عــضو تــحت الضوء [ 7 ] مع [ الصمصام ]

[حاني الروح]

السلام عليكمـ :/

صباحكم جميل حبايبي (h) :/

مره ثانيه.. ومن جديد..
نرجع لكم مع ضيفنا السابع

اللي هو /



الـصـمـصـام (http://www.buraydahcity.net/vb/member.php?u=4798)
::: [ عبدالله ] :::

http://www.buraydahcity.net/vb/image.php?u=4798&dateline=1273272631 (http://www.buraydahcity.net/vb/member.php?u=4798)


وشسمه...
لاهنتم..لكل عضو 3 أسئله

الموضوع لكُم.. وبين ايديكُم. وكل ابو شي (h)

[مخاوي الصمت]

هلا بيييك

أبو عبدالعزيز أغديك تآخذ إجازة من المطرسة من قوة الأسئلة اللي تبي تجيك
جاااك الموووت يا ساكن بالرياض :113:
أبجهز لك أسئلة وأبخليهن يتخمرن من قوة إنهن يتسون ذذذ

حاني والله إنك عسل

[الـصـمـصـام]

يارجال ما حولك أحد

نايمين الربع ..

الدجاج قامن وهم مشغلين المرهمات ..

مير فك الله اذنك ولا لوحنا نسمع الشخير تسان صار فيه تهجير جماعي من بريدة ستي
والله ما يرد الأعضاء إلا موزنبيق ستي :113: بسبب جلجلة الشخير .. و بسبب أصوات أخرى لا داعي لذكرها حفاظًا على الذوق العام .. و شكراً ..

[الـصـمـصـام]

الله يكفينا شرك أنت ..
خمر .. خمر .. إلين يغدن طحالب ..
أنا باحترائك ياصقيقي ..

[حاني الروح]

~

هلا بك مخاوي ~
الله يعينك على أسئلته .
والله ياشكله مجمٌع حق 3 شهور :d


~

[أبو رزان]

أبربص لي ثلاثة أسئلة لي كم يوم وراجع لك ياعبادي :d
حاني الروح دووك هالوردة على الريق :f:

[حاني الروح]

حاني الروح دووك هالوردة على الريق :f:


على الريق بعد :d
تسلم لي والله (f)
وبإنتظاركُم

~

[المعتز بدينه]

هلا بيييييييييييييييك .. !!

إلا يا أبو العز تبي الأسئلة من النوع الرياضي ولا وشلون .. ؟!

أنا أبجهز لي أسئلة حول مخرج 12 ومن هالأمور والله يعينك :113:

فائق الود مع شوي شطة

[طارق العتيق]

لي عوده يا خلفهم :f:



.

[كآيدهمـ]

هلا بيك هلا براعي الشريعة
طيب خذ اول سئوال << < والسئوال لغير الله مذلة :113:

س1: عرفلي خلية الدم الحمراء ( Red blood cell‏ ) ؟

ولي عودة بكم سئوال يا راعي الشريعة :113:

[الـدعساوي]

والله ياهي كسل كتبت رد وآخرته ينحذف :(
على العموم لي نكسة ان حصل

[آآآشبيل]

أبي نصيحة لنا حنا يالجديدين..
يعني حنا داخلين..ودنا رقى بالمنتدى..وش تقول..

[الصباخ]

ماحولك أحد يابوعبدالعزيز كل الطلاب يدرسون :d.

[خوي السرور]

السؤال الأول : أنت في غابة مظلمة في ليل شديد القروصة مدري البرودة ..
وشديد الظلام .. وحفيان وجوعان ..

وإذ بك فجأتن تسمع صوت معروف ( وحنا نلعب طائرة :113: ) فتهرب لأنك عرفت مصدر ذلك الصوت ، وأثناء هربك وجدت طريقين أحدهما عليه لوحة انتبه من الاسد . والطريق الثاني عليه لوحة انتبه بركة أسيد ( ماء نار ) .

هل تتوقف عن الهرب أم تهرب وأي الطريقين تختار معللاً لما تختار بعلتين ودليل مارجحت <<< أحد جاب طاري فريانوهـ :(

[الــمِــقــدآم]

الصمصام .. ونعم الرجل (h)

لي عودة إن مآآ نسيت :113:

[طارق العتيق]

ماذا يعني ( الصمصام ) ..؟


وش يعني لك abo yosef





<<ما جاء على بالي الا ذولي باقي واحد ان شاء الله نجيبه دسم :113:


.

[[ لــمّــآح ]]

ليهنأ بك الكشكول يا أبو العسوول .. :113:
أبو عبدالعزيز ضيف عزيز رقيق خفيف .. :d


هل قِد نسيت شي مهم بـ حيآتك .. :113: ؟!

[الـصـمـصـام]

هلا بيك هلا براعي الشريعة
طيب خذ اول سئوال << < والسئوال لغير الله مذلة :113:

س1: عرفلي خلية الدم الحمراء ( red blood cell‏ ) ؟

ولي عودة بكم سئوال يا راعي الشريعة :113:

هلا بالأحمر ..
رح أسأل حقين العلوم .. وش يدرين ..
و بعدين وش هالعنصرية مع اللون الأحمر ..:41


اللي بعدوووووهـ ..

[الـصـمـصـام]

أبي نصيحة لنا حنا يالجديدين..
يعني حنا داخلين..ودنا رقى بالمنتدى..وش تقول..

والله أوصيك تصير إنسان كويس ، و تخلي الهرج اللي ماله سنع <=== يهدد ولا ينصح ذا :d
الأجواء هنا إيمانية بالحيل .. <=== افلقن بجنط قلابي ياشيخ .. :(

أنصحك تستفيد مني .. و ترد على مواضيعي كلهن .. :p
وشكراً ..

[الـصـمـصـام]

السؤال الأول : أنت في غابة مظلمة في ليل شديد القروصة مدري البرودة ..
وشديد الظلام .. وحفيان وجوعان ..

وإذ بك فجأتن تسمع صوت معروف ( وحنا نلعب طائرة :113: ) فتهرب لأنك عرفت مصدر ذلك الصوت ، وأثناء هربك وجدت طريقين أحدهما عليه لوحة انتبه من الاسد . والطريق الثاني عليه لوحة انتبه بركة أسيد ( ماء نار ) .

هل تتوقف عن الهرب أم تهرب وأي الطريقين تختار معللاً لما تختار بعلتين ودليل مارجحت <<< أحد جاب طاري فريانوهـ :(

هههههههه أما الطائرة عالم من الحماس و ( الحرارة ) زي مانت عارف .. إحنا عاوزين حرارة ..:41

بالنسبة لسؤالك المنطقي جداً .. فمادامي هارب هارب .. رح عند الأسد و خل الهروب 2 في واحد .. :eek5


اللي بعدوووووووهـ

[الـصـمـصـام]

ماذا يعني ( الصمصام ) ..؟


وش يعني لك abo yosef





<<ما جاء على بالي الا ذولي باقي واحد ان شاء الله نجيبه دسم :113:


.


الصمصام هو ( السيف اليماني ) .. يعني السيف اللي كويس جداً ooo1 .. <=== لا عمرك تشرح و توضح ..


و أبو يوسف شخص ما أعرفه .. لكن يظهري إنه شخص كويس جداً ,, (h)

شكرا ليك .. و باحتراء باقي الأسئلة ..

[الـصـمـصـام]

;2308698']ليهنأ بك الكشكول يا أبو العسوول .. :113:
أبو عبدالعزيز ضيف عزيز رقيق خفيف .. :d


هل قِد نسيت شي مهم بـ حيآتك .. :113: ؟!



هلا بعموري ..


إيه .. دايم أنسى شيء مهم ..
وهو مقص الظفور .. دايم أنساه بالسيارة ولا بالبيت .:confused:
طبعًا ممكن تجي أنت و تتفلفس علي و تقولي : هذا شيء مهب مهم و تافه ..:(

أنا أبرد عليك بجواب عقلاني يقمعك في مكانك و يلقمك بلكة :i121 .. وهو :

إذا كان شيء تافه .. فأنا أتحداك تلعب كورة و أظافر رجليك طوال و أنت حفيان ..:bad


اللي بعدووووووهـ

[الـصـمـصـام]

ماحولك أحد يابوعبدالعزيز كل الطلاب يدرسون :d.

مشكلة اللي حديث عهد بدراسة :d
ياحبيلك بعد (h)

[الـصـمـصـام]

هالحين وشلون عضو تحت الضوء ..؟.
حسيت إني جربوع .. :eek5

[[ لــمّــآح ]]

^

قسم بالله إنك فلتة يبو عبدالعزيز .. مرة وحدة تسذآ قلت بهن :113:

[الجادي المدوف]

أخ عبد الله وش رايك بمطعم الرومانسية :09:

[بدر بن عبدالله]

حاني الروح عساك بس ما زعلت:eek5

[أبو ريّـان]

نسلم عليك أبوعبدالعزيز ..

كيف كانت حياتك مع السيد الصبور ( باثفندر)
بدووون بوررري لمدة ثلاث سنوات ؟
وبما إنك فاقد للبوري فكيف تنبه وتعبر عن شعورك إذا خطم عليك راعي جمس
أو حدك أحد ؟

باقي سؤالين من العيار الثقيل , أبغبيهن للحاجة أو بوقت بدل ضائع :d









.

[ŔǺỶĀЙ]

هلاوالله برفيق اخوي :)



س سوال / هل اهل بريده الحين نفس قبل خمس سنين ....؟


باقي سوالين ..



لي عوده :)

[أبو رزان]

هالحين وشلون عضو تحت الضوء ..؟.
حسيت إني جربوع .. :eek5


:(

بدر شف شغلك تراوهـ حولك ,,



*******************************************


س1 / إذا كتبت موضوع بالساحة من هو اللي تنتظر ردهـ ؟
س2 / إذا كتبت موضوع بالساحة من هو اللي تزمل لردهـ ؟
س3 / إذا كتبت موضوع بالساحة من هو اللي ماتبي ردهـ ؟

أحسي اني أحرجتك ياعبودي صح :113:

[بدر بن عبدالله]

^^

كلش إلا الخوال يا أبو عبد العزيز، لكن ما عليك يا أبو رزان أبشوفه إن شاء الله اليوم وأوريك الشغل به:d

[أبو رزان]

^^

بدوووري مرسيييه حبيبي :p :f:

إي والله شف شغلك معه وإنتف لي حواجبه تكفى :(


:d

[عمر اليحيى]

ابو عبد العزيز

... الشيخ الجهني ماذا يعني لك ...؟؟

[Bleeder]

س1 /
أ- وش تحس به يوم إنك تجرح مشاعر أبو رزان .. :028:؟!
ب- هل تعلم إني لست من سكان خب البريدي :( ؟!
ج - لو أنت بإشارة مزحومة والمكيف خربان والدنيا حرر وراعي التريله اللي قدامك نيم وفتحت الإشارة وهذا إلى اللحين نيم ماجاب خبرك ولا خبر الإشارة ..
والعلم تطلع مع يمين ويسار وأنت ماغير تكبس لراعي التريله تبيه ينتبه :113:
بهذي الحاله تبي تركب بوري ولا بتسحب عليه كالعادة .. ؟! .. :D

باقي لي سؤالين ،
نشوفك فيما بعديين ..

حاني الأرواح دوك ذولي كلهن (f)(f)(f)(f)(f)

[الـصـمـصـام]

:eek5هلاوالله برفيق اخوي :)



س سوال / هل اهل بريده الحين نفس قبل خمس سنين ....؟


باقي سوالين ..



لي عوده :)

هلابك ..

لا طبعًا .. بريده هالحين ناقصه اثنين ..

المنخرش .. و أبو قاسم ..
الأول بمكة .. و الثاني بالحايط ..:eek5

شكراً ..

[الـصـمـصـام]

أخ عبد الله وش رايك بمطعم الرومانسية :09:

منب أحرص عليه .. ماودنا نقطع رزق الرجال .. :d

[الـصـمـصـام]

نسلم عليك أبوعبدالعزيز ..

كيف كانت حياتك مع السيد الصبور ( باثفندر)
بدووون بوررري لمدة ثلاث سنوات ؟
وبما إنك فاقد للبوري فكيف تنبه وتعبر عن شعورك إذا خطم عليك راعي جمس
أو حدك أحد ؟

باقي سؤالين من العيار الثقيل , أبغبيهن للحاجة أو بوقت بدل ضائع :d




.



والله و نعم بالجعل .. عاش معي على الحلوة و المرة ..:eek5
و التنبيه ماهنا تنبيه .. حتى أنا أقطم صوتي و أنشب بأقرب رصيف :d
عادي .. شيء يصير بأحسن العوائل ..:(

شكراً ..

[الـصـمـصـام]

:(

بدر شف شغلك تراوهـ حولك ,,



*******************************************


س1 / إذا كتبت موضوع بالساحة من هو اللي تنتظر ردهـ ؟
س2 / إذا كتبت موضوع بالساحة من هو اللي تزمل لردهـ ؟
س3 / إذا كتبت موضوع بالساحة من هو اللي ماتبي ردهـ ؟

أحسي اني أحرجتك ياعبودي صح :113:


بالنسبة للجرابيع فهم خوالنا ترا .. لا تقعد تسوي فيها غيور على الاسم .. :(



أما اللي أنتظر ردهـ فهو أبو ( أسد العقيدة ) .. بس لو يخلي عنه الغرور و يجي :eek5 (h)
و اللي أزمل لردهـ مافي أحد .. بس أحيانا يجيك واحد إيمانه ناقص و يقلب الموضوع فوق حدر . :i121
و اللي ما أبيه رده ، عضوه مدري نسيت اسمه .. عليه لو و تنسيق يجيب الحوله .. ماعرفت اجهاد العين إلا عقبه :i121 الظاهر إني طقيته بوجهه بحدى الردود .. الصدز ما تحملت و قلت لازم نجهر بالحق .. مهب حلا عااااد :( همن لا راحت عيوني ..! إيش ذنبي أنا :bad



اللي بعدووووهـ ..

[الـصـمـصـام]

^^

كلش إلا الخوال يا أبو عبد العزيز، لكن ما عليك يا أبو رزان أبشوفه إن شاء الله اليوم وأوريك الشغل به:d

جدتي فطيمة الجربوع :d بس انتبه تراهم حولك حواليك :d

[الـصـمـصـام]

^^

بدوووري مرسيييه حبيبي :p :f:

إي والله شف شغلك معه وإنتف لي حواجبه تكفى :(


:d

إذا جيتك بدون حواجب و بدر بدون شنب .. أعرف أننا متقابعين اليوم في أحد الأماكن الترفيهية :d

هنه يلمسن ..:(

[الـصـمـصـام]

ابو عبد العزيز

... الشيخ الجهني ماذا يعني لك ...؟؟

أوهـ .. وش أقول وويش أخلي .. حالنا الحال المولي ..
أبي أفله ما حصل لي .. ياسلام و يسلام .. <=== فاصل :d


والله الجهني فخر للمملكة العربية السعودية ..
وواجهة مشرفه و مشرقة للحرمين ..


الهرج ما ينفع .. بس ادخل فيذا ..

[ رَوَائِعُ التِلاوَاتِ للشيخِ عبدالله الجُهَنِيّ ] .. من جمع أخيكم / الصمصام
(http://www.buraydahcity.net/vb/showthread.php?t=163939)


شكراً لك ..

[الـصـمـصـام]

س1 /
أ- وش تحس به يوم إنك تجرح مشاعر أبو رزان .. :028:؟!
ب- هل تعلم إني لست من سكان خب البريدي :( ؟!
ج - لو أنت بإشارة مزحومة والمكيف خربان والدنيا حرر وراعي التريله اللي قدامك نيم وفتحت الإشارة وهذا إلى اللحين نيم ماجاب خبرك ولا خبر الإشارة ..
والعلم تطلع مع يمين ويسار وأنت ماغير تكبس لراعي التريله تبيه ينتبه :113:
بهذي الحاله تبي تركب بوري ولا بتسحب عليه كالعادة .. ؟! .. :D

باقي لي سؤالين ،
نشوفك فيما بعديين ..

حاني الأرواح دوك ذولي كلهن (f)(f)(f)(f)(f)

جـ 1 / أحسن بالفخر :(
جـ 2 / لا توي أعلم والله :i125 أجل سكان ويش ..؟
جـ 3 / طبعًا أبقرر إني أركب بوري .. بس والله إني داري أنه استغراق باللحظة الحاضرة ..
يعني كلام جرايد .. :d

شكراً



اللي بعدوووووهـ

[الـصـمـصـام]

س1 / بحكم إنك خريج شريعة ليش ما تتوجه للعمل بالمحكمة : قاضي - كاتب عدل - كاتب ضبط - محضر خصوم :113:

لا تجيب طاري المحاكم أولاه ..
تراي أشمئز من المحاكم ..


الله يغنينا عنه .. و عن أي وظيفه به شوفة و دخول للمحاكم .. :d
أسال اللي يعرفونن عن شعوري :S تجاه المحاكم ..

طلع اسمي مع كتاب الضبط بالفايت .. و تم السحب علاهـ ..

[الـدعساوي]

ولو شادن حيلك بالردود :d

[إلى متى ؟]

حي الله الضيف الحبيب (h)


* و أنت واقف بإشارة بشكل نظامي , أمامك كم هائل من السيارات التي تنتظر الإشارة الخضراء ..
هنا يأتي شاب غير مبالي , يرى الزحام فيأتي من المسار الأيمن حتى إذا تجاوز الجميع أوقف السيارة أمام الجميع بالعرض .. !

ما رأيك بهذا الشاب و أمثاله .. ؟


باقي سؤالان لليوم الأسود .. :d


كل الود .. (h)

[أبو رزان]

جـ 1 / أحسن بالفخر :(





:eek5

[الـصـمـصـام]

حي الله الضيف الحبيب (h)


* و أنت واقف بإشارة بشكل نظامي , أمامك كم هائل من السيارات التي تنتظر الإشارة الخضراء ..
هنا يأتي شاب غير مبالي , يرى الزحام فيأتي من المسار الأيمن حتى إذا تجاوز الجميع أوقف السيارة أمام الجميع بالعرض .. !

ما رأيك بهذا الشاب و أمثاله .. ؟


باقي سؤالان لليوم الأسود .. :d


كل الود .. (h)

والله أنا أكره جميع المخالفات المرورية .. و على رأسها السرعة ..
صحيح إني سويت كم مخالفة .. لكن والله أخجل من نفسي .. :p
و الحركة ذي اللي قلتها أعتبرها عيب و إساءة للبجم اللي واقفين بالأشارة . :(

[الـصـمـصـام]

:eek5

أحس بالعالم الأصولي ( الفخر الرازي ) .. لأنه كان عنده اضطراب في العقليات .. هذا قصدي طبعًا ..

و بعدين ترا الاحتمال وارد عقب أسئلك المحرجة .. ياولد بغيت تودينا في أبو 66 كلب :(

ياحبي لك يابو رزان أنت و صوتك اللي كويس جداً .. (h) <=== يبي يراضيه .. :d

[أبو رزان]

الصمصام

خلاص :d < مايبي له شي طقتين والما طالع :113:

[الـصـمـصـام]

س2 / متى تسدد الدين اللي عليك لي :09:

تعني راعي المخبز ؟ و لا الغسال ؟ :d
والله من واحد وواحد يطلبن .. لكن أبشرك ذولي موجودات بورقة تجيب الهم :eek5

[فتى الابتسامة]

السلام عليكم جميعاً كل واحداً بسمه..


أهلين بآلبي أبو العز.. مربي الأجيال ((أيه هين)) :d


إنقدح في ذهني سوعالين وواحد بالبعدين..;)


ماذا يعني لك لقب ملك الفلاشات.. في اليومين الماضيات.. ؟!! :d

هذا الأول ..

التاني: من الشخص اللي لسانه أكبر من حجمه..((راعي هيط)) :rolleyes: <<أعرف واحد بيتلفع هع :bad

[بدر بن عبدالله]

أبو رزان:

هاه سامحت أبو عبد العزيز ، وإلا نمكع حواجبه:d ، أما شنبي يا أبو عبد العزيز انس تلمسه وين
راحوا الرجاجيل:113:<< مصدق الأخو:d

[الـصـمـصـام]

السلام عليكم جميعاً كل واحداً بسمه..


أهلين بآلبي أبو العز.. مربي الأجيال ((أيه هين)) :d


إنقدح في ذهني سوعالين وواحد بالبعدين..;)


ماذا يعني لك لقب ملك الفلاشات.. في اليومين الماضيات.. ؟!! :d

هذا الأول ..

التاني: من الشخص اللي لسانه أكبر من حجمه..((راعي هيط)) :rolleyes: <<أعرف واحد بيتلفع هع :bad


عليكم السلام و رحمة الله و بركاته ..
هلا بالجبنة ..:d


جـ 1 / ملك الفلاشات حبيبي ذا .. :d استر ياولد :(

جـ 2 / هذا ينجلد زي ما انجلدنا .. يعني وسع صدركـ .. :d

خدمات ثانية ؟

[الـصـمـصـام]

أبو رزان:

هاه سامحت أبو عبد العزيز ، وإلا نمكع حواجبه:d ، أما شنبي يا أبو عبد العزيز انس تلمسه وين
راحوا الرجاجيل:113:<< مصدق الأخو:d


قالوا شنب قلت الشنب فات دورهـ **** هذا زمانِ فيه الأشناب تنداس

[abo suliman]

ياسلام عليك ياحاني الروح ..
إيه نبي هالشين ذا من مبطي ..

أبو عزيز
,

عرف عنك بالقريب الماضي أنك مشرف ( ثقل ) .
لايكتب إلا بالفصحى ولايتكلم إلا بالقرآن والسنة :d

لا صحيح .. منول أقول قبل ما أعرفك .. أن عضوية الصمصام شكل اللي يكتب به ..
يا الشيخ ( سعد البريك ) ولا ( نجيب الكيلاني ) >>> ماله دخل

,

وسبحان الله يتغير الحال . وينقلب السؤال . ويأتي الحال بالمحال
اصبح الشيخ وصخ .. ( وصخ كناية يوم تحتسي بالسهال والطقة )
والأديب عربيد ..
والفصيح بطيح ..
والزين شين

تحول بك الحال إلى أن بدأت في الكتابة العامية .. وتحولت الفاظك من ألفاظ الوعظ والتوجيه والنصح والإرشاد ..

إلى الفاظ نابيه .. وكلمات تجر إلى ال......


هل من سبب ..
أو نقول يامقلب القلوب



:d


تراي امزح ياعيال ..
لايجي هدر يصدق اللي فوق ..
أبو عزيز نحسبه والله حسيبه .. من الأعضاء الأيه ..

:)

[الـصـمـصـام]

ياسلام عليك ياحاني الروح ..
إيه نبي هالشين ذا من مبطي ..

أبو عزيز
,

عرف عنك بالقريب الماضي أنك مشرف ( ثقل ) .
لايكتب إلا بالفصحى ولايتكلم إلا بالقرآن والسنة :d

لا صحيح .. منول أقول قبل ما أعرفك .. أن عضوية الصمصام شكل اللي يكتب به ..
يا الشيخ ( سعد البريك ) ولا ( نجيب الكيلاني ) >>> ماله دخل

,

وسبحان الله يتغير الحال . وينقلب السؤال . ويأتي الحال بالمحال
اصبح الشيخ وصخ .. ( وصخ كناية يوم تحتسي بالسهال والطقة )
والأديب عربيد ..
والفصيح بطيح ..
والزين شين

تحول بك الحال إلى أن بدأت في الكتابة العامية .. وتحولت الفاظك من ألفاظ الوعظ والتوجيه والنصح والإرشاد ..

إلى الفاظ نابيه .. وكلمات تجر إلى ال......


هل من سبب ..
أو نقول يامقلب القلوب



:d


تراي امزح ياعيال ..
لايجي هدر يصدق اللي فوق ..
أبو عزيز نحسبه والله حسيبه .. من الأعضاء الأيه ..

:)




ههههههههههه

شف يا أيها اللوح العزيز على قلبي ..

آخر من يسأل هالسؤال أنت .. لأنك تخبر الشيخ فتوحي اللي ما يوحي :d
و الواحد مافيه مشكلة يحط بحدى مخابيه مسواك و الثاني تتن <=== خربت :d

استغفر الله .. بس على خبركـ ساعة و ساعة ..
و مع الناس المخشبين من امثالك - ولا أزكيك - فأنا أحب الفلة و الوناسة و سعة الصدر ..
و ما يمنع أن الواحد يكتب .. أهم شيء يعرف متى ينضبط و متى يحوق الأمور و تغدي زيطة :113:


إيه .. الله يذكر أيامك يوم أنت عصل على الباترول أنت و أبو بكر .. :d

[abo suliman]

7
7
7

وهـ بس
ياحبيل قلبك يابو عزيز .. عارفين وربي عارفين ..
أما أيام فتوحي ..آآآآآآآآآآآآآآه بس منهو اللي ينسى ذيتس الأيام ..

ابو عزيز .


إيه .. الله يذكر أيامك يوم أنت عصل على الباترول أنت و أبو بكر .. :d


ههههههههههههههههههههههههههههه
هههههههههههههههههههه
ابو بكر ..
ياقدمه .. ياحبيله .. واوك بس ..


ابو عزيز ..
تسم انا أحبك .. وتسم يأنبني قلبي أن اعطيك الماء المقرين بوهـ ..
ههههههههههه الماء صار بوه شباء :d

[حاني الروح]

حاني الروح عساك بس ما زعلت:eek5

لا ياغالي شدعوى ~
أصلا ابجهٌزك للموضوع الثاني :d :/


~

[[ لــمّــآح ]]

أبو عزوووز .. هل عشت قصة حب من قبل :113: ؟!

[GIVENCHY]

فقط حبينا نلقي السلام على سماحتكم ..
أبوعزوز أحبك والقمر يشهد (h) ذذ <--- طاااااااااااااااط طاااااااااااط :113:

[أبو شهـــــد]

:09: <--- كده من أوله ..


أبو عزيز ..
تذكر أول مرةً تقهوين ببيتكم ..
وش كنت تبي تقول بس قلت ياولد خله بالجلسات القادمة ,


بعدين تذكر يوم نروح لدرس ناصر العمر
حسيت أنا أن البرنامج تأليف قلب ..

بس أستفدت الصراحة يوم حدنا واحد بالطريق فقلت أنت : الله يعظم أجرك
أنا لما اللحين هالكلمة ماسكة براسي .. لأني أقول كلام مو حلو لمنه حدن أحد .. هههههههه

[الـصـمـصـام]

;2309920']أبو عزوووز .. هل عشت قصة حب من قبل :113: ؟!


لا .. صحيح إني قلبي رهيف ..
و إحساسي فياض ..
و مشاعري جيّاشة ..


بس ما قد حبيت .. :( عجزت .. :bad

[الـصـمـصـام]

فقط حبينا نلقي السلام على سماحتكم ..
أبوعزوز أحبك والقمر يشهد (h) ذذ <--- طاااااااااااااااط طاااااااااااط :113:

و عليكم السلام ..

أروووح حمضيات على طريق القريات :113:

[الـدعساوي]

أبوعزيز , واذا قلت لك اني انا هالحين بالرياض تعزمن ؟ :09:
بلش بروحه :113:

[الـصـمـصـام]

:09: <--- كده من أوله ..


أبو عزيز ..
تذكر أول مرةً تقهوين ببيتكم ..
وش كنت تبي تقول بس قلت ياولد خله بالجلسات القادمة ,


بعدين تذكر يوم نروح لدرس ناصر العمر
حسيت أنا أن البرنامج تأليف قلب ..

بس أستفدت الصراحة يوم حدنا واحد بالطريق فقلت أنت : الله يعظم أجرك
أنا لما اللحين هالكلمة ماسكة براسي .. لأني أقول كلام مو حلو لمنه حدن أحد .. هههههههه


لي الشرف إنك تطب بيتنا ياااخي ..
تدري إن الزيارة مسجلة بالتاريخ .. مع إني والله أكليوم كنت الصبح بالمستشفى
الضغط لاعبن لعبته .. من شان هيك تقول سكران .. قلت لا يصير الرجال شرهـ عليّ ..!


أوما اللي كنت ابقوله والله إني ناسي ..


أوما الروحة لدرس الشيخ ناصر العمر .. فتراي بعد ناسي .. :(


هههههههههههههه الله يعظم أجركـ ...
تراي أقوله في قمة العصبية ..
يعني منفجر الإديتر حق قلبي ..:i121


بس لا تصدق .. عشاني توي متعرف عليك ..
ولا كان سمعت النون و ما يعلمون :d


ياحبي لك أنت و نظاراتك (h) يابو أربع .. :f:

[الـصـمـصـام]

أبوعزيز , واذا قلت لك اني انا هالحين بالرياض تعزمن ؟ :09:
بلش بروحه :113:

والله ..!

دق علي كانك فاضي تراي ما قمت من النوم إلا الساعة 10 ..
خلنا نهجول بهالليول .. <=== وين أبو أيوب :d

مهجولين أنا وياه وواحدن معنا قبل البارح ..
خلنا على ما قال نفله ..!

[الـدعساوي]

^^
انا مستاجر شقة بجدع وآحد من العيال وبديور باتسر الصبح لبريدة
<== ابوأيوب تعني ( المعتز بدينه ) :d
والله من القرق ان تسانه هو :d

[أبو شهـــــد]

^
مايصير .. خيانة
خيانة زوجية .. وااااو :113:

[الـدعساوي]

يارجال مالقينا الا بالرياض :d

[العاصف]

حاني الروح عز الله إنك اخترت عضو أحلى عضو بالدنيا ..
:eek5

هلابك ..

لا طبعًا .. بريده هالحين ناقصه اثنين ..

المنخرش .. و أبو قاسم ..
الأول بمكة .. و الثاني بالحايط ..:eek5

شكراً ..

جعلك ماتفقد غالي يابوعبدالعزيز .. تسلم ياقلبووو ..!
احرجتني والله ..!
وإن شاء الله نشوفك بأقرب وقت .
أبيك تجاوب بصراحة
1/ شخص عليه ظاهر الأستقامه ولربما طالب حلقة
أومدرسة حلقة ..
تراهم يتكلمون عن الكورة وبطولة كأس العالم .
والبعض يهتم بالمؤثرات الصوتيه بالأناشيد .. يعني أشبه بالغناء ..!
هم يطيحون من عيني وأنقد عليهم ولربما أقلل العلاقة معهم
هل فعلي خطأ أم صح ..!
...............................................
2/ شيء تتمناه ولم يتحقق .
..............................................
3/ اللي يكتبون بالأسماء المستعارة هل هم فعلاً جبناء لعدم
إظهار اسمائهم الحقيقة .
.............................................
ودمت في حفظ الله يابوعبدالعزيز ..

[الـصـمـصـام]

^^
انا مستاجر شقة بجدع وآحد من العيال وبديور باتسر الصبح لبريدة
<== ابوأيوب تعني ( المعتز بدينه ) :d
والله من القرق ان تسانه هو :d

والله ياخي ليتك مبكر ولا تقعد .. بس عاد باتسر أنا مسافر ...
أجل صرف نفسك .. من زينك .



إي والله هو بزاته .. أحلى ليلة في الهجولة ..
الرياض فاضية .. و حنا دوران .. أنا وهو و الشيخ دعبل ..

المرااات الجاية تخاويه تراوهـ واعدن ..(h)

[الـدعساوي]

^^
واعدك اني اجي معه ؟
<--- تعال بذاك نسولف من شان مانغير الموضوع , ويزعل علينا الشيخ

[الـصـمـصـام]

حاني الروح عز الله إنك اخترت عضو أحلى عضو بالدنيا ..


جعلك ماتفقد غالي يابوعبدالعزيز .. تسلم ياقلبووو ..!
احرجتني والله ..!
وإن شاء الله نشوفك بأقرب وقت .
أبيك تجاوب بصراحة
1/ شخص عليه ظاهر الأستقامه ولربما طالب حلقة
أومدرسة حلقة ..
تراهم يتكلمون عن الكورة وبطولة كأس العالم .
والبعض يهتم بالمؤثرات الصوتيه بالأناشيد .. يعني أشبه بالغناء ..!
هم يطيحون من عيني وأنقد عليهم ولربما أقلل العلاقة معهم
هل فعلي خطأ أم صح ..!
...............................................
2/ شيء تتمناه ولم يتحقق .
..............................................
3/ اللي يكتبون بالأسماء المستعارة هل هم فعلاً جبناء لعدم
إظهار اسمائهم الحقيقة .
.............................................
ودمت في حفظ الله يابوعبدالعزيز ..


1/ شخص عليه ظاهر الأستقامه ولربما طالب حلقة
أومدرسة حلقة ..
تراهم يتكلمون عن الكورة وبطولة كأس العالم .
والبعض يهتم بالمؤثرات الصوتيه بالأناشيد .. يعني أشبه بالغناء ..!
هم يطيحون من عيني وأنقد عليهم ولربما أقلل العلاقة معهم
هل فعلي خطأ أم صح ..!

بالنسبة للكورة فانا والله غير متشدد فيها ، و أعتبرهـ شيء طبيعي .. لكن الأولى أنه ما يتكلم فيها في المكان الغير مناسب .. يعني بعضهم يجيك و يفقع مخك بالتحليلات الرياضية ، و في النهاية تلقى وزنه 143 ! كلام فاضي ..!

و المؤثرات بصراحة شيء مؤسف جداً جداً .. و ما دام الواحد بيخربها و يتحايل على الشرع ..
فترى أبو نورهـ أصرف :( الله يعافي هالعينات ولا يبلانا ..

2/ شيء تتمناه ولم يتحقق .

والله الأمنيات كثيرة .. فيها شيء مرحلي ..
و فيه شيء مستقبلي أمدي ..

لكن والله ما يهتز قلبي بمثل أمنية الصلاة في المسجد الأقصى :eek5
الله يحرره من أسر اليهود .. و نتخاوى هناكـ أنا وياك يابو قاسم .. بس تكفى ماله داعي تحد واحد هناك ... والله ما يرده إلا جزيرة قبرص .. :(

3/ اللي يكتبون بالأسماء المستعارة هل هم فعلاً جبناء لعدم
إظهار اسمائهم الحقيقة .

لو قلت لك إنهم جبناء .. فأنا و أنت منهم :d ماله داعي أغلط على نفسي و عليك :confused:
لكن أنا أكثر مشاركاتي في المنتديات بالاسم الصريح .. صدقني لو كنت باسمي الصريح هنا ما فليتها و لا ارتحت .. و بتكون مشاركاتي رسمية جداً و أبترك كثير من الأشياء اللي أبي أقولها . دفعا للحرج عن نفسي و لأن الاسم الصريح ماهو ملكك أنت لوحدك .. و إنما ملك لك و للعائلة .. فأنت محسوب عليهم .

لكن مستعار ,, أكثر حرية .. و فيه كثير من الأدباء المعروفين و الكتاب شاركوا و كتبوا بأسماء مستعارة .. و أذكر أن حسن مفتي في ساعة حوار ذكر قائمة طويلة من هؤلاء .

شكراً لكـ ..

[المعتز بدينه]

وراك ناطن ردي يا ولد اللذينا

[آآآشبيل]

والله أوصيك تصير إنسان كويس ، و تخلي الهرج اللي ماله سنع <=== يهدد ولا ينصح ذا :d
الأجواء هنا إيمانية بالحيل .. <=== افلقن بجنط قلابي ياشيخ .. :(

أنصحك تستفيد مني .. و ترد على مواضيعي كلهن .. :p
وشكراً ..
ســــــــــــــــــــم وشو جنط قلابي...:i125

[الصباخ]

عبدالله شكلك تسرع، البارح بلحق عليك ولا قدرت.
كم كنت تمشي بطريق 16 مع إنه مسموح بس ثمانين، وأنا كنت أمشي ثمانين ولا قدرت ألحقك.
وكم كنت تمشي بالدائري مع إنه مسموح ميه وعشرين، وأنا كنت أمشي ميه وعشرين ولا قدرت ألحقك.

<< فضيحه :113:.

[بدر بن عبدالله]

أصلا ابجهٌزك للموضوع الثاني

وانشبتين:113:

[الـصـمـصـام]

عبدالله شكلك تسرع، البارح بلحق عليك ولا قدرت.
كم كنت تمشي بطريق 16 مع إنه مسموح بس ثمانين، وأنا كنت أمشي ثمانين ولا قدرت ألحقك.
وكم كنت تمشي بالدائري مع إنه مسموح ميه وعشرين، وأنا كنت أمشي ميه وعشرين ولا قدرت ألحقك.

<< فضيحه :113:.

هلا بالنكبة .. وش تبي تلحقت و حنا بخط سريع ..!
يعني بتضرب لي بوري و توري الناس إنك تعرفن .. ولا إيش يعني ..!:(

أما طريق 16 فالصدز إني تعديت 80 بس ما وصلت الـ 120 ..

و أما الدائري فما أسرعنا و لله الحمد .. و الدائري كان فاضي ..
و الغرض من هذا أبلحق على سوبر ماركت .. :bad


لا عمرك تفشلنا المرة القادمة لا أخلي كفرات موتركـ على بلك <=== حركات قديمة :d

[الـصـمـصـام]

هلا بيييييييييييييييك .. !!

إلا يا أبو العز تبي الأسئلة من النوع الرياضي ولا وشلون .. ؟!

أنا أبجهز لي أسئلة حول مخرج 12 ومن هالأمور والله يعينك :113:

فائق الود مع شوي شطة

عطنا اللي عندكـ بس ولا تقعد تشغلنا لا أخلي الشيخ البراك يكمخك بعصاوهـ اللي معه أكليوم ..:d
نحتري سعولاتك ..

[آآآشبيل]

ابو عبدالعزيز..هل صدق ما يقلونه..عنك..يقولون انك حبببببببببببببببيب..:d

[الـصـمـصـام]

ابو عبدالعزيز..هل صدق ما يقلونه..عنك..يقولون انك حبببببببببببببببيب..:d

:113:

بالله عطونا اسئلة حامي حامي ..


والله مدري .. أسأل الله انا متهاوشن معهم شف وش يقولون :d
والله يا بتلقى هوايل :(

[آآآشبيل]

:113:

بالله عطونا اسئلة حامي حامي ..


والله مدري .. أسأل الله انا متهاوشن معهم شف وش يقولون :d
والله يا بتلقى هوايل :(
هههههههههههها يا حبيلك..
طيب سؤالي..
هل ودك ترجع للشراف..ولماذا..:d

[الـصـمـصـام]

لا والله ما ودي ولا أتمنى .. مع إني أحس إن الإشراف بحاجة ، و أحيانًا احس إني أخطيت يوم تركته ، لكن شعوري السائد في غالب الظروف إني ما أبي الإشراف ، و اعتبره تاريخ أسود في حياتي مع بريدة ستي <=== خربت ..

و السبب يا أخي الإشراف تعب و قلق نفسي ، و مسؤولية عظيمة أنا في غنى عنها ، و أيضًا اجتمعت علي ظروف و مرض جاني قبل فترة صرت منب فاضي لأي مسؤولية أتولاها ، و كنت إذا دخلت المنتدى تذكرت إني مشرف طلعت مباشرة ، و خاصة إذا شفت رسالة خاصة جاية والله جاني هم عظيم .. حتى لو كانت رسالة لطيفة .. و إلى يومك ما أحب أي تكليف يطالبني فيه أحد ..

و قبل فترة عرض علي إشراف في منتدى المعالي ( للمرة الثانية ) و مباشرة قبل أكمل قراية الطلب رديت بالرفض القاطع و المطالبة بعدم فتح هذا الباب نهائيًا .. و شكراً ليكـ .. حبيبي على هالأسئلة ..

[آآآشبيل]

لا والله ما ودي ولا أتمنى .. مع إني أحس إن الإشراف بحاجة ، و أحيانًا احس إني أخطيت يوم تركته ، لكن شعوري السائد في غالب الظروف إني ما أبي الإشراف ، و اعتبره تاريخ أسود في حياتي مع بريدة ستي <=== خربت ..

و السبب يا أخي الإشراف تعب و قلق نفسي ، و مسؤولية عظيمة أنا في غنى عنها ، و أيضًا اجتمعت علي ظروف و مرض جاني قبل فترة صرت منب فاضي لأي مسؤولية أتولاها ، و كنت إذا دخلت المنتدى تذكرت إني مشرف طلعت مباشرة ، و خاصة إذا شفت رسالة خاصة جاية والله جاني هم عظيم .. حتى لو كانت رسالة لطيفة .. و إلى يومك ما أحب أي تكليف يطالبني فيه أحد ..

و قبل فترة عرض علي إشراف في منتدى المعالي ( للمرة الثانية ) و مباشرة قبل أكمل قراية الطلب رديت بالرفض القاطع و المطالبة بعدم فتح هذا الباب نهائيًا .. و شكراً ليكـ .. حبيبي على هالأسئلة ..
وواوتس أثره قلق..بعذرك لو تركته أجل..
طيب سوعال ثاني..
وش صار على جنط القلابي..

[الـصـمـصـام]

ههههه


لا تدقق .. كلمة أقولها دايم و الغرض منها الاستحالة ..
أفلقني بجنط قلابي إن صار هالشيء .. <== يعني مافي أمل ..

و شكراً ..

[روقــآن]

فتوكي ذالك العضو اللي الله يعين الأرض :d

وش رايك به بكل صدق :09:

[آآآشبيل]

ههههه


لا تدقق .. كلمة أقولها دايم و الغرض منها الاستحالة ..
أفلقني بجنط قلابي إن صار هالشيء .. <== يعني مافي أمل ..

و شكراً ..
ههههههههها..
لا بس رحت وطي يوم قلته..:d

[الـصـمـصـام]

فتوكي ذالك العضو اللي الله يعين الأرض :d

وش رايك به بكل صدق :09:

ياحبيله .. أحس أنه من الزحيف طقة ( جروح ) ..
أخبر متكومين بالخيمة أيام الديوانية ..
بس ما حصل الشرف أزورهم في الله ولله <== أحباب :d


عاد من زينك صايرن مشرف هالحين <=== بدات يغلط .



تصدق يافتك فيه مقابلة هالحين معروضة بحدى المنتتديات لي ..
لو يدرون عن ذي كان كرشون من جد :113:
هههه بس الحمد لله ان الصمصام اسم مستعار ولا كان جبنا العيد :d

[روقــآن]

أي المقابلة اللي تقول نتلقى إتصال من الأستاذ عبد الله الوشسمه إذا هي هالمقابله فتراي شايفه والصز أنك تقل رجل

:113:

[الـصـمـصـام]

وجع ..! تقل رجل لا أفلقك بصامولة جنط شيول ..!


لالا مهب ذيك .. ذيك يوم أنا إنسان متطرف و العياذ بالله ..

اللي اقولك بحدى المنتديات .. يعني هي و هالمقابلة بوقت واحد ..
حسيت إني بلش ..

[Bleeder]

أبو عزيز ،، لماذا استوحيت من شكلي إني من خب البريدي :09: ؟
مع إني بعيدن عنهم بالحيل :09: ؟
كيلوين تقريبا

[الجادي المدوف]

لالا مهب ذيك .. ذيك يوم أنا إنسان متطرف و العياذ بالله ..



ما هي مرحلة التطرف التي مريت بها ؟ :09:

[mr.muhmmed]

ابو عزيز عندي سؤاال وااحد فقط . :)

س / متى العرس إن شاء الله . :090:

:d

[حاني الروح]

يبدو ان ابو عزيٌز يبي يتأخٌر حبٌتين
بس على ماقال.. كبٌوا أسئلتكم
وريثما شسمه.. يبي يرد على الجميع (h)

[كآيدهمـ]

هلا بولد الرياض
حسيت انك داخل اختبار على اسلة بعض العالم
وزي ما اقول دايم ( السئوال لغير الله مذلة )

وهذا سئوالي الثاني الك ياولد الرياض <<< << احسسهم انك :115: :113:

ان جاك طالب وهو من الطلاب العقال الي ماتسمع لهم صوت بالفصل
واخلاقه عالية ولا كد تمشكل مع احد ولا سوا مشاكل ولا خرابيط <<< << انجز عطنا وش عندك :011:

ولاكن بالدراسة درج درنقه دبشة جميع المواصفات للغباء متركمة به يعني ( كرتون بجم ):096:

وكان حله بالاختبار زفت كل عادة
وبعد تجميع الدرجات باقي لهـ 7 درجات
وجا لمك وطلبك هذي الدرجات الـ 7

هل تعطية الدرجات السبع بسبب اخلاقة وادبة
او ما تعطية الدرجات السبع بسبب الدلاخة :09:

على فكرة انت مدرس شنو ؟ <<< << < مو من ضمن الاسئلة

[طالب طب]

أبو عزّوز (h)

س1 / ما هو شعورك إذا قال لك واحد أبو عبد الله :113: ؟

س2 / أول ما شفتن بالديوانية , وش الشعور اللي جاك يوم شفتن ؟ < برّا :113:

س3 / يمكن أجي أسأل ويمكن لا ..

[الصباخ]

س1/ ماهو شعورك تجاهي؟
س2/ ماهو شعوري تجاهك؟
س3/ ماهو شعورنا تجاه بعضنا البعض؟
س4/ بعدين :d.

[الـدعساوي]

أبوعزيز , الدعساوي , وشو من لحية هذا :d
<-- يعني وش رآيك بي , بصرآآحة

[بندر 1430]

بدون مقدمات .. حتى لا يفسد التكلّف الحديث الودي بيننا ..

أخي وصديقي الغالي .. عبدالله ..

أسعد الله أوقاتك بكل خير ..

1) حين سمعتُ صوتك عبر الهاتف لأول مرّة شعرتُ بأني أعرفك منذ فترة ليست بالقصيرة .. هل تستطيع شرح السبب لو حصل معك نفس الموقف مع أحدهم؟

2) شخصياتنا في المنتدى .. برأيك .. هل تمثّل واقعنا الحقيقي؟

3) ما هو الكتاب الذي تقرأه دوماً بلا ملل .. غير القرآن الكريم؟

مع الشكر لك (f)

[مخاوي الصمت]

رفع جوالك تنبيهاً يفيد بدخول وقت صلاة العصر
وكنت حينها في طريقك من المدينة النبوية إلى مكة حرسهما الله بعد أن ضربت وجبة مسحب حراق يحبه قلب مدحت شوقي فقلتَ في نفسك لعلي أقف في أقرب مسجد للوضوء والصلاة

فدخلت الخلاء بسرعة بتأثير من الحراق وذلك لضرورة ملحة الله أعلم ما هي
المهم أنك تريد أن تجدد الوضوء <<< أمحق تجديد :113:
ولكنك تفاجأت أن الموجود عبارة عن لي فقط بدون اي دلو أو طاسة أو حتى بيالة
والمشكلة أن الماء يغلي ودرجة الحرارة أكثر من 50 درجة مئوية وأنت لا ترتدي سوى إزار الإحرام
ماذا ستفعل خصوصا أنك لوحدك ولن يفقدك أحد حتى يفزع معك ؟


للمعلومية بعد أن إنتهيت من هذه المعضلة إكتشفت أن المسجد مغلق والسبب أن وقت أذان العصر باقي عليه قرابة 20 دقيقة وأن توقيت جوالك كان على توقيت مدينة الدمام التي كنت فيها يوم أمس ونسيت أن تغير الموقع من الشرقية إلى الغربية

بإنتظارك يا أيها الرجل الكهلول (h)

[إبراهيم الضبيعي]

يا هلا ابو عبدالعزيز
الصراحه الله يعينك على اسأله الي فوقي
وانا منب سائل لأنه اخذ اسألتي بسؤاله هذا :d
موفق ابو عبدالعزيز (h)

[د\محشش]

س1- لو مابه شيء اسمه السعودية وش تختار دولة تسكن به
س2- تحب الحيوانات؟؟
س3-تحب المطاعم؟؟

^
^
^

علي شين أسئلة هههههههه ..

[مخاوي الصمت]

إبراهيم سلك لي يا رجل ترى عادي نشوف أبو صم قوست
و يبقى سؤالي البرئ يتيماً <<< أمحك سؤال برئ :113:

شكراً لاختياراكم الخطوط الكشكولية العربية البريداوية :41

[. الشامخ .]

سؤالي ياابو عبد العزيز ,,

أن موظف في شركة من الشركات
وذات مره استأذنت من مديرك في وقت ماقبل الظهيره (الضحى)
للذهاب إلى إحدى الدوائر الحكومية لإنهاء بعض المعاملات ولكن مديرك أكدعليك أن تأتي قبل أذان الظهر
لكثرة الظغط على هذه الشركة

ذهبت أنت لإنهاء معاملاتك
ولمَا دخلت على الدائره إذا بك ترى كم هائل من المراجعين
مسكت سرا مع الناس إلى أن أتى دورك و حينما أردت أن تقضي ماعندك
أتى شخص من آخر الصف وسلم على الموظف وأعطاه الأوراق التي معه لينهي معاملته (بحكم المعرفه)
وإذابك تغضب أشد الغضب وتعترض على الموظف (بحكم قدومك المبكر )
ولكن الموظف لم يعرك الإنتباه
بل قال لك (أصبر إلى أن أقضي الرجال وإلا ظف وجهك)

حينها رفع الأذان
وتذكرت أنك لازم ترجع للشركه
فرجعت وأنت لم تنهي ماعندك

وذات يوم وأنت في الشركه والناس قدامك ماسكين سرا
وأنت تنهي المراجعين واحدواحد

إذا بك ترى الموظف اللي أنت حمق عليه يراجع عندك

قلي بصراحه ماذا ستفعل به ؟؟

[الـصـمـصـام]

أبو عزيز ،، لماذا استوحيت من شكلي إني من خب البريدي :09: ؟
مع إني بعيدن عنهم بالحيل :09: ؟
كيلوين تقريبا

أذكر طلعت مرة مع مركز صيفي ببريدة ... و كانوا جايبين ( جرو ) عليه طعم ما شاء الله ..(h)
و كان الجرو من خب البريدي .. و يوم شفتك ذيك المرة .. كان وجهك يشبه للجرو اللي أكلته ..
و أذكر أنك من حدى الخبوب .. فتوقعت أنك من خب الببريدي .. :d

[الـصـمـصـام]

ما هي مرحلة التطرف التي مريت بها ؟ :09:

الحمد لله ما كو تطرف ..
و بصراحة .. الفضل لله ثم للشيخ ناصر العمر ..:eek5
والله كان عندي حماس زايد شوي ..
بس للشيخ ناصر فضل علي .. يعني عطاني حبتين احتواء عاطفي :eek5
طبعًا الكلام هذا قديم ... أيام الثانوي ..

لكن وقت المداخلة لا ماهنا تطرفات .. و إن كان الإنسان لا يأمن على نفسه التغير ..
و لكن يارب يكون للأحسن ..

[الـصـمـصـام]

ابو عزيز عندي سؤاال وااحد فقط . :)

س / متى العرس إن شاء الله . :090:

:d

الله أعلم .. متى ما تيسر لي أبتوكل على الله ..
و مالك دخل تسأل عن العرس إلا إن كانك خابرن لي و بتسهل أموري :(

[الـصـمـصـام]

هلا بولد الرياض
حسيت انك داخل اختبار على اسلة بعض العالم
وزي ما اقول دايم ( السئوال لغير الله مذلة )

وهذا سئوالي الثاني الك ياولد الرياض <<< << احسسهم انك :115: :113:

ان جاك طالب وهو من الطلاب العقال الي ماتسمع لهم صوت بالفصل
واخلاقه عالية ولا كد تمشكل مع احد ولا سوا مشاكل ولا خرابيط <<< << انجز عطنا وش عندك :011:

ولاكن بالدراسة درج درنقه دبشة جميع المواصفات للغباء متركمة به يعني ( كرتون بجم ):096:

وكان حله بالاختبار زفت كل عادة
وبعد تجميع الدرجات باقي لهـ 7 درجات
وجا لمك وطلبك هذي الدرجات الـ 7

هل تعطية الدرجات السبع بسبب اخلاقة وادبة
او ما تعطية الدرجات السبع بسبب الدلاخة :09:

على فكرة انت مدرس شنو ؟ <<< << < مو من ضمن الاسئلة

والله أعطيه و بدون تردد .. لأن التربية قبل التعليم ..
و لكن هذا ما يعني عدم مساعدته في تحصيله و عدم النظر في سبب التراجع لمستواه ..

[الـصـمـصـام]

أبو عزّوز (h)

س1 / ما هو شعورك إذا قال لك واحد أبو عبد الله :113: ؟

س2 / أول ما شفتن بالديوانية , وش الشعور اللي جاك يوم شفتن ؟ < برّا :113:

س3 / يمكن أجي أسأل ويمكن لا ..

س1 / ما هو شعورك إذا قال لك واحد أبو عبد الله
استملس الجلد .. و صرت ألتفت له و أقول ( سم ) و بدون تصحيح للمعلومة:(

س2 / أول ما شفتن بالديوانية , وش الشعور اللي جاك يوم شفتن ؟
قلت شكله ذا نصاب ... توه بأولى ثانوي . خخخخ والله شكلك صغير ...
لو أنا من جماعة مسجدك .. كان أحوس مريرك عقب كل فرض ههه:d

والله بصراحة حاط في بالي واحد لحيته الى اخمص قدميه هه

س3 / يمكن أجي أسأل ويمكن لا
فهم السؤال نصف الاجابة .. و انا ما فهمت سؤالك ..:bad

[بدر بن عبدالله]

^^

والله من شين الأخلاق:d يا أخي لا تكد على العالم.

سحبيبي أبو عبد العزيز وراجع لك بالأسئلة منب مخليك<< نشبة:d

[الـصـمـصـام]

س1/ ماهو شعورك تجاهي؟
س2/ ماهو شعوري تجاهك؟
س3/ ماهو شعورنا تجاه بعضنا البعض؟
س4/ بعدين :d.

كلام كبير .. أنت أنا و أنا أنت ..
هذي إجابتي على أسئلتك الثلاث ..(h)

[الـصـمـصـام]

أبوعزيز , الدعساوي , وشو من لحية هذا :d
<-- يعني وش رآيك بي , بصرآآحة

أنت إنسان تحب الفلة و المكاشيت ..
و حازم أحيانًا ..

بس حلوة صورة أبو يمن اللي على الشاطيء :41

[الـدعساوي]

أبو يمن اللي على الشاطيء :41

متوقع هذا شكلي ولا لا

[الـصـمـصـام]

بدون مقدمات .. حتى لا يفسد التكلّف الحديث الودي بيننا ..

أخي وصديقي الغالي .. عبدالله ..

أسعد الله أوقاتك بكل خير ..

1) حين سمعتُ صوتك عبر الهاتف لأول مرّة شعرتُ بأني أعرفك منذ فترة ليست بالقصيرة .. هل تستطيع شرح السبب لو حصل معك نفس الموقف مع أحدهم؟

2) شخصياتنا في المنتدى .. برأيك .. هل تمثّل واقعنا الحقيقي؟

3) ما هو الكتاب الذي تقرأه دوماً بلا ملل .. غير القرآن الكريم؟

مع الشكر لك (f)

حين سمعتُ صوتك عبر الهاتف لأول مرّة شعرتُ بأني أعرفك منذ فترة ليست بالقصيرة .. هل تستطيع شرح السبب لو حصل معك نفس الموقف مع أحدهم؟

والله يا أستاذ بندر ما أدري ، و لكن أنا كنت أظن أني أعرفك وقتها و لكن صار تشابه أسماء ..
و الحمد لله أنه صار تشابه عشان أزيد رصيدي مع الرجال الطيبين امثالك و شرواك ..
و السبب هو الاستعداد و القابلية للتعرف على الشخص .. و الشرف في النهاية من نصيبي والله ..


شخصياتنا في المنتدى .. برأيك .. هل تمثّل واقعنا الحقيقي؟
100% لا .. و لكن تشابه كبير جداً ..



ما هو الكتاب الذي تقرأه دوماً بلا ملل .. غير القرآن الكريم؟
هكذا علمتني الحياة للدكتور مصطفى السباعي


شرفت حبيبي ..

[الـصـمـصـام]

رفع جوالك تنبيهاً يفيد بدخول وقت صلاة العصر
وكنت حينها في طريقك من المدينة النبوية إلى مكة حرسهما الله بعد أن ضربت وجبة مسحب حراق يحبه قلب مدحت شوقي فقلتَ في نفسك لعلي أقف في أقرب مسجد للوضوء والصلاة

فدخلت الخلاء بسرعة بتأثير من الحراق وذلك لضرورة ملحة الله أعلم ما هي
المهم أنك تريد أن تجدد الوضوء <<< أمحق تجديد :113:
ولكنك تفاجأت أن الموجود عبارة عن لي فقط بدون اي دلو أو طاسة أو حتى بيالة
والمشكلة أن الماء يغلي ودرجة الحرارة أكثر من 50 درجة مئوية وأنت لا ترتدي سوى إزار الإحرام
ماذا ستفعل خصوصا أنك لوحدك ولن يفقدك أحد حتى يفزع معك ؟


للمعلومية بعد أن إنتهيت من هذه المعضلة إكتشفت أن المسجد مغلق والسبب أن وقت أذان العصر باقي عليه قرابة 20 دقيقة وأن توقيت جوالك كان على توقيت مدينة الدمام التي كنت فيها يوم أمس ونسيت أن تغير الموقع من الشرقية إلى الغربية

بإنتظارك يا أيها الرجل الكهلول (h)

أبهيجن بالحمام :(.. و أردد : ياليل ما طولك ..
إلين يجي واحد حالته مثل حالتي .. و يطق الباب ولا أفتح له .. إلين يجيب لي مناديل و لا ملابس ولا عفاريت .. أهم شي نتخلص .. :(

[الـصـمـصـام]

س1- لو مابه شيء اسمه السعودية وش تختار دولة تسكن به
س2- تحب الحيوانات؟؟
س3-تحب المطاعم؟؟

^
^
^

علي شين أسئلة هههههههه ..

س1- لو مابه شيء اسمه السعودية وش تختار دولة تسكن به
جـ / فلسطين .. (h)

س2- تحب الحيوانات؟؟
ج/ نعم .

س3-تحب المطاعم؟؟
ج/ لا .. و عدم محبتها لا تعني عدم الأخذ منها نهائيًا ..

[الصباخ]

:023:

[الـصـمـصـام]

سؤالي ياابو عبد العزيز ,,

أن موظف في شركة من الشركات
وذات مره استأذنت من مديرك في وقت ماقبل الظهيره (الضحى)
للذهاب إلى إحدى الدوائر الحكومية لإنهاء بعض المعاملات ولكن مديرك أكدعليك أن تأتي قبل أذان الظهر
لكثرة الظغط على هذه الشركة

ذهبت أنت لإنهاء معاملاتك
ولمَا دخلت على الدائره إذا بك ترى كم هائل من المراجعين
مسكت سرا مع الناس إلى أن أتى دورك و حينما أردت أن تقضي ماعندك
أتى شخص من آخر الصف وسلم على الموظف وأعطاه الأوراق التي معه لينهي معاملته (بحكم المعرفه)
وإذابك تغضب أشد الغضب وتعترض على الموظف (بحكم قدومك المبكر )
ولكن الموظف لم يعرك الإنتباه
بل قال لك (أصبر إلى أن أقضي الرجال وإلا ظف وجهك)

حينها رفع الأذان
وتذكرت أنك لازم ترجع للشركه
فرجعت وأنت لم تنهي ماعندك

وذات يوم وأنت في الشركه والناس قدامك ماسكين سرا
وأنت تنهي المراجعين واحدواحد

إذا بك ترى الموظف اللي أنت حمق عليه يراجع عندك

قلي بصراحه ماذا ستفعل به ؟؟



بكل صراحة .. أخلص شغله .. و أنصحه ..

[الـصـمـصـام]

^^

والله من شين الأخلاق:d يا أخي لا تكد على العالم.

سحبيبي أبو عبد العزيز وراجع لك بالأسئلة منب مخليك<< نشبة:d

بيصك اللقاء بعد لحظات .. الللحق ..

[الـصـمـصـام]

متوقع هذا شكلي ولا لا

الا متوقع سبحان الله ..

[بدر بن عبدالله]

السوعال الأول:

ما سر العلاقة بينك وبين الزيتون:113:<< ترى ما تطنزنا بك أنا وياسر:d

السوعال الثاني:

شعورك حال فغص المصريات لك أثناء الطواف وتمتعك بالرائحة الزكية:d

السوعال الثالث:

ما هو شعورك اتجاهي؟:d

السوعال العاشر:113:

دبرنا بروحه يا حبيلك زين

سحبيبي أنت(h)(h)

[الـصـمـصـام]

السوعال الأول:

ما سر العلاقة بينك وبين الزيتون:113:<< ترى ما تطنزنا بك أنا وياسر:d

السوعال الثاني:

شعورك حال فغص المصريات لك أثناء الطواف وتمتعك بالرائحة الزكية:d

السوعال الثالث:

ما هو شعورك اتجاهي؟:d

السوعال العاشر:113:

دبرنا بروحه يا حبيلك زين

سحبيبي أنت(h)(h)

ما سر العلاقة بينك وبين الزيتون؟
ج/ أنا كنت أحب زيتونه قبل ياخذه بباي ..همن سوت لي خيانه و أعرست على بباي ..
و أنا هالحين أعوض النقص الحاصل ..

شعورك حال فغص المصريات لك أثناء الطواف وتمتعك بالرائحة الزكية
ج/ شعوري شعور أي واحد يختنق .. ليته على الفغص بس ..
أما لا جاك ضربه مع الرفرف الخلفي .. ما تدي إلا و أنت ناشبن بتلفون الاستفتاء .. هنا المصيبة :(

ما هو شعورك اتجاهي؟
ج/ والله أنت تذكرن بزيت ( شل ) .. معك دائمًا في الطريق ..
الصدز إنك وليدهـ .. ياسعد أمك بك .. و يا سعد اللي بتاخذك (h)

[مخاوي الصمت]

بحكم أن الفطحل أبو صم مدرس بأحد المدارس الأهلية

لنفرض أنك كنت مدرس بمدرسة يدرس فيها أشبال العائلة المالكة
وفي يوم من الأيام تم عمل يوم كامل للنشاط والترفية
وكان من أحد الفعاليات مأكولات وغيرها فقدم لك أحدهم [ عن طريق الخطأ ] شطيرة تحتوي على علبين حبحر من أشد أنواع الحبحر سخونة في العالم وكانت الشطيرة صغيرة باستطاعتك ان تلتهمها في لقمة واحدة
ولكن بحكم الإتيكيت والبرستيج فضلت أن تأكلها على دفعتين
فلما قضمت اللقمة الأولى وأكلتها - بالهناء والعافية - أصبحت الرؤية عندك ضبابية من شدة الحرارة وإنخفضت الاصوات التي حولك لأن أذنيك بدأت تخرج البخار بدل أن تستقبل الصوت فقط واجتمعت كل دمائك في وجهك حتى من يراك يشك أنك تعمل مع المرور كإشارة ضوئية حمراء

المهم أنك بالنون وما يعلمون بلعت اللقمة وبيدك لقمة أخرى وأمامك ثلاثة من الأشبال الذين يعملون مع اللجنة الإعلامية ويستعدون أن يجروا معك لقاء مصور ...
ماذا ستفعل باللقمة الأخرى ؟
وماذا ستقول للجنة الإعلامية ؟
وهل ستقدم إستقالتك مباشرة أن تنتظر الطرد ؟

وشكراً

لي عودة إن شاء الله

عبدالله كم أحبك حباً يفوح حرارة (h)

[بندر 1430]

سلمك ربي على الإجابات المفيدة والمختصرة ..

لكن عندي سؤال bonus بحكم إني أمون عليك :cool:

أنت أجبت عن أحد الأسئلة بأنك ما تحب المطاعم ..

كيف تتحمل الإغراءات خاصة وأنك ساكن في حيّ مليء بالمطاعم :d ؟

و ممكن تذكر لنا وجبتك المفضلة عند مطعمك المفضل؟

كل الشكر لك

[المعتز بدينه]

هلا أبو صمصم .. !!

الأسئلة نبي نزحلقهن شوي شوي وهن على طريقة أسئلة الدكاترة كل سؤال يحتوي 3 فقرات

س1/أ : صف لنا مخرج 12 وصف يبرد قلبك .. ؟!
س1/ب : لو عرض عليك الإبتعاث فهل ستقبل , ولماذا , وفي حالة موافقتك وين توجه له , ولماذا .. ؟!
س1/ج : نصيحتك للخريجين .. ياخذون دراسات ولا على طول يقدمون ولماذا .. ؟!

انتظر السؤالين

[A N A S]

ماذا تفعل في :
تأتي من سفر شاق جداً وما تشوف الارض وتحصل أقرباء لك موجودين بالبيت
ولا يوجد إلا أنت والوالد فقط من أهل البيت ( أنت اللي قايم بحق الضيافه )
ماذا تفعل :d

لو سقطت بحفره مالها قاااااع وش تسوي :113:

ماذا تفعل لو عملت على موضوع
أكثر من ساعتين وراح بغمضة عين
هل راح تعيده بنفس الوقت ولا في وقت ثاني تعيده !!

أنس يتمنى لك حياة سعيدة وماتعه :)

[الـصـمـصـام]

بحكم أن الفطحل أبو صم مدرس بأحد المدارس الأهلية

لنفرض أنك كنت مدرس بمدرسة يدرس فيها أشبال العائلة المالكة
وفي يوم من الأيام تم عمل يوم كامل للنشاط والترفية
وكان من أحد الفعاليات مأكولات وغيرها فقدم لك أحدهم [ عن طريق الخطأ ] شطيرة تحتوي على علبين حبحر من أشد أنواع الحبحر سخونة في العالم وكانت الشطيرة صغيرة باستطاعتك ان تلتهمها في لقمة واحدة
ولكن بحكم الإتيكيت والبرستيج فضلت أن تأكلها على دفعتين
فلما قضمت اللقمة الأولى وأكلتها - بالهناء والعافية - أصبحت الرؤية عندك ضبابية من شدة الحرارة وإنخفضت الاصوات التي حولك لأن أذنيك بدأت تخرج البخار بدل أن تستقبل الصوت فقط واجتمعت كل دمائك في وجهك حتى من يراك يشك أنك تعمل مع المرور كإشارة ضوئية حمراء

المهم أنك بالنون وما يعلمون بلعت اللقمة وبيدك لقمة أخرى وأمامك ثلاثة من الأشبال الذين يعملون مع اللجنة الإعلامية ويستعدون أن يجروا معك لقاء مصور ...
ماذا ستفعل باللقمة الأخرى ؟
وماذا ستقول للجنة الإعلامية ؟
وهل ستقدم إستقالتك مباشرة أن تنتظر الطرد ؟

وشكراً

لي عودة إن شاء الله

عبدالله كم أحبك حباً يفوح حرارة (h)


أنت و هالحرارة .. هههه

والله بصراحة ماعندي مجاملة .. والله لا أسدحه تحت و لا من شاف و لا من دري ..
و ثوبك و الجبل .. وش هالأسئلة .. والله يا أنت تخصص تجميع مصايب .. :bad

ياحبي لمحياك اللي زي وجهك ..:(

[الـصـمـصـام]

سلمك ربي على الإجابات المفيدة والمختصرة ..

لكن عندي سؤال bonus بحكم إني أمون عليك :cool:

أنت أجبت عن أحد الأسئلة بأنك ما تحب المطاعم ..

كيف تتحمل الإغراءات خاصة وأنك ساكن في حيّ مليء بالمطاعم :d ؟

و ممكن تذكر لنا وجبتك المفضلة عند مطعمك المفضل؟

كل الشكر لك

أهلا بندورهـ ,,,

والله أنا قلت أن عدم حبي للمطاعم .. ما يعني إني ما أروح ..
و الإغراءات شي نستجيب له في احيان كثيرة :eek5
و وجبتي المفضلة مدري وش اسمه .. بس انه من تشيليز ..:( بس مرتين بالسنة ..
لأنها تطفر بالواحد .. شكرا ليك ..

[الـصـمـصـام]

هلا أبو صمصم .. !!

الأسئلة نبي نزحلقهن شوي شوي وهن على طريقة أسئلة الدكاترة كل سؤال يحتوي 3 فقرات

س1/أ : صف لنا مخرج 12 وصف يبرد قلبك .. ؟!
س1/ب : لو عرض عليك الإبتعاث فهل ستقبل , ولماذا , وفي حالة موافقتك وين توجه له , ولماذا .. ؟!
س1/ج : نصيحتك للخريجين .. ياخذون دراسات ولا على طول يقدمون ولماذا .. ؟!

انتظر السؤالين

س1/أ : صف لنا مخرج 12 وصف يبرد قلبك .. ؟!
مخرج حساس جداً .. فيه رأس الثقافة .. مكتبة الملك عبدالعزيز ..
و فيه هرم السياسة .. قصر خادم الحرمين .. :cool:


س1/ب : لو عرض عليك الإبتعاث فهل ستقبل , ولماذا , وفي حالة موافقتك وين توجه له , ولماذا .. ؟!
ج/ عرض علي ولا قبلت .. ظرفي الاجتماعي و قيامي على أهلي يمنع من ذلك ..

نصيحتك للخريجين .. ياخذون دراسات ولا على طول يقدمون ولماذا .. ؟!
ج/ أنصح بالدراسة على طول .. و لا يفوت أي فرصة ..

حبيبي أبو أيوب إنتا ..

[الـصـمـصـام]

ماذا تفعل في :
تأتي من سفر شاق جداً وما تشوف الارض وتحصل أقرباء لك موجودين بالبيت
ولا يوجد إلا أنت والوالد فقط من أهل البيت ( أنت اللي قايم بحق الضيافه )
ماذا تفعل :d

لو سقطت بحفره مالها قاااااع وش تسوي :113:

ماذا تفعل لو عملت على موضوع
أكثر من ساعتين وراح بغمضة عين
هل راح تعيده بنفس الوقت ولا في وقت ثاني تعيده !!

أنس يتمنى لك حياة سعيدة وماتعه :)

تأتي من سفر شاق جداً وما تشوف الارض وتحصل أقرباء لك موجودين بالبيت
ولا يوجد إلا أنت والوالد فقط من أهل البيت ( أنت اللي قايم بحق الضيافه )
ماذا تفعل :d
ج/ الشكوى لله .. واجب شرعي و اجتماعي .. :(

لو سقطت بحفره مالها قاااااع وش تسوي :113:
ج/ محاولات للخروج مع شوية صراخ ..


ماذا تفعل لو عملت على موضوع
أكثر من ساعتين وراح بغمضة عين
هل راح تعيده بنفس الوقت ولا في وقت ثاني تعيده !!
ج/ بدون ما تقول ( لو ) هذا شيء يحصل دايم ..
الشكوى لله .. غالبا اسحب على ابو ابوه و لا اجيب طاريه ولا سيرته .


أطيب الأمنيات لك حبيبي ..

[المنخرش]

:eek5

هلابك ..

لا طبعًا .. بريده هالحين ناقصه اثنين ..

المنخرش .. و أبو قاسم ..
الأول بمكة .. و الثاني بالحايط ..:eek5

شكراً ..

يابعد القلب انت
والله تسلم لي ياغالي

انا اصلاً رحت لمكه عشان احجز لكم لحجيات .. اقصد احجز لكم شقق ماتتعبون بالتدوير
ههه

الحمد لله ان الحايط مابه عمره ولا رحنا فيها
:d



عندي أسأله بو عزيز وصعبه اتقيد فقط ب ثلاث

ابسأل مابدا لي
:d


ترا إذا حطيت (*) معناتها سؤال :d


* الاول .. وش يعني لك هذا الفيس ;)

* أول ماتركب سيارتك وش أول خطوة تقوم بها ..؟


* إذا حدك واحد وانت تبي تطلع مع المخرج .. وحدك لين فات عليك المخرج .. ولا يوجد مديور إلى بعد 10 كيلو
ماهي الدعوات والكلام اللذي سستطلقه عليه .. أذكر 5 دعوات و 3 الفاض فقط

* إذا قيل لك تمن امنيتين ..واحده ستلبى لك واخرى لن تلبى لك ..؟ ماهي الامنيتين ؟


* إذا وقعت في زحمه وعركة الرياض .. ماذا تستغل وقتك ..؟


* لو تجيك وظيفه خارج السعودية بمرتب 10.000 ريال للشهر .. هل ستوافق ..؟ ولماذا ..؟


* وش نوع الشماغ اللي تلبسه غالباً

* وين تفصل ثيابك ..؟

* لو تعطل الانترنت عن العالم .. ماهو الشي الذي ستفقده ..؟

* من تحب؟


* أفضل مطعم تفضله إذا جاك ضيف .. (غير المطعم الهندي) :d


*يقال انك لم ترى بر يدة ابداً إلا بعد دخولك المنتدى .. هل هذا صحيح ؟


* لو كان لديك رأس مال .. ماهو المشروع الذي ستستهدفه ؟


* يقال عنك ان فيك خصلة (البرائه) هل هذا صحيح ؟:d


* ماذا تفضل .. الصيف ام الشتاء ؟ ولماذا



* اخيراً لدي 4 أسألة محرجة للغاية
هل تفضل أن أطرحهم ؟ او ارسلها بالخاص أولاً ..؟:d


انتظر ردك ياغالي:41

[بدر بن عبدالله]

^^

أبو فهد، تسمح لي أفزع مع أبو عبد العزيز بالإجابة على الأسئلة:d

[طالب طب]

س2 / أول ما شفتن بالديوانية , وش الشعور اللي جاك يوم شفتن ؟
قلت شكله ذا نصاب ... توه بأولى ثانوي . خخخخ والله شكلك صغير ...
لو أنا من جماعة مسجدك .. كان أحوس مريرك عقب كل فرض ههه:d

والله بصراحة حاط في بالي واحد لحيته الى اخمص قدميه هه

ههههههههههه
خويّك أمرد ما عدا شُعَيْراتٍ قلائلَ :113:

متى تجي تخشع معنا بالمسجد ؟ :eek5 < :113:
وهـ (h)



س3 / يمكن أجي أسأل ويمكن لا
فهم السؤال نصف الاجابة .. و انا ما فهمت سؤالك ..:bad

يا عمري أنت مب سؤال ذآ :113:
يعني يمكن أجي أسأل لاحقًا بس شكلي أبحوّل السؤال لأبو غلا :113:

[الـصـمـصـام]

يابعد القلب انت
والله تسلم لي ياغالي

انا اصلاً رحت لمكه عشان احجز لكم لحجيات .. اقصد احجز لكم شقق ماتتعبون بالتدوير
ههه

الحمد لله ان الحايط مابه عمره ولا رحنا فيها
:d



عندي أسأله بو عزيز وصعبه اتقيد فقط ب ثلاث

ابسأل مابدا لي
:d


ترا إذا حطيت (*) معناتها سؤال :d


* الاول .. وش يعني لك هذا الفيس ;)

* أول ماتركب سيارتك وش أول خطوة تقوم بها ..؟


* إذا حدك واحد وانت تبي تطلع مع المخرج .. وحدك لين فات عليك المخرج .. ولا يوجد مديور إلى بعد 10 كيلو
ماهي الدعوات والكلام اللذي سستطلقه عليه .. أذكر 5 دعوات و 3 الفاض فقط

* إذا قيل لك تمن امنيتين ..واحده ستلبى لك واخرى لن تلبى لك ..؟ ماهي الامنيتين ؟


* إذا وقعت في زحمه وعركة الرياض .. ماذا تستغل وقتك ..؟


* لو تجيك وظيفه خارج السعودية بمرتب 10.000 ريال للشهر .. هل ستوافق ..؟ ولماذا ..؟


* وش نوع الشماغ اللي تلبسه غالباً

* وين تفصل ثيابك ..؟

* لو تعطل الانترنت عن العالم .. ماهو الشي الذي ستفقده ..؟

* من تحب؟


* أفضل مطعم تفضله إذا جاك ضيف .. (غير المطعم الهندي) :d


*يقال انك لم ترى بر يدة ابداً إلا بعد دخولك المنتدى .. هل هذا صحيح ؟


* لو كان لديك رأس مال .. ماهو المشروع الذي ستستهدفه ؟


* يقال عنك ان فيك خصلة (البرائه) هل هذا صحيح ؟:d


* ماذا تفضل .. الصيف ام الشتاء ؟ ولماذا



* اخيراً لدي 4 أسألة محرجة للغاية
هل تفضل أن أطرحهم ؟ او ارسلها بالخاص أولاً ..؟:d


انتظر ردك ياغالي:41

أهلين و سهلين بنور العين .. (h)

* الاول .. وش يعني لك هذا الفيس ;)
ج/ يعني لي لكاعة .. أو استلكاع ..

* أول ماتركب سيارتك وش أول خطوة تقوم بها ..؟
ج/أفتح الدرايش ( همن أصك الباب ) .. سواء بالصيف أو بالشتاء .. بالصيف عشان يطلع الهواء اللي كاتم السيارة ..
و بالشتاء عشان نشم هواء ..

* إذا حدك واحد وانت تبي تطلع مع المخرج .. وحدك لين فات عليك المخرج .. ولا يوجد مديور إلى بعد 10 كيلو ماهي الدعوات والكلام اللذي سستطلقه عليه .. أذكر 5 دعوات و 3 الفاض فقط <=== سؤال ولا قطعة إملاء ذا .. :d

ج/و لله الحمد .. من ناحية الدعوات أتضايق إذا دعيت على أحد .. لكن أحيانا ادعي .. الله يتوب علي ...

والله لا صار مرة مرة ..

الدعوات :
الله يصلحك أنت ووجهك <=== دايم اقوله .. :d
حسبي الله عليه ..
جعلك للماحي <=== قليلة جداً ..
وجعن يوجعك :(
الله يستر عليك .. :eek5

الألفاظ :
- وين يبي ذا ..
- انقلع ..
- تُبلى ..:d


* إذا قيل لك تمن امنيتين ..واحده ستلبى لك واخرى لن تلبى لك ..؟ ماهي الامنيتين ؟
ج/ اكمل دراستي .. و أشري بيت .. :d



* إذا وقعت في زحمه وعركة الرياض .. ماذا تستغل وقتك ..؟
ج/ ألبومات أسمعها .. ولا مكالمات و تواصل مع الأصدقاء .

* لو تجيك وظيفه خارج السعودية بمرتب 10.000 ريال للشهر .. هل ستوافق ..؟ ولماذا ..؟
ج/ لا .. لأن أهلي مالهم غيري .. صعبة أتركهم .

* وش نوع الشماغ اللي تلبسه غالباً
ج/ البسام .. سواء شماغ أو غترة ..

* وين تفصل ثيابك ..؟
ج/ خياط الأمراء - الثوب المعتمد.

* لو تعطل الانترنت عن العالم .. ماهو الشي الذي ستفقده ..؟
ج/ الكتابة في المواقع ..

* من تحب؟
ج/ أمي .

* أفضل مطعم تفضله إذا جاك ضيف .. (غير المطعم الهندي) :d
ج/ تشيلز .. :)

*يقال انك لم ترى بر يدة ابداً إلا بعد دخولك المنتدى .. هل هذا صحيح ؟
ج/ لا .. رأيت بريدة .. و لكن لم آتي إليها على سيارتي بنفسي .. إلا بعد المنتدى ..
و في السابق لا آتريها إلا مروراً مع زملائي إذا كان لهم شغل فيها فقط ..

* لو كان لديك رأس مال .. ماهو المشروع الذي ستستهدفه ؟
ج/ أي مشروع يحبه الشباب و يستهويهم .. بشرط أنه يكون مباح .
لأن في هالمشاريع مسافات كبيرة من الإبداع ..



* يقال عنك ان فيك خصلة (البرائه) هل هذا صحيح ؟:dج/ أتمنى ذلك .. بصراحة لا أعرف ماهي البراءة في نظر من يصفني بها ..


* ماذا تفضل .. الصيف ام الشتاء ؟ ولماذا
ج/ الشتاء .. لأن هواءه طبيعي .. أقصد في البيوت و عند النوم ..
كما انه له مذاق و ذكريات خاصة ..


اخيراً لدي 4 أسألة محرجة للغاية
هل تفضل أن أطرحهم ؟ او ارسلها بالخاص أولاً ..؟:d
ج/ براحتك .. لا همني .. يعني إذا كان فيها إحراج قوي جداً جداً ..
بنفرفش معك و نصيع السالفة و انتهينا :d

اللي تشوفه ياسيدي ..
أعجبتني حرارة الأسئلة إلى حدٍ ما ..

[~ [ جناح ] ~]

مراحب أبو عبدالله (سيكو)

سوعالي اليتيم إن ما جاب أبوه أخوة (سيكو ثاني)

س/: تذكرن يوم أشوفك بالديوانية أنت و أبو أيوب ؟؟!

[المنخرش]

شكراً ابو عبد العزيز
في كل رد ابطرح سؤال
لأن ماعندي انترنت
كل يوم مقلبن وجهي على جهاز ههههه


اولاً وش قصت اللي يسألونك
شايفن ماشفتن
شكلهم غلطين

ودي اعزمك واجيب كل الأعضاء واحطلك غرفه
كل واحد يدخل يشوفك 10 ثواني فقط ويطلع يجي اللي بعده لين نصفيهم ههههه امزح



حبيب القلب
لك في قلبي مكانه


سؤال

متى تعرس ..؟ وإذا نويت تعرس وش تبي تاخذ بنت ولاايش ..؟


السؤال الثاني بالرد القادم

شيكرن

[مخاوي الصمت]

^^
ابو فهد

وما يدريك أني مشتاق لكـــ أيه الدب المتين :eek5

قسم بالله أمس فقط أمس دخلت ملفك أشوف آخر مشاركة لك هل أنت كاتبن أنك مسافر أو تبي تبعد كم يوم وإلا وش السالفة

لا تصيف علينا أولاهــ يا البهلواني

أكرهك بعنف (h)

[مخاوي الصمت]

أبو صم صديقي صاحب الذاكرة الرهيبة ماشاء الله لا قوة إلا بالله

الصراحة أنني [ أويت لك ] وقلت ابرفق عليك

س/ أريد أن تعطيني رأيك وبصراحة في موضوعي [ هنا (http://www.buraydahcity.net/vb/showthread.php?t=211560) ]

الرجاء أن يكون الرد في نفس الموضوع
مع وجود نسخة هنا

وشكراً

* للمعلومية التورتيلا خالية من الحرارة :113:

[الـصـمـصـام]

مراحب أبو عبدالله (سيكو)

سوعالي اليتيم إن ما جاب أبوه أخوة (سيكو ثاني)

س/: تذكرن يوم أشوفك بالديوانية أنت و أبو أيوب ؟؟!

أهلين ...
أما جوابي اليتيم عن سؤالك اليتيم ..
فأنا والله ما أذكر .. إلا إن كانك أنت اللي تصير ولد عمة أبو أيوب ,, فهذاكـ أذكرهـ ..:d

[الـصـمـصـام]

شكراً ابو عبد العزيز
في كل رد ابطرح سؤال
لأن ماعندي انترنت
كل يوم مقلبن وجهي على جهاز ههههه


اولاً وش قصت اللي يسألونك
شايفن ماشفتن
شكلهم غلطين

ودي اعزمك واجيب كل الأعضاء واحطلك غرفه
كل واحد يدخل يشوفك 10 ثواني فقط ويطلع يجي اللي بعده لين نصفيهم ههههه امزح



حبيب القلب
لك في قلبي مكانه


سؤال

متى تعرس ..؟ وإذا نويت تعرس وش تبي تاخذ بنت ولاايش ..؟


السؤال الثاني بالرد القادم

شيكرن

اولاً وش قصت اللي يسألونك
شايفن ماشفتن
شكلهم غلطين
ج/ معجبين ياااخي .. لا تلومهم :(


متى تعرس ..؟ وإذا نويت تعرس وش تبي تاخذ بنت ولاايش ..؟
ج/ ما أدرى متى أبعرس .. لا اعرست :d <=== ياشين الجواب بعد ..

و إذا نويت أعرس أباخذ ضفدع :( ينعن أم السؤال اللي كذا:eek:


الزخهن كلهن يارجال ... لأن الموضوع بيصك عما قريب ..
فشوري عليك عطنا كلش ..

ياحبيلك يالعصل ..

[الـصـمـصـام]

مخاوي سبعه الصمت

ودي اصير مثلك شيفه ياااخي ..

تخصص كبسات و شوي بس <=== طبعا مطرسه