اعطينا رايك بشوارع بريدة

[شمالي 1]

السلام عليكم

نريد نسمع من الاخوة رايهم بشوارع بريدة

يعني موضوع للفضفضه :d

نريد ان نحتج على وضع شوراعنا المزري :eek5 :i121

[عبد العزيز2007]

حدث ولا حرج
تعتبر من اسوء شوارع المملكة ومن اكثر المناطق بالعالم التي يتواجد بها مطبات بنقالية !!!!

[ღ.. متآبع بصمت ..ღ]

.. .. ..



يوم اروح للسودان :d شوراعهم احسن من شوارعنا..



تحياتي لك..:)


.. .. ..

[ام طيف]

الحمدلله والشكر ما غير اقول
(( احفر لا تحفر )) ,, (( ادفن لا تدفن ))

[جمراوي]

دمار الدامرين كسرت سياراتنا مدري متى تصلح هالشوارع ومكمله الرواف بتقفيل هالشوارع اللي يشوفه يقول يصلح نفق المعيصه او نفق القطارات تحت الماء اللى باليابان وهو عمودين وصبه فوقهم وشوي اسفلت وخلاص

[حنونه في زمن قاسي]

بصراحه شوارع كلها قرف

[غريب احساس]

الحفريات اللي بطريق الرواف متى تخلص ؟
تصدقون انا مئيس انه تخلص حسبي الله عليهم كرهونا بالشارع صرت اضطر اطلع مع طرق ابعد من طريق الرواف علشان افتك من هالحفريات و المطبات اللي كسرت سياراتنا

[روح المعزة]

لان العامل بقلااديشى والمراقب نايم البلديه حراميه والخوف من الله ما فيه

[GX 2005]

والله يا الشمالي جيت على الجرح وش أقول وش أخلي

وعلى قولة أخواننا المصريين (خليها باالقلب تجرح لا تطلع برا وتفضح)

[mmwshn]

جزاكم الله خير على الموضوع

ودنا لو كان العنوان مواقع العيوب في شوارع بريدة .

مثلاً الشارع الغربي لمصلا العيد حتى دوار النهضة السيد الايمن بسبب حفرية الصرف الصحي اصبح مطبات حتى تصل للدوار ( اتحدى احد يمشي مع السيد الايمن حتى يصل للدوار ولا يفكر بخراب سيارته )
والواحد مضطر يمشي حتى يفسح المجال

[Đяєαм]

احسن شوارع بالمملكة

[المستشار]

المطينات أحسن من شوارعنا ..
و أرتاح أمشي بالمطينة و لا أمشي بهالزفت ..

[الصاتز ياطى عباتي]

والفاعل نايم في سابع نوووووومه وعم بيحلم أنه مسوي شوارعنا من فضه ذ ذ ذ ذ
الله يكون بعونكم

[برووكي]

الصراحه الشوارع حلوه ..

[خفاق]

ابصراحه قمة الهمجية وخاصه اذا اعادو سفلتة الشارع ولا حفرو حفرة ودفنت وسفلتوه ثانيه .. كأنك ماسك جلد .. وانت بوسط بريدة وخاصة امتدات شارع القناة بكل السايدين ...

والله العضيم قمة المهازل يعني له اكثر من 3 سنين لا حسيب ولا رقيب ولا تعديل ...

وش ترجون من عماله اصلن بلادهم ما فيها اسفلت ...


ربك كريم

[وثيله]

أحبك يآبريده

[أبوراضي]

بصراحه فيه بعض الشارع زينه وبعضها لا

[السكى سنكي]

الله يعين بس ...
ولا هذولي شوارع .
إذا سلمت من المطبات الصناعية ماسلمت من المطبات الناتجة عن صيانة شركات المقاولات المتخبطة
وإذا سلمت من ذا وذا ما سلمت من التحويلات والتحويلت تجلس عندنا بالأشهر .

يا أخوان يضيق صدري لما أسافر خارج السعودية وخصوصا الإمارات تجلس أسبوع هناك وأسبوعين
ما تحس بمطب ولا مطب واحد .
التحويلة هناك ما تستمر ثلاثة أيام والتحويلة المؤقتة أفضل من الطريق المعتمد عندنا
الشكوى لله ....
ولا عندنا تخطيط يعني يجي مقاول المياه ويشتغل ويخرب ويزفلت أي كلام وبعد شهر يجي مقاول آخر لنشاط
آخر ويخرب زود على الأول .

[خـآالد]

شوآرعنا ولا بريآل .. :113:

[فتى الموطاء]

والله مشكله تشري سياره جديده وبعد شهرين كان السياره مارن عليه زمان واجد لكن خلك حبيب مع الورشات لكي يعرفونك زين ويسرعون بتصليح موترك

[ابو نع نع]

والله ياهي شينه مع مرتبته الشرف

[جيل العشرينات]

المشكلة إن المواطن والمسؤول مشتركون في سوء الشوارع سواء من ناحية التخطيط أو السفلتة والسبب المصالح الشخصية مثلا : تقوم شركة بحفر ثم إعادة سفلتة سيئة ويسكت عنها بسبب أنها لفلان بن فلان الذي ربما يكون دفع رشوة أو اعطى المسؤول هدية ، وإلا ولماذا لا تعيد الإسفلت كما كان ؟ انظر إلى شارع القناة من عند إشارة المقابر السيد القادم من جامع الخليج كأنك تمشي على ردمية ما هو اسفلت

[زيد الخيل]

لامرقبين يرون بأعينهم ما يفعل المقاولين.

[أأأهم واااحد]

حقيقة الحفريات بكل مناطق المملكة وليس مقتصر على بريدة فقط

[PLUS]

من اسوء شوارع المملكه (انا ابي بس شارع واحد ايغير الشارع الذي يدخل على حي خب القبر من دوار الهديه) ميير ذااااك فاااشل وبقوه:(

[الكيان الشامخ]

اخس شوارررررررررررع كل مترين لازم تضرب لك شي

لو يكون رادميه احسن من الجففر اللي كسرت سياراتنا

[يارب القاء اسم]

احسن شارع شفته ببريده اللي عند الاستاد الريـاضي ,

غريبه له فتره ماسوو فيه حفرياات ...

( وع فكره الموضوع مو مكانه , القسم هذا اخبـار بريده , لو الساحه المفتوحه يمكن يمشي )

[الصوت الحزين]

زفـــــــــــــــــــــت الـــــــــــــــــــــــزفـــــــــــــــــــــــ ـــــــــــــــــــت

[الكو برا]

بصراحه شوارع روعه

[حفيد للوطن]

المشكلة إن المواطن والمسؤول مشتركون في سوء الشوارع سواء من ناحية التخطيط أو السفلتة والسبب المصالح الشخصية مثلا : تقوم شركة بحفر ثم إعادة سفلتة سيئة ويسكت عنها بسبب أنها لفلان بن فلان الذي ربما يكون دفع رشوة أو اعطى المسؤول هدية ، وإلا ولماذا لا تعيد الإسفلت كما كان ؟ انظر إلى شارع القناة من عند إشارة المقابر السيد القادم من جامع الخليج كأنك تمشي على ردمية ما هو اسفلت

الحقيقة انك اصبت

[صائد الفوائد]

درب الجلد ازين
والله ياشوارع بالهند احسن من اطلق الشوارع عندنا

[most66]

الله يصلح شوارعنا
ياحفريات اومطبات

[هديباوي]

الشوارع الداخلية للأحياء حالها يرثى لها
وخاصة حي الصفراء بعد الحفريات الأخيرة .
رقع يا مرقع لكن ما نفع الترقيع .

[منسم بس عاقل]

الله يستر على الحمييع تشهد جميع المجمعات (مساعدات :الخ) الشوارع رادميات تخيل انك في بر

[ام الحنان]

اقول لاصار شارع زين لازم تجي الحفريات


لوامس طالع الشارع مادري ليه ماتجي الحفريات قبل؟؟؟؟


لان الحفريــــــــــــــــــــــات تحوووووووس الشارع ولاتصلحه كما كان ؟؟؟؟؟

[515]

أسوأ شوارع في المملكة
العامل بقلااديشى والمراقب نايم والخوف من الله ما فيه
والمطبات الصناعيه حدث ولاحرج

["فصفص باجه"]

بسم الله
موضوع مهم وضروري
صراحه لو نبتل نعدد مطينات بريده قصدي شوارع بريده كان ماخلصنا

لاكن لو كل فتره نشيل على شارع من شوارع بريده الرئيسيه كان يمكن يزينونها او يستعجلون فيها << لاترجون شي من الشوارع الصغيره

وانا من رأيي لو تكون شركه المياه والصرف الصحي والكهرباء بالنسبه للشوارع تمسكها مؤسسه معينه مثلا

خل نفرض شركه الرواف << مثلا
فلو فرضنا انه فيه عطل او تسرب او شي من هذا القبيل<< متعوب عليها
في احد شوارع محبوبتنا بريده
راح تحفر الشوارع مؤسسه الرواف وبكذا ماراح يسفلتون الشارع الا وهم منتهين من كل المشكلات

1ـ راح يرجع الشارع مثل ماكان
2ـ راح يصلحون الشارع باسرع وقت لانه راح تكون شركه واحده

لاكن هم يتأخرون بتصليح وإعاده سفلتة الشارع لانه مثلا يكون فيه تصليح كهرباء ومياه في الشارع وبكذا كلن يحلته على الثاني
الي يقول مانسوي الكهرباء حتى يخلصون شركه الصرف
والي يقول عندنا عجز بالألات وعلى هالمنوال لين يطيح احد بالحفريات او يرفع شكوى عليهم وبعدين يفكرون يصلحونه

مجرد رأيي
ونفتح المجال للأخوان

واتقبل اراء الاخوان على ردي

[آمــيرة الآطلال]

وش دعوه عآد كلش ولآ بريده
صتز آنه نقزززززززز ونقيز بس آلصرآحه فله
تخيلو آنكم تسوون تمـآرين

[خنفشارية]

مشكلة شوارع بريدة مو بس الحفريات والمطبات
تخطيط سيء أنواع المنعطفات
شوفو طريق المللك عبدالله بعد الراجحي ونت متجه شمال مرة نقرب لطريق الملك خالد ومرة نبعد من شد المنعطفات
والأرض كلة من بعد طريق علي إلى طريق النهضة أخذينه من التقنية ليه ما عدلو الطريق وخلوه عدال

[حـنيت]

والله يا علينآ ششششششين شوارع ،،
ازين شارع طريق الشاحنات من ناحية الزفلته

_________________________
وتحيه لششششششششركة ، الروآف ، ! :(

[شمالي 1]

اشكر جميع من شارك وطرح رايه

ننتظر باقي الاخوة

كذلك لا تنسون الارصفة الي تجيب المرض وكلها برسووبس

هل بريدة هي ضحية بلدية بريدة سابقا والبليهي تحديدا

[ابوفهد بريدة]

قال انفخ يا الشريم قال مامن برطم <<<وشرايكم با المثل ولا ماله دخل;)
والله بصراحه تقل بادين منتالي يزينونهن بس المطبات الصناعيه اللي الواحد تقل جمل نايم: 12
لو يفكوننا منهن ولا يحطون تنبيهات قبلهن تسان اهون

[abo-Khaled]

ويقولون وراه عيال بريدة

مايخذون الى هيلوكس لانه هي الي تصلح

لوضعنا وضع شوارعنا وهي الي تحمل

[الاسلام هو الحل]

شوارع بريدة:42:42:42:42:42:42:42

[&سامي الاخلاق&]

شوارع تتكون من هضاب ومرتفعات <<صار جغرافيا
االله يخلف بس هذ الي اقووول

[من وجهة نظري]

موضوع ممتاز لكن ليش ما يكون السؤال وين الشوارع ألي تحتاج صيانة؟؟ ليطلع المسئول بنفسة على الواقع..

أنا أعتقد أن الأمانة غيرت الكثير من الشوارع والطرق الداخلية هذا جيد....

لكن الشئ الذي يعاب على المسئولين ان الشوارع ترسى على مؤسسة ضعيفة جداً جداً

ما أن ينتهي الشارع من تنفيذه مدة لا تتجاوز 6 أشهر حتى يظهر في الشارع التصدعات والتحفرات والإنخفاضات

والإرتفعات والحفريات والتخفسات!!!! مثال طريق الأمير سلطان بن عبدالعزيز (غرب) إذاً خسارة فلوس على غير فائدة......

حل بسيط:::
لماذا لاتكون هناك شركة أجنبية(كورية.صينية.يابانية) تقوم بهذة المشريع

يكفي تعلم المقاول السعودي من شرارعنا ولم نستفد شئ..

أو أن تكون هناك شراكة بين الشركات السعودية والأجنبية لدعم المقاول السعودى بالخبرة والعمالة والأشراف.

[شمس الفي]

شوارع بريدة والطرق الرئيسية بها لم تخدم بريدة مع الاسف

اللي صممها من الاساس جعلها تخدم غير بريدة

وياقلب لاتحزن

[MEHWAR]

الشوارع منتاز جدن جدا

وشبه طريق النهضة ولا الملك عبد العزيز ولا الملك عبد الله ولا الملك فهد الدائري وش زينه

تبون السراحة تغيرت شوارعنا الى الافضل والحمد لله في الثلاث سنوات الاخيرة

ولا تقلون مهب صحيح انا قلت تطورت لاكن ماترضي الواحد

صح تلقى شارع يحوم التسبد من من سنة الساحوق ماغيروه

انا سراحة ما يغثن الا المطبات ومهب اي مطبات مطبات ما تلقى عليهن اي تحذير

لوحة تحذيرية عيون البساسه تلوين المطب عشان نميزه عن غيره

والله يا بلليل بعض المرات تلقة العامود وراه لمبه همن صايرن ظلال بالشارع يعني اسود من الزفلت شوي

الا توقف تحسبه مطب واثره اظلال العامود

لا وغير المطبات الحفريات

وغير الحفريات

المشورع الواحد اللي المفروض ما يقعد سنة

فتحدد المشروع بسنتين همن بعد سنتين نلقه بقي له سنتينن ثانيات او اكثر

لماذا ؟؟؟ لا ادري!!!

[yas20ser]

تبون نروح لمهـم ذولا عيال الزنوة >> استغفر الله <<
نهاوشهم
وبعدين اشوف ثلاث ارباع الردود يقولون ان شوارع بريدهـ حلوه وع وع وع وع
مشينا بس نهاوشهم

[قـــصـــيـــة]

الله يكفينا شر هالشوارع والحفريات ,, على طاري الحفريات اخواني دايم يقولون ما ادري متى يلقون كنزهم:d:d:d

وعندي نكته عن الحفريات ,, واحد ضاعت محفظته راح للشرطه قالوا ولا يهمك راح نطلعه من تحت الارض
رجع لبيته شاف الحفريات يشتغلون عند بيته قال شدوا حيلكم ترا لونه بني:d:d:d:d:d:d:d

[الحيادي]

يبدو انك تحب تخفف الاحتقان عن الناس والشباب واصحاب السيارات الجديد وغيرالجديد حدث ولا حرج اخي الفاضل
الامين للمنطقة والوكيل للمدينة ما عندة قوة او صلاحيات والامانه على غير موجودة في المسمى الجديد يمكن البلدية احسن اسم من ناحية النظافة يمكن شوي لكن اذا قلت الامانه تجد 80% خيانة و20% امانه هذا داخل مبنى الامانه فكيف في المنطقة والمدينة والقرية وغيرها والله انهم مسئولون عن هذا ........
المصيبة انهم من ابناء القصيم وليتهم ؟؟؟؟؟؟؟؟؟؟؟ ابناء القصيم ....

[خبزه محترقة]

شواااااااااارع برررررررررريده تتتتتتتتتتهههههههببببببلللللللللللللللل

[مجنون طارق التايب]

بختصار ,, وبدون مجاملات

حاميهــا حراميــــهــآ

[عبدالله]

أغلبها محتاجة للصيانة أو التجديد...........

أسأل الله للجميع التوفيق والسداد

[غابت فرحتي]

يارجال خلاص تعودنا علي المصابخ وتكسير المواتر والازعاج بالسياره

موب معقول بصرلحه بالنسبه لي انا صار عندي تبلد بالاحساس من ناحية الشوارع صار شي عادي

وش اقول حنا مانقول لاتسوون حفريات لا سوو بس يرجع الشارع كما كان وبسسسس

[&بريداوي$]

أحلى شوارع الدنيا:d

[رقعه]

يارجال المفروض يشيلون فكرة مواصير وكهرب ملينا خلهم يهتمون بشوارعنا


مواترنا مساعداته تفقع والسبب هالحفر الي بالشوارع



اول مره اشوف شارع توه مزفلت به رقعه كبر قريح



والا شارع احد بالاسكان حدث ولا حرج بالزفلت الجديد الغطيان تحت وطيته يوجعك راسك



والا القناة طول وعرض والشارع مرقع ترقيع


المفروض البلديه يحطون قسايم خصم


علشان لاجينا نشري مساعدات




وفحمات لاننا بتله ننط مطبات والفرامل ينحاس والفحمات تخرب المفروض يرحمون حالنا




قررت اسكن بالبر بسبت الشوارع الخايسه ذي



سيارة ابوكم مقربعه ياعيال عايد <<ماسكه غلط






والله الشوارع من احسن لاازفت


وهكذا حالنا مع شوارع بريده



احفر اجفر










سلآم

[muom]

ما شاء الله شوارع بريدة جميله جدا جدا جدا جدا جدا جدا جدا جدا جدا جدا جدا جدا جدا افضل من شوارع الامارات وافضل شوارع بالعالم ازفلت نظيف ورصيف مافيه برسوبس ومافيه شجر من كل نوع قولو ماشاء الله ومافيها ولاخدش ولاحفريات ولافيها ولا شي

[Leader.20]

*
*

لا اعتقد ان المسؤلين يلقون أي اهتمام لآرئنا .

وبالنسبه للشوارع فحدث ولا حرج. ولا يمكن تجاهل رداءة الطرقات .

*

[بكل فخر قصيمية]

بريدة (أم الحفريات) عاد تصدقون يوم جوا يزينون الشارع اللي ببيتنا اختفت العتبة اللي عند بيتنا من الزفلت يحووول اخفوا ملامحه مجهدين ماشالله عليهم بكل مكان حفريات الى متى مير لو انهم مازينوا شي اصرف صارن يحومن الكبد انخضت بطوننا من كثر الحفر

[اربع ورق]

الله يكون بلعون بس

[ابو اريام]

انا اقترح عليكم انكم تفتحون ورش والله عليها زبائن صراحة مايروح اسبوع الا وصاير بالسيارة مشكلة وكله من ها الحفريات وها المطبات الا بشوارعنا مع السللامة ابروح افتح ورشة

[ابو اريام]

هذا يا اخوي ما يبي رأي ودك تعرف شف الورش وبالاخص من يركبون مساعدات وكنداسات انا صراحة غبطتهم على الزبائن الله يربحهم لكن جتن فكره افتحلي ورشه وترزق وكله من بركاتكم وتراهم يمدحون طريق الرواف يقولون مافيه مطبات بس خمسين مطب وخمسين حفرية وخمسين فتحة مجاري

[لــمــو]

والله ا شاء الله عليهم حاطين جهدهم بشوارع الشماال
ولا الجنووب والغرب حدث ولا حرج انواع الحوووسه