المساعد الشخصي الرقمي

مشاهدة نسخة كاملة : ياجماعه أخوكم أبو ريم بورطه أفزعوله يالربع

أبـــ ريـــم ـــو
21/6/1424 هـ, 10:47 مساءً
السلام عليكم ورحمة الله وبركاته

آسفين يالربع أنقطعنا عنكم لظروف خاصه

خلونا ندخل بالموضوع

يا خوان أنتم تعرفون الفيروس إلي أنتشر هاليومين

إلي يحسبلك دقيقه همن يسكر جهازك

هذا الله يعافيكم طخن

فما قدرت أتهن بالعنترنت

فتكفون فزعتكم يالربع إلي عنده برنامج يكنسل هالفيروس ينزله لي وليرحمليوالديكم
مدحت شوقي بريده
21/6/1424 هـ, 10:53 مساءً
هلا بابو ريم ...

ياحبيلك .. انا مثلك والله .. قسم بالله هبل بي ..

والله وامان الله ... لو امسك هافيروس لا اغوله الين يموت كل يوم ...

والا احسن شي اربطه بصدام البيجوا وادحدربوه مع نزلة الغاط ...

اي والله تكفون فزعتكم يالأجاويد ..
عجزنا نفتش الروابط از ننسخهن ونلصقهن ...
ذبحنا هالفيروس ابن الحراش ...

سي يو ..
السمو
21/6/1424 هـ, 11:02 مساءً
السلام عليكم ورحمة الله وبركاته
تحية طيبة وبعد :
ابو ريم
والدب : مدحت الشوق
عندي حل تقليدي وهو ان تفرمت الجهاز من جديد
او إذا كان عندك في الجهاز ويندوز وإكس بي
فهذه طريقة سهله قم بالإكس بي وحمل مضاد الفيروس
من موقع الساحات ومن ثم أدخله في الويندوز
ومن ثم سيعود جهازك من جديد سالماً معافا
والطريقة الأولى اسرع طريقة
وللمعلومية هذا الفيروس غير ضار بالجهاز
ولكنه حاب يمزح معكم واملحكم ياحبيلكم
والسلام عليكم ورحمة الله وبركاته
أبـــ ريـــم ـــو
22/6/1424 هـ, 03:42 صباحاً
أجل أنت مثلي أخوي مدحت حتى أنا والله باطن تسبدي

أخوي المجاهد أنا توي مفرمت المجهاز بس ناشبن بحلقي عيا يطلع

أنا عندي حل لكن مؤقت (مؤقت)هو إذا جاك تروح للتاريخ تحت عند الساعه وتأخر التاريخ سنه

بدل مايسير 2003يسير2002عاد تسذا يوقف لكن إن سكرت العنترنت يبحلبك من جديد

عشان تسذا قلتلكم مؤقت
الجندي المجهول
22/6/1424 هـ, 06:33 صباحاً
ياشباب الفرمته كله واحد مارايح تستفيد شي انا جربتها رايح يرجع لك الفيروس مره ثانيه
شكله طالع من شعر المصري

عموما الحل وجدته اخيرا سو تحديث للوندوز
او كانك في بريده اتجه الى محل الكمبيوتر الي قدام صالة وسط المدينه الي بزاويه عند ابو هنود يسويله تحديث بعشره ريال قله بس ( محمد فيروس ) هو عارف الشغله

جربته وانظبط الحمدلله على كيف كيفك اي استفسار دقو علي
النبراس
22/6/1424 هـ, 09:16 صباحاً
السلام عليكم وبعد/

أخي..أبو ريم..
بامكانك ..الاطلاع على هذا الرابط..
يمكن يفيدك..
http://www.saudi.net.sa/html/info.w32.blaster.php

لك تحياتي،،
[ أبو سلمان ]
22/6/1424 هـ, 11:41 صباحاً
الحمد لله ماعمره طلعلي

أبدا أبدا

ولا هوب طالعلي بإذن الله
شارع 2003 الضباب
1/7/1424 هـ, 10:34 صباحاً
انا ذبحن فيروس ياهو مهبلبي

بس ما يسكر الجهاز


يدمر ايملي اسمه فيرس الحب بس انا ما احب الفيروسات >>>>>> يا كثرك والله انك ما تدري وش تقول

صح سوري على الفلفسه