عاجل للشباب قبل العيد 0 أشمغة فاخرة بنصف السعر [الأرشيف]

سفيان الثوري

8/9/1431 هـ, 12:03 مساءً

بالأمس والى اليوم كثيرٌ من الرجال يضحك من تلاعب اصحاب المحلات بعقول النساء خصوصا بالاسعار
فصاحب المحل اذا كان عنده فستان رخيص بـ ( 30 ريال ) ما عليه سوق ولا جته الزبونة العاقلة !!
ما على صاحب المحل الا إنّه يغيّر سعر الفستان ويضيف ( صفر ) فجنب أخوه الصفر الثاني فيكون السعر ( 300 ريال ) :i121
ويحط فستان واحد بالمحل حتى يقول للزبونة المسكينة ( آخر قطعة ):confused:

ثم ما يدري صاحب المحل الا وباع جميع البضاعة اللي مضيقةٍ عليه !!:eek:

والان انتقل التلاعب بعقول الشباب:oo
بالامس نرى عند مساجد الجمعة أشمغة تُباع بـ 10 أو 15 أو 20 ما حد يلتفت لها من الشباب حتى ما يقول عند اخوياه اني شاريه عند مسجد الجمعة حتى ما يفشل !!

أما اليوم فهذه الاشمغة التي كانت مرفوضة بالامس تُباع بـ 300 أو 400 وقد تصل الى 500 ويتنافس الشباب على الشراء حتى يقول لخوياه إني مشتريه بـ 200 بعد التخفيض ونصف السعر!!!!
وقد نجحت بعض الشركات ( المرفوضة سابقاً ) في استدراج عقول الشباب فهل من عقل !!!!

ولا تعليق !!

أبو رُبـــــى

8/9/1431 هـ, 12:05 مساءً

صدقت والله .. :)

د.غمارة

8/9/1431 هـ, 12:18 مساءً

مع احترامي لك نظريتك نظرية شيبان !!

يعني أنت برايك رينيه مثل الميهاف و دنهل .. >> موب دنهل رصاص :d

نصف ساعة

8/9/1431 هـ, 01:34 مساءً

^^
وراه نظرية شيبان ؟؟ هو صادق احفظ قريشاتك
بعدين وين الشماغ ابو عشره ذا شكله فاتني

يوسف 2000

8/9/1431 هـ, 01:51 مساءً

الرخيص مخيس , ونظريه فاشله ومخسره لمن يبحث عن الرخص ويترك الجودة لأنه سيغيرة بعد فترة لانه شين ويخرب وهذا ينطبق على كل شيء وخصوصا الأجهزة الألكترونية وهذه النظرية تسبب خسائر كبيرة للأقتصاد الوطني , وحتى الدول الفقيرة لا يشترون المخيس ويبحثون عن الجودة حتى يدوم عندهم .

صمت الحزين

8/9/1431 هـ, 02:03 مساءً

بنسبه في التلاعب في الأسعار وخاصآ في الملابس النسائيه فهم محترفين في هذا الشيء إذا صار الحسون سنتر يشتري الملابس من الصين و أنت تعرف الصين كيف كل شيء فيها رخيس و الجوده خايسه يعني ما يطول معاك الملابس يشتريها من الصين نقول أعلى شيء 10 ريال وكم يبيعها عندنا في بريدة دبل وثري يعني بالعربي جميع المحلات الكبار في بريدة و معها السنيدي للرحلات أغراضهم من الصين يعني تبي تصير تاجر روح الصين وجيب من عندهم بضاعه وشف كيف تطلع ذهب أما بنسبه للملابس الرجاليه فأتوقع أنها أسعارها مناسبه جدآ ... وشكرآ .

((ابوعبدالله))

8/9/1431 هـ, 02:14 مساءً

الشكوى لله
لقوا رزق هنا بدون يلعبون على العالم

أبوحــمــد

8/9/1431 هـ, 02:29 مساءً

{(بريداوي)}

8/9/1431 هـ, 02:36 مساءً

الساهر الفلوس تجي وتروح لا تصير بخيل ولا يهمك الي يقول احفض قريشاتك

{(بريداوي)}

8/9/1431 هـ, 02:37 مساءً

صدقــت !!:)

الرخيص هو الزين ماعندك سالفه

القادم بقوه

8/9/1431 هـ, 03:04 مساءً

الشماغ الزين البسام
موب رخيص ولا غالي من يوم ما عرفناه اسعارة مناسبه
الاصلي 90
بلس 120
مايفير 200
ومن احسن ما يكون
لاتقولي دنهل وخربطه امهات 500
وبنفس الوقت موب زين بروجيه ورينيه والخرابيط ذي اللي لونهن عنابي من شينه

نصراويون

8/9/1431 هـ, 03:15 مساءً

فشيلة نلبس من الرخيص
يقوووووووووووووووولون قعيطي

أبو رُبـــــى

8/9/1431 هـ, 03:23 مساءً

^^

وشوله تعلمهم أنه رخيص :)

قلهم هذا بـ 280 ريال .. :)

سفيان الثوري

8/9/1431 هـ, 06:42 مساءً

صدقت والله .. :)

هــــلا بهالـطـلّة (h)

ضايق الصدر

8/9/1431 هـ, 06:55 مساءً

صدقت والله .. :)

لا ماني معك يابو ربى

الحين انت اشتر الغالي وقارنه بالرخيص من بعد كم غسله

اللون يفرق والملمس يفرق..

..
في مداخله واعتبروها حاله شاذه
انا مره نصبو علي اسيا اخذت منهم مايفير ب200 ريال

ويوم غسلته ابي يتطابق الطول بالعرض طلع فيه زوائد :eek5 حرام ميتين اكشخ به واخرته مايتطابق

اتوقع عيب مصنعي

` Raun ~

8/9/1431 هـ, 07:39 مساءً

إلحقو على (( دستار )) ترا سعره من 50 _70

لا يفووووتكم

رشروش

8/9/1431 هـ, 08:15 مساءً

غير البسااااام لا تدور وبنفس الوقت أسعاااره ثااااااابته بكل الأنواع....

$(الفتى11الذهبي)$

8/9/1431 هـ, 08:40 مساءً

مشكووور على الموضوع ..

لكن انا اخالفك الراي ..

الله يخليك اللكزس مو مثل الكورولا
والهايلكس مو مثل الدييير صح ولا لا ..

اعتقد نفس الطريقه بالضبط ..
فشماغ اللمبرجيني ولا الفرزاتشي ولا الجفنشي مو مثل البروجيه ولا غيره ..
فالملبس يختلف لبسه مختلف تميزه وانت من بعيد وهذا اللي انا ألاحظه ..

ومشكوووووور على الموضوع ...

{ عزوووز}

8/9/1431 هـ, 08:44 مساءً

السلام عليكم ورحمة الله وبركاااته

مبارك علينا وعليكم هذا الشهر

أسأل الله العلي اعظيم ان يجعلنا من صوااامه وقواااامه

آآآآآآآآآآمـــــــيــــــــن

أولا؛ هي بالعقل انا اسئلك الحين وش ذولي الشمغ اللي بالقيمه 10 _15 وماادري ايش بعد......:mad:
هذولي استحي اناظرهن مو عاااد البسهن استح على وجهك بس ولا تكتب مثل هالمواضيع اللي ماتنفع لاعمرك تعودله بس ........
الثااني؛ وين المسجد هذا اللي يباع عنده هالشمخ ابغا ارووح اشووف انتسانهن من البسام ولا بروجيه ولا لابلين ولا جفنشي ولا..............الخ اشتري من هن يالله وصفلي هالمسجد اللي يباعن عنده.......؟؟؟؟confused::confused::confused:

ابوو فهد

8/9/1431 هـ, 08:58 مساءً

فشيلة نلبس من الرخيص
يقوووووووووووووووولون قعيطي

ياااي ياربيية لاتقطع تكفى

وحنا يالشباب الحين طافين بشماغ البسام بصمة سوداء وبـ 65 ريال

بصراحة ونعم الشماغ والشخصية تثبت وكل شي والله ياهو رهيييييب

اما ابوي يهوشن يقول البس مثلي بروجيه ابيض يقول بهالاحمر مسود وجهك

هع هع هعش

بلغني مناي

8/9/1431 هـ, 09:44 مساءً

اشتري من ماركه ومعروف وهنا تضمن الجوده...لكن تروح لمحلات اليمنى بتشوف العجايب<<تكرههم حتى النخاع:re

ابو اريام

9/9/1431 هـ, 12:55 صباحاً

افضل اشماغ هو ماي فير صح انه سعره مرتفع شوي لكن يستاهل

رقعه

9/9/1431 هـ, 02:08 صباحاً

رخيص والا غالي

غني او فقير

هرج الناس لايودي ولايجيب

العالم حطهم ورا ظهرك والبس الي تلبس

قسم بالله مهزله هالحاله موضه وماموضه

يازين شماغ ملكي القديم بـ 25 يازينه ازين من البسام ابو 90

ٍسلآم

abdalrhman

9/9/1431 هـ, 02:35 صباحاً

المفروض يرخص علشان يجون وإلى وش الفايده يغلي ولا يلقاله أحد به محلات غيره يبيع الرخيص

sg'hk

9/9/1431 هـ, 02:39 صباحاً

لاتعليق مع إني جربت كثير من الماركات بس غير البسام مالقيت خذ الأصلي مهب الوطني

~وراهـ تسذا~

9/9/1431 هـ, 02:47 صباحاً

رينية(h)(h)(h)(h)(h)(h)(h)(h):41

علوش بلوش

9/9/1431 هـ, 02:48 صباحاً

البساااااااااااااااااام وبس

بو معاذ

9/9/1431 هـ, 03:27 صباحاً

الحين هذا خبر ولا اعلان ولا وش بالظبط ؟؟؟؟؟؟؟؟؟

مدمن نت

9/9/1431 هـ, 03:28 صباحاً

والله فيه شماغ على كيف كيفك بعشرين او ثلاثين او اربعين ريال

ورهيبه بالمره ومافيها اي شيئ من ناحية المرزام والرزه والكشخه عند الناس

وناس تشتري شماغ بـ 200 او 300 ريال وآخر شيئ بعد ستة شهور

تحصله مرمي باحد الزبايل او مرمي بالمستودعات الخيرية اللي طبعا يبي الخير

ليش كذا ؟

اشتر لك بــ 20 او 40 ريال ازين لك رخيص وكويس

قال الله تعالى : ان المبذرين كانوا اخوان الشياطين ، ، ،

والله ورسوله اعلـــــــــــــــــــــــــــــم ، ، ،

تريكي 00

9/9/1431 هـ, 07:50 صباحاً

الغالي قيمته فيه عليك بدسار

سهلاوي

9/9/1431 هـ, 09:31 صباحاً

الصراحة بالفايت واحد من الشباب لابس شماغ عادي الصراحة قال لي: توقع
بكم قيمة الشماغ أنا قلت: والله أتوقع 120 ريال إقالي أجاملة أنه زين..
قال: لا هذا مشتريه 350ريال وطبعآ أعرفه يسويه لكن الحمد لله على نعمه العقل
أنا ما أقول لا تشتري غالي بس أعرف خامت الشماغ اللي تبي تشتريه ..
ودمتم....

ممدوح الطرس

9/9/1431 هـ, 11:33 صباحاً

صحيح كلامك

سفيان الثوري

9/9/1431 هـ, 12:44 مساءً

مع احترامي لك نظريتك نظرية شيبان !!

يعني أنت برايك رينيه مثل الميهاف و دنهل .. >> موب دنهل رصاص :d

انا احترم رايك يالغالي

لكني انا ما قصدت اللي في بالك فأنا لا أعارض الجديد والجيّد والماركات الحسنة ولبس أجمل الثياب
بل هذا من ديننا وقد قال صلى الله عليه وسلَّم ( إن الله يحب أن يرى أثر نعمته على عبده )
وأنا بحمد الله ألبس أحسن الأشمغة
لكني أقصد أن بعض الشباب يشتري الشماغ الغالي من أجل انّه غالي لا من أجل انه أصلي !!!!!
حتى وإن كان عادي في شكله أهم شي عند الموضــة !!!!

فالشركات ترفع من سعر الشماغ حتى يظن الشاب انه جيد واصلي
ولو شاف هالشماغ معروض بـ20 ريال مالتفت له
بل يستحي يحاسب قدّام الناس !!!

سفيان الثوري

9/9/1431 هـ, 12:49 مساءً

^^
وراه نظرية شيبان ؟؟ هو صادق احفظ قريشاتك
بعدين وين الشماغ ابو عشره ذا شكله فاتني
مرحباً ألف
الله يعمر مخبات الوالد :) ولا الشباب أكثرهم دااااااج

وقبل سنتين تقريبا شفت أخوي لابس الشماغ القديم الأحمر أظنه ( شماغ العقل ) أبو عشرة فاستغربت
فسألته ليش لابسه فقال ( هذي الموضة الآن ):confused:

العود الابيض

9/9/1431 هـ, 07:00 مساءً

كلامك صحيح ومشكور

صعب المنــ2ــال

9/9/1431 هـ, 08:45 مساءً

مع احترامي لك نظريتك نظرية شيبان !!

يعني أنت برايك رينيه مثل الميهاف و دنهل .. >> موب دنهل رصاص :d

تدري ليش تسمي هذي نظرية شيبان ؟ ؟ ؟

هذا يا طويل العمر لأن المبزرة يروحون لأبوانهم ولا لأمهاتهم "الشيبان" و يقولون عطونا 500 نبي نشري نعال و شماغ و الشيبان يخبرون ان الشماغ و النعال يشرونهن على مية وشلون هالبزقة يبي 500 ؟؟؟
همن الشايب يعيي يعطيك 500 و بعدين انت تمد بوزك و تزعل و تقول هالشايب عيا و صارة نظرية شيبان

لامن طلعت قريشاتك من عرق جبينك اشر شماغ بألف ريال ان بغيت اما تترزز على مخباة الشايب و تعيره هذي مشكلة :cool::cool: :cool:

تقبلو مروري

المدلهم

9/9/1431 هـ, 11:03 مساءً

الغالي قيمته فيه عليك بدسار

معليش والله شماغ فاشل وغالي ب 160 :confused:

أنا شريت واحد وتحسفت :S

طبعا شريت مخفض موديل العام ب70 مهبول أشريه ب160 :113:

البندري

9/9/1431 هـ, 11:49 مساءً

فشيلة نلبس من الرخيص
يقوووووووووووووووولون قعيطي
ظهر الحق
كل عمركم يا الرجال تطنزون بالحريم
اثره مهايط ..

ابوفهد بريدة

9/9/1431 هـ, 11:58 مساءً

غير دنهل لأتدور سراحه يستاهل مميز ورسمي ولون فخم

&ملامح ايطالي &

10/9/1431 هـ, 12:07 صباحاً

Kenzo انصحك فيه

الحاسب

10/9/1431 هـ, 01:20 صباحاً

يا جماعة وش رايكم بهالقاعدة
(ما هان تبارك)

ديوان

10/9/1431 هـ, 02:37 صباحاً

ياساتر بغض النظر عن صلب الموضوع , لكن هل ال300 ريال تشكل عائق عند الرجل لشراء شماغ يلبسه بشكل شبه يومي ويعتبره خسارة !!

قد يكون الامر مقبولا اذا كان الحال ميسور , او الحالة رديئة , لكن للعوام "كود" ..

سؤال واحد فقط

10/9/1431 هـ, 02:45 صباحاً

1مهستر

10/9/1431 هـ, 02:46 صباحاً

ياجماعة المنتدى :

الشماغ اذا ماجاك انجليزي اصلي ... مهب شماغ ..

ياجماعة الخير انا قبل اربع سنوات اشتريت شماغ انجليزي اصلي البسام ....

والى الان وهو يكد معي ... كل مالبسته قالت لي امي متى شريته وانا امك ؟؟؟

يلق لق .... يلمع ....عسى الله يطرح به البركه...

ابو خرخير

10/9/1431 هـ, 03:08 صباحاً

مشكووووورر وواللله صدقت مو لازم تقول شاريه من قدام مسجد

قـــصـــيـــة

10/9/1431 هـ, 04:13 صباحاً

تطنزتوبنا والله بلاكم :045::d

وحيد القرش

11/9/1431 هـ, 08:08 مساءً

مشكووور على الموضوع ..

لكن انا اخالفك الراي ..

الله يخليك اللكزس مو مثل الكورولا
والهايلكس مو مثل الدييير صح ولا لا ..

اعتقد نفس الطريقه بالضبط ..
فشماغ اللمبرجيني ولا الفرزاتشي ولا الجفنشي :p مو مثل البروجيه ولا غيره ..
فالملبس يختلف لبسه مختلف تميزه وانت من بعيد وهذا اللي انا ألاحظه ..

ومشكوووووور على الموضوع ...
^^^^

هو صادز ذ1

رجل من عالم آخر

11/9/1431 هـ, 09:38 مساءً

اخالفك الرئي وبقوووه

انا اشتري شي زين لكنه يقعد عندي اقل شي سنه ونص

اشتري البسام بلص والله تمر السنه وانا اكرفه كررف ولا يتغير لونه وكشخه ( سعره به )

خل الشماغ على جنب لانه لازم تكشخ قدام الناس وهو موب خساره لصار تحت 200 قياسً بكم تكرفه

قبل مده اشتريت 3 قمصان الواحد 17 ريال وكل من سال اقوله ذا من التويجري بـ 65 ريال وطايره عقولهم يبون مثله هعههه

عوآفي

ضايق الصدر

12/9/1431 هـ, 02:18 صباحاً

قبل مده اشتريت 3 قمصان الواحد 17 ريال وكل من سال اقوله ذا من التويجري بـ 65 ريال وطايره عقولهم يبون مثله هعههه

ترا اللي يكذب ربي يحطه بالنار

:f:

صعبة مراس

12/9/1431 هـ, 05:48 صباحاً

والله كلامك سليم ماغير يلعبون على الزبائن والمواقف كثيره

سيار نجد

12/9/1431 هـ, 06:05 صباحاً

عطن شماغ كان بـ300 والا 200 وصار بعشرة , لو يصير بـ 100 والا 90 شريته حتى لو عشررة على ماقلت , بس اللي انا اشوووفه ان دايم اسعار الشمغ يصير عليهم تخفيضات وخصوصا دساار وهو من أجود الأنواع ..
وعلى فكرة انا حدي بالشمغ 90 ودايم اشري الماركى المعرووفة المخفظه وشكرا ..

فارس 7

12/9/1431 هـ, 07:13 صباحاً

وشوله من الأصل شماغ ...

قسم حر وصلخ ... بعض الناس وشلون يتحمل ما أدري الشماغ لصق بدميجته ...

جذاب بس كذاب

13/9/1431 هـ, 05:56 صباحاً

التجااااره شطاااره

فجـــــر

13/9/1431 هـ, 07:12 صباحاً

ظهر الحق
كل عمركم يا الرجال تطنزون بالحريم
اثره مهايط ..

صادقه..

المهم مافهمنا الحين ايهم الشماغ الزين >> بسرعه الاول اللي يجاااوب

صبح الجياد

13/9/1431 هـ, 07:16 صباحاً

لا افراط ولاتفريط

المبتسم1000

13/9/1431 هـ, 07:59 صباحاً

الصراحه ما عمري سألت احد عن اشمغه بكم ولا اذكر احد اسألن ..... لاكن الناس قناعات

بالنسبه لي اايد ماي فير ............ عاش

صبح الجياد

13/9/1431 هـ, 08:21 صباحاً

الصراحه ما عمري سألت احد عن اشمغه بكم ولا اذكر احد اسألن ..... لاكن الناس قناعات

بالنسبه لي اايد ماي فير ............ عاش

تصحيح : لكن

وليس الذي انت كتبته

:)

سفيان الثوري

13/9/1431 هـ, 02:48 مساءً

المهم مافهمنا الحين ايهم الشماغ الزين >> بسرعه الاول اللي يجاااوب

والله من الشرافة عند الحـــريم :d:d

سفيان الثوري

15/9/1431 هـ, 12:01 مساءً

غير البسااااام لا تدور وبنفس الوقت أسعاااره ثااااااابته بكل الأنواع....

صــادق
ومرة شفت بجنبه ( شماغ مخيس ) أغلى منه ما يجي ولا ربع جــودة البسام
ومع هذا مغلّين سعره !!

مع هذا يجيه زبــاين لانه غالي !!

فجـــــر

16/9/1431 هـ, 06:16 صباحاً

والله من الشرافة عند الحـــريم :d:d

يعني مايسأل عن الاشمغه الا العيااال !!
انا اسأل عنهن بشتري لاخوي ابوي..لعمي لخاالي ..............................الخ

صدق عااالم غريبه..!!!!!!!!!!!!!!