المساعد الشخصي الرقمي

مشاهدة نسخة كاملة : "عملية الليزك" نصيحتكم وين أسويها؟!


ميمـــــــــــــو
24/8/1431 هـ, 11:21 مساءً
السلام عليكم ورحمة الله وبركاته

مساؤكم سعاده..

أعاني من ضعف البصر وأريد أن أُجري عملية الليزك لكــن
أين في بريده؟
لمن جربوا أتمنى أن يخبروني ماأفضل المستشفيات أو المراكز؟
ومن الدكتور بالذات؟
سمعت من يمدح الحبيب,وحالياً ليس أمامي غيره مارأيكم؟

:f:

نايف2342
24/8/1431 هـ, 11:35 مساءً
ياهلا ويامرحبا بك انا اعاني بنفس المشكلة اللي تعاني منها (ضعف البصر) وانا الان ابسويه ان شاء قبل رمضان بالرياض
المستوصف استشرت كثير من زملائي وهم مسوينه عنده العيادة اسمه عيادة الدكتور يوسف المقبل بالرياض بحي التخصصي الرجل حائز على ثاني دكتور عيون بالعالم العربي واول دكتور بالشرق الاوسط انا رحت لمه وقابلت الدكتور بالصراحة قمة الروعة وكثير ناس يمدحونة وانا استخر قبل ماتسويه ياخوي ميمو
بالتوفيق لك وللجميع

ميمـــــــــــــو
24/8/1431 هـ, 11:42 مساءً
نايف2342
شكراً لردك..الله ييسر أمرنا وأمرك
لكن بكم يسوي العمليه؟
وأنا صراحه ودي ببريده أقرب..
الله يعين

نايف2342
24/8/1431 هـ, 11:50 مساءً
يسوي العملية 6545 ويقول الدكتور حسب كلامه لي انا فية رجال اعمال متطوعين متكفلين لمرضى العيون بنصف القيمة يعني القيمة الاصلية تقريبا 10000 وبعدين ياختي العيون كنز لا تنظرين للقريب لك فعيونك مهمات عند كل شخص والدكتور مضمون ان شاء الله وبعدين حقين بريدة الله يخلف نصيحتي روحي للرياض ازيلك ....

وبعدين مستوصف الحبيب ممتاز مرة لكن اللي بالرياض بس وليس اللي ببريدة لان اللي بالرياض دكاترة على مستوى ومتخصصين بالمهنة
واللي ببريدة كلهم حقين المستشفى المركزي والتخصصي يجون فترات للمستوصف

والدكتور يوسف المقبل انصحك فيه

ميمـــــــــــــو
24/8/1431 هـ, 11:56 مساءً
شُـــكراً لك أقنعتني جداً,شكراً مرةً أخرى
بإذن الله..
سؤال أخير:أود أن تكون العمليه بـ6 شوال
فمتى تقريباً أذهب في الزياره الأولى..؟

أأسف على الإزعاج

نايف2342
25/8/1431 هـ, 12:03 صباحاً
لا عادي لكن ابعطيك الرقم واتصل عليهم وخذ موعد لان لازم تاخذ موعد اللي يناسبك وهم يدقون عليك قبل الموعد بيوم للتذكير بس وبعدين لازم ياخذون فحوصات علشان يعرضونه على الدكتور ويقرر هو الدكتور اي نوع من انواع العمليات تصلحلك لان فية انواع كثيرة

الرقم /014889900 او 014889911
بالتوفيق

نايف2342
25/8/1431 هـ, 12:04 صباحاً
اي استفسار

صفقة هواء
25/8/1431 هـ, 12:06 صباحاً
انا سويتها بمستوصف البركة بعنيزة عندالدكتور متعب الشعيبي بــ 6500 ريال تقريبا .. عملتها قبل 4 سنوات

والحمد لله تخلّصت من النظارات .. والنظر إلى الآن لم يتغير بفضل الله

اذكر الفحوصات مجانية اذا قرر يسوي العملية ... لكن اذا فحص بس بـ 300 ريال

ميمـــــــــــــو
25/8/1431 هـ, 12:09 صباحاً
نايف2342
قل آمين الله يجزاك الجنه ووالديك

ميمـــــــــــــو
25/8/1431 هـ, 12:12 صباحاً
صفقة هواء

الله يجزاك خير
راح أستخير بإذن الله
الله ييسر..

بقايا ذكريات
25/8/1431 هـ, 12:38 صباحاً
أختي الكريمة ,دوما أقول هنا في المنتدى لمن يسأل عن العيون .. بحكم تردادي على مدى سنوات طوال لمستشفيات العيون والعيادات , وقد أجريت عمليتين لعيوني واحدة زرع حلقات والأخرى ترقيع للقرنية , عملية جراحيه , وهي عمليات دقيقة وصعبه , وتحتاج لإستشاري ماهر وذو خبرةٍ طويلة بهذا المجال , ورغم مروري على عدة إستشاريين , أستقريت بحمد الله على دكتور من أهالي بريدهـ هو الإستشاري [ عبدالله الطرباق ] .. بمستشفى الملك خالد في الرياض , وهو كبير إستشاريين المستشفى هناك ومدير برنامج التنسيق في المستشفيات بالمملكة , وله زيارات في مستشفى الحبيب ببريدهـ ويجري فيها عمليات أيضاً, ويقوم بإجراء كل العمليات ترقيع قرنيه وليزك وليزر وغيرها , قومي بالإتصال بمستشفى الحبيب ببريدهـ وأخبريهم عن موعد حضور الدكتور لهم , وهذا يريحك من عناء السفر إلى الرياض مادام الدكتور له زيارات لبريدهـ , و يتميز الدكتور بروحه الطيبه وتفهمه وكفائته العالية بهذا المجال وسيعطيك الأفضل لك في العملية حينما يرى عيونك .

لفتة لا تتأخري في معالجة عيونك , فكل تأخير يزيد حجم المعاناة

بالتوفيق لك ..

ميمـــــــــــــو
25/8/1431 هـ, 12:57 صباحاً
بقايا ذكريات
صدقت التأخير يزيد المعاناة
الله يجزاك خير وييسرلك أمورك
الله يعين ويكتب اللي فيه خير..

كايف
25/8/1431 هـ, 03:07 صباحاً
انصح وبشدّة اجراء العملية عند الدكتور محمد الحوّاس في مستشفى الحرس الوطني بالرياض وسعر العملية معقول بالنسبة لغيره وهي 5500 ريال وأعرف 3 من الأصدقاء أجروا العملية بنجاح قبل سنة من الآن .

&المسبار&
25/8/1431 هـ, 03:19 صباحاً
لا تهور عندي لك واحد فلته استاذ برفسور اسمه محمد ضافر اسم محله مركز طب عيوني عند جهاز متطور على مستوى الشرق الاوسط سوى لناس اعرفهم وامورهم زي الحلاوه احد اخواني راح لمه يبي يكشف على عينه سبق ان انفجر فيها صاروخ العاب ناريه ولاعلمه تفاجاء انه يقول له عندك مشكله بعينك الثانيه اكثر من اللي كان يتوقع ان فيها مشكله مشى معه للعلاج واموره زينه وبعدها جاب زوجته وسوى لها عمليه ليزك هذا الكلام قبل سنتين بالنسبه لاسعاره معقوله جدا من 4000الى 5000 ودائما يسوي تخفيض احياننا اقل اسمه مركز طب عيوني مقابل الاماره في بريده عند دوار المؤيه بس احرص ان يكون نفس الدكتور اللي يسوي لك العمليه صاحب المركز واهم شي ما بصير عندك سكر وان كان عندك افحص قبل ماتجيه وصدقني انه احسن من اللي مسوين زحمه وياخذون مبالغ كثيره على شان المباني والدكيورات

سيدة بريدة
25/8/1431 هـ, 04:42 صباحاً
انا اختي مشطبه( ليزك) عند الحبيب الي بالرياض والحمدلله مره ارتاحت
يمكن لها 4 سنوات

بحر الهناء
25/8/1431 هـ, 05:09 صباحاً
عبد الله الطرباق بالحبيب ممتاز

وغالبا ما يحدد ليزر لانه بعدين لو قدر الله و
وضعف نظرك تقدرين تسوين ليزر مره ثانيه
بعكس اليزك

وترى العمليه مره سهله
واي دكتور ان شاء الله راح تنجح اذا كانت عيونك سليمه
يعني القرينه مو مخروطيه او مشاكل زي كذاا

بس نصيحه اكشفي عندكم دكتور علشان يحددولك ليزرولا ليزك
احسلك وشي300 بسبيل سلامة عيوني
لان بعض الدكاتره يقرلك ليزك لانه اغلى من اليزر

عبدالعزيز إبراهيم
25/8/1431 هـ, 05:11 صباحاً
ما فيه دكتورة شاطرة في العيون كلهم رجال أفا يالحريم بس

الورد الجوري
25/8/1431 هـ, 10:00 صباحاً
قريبه لي سوت عند عبدالله الطرباق بمستشفى الحبيب ببريده
والحمدلله ماشيه تمام التمام وانا ودي اسويها عنده اقرب لي لكن
الكل يقول لا روحي بالرياض احسن....
اذا سويتها خبريني الله يخليك لاني ناويه اسويها اخر شوال ان شاء الله...



الله يشفيك ويشفيني والمسلمين اجمعين.....

ميمـــــــــــــو
25/8/1431 هـ, 04:24 مساءً
كايف
شكراً لك فعلاً معقول
جزيت خيراً




&المسبار&
شكراً لك
مركز طب عيوني دائماً أقرأ إعلاناته
بس ماانتبهت له
الله يجزاك خير

ميمـــــــــــــو
25/8/1431 هـ, 04:32 مساءً
سيدة بريده
مشكوره
الله يعطيك العافيه




بحر الهناء
أها يعني لابد أكشف كذا مره
الليزر أحسن برايك!
الله يخليك مشكوره على إضافة المعلومه..

ميمـــــــــــــو
25/8/1431 هـ, 04:42 مساءً
عبدالعزيز إبراهيم
فعلاً,فيه إحراج للنساء
جزيت خيراً




الورد الجوري
آمين يارب
عبدالله الطرباق يبدو أنه ممتاز..
بإذن الله ياأختي

ملاك الغلا
26/8/1431 هـ, 03:26 صباحاً
وعليكم السلام ورحمة الله وبركاته

اول شي تسوين اشاعه لعيونك وتشوفين وش اللي يناسبك قيمه الاشاعه عند الحبيب 450ريال تقريباً
من غير قيمة دخولك على الاخصائي

وفيه الدكتور عمار مقيم بمستشفى الحبيب ببريده زرته حلو
ومثل ماذكر لك الدكتور عبدالله الطرباق له زيارات كثيره بمستشفى الحبيب

والاستشاري الموجود بمركز طب عيوني ممتاز من ناحية الكشف نفس الكلام اللي قاله لنا
قيل لنا من اكثر من استشاري بالرياض

وبالتوفيق

ميلان القلوب
26/8/1431 هـ, 12:22 مساءً
من خلال تجربتي من سنه سويته عند الدكتور يوسف المقبل بالرياض
والحمدلله كل شي تمام وانصحك وبشده تسوينه عنده لانه خبره مثل ماقالك الاخ نايف
وانا مارحت الا من تجربة اقاربي عنده وحده له اكثر من عشر سنوات مسويه عنده
والحمدلله كل شي تمام

بسمة وافي
27/8/1431 هـ, 03:34 صباحاً
فيه الدكتور طارق الدباسي تبع الحرس الوطني فيه عيادات تخصصية
مره حلو
عسى الله يدبرك على الصالح

برووكي
27/8/1431 هـ, 03:44 صباحاً
الله يعينك الله يشفيك

برووكي

ميمـــــــــــــو
27/8/1431 هـ, 07:00 صباحاً
ملاك الغلا
أنتِ أول شخص يرد السلام:)مشكوره
الله يعطيك العافيه




ميلان القلوب
شكراً لردك
الله يجزاك الجنه

ميمـــــــــــــو
27/8/1431 هـ, 07:02 صباحاً
بسمة وافي
مشكوره على الرد
ياحياتي آمين يارب




برووكي
آمـــــــين يارب
الله يوفقك دنيا وآخره

ابو خرخير
29/8/1431 هـ, 12:10 صباحاً
ما عمري سويتها

albtool
9/9/1431 هـ, 09:41 صباحاً
مستشفا الحبيب ((بالرياض مو ببريده ))

حلوو مره ،،

الحلة464
9/9/1431 هـ, 04:27 مساءً
الدكتور منصور فاروقي بمستشفى الحبيب يجي 3 ايام في الأسبوع
إذا كانت ليزك فقط كل المستشفيات تصلحها عااادي

مدلوقة
10/9/1431 هـ, 05:51 صباحاً
منصور المحيميد بالحبيب ممتاز سويت عندةولاشفت الاالعافية

ميمـــــــــــــو
7/10/1431 هـ, 03:59 صباحاً
شكراً لكل من رد
الحمدلله سويتها يا(ورد الجوري)عند المقبل

متصفحة
7/10/1431 هـ, 05:15 صباحاً
الحمدلله على السلامة ..

والعقبى لنا

ديـما
7/10/1431 هـ, 10:17 صباحاً
الحمد لله على السلامة

ميمـــــــــــــو
7/10/1431 هـ, 08:36 مساءً
متصفحه
الله يسلمك..آمين يارب

ميمـــــــــــــو
7/10/1431 هـ, 08:38 مساءً
ديما
مشكوره .. الله يسلمك

24uc
7/10/1431 هـ, 09:27 مساءً
السلام عليكم

ماشاء الله لاقوة الا بالله

الحمدلله على السلامه

ابسالك

كيف تشوفين العمليه زينه وفيه فرق والا

وش نوع العملية اللي سويتيها ووش الطريقه ووش الكشوفات اللي سويتيها
وبكم تكلفة العمليه شامله الكشف الخ

لاني ناوي اسويها ومحتار بين المقبل والجبير تسلمين


ويعطيك العافيه

Abu hmid
8/10/1431 هـ, 11:15 صباحاً
انصحك اما تسوينها عند يوسف المقبل او محمد الحواس
اما طب عيوني احذري تروحي له