قسم بالله اكبر قهر !!!!

[C R Λ S H]

السسسسسسسلام عليكم ورحمة الله وبركاته

وش ذنبي اوقف انصب موتري واخذ قسيمة .. وكل اللي ناصبين اخذين قسيمة

حتى السبب المكتوب بالقسيمة غريب جداً ,, يعني على اي اساس ناخذ قسيمة ..

بدون تنبيه مسبق او وضع لوحات ممنوع الوقوف !!!!!!!

وش الخربطة ذي والفوووضاء ذي يعني علشاني ناصب ولا كيف ؟؟؟

والله من يوم شفنا الخلف وحنا ما غير محجر علينا كل ما سوينا شي اخذنا قسايم ..

اللي يفحطون ويزعجون خلق الله ويفحطون علشان الزينين ما يمسكون ولا حاجة إلا نادراً ..

وحنا اللي كافين خيرنا وشرنا وناصبين نعطى قسايم والله العظيم ظلم ..

حتى ما ضيقت على الشارع علشان يعطين قسيمة .. على اي اساس

حتى السبب المكتوب بالورقة مضحك للغاية ,, يعني اول مره اسمع فيه

يعني الخلف خلاص لو يشوفك ناصب عند باب بيتكم عطاك قسيمة بحجة الإستعراض

بغض النظر عن مؤيد ومعارض ,, بس حنا وش ذنبنا نأخذ قسايم دون علم مسبق

يعني الدعوة فوضاء ولا كييييييف ..

وربي منبط كبدي على قسايمهم حتى وحنا موقفين ما افتكينا منهم .. وش تبونا نسوي

يعني لازم نفحط علشان نفتك من القسايم والغرابيل ولا كيف ..

والله ملينا انبط كبودنا وش ذنبنا كلنا ..


يعني النظامي واللي موقف موتره وكاف خيره وشره يلحط بقسايم واللي يفحط عيني عليك

ما يمسك وان مسك الواسطات تلعب دور مع المفحطين ..

عطونا حل قسم بالله ملينا ..


تحياتي

عبدالله الخالدي (h)

[قناعتي سر صراحتي]

يحووول اعصابك شوي شوي:029: شكلك شوي وتصيح علينا:eek5:eek5
طيب يالحبيب وشوله تنصب سيارتك :mad::( مدري وش هالطفة اللي انتم هابينن به كلما مشينا مع شارع نلقى مشكاك سيارات وشوله ماحد الله:05:

[C R Λ S H]

وش اللي اصييييييييح انا ما همتن ..

لكن اقوول ليش الدعوة خراص فقط ..

بعدين وش فيها لا وقفت موتري يكفين اني كاف خيري وشري


عموماً اشكرك على المرور

[جنون فـ×ـي جنون]

هـذا الـجـنـون ومـا يـفـعـل ..!!


الـجـنـون يـسـوي أكـثـر مـن كـذا ..!!

[C R Λ S H]

باللهي ياللي فوق هههههههههههههههههه

اهم شي الوناسه وحب الوطن

شكر على المرور

[ابتسام القصيم]

والله من جد قهر يعني الولد كاف نفسه وموقف سيارة.... ع الاقل احسن من الي يدورون عند النخيل والعثيم ذبحونا ترقيم وخرابيط او تفحيط


لكن الله يعوضك وانا اختك وما عليك منهم حسبي الله عليهم

[غريب احساس]

طيب وش كتب بالقسيمه !!!

[انني هنا]

هههههههههههههههههههههههههههههههههههههه.،‘


ياحبي لكـً .. راسلن على الخاص وعطن رقم القسيمة وانا ابعد عنكـ القسيمة انشاء الله .،‘



لا تزعل ولا شئ .. ميخالف هد الوضع .. ولاكن المثل يقول .. ابعد عن الشر وغني لهًًُُ

[صمت الحزين]

الحين أبي أسئل سؤال وش الفائده ياشباب النصب من النصب ...! الجواب هو البحث عن فريسه لكي أطفىء بركان الشهوه فيني أغريه بسيارتي التي حطيت فيها من الزينه لين قالت بس و تغبيره و حركات وجنوط كلها تدل على صاحب العقل الصغير المشكله أنه كبير و عقله لأحد الأن ماسك على المراهقه أعرفلك واحد موظف مو متزوج وهو خلاص دخل مرحلة الرجوله و تطوير النفس بس لأحد الأن عايش مثل عقل الصغير كل يوم يلمع سيارة هايلكوس 10 ريال وتغبيره و إذا قلت وش الفائده قالك هبلوووبنا الزينين أولاه وش نسوي ... ما أقول إلا الحمدالله على العقل ناس تدور على وظيفه ما تحصل مصروفها اليومي وناس في النصب شايلين هم

[ابـــوســلــــووومـ]

وش كتب بالقسيمه

[ابولين الريداوي]

هذا عصر القسايم

[سعد بريده]

السلام عليكم ورحمه الله وبركاته

بالله عليك وش تستفيد من النصب ..؟ طيب قلنا كفيت خيرك وشرك .. ليش تسوي بموترك كذا{ تشميع ,لحس,تغبير,جل}..؟

يانااااس كبرو عقولكم .. انت تقول نبي نستانس ياخي شوف غير التفحيط والنصب الي تقول وبعدين سؤال ليش ناصب سيارتك اذا تقول مو عشان الحلوين ..؟؟؟

والله اذا شفت راعين النصبات اني اقول يااليت معي موتر زي مواترهم يكفي حاجتي ويقضي غرضي ويفكني من منه الناس وتشحدهم كل يوم ابي موترك ومادري ايش ..؟

غيرك لو معه عقل وموتر زي مواتركم حمد ربه والا انتم الحين { سياره , وفلوس , وتدرس مجاني }تسوي كذا ..؟ احمد ربك الحين الدول الثانيه الدراسه بفلوس بس احمد ربك ياخوي

ادري بتعصب وبيتعكر مزاجك بس ابيك تجلس مع نفسك شوي وتقول ليش انا اسوي كذا { انصب واخربط } ..؟

تقبل مروري

[د.غمارة]

والله من الدباشة بـ بعض الردود !!

والظن السوء موجود عندكم والله لا يحللكم لأنكم ظلمتم راعين النصب !!

الحين بالله عليكم الرجال ملبق موتره بشارع يكفي اربع مسارات >> على ما اعتقد ان موترك عند البريد لاني شايف عليهن قسايم تحت المساحات ..
ليش تعطونه مخالفة ؟؟ كافن خيره وشره و آخر شي تعطيه مخالفة ؟؟

واللي يقول وش تبي بالنصب .. هذا مع احترامي له مايفهم .. ياناس هذي اسمه هوااااااااااية !!

حنا شعب محجور وتحجر بنفس الوقت ..


لا ومن زين الامور قاعدين ببريدة !! قال ايش قال بريدة وناسة ؟؟

والله من الملل والطفش والاظطهاد للشباب ..


قال ايش قال تبي تغري وتطيح بفريسة تطفي شهوتك .. اعووذ بالله من تفكيرك ياسقيم ..


على العموم امض قدما يا عبدالله ولا يهمونك لا المرور ولا اللي يسوون فاهمين هنا بالمنتدى ..


و ارفع يديك واشك لربك .. وبعد لا تنسى توصي أميمك تدعي عليهم هاللي ما يخافون الله ,,

[نفسي أطير]

أقول والله من الفضاوة ماعنك شغل الى التنصيب الله يعين اهلك الامة تغرق وتبي المسلمين ينتشلونها وانت ضايق صدرك على التنصيب بئس الامة

[د.غمارة]

الحين أبي أسئل سؤال وش الفائده ياشباب النصب من النصب ...! الجواب هو البحث عن فريسه لكي أطفىء بركان الشهوه فيني أغريه بسيارتي التي حطيت فيها من الزينه لين قالت بس و تغبيره و حركات وجنوط كلها تدل على صاحب العقل الصغير المشكله أنه كبير و عقله لأحد الأن ماسك على المراهقه أعرفلك واحد موظف مو متزوج وهو خلاص دخل مرحلة الرجوله و تطوير النفس بس لأحد الأن عايش مثل عقل الصغير كل يوم يلمع سيارة هايلكوس 10 ريال وتغبيره و إذا قلت وش الفائده قالك هبلوووبنا الزينين أولاه وش نسوي ... ما أقول إلا الحمدالله على العقل ناس تدور على وظيفه ما تحصل مصروفها اليومي وناس في النصب شايلين هم

كــل إنــاء بــمــا فــيـه يــنضــح

وبعدين اذا صرت أنت داج ومامعك المصروف اليومي على قولتك .. خلاص يا اخوي خل اللي رازقهم الله يصرفون على مواترهم ميتين يوميا .. من جيبك شي ؟

أصلا من حيننا نبي نكب دراهم على ساهر

[&& أبو صقر &&]

النصب هواية مثلة مثل غيرة من الهوايات ليش خليتوة تصغير للعقل وبحث عن الزينين
وبعدين يالي تسب النصب وش حاشرك .. حرية شخصية ولا فيها اساءة

["فصفص باجه"]

ياحبيبي لايهمونك تعرف الي يقال عنهم مهبطيين الهمم هذولا هم لا المرور ولا الي يردون

ومن ناحيه المخالفه غريبه قبل كم يوم ماخذ موتري من هناك له اكثر من اسبوع واقف ولا قسيمه ولا شي

شكلهم يوم ويوم

لاكن ماقلتلي وش كتبوا بالمخالفه

>>>>8888<<<<7777
فيه حل عشان تسلم من القسيمه اذا ماكان عندك واسطه
لاتوقف موترك كثير يعني خلك مضبطه وانت تدور عليه لانك اذا وقفته يبي يعطونك مخالفه مثل ماقلت
والمشكله ماتقدر تهارجه الي حط المخالفات لانه سجلهن ومشى

مشكور وتقبل مروري...

[&&& فلسفة قلم &&&]

.


انا ونا بنت عرفت ان اللي ينصب ياخذ قسيمه اجل وشلون انتم ؟؟

اهل مكه ادرىا بشعابهاا

بمعنىا

الشبااب ادرىا بالقسايم



.







.



.

[دربك تدله !]

لايهمونك >=>

الحين العساكر ليشش مسموح لهم الدوران والنصب والتفحيط وكل شي مرفوع عنهم القلم مثلآ ...؟ -= > :rolleyes:

وحنا اذا مالقو عليك شي قالو > قسيمة عدم وجود طفايه > وين سيارت دفاع مدني مثلا >

مالك الىا الصبر ونا اخوك (h)

[الفهد الأسود]

الله يعينك ياشيخ

رح اطلع لعنيزه لا تبعد ينصبون ويدورون وكل شي مافيه مخالفات

بس عندهم اهم شي لا تزعج وسو الي تبي

انا مع اني منب راعي نصب ولا شي بس اذا مسكت دوران << بالسنه مره :) اروح لعنيزه

الله يعينك ياخوي ياما أخذنا قسايم بالظلم

مره عدم ربط حزام وانا توني ماشي من المطعم بوقف يمين الي بالفاخريه عطون حزام

[مهزله]

والله ياهم يقهرون هالمرور

[fathi alharash]

تسلم والله يعطيك العافية ويبعد عنا شر القسايم

والله يكون في عونك

[وهــــم]

اقول انت وياه هالمرور يمشي على المثل الي يقول:
ان لم تكن ذئب فأنت بالتأكيد (دجاجة)
والحين حقين الهبال والمطاير مجننين المرور والبحث وطقتهم
وابن امه المرور يمسكه لانه ماعليه دليل يعني مغطي اللوحه او ماشابه
يعني بهالزمن ياتصير مجنون ومرعب و(اطقع ماتشوف)
اوتصير عاقل ولا احد يدري عنك بشي وتشتغل دوامين يعني كل اليوم شغل
واذا خلصت من الشغل لفراشك وهكذا!
اختر من الاثنين واحد؟
تقبل مروري ..لأن مروري مو زي مرور بعض الناس!!!!!!

[جــرحتني يازمن]

ارفـــــــــــع راسك انت سعودي
لايهمونك ......لا لا يهمونك وسع صدرك
وعلى فكره ثلاثة ارباع اللي يفحطون وينصبون سياراتهم ويشبكون مع مزايين على قولتكم من الشرطه
واولهم اخوي هههههههههههههههههههههه
العن بليس فضحت بخوه ههههههههه