..... وش الحل مع مبزرة الفاخريه.....

[عايشه بحلمي]

السلام عليكم ..
كيف حال حبايبي..
انا ابخاطري اقولكم حاجه مقرفتن..

الحين مبزرة الفاخريه ليش مايشافلهم شي يساليهم عن الازعاج,,
امس كنت عند خالتو وهم ساكنين بالفخريه قمة الازعاج ..
انا مدري وين الشرطه عنهم او اهليهم الكان مزعج جدآآآمنهم..
اتمنا احد يسااااااااااااااااااااااااااعدهم لئني اذا رحت لمه قمة الازعاج ..

[حَنِيني لِطيْبة]

لما الحين اسمه الفاخرية :d !

[عايشه بحلمي]

نعم
ليش !!!!

[عزوتي شمر(بنت شمر)]

لو تتكلمون من الحين لي بكرا محد راح يلاقي لهم حل
اذا الشخصيات الكبيره ماعطوهم وجه تبين حنا ندور حل
لو لقينا محد راح ينفذه
لاننا بكل بصراحه محد راح يسمع لنااااااا

[عايشه بحلمي]

صراحه شي مزعج جدآآآآ

[brns]

امس كنت عند خالتو <<<<<<<<<<< لا تروحي لخالتو خليك بالبيت

[عايشه بحلمي]

لز مجبوره اروح هذي خالتو ضروري اروح لها
هي مرء كبيره ماتطلع..

[ضايق الصدر]

خالتو هذي ماكانت بالزبداني ؟ وش جابه بالفاخريه

[السحاب الممطـر]

تكلمي بطبيعتـك
كـلامك هـذا فيـه مــلاغـه (إكتيــر بالحيـل مره)
يـازين بنت نجد لاتكلمت بطبيعتهـا
.......
وقـالت خـالتو............عـاد من زين ذي اللهجـه
......
أمـا بخصوص الإزعـاج ففعلاً إزعـاج وتهور
وكلهم صغـار
الله يهديهم

[طموح مشرق]

إدعيلهم بالهداية..

[البيضة]

هههههههههههههههههههههههههههههه

اجل ازعاج

علشان المطاعم يمكن __

[Ỷόù άяě ϊη мỹ ђēάя]

الله يعينك

[أبوفيصل]

هذا اسمه الشرق والشرق ذر... عند المسؤولين لذا لا اهمية لما يحدث هنا ............... حتى التصريح للمطاعم بهذا الشكل قمة التخلف لماذا كل هذا الكم بزاوية لماذا لا توزع لتشمل جميع الاماكن .

[سلطانيز]

لا حــــــــــول مــلاحقيــن الشبـــاب حــتـــى بالشــوارع ماتــبــونهــم يــدورون ويــن يــروحــون إذا كــانــوا حــتــى بالشــوارع ممــنــوع يطــلـعــون ...

بــعــدين المــرور ماقصــروا نــاشبيــن بحــلاقـنــا نشبــه أكثــر من ســذا أعـلق رقبـتــي بالمـروحــة وأنتــحر ... :eek5

بـعــدين مــوب نـاقــص إلا البــنــات يشـتــكون مـننــا اللــي موفــرلـهــم كــل شــئ يـعــني حـتــى الشــوارع تبــون تـاخذونهــا مـننــا ؟ :rolleyes:

ويقــولـون حقــوق المــرأة لا والله حقــوق الشبــاب :d

[قناعتي سر صراحتي]

خالتو هذي ماكانت بالزبداني ؟ وش جابه بالفاخريه
ههههههههههههههههههههههاي يازين بنات بريدة يحبيلهن ويازين هرجهن ولهجتنا البريداوية ماركة واتحدى احد يقلده بلاه من زينة وه بس فديت بريدة وفديت ناسه

[انني هنا]

زوجوهم .. ودبروا لهم وظايف .. وهذا وجهي ان شفتوا واحدن يدور ~~) حل سياسي ^_*

[مالقيت اسم يناسبن]

سلطانيزز

[مالقيت اسم يناسبن]

:41:41:41:41

[سيار نجد]

تكلمي بطبيعتـك
كـلامك هـذا فيـه مــلاغـه (إكتيــر بالحيـل مره)
يـازين بنت نجد لاتكلمت بطبيعتهـا
.......
وقـالت خـالتو............عـاد من زين ذي اللهجـه
......

ههههههههههههههه
والله اني ناوي اكتب مثل اللي انت كتبت
وارجع واقول ههههههههههههههههههههههههههه
مالي خلق التملغ يرفع ظغطي خصوصا اذا صار التملغ عند رجال أجانب , التمغنج حلو إذا صارت المرأة عند زوجة مهب عندنا :(

[القنزهـ]

الــلــه يعيـن ويعــاَوٍن بس ...

[ابتسام القصيم]

الله يعينكم

[ابـــوســلــــووومـ]

هههههههههههههههههههههههههههههه

اجل ازعاج

علشان المطاعم يمكن __

حلوه ازعاج علشان المطاعم اكيد علشان المطاعم دوران وضجه
والحكومه بلشه ياحول ملت وهي تمسك من هالشباب الضايعه بس لاكن مايفيد
تحياتي تقبل مروري

[abu_reem_2010]

والله بلشنا بعمرنا


اذا رحنا لطريق الربيعية ذبحونا
واذا رحنا للنهضة بلونا
واذا قعدنا بالعاير يجي العسكري ويقول ممنوع الجلوس بالشوارع (مع العلم ان الباكستانيين قاعدين ولا يقالهم شئ)
واذا درنا صكونا قسايم لين دجوبنا
واذا رحنا للحديقة سواء اللي بالهدية او اللي بالرفيعة كله مفاتن وبنيات
واذا جلسنا بالاستراحه ملينا 24 ساعة بالاستراحة انواع الملل
واذا جلسنا بالبيت صراخ مبزرة ووجع راس



ومابقا الى الانتحار على علشان نريح خالتو




وكل هذا علشان خالتووو آآه يازمن

[سعد بريده]

الله يكون بعونكم ياااارب وانا عندي اقتراح { حطو عوازل }ههههه بس ماضني تفيد

[وهــــم]

الله يستر بكرا اذا شفنا مكتوب عند الاشارات
( للعائلات فقط ) الشباب يمسكون المسار الايمن
يعني لـ قريح يطير بهم

وين تبوننا نروح اولاه احد يجاوب ؟؟؟؟؟