفذ واحد فقط ...

اتمنى تزور موقعهم فأنت أعلم مني وتعطيني رأيك http://arabic.atheer.net.sa/Services/arDSL.asp

شاكرا ً ومقدرا ً ... وأتمنى لو تتحفنا بالمزيد .. فنحن على الحديد ..

============================
وجدت مشاركة في أحد المنتديات يقول :

خذها من واحد له في النت 100 سنه
قبل ما يخترعون كمبيوتر العائلة ( نصاب )
أفضل إشتراك ( واحد مابقى ولا خلا إشتراك إلا وجربه )
من واقع خبرتي
هو
أثير نت أو جيل أفضل
حطها على يمينك وتوكل
أسوء شي
كي نت و عرب نت و اي سي سي و أول نت
زحمة وما تقدر تتصفح براحتك
والباقي متوسطة في الاستخدام

============================

أخي الفاضل ( الشجاع ) ...

تحذيركـ هذا في محله أشوا اللي ما رحت أركب ..

ترى شبكة نت .. كانت براسي ... وفكن الله أجل ..

الحمد لله ..

مشكوووور يا بعد تسبدي أنت ..

والله ييسر ويعين ..



وأتمنى لو أحد يعرف شخص مشترك بـ أثير ... يخبرني بذلكـ ..

والشكر موصول للجميع ..







[محبكم الـنـهـيـم :) ]

[الطيــــر]

كنت أبقولك زي The Engineer بس سبقني <<< تبطي عظم خلك بقراطيسك ومساحاتك وفرجارك لا ينعفط انتبه له ..

تحياتي للأديب .. أو الأسيف .. راعي بيالات السيف ..

[The Engineer]

أستاذي ابو معاذ
ما أنصح بشركة أول نت
تراي أنا مغتر به
السرعة فيه سرعة لكن الدعم الفني يخلف الله
وتعرف الخدمة بأولة بالسعودية والله من مشكلة ومشكلة تبي تصير
وأنت تبي تصير بحاجة للدعم الفني وعند أول نت دعم فني غبي جداً

أنصح بشركة سعودي نت بلا منازع أنا أتعامل مع شركة سعودي نت من يوم الإنترنت طين :)

المودم قلت لك Speed Touch وغير لا تقربه خذ شي معتمد عند الشركات حتى لو صار مشكلة يصير الدعم الفني فاهم المشكلة لأن هذي مقاييس متخذة من شركة الإتصالات على ما أظن وحاول إنك تتبعة على قد ما تقدر لأنه مثلا أحياناً تنقطع الخدمة يسألك وش المودم إذا قلت غير الـ Speed Touch غالباً يبي يقول لك ما نعرف له ، لأنه (على حد علمي) موظفين الدعم الفني بالشركات مدبين على المودمات هذي وما يعرفون شي مثل إنارات المودم أحياناً أخضر وأحياناً أخضر يؤشر ، أحمر ، أحمر يؤشر .... وغيره وكل شي يدل على شي

بالنسبة لي أنا ما أحتاج إلا لمنفذ واحد فأخذت مودم Speed Touch 330 اللي يجي كأنه ماوس لأن عندي شبكة مجهز من أول وما أحتاج إلا توصيل الإنترنت للسيرفر وهو اللي يتولى توزيع الخدمة


تحياتي..:)

[غـنـدر]

أستاذي ابو معاذ
ما أنصح بشركة أول نت
تراي أنا مغتر به
السرعة فيه سرعة لكن الدعم الفني يخلف الله



السلام عليكم ورحمة الله وبركاته

استاذي الكريم / The Engineer ... حفظه الله

هالمره عاد ما نطيعك تغلط على أول نت .. :)

اسمح لي .. يا عزيزي The Engineer ..

خلال تجربت ما أول نت ... أقولها بملئ فمي .. شركة أول نت لا تقارن بالشركات الاخرى ..

أبذكر بعض المواقف .. التي حصلت معي .. مع الشركه ..

1- انا الآن مشترك عندهم لي 9 أشهر .. ولا اذكر انه قطع علي الاتصال إلا ثلاث مرات .. فقط ... يجلس نصف ساعه إلى ساعه .. ثم يشغل

2- من ناحية الاحترام ... عكس ما تقول اخي The Engineer ..

3- اذا خلص اشتراكك عندهم .. تتصل عليهم ويعطونك مهله يومين .. مدة التسديد .. ( اقصد يفتحون لك الخط ) ... في احد المرات .. عطون مده عشر ايام اضافيه .. :41



معذره .. تراي كتبت وانا عجل ... بي نووووم :)



محمد بن جعفر

[The Engineer]

حياك الله أستاذ غندر
والله اللي حصل لي يا عم
اشترك معهم في معرض جايتكس قدمو عرض حلو اشتراك سرعة 128 لمدة سبع شهور ونصف بقيمة ست شهور
اشتركت معهم كان هذا بتاريخ 27-أبريل-2005
قال الإشتراك راح يكون بـ 1-مايو-2005
فعلاً الإشتراك اشتغل
والتزموا بهذا وهذي شهادة لهم إنهم أسرع مما كنت أتوقع لأني مع سعودي نت الإشتراك طلع مر ما عطون إياه :(
لكن بتاريخ 3-مايو-2005 انقطع الإتصال وفيه إشارة لكن ما يتصل كان هذا الساعة 2 ليلاً
اتصلت على الدعم الفني
رد علي واحد من الشباب:
أنا: السلام عليكم
ابو الشباب: وعليكم السلام
أنا: أخوي عندي مشكلة بالإتصال والإشارة موجودة وأعدت تشغيل السيرفر عني ، فيه إشارة لكن فيه خطأ رقم ...
ابو الشباب: طيب أخوي ممكن تعطين اليوزر
أنا: *** عطيتة اليوزر
ابو الشباب: طيب أخوي انتظر من نصف ساعة إلى ساعة ويكون شغال إن شاء الله
أنا: طيب أخوي ممكن أعرف وش المشكلة
ابو الشباب: أنت انتظر إن شاء الله وراح تكون الخدمة شغال خلال نصف ساعة
أنا: عندك خلل يعني ولا كيف؟؟
ابو الشباب: لا المشكلة من عندك أخوي .
أنا: طيب كيف أصلحة
ابو الشباب: انتظر نصف ساعة وتزين من نفسة
أنا: يعني راح ينزل الحل من السماء ولا كيف
ابو الشباب: لا أخوي أنت انتظر نصف ساعة وتكون شغالة إن شاء الله
أنا: كيف راح تنحل يعني ممكن أفهم
ابو الشباب: المشكلة مو من عندنا من عند الإتصالات
أنا: طيب عطن رقم الإتصالات أدق عليهم
ابو الشباب: لا مو مصرح لك تتصل عليهم مصرح لنا فقط أنت تتصل علينا وحنا نتصل عليهم
أنا: طيب وأنا هذاي متصل عليكم اتصل عليهم يالله
ابو الشباب:أخوي أنت انتظر نصف ساعة ويكون شغال
أنا: طيب أنا عندي أشغال لازم أخلصهن الآن
ابو الشباب: طيب نصف ساعة ويكون شغال ( بنفس شينة قالة)
أنا: يعني الإشتراك صار 23 ساعة ونص ما صار 24
ابو الشباب: لا
أنا وصلت معي: يا أخوي أنا ما دفعت لكم 1600 ريال إلا أبغى إنترنت شغال أربع وعشرين ساعة موهب يقطع وما دري إيش
ابو الشباب وبدا ينفخ: طيب أخوي أنا وش أزين لك يعني اصبر نصف ساعة وراح يكون شغال
أنا: وليش أصبر نصف ساعة المشلكة ممكن تنحل أعد تشغيل البورت ويكون شغال مثل ما سعودي نت تزين
ابو الشباب: ما نقدر
أنا: وراه ما تقدر ، اسمع يا تشغلون لي الخدمة ولا عطون فلوسي به مليون شركة غيركم أحسن منكم
ابو الشباب: أنا ما لي دخل اتصل عليهم الصبح وتدبر عمرك معهم
أنا: عطن رقمهم

طبعاً بعد ما عطان الرقم سكرت السماعة ، رجعت الخدمة لكن للأسف موظف ما يدري وين الله حاطة أسألة وش المشكلة مرة من عندي مرة من عند الإتصالات

موقف آخر :

مرة انقطت الخدمة تقريباً بعد الإشتراك بـ 15 يوم
اتصلت عليهم طبعاً بعد ما انتظرت حول نصف ساعة والخط مشغول
رد عليه
طبعاً الموظف شغل لي الإسطوانة
أعد تشغل المودم
أعد تشغل الجهاز
أعد ما دري وشو أعد أعد
وكلهن أنا مسوهين وما فيه إشارة أبد
بعد التحجير قال لي أعد تعريف المودم
الصراحة أنا كتمت الضحكة لو المودم ما تعرف قبل ما يقطع ليش شغال :) والجهاز أساسأ ما فيه أحد شغال عليه سيرفر يعني ومحمي من الفيروسات وكل شي !!!
وش سوى حولن لموظف ثاني وش قالي قال اشبك المودم بالبقسية مباشرة بسلك أقل من متر !!!!!!!!!!!!!!!!!!!!!!!!!
يعني يبين أفصل الجهاز وما أدري إيش وأطلع بالشارع أنا وقشي علشانه هههههههه
قلت له طبعاً تبين أطلع بالشارع قال لا دبر لك محمول ولا شف لك صرفة قلت طلعوا لي موظف قال ما نقدر !!!
المشكلة هذي حصلت معي مرتين مع سعودي نت ويطلعون لي موظف يفحص لي الخط

معليش على كثر الخرط لكن هذا الي صار لي مع شركة آخر نت

تحياتي..:)