المساعد الشخصي الرقمي

مشاهدة نسخة كاملة : ياحسافـة يامنتـــزه بريــــدة ماتوقعت زي كذا ....!!!

حمد العبدلي #
19/8/1431 هـ, 05:44 مساءً
السلام عليكم ورحمة الله وبركاته ,,,,
تحية عطرة لاعضاء وزوار هاذا المنتدى المحـــترم ,,,

ماودي اطول بالموضوع ....

امس بالليل طلعت انا واهلي للمنتزه ((الهديه اللي عند الكبري )) وياليتي ماطلعت للمنتزه بصراحه شفت مناظر حسيت ان حنا بلاس فيقس ولا بلندن ...

السالفه ومافيها اخذت بنت اختي الصغيره تبي ايس كريم من السيارات المتنقله بالمنتزه اللي بالشارع اللي فوق المنتزة اللي مافيه إناره اول ما طلعت للشارع والقى انواع الشباب ودوران سيارت وبنات يصارخن ويتضحكن مع بعض بصوت عالي واللي تركض واللي مسويات عصابة مع بعض من غير الشباب اللي رايحين راجعين بالطريق واللي قهرني زود واحد معه رقمه بورقه ويدف بنت يبيها بالغصب تاخذ الرقم اخ يالقهر بغيت اتوطا في بطنه بس الصراحه هو اكبر مني ومعه خويه اخ يالقهر بس والله مافيه لاهيئة ولامطاوعة ولا إنارة ولاشي المشكلة انه عالم يعني المفروض فية إنارة عشان محد يتجرأ انه يرقم او يزعج احد وانا ماكتبت الموضوع هاذا الاعشان اناشد اهل الخير ورجال الحسبة انهم مايغفلون عن مثل هاذي المنتزهات لأنه بصراحه المنتزة حلو ويلم اهل بريده من كل جهة تكفون تكفون تكفون ياأهل الخير ويارجال الحسبه مالنا ألا الله ثم انتم ولا المسعورين الله يخلف اقصد المسئولين ,,,,, وتحياتي ((أشهد الله على مارأت عيني بالمنتزة))
مانشستراوي
19/8/1431 هـ, 05:52 مساءً
ياخوي كل من هب ودب
كتب عن المنتزه وبدأ يألف قصة مكسيكية
ومره قصة هندية ومره ومره ومره الخ

يعني السراحة اللي بيسمعكم بيقول ان كل زاوية ببريدة به شباب وبنات يرقمون بعض
ملينا وحنا ندور
رحنا لكل المنتزهات والاماكن العامة
ماشفنا اللي انت تقول

يعني بالعربي انت واشكالك من المتخلفين
بس وده يكتب ويحط موضوع كذا يعني وده ينبسط

الحمدلله والشكر
اصبح الصغير والكبير يكتب ويبربر علينا من خياله
ويقول شفته بالمنتزه الفلاني ومدري ايش

ولا بعد صارت كلمة(والله على مااقولة شهيد)
كأي جملة تنقال
كل من حط مضوع خيالي وتسذب طبعا
قال هالجملة

الحمدلله والشكر بعض الناس مرضى

اسمحولي على صراحتي
لكن وربي هذا الواقع
وصاحب الموضوع يستاهل السب والذم

وشكرا
صعبة مراس
19/8/1431 هـ, 05:53 مساءً
الافضل إنك كلمت الهيئه مباشره ضروري كل واحد يحمل في جواله رقم الهيئه
من ضمن الارقام اللي في الجوال انا اعرف البنات قليلات ادب إذا شافن شباب يحبن يلفتن إنتبههم خاصه إذا كانن راعيات حركات وقلة حياء الله المستعان .
ونشكرك على إهتمامك وغيرتك أخي
صالح التميمي
19/8/1431 هـ, 06:03 مساءً
اخوي مانشستراوي شكلك ماتطلع لمنتزة الهدية او انك تطلع الظهر الساعة 2 وتبي الناس فيه حبيبي يوم الأربعاء الماضي لليلة الخميس إلا بلاوي زرقا وقلة ادب بس مو معنى هذا ان بنات بريدة وعيالهم كلهم فسدو لا لان الكل يعرف اننا بالأجازة الأن وفيه ناس من خارج بريدة ولاحد يفهم كلامي اني ابرئ اهل بريدة لا كل بلد فيه الصالح وفيه الطالح
وللمعلومية اخوي لما كنت موجود كانت الهيئة موجودة وعلى فكرة يأخي الأمر بالمعروف والنهي عن المنكر مو بس لرجال الهيئة عامة الناس مفروض يقومون بالدور هذا (ودائما المذنب ذليل)
دمتم بخير
حمد العبدلي #
19/8/1431 هـ, 06:05 مساءً
ياخوي كل من هب ودب
كتب عن المنتزه وبدأ يألف قصة مكسيكية
ومره قصة هندية ومره ومره ومره الخ

يعني السراحة اللي بيسمعكم بيقول ان كل زاوية ببريدة به شباب وبنات يرقمون بعض
ملينا وحنا ندور
رحنا لكل المنتزهات والاماكن العامة
ماشفنا اللي انت تقول

يعني بالعربي انت واشكالك من المتخلفين
بس وده يكتب ويحط موضوع كذا يعني وده ينبسط

الحمدلله والشكر
اصبح الصغير والكبير يكتب ويبربر علينا من خياله
ويقول شفته بالمنتزه الفلاني ومدري ايش

ولا بعد صارت كلمة(والله على مااقولة شهيد)
كأي جملة تنقال
كل من حط مضوع خيالي وتسذب طبعا
قال هالجملة

الحمدلله والشكر بعض الناس مرضى

اسمحولي على صراحتي
لكن وربي هذا الواقع
وصاحب الموضوع يستاهل السب والذم

وشكرا

ياخوي ليش محرق اعصابك انت الحين ماعجبك الموضوع اكتب الموضوع ماعجبني وريح نفسك من كل هالسب والشتم وبعدين انا الحمدلله ماتربيت على الكذب واقسم بالله العظيم اني ماقلت الا اللي شفته بعيني والله يسامحك على الكلام اللي قلته وش مصلحتي اني اكذب ,,,,
حمد العبدلي #
19/8/1431 هـ, 06:06 مساءً
الافضل إنك كلمت الهيئه مباشره ضروري كل واحد يحمل في جواله رقم الهيئه
من ضمن الارقام اللي في الجوال انا اعرف البنات قليلات ادب إذا شافن شباب يحبن يلفتن إنتبههم خاصه إذا كانن راعيات حركات وقلة حياء الله المستعان .
ونشكرك على إهتمامك وغيرتك أخي

الصراحه ماأعرف رقم الهيئه مشكوره على الرد
حمد العبدلي #
19/8/1431 هـ, 06:09 مساءً
اخوي مانشستراوي شكلك ماتطلع لمنتزة الهدية او انك تطلع الظهر الساعة 2 وتبي الناس فيه حبيبي يوم الأربعاء الماضي لليلة الخميس إلا بلاوي زرقا وقلة ادب بس مو معنى هذا ان بنات بريدة وعيالهم كلهم فسدو لا لان الكل يعرف اننا بالأجازة الأن وفيه ناس من خارج بريدة ولاحد يفهم كلامي اني ابرئ اهل بريدة لا كل بلد فيه الصالح وفيه الطالح
وللمعلومية اخوي لما كنت موجود كانت الهيئة موجودة وعلى فكرة يأخي الأمر بالمعروف والنهي عن المنكر مو بس لرجال الهيئة عامة الناس مفروض يقومون بالدور هذا (ودائما المذنب ذليل)
دمتم بخير

مشكور اخوي صالح الصراحه ماشفت الهيئه ماشفت الا سيارة الأمانه بس يمكن من كبر المزروع مانتبهت لهم
أبوفيصل التميمي
19/8/1431 هـ, 06:13 مساءً
لاس فيقاس -- تكتب كذا

ماهوب كذا -- لاس فيقس :d
الفارسه الملثمه
19/8/1431 هـ, 06:17 مساءً
الله يهديهم يارب

بس انا والله مازرته بس الكل يمدح جلساته وكذا

واذا فيه اشياء كذا المفروض تدعى الهيئه علشان تقوم بالواجب لانه لو تصرفت انت بشئ ممكن يضرك

واشكرك اخوي على غيرتك على بنات المسلمين

لقلبك آكليل من الاوركيد

= )
مانشستراوي
19/8/1431 هـ, 06:23 مساءً
حبيبي وعزيزي
حمد العبدلي(h)

انا اسف اشد الاسف على ماقلته لك:eek5
وربي اني اعضض اصابع الندم على الكلام البذيئ اللي تفوهت فيه انا:oo

توقعت انك بترد علي بمثل ردي المنحط
لكنك صرت غاية في الخلق والادب

والله انك ماتستاهل كل اللي قلته لك:bad
لكني وربي كنت معصب من امر هااااااام جدا فات علي

عارف انك ماراح تسامحني لاني مااستاهل اصلن ترد علي
لان اللي مثلك بهالخلق والادب مايتنزل يرد علي

اتمنى تتقبل اسفي:p

اخوك
مانشستراوي(عمر):42
قـــصـــيـــة
19/8/1431 هـ, 06:29 مساءً
مب شي جديد للأسف !

جزيت خيراً على غيرتك ,,
القنزهـ
19/8/1431 هـ, 06:34 مساءً
الله يستر علينا وعليهم ...
والهيئه وينهم طيب ..؟ :(
أم المملوحه
19/8/1431 هـ, 06:42 مساءً
ترانى داخله ومعي قنبله حاملتها لى مانشستراوي::i121بس يحمد ربه انه تغذر والله اني سجلت علشان صاحب الموضوع ولا انا فقد متصفحه وللى خلانى اسجل هو صاحب الموضوع ورد الاخ م:)انشستراوي الاول
والله ثم والله ماقاله صاحب الموضوع صحيح وانا كنت متواجدة مع زوجي ماتقول والله هذي بريده وخاصه المسطح الاخضر اللى في الهديه بجوار الاشاره مغازل عيني عينك وغاني وشباب وبنات مستهترين ولا بعد ماشفتو اللى ركبن العربانه اربع بنات لوحدهن والشباب ورهم طردي وين الاهل وين الخوف من الله وين الحياء جمال الفتاة
بس يوم مرينا بعد يوم بنشوف طبعن شرافت القصمان:dوثر الهيئه موجوده والشرطه موجوده ومسكين شباب الله يستر علينا وعليهم
بس هذا اللى حبيت اوضحه داخله وماسكه طرف ثوبها من الحماس:d:d
الفارسه الملثمه
19/8/1431 هـ, 06:53 مساءً
^^^
ياحبي لتس بسس قسسم بالله انتس ذهبه انتي وعضة طرف الثوب ههههههههههههههههه
مع السلامه 26
19/8/1431 هـ, 06:54 مساءً
السلام عليكم
احب الفة عنايتكم بأن الفساد ظاهر بقوه لماذا لماذا لماذااااااااااااا

لأن هم يردون هذا من هم عليك الباقييييييييييييييييييييييييييييييييييي

رجال الحسبه من يبدون وهم يتكثرون في ازنزيييييييييييينننننننننن

الوضع شين ولكن احفظو نسائكم يامسلمون لالالالالالالالالالالالالا

تتركون نسائكم من دون محارم في الأسواق والمنتزهة تكفوننننن

والله ذبحتونا بلفتن والله اني من شغلي للبية للحوش صار روتينيي

يقتل لماذا بسب نسائكم فتن في كل مكان وانا اخاف من الأنحراف

اللهم ارجع زمان الرجال يحبيل شيبننا والله ياهم رجاللللللللللللل
Abu Saleh 99
19/8/1431 هـ, 07:00 مساءً
الـلـه يـهـدي الـجـمـيـع لـمـا يـحـبـه ويـرضـاه
الجادي المدوف
19/8/1431 هـ, 07:01 مساءً
أحييك على غيرتك ،
والله يصلح الحال .
ليالي 2010
19/8/1431 هـ, 07:09 مساءً
لا جديد هالمشهد يتكرر كثير في امكان كثيرهـ


الله الهاااااااااااااااااااااااادي ..~
الصمت الهادئ
19/8/1431 هـ, 07:18 مساءً
جزاك الله خير على غيرتك
وأسأل الله العظيم ان يهديهم ويردهم أليه رداً جميلا
ولو كل واحد منا بدأ بتناصح ماتفشى المنكر
فالله المستعان
تميم نجد
19/8/1431 هـ, 07:49 مساءً
اتصل على الهيئة وريح بالك من كتابة المواضيع

واذا ماهو عندك دق على 905
رأي فني
19/8/1431 هـ, 07:59 مساءً
كلام صاحب الموضوع صحيح ثمن صحيح ثمن صحيح قسم بالله انه يضيق صدرك وانت بذاك مير خله على الله
C R Λ S H
19/8/1431 هـ, 08:32 مساءً
اجل يحطون انوار !!!!!!!!!!!

وش الفايدة ,, الواحد يبي يطلع هو واهله او خوياه ويرتاح بجلستهم بالظلام

وانت تبي النوووور ..

ان كانك تبي النور رح لحديقة الشروق اللي بالضاااااااااااحي منورة وكل شي وعوايل ..


احسن ما بحديقة الهدية الظلام تآخذ راحتك وتفله بعيد عن الناس ونظرات العرابجة والبنات صح ولا لا ..

من ناحية رجال الهيئة هم موجودين وانا بتله اشوفهم هنـآك .. لكن بعض رجال الهيئة يناظرك بشين نفس

انا الصراحة مقهور من هاللي يدورون بالدبابات ويستعرضون قدام الحديقة ما ادري وش يحسون به

اول مره يمسكون دبابات او سيارات ..

بعض الشباب يحاول يلفت نظر الحرررررريم بأي طريقة

اتمنى من الهيئة يكثرون هناك حتى ما يكون هناك مشاكل

والله يوفق رجال الحسبه لما يحب ويرضى


اشكرك على غيرتك
ابو خرخير
19/8/1431 هـ, 08:35 مساءً
حسبي الله عليه الشرهه موب على البنات ولا على الشباب الشرهه على اهاليهم الي مخلينهم دون حسيب ولا رقيب


واحسن ما به هيئه
ξــزتــےِ مَالهَـآ כــد
19/8/1431 هـ, 08:35 مساءً
الله لايبلانا ياربي
صارت موضه هالمغازل
الله يكفينا شر هالبنات والشباب



الله يهدي الجميع

المغازل طريق الى الضياع والهلاك
جزاك الله خير والمفروض يجون الهيئه الله يعزهم يارب
لاتشتكي همك لمخلووق
19/8/1431 هـ, 09:22 مساءً
حسبي الله عليه الشرهه موب على البنات ولا على الشباب الشرهه على اهاليهم الي مخلينهم دون حسيب ولا رقيب


واحسن ما به هيئه

وربي كل كلمه قالتهااا انت صاااااادق فيهااااا:
أميـــر الليل
19/8/1431 هـ, 09:50 مساءً
امممممم
أول شي شكلك تسمع ب لاس فيقاس وب لندن انت
لكن الحاجات هذي ممكن تصير ب اي مكان وبالتوفيق لك
ميمي الدلوعة
19/8/1431 هـ, 11:35 مساءً
واة مشكور اخوي بصراحة الهيئة صيرين منشوفهم كثير واللة يستر علي وعلا خواتي وعلا بنات المسلمين وشباب المسلمين ويارب يهديهم امين
مطعونه بشوكـه ~
19/8/1431 هـ, 11:41 مساءً
الله يستر على بنآتنآآآ وبنآت المسلمين


شكراً اخوي ع التنبيه
المشاغبة
20/8/1431 هـ, 12:28 صباحاً
إذا رقم الهيئة مب معك ليش ما اتصلت على الاستعلامات..صحيح المر بالمعروف والنهي عن المنكر واجبنا كلنا لكن اذا نصحت ما حد يسمع لك


ام المملوحة صدقتي
مهاااااااااااوي
20/8/1431 هـ, 12:37 صباحاً
الله يعين على هاالمراهقين
بس حبيت انبهكم هواللي فيه جرذان والا لا
لان رحنا لمنتزه ونزل معنا ثنين وعلى طول للمطبخ
انتبهو حبيت احذركم
بريده 2020
20/8/1431 هـ, 01:55 صباحاً
اقسم بالله انا مريت باليل الساعه 1.30 تقريبن بالظلام لقيت بنات يمشن انا ابسال وين امهن وين ابوهن
وين اخوانهن مايغرون عليهن او لا طاح الفاس براس تكلمو
والله عالم تقهر انا امشي معي خواتي ولله الحمد اذ راحو للحمام مو قل ثقه بس خوف عليهن من الذئب الخايسه وذولا تركين شرفهم ما يدرون انه تنزل راسه بالارض عالم دااااايخه


انا اتمنى هيئه تسلم وتستلم ورديات في كل منتزه بالمملكه مو بس ببريده


شخص غيور على بنات المسلمين
لا يأس مع الحياة
20/8/1431 هـ, 02:03 صباحاً
وش السسسالفه:eek: غريبه انا رايحه بذاك ولابش مغازل ولاشي
عااادالا ان تسسانه بعض الايام يصيربوه مغغازل فانا مدري=تسن احد سالن لا بس طبعكم ياهل بريده اول ماايفتح منتزه ولاحديقه ولاسووق لازم تطليع اششاعات وخررابيط;)

جـــــــزاك الله خير على غيرتك:f:
ضايق الصدر
20/8/1431 هـ, 02:08 صباحاً
والله ياادوختونا بهالمواضيع

لاتقدم ولاتؤخر

اوووف
ولد الوسيطى
20/8/1431 هـ, 02:14 صباحاً
ياخوي كل من هب ودب
كتب عن المنتزه وبدأ يألف قصة مكسيكية
ومره قصة هندية ومره ومره ومره الخ

يعني السراحة اللي بيسمعكم بيقول ان كل زاوية ببريدة به شباب وبنات يرقمون بعض
ملينا وحنا ندور
رحنا لكل المنتزهات والاماكن العامة
ماشفنا اللي انت تقول

يعني بالعربي انت واشكالك من المتخلفين
بس وده يكتب ويحط موضوع كذا يعني وده ينبسط

الحمدلله والشكر
اصبح الصغير والكبير يكتب ويبربر علينا من خياله
ويقول شفته بالمنتزه الفلاني ومدري ايش

ولا بعد صارت كلمة(والله على مااقولة شهيد)
كأي جملة تنقال
كل من حط مضوع خيالي وتسذب طبعا
قال هالجملة

الحمدلله والشكر بعض الناس مرضى

اسمحولي على صراحتي
لكن وربي هذا الواقع
وصاحب الموضوع يستاهل السب والذم

وشكرا

شف الرد واحلب ............
شكلك انت الي تدف البنت وترقم على هالحال
اخوي حمد ماقال الى شي بسيط من الي يصير بالمنتزه
وكلامه صحيح وبعدين اذا انت تبي ترد بهالمرد لاترد انت واخلقك
بس واضح التربيه مثل ردك ((تقهو))
C R Λ S H
20/8/1431 هـ, 02:25 صباحاً
لا صدق اخوي انا بتله اروح هناك ولا شفت نصف اللي تقول

دايم اطلع انا والأهل والأقارب والخويا ولا قد شفت مثل هاللي قلت

وكل مكان به مغازل لكن البنت اللي تصون نفسه اتحداك احد يتعرض له

والولد كذلك


البلاء من اهلهم والهيئة ما قصرت لكن صعب كل شي تبون تنتقدون
الهدرز
20/8/1431 هـ, 02:39 صباحاً
ياخوي كل من هب ودب
كتب عن المنتزه وبدأ يألف قصة مكسيكية
ومره قصة هندية ومره ومره ومره الخ

يعني السراحة اللي بيسمعكم بيقول ان كل زاوية ببريدة به شباب وبنات يرقمون بعض
ملينا وحنا ندور
رحنا لكل المنتزهات والاماكن العامة
ماشفنا اللي انت تقول

يعني بالعربي انت واشكالك من المتخلفين
بس وده يكتب ويحط موضوع كذا يعني وده ينبسط

الحمدلله والشكر
اصبح الصغير والكبير يكتب ويبربر علينا من خياله
ويقول شفته بالمنتزه الفلاني ومدري ايش

ولا بعد صارت كلمة(والله على مااقولة شهيد)
كأي جملة تنقال
كل من حط مضوع خيالي وتسذب طبعا
قال هالجملة

الحمدلله والشكر بعض الناس مرضى

اسمحولي على صراحتي
لكن وربي هذا الواقع
وصاحب الموضوع يستاهل السب والذم

وشكرا

والله الى بطنه ريح مايستريح شكلك من جماعة المهبل وبعدين كلام الرجال صحيح وأنا اشهد معه وشايف الى شافه ولاتبربر علينا
قاآآآآسم
20/8/1431 هـ, 02:45 صباحاً
ياخي الي يغازل ذا هل يرضى يسوى باخته كذا الحمد الله على نعمة العقل قهر:eek5والله قهر :oo:oo:eek5
فلونه
20/8/1431 هـ, 02:53 صباحاً
صااادق اخووي هالبنات والشباب اغلبهمم منهبلين ودك تموتهم خييير ان شاء ووين حنا ترقيم ومغازل وحركات سخييفه الله يهدينا واياهم
AZo0oZ
20/8/1431 هـ, 02:56 صباحاً
..



وآنت وشوله مآرقمّـت زي العآآلم :09:



..
سيدة بريدة
20/8/1431 هـ, 03:06 صباحاً
اللهم إهدي الجميع!!

ياناس ترى الهيئة بشر وعددهم قليل،مايقدرون يتواجدون بكل مكان وخصوصاً في الوقت الحالي بكل مكان تجمع!!

بس حلو الشخص لاشاف منكر يدق عليهم وأكيد هم مو مقصرين <ربي يثبتهم ويخليهم لنا ويكثرهم..
عزوتي شمر(بنت شمر)
20/8/1431 هـ, 03:35 صباحاً
امممممممممممممم
مدري بس رحنا له كم مره مافيه شي
وانا مدري لاني كنت جالسه
فما ادري وش اللي يصير هناك ماغير رابضه تقل عنز محروله على قولت امي
المحرومه
20/8/1431 هـ, 08:03 صباحاً
الله يهدي الجميع عللى قولتك انه يلم لالالالالالالالالالالاكن المنتزه لاسا ماخلص يبي ايناره والحمامات بعد ماخلصن لالالالالالالالالاكن الناس بدو يطلعونبه واصلا مانقطعو لاني اخبره من يوم كنت صغيره وحنى تطلعبه بس الحين طوروه ومشكور اخوي
مهزله
20/8/1431 هـ, 09:20 صباحاً
حبيبي وعزيزي
حمد العبدلي(h)

انا اسف اشد الاسف على ماقلته لك:eek5
وربي اني اعضض اصابع الندم على الكلام البذيئ اللي تفوهت فيه انا:oo

توقعت انك بترد علي بمثل ردي المنحط
لكنك صرت غاية في الخلق والادب

والله انك ماتستاهل كل اللي قلته لك:bad
لكني وربي كنت معصب من امر هااااااام جدا فات علي

عارف انك ماراح تسامحني لاني مااستاهل اصلن ترد علي
لان اللي مثلك بهالخلق والادب مايتنزل يرد علي

اتمنى تتقبل اسفي:p

اخوك
مانشستراوي(عمر):42


ماشــــــــاء اللله :41 وصفة النفوس :d
قولدن
20/8/1431 هـ, 10:33 صباحاً
الله يهدينا / ياجماعه غصب علينا فتن في هالدنيا ولا نقدر نتحمل
اربع ورق
20/8/1431 هـ, 10:44 صباحاً
كل الشكر خيووو
حمد العبدلي #
20/8/1431 هـ, 10:57 صباحاً
مشكورين جميع من رد او شاهد الموضوع ....

بالنسبه لسبب كتابي للموضوع هو اني احب انبه اخواني المسلمين عن البلاوي اللي تصير لعل الله يحدث بعد ذلك ..
وحبيت اهل بريده كلهم يدرون وش يصير بديرتهم مب الهيئه وبس ...
طالب عفو ربة
20/8/1431 هـ, 11:09 صباحاً
مب شي جديد للأسف !

جزيت خيراً على غيرتك ,,
Out of Coverage
20/8/1431 هـ, 12:27 مساءً
بصراحه شفت مناظر حسيت ان حنا بلاس فيقس ولا بلندن ...



:confused:

أأأح لاس فيغاس
مره وحده
ياخي كان رجعت لبريده دام الوضع ما عجبك :d


وبعدين لا شفت هالمناضر اغفل مهب تروح تسوي دعايات للمنتزه
فيه شبابا على حافة جرف وانت المتذمم بهم
هذا إذا إذا إذا إذا إذا إذا إذا صار فيه شي 1% من هاللي جالس تقول:42


ياخي ملينا كل من طلع له لربعه قال شفت وحطيت ووين الهيئه
ترا مهب كل الناس نيتهم شينه ويشوفون هالاشياء اللي تشوفونه
هي على النوايا
بدربريدة
20/8/1431 هـ, 01:25 مساءً
الله يعطيك العافية على غيرتك ويعين الهيئة على الشباب والشابات
ابوبتال
22/8/1431 هـ, 10:19 صباحاً
ياخوي ليش محرق اعصابك انت الحين ماعجبك الموضوع اكتب الموضوع ماعجبني وريح نفسك من كل هالسب والشتم وبعدين انا الحمدلله ماتربيت على الكذب واقسم بالله العظيم اني ماقلت الا اللي شفته بعيني والله يسامحك على الكلام اللي قلته وش مصلحتي اني اكذب ,,,,
مصدقينـك وانـاأخوك وازيدك عنـدك الحضـاري شيئ عجيييب وقلـه أدب وترقيم ومغـازل شيئ يشيب لـه الرأس ...

ولـكن مـاباليدحيلـه؟
سعد بريده
22/8/1431 هـ, 10:51 صباحاً
الله يكون بعون المسلمين اجمعين ويهدي شبابنا وبناتنا اللهم امين
اصايل القصيم
22/8/1431 هـ, 10:53 صباحاً
مشكور اخوي علي الموضوع الصراحه مشكله تستحق التفكير والبحث عن حل لها
كويزار
22/8/1431 هـ, 12:17 مساءً
تصحيح للأخ ابو فيصل التميمي اخطات بتصحيحك للكلمة والصحيح ما ذكره الاخ الذي صححت له وهذا ما ينطقه الامريكيون باللغة الانجليزية
كويزار
22/8/1431 هـ, 01:42 مساءً
تصحيح للأخ ابو فيصل التميمي تصحيحك على الكاتب غير صحيح والصحيح ما كتبه هو وهذا ما ينطقه الأمريكيين باللغة الإنجليزية وتحياتي لك
مالقيت اسم؟؟
22/8/1431 هـ, 02:02 مساءً
الله يستر علينا وعلى بنات المسليمين ياحي وياقيوم
قلم جريء
22/8/1431 هـ, 02:27 مساءً
الله يصلحهم ويهدي قلوبهم :)
سعيد بن مسعدة
22/8/1431 هـ, 02:54 مساءً
خل الناس يعرفون مقدار الهيئة من يحمي أعراض نسائهم وبناتهم في هذه المتنزهات
خل المنفتحين والذين يدعون للتبرج يعرفون فائدة الهيئة
والله حياتنا من دون حفظ الله ثم جهود رجال الأمر بالمعروف والنهي عن المنكر ، نكد وتعاسة
ابومفلح
22/8/1431 هـ, 03:36 مساءً
صح السانك اخوي ماتشستر بس لو انك مدريدي يكون احسن
عاشق الصيد
22/8/1431 هـ, 10:10 مساءً
مشـــــكور علــى مـــوضـــوعـك ، واللاوم موعـلى الشــباب علـى أهــاليـهــم رجــال الحـســبة أين هـم ؟؟؟؟؟؟؟
سوزار
23/8/1431 هـ, 03:59 صباحاً
شكرا على وغيرتكـ والله يحفضنا ,,,و

وبعدين حبيت اقول موقف لوحده من البنات بالجامعه تروح هي ولد اخته صغير بس جسمه كبير لبس وكاشخ <<<وخر عنه هع المهم وتقول نسوي حركات نهبل بخلق الله ايقاله صديقي <<<اسمحولي اقول تفكير منحط مادري وش تحس فيه وقاله ادب <<عاد انا استلمته وش تستفيدين وبعدين وبصراحه طاحت من عيني ....الله يهدي الجميع ....يعني مو كل مانشوف نقول تغازل <<<يمكن زي المتخالفين !!!
سلطانةالخير
23/8/1431 هـ, 04:44 صباحاً
هو حلو ا لمنتزة وجلسلتو ومريح للجلسة
بس بعض الناس هداهم الله مايحمدون ربهم ع النعم
ابوحسنين
23/8/1431 هـ, 05:42 صباحاً
ياخوي كل من هب ودب
كتب عن المنتزه وبدأ يألف قصة مكسيكية
ومره قصة هندية ومره ومره ومره الخ

يعني السراحة اللي بيسمعكم بيقول ان كل زاوية ببريدة به شباب وبنات يرقمون بعض
ملينا وحنا ندور
رحنا لكل المنتزهات والاماكن العامة
ماشفنا اللي انت تقول

يعني بالعربي انت واشكالك من المتخلفين
بس وده يكتب ويحط موضوع كذا يعني وده ينبسط

الحمدلله والشكر
اصبح الصغير والكبير يكتب ويبربر علينا من خياله
ويقول شفته بالمنتزه الفلاني ومدري ايش

ولا بعد صارت كلمة(والله على مااقولة شهيد)
كأي جملة تنقال
كل من حط مضوع خيالي وتسذب طبعا
قال هالجملة

الحمدلله والشكر بعض الناس مرضى

اسمحولي على صراحتي
لكن وربي هذا الواقع
وصاحب الموضوع يستاهل السب والذم

وشكرا



كلام سليم :41
















(f)
s..omar
23/8/1431 هـ, 08:27 صباحاً
انا آبي اعررف حــآجه وحده بس..!

لـيش مايـكتب بالرياض فيه مغآزل ليش مايكتب بمنتزه بمدينه الدمام فـيه مغآزل..!؟

تيب فـيه مغآزل ولا مـآفيه نآظروهم واستغــرو ربكــم..

الي انا اشوفه اي منتزه بالعــآلم كـله فـيه مغآزل يـعني مو بس بمنتزهآت القـصيم

انا إُوول كذآ بس ولله الحمد ربي هدآنــي عن هالاشيــآء هاذي

وربي ولي خـلقني شفــت انوواع البهذله و ( قــله الحيـآ ) ونــآس استغفر الله بس
loquacious
23/8/1431 هـ, 08:35 صباحاً
إلى متى خلاااااااااااااااااااص يكفي

مواضيع سخيفه هذا ما رأت عيني , هذا ما سمعت أذني هذا ماحصل معي ....

يعني لو بنكتب كل حاجه نشوفها كان غصّ القسم ..

أقول تعوذوا من الشيطان , واللي براسه مغازل راح يحصله لو هو في بيته ..

وحرام نحكم على الشخص من مظهره , وندخل بالنوايا ..

مو كل شخص مظهره مش متستر يعني راعي أو " راعية " مغازل ...

الله عالم بالنوايا , وربما نيته احسن من نيتك اللي تمدح نفسك ..

ولكن نظرتكم الهمجيّة هي اللي خلفت ذلك التفكير العقيم ..
فصول بريدة
23/8/1431 هـ, 08:42 صباحاً
الا تهبل انا رايحن لمه
&شقردية شمر&
23/8/1431 هـ, 11:39 صباحاً
ودي ازور هالمكان بس ماحصلت فرصة

اسمع انه حلو بس يمكن عشان الاجازة حصل الي شفته
والغريب ان الهيئه ماتتواجد هناك !!
sg'hk
23/8/1431 هـ, 11:51 صباحاً
الغريب انا رحت كم مره للمنتزه هذا وجلساتي كلها فوق علشان موقف السيارة ولا عمري شفت مثل السوالف ذي بس اتوقع شرمذه من الشباب والصبايا صادفهم ذيك الليله وصارت دائم لاس فيقاس

أخواني اللي بيكتب بمثل ذلك يكتب عن شي شافه متكرر أكثر من 5 مرات على الأقل مهب تدنسون سمعت بناتنا وتقولون غزل وقلة حياء هناك وين الهيئة وين رجال الحسبة مع إن اللي يقراء الموضوع يقول يووووه شكل الدنيا خراب هناك

حتى الحين مانهيت عن منكر بكتابتك واسلوبك في الطرح بالعكس سويت دعايه للشباب راعين الغزل الله يهديك ويهدينا بس

وتقبلوا تحياتي
هايين
23/8/1431 هـ, 12:16 مساءً
الله يستر على بناتنا


..
مجهول2009
23/8/1431 هـ, 02:21 مساءً
جزاك الله خير على غيرتك من المفروض انك تابعة البنات وين اهلهن وخبرتهم بالموضوع
امنيتي حنان امي
23/8/1431 هـ, 02:42 مساءً
ياخوي كل من هب ودب
كتب عن المنتزه وبدأ يألف قصة مكسيكية
ومره قصة هندية ومره ومره ومره الخ

يعني السراحة اللي بيسمعكم بيقول ان كل زاوية ببريدة به شباب وبنات يرقمون بعض
ملينا وحنا ندور
رحنا لكل المنتزهات والاماكن العامة
ماشفنا اللي انت تقول

يعني بالعربي انت واشكالك من المتخلفين
بس وده يكتب ويحط موضوع كذا يعني وده ينبسط

الحمدلله والشكر
اصبح الصغير والكبير يكتب ويبربر علينا من خياله
ويقول شفته بالمنتزه الفلاني ومدري ايش

ولا بعد صارت كلمة(والله على مااقولة شهيد)
كأي جملة تنقال
كل من حط مضوع خيالي وتسذب طبعا
قال هالجملة

الحمدلله والشكر بعض الناس مرضى

اسمحولي على صراحتي
لكن وربي هذا الواقع
وصاحب الموضوع يستاهل السب والذم

وشكرا
اذا مااااشفت بعينك اسكت انا رايحه لنفس المنتزه وفيه معااااااااكسات ومغاااااازل :oo:oo
{ كل همي رضا امي }
23/8/1431 هـ, 04:01 مساءً
عندي لكم اقتراح وش رايكم يقفلون الحدائق والمولات الي فـ بريدة مو احسن !!

الله يصلح الجميع ياناس اطلعو وانبسطو مالكم شغل بغيركم كل واحد يعرف مصلحة نفسه البنت تعرف والولد يعرف وكلن بيحاسب ع الي يسويه ..

شكراً لك اخوي ..~
&ليلى&
23/8/1431 هـ, 04:42 مساءً
اذا البنت متحشمه ماراح يتعرضلها احد مهما كان ..
حمد العبدلي #
23/8/1431 هـ, 04:58 مساءً
الله يعافيكم جميع من رد بأحترام بغض النظر عن بعض الردود الشاذة مثل ابو حسنين وابو مفلح وهاذي وجهت نظركم واحترمها وشي طبيعي ان ردودكم شاذة لأن اساميكم شاذة وغريبة شوي وهاذي وجهة نظري وضروري تحترمونها ,,,,
لماس
23/8/1431 هـ, 10:27 مساءً
اقول خلو عنكم الهرج الفاضي ودورو عن بي اس بي بنتي ضاع هناك ترا لونه لؤلؤي وتعليقته ليلكيه
ملكة النواعم
27/8/1431 هـ, 05:41 صباحاً
مساء الخير ياخوي اخباركم " اخيرا تكلمتو بالموضوع وجبتو له طاري انا من زمان ودي اتكلم فيه انا اذا قال لي رجلي نروح له قلت لا وع مب زييييييين ظلمه وقوارص والله العظيم السنه اللي راحت طالع لي من تحت الفرشه اللي قاعدين عليها ثعبان صغير اني قمت من محلي ورحنا وعقبها كرهته " تصدقون عاد اني بديت اروح لمزروع عنيزه الصراحه ازين منا بكثير اناره وبيع وشراء وحركه وناس وحمامات الله يكرمكم حنا مافيه ولا حمامات صح " العام اخلي عيالي يزغلون ورى حصاة هههههههههههههههههههههه اتمنى انهم يزينون مثل عنيزه مو نقعد بظلمه ماندري وش اللي يمشي عليناااااااااا"""" وتقبلوا رددددددي
روان العمر
27/8/1431 هـ, 06:51 صباحاً
ياخوي كل من هب ودب
كتب عن المنتزه وبدأ يألف قصة مكسيكية
ومره قصة هندية ومره ومره ومره الخ

يعني السراحة اللي بيسمعكم بيقول ان كل زاوية ببريدة به شباب وبنات يرقمون بعض
ملينا وحنا ندور
رحنا لكل المنتزهات والاماكن العامة
ماشفنا اللي انت تقول

يعني بالعربي انت واشكالك من المتخلفين
بس وده يكتب ويحط موضوع كذا يعني وده ينبسط

الحمدلله والشكر
اصبح الصغير والكبير يكتب ويبربر علينا من خياله
ويقول شفته بالمنتزه الفلاني ومدري ايش

ولا بعد صارت كلمة(والله على مااقولة شهيد)
كأي جملة تنقال
كل من حط مضوع خيالي وتسذب طبعا
قال هالجملة

الحمدلله والشكر بعض الناس مرضى

اسمحولي على صراحتي
لكن وربي هذا الواقع
وصاحب الموضوع يستاهل السب والذم

وشكرا

غريب الرد


باين انك تكتب الرد على الموضوع و انت معصب

او عاجبتك المعاكسات عادي عندك اعراض المسلمات


اسأل الله ان يهديك

و شكرا لصاحب الموضوع و لي تعقيب عليه ان شاء الله
Abu Arab
27/8/1431 هـ, 07:04 صباحاً
مانقوول الا الله يهديهم
~فيــوون~
28/8/1431 هـ, 12:57 صباحاً
الله يهدي البنات والشباب
ولله هـ اللشي معروف من زمـــآن


مشكووور
f.h.a.h
28/8/1431 هـ, 01:11 صباحاً
حبيبي وعزيزي
حمد العبدلي(h)

انا اسف اشد الاسف على ماقلته لك:eek5
وربي اني اعضض اصابع الندم على الكلام البذيئ اللي تفوهت فيه انا:oo

توقعت انك بترد علي بمثل ردي المنحط
لكنك صرت غاية في الخلق والادب

والله انك ماتستاهل كل اللي قلته لك:bad
لكني وربي كنت معصب من امر هااااااام جدا فات علي

عارف انك ماراح تسامحني لاني مااستاهل اصلن ترد علي
لان اللي مثلك بهالخلق والادب مايتنزل يرد علي

اتمنى تتقبل اسفي:p

اخوك
مانشستراوي(عمر):42











:41 :41 :41 :41 :41
f.h.a.h
28/8/1431 هـ, 01:21 صباحاً
اقسم بالله انا مريت باليل الساعه 1.30 تقريبن بالظلام لقيت بنات يمشن انا ابسال وين امهن وين ابوهن
وين اخوانهن مايغرون عليهن او لا طاح الفاس براس تكلمو
والله عالم تقهر انا امشي معي خواتي ولله الحمد اذ راحو للحمام مو قل ثقه بس خوف عليهن من الذئب الخايسه وذولا تركين شرفهم ما يدرون انه تنزل راسه بالارض عالم دااااايخه


انا اتمنى هيئه تسلم وتستلم ورديات في كل منتزه بالمملكه مو بس ببريده


شخص غيور على بنات المسلمين

جـــــــزاك الله خير على غيرتك