ياعالم إحذرو من تلاعب مطاعم هرفي......

[أهواك يابريده]

.


بسم الله الرحمن الرحيم


السلام عليكم ورحمة الله وبركاته............أما بعد:

حبيت أن أحذركم من مطعم هرفي وتلاعبه بالحساب
فقد اتصلت على مطعم هرفي وطلبت أربعه تورتيلا مع وجبه
وواحده بدون وجبه بفرع المنتزه وعندما استعلمت عن الحساب
قال لي مائه وريال قلت أوكي واستغرب زملائي بالسعر
وعندما حسبوها طلع المبلغ ثلاثه وثمانون ريال
فذهبو للمطعم لأخذ الطلب ومناقشتهم للسعر فتم التصحيح

وحبيت أحذركم لأن البعض هداه الله يحاسب ولايدقق بالحساب وبالأخص الطلبات الخارجيه

علما بأن طريقتنا نتصل عليهم ونذهب لأخذ الطلب لتوفير الوقت


تحياتي لكم

[Leader.20]

*
*

بارك الله فيك .

*

[حبة البركة]

مشكور

[طيف المشاعر]

مشكوووووور

[ابوفهد بريدة]

نعم فأنا ألأحظ عليهم وسبق أن حصلي مثل سالفكـ
لأمجال لسرقة إلا بهذه الطريقه لأنه كلش محسوب عليهم


شــكـــراُ لتنبيهكـ

[فيتـامين]

حتى مع مطعم كلو الطازج صار لي الموقف هذا مرتين، وتقريباً يصير بكل مكان .
ومن الأسواق اسواق الفايزية نصابين بشكل كبير ، وعليهم سرق ماهو صاحي ، طماعين بشكل كبير ، مايكتفي بريالين او خمسة ، الا ياخذ فوق السعر عشرين ريال ، دايم لازم ارجع افتح الكيس واعيد الحساب من جديد ، قبل ما اعطيه الفلوس .


وجزاك الله خير على التنبيه

[انثــــى كلاسيـــكية]

لا والغريب

ان فرع العثيم مول


يبيع الوجبة بــ20 ريال

[Abu Abdulaziz]

جزاك الله خير وبارك فيك

[šα3β αηšαķ]

مشكووووووور اخوي على التنبيه بس لو انا منك كان مسحة خشته

[الجوك]

جزاك الله خير
ع التنبيه

[abu-aisha]

شكراً لك وجزاك الله خير

[أبو برق]

مشكور على التنبيه

[الشذى]

طيب اذا طلبت تورتيلا بدون وجبه يعني بس تورتيلا وبطاطس بدون مشروب كم يصير المبلغ ؟؟

[البلح]

الصراحة ماوقفت على هرفي حتى البقالات اللي فيها ابو يمن والهنود والبنقال يزودون إذا شريت وخاصة لاصار معك أطفال يشرون

[غابت فرحتي]

مشكور اخوي ياالغالي

[الدب الصيني]

نفس الموقع ونفس طريقه حصل معي مثل هذا الخطا ...
..

ولاسف لم اعلم إلى في البيت .

[أبورامي]

طيب ليش ماتاكل بالبيت ؟

[شمعتهم]

ياكثر ماصارت...

[ابوفيصل اليحيى]

الله يعطيك العافيه اخوي
ومشكور وماقصرت على الاهتمام لنا

[فنوش}~]

أول شي الله يهديك ويصلحك الموضوع اللي انت كاتبه ياعالم ومدري ايش وكل هالخبه مآآآآآآآآل أمه دااعي كل هذا علشان الموظف غلط بالحسآآآآآب....!!
الحمدلله والشكر...هذاه رجعت لك فلوسك..وواحذروا نحسبه تسمم والا حاطين لك شي باأكلك...
الله مير يخلف بس فرحت انهم غلطوا بالحساب وجيت تحذر منهم...
لا اتعود له بس ياحط شين ينفع والا لاتحط...
مع التحيه....ّ

[رووح الورد]

جزااك الله خيييييييير

[بنت الشيوخ]

عادي هذا خطأ بالحساب مافيها شي الأغلب يتعرض لنفس الموقف

[يارب القاء اسم]

انا دائمن تحصـل لي هالحركه ,

يااخذون مني كم ريـال او الطلب اللي ابيه مايجي مثل ماابيه ..

[يارب القاء اسم]

عادي هذا خطأ بالحساب مافيها شي الأغلب يتعرض لنفس الموقف


مره وحده تمشي بس مو كل ماطلبت يجي نفس الغلط ..

مـاصــار مطعم صار مثل ساهر ياخذ مخالفات ويقول نبي سلامتكم ..

[B T - B O]

حتى احنا صار لنا مثلك

دبلو الوجبات ع شان زيادة السعر

[**عاشقة ربع**]

مشكووووووور

[السيف السعودي]

الله يعطيك الف عافيه على التنبيه ومشكور

[سـانـدرا]

معلومه جديده عن مطعم هرفي

[حساني الروماني]

والله العضيم انهم فعلوا بي مثلك غششششششششششششش

[قلم جريء]

صدقت قد صارت لي~~~

[فلاشيو]

الخطأ وارد بكل مكان يا وليدي,,,,,,,,

موضوع ما له داعي


مشرف احذف

[مهند و]

اذا حصل لك الموقف المره الثاني كفخ اللي لعب عليك علشان مايسويها باحد ثاني وتكون بدايه خير

[Abu hmid]

أخوي عادي بكل مكان تصير بعدين ياخي حسن نيتك ممكن يكون غلط بالحساب بدون قصد لما تروح لأي بقالة او مطعم أو أي مكان ممكن يصير لك الشي اللي غالبا مايكون فيه سرقة لما يرجع لك الباقي

[عبد العزيز الرجيعي]

ياربييييييييييييييييه حتى هرفي ماسلم طيب خلاص غلطو يصكون عشان حظرت جنابك تصير باكبر الحمايل

[جمعية تيسير الزواج]

الله المستعان

[اهوما]

مشكــور ع التنبيـــه .. ,

[أهواك يابريده]

شكرا لردودكم

ولاحظت بعض الأعضاء حصل لهم نفس الموقف

تحيه للمعترضين على الموضوع

[القنزهـ]

جــــــــزإُك الله خير ..
بس . يمكن يكون غـلطآإُن يـ بعد تسبدي ..
يعني تأكد شوي .. وومالظاهر يبي يتلآعبون بالأسعار وهو مطعم راقي ومعروف ...
يعطيك العآإفيه

[وردة55]

جــــــزاكــــ الله خــــيـــــر عــلــى الـتـنـبـيـه....

[أبو ماجـد]

^^^
جزاكـ الله خير
^^^

[الطرس ممدوح]

بارك الله فيك

[عبود1]

كل فروع هرفي فيهم تلاعب بالاسعار حتى اللي بالفاخريه

وخاصة أذا كان الطلب توصيل أنواع النصب

لكن مايضيع شئ عند الله وحسبي الله ونعم الوكيل الله لا يحللهم

[سيار نجد]

انت لا تستلم الطلب الا بالفاتورة , اذا طبع الفاتورة ما يقدر ياخذ ولا هللة , لأنه يحاسب على الزيادة والنقص , والخطأ وارد , فلا يصير ظنكم أنه سرقة لا سيما أنه غالب المحاسبين بهرفي سعوديين ..

[ابو زاهر]

كلامك صحيح

[كليرز للمواعين]

اي جد دايم يسووووون بنا كذاا
وخاصه هرفي نصاااااااب

[فارس99]

مشكووووووووووووووووووووووووووووووووووووووووووووووو ر

[رايقة البال]

مشككككوووووووووووووررررررررررررر

[عرفت اشلون]

ياكثر ماتجصل لي ماك عربي ب17ريال

قد باعه على خويي 20

[Abu hmid]

.


بسم الله الرحمن الرحيم


السلام عليكم ورحمة الله وبركاته............أما بعد:

حبيت أن أحذركم من مطعم هرفي وتلاعبه بالحساب
فقد اتصلت على مطعم هرفي وطلبت أربعه تورتيلا مع وجبه
وواحده بدون وجبه بفرع المنتزه وعندما استعلمت عن الحساب
قال لي مائه وريال قلت أوكي واستغرب زملائي بالسعر
وعندما حسبوها طلع المبلغ ثلاثه وثمانون ريال
فذهبو للمطعم لأخذ الطلب ومناقشتهم للسعر فتم التصحيح

وحبيت أحذركم لأن البعض هداه الله يحاسب ولايدقق بالحساب وبالأخص الطلبات الخارجيه

علما بأن طريقتنا نتصل عليهم ونذهب لأخذ الطلب لتوفير الوقت


تحياتي لكم

حتى حسابكم غلط لان التورتيلا وجبة بـ 18 ريال
18 × 3 = 54
83 - 54 = 29
مستحيل يكون التورتيلا بدون وجبة بـ 29 ريال والوجبة بـ18 ريال

[مــــــلاااااااك]

غريبــه هرفي المنتزه مره طلبنا منه وكنا حاسبينه نفس مانشتري من العثيم الوجبه بـ20

وهو حسبهــا لنــا بـ18ريــآل



ومره من كودو النصااب حاسب علينا اللفينو بــ23


يعني مووفررع ولآ مطعم



يعطيك العآآفيه

[Abu hmid]

غريبــه هرفي المنتزه مره طلبنا منه وكنا حاسبينه نفس مانشتري من العثيم الوجبه بـ20

وهو حسبهــا لنــا بـ18ريــآل



ومره من كودو النصااب حاسب علينا اللفينو بــ23


يعني مووفررع ولآ مطعم



يعطيك العآآفيه


أختي هرفي ياخذ على التوصيل 2 ريال

لكن لكي تتجني أنتي وكل الناس النصب طالبوا الفاتورة لان اللي ياخذ زيادة السائق وليس المطعم

[هـرـرـرـرفي :]

السلآم عليكم ورحمة الله وبركـآتو
انا اخوكم من موظفين هرفي
ماجيت احتج ولآ جيت اغلط كلآمك حبيت ابين صوره خفيفه
الآوهيـآ
اختي انثىآ كلآسيكيه
تقول (((( يبيع الوجبة بــ20 ريال ))))
اول شي الوجبه الي اخذتيهـآ ممكن تكون سوبر تشكن وانتي طالبه حجم كبير
اصلهـآ 18 والكبير يزود فيها ريالين المجموع 20
الكبير مايكبر الا اللببسي والبطاطس ....
يعني قبل لآتدفعين قولي ابي وسط الي هي (( 18 ))
....
ويـآخوي اـآهوـآك يابريده يالغالي
الآنسـآن موب معصوم عن الخطـآء ولآ لآ
انـآ ياخوي اغلبيت دوامي اخطي
خل خل الفلوس

انا شغال في هرفي العثيم الخـــآرجي
يابعد قلبي عاتي احد يطلب طلب وازود له بطاطس
انقص بطاطس
ويجي يقول كذى وكذآ وكذ
عاتي الكل يخطي
الفلوس انا علي نقص الحين بكاشري 500 ريال
كلهـآ عدم تركيز وسببها الزحمه شي عاتي ياخوي
وواحد من العيال في قسسم الشباب عليه زود 185 ريال امس
سالناه من وين قال وربي مدري
واخذنـآ الزود وخليناهم في المكتب لين يجي راعيهم انشالله
يعني بختصـآر ياخوي شفت حـآجه مو متـآكد منهـآ شككتك في الحسـآب اسال يابعدي
من حقك
صح ولا لا
واسف علىآ الآطـآله يالغالي
واعتذر ان فهمتك غلط ولآ فهمتني غلط
تحياتي لك وتقديري وجل احترمـآتي

[ღ.. متآبع بصمت ..ღ]

.. .. ..



غريبة ..!!

ماقد حصلت لي ..


تحياتي لك..:)


.. .. ..

[D7EEM-designer]

اعوذ بالله منك
ياخي غلط تراه مو اله بني ادم

[عبود آخر العنقود]

معليش لتقعدأنت أوخويك تلعبون علينا هههههههههههههههههههههههههههههههههههههههههههههههههه ه كبر راسك

[المسافر]

بصراحة هرفي المطعم المفضل عندي

[أهواك يابريده]

الأخطاء وارده لم نعترض

ولكن

كثرت الأخطاء والتلاعب بالأحجام للكسب السريع

وشكرا لمروركم

[فيونكه]

حسبي الله عليهم لاقيننا ساكتين ولعبوا علينا...
الله فوقهم<< لا تنتظرون بلديه ولا مسؤلين..

[الام الحنون 8]

جزاك الله خير

[[ Ẵ ŝ Ẽ ř Ќ ]]

ووالله انك صادز حقين المنتزه نصابين ..

[مالقيت اسم يناسبن]

الله يستر

[غاف]

صحيح انا مرة طلبت من هرفي فرع العثيم وسويت زيادة وجبة بدون ببسي وبطاطس الكلب الفلبيني ضحك علي وقال كلوا تمام ويوم وصلت للبيت وافتش بالأغراض لقيته ماحط الطلب ...ورحت لمهم بكرى وقلت للمدير حق شفت الصبح ولاعطاني وجه ..ويوم هددته باإبلاغ مدير عام مطاعم هرفي عن طريق الإيميل حقه انتفظ وقال خذ الطلب اللحين..
فاأنتبهوا لهم...

[السيف السعودي]

الله ياخذهم دايم تصير مثل المواقف ..
قلت الامـــانه وخوف من الله ..

[قلبي شدا 22]

مشكوووووووووووووووووووور

[المسافر]

مطاعم هرفي احسن مطعم في المملكة

اذا غلط المحاسب مووو معناه ان هرفي سئ

هرفي وبس

[توفي نايس]

امعاد سلتي كم مرررره نقولهم الطلب يجيبون غيييره!
ومسكتينن لهم



!

[& مصدر مجهول &]

مشكوووور على التنبيه .....

[اشكي]

والله التلاعب بالسعر بكل مكان حتى باسعارالملابس

[أهواك يابريده]

شكرا لمروركم

[شوشه]

مشكووووووووووووووووور اخوي على التنبيه

[برهوم القصيم]

كلهم يزيدوا ويرفعواا
بس ما بيدناا
شي
الا ندقق وراهم

[نفسي أطير]

مشكور على التنبية

[i love the military]

مشكور على التنبيه,, واغلب المحلات نفس الحالة

[((محمد))2010]

المطلوب

[F A H A D]

والله انا حصلت معي نفس الحكاية اكثر من مرة في مطعم مذاقي والله ياهم نصابين ويحاولن يتغابون

اخر مرة طلبت منهم اربع وجبات عطاني الطلب بدون البطاطس قلتله وين البطاطس قال معليش صديق..

وبعدين طلعت وانا طالع شفت بالكيس مافيه المشروب وارجع لمه ويقول نفس العبارة دائما معليش صديق..

مهوب انا بس يصر لي زي كذا غالبا جميع الزبائن ..على بالهم اننا شعب غبي ومتسامح مسويين فيها مخ،،

شكراً لك صاحب الموضوع على التنبيه.

[الصاتز ياطى عباتي]

طيب اذا طلبت تورتيلا بدون وجبه يعني بس تورتيلا وبطاطس بدون مشروب كم يصير المبلغ ؟؟



وشو تسذآ آخووتنآ في الله قآل بدون وجبه> يعني تورتيلآ لحآله نو بوتآتوس نو بيبسي:d

[بدربريدة]

ياحبيبي إذاإنك شخص واحد ولاقدرت تدقق ورا حسابك إلابعد فترة وش يقولون المحاسبين الي مايجلسون على حيلهم؟ولايقدرون يرمشون من كثرالزبائن والطلبات ؟لاكن هذاالشعب بعد مايشبع ويدقق ويراجع الحساب يكتشف الأخطاء يبدا يحضرم ويزبد؟لالاعلى هونك هذا خطاك وتحمل إهمالك ؟ولاالمفروض ماتتحرك حتى تتأكدمن طلبك والمبلغ؟
عموما هرفي من أفضل مطاعم الوجبات السريعة ويكفي إنة وطني ومؤسس الشركة من بريدة وهورجل فاضل ومكافح ولايهزة كلامك ؟ياخي خف ربك حتى لوافترضناإنك صادق وش ذنب هرفي من خطاء موظف ؟
أغلب المحلات لاتحين للموضف السرقة وشاف الزبون غفل مارايح يفوت الفرصة لاكن هي درس للمتهاونين بتدقيق الحساب بحجة الإحراج من الزملاء؟!
لوجبتهابإسلوب وصيغة أخرى قبلت منك ؟كأن تقول احذروا من المحاسبين والتهاون في التدقيق خلفهم كان افضل ولااناغلطان؟
اخيراأرجوا الحذف وعدم قبول التجريح والتشهيربأرزاق الخلق وشكرا