جامعة القصيم تتلاعب بإعصاب المتقدمات

[عدسـة الضاحي]

http://srab7.com/up/uploads/images/srab7.com-e678ca0ee0.gif
http://www.slaati.com/inf/newspic/64.jpg

أعلنت جامعة القصيم نتائج القبول للطالبات عبر الموقع الرئيسي
:http://212.26.64.116/qu/init?toApp=1النتائج النهائية للقبول للطالبات وظهرت عبارة ( مبروك لقد تم قبولك في الجامعة ... تهانياً )

دون تحديد موعد تسليم الاوراق او الكلية وبعد نصف ساعة تم عمل تحديث للموقع ومعها اختفت عبارة ( إستمارة مواعيد القبول ) .

ومن خلال المنتدى الرسمي أوضح أحد المشرفين عن الرسالة التي ظهرت بالموقع هي مجرد تجربة وأن النتائج سوف تظهر مساء الخميس.

علماً أن إدارة الجامعة أوضحت في وقت سابق أن الإعلان سوف يكون يوم الاربعاء 9-8-1431 هـ ،ليستمر مسلسل التلاعب من قبل الجامعة في أعصاب المتقدمات بين فترة وأخرى في تضارب المعلومات وإظهار وإخفاء النتائج والضحيه الوحيدة في كل مرة المتقدمات.

[333]

مشكور

[منتهى أمل]

معروف التلاعب بالأعصاب من موقع الجامعة :oo .!!!

الله يعيينا ويصبرنا عليهم ..:mad:

[فتى الموطاء]

الى متى التلاعب بنا نحن الطلاب ملينا صراحه .

[فصول بريدة]

دايم تسذا

[ملاك الغلا]

يعطونهن بروفه لنتايج امتحاناتهن عشان مايستغربن لاخربط الموقع

[نفسي أطير]

اصبروا مهنا الى الزين

[عشاقكم]

لاجديد
ويستمر التلاعب في بناتنا
بس لاتخافي فان الله معاكي

[سوآلف حرف]

ماجبت شي جديد

هذا هو موقعهم دايم محشش

[تــرف ..~]

كل يوم بكرا ..
ميب حاآله ذي ..
الله لايوفق اللي كرهنآ بالجآمعة قبل لاندخله ..

[Naa]

صدق العبو بأعصابنا

متى تظهر النتيجه اليوم الجمعه

وهم قالو الإربعاء

[عدسـة الضاحي]

لاهنتم على الردود

[غلا الروح]

لابعد احذفوامن الموقع ايقونه استماره مواعيد طلب القبول

[ياحبيلتس يانا]

ياكرههم بعد وياكره موقعهم الله يطلعنا منه على خير اذبحونا

[عمشه تحت السدره]

مهب شي جديد منذو مبطي وانا اسمع تسذا:045: الله مير يخلف عليهم واذكر قريت موضوووع :eek:ان موقع جامعه القصيم مختررررق:confused: بس ما تاكدت اغديه مهب صحيح:oo الله يعين ها البنات قسم شلت هم معهن :035::035::035:

[ابتسام القصيم]

يا كرههم

[Naa]

ياقبحهم إذا كان مخترق

يارب إنه مهب صحيح

ومنهو اللي تسمح نفسه يسوي هالسوات

ياقبحه أف مليت من كثر ماأفتحته أناضر طلع القبول أولا

[غلا الروح]

يآرب توفيقك

وصبرنآ على هالبثرررررررررررررررررررررين

[أبو برق]

الله يعينكم

[ام نواعم]

الله يعين بس الله معنا في كل شيء

[غلا الروح]

ياحبيلككم علمممونا ماصصصار ششي ؟

[غريب احساس]

الله يعين الجميع

[الدبلوماسيه]

تكفون ياعالم ياهوه وشلون اشوف هم اقبلون أو لا
تـــــــــــــــــــــــــكفون ردو

[توفة]

يااااااارب انا مت من الرعــــــــــب متي اعرف أذا انا مقبوله ولا no

اللي هذا اوله ينعاف تاليه .. الله يصبرنا عليك ياجامعه القصيم .

[كليرز للمواعين]

يااااااارب انا مت من الرعــــــــــب متي اعرف أذا انا مقبوله ولا no

اللي هذا اوله ينعاف تاليه .. الله يصبرنا عليك ياجامعه القصيم .



ماشفتي شي للحين:i121

ياما وياما بتشوفين من هلجامعه:(

مانقول الاالله يصبرنا عليهم بس
ونتخرج وحنا بخير من دون لاسكر ولاضغط:eek5

[لورين]

والله بس يطفشون البنات وهن على اعصابهن مايدرن هم يقبلونهن او لا

[غلآ الدنيا]

حسسسبي الله عليهم
طــآرت عيوني يآربي وراهم كذآ
اربعاء وخميس وجمعه والحين دخل السبت
وهم كل شوي يعطونآ وقت
ماقول غير حسسسسسسسسسبي الله عليهم

ان شالله يسواها فيكم : (

[أحساس جديد]

الشكوى لله :oo
مالكم الا اجر:eek5
احتسبو الآجر :oo

[ليندا]

الصبر الصبر

فـأنتم في جــــــــــــــآآآمعة القصيم

ياما وياما بهذلونا بالقبول والجداول والنتايج....

حسبنا الله ونعـم الوكيل..||~

[بريداوية ام الهبال]

والله من الحرارة بكم ريلآآآكس ريلآآكس :d
عادي اصبروا كل واحد بيآخذ حقّة وإذا طلعت نتآيجكم يرسلون على الجوّال
نصبر لو حتى بعد شهر وش ورانا :d

[أحساس جديد]

والله من الحرارة بكم ريلآآآكس ريلآآكس :d
عادي اصبروا كل واحد بيآخذ حقّة وإذا طلعت نتآيجكم يرسلون على الجوّال
نصبر لو حتى بعد شهر وش ورانا :d

:d:d:d

[أحساس جديد]

والله من الحرارة بكم ريلآآآكس ريلآآكس :d
عادي اصبروا كل واحد بيآخذ حقّة وإذا طلعت نتآيجكم يرسلون على الجوّال
نصبر لو حتى بعد شهر وش ورانا :d

:d:d:d
ميه بالميه انك موب بثالث ثانوي :i121

[بريداوية ام الهبال]

^

مب لازم أحلف إني بثالث ثانوي :09:
شكلتس ودّتس تدخلين علم نفس ولا إنقلش ومشتبّة :d

[@وردة الجوري@]

حسبي الله ونعم الوكيل:(

[ملاكـ الاحاسيس]

:d
الله لآيربحهم قولـو آميــن .. من آمسس مآنمت كله ىنتظر متى آلنتاعجج :(


الشششكوى لله .. آهـ يىزين آلمدرسسه ونتآيجهم .. نعطل الثلاثاء تطلع السبت الساعه 9بالظبط
مايخلفون مرهـ:d:d


ننتظر والششكوى لله ..:p

[مخاوي الدمعه]

كل يوم ادخل ولا اشوف النتائج
الحمدلله اني انا الي اتابع قبولها مو هي

[توتة توتة]

جامعة تستحق ان تعطى شهادة الفشل على جامعات العالم أجمع.....................تهانينا لك ياجامعتي القصيم.

[ديفيد فيا]

شوف التصنيف الاخير وين مكانتهم من بين الجامعات


اااااااااااه والله لولا اننا منحدين عليهم ماسجل ولا واحد من الاقارب فيهااااا

[عزوتي شمر(بنت شمر)]

وهذا مسلسلهم
الداائم
لاتستغربون
بس ننتظر الحلقه لاخيره وش راح يسوون

[يارب تجمعنآ]

السلااااام عليكم ورحمه الله وبركااته: 12

وش اقول وش اخلي اقول حسبي الله عليكم ولا الله ياخذكم وافتك :i121
شلووون تسووون كذا مهبل حنا عندكم مافيه احساس ماننام الليل :bad
الحين يوم انكم تبي تمشون على رايكم وتبي تأخروننا من الاول عطيتونا يوم معين ونزلتوهن فيه:mad:
لو اخر السنه اما كذا كل يوم الليوم بكرا خير:eek::(
انهبلتو على العموم هذا طبعكم وابو طبيع ما يخلي طبعه:oo
وهذا مو غريب علييكم هبلتو بالي قبلنا تهبيل:i121
لاكن مااقول الا حسبي الله على كل واحد له دخل ولا تعمد التأخير وجعله يشوفه في دنياااه:eek5



سامحوني على الاسلوب بس وقسم انفلتت الاعصاب وانا ماقريت الرد ثانيه عشان ادري اني ابمسح نصه بس وقسم من حر مااوجس:eek5:eek5

[قلم رصاص999]

الحين ليش النتا ئج على دفعات
ليش ماتكون دفعة واحدة ووقت واحد
الصراحة ارفوا ضغطنابالطريقة هذي
راقب النتيجة ولا فاتك القبول
تأخرت عن السفرانتظر النتيجة
ولا حس ولاخبر:i121:i121

[~..شيخة البنـآت..~]

طيب به أحد طلعت نتيجته . . ؟؟
حسبي لله على اللي يحدد موعد ويسحب على الخلق :(
يااااااااارب تصبرنا

[ملآمح يوسفيـﮧ}~]

حسبي الله وحدهـ وكفى ..!

[الحصي]

السلام عليكم ..
كم يطلب نسبة الثانويه + القدرات + التحصيلي لقسم علم النفس او تربيه خاصه ِ(كم بالميه المقصودِ)
انا نسبتي 99.66بالثانويه العامه والقدرات 65والتحصيلي 67 هل تِأهلني ادخل علم نفس اوتربيه خاصهِ؟
ارجو الرد ضروري الله يجزاكم خير ويوفقكم ياااااااااارب

[نبع الوفا]

اجل حنا وش نقول الى الان ما نزل شي

[@وردة الجوري@]

ياااربيه اللحين يبي يقبلوننا يعني فيه دفعه ثاانيه ولا لا...

صراااااااااااحه يرفعون الضغط,,,

[الموناليزا]

عادي ليش مستغربين !!