التخصصي ببريدة ومايفعلون..؟؟؟؟

[,, k7l 3eeny ,,]

:117: أخـــــــــــــــــــــــــر خبــــــــــر

السلام عليكم أنا اول مرة اشترك بمنتدى بس اللي صار لي رفع ضغطي..

تخيلو لي شهرين حاجزة موعد عند دكتور الجلدية الدكتور صالح أباالخيل بالتخصصي وأجلنا سفرنا علشان هالموعد ويوم رحت ....؟؟؟ وبعد إنتظار ساعة ونص بالإستراحة دخلون على دكتورة مصرية والله كانن ثنتين سألت وين الدكتور قالوا مسافر :i121 شفتوا الاستهتار بالمرضى صارلي شهرين احتري هالموعد والأخ مسافر عســـــــــــــاوه مايرجع المهم دخلت وأخذت العلاج وطبعن كل وحدة تسأل الثانية وش نعطية علاج تسني فار تجارب

كلمت المشرف ابشتكي قال ياشيخه لتس اللي تبين إذا لقيتيه .. وسألن هل اللي دخلت عليه مصريه ولا لا وقال السعوديين عندنا لهم عيادات برا المستشفى والمصرية تغطي عليهم وكلمت المدير وقال تعالي خوذي خطاب شكوى وحنا راح نتابعك مع الدكتور ومالك الا اللي يرضيك !!

والله انهم مالقوا احد يربيهم وين المسؤليين بس ياخذون هالمعاشات على الفاضي الله لايحللهم"

[ابو خرخير]

كفوووووووووووووو شدي عليهم


والله استهتار قمه الاستهتار بالمرضى

[ξــزتــےِ مَالهَـآ כــد]

الله لايحللهم ع هالاستهتار
الله لهم وانا وخيتس

[حبي الدائم]

وأخذت العلاج وطبعن كل وحدة تسأل الثانية وش نعطية علاج
{{تسني فار تجارب}}؟؟؟؟؟؟


وين وزير الصحه الدكتور عبد الله الربيعه عن التخرصي
والله شي يقهر يا وزير الصحه وينك عن الاستهتار الي في تخرصي بريده الصراحه بالفعل صارت اروح المرضى تخرص عندكم لا تسكتين عن حقكك وارفعي شكواك لله قبل كل شي وبعدين ارفعي خطاب للوزير عشان يوقفهم عند حدهم وانا اشك اذا احد سمع لشكواك غير ربك لكن ترى بالفعل اجل وانا اختس وحده منكسره رجله تروح لمهم يعطونه علاج حموضه للمعده وش الإستهتار حسبي الله عليهم والمدير ساكت عنهم
الله لا يوفق من تلاعب بارواح المرضى والمسلمين
اجل يا وزير الصحه صرنا تجارب مثل الفار عند التخصصي وينك عنهم تراك بتسئل يوم القيامه عن الاهمال هذا والله يعينك يوم لا ينفع لا مال ولا بنون والله يصلح حال المسلمين امين

[hsdt]

المسؤليين

في سبات عميق

[نايف2342]

مالك الا المستوصفات الاهلية يحطونك بعيونهم صحيح ياخذون دراهم واجد بس تحس بانواع الاريحية

[قناعتي سر صراحتي]

والله ياهالمستشفيات مالقوا احد يربيهم
شافوا كلن مسكت قالو وش ذا حسه
مابه ولا مستشفى يفتح النفس اللهم لك الحمد والشكر
مير التخصصي الزفت رايح وطي ...ابيي ياعمري رجله عقب الحادث لاعبين به لعب واخرته اللحين بيكمل سنتين ماجبرت ود/بشار اللي مايدري وين الله حاطه يقول مع الاسف مانجحت العملية تبي نزينلك عملية ثانية ابوي اخذ وريقاته وسحب عليهم يقول الله لايوفقهم كلهم مدشرة
انا مادري وين الربيعة عن هالمستشفى بالذات لاطوارئ ولادكاترة ولا خدمة...عض ثوبك وهجيج.......

[أبو برق]

عليك بهم بس

[المشاغبة]

لا والأردى بعد الطوارىء زفت حتى لو الحالة (ربو) يرصونك سنة لمين تخلص الممرضة
إلا من رحم الله,,

[تريكي 00]

مالك الا المستوصفات الاهلية يحطونك بعيونهم صحيح ياخذون دراهم واجد بس تحس بانواع الاريحية

والله كلامك صحيح او تدبر واااااااااااسطة للتخلصي

[دورآآآ]

والله تتكلمون ولا ماتتكلمون
مافيه فايده !!!
الله كريم

[ابو خرخير]

الله المستعان

[ديمااا]

عادي توك تدري
ان ااكلت علاج غلطانا وجدتي بعد بغت تموت
التخصيص مافيه احد متابع
ماقول غير ربي لاسامحهم ولاحللهم يارب

[دورآآآ]

اجل ابوي تعب ووديناوه للتخصصي يقول ماجا لمي الدكتور
بس اللهم هالسساتر يدخلن ويطلعن
ماعندك احد !!!

[نظام ساهر]

يجماعه انا قبل يومين حطيت خبر عن قريب لي اقول للاخوان ادعوله

والله انه داخل التخصصي صاحي وعمره 29 سنه ولا لقو له سرير وخلوه لما مات عندهم حسبي الله عليهم والله ياجماعه ان التخصصي انه يدخله الشخص متعافي وينقل للمقبره

ومدير الشئون الصحيه المكلف الله يكلفه بما لايستطيع جاه مواطن اخوه تعبان ومحتاج عنايه وقاله مالك سنع عندي رح لكلم الشرطه تشيلك حسبي الله عليهم

اتمنى من اهل الخير ان يتبرعو برفع دعوا قضائيه على مستشفى التخرصي

[M 2]

أوسخ مستشفى !!

[ابوحنان 1]

لا لتروح لمركزي والله مهزله والله مات 3 ومنهم جدي الله يرحمه بختنق البلغم لو تشوف وشلون يحولون انقاذه والله مودي اقول شي

[غــــ م ــــوض]

هي وقفت على إستهتآرهم بالموآعيد !!

تهون عند إستهتآرهم بأروآح النآس

روحي شوفي وش يسوون بكبآر السن تهون عليك مصيبتك

حسبي الله عليهم بس

[كتكوتة]

خخخخخخخخخخخ
اجل وش تقولين اختى امس لها موعد مع استشاري بالرياض معطينه الموعد من شهرين..وضاربة مشوار عشانه ويوم دخلت قالوا مسافر..وجاه دكتور ثاني..وانقهررررررررت لان تبي الاستشاري..
طيب ليش مايقول للكناتر انا باخذ اجازة في شهر 8 لاتعطونهم مواعيد؟؟؟؟؟؟

[كتكوتة]

فوالله اني اعرف ناس دخلو يمشون للتخصصي وطلعوا للمقبره.

[طموح مشرق]

للأسف باتت مستشفياتنا الحكومية مهملة لإبعد حد..

فما لك إلا المستشفيات الاهلية..لتلقي العناية الفائقة..

[اربع ورق]

الله يخلف بس

[ممدوح الطرس]

اكثرالمسؤليين

في سبات عميق

[مفارق ضنين]

الربيعه ناجح كاجرااح

اما كعمل اداري فاااشل بدرجه امتياز مع مرتبه الشرف

[الوساااام]

والله شي يقهر

حسبنا الله ونعم الوكيل

[الوساااام]

يجماعه انا قبل يومين حطيت خبر عن قريب لي اقول للاخوان ادعوله

والله انه داخل التخصصي صاحي وعمره 29 سنه ولا لقو له سرير وخلوه لما مات عندهم حسبي الله عليهم والله ياجماعه ان التخصصي انه يدخله الشخص متعافي وينقل للمقبره

ومدير الشئون الصحيه المكلف الله يكلفه بما لايستطيع جاه مواطن اخوه تعبان ومحتاج عنايه وقاله مالك سنع عندي رح لكلم الشرطه تشيلك حسبي الله عليهم

اتمنى من اهل الخير ان يتبرعو برفع دعوا قضائيه على مستشفى التخرصي

حسبنا الله ونعم الوكيل
هل تعلم ان الشركة الي متعاقدة مع التخرصي لها نسبة ربحية من كل
وفات تتجاوز 4000 ريال لكل ميت ..!

اطلع على نظام العقد بالشركة وتعرف كل شي .. أو اسأل موظف قديم بالتخرصي ويعطيك العلم ..!

[شمعة زماني]

ومــــــــن قـــال لــــــــــــــــــك انـــــــــه مستــــــــــشفـــــــــــــــى التــ ـخـ ــصـ ــصـ ــي
هـــو مــــستـــشفى الـــتخــرصــــي يدخـــــــــل الواحـــــــــد يمــــــــشي ويطـــــــــــلع جنـــــــــــــازه مســــــــتشفـــــــــيات بــريــــــده عـــمومـــن اخـــــــرطـي بـــــخــرطي
دخل ابوي يمشي على ارجوله وحطو فيه امراض من مخيلتهم وطلع على مسؤليته والدكتور واقف عنده يقول له ياابني مش حتوصل المصعد حتموت عنده والان ابوي طيب الله يديم عليه صحته والكلام مضى عليه قرابت 15 سنه وراح لهم ثانيه بعد مده وقالو له لك مهله ثلاث شهور وبتموت
لــكـن مــانقــــول الا الــــلــه يصـــبرنــــا عليـــــهــــن
حـسـبـنـا الـلـه وهـو الـنـعـم الـوكـيـل

[حسبي الله وكفى]

فعلا مافي إهتمام بالمواعيد ودقة الوقت والله يعين الجميع ويشفي الجميع لكن الله لايحيجلهم

[طالب عفو ربة]

عادي توك تدري
ان ااكلت علاج غلطانا وجدتي بعد بغت تموت
التخصيص مافيه احد متابع
ماقول غير ربي لاسامحهم ولاحللهم يارب

[صعبة مراس]

تصدقون بعض المستشفيات اللي برى مافيه أصلآ كراسي إنتظار لأن مستحيل المريض ينتظر ومن العار إنه يجلس ينتظر وهو تعبان ....نظام بشكل فضيع والأطباء متوفرون بكثره
الله يخلف علينا بس .......... ولا تسكتين عن حقك طالبي الصراحه قمه في الأستهتار والتلاعب
وأسأل الله لك العافيه

[,, k7l 3eeny ,,]

أشكر كل اللي تفاعلوا مع الموضوع .. أنا ادري أنه مافيه فايدة من الشكوى بس ماراح اترك حقي وبشرشحهم لين يعرفون ان الله حق ":033::033:

[Abu Saleh 99]

لا حــــــــــيــــــــــاة لــــــــــمــــــــــن تـــــــــــنـــــــــــادي

[رأي فني]

هههههههههههههههههههههههههههه
اول شي حتى الان انا ماشوف فيه خطا بالموضوع الدكتور وبأجازه يعني يداوم طول عمره عشانكم وهو وعياله بالطقاق.
ثانيا شافك دكتوره انت الحين يوم انك تسب وتقول مصريه جربت العلاج حقها شفت النتائج بعدين تكلمت ولا بس فاضي وودك تكتب موضوع
ثالثا اذا كان الدكتوره تسأل وش نعطيه علاج فهذا شي عادي جدا لانه العلم ولله الحمد متطور وفيه اكثر من نوع للادويه
اقول احمد ربك على العافيه ولا تقعد تدعي على الناس وتفسر على كيف امك انت وياه ترا وراكم حساب

[خازوق بريدة]

فقط للتوضيح الدكتور صالح اباالخيل لم يعد يعمل بالمستشفى منذ سنتين لانه يعمل كمعار بمستشفى القصيم الوطني كمدير طبي يعني انه لم يكن باجازه ولايحق لك ان تدعين عليه بعدم الرجوع بالسلامه ؟؟؟؟

[طهر المطر]

الله المستعااااان...ودي

[شوشه]

اقول يقاله مستشفى:mad:

[روح الدواسر]

هههههههههههههههههههههههههههههههههههههههههههههه

وشولوة تروحين لمهم اصلن

انا كليتي التهااب شديد يقولون سليم
والموعد من شهر الا شهر
الشهر الاول ماعطون شي الشهر الثاني يوم اني جيت قال وين التحليل:oo طيب يابن الذينا كان قلتلي من قبل بعدين قال اطلعي حللي وتعالي بعد شهر:i121 يوم جيت بعد شهر قال وين الاشعة قلت اي اشعة :i121:i121:i121:i121 بالله مايجيبون الجلطة

[نفسي أطير]

كفو يابنت الرجال وريهم الشغل

[حبي الدائم]

فقط للتوضيح الدكتور صالح اباالخيل لم يعد يعمل بالمستشفى منذ سنتين لانه يعمل كمعار بمستشفى القصيم الوطني كمدير طبي يعني انه لم يكن باجازه ولايحق لك ان تدعين عليه بعدم الرجوع بالسلامه ؟؟؟؟

لي مداخله بسيطه على الكلاااااااام الي تقوله اذا كان الدكتور له سنتين ما يجي للمستشفى اجل ليه يعطون المرضى مواعيد؟؟؟؟؟؟؟؟
هذا دليل انك من إدارة المشفى او من اقرباء الطبيب ياليت فقط تشرح لنا هذا الاستهتار بالمراجعين
لماذا يتم إعطى المرضى موعد اذا الطبيب مو موجود بالاصل او تمويه ؟؟؟؟ وبعدين يوم تقول انه بمستشفى القصيم الوطني يعني تُخبر المرضي بذهابهم للخاص من اجل المااااااال تسوي دعايه ؟؟ وبعدين يحق لكل مظلوم الدعاء
وين الدكتور عبد الله الربيعه عنكم ؟؟؟
يا صاحبت الموضوع ارفعي الشكوى لله سبحانه
والان نريد بالفعل رفع شكوى ضدهم على التسيب اصبح الخطاء فادح إعطائك موعد والطبيب مو موجود ؟؟؟؟؟؟؟؟ اكشفي الاستهتار الموجود لديهم وياليت الكل يتفاعل مع المرضى قال ما داوم له سنتين ؟؟؟؟؟

[,, k7l 3eeny ,,]

مرحبا .. ردآ على خازوق بريدة ورأي فني !!
أنا احترم كل الأراء بس الدليل انه فيه تلاعب انك تقول انه له سنتين ماداوم وانا قالوا لي اجازه وبيرجع وعطون موعد ثاني عنده وقالوا أكيد انه بيداوم حتى المدير قال انه بيداوم بعد فترة ..؟؟:117: يعني التلاعب عيني عينك وانا ماجبت شي من عندي هذا اللي صار "
ومن قال لكم اني مارحت للمستشفى الاهلي بس هذا الدكتور مدحوه لي بس الظاهر ماصدقوا اللي مدحوة .. وانتم احكموا اذا الغلط منه ولا من المستشفى ؟؟ انا قلت اللي صاااااااااااار " :056:
ومهما صـــــار المريض هو المظلـــــــــــوم دائمآ

[سيار نجد]

تسني فار تجارب ههههههههههههههههه
اقول , تسانتس عندتس قروووش روحي لمستشفى خاص واذا ماخدمنتس القرووش الحين متى يخدمن بلا تخرصي بلا نيله ..

[خازوق بريدة]

حبي الدائم .... وان كنت قريبا للدكتور ابالخيل فهل هذا مسبة او عيبا بل هوشرفا ؟!!!
بعض الناس يكتب بجهة والموضوع بجهة اخرى .... الركاده زينه

[يوسف 2000]

اهتمامهم فقط بالترزز والحصول على الدروع والشهادات المزيفة والمزورة والملفقة وحسبنا الله ونعم الوكيل عليهم وعلى كل مسؤل لم يقم بواجبة وجالس بمكتبة وسواليف وشرب شاهي واجتماعات خرطي .
بعد حصول المستشفى على شهادة الاعتماد ... الدكتور الخراز يشيد بجهود مدير مستشفى الملك فهد التخصصي
التقى مدير عام الشئون الصحية بمنطقة القصيم الدكتور صلاح بن محمد الخراز بمقر مكتبه بالمديرية امس مدير مستشفى الملك فهد التخصصي ببريدة الدكتور يوسف المنصور بحضور نائب مدير المستشفى الاستاذ زيد العجلان والمدير الطبي بالمستشفى الدكتور احمد السلوم وذلك بمناسبة حصول مستشفى الملك فهد التخصصي على شهادة جودة الاعتماد المركزي (cbahi) بعد خضوعه لأكثر من (881) معياراً دولياً شملت كل الأنظمة والخدمات الصحية التي تقدم للمرضى بجودة عالية وعلى درجة عالية من الأمان .
وأشاد سعادة مدير عام الشؤون الصحية بمنطقة القصيم الدكتور صلاح الخراز بجهود منسوبي المستشفى وعلى رأسهم الدكتور يوسف المنصور التي بذلت للحصول على شهادة جودة الاعتماد المركزي .
من جهته ثمن مدير مستشفى الملك فهد التخصصي بمدينة بريدة الدكتور يوسف بن صالح المنصورلمدير عام الشئون الصحية بمنطقة القصيم الدكتور صلاح الخراز جهوده ودعمه اللامحدود ومتابعته المستمرة في حصول مستشفى الملك فهد التخصصي ببريدة على شهادة الاعتماد ، وتوفير كافة الإمكانات والأجواء الملائمة لرفع مستوى الإنتاجية على أكمل وجه وبجودة عالية .
وفي نهاية اللقاء قدم الدكتور يوسف المنصور درع تذكاري لمدير عام الشئون الصحية بالقصيم الدكتور صلاح الخراز بهذه المناسبة .

[((ابوعبدالله))]

زين انتي شهرين
انا اعرف واحد الموعد بعد ستةشهور

لكن مالك الا المصتوصفات
والا المستشفيات الاهلية
الموعد يخليه اذا طول بعد يومين

[أم كناااااان]

عليـــــــــــــــــــــــــــــــــــــــــك فيــــــــــــــــــــهم:i121

اشتكيهم والا انا بشتكي



تقبلي مروري

[عبدالله سليمان ف]

الله يشفيك ويلبسك ملبس العافية
بس ياليت ماتدعون على أخوانكم المسلمين
والناس تعاني من المراكز الخاصة بعد في هذا الشي
ولكن لعلها تكون هي الخيره
وليس الطبيب المعالج ولكن هو الله سبحانه وتعالى(f)

[المنذبح]

يااختي انا اخيتي راحت للتخرصي تبي الدكتور عبدالله المسعود عطوهـ موعد بعيد بعييييييد بعييييييد ماتشوفينه اوومير وقالوا بعد تراهـ الدكتور صالح ابالخيل عبدالله المسعود مادري وش سالفته ... همر تسحب عليهم وراحت لم عبدالله المسعود بالعيادهـ حقته ... وتعالج عندهـ بارق وافضل الخدمات ...

[أديب المجلس]

الطوارى بالتخصصى بحاجة الى غربلة في الاداريين بحيث يتم وضع مناوب ادارى جامعى ولدية خلفية وخبرة بادارة المستشفيات ويكن ذو خلق رفيع وتعامل حسن وان يكرس جهده ويتفانى للعمل خارج الدوام الرسمى بعكس بعض الموجودين الذي تشاهد اغلب وقته مشغول بالجوال والتحدث مع الغير مع التنبية على المناوبين بعدم لبس مايلفت النظر كالثوب الضيق او المطرز او شعرة طويل وخلافه لكونه بمستشفى وتصرفه ينعكس على هذه الدائرة المهمة والذي يرتادها على مدار الساعة مراجعين تمر بهم ظروف صعبة وان يكن ملم بالتعامل مع جميع شرائح المراجعين وان يتحلى بالصبر حتى لاتحدث مشاكل مع المراجعين المستشفى في غنى عنها والسلام

[,, k7l 3eeny ,,]

مرااااااااحب ياحلوين .. ردآ على المنذبح انا اراجع بأهليات وكنت عند المسعود بعيادته بس اباالخيل مدحوه لي وعلشان كذا اخذت عنده ولا انا كنت ابي دكتور ثاني عندهم بس قالوا هذا احسن ...!!
والله حنا نسمع من هالناس وماندري منهو الزين :108: على قولة صقيقتي طنش تعش تنتعش ههههههههههه

[حنونه في زمن قاسي]

الله المستعان

[زهرة بيتى]

مالك الا المستوصفات الاهليه
ادفعى 250 ريال واطلبى اللى تبين

[ممدوح الطرس]

عليك بهم بس

[ضفاف القلم]

الله يعين ...

[فلونه]

اولا :اخيتي تراا فييه ناس مالهم دخل بالدكاتره يعني لاتعمين الدعاء على المسؤلين وهذا شي انا متاكده منه

رووحي للفليو دكتور يمنني ووالله كشفه زين اذكر جاان حساسه بجلدي بسبب معجون اسنان ورحت لمه وعطان علاج 3 ايام وراحت الحساسيه وولله الحمد وان شاء الله افكر ارووح لمه اعالج حب الشباب عنده

[فلونه]

مرااااااااحب ياحلوين .. ردآ على المنذبح انا اراجع بأهليات وكنت عند المسعود بعيادته بس اباالخيل مدحوه لي وعلشان كذا اخذت عنده ولا انا كنت ابي دكتور ثاني عندهم بس قالوا هذا احسن ...!!
والله حنا نسمع من هالناس وماندري منهو الزين :108: على قولة صقيقتي طنش تعش تنتعش ههههههههههه

سمعت عن المسعوود وين عيادته تكفييين بجرب ارووح لمه اشوف يمدحوونه

[A-ZEZO]

شدو عليهم

[ابوغرام]

ياختي اذاكنتي صادقة باللي تقولين واصلي شكواك صدقيني بتشوفي نتيجة بس لاتوقفي الشكوا ارفعيها للشئوون الصحية .( واسألي مجرب ) لو كان كل واحد يواجة مشكلة بالمستشفيات او المستوصفات يقوم بشكوى للشئون الصحية ماكان صارت الصحة عندنا كذا كان صارت احسن ..............

[السنيوريته]

حسبــــــي الله عليهم من جد يرفعوون الضغط
ه

[السنيوريته]

التخرصــــــي ذا موب التخصصي
اجل انثبر انا واختي وربي من الساعه1 الى 5 الفجر بس عشان <ربـــــــــــــــــــــوو>
الله يعين بس مافيه فايده اشتكينا ولا قعدنا؟؟