منتجات القصيم الشعبية

[فهد علي]

وزع في مدينة الرياض إعلان عن منتجات القصيم الزراعية مكتوب في الإعلان ( تمر خلاص الخرج ، زيت زيتون سوري _ ومن يكتشف أنه مغشوش يأخذ مليون ريال ) فشلتونا يالقصمــــــــــــــــــــــــــان بخكاريا الرياض

[غـنـدر]

الله اكبر



فشلناك عند الخكاريا



والله انك انت الي فشلتنا

[الذهبي]

وخكاريا الرياض ما فشلوا الرياض ...

الحمد لله والشكر ...

أصحاب العقول في راحة ...

[سعفة]

فهد بن علي يا حبيل سبدي انت

وش رايك تعيد السالفة مرتن ثانية مع التفصيل والتخريم والتطريز يا حبيلك

انا تراي مافهمت ولا حرف

أقول
عطن بوسه <<<<==== يحسبه يراسل بكنود

يا ألبي
السالفة ومافيها ومافي بطنها وجعبتها اني مافهمت
<<<<<===== عاد مشكلة إذا مافهم سعفة

يالله خبيبي أقين :D:D:D

///ـــ/\م;)

[مدحت شوقي بريده]

فهد علي ..

الذهبي ...

نص الخكاريا اللي بالرياض ... انت تدري من وين هم ...

يعني ان رفعته للشارب ... وان طمنته للحيه ..

[أبو روان]

اقول لي ثلاث سنين في القصيم واقابل واحد من الشباب قال لى انصحك

بالكليجه والله يهى رهيبه انا ماصدقته خبر وشهرين وانا في الصبح اضرب كليجه

خاصه مع الحليب وبعد شهرين والله اني مغير ثيابي بثياب جديد والاوله

ولا زمانها عيت تجي عليه واقول وراي انتفخت واروح للمستشفى واعلم الدكتور

عن زياده وزني كام الدكتور يضحك واقول وشفيك تضحك

قال بسيطه انت تاكل كليجه قلت مايمر صبح الا وانا اكل منها الى الخميس والجمعه

مافيه دوام وطبعا نوم لين الظهر وغدا على طول

قال تدري وش منفخك كذا قلت لا والله مدري يمكن اني وجعان وانا مدري

قال هذا من الكليجه

ومن بعدها والله ثم والله اني كرهت شي اسمه كليجه

هذا وجرا التنويه والله يحفضكم من السمنه .



: 12 : 12 : 12 : 12 : 12 : 12 : 12 : 12 : 12 : 12 : 12 : 12 : 12

[الشاب الوسيم]

والله زين اذا الكليجه تنفخ انا من بكره رايح آكل كليجه علشان انتفخ تعبت وانا اكل لكن مافي فايده هذا انا ماتغيرت ولازاد وزني حتي لكن بنجرب ونشوف يمكن تفيد هالوصفه:D