مذكرات شاب من الشرقية [الأرشيف]

PEACE

24/12/1422 هـ, 06:17 صباحاً

في ليلة من الليالي الملاح وبقوة ليلة خميس طرز بها نور القمر شط البحر.. وكأي شاب سعودي في الشرقيه "الحين اللي يسمعني يقول الشرقيه في قطر".. 
كأي شاب سعودي تواقد امام دربه الخيارات "والتشويسز" عنده عشرين شيء يقدر يسويه..وألف مكان يقدر يروح له.. 
قعدت أفكر وين أروح اليوم..يالله لك الحمد الله يعز الحكومه من جد حنا شعب منغنغ..خلني أشوف الخيارات.. 
أولا: الراشد بوابة واحد.. ثانيا: الراشد بوابة ثلاثة.. ثالثا: الراشد بوابة ثمانية.. رابعا: الراشد بوابة سبعة.. خامسا: الراشد بوابة احدعش.. 
ياربيه على النعمه كل هذي أماكن أقدر أروح لها اليوم..من قدنا بس..؟؟ 
وأطلع وأروح وأجي..واتمشى ولا أحد يضايقني..لأ.. كذب..ما عمري أخذت أربع مخالفات في يوم واحد..ولا عمري توقفت في ساعة ونص في أربع تفاتيش..كذب وافتراء.. 
لا..ما عمري اضطريت إني أروح البحرين لا كذب.. من يقوله؟؟ أصلا أنا الحمد لله ما أتعرض لهجوم "أتحداك تلمسني" ولا اتعرض لزباين "ماك" و "شانيل"..لا..ما أشوف بنات متمكيجات.. ألحقهم؟؟ أعوذ بالله ما عمري لحقت ولا طاردت..أصلا ما قد شفت وحده متزبرقه وطالعه وقاعده تغريني.. 
أصلا كل سيارات البنات مظلله..وشلون؟؟ لا ما عندك خبر..ما عمرهم فتحوا الشبابيك..أبد أبد.. 
وأنا ما أدخن..ولا أشيّش..ولا أشم ..أصلا ما عندي وقت عشان أفضى وأطفش وأطيح بهالأمور..أنا كل وقتي "إكسايتنق"..مسلي..دراسة دوام تمشية ما عندي فراغ عشان حتى أخرب فيه.. 
أنا الشاب السعودي..وشلون؟؟ لا..ما عمري استغربت من اللي نشوفه في "الفضائحيات" وليه استغرب والا انصدم..حنا كنا مهيئين..ومتنورين ونعرف..لا كذب..عمرنا ما انغزينا بالقنوات الفضائيه كيف نتبع اهواء الفضائيات وعندنا غصب واحد وغصب اثنين اللي تمتعنا بكل شيء مفيد وحلو.. 
ما أدخل تشات عشان أغازل لا نصبه كبيرة هذي..ولا أحوس ولا أرقم..عندي الوعي كبير زي أي شاب سعودي..واعرف إن عندي أخت وان اللي ابغازلها بدورها أصلا أختي..عيب عليكم أنا شاب سعودي.. 
أنا شاب سعودي..جامعتي كل شيء بالانترنت..وكل شيء يمشي على طول..حتى إني ممكن أخلص الجامعه في سنتين بس انا ما ودي عشان مكافآت الحكومه تاصلني شهر بشهر ولا ينقص منها شيء..أبدن أبدن ما ينقص.. 
أنا شاب سعودي..عندنا في السعودية كلش تمام..الكل يحترمني..من قال إن الناس تستحقرني؟؟لا أبدا..الناس تنظر لي نظرة محترمه..الشياب ما يحتقرونني أبد..أنا بمثابة إبنهم الصغير..لا ما قد طالعوني باحتقار..أدري هو أصلا يحترمني عشان يبي الشباب يطلعون محترمين عشان هو خايف على بناته وأسرته.. 
في السعودية ما عندنا تعصب رياضي..لا كذب..ما قد طلعت من مباراة الهلال والنصر وشفت سيارة "مهترية" واللي جواها ميت الله يرحمه..وكان فيه شباب يقولون لبعض: تتوقع هلالي والا نصراوي..ما عمري صارت لي هالحادثة.. ما عندنا أي ميول حتى للتعصب وصحافتنا الرياضيه تحاول بشتى الطرق تثنينا عن التعصب..من قال انها تنشر مقالات كاذبه عشان تشحن الناس ضد بعض؟؟..لا ما عنده سالفة..صحافتنا ولله الحمد واعية ومتمكنه.. 
 أنا شاب سعودي..فعلا افتخر.. أنا عماد المستقبل.. أنا..كذب.. 
أنا اتعرض للإرهاب بكل أنواعه.. من الجميع..فقط عشان أنا شاب.. 
بصراحه خلاص انا عندي أشياء كثيرة أسويها اليوم....أبروح للراشد بوابة سبعه يا سلام يا سلام..من قدي؟؟
 (منقول)

وليد التميمي

24/12/1422 هـ, 03:54 مساءً

قصدك العكس...

بعدين مافيها شئ يابيس قل انه انا اللي حصل لي كل هذولي بإجازة عيد الإضحى...
خخخخخخخخخخخخخخخخخخخخ هههههههههههههههههههههههههههه
:p :p :p :p :p :p :p :p :p :p :p :p :p :p :p :p :p :p :p :p :p :p :p :p :p :p

PEACE

24/12/1422 هـ, 05:42 مساءً

<DIV align=center>اهلين ياقلب الذيب اشتقنالك يابطل بالنسبة للموضوع كاتبه يتكلم بشكل عام ولا يتحدث عن نفسة يعني اغلب الشباب يعانون من هالمشاكل اسأل الله ان يصلح الحال وياسلام عليك و على مشاركاتك الرائعة كروعة طلتك علينا يابطل</DIV>
<DIV align=center>واسلم و سلم </DIV>