هذا اللي شفته من أحد تجار بريدة... بسوق التمر!!!

[البلح]

رحت أمس لسوق التمر وصراحة شفت موقف عجزت أستوعب هالموقف إلى هالدرجة المال يفتن
القصة شفت واحد من كبار تجار بريدة المعروفين الله يستر عليه ويزيده من فضله على طاعته...

لكن شفته شرى تمر وصوت لأحد الأطفال الضعوف اللي يترزقون الله ويحملون التمر بالعربيات
صوت له وشال التمر لسيارة هالتاجر الحقيقة توقعت هالتاجر يبي يعطي هالطفل الضعيف على الأقل خمسين ريال او أكثر ... ويوم شفت هالتاجر طلع عشرة ريال وقلت لنفسي يالله عشرة بس والله لو أنا بمكانه عطيته مية.. الصراحة ماوقفت على كذا شفت التاجر يقول للطفل معك صرف:confused: قال الطفل لا ياخال..طبعاً هالتاجر راح يمشي بالسوق ويدور صرف للعشرة!!

يوم لقى صرف جاء عند الطفل وعطاه ريال بس:oo الصراحة مت قهر إلى هالدرجة الشح لو معطيه هالعشرة كان أفضل ويلقاه عند ربه لكن مانقول إلا اللهم لاتجعل الدنيا أكبر همنا...

[كلمنتان]

لا حول ولا قوة إلا بالله

كان حسبها صدقة يلقاهــا عند ربه

[عبدالله الضبيعي]

السلام عليكم
يالغالي هذا ماله وهو حر فيه والمبلغ المتعارف علية 10 او 5 مو 50 انا معك انه معطيه ريال وين ! لكن مفروض يعطيه المبلغ المتعارف عليه ..

[جيل العشرينات]

لايضيق صدرك أما سمعت قول الله جل شأنه (( ومن يبخل فإنما يخل عن نفسه والله الغني وأنتم الفقراء )) فالبخل موجود الكرم موجود والوسطية موجودة الناس ما هو سواء والحمد لله الطفل وغيره لن يضيع يأتي من يكرمه بعد قليل