ياشيبان ياشباب...الحقوا على اللعبة الممتاز جداً.....لعبة الكلمات التراثية....شاركوا!!

[شيخ بريدة]

ياالله حيّهم ياهلا والله اقلطوا عساكم للجنة..... اقول هالحزة عندي لعيبةٍ جديدةٍ فذة وهي لعبة الكلمات التراثية...هلموا معنا لنرى ماهي


هاللعبة انا اجي احط كلمة تراثية مثلاً: دردبيس

ثم يجي اللي بعدي يشرح معناة الكلمة ومعناة دردبيس غبي وبعد مايشرح كلمتي يكتب كلمة بآخر حرف من كلمتي:

شيخ بريدة: دردبيس

يجي سعفة يرد بعدي: دردبيس تعني غبي

ثم يقول سعفة كلمة بحرف السين لأن آخر حرف من حروف كلمتي السين.

مثلاً سعفة.

ثم يجون اللي بعد سعفة ويشرحونه.

ملاحظات:

للعضو الحق في المشاركة عشرين ألف مرة.

نرجوا من الأعضاء ان يضعوا كلمات قصيمية ولانريد هرج هنود يابعد تسلاويي انتم:D




بسم الله نبدأ:


الكلمة هي: كشبارة:D

ياشباب شاركوا اولاااااه.

[ساري بريدة]

هلا بشيخ بريدة .... شلونك عساااااااااااااااك طيّب

صراحة موضوع ممتاز :41

بالنسبة للكشبارة >>>> يعني شين مرّه

: : : : :

بسم الله نبدأ :


الكلمة هي : كمخه

[شيخ بريدة]

الله يحييك ماشاء الله اول واحد يرد على الموضوع عاشت ايامك.



صح عليك الكلمة.




قلت كمخـــــــــــه بحرف الهاء.







اقول بكلمة بحرف الهاء وهي:

هـــَـــويْـــــــدِة.




نرجوا من الإخوان التزام الحركات في الكلمات وجزيتم خيراً.

[ساري بريدة]

هلا مرة أخرى

أولاً آسف إني فهمت الموضوع غلط :D

لكن أنت تقول : اقول هالحزة عندي لعيبةٍ جديدةٍ فذة وهي لعبة الكلمات التراثية

مافيه مشكلة

هويدة إسم .... معناته الهادئ

: : : : : :

الكلمة هي : تنورة

[السمو]

السلام عليكم
هلا بشايبنا
والله ياانت نشبه عليك مواضيع مادري وش تبي
بس يله وش نسوي شايب ولازم نسمع الكلام
-----------
اما التنورة فمعناه :
مقطع يلبسنه الحريم وفوقه بلوزه
اضنه كذا بس مادري0
-------------------------
الكلمه حقتي انا هي كالتالي :
مامعنى كلمة ( هدر )
صعبه صح
خلاص ان ماعرفتوه ابعلمكم
خلاص
سلام عليكم

[شيخ بريدة]

ههههههههههههههههههههههه

اجل صعبة تعرف تنكـــت.


معناة هدر تعني غبي.





ياالله حرف الراء:

رقله

[السمو]

السلام عليكم
رقله معناه
مهب صحيح
لارحتبه يمين راح يمين وان حطيته يسار راح يسار
------------------
طيب مامعنى حلحال
ومعنى اخر حلحول ؟؟؟
والسلام عليكم

[الكابون2004]

أما حتسينا ياأهل نجد فهذا عز الطلب .. أقول بعد (بسم الله ) :
1) يبخ به : أي يروعه بعد أن ( يتغبى) ورا جدارأو شي.

2) ما بالثوب أحد : وتعني حرفيآ : صتيمة أي هدر أي :خذ وخل !!:D

3) الجصة : وهي حفيرة تحط بالجدار ويخزن به التمر!!!!!

4) المثعب : وهو مويصيرة تنزل من الطاية على الشارع بالماء اللي بالسطح.

5) ديرمان: وهو.... ولا أقول اسألوا العجز عنه.. لأني بحلت بوه خخخخخخخ

6) يصنه : أي يضربه بحصاة و( يشنتر الدم) ويصعرر الرأس ... وبس !!!

7) يتمقل : أي يقز أي يبحلدز.. أي يناظر بقوة وشفاحة وبس .

هاه ييزي ؟؟؟؟ اللي يبي زود يتصل علي بالمسنجر وأنا أترس دميجته كلمات

على كيف كيفه ... والله يعينن عليكم ...

[سلووووم2]

شيخ بريددددددددددددددددددددددددددد خمسه
السلام عليكم ورحمة الله وبركاته
حبيت اشارك بالموضوع
بس وقفتوا على اي كلمه ابختار من عندي فنجال: وهو ماتنصب فيه القهوه يالله دوري اني اقولك الكلمه ابقولك وشو وشو ياربي بس لقيتها وش معنى بياله اكيد بتقوله كمبياله وابقولك لااااا البياله هي اللي تنصب فيها الشاي والتعتاع قصدي نعناع لعبه حلوه بس ماعندك احد ياشيخ..............(اطلب عيوني وخذها مااتحسف في عطاي .........دامك انت اللي تبيها ارضى لو اصقع بالجدران)

[سعفة]

رد الكابون ولا حرف
أعلمك خرب اللعبة كله

أعوووووووذ بالله وش بلاك انت __
تراه عاد اسمعو الي تهج به عن الموضوع تراه يبي يمحط رده بركبه
لا تقولون ماقاله <<<<< أموع عليك يا هيبة :D:D

وانت يا سلوم يا حبيب ألبي اشوفك تتطنز ببريدة وش دعوى عاد وش حنا بليا ابريده
عاد يالله


اقول يا شكشوكى بريده
اسمع يا البي
انا اببدى من رد المجاهد الصغير زين يا سبيدتي انت
المجاهد الصغنطوطي يقول
((( حلحال ))) وش معناه
انا اقول الي يحط برجلين البنات لابغن يرقصن بالعرس

الاجابة خطأ
يالله الي بعدي يحله ويكمل تراه غلط علي انا

نسلم عليك .. سعفة ياولد النيدو مهب معقولة ما تعرفه ولا انه سلمه جديدة << يدعي :D

[شيخ بريدة]

الله يعافيك ياالكابون تسلم يابعد راسي المنطعج ذا ووووووه خربت اللعبة الله يخس شيطان ام ابليسك:D .

وياالمجاهد الصغير انا قايلٍ لك لاتعوده النوبة القادمة:D يااخي لاتجيب كلمات عجز نبي كلمات شيبان...حلحال وماتحلحل:D .

سلوم...... تصدق إني ماادري وش السالفة باديــٍ هالأيام مااوحي ابد اغديك تجيب محقان وتصرخ باذيناتي لين اوحيك:D << مع كل رد هجّة شظاف.

سعفة يابعدي انت يابزر النيدو ههههههههههههه اسكت عساك للداحّ اللي يدحّ خشمك الطويل :) .


أما حل كلمة حلحال: فهو يعني ماخوذ من الحلحلة وهي الحتيتة:p

[فـارس القبيلـة]

OOOOOOOOOO
خخخخخخخخخخ
ايه الشكش
كيف الحال
وين الكلمه بسرعه جبه

[غـنـدر]

أهلا بالشكوك
كيف الحال عساكم بخير
وين الكلمه بسرعه جبه

[شيخ بريدة]

الكلمة هي حلحال بس عجزت اعرف وش معناة حلحال علمونا اولااااااه.


وتسلمون يااللي رديتوا عقبي.



ياالله وين المشاركين


شكلكم نيمين.

[السمو]

السلام عليكم
هلا بالشايب المنسم حلحال بمعنى
تحلحل بمعنى فحز يتفحز تفحزاً يعني وسع على العالمين
والسؤال كان سهل لكن راح بالكم بعيد
والسؤال هو مامعنى : كلمة ( لوري )
والسلام عليكم ورحمة الله وبركاته

[المنخرش]

خخخخخخخخ
والله موضوع
على مستوى====>>>>أحسبه على الأرض
لكن
هذي سهله
قوة
او لشي
وش يضمن لك انه كلمه تراثيه
يالله اجل
انا القف ذي
هو يقول
حلحال
يمكن
غلط
ولا انا اجل (فرفاي)يالله فسره(حمت بات)(قبن جاث)خرابيط ياشيخ
طيب
خله يجاوب
خخخخخخخخخخخخخخخخخخخخخ
ايقالي
من علم
انا ودي اشوف معناته
يالله الي متأكد يعطينا اياه
كلمتي
(فرقعين)النون بعد التفسير
شكرا

[شيخ بريدة]

المجاهد الصغير والمنخرش(صديقي:D ) بعدي انتم ونشكر الخال سعفة على تثبيت الموضوع أما بعد:

فقد قال فضيلة الشيخ مجاهد صقييير مررره: وش معناة كلمة لوري واقول والله المستعان معناة هالكلمة: اللوري هي سيارة زي التريلة بس صغيرة يمكن زي الدينــّه.



المهم إنــَّـهْ سيارة وبس:D .


أما كلمة فرقعين فتعني وجع ويامنخرش لاتقعد تخطم لاافجر خشمك:D

الحين حرف الياء هماي رديت على لوري آخرَهْ حرف الياء:



طيب

يزقح وش معناتــَــهْ.

[السمو]

السلام عليكم
جدي شيخ بريده
لو تدري منين جايب
كلمة لوري
كن تصيح تدري منين
من قصيدة يابريده بردي على الأرواح ليلة ليتي مفتونه
على العموم وقفنا عند كلمة يزقح ومعناها:
اقول وبالله التوفيق
إن معنى يزقح هو :
مستصح يعني طيب مهب مريض بالعربي *** ليش الي قبل هندي ههههههههههه
والكلمه تبدى بحرف الحاء كما قال شايبنا :
مامعنى كلمة (( حتات ))
والسلام عليكم

[المنخرش]

خخخخخخخخخخ
حتات والله اعلم
معناته معاني كثارات
الأولى(يعني حكاكه ) الثانيه(حتات الكليجاء يعني آخره)
الثالث(حلتيته)
الرابع والأخير(الفتيت القطع الصغيرة)
الكلمه
(تانكي)

[شيخ بريدة]

المجاهد:D حلوة ذي جدي هخخخخخخخخخخخخخخخخ ويييين؟؟؟ لاتشيبن اولااه:D


معناة حتات تعني البقايا لااحتّ خشمك هالحزة....:D

البقايا يعني بقايا صح علي غصب<< ماخذ بمبدأ السيطرة للأقوى فقط<< شايفنا امريكا




هالحين حرف التاء:

((((((( تــــــــولـــــــة ))))))

[شيخ بريدة]

ياحبي لك يالمنخرش شكلي ابقلع جبهك عشان ماتخطم النوبة القادمة.


تانكي يعني خزان أو طرمبة أو بخار قطار<< خطمة ماهي بصاحية.


المهم حلوا كلمة ((((( تـــــــولــــــة)))) همــّن يجي اللي بعد تولة خلاص ياحبايب مايصلحش كده بتخطمــّوا عليّــا.

[المنخرش]

احح
هذي ياطويل العمر
يعني
تواليت
القصه على ورا
والثانيه(متبل)
هذا والله اعلم

[جمانه]

توله -------------> تعني آخر الشاي او بقايا الشاي


كلمتي هي " هوز ";)

[شيخ بريدة]

بعدي ياكليجا منتفخة انت احسن واحد بالعالم عشانك رديت وتسلم على الجواب الصحيح.


لكن هناك معنى ثاني لتولة وهو قوطي الطيب أو الدهن العود.



هوز عاد ماادري وش هي؟؟؟


مااحد عرفه
ولابه إلا مشاركين قليلين بذا
اغديك تجيب الجواب. وجب شي سهل.

[المنخرش]

سهل
هوز قصدك
هو الي يعني لا زم إذا بغيت تروح لم هذا مايجي عنده إلا بحاله وحده انك تروح لمه بس



هذا والله اعلم


معناته
هي(روز للحلويات

[جمانه]

هههههههههههههههههههههههههههههههههههه000 والله موتوني من الضحك اجل ما عرفتو هوز 00

هوز -----> يعني " لي " الطويل اللي يطلع منه مويه " خرطوم الماء "

وله عدة استخدامات : منها إطفاء الحريق 00 وغسل الحوش 00 واللعب بالماء
00 والاستخدام المعروف له هو : أن تقطع الام قسما منه وتجعله قريبا منها للحالات الطارئه00" انتو اعرفو هالحالات الطارئه "

طيب كلمه سهله00000
" سنا"؟؟؟؟؟؟؟؟:S

[الخاطف]

سنااااا .. اللي يصير بالزدر .. من أثار الاختراق ..


زدر = قدر = صفريّه = طسل ..

وش معنى هيلاهوب .. ؟

س لا م ...

[شيخ بريدة]

اجل حنا طجم ماعرفنا هوز هاه ههههههههه يمكن هالهوز حق التالين انا اصلاً من أهل القرن العاشر الهجري<< ياهي علثة خخخخخخخخخ.


اجل مشكورين على التفاعل عاشت ايامك يامنخرش وياكليجا منتفخة وياخاطف عاشت ايامكم يابعدي نبيكم تمشون معنا بدال بعض الاعضاء الخاملين.

أما معناة هيلاهوب حق البنات السروال اللي ماادري شلون لونه......المهم إنه سروال مع شراب مع حركات.

طيب حرف الباء من آخر كلمة:((هلاهو"ب"))

ياشباب نرجوا الإلتزام بآخر حرف مثلا هيلاهوب لاحله واحد يجي لآخر حرب وهو الباء ثم يجيب كلمة ماهو بتجيبون كلمة سنا وكلمة هيلاهوب وهن ماجَنّ قبل.

طيب مايخالف خذوا هالكلمة:

بـــــِــــســــــِــــر




ياشباب إذا أي واحد جاب معنى بسر فإنه يجيب كلمة بحرف الراء مثلاً رقلة خخخخخخ واللي بعده بحرف الهاء مثل هندي واللي بعده حرف الياء وهكذا.

ياالله جيبوا معنى بسر بسرررررعة ياخلفهم.

[الخاطف]

بـــــِــــســــــِــــر >> يعني هذاك اللي يطلع من البرحيـّه ..

لونه أصفر حلو الطعم .. مهبول مع القهوة ..

حرف الـ ( ر )


خلها للي بعدي ..


يالله حرف الراء يا شيبان ..

[شيخ بريدة]

الله مير يخلف عليك.....بس تراك جبت الإجابة الصحيحة.....لكن انت جب الكلمة وإلا عشانك ماعرفت كلمة بحرف الراء ياماكر هههههه ماهي بعلينا يامعرعر.



طيب ابتبرع لإخواننا في المنتدى<< محتاجين.



حرف الراااااء:

راقود.....اسمع به بس ماادري وش هو؟؟؟ خخخخخخخخخخخخخخ


ياشباب هولموا بالإجابة.

[abu yazeed]

قهرررررررر

[الـــراوي]

إذا جا الولد أيم أول وقال لأبوه برقد وميب حزة رقود
يرد عليه أبوه ويقول :
راقــــــــود

يعني معصي تنام أ و عساك بنومة عنقا

طيب شباب ،،،
وش معنى كلمة // دنــانة أو دنينة
كنت أسمع إن مدحت شوقي بريدة دايم يلعب بدنينته

[جمانه]

الدنينه 00 هي عباره عن " دولاب من حديد " يجعله مدحت شوقي يدور عن طريق عصا طويله
وهي لعبه مفضله لدى الشباب اكثر من البنات 000

ما هو " البيز "؟؟؟؟;)

[الـــراوي]

هو عبارة عن قطعة قماش بحجم الكف تكون محشية من القطن أو الصوف
وتستخدم كممسك للأشياء الحارة
مثل طرف الدلة أو البريق أو القدر

طيــــــب ما معنى كلمة ((( زقرت / زكرت )):a

[جمانه]

يمكن مهناها " جنتل مان "
يعني مرتب انيق حلو ..... الخ

ما معنى " غضاره "؟؟؟؟؟:a

[شيخ بريدة]

ماشا الله اشوى إنكم بديتوا تشاركون يابعد العالم كله انتم.


المهم غضارة معناتــــَـــهْ: الظاهر إنه الطاسة أو الكوب اللي له عروة.

ياكليجا الله يرضى عليك وراك تسذا تناقز لازم تحل كلمة زقرت وزكرت ثم تجيب كلمة وثاني شي وش جاب حرف الغين(غضارة) لحرف التاء آخر حرف من كلمة زقرت أو زكرت.


الله يرحم حويلك ياالكليجا بسسسسسس الله يعين عيالك عليك راعي خطمات انت<< يقال له معرس هذا عزوبي عارفينه مية بالمية.

[متعب]

كيف الحال

الهدر

[المنخرش]

وش هدره يا الله يهديك
طيب
وش معناة
(فرقعين)
يالله ياشبيبه

[شيخ بريدة]

معناة فرقعين تعني: وجع عند العجز لاقالن: فرقعين جدي يامقمط الهويدة<< معيارتــُه خخخههههه.

طيب وش معناة:

نعرة قومية<< متأثر بكتاب التاريخ.


لالا امزح قصدي ناقــَر يناقر مناقرة فهو مناقـــِر بن مناور<< خويُّه البدوي.

[المنخرش]

هذي معناته
إذا صار اخوة يتهاوشون
يتفاغصون
يقولن عنه العجز تعافر وفي روايه تناقر

هذا والله اعلم


طيب وش معناة
(يلق )

[جمانه]

يلق يعني يلصف يعني يلمع من النظافه والبياض



طيب وش معنى : قرمه " هذه بنت قرمه ": 12

[مبارز]

يله حزرو وشي الكلمات هاذي: ((( الطايه,عساك للماحي, والله لاشبع ايدي من صابرك

لا تطلع لسوق تراء يجيك احصان القايله,يوم القمراء بالطايه)))

[المنخرش]

انا ابجاوب على حقت كليجا
معنات قرمه يعني
تنجز الشي
بسرعه
رشيقه ======بدينا بالمغازل
يعني تخلي البيت يلق
كل شي تسةيه
يالله الله يعينكم على مبارز
س ل ا م

[الـــراوي]

رشقه يابعدي
يعني تبليلة بالماء

يقولون رشقن يعني بللن

بعض الناس يشوفونه الأولين ويقولون

هذا هــردسه ؟؟

وش معنى هردسه ؟؟؟

[شيخ بريدة]

مبارز الله يرحم والديك حنا نقول كلمة وحدة جبت لنا حتسي العجز كله.


الراوي:::::::::: كلمـــَـــكّ ذي معناتـــَهْ(((((هردسة= شايب متخلف او تسذا<< ومتى صاروا شيباننا متخلفين....ياالله من فضلك ازين من هالعلوج))))).


كلمتي التالية:::::::: ختاريش جمع ختروش. اتحدى واحد يحله.

[المنخرش]

سهله
يعني المنخرش
مخروش
جمع
يخرش
اولا مخرتش يمخش ماخش ماخشون
تمخش انخرش ماخرشون ينخرش
يعني
انهبال
و وناسه
هذو الله اعلم

[الذهبي]

طيب انا عندي وحدة .. وابيكم تعلمونن وش معناه .. يالله

مخاشر او مخاشرة ..

يالله وين الشيبان

عاد مادري هي مذكوره ولا لا

[شيخ بريدة]

مخاشر...مخاشرة
الذهبي والله أعلم إن كلمـــــَــــك معناتــــَـــهْ:تعني مهاوشة ومضاربةوالله اعلم.











ياالله التوبة......استغفروا ربكم يااهل السعودية ترانا دورنا عقب العراق وانا ماانا بشيخ بريدة ان ماجت امريكا يمـــّـــنـــا..........تتقضي عليكم امريكا فعودوا إلى الله.

[الـــراوي]

أقرب ماله

معاند ، أو مزاعل على خبر العالم الأول


س/ ما معنى كلمة (( راس ، أو يروس )) نسمع دايم يقولون دور محمد يروس ، أو دور فلان يروس !

[السيل]

الذهبي00
معنى كلمة مخاشر او مخاشرة هو الشريك
ومنه قولهم خاشرن يعني شاركن أو خشيري أي شريكي0

الراوي00

معنى كلمة (( راس ، أو يروس ))
أي يعدل الماء ويتتبعه

طيب مامعنى قولهم ((( المذهب ))) دورة المذهب على غير جرَه
يالله هات ياراعيه00

[شيخ بريدة]

هلا والله بالراوي شرفت هالمويضيع.

الشايب:ياهلااااااا والله بالشيبان كلهم ابوووووهم ياخال الله يدْزَدّي لك ياخال(يقدي لك ياخال)....مير توحين انت خخخخخهههههههههه.

أما عليكم تسليماتٍ اصيح لاشفتهن.

مير نسيت ياشباب.....غلط عليكم اللعيبة.....خارشون باللعبة اولااااه خارشون...ههههه.

اللعبة هي: إنك تجي وتجيب كلمة يخارش مثلاً وتشرحاه وبعدين يجي اللي عقبك ويجيب كلمة شوشة(على حرف الشين آخر حرف من كلمة يخارش) ويشرح كلمة شوشة...ثمن يجي اللي عقبه وهتسذا(هكذا).


هالحين عندي كلمة: كسرة جذمار(خويي ههههههه)= كسرة الجذمار هي طرف العسيب الذي يلي النخلة.

هالحين اللي عقبي يجيب كلمة بحرف الراء ويشرحاه همن اللي عقبه يشرح كلمةٍ ثانية بآخر حرف من الكلمة الاولى....مفهووووووووم...لاتخلبصون الامور اولااااه.

[الـــراوي]

كـــــلمة ((( ردميه ))

يعني أرض مردومه كلها رمل !!!!

سذا ياشيخ وإلا أنا مخطي 0

[شيخ بريدة]

ايوووووووه....عليك كبس الملعب ياالرواي( على وزن عليك نور يازول).


الله يعافيك هالحين دوري.


ردمية بحرف التاء(ل لأن الحرف الاخير تاء مربوطة).


تـــَـــســْعــِــة( تسعه يتسعه تسعاً..ترى ابتـْسـَعـْـك) ومعناته والله أعلم ابصفقك وهي نوع من انواع الضرب.


الحرف التالي حرف التاء بسرعة ياشباب كلٍّ يجيب كلمة بحرف التاء ويشرحاه من روحه ثم يجي اللي عقبه ويشرح كلمة من الحرف الاخير من خويُّه.


بسرعة اولاااااه ماهناش مشاركات خارشونا اولااااه ياشباب.

[حفيد اعقيل]

تفـــــو : كلمة تفيد الترجي ومنها قولهم ( تفو عند الله سعه) 00
من تفى 00 ويبدو لي أنها في الاصل كانت كلمة تكفى 00 وتمت احالتها مع تقادم الزمن الى كلمة تفو --
المصدر : امي هيله 0

[شيخ بريدة]

حفيد اعقيل ههههههههههههههههههههههههه تنسيم انت...ماعندك غير التفال هاه ههههههههه.

اجل امك هيلة هي المصدر ايه عرفت اسم امك احلى<< جاب العيد يوم سمع اسم امه<< آوي له هالمسيكين يذكرنا بالابتدائي لاسمعوا اسم امه فضيحة خخخخخخخخخخخخخخ.


تفو(((((حرف الواو))))).


وزْرة= وهي اللي يلبسونه الهنود هاللي تقل تنورة هههههههههه وماادري هي حقت الاولين يلبسوناه او لا.


ياالله ياشباب هولموا بالرد هولموا.


حرف التاء.

[حفيد اعقيل]

تهباْ : وهي كلمة يراد منها تكذيب المتحدث اذا جاء بما لم تأت به الاوائل 00
وهناك مرادف لها مثل : تعقب* 00

قال بعضهم : تهبا يالواوي 00 وش أنت ناوي 0
الشـــرهه مهيب عليك الشــرهه على الراوي 0


_____________________________

* نفس المصدر0

[شيخ بريدة]

حفيد اعقيل:D :D عاشت ايامك قسم باالله إنك ماانت بسهل....والله ياانت تراثي معتـــّق مغبـــــّر.

ماعندك ماسنجر اولااااااااااااااااااااااااااااااااااااه خل ناخذ منك هالعلوم السنعة:D



اجل حرف الأ لف:

اعقيل أو عـــْــقــيْــل: جمعهم عقيلات وهم التجار الذين انطلقوا من نجد واغلبهم
قصمان(والنعم:D ) وكانوا يروحون إلى الشام والعراق وغيرهن من الدول وكانت لهم مواقف بطولية في الدولة العثمانية في الدفاع عن العراق وعشان تسذا صدام قال ماانا بضاربٍ القصمان لأنهم دافعوا عنــّا عندما كنا في عصر الدولة العثمانية:D ومنهم جد أبوي الله يرحمه ويرحم جميع أموات المسلمين.

وتسلم ياحفيد اعقيل....اتحداك تجيب بحرف اللام شكلي وقـــّـــفتك.

[حفيد اعقيل]

لخفه: ( بضم الفاء ) وتعني شرب الشئ لآخرة 00 لخف يلخف فهو ملخوف
وهي بمعنى طرقعه 00 واللخف عند العرب هو شرب الشئ مع احداث صوت
كصوت الشخير اذا انجضع الواحد منا وتسلقى على قفاه 0 والصوت يخرج من البلعوم
ومنها قول حفيد بن عقيل ( بريداوي جاهلي ) لكنه موحد 00

لخفت أنا كل المرق بالبوادي 000 وطرقعتها ولاعــاد فيها بقـــيه 0

00000000000000000000000000000000000000000000000000
وعلى فكرة ترا ماعندي ماسنجر هذولي فيود التلويه ماأعرف أنغز به موقعي خذه
دبليو دبليو ( دبلة كبد) أول عاير كوم ( بس تراه كم ماهب مكفوز ) 00 حاولت
أن أرسل لك رساله ولكنك لاتحب المرسلين ( ور ) مكتوب رفيقك مهوب راعي خطوط0

[البتار]

مامعني كلمة البغيله والزنبه

[طير غيمار]

وانا بعد مع اني خبوبي ما اعرف حلحال


وشكله وشكله والله العالم مممممممم ماأدري هههههه


يالله وين النشامى

[طير غيمار]

وشلون تبين اعرف البغيله والزنبه




وين الربع

[المنخرش]

هاه امر
تبي الحلحال هو تراحيب بالضيف اذا دخلو عليك
وش بعد

والبغيلة هذيبغل مصغر بغيلة
الي بعده
وهذي نعله زنوبا
ضايعه خويته
تسمى زبه وحدة
صح علي

[طير غيمار]

اشهد انك منخرش

لكن تراي احبك في الله

اتوقع خطأ

[شيخ بريدة]

طير غيمار الله يرضى عليك هههههههههه هاللعبة ماهي بـــــ للتحدي.

اللعبة إنك تجيب كلمة همّن تشرحاه واللي عقبك يشرح الكلمة من آخر حرف.

جب كلمات تراثية واشرحهن همن يجونك ناسً عقبك ويشرحون كلماتٍ تاليات.

فهمتن الله يرضى عليك.

[الـــراوي]

بدءاً من آخر كلمة بغيلة حرف الهاء

أقول نسمع اول يقولون عن بعض من الناس( هيلق )

وكلمة ( هـيـلق ) تعني عديمي النسب أو الناس عديمي التربية

***
شيخ بريدة /// إن كان اللعبة نفذتها تمام فرد علي
ولك تحياتي

[شيخ بريدة]

الراوي والنعم بك وزود.....اكثر واحد متفاعل بالموضوع هو انت... وطريقـــَـــكّ صح.


وهالحين افتح صندوق رسايلك الخاصة الله لايهينك.

[البتار]

البغيله وهي الة كانت تستخدم للجلد وهي عند الكتاب ترفع القدمان ويبدا الضرب
الزنبه يطلق في القديم على الحبل القوي المتين الذي لايمكنه ان ينقطع
والله اعلم

[المنخرش]

طيب وش معنات
حصان القايلة=======معقدته

[شيخ بريدة]

حمار القايلة ماهو بحصان القايلة يابوش ياحمار.

حمار القايلة=كانوا من اول يخوفوننا به زي ابوخيشة<< وش قصته ذا.

بحدى النوبات يقولون إن ابوخيشة ناطلً بزقتين<< هههههههههههههه تخرعت يوووه تخررررعت<< اصبر لاجاك.



بعض الاحيان يقولون وراك ساجّ وساجّ معناته: غاردْز(غارق) ببحر هواجيسه يعني يهوجس ويسجّج<< ايه يسجج والله من التوليف.


بس معناة ساجّ صحيحة......اللي عقبي.


المهم

[سراب القايلة]

شيخ بريدة

وش قايلك انا تقول يا حمار القايلة >>>>>>> واحد يفهم خطأ ههههههههههههه

الكلمة .. وراه مالك سثحه ؟؟؟
يعني وراه مالك شوفه ..

تبلى بهالكلمات ..
أستغفر الله والشكر ..

أجل يا شيخ بريده >>>>> لاوالله شيخ ولا دخله ههههههههههههه

وراه ما تغدي رجل ..
يعني وراه ماتصير رجل ..

هههههههههههههههههههههههههههههههههههه

أجل أبرقى لم الطايه ..
يعني لم السطح ..

خطمة تراي ما قريت الموضوع من أوله ..
يعني يمكن الكلمات هذه به من قبل .. حلوه به ...... به بس مير نيم ..... تفت انجليزي


أجل البدوي يقول أنت مستانسك ..
يعني انت مستانس ..

تبلى والله العظيم .................


باي باي باي ..
لا أستغفر الله ..

مع السلامه .
نراكم على خير .

والسلام علــــــــــــــــــــيـــــــــــــــــــــــــــ ـــــــكم

[المنخرش]

عندي تسلمة
اي معناته
((((((العلوج)))))))
وش معناته

[البتار]

مامعنى كلمة ينقع بالبلاط ومامعنى كلمة النبيله

[المنخرش]

حارت النقع به مطر
ويسكن فيها نبيل

[شيخ بريدة]

وش السالفة يعني حنا حاطين الموضوع عشان تنشدونن.


انا حاطٍ الموضوع عشان كل واحد يدلي بســــطـــــلـــه<< هههههههه يقال له لغة.

يعني كل واحد يحط تسلمة ويكتب معناته ماهو بينشد.




معناة كلمة:

نشد:نشد ينشد نشداً يعني سأل أو طلب.

انشدك ياالمنخرش عساك للخاروش اركد واكتب كلمات بدال هذرك اللي مابه فايدة.

[المنخرش]

طيب واذا كلمة صارت ما اعرفه من انشد
انشدك انت يالشكش بريدة

[الـــراوي]

سامحون ياجماعة لأني ماجيت بالترتيب
ودي أعطيكم بعض النصايح على طريقة الأولين/
1-
التمر خصه خص ،والزاد قصه قص

بمعنى: أنك تأكل التمر من نواحي متفرقه من الصحن (الطوفريه)
أما الزاد / فإنك تاكل من حافك ولا تتنقى فيه

2- لاتنام بعد الديك/ أي لاتنام بعد صلاة الفجر واحرص على العمل دايم والأفضل الوقت المبكر ،وهذا فيه موافقه لقول المصطفى صلى الله عليه وسلم ___ كما في معنى الحديث__ (بورك لأمتي في بكورها)

[جمانه]

النبيله : هي النباطه التي يستخدمها الاولاد في تكسير لمبات الشارع

ينقع بالبلاط : أي تبقى آثار الماء على البلاط بشكل بقع ونقع




كلمتي هي " الجصه " ما معناها

[الروشن]

الجصه هي حقت التمر


اللي ابيت ابوي سليمان (الله يرحمه )

[النبراس]

طيب..مشكووور يالروشن..:41
بس ما قلت لنا كلمه..
على العموم كلنا واحد إن شاء الله
أبقول عنك..:D

إذكر أقول العلماء في "الهمق" وما معناها..وما قول شيخ بريده في هذه المسأله؟؟:i121
<<--------- متعقد من الإختبارات.. :re
الكلمه هي... الهمق
لكم تحياتي،،،

[جمانه]

الهمق : الكلام اللي ماله داعي يعني " الخنبقه "


طييييييييب ما معنى : " محجان " ؟؟؟؟

[سراب القايلة]

الخنبقه يا بعد سلاي هي تقال للواحد اذا احتلم أو شي من هالقبيل يقال فلان خنبق
صح ولا صح على العموم فيها قولان >>> مايبلش هالمصري ,,

والمحجان هو اللي يحط اذا جيت تغير الزيت علشان تكب الزيت >>> خكري ياي


طيب وشي الدبهرق ,, ونهوله تقال ,, تراه قديمة بالحيل بالحيل

من الكيبرود / سراب القايلة

[شيخ بريدة]

المنخرش: ايه انشدن بهواك.

الراوي:ماشبعنا نبي زود امثال:D>>تحس انه مشفوح يحسبه اتسل.

كليجا منتفخة:مشكور على هالنبيلة والنبيطة.

الروشن:مشكور على الرد والله يرحم ابيّـــك.

مجنون هند:خلفهم مهبول هند....الهمق هو الخرط يعني تخرط يعني تهمق يعني تخنبق على قولته.

كليجا منتفخة: مشكور نوبةٍ اخرى.

سراب القايلة: مشكور على الرد والله يجزاك خير بس ترى المحجان مهب حق الزيت ياالذهين.... حق الزيت اسمه محقان مهب محجان ياالذهين.

اما المحجان أو المحجن فهو: عصا خشبية معكوفة(معقوفة أو منعفجة) الراس.





اما الدبهرق فهو الغبي او الهدر.


طيب والدبشة هي البهيمة والجمع دبش يعني نعم بهايم.





طيب وشي الخويخبا.

[شارع 2003 الضباب]

وشو

[سعفة]

شيك مصلحة المياه والصرف الصحي


نظراً لإغلاس الموضوع بالتثبيت
قرر المصري وهو يسبح لصلاة الجمعة اليوم الاربعاء عقب الظهر
أن الموضوع يشيل تثبيته

عاد قلت حليبه
قال حليبه انت
قلت حليبه خل اشيله
قال لا أبشيله أنا
عاد قلت خله انا رجالن أبي شيخ بريدة بتسلمة راس
أن هالموضوع مملوح بس عاد ترانا حنا ملينا منه
كل ما دخلنا ولا هوهو
عاد الي يبيه يلقاه لا تخافون ،، :،/ـ
شيخ بريدة العضو المتميز الخروف الغبي الطرمبة
شيخ بريدة هو العضو
أستغفر أثري قلت الطرمبه وانا ما دريت
والله العظيم والله العظيم
ولا قالين غبي بعد
أيوالله حلف حلف أنه هج بي لسان ياشيخ بريدة المنهمر بالطايه ومورطن أخوه الصغير

أقول يا ألبي ،،،،،
شيخ بريدة
شيخ بريدة ألوه أنت ما تناظرن وراك زعل ،
خلاص ياخي لا رحنا ندور بالشماس مريناك أنت ووجهك الي سنه
قنفدذ مضرع <<<<== تخيل :/،ـ والله ياهي ما تجي


ألبي ،، ،،،
ما معنى مضرع
يالله جاوب مدام هالموضوع هو على ماقال من نفس الاختصاص يا سلاي
معنى مضرع يعني القنفذ لا صار مضرع وش يصير ،، :/،ـ /:،ـ :/،ـ

أنا أقول حسران :D:D


وانت .؟؟؟؟؟؟؟؟؟
ههههههههههــــــ

[شيخ بريدة]

السلام عليكم........السيد/راعي غنم سوق الغنم سعفة: أما بعد===>انواع الخبص:D

لقد تلقينا كزتكم الكريمة(رسالتكم الكريمة).....وهذا ردنا مع اننا متحفظون فتسيف نتنزل للرد عليكم همانا حقين كز صحي قصدي صرف صحي....حتى اصرف خشمك بقصب(مواصير) الصرف الصحي ياالبعير المتبربك:D :D

انا منهمر بالطاية ياالبوق الفضيحي:D :D

اسكت لاتقول شماس تراك تذكرن بالشماااااااااس ايام الصباااااا يوم به حصيصة السعافا خويــَّـــك ياالمروح يوم كنتم حــِــيَّاااااان===>>ايه فسّراه ذي:D :D




قنفذ مضرّع=قنفذ حسران.