هل يوجد كنز في بريده

[ابو زاهر]

بسم الله الرحمن الرحيم

السلام عليكم ورحمه الله وبركاته


كيف الحال ياهل بريده الحبيبه انا كنت متوجد في بريده خلال الاسبوع الماضي بس مالفت انتباهي هو كثرة الحفريات والشوارع الغير مهيئه لي المشي فيها انا استغرب من سكان بريده عدم ايصال صوتهم الى البلديه او الى امير بريده يناس حرام تمشون على الشورع الخربانه انا اشك فيه كنز تحت اراضي بريده

ابو زاهر لي الارقام القياسيه
اكثر مدينه فيه حفريات بريده
اكثر مدينه فيها صبات :41
شباب نشوفكم قريبا

[Abu Yasser]

انا اشك فيه كنز تحت اراضي بريده



الآ .. أكيد فيه كنز
[ وحنآ الحين ندورهـ معهم ]

[Leader.20]

*


تقطعت احلوقنا وحنا نصوت .

بس ما حولك أحد .كلٌ مشغول وش نصيبه من الميزانيه اللي يصرفه ابو متعب كل سنه


*

[ابو زاهر]

8888
المفروض المنتدى يوصل الكلام لي الجهات المختصه

[manedl]

هههههههههههه أذكر قبل عشر سنوات البلديه تقول تحملونا خمس سنين لتجديد البنيه التحتيه للديره !!!!!!!!!
طلبتك لاتعلم أحد وتفضحنا على سوات الأمانه عندنا: 12

[حلا الماركة]

اكبر دليل لوجود كنز ببريدة في حي السالمية شفو الحفريات مايرتاح الطريق ابد الله يعييننا بس

[البريداوي فصوول]

انت تحسبون انهم حطو الحفريات عشان يلعبون ام غبى؟
هم مايلعبون .. هم قاعدين يصححون اوضاع الشوارع والصرف الصحي عشان الامطار القويه وانت شفتو ماحدث للاسكان العام الماضي
الحين هذا جزاهم ان الحكومه تتعب وتشتغل وانتم ماتدرون وش اللي يصير اصلا

تبا للعقول الغبيه

[Leader.20]

تبا للعقول الغبيه


ثكلتك أُمُّك :113:

[ْْْXXXراكب بورشXXX]

بكيفهم خلوهم يحفرون بس اهم شيء انهم يعجلون به ولا يحفرونه ويخلونه سنه مازينوه

[C R Λ S H]

انت تحسبون انهم حطو الحفريات عشان يلعبون ام غبى؟
هم مايلعبون .. هم قاعدين يصححون اوضاع الشوارع والصرف الصحي عشان الامطار القويه وانت شفتو ماحدث للاسكان العام الماضي
الحين هذا جزاهم ان الحكومه تتعب وتشتغل وانتم ماتدرون وش اللي يصير اصلا

تبا للعقول الغبيه


ههههههههههههههههههههههههه ضحكتن وانا ما ودي اضحك...

اجل علشان الصرف الصحي .. لا تقعد مسويلي فاهم

ندري انه علشان الصرف وعلشان توصيل الماء وهالآشياء حنا عارفين

بس يا بابا خله يجي مطر وتطلع العلوم ..

شف لا جاك مطر قوي شف الديرة تغرق ما هنا صرف زي الناس

ولا راح يحطون صرف زي النآس وعلمتك ..


شف شغلهم شلشة بشلشلة ..لا تقعد مسويلي فاهم بعد

تباً لك ناقش بإسلوب بارك الله فيك

[جيورين]

وضع هذآ الموضوع للنقآش بإحترآم وأسلوب رآقي ..
فأرجو من آلجميع آلإحتـرآم بينهم ..~
شكرآ لكم ..

[سفيان الثوري]

كل بلد في السعودية يعاني من الحفريات

ليش بس بريــــــــــــــــدة يا راعي جدة ؟!!!

وجدة هي أم الحفريات !!

[ابوفهد بريدة]

يقولكـ كثرة الحفريات علأ مة تطــــور المدينه

[المواطن]

اخوي كان عنوان موضوع (هل يوجد كنز في بريدة )

وجواباً على ذالك نعم واللي ماهو مصدق يشوف الحفريات فالشارع الواحد يحفر مرتين في السنه

ياكثر الكنوز عندنا كثراه >> عد الحفره وعد كنزها هههههه

ودك والله تمسك هالشركات وتدفنهم بحفرهم احسن (ضايقو البشر بالشوار )


واعتقد ان السؤال لايزال مطروح ولم يجد له اجابه ولن يجد اجابه

[المواطن]

المشاركة الأساسية كتبها البريداوي فصوول
انت تحسبون انهم حطو الحفريات عشان يلعبون ام غبى؟
هم مايلعبون .. هم قاعدين يصححون اوضاع الشوارع والصرف الصحي عشان الامطار القويه وانت شفتو ماحدث للاسكان العام الماضي
الحين هذا جزاهم ان الحكومه تتعب وتشتغل وانتم ماتدرون وش اللي يصير اصلا

تبا للعقول الغبيه

ياخي الكريم نحن نعرف بس اين التخطيط الصحيح فالمفروض قبل زفلتت الشارع يوضع كل الخدمات ثم يتم الزفلته مووو كل شوي مصلحه حكوميه مقفله الشارع ومسويه حفريات

هذا التصرف فيه صرف اموال الدوله بدون وجه حق واضعاف للميزانيه بدون تخطيط سليم


طيب الشارع سبق وتم زفلتته وتبي تحفر مصلحه حكوميه خلاص تبلغ جميع المصالح بان عليهم توصيل خدمتهم مره واحده حتى لا تتكبد البلد خسائر زياده لا داعي لها والمستفيد بالطبع معروف الاجنبي

[(ابويوسف)]

والله ماحصلوه واخرماتوصلو له انه لقو شبه كنز



ههههههههههههههههههههه هع

[جربوع شارد]

^
^
يابن الحلال اللي يبون مب كنز هم يبون ( زنوبة ) اجلّكم الله لهندي
طاحت في حفرية قديمة ولا لقوها
الغريب ان اهل بريدة تبرعوا بكرتون ( زنانيب ) لكن مايبون الا حقت الهندي هذي :eek:

[سعد بريده]

الحين وش المطلوب ..!

[ابو زاهر]

كل بلد في السعودية يعاني من الحفريات

ليش بس بريــــــــــــــــدة يا راعي جدة ؟!!!

وجدة هي أم الحفريات !!

اخوي صحيح كلامك كل مكان فيه حفريات بس في القصيم الحفريات تخذ وقت على ماتخلص وقت كثير مره

[الــغــلا]

ياليتهم يخلصون من حي
ويحفروا الثاني
كان ماقلنا شي
المشكلة كل الاحياء
صار فيها حفر ولم تردم
حتى وانت تسوق السيارة
تخاف من الحفر
اللي محفورة من جديد

[يارب القاء اسم]

ابشــرك اليوم لقيت الكنز .. :)

[الفهد الأسود]

الا فيه كنز من قال لا

ولقوه بس لما خلصوا حافرين ومطلعين الكنز ودفنوا الشارع حفروه مره ثانيه

تدري ليش ؟ لانهم نسوا مفتاح القفل حق الكنز
---

حنا ما نشتكي من كثر الحفريات

نشتكي من تأخر الحفريات

اعطيك مثال : شارع الرواف

له أكثر من سنه بنفس المكاااااااااان والله ما تغير الا اللهم انهم رجعوا شوي

وش السبب ؟ معقوله كل هذا شغل عشان الصرف على قولتهم ؟


تدري وش ودي .؟. ويدي يمسكونن البلديه شهر بس

يانا ابطرد ناس بالبلديه خلها على ربك بس

[الطرس ممدوح]

اكيد الي يدري عن الموضوع هي الأمانه هي وبعض الشركات الفاشله

[عبدالله الـ2]

كثر منها كنز احفر مترين مايطلع الا الغثاء

[أبو عبد العزيز]

وجود حفريات في المدينة أو عمل أو تحسين طرق أمر عادي في كل بلد ..
ولو ذهبت لاكثر المناطق في المملكة لوجدت ان لديهم شي من ذلك وهو العمل في الطرق ..
لكن السؤال هو ؟؟؟
لماذا نرى البطء في بعضها ؟؟
لماذا لا يتم الانجاز بشكل سريع ..؟
والامثلة على ذلك كثيرة ..
متى ستنتهي هذه الطرق ويستمتع الناس بها ذهابا وايابا بكل سهولة .. ؟
أكيد مثل هذه الاعمال فيها ما فيها من المشقة والصعوبات التي تواجه العاملين لكن طول المدة في بعض المشاريع شي ممل ..
وفق الله العاملين وأعانهم ..

[توفي نايس]

يالله ندوور الكنز معهم هذا كنزنا <<<<<<<<<<<<<<<<<<<<<< خخخخخخخخخخخخخ والله انكم صادزين مهوووب معقوله هالحفريااات

[البيضة]

مطبات قصدي جبال ههههههههه يكل بريدة


ولا يقلون لا تشري غير هلي او جيب

[m المنهل m]

والله أنا أشوف إن هذا الوضع عاجب أهل بريده
وإلا كان من زمان تصرفوا
أنا ماأدري وشلون عايشين بالوضع هذا
حتى مافيه نظام اللي يطلع فوق الرصيف
واللي يفحط واللي يقطع الإشارة واللي يمشي عكس الناس
الله يهديكم.