نقل كتائب الحرس الوطني بحائل وعرعر ورفحاء للقصيم العام القادم

[الــمــلــثــم]

في تعميم صادر عن رئاسة الحرس الوطني باعتماد تحريك كتيبة المشاة 111 بحائل إلى القصيم وذالك اعتبارا من تاريخ1/8/1432هـ .

وأوضح التعميم انه بناءاً على توجيهات من سمو نائب رئيس الحرس الوطني للشئون التنفيذية الأمير متعب بن عبدا لله بن عبد العزيز ال سعود فقد تقرر إعطاء الفرصة لمنسوبي الكتيبة 112 برفحاء والكتيبة113 بعرعر والكتيبة111 بحائل للاستعداد بتجهيز أمورهم للنقل ،وتمكينهم من نقل عوائلهم وتسجيل أبنائهم بالمدارس وكافة الأمور المتعلقة بالنقل حيث سيتم تحريك الكتائب الثلاث إلى القصيم اعتبارا من تاريخ1/8 / 1432هـ وتشكيل للواء جديد تحت مسمى لواء الخليفة عمر بن عبد العزيز.


(وش رايكم يا أهل بريدة راح تكون المدينة كبيرة جدأ بنظري أنا والله أعلم )

[تركي التويجري]

والله من الكسل راح تكون بريده كلها عسكر

من تبوك وراح تكثر البلاوي والخربيط

يعطيك العافيه اخوي

[مع السلامه 26]

الله يعين اختلاط الحابل بنابل

صنيفر واخونه انتظرون في صيف 1432

الله يخرجنا

[الطرس ممدوح]

وراح تكثر البلاوي والخربيط

[سهيل اليماني (1)]

بترتفع الإيجارات

[أبو برق]

والله ودي أنا أدخل الحرس الوطني

[غريب احساس]

حياهم الله

بس المشكله اللي حياته كلها بحايل وعرعر و رفحا وما يبي القصيم ؟ لأني اذكر اللي بحايل طالبوا الملك بالبقاء في اماكنهم
وتبون الصراحه معذورين فيه احد ما يحب حايل ! لبى البها واهلها الطيبين
اما عرعر !! اقوووول ! ييييازين عرعر خخخخخخخخخخخخ
اتوقع بعضهم راح يطلب التقاعد المبكر لان والله اكثرهم مايبي القصيم
بس الواجب علينا ان نحييهم و نستقبلهم بسعه رحب وعسا الله يوفقهم في حلهم و ترحالهم
وبالتوفيق

[zeead]

الله يحله بس

البلا مهب باللواء الجديد ببريدة, بالعكس والله فخر لنا
المشكلة بالعسكر الحنسات الي يبي يروحونبك
الله يستر بس.
انا اتوقع ان الكتيبة 111 بحايل هي افضل الكتايب لانو معروف عن اهل حايل
ورجاله الرصانه والفكر النافع لا المخرب, اما كتيبة رفحاء وعرعر الله يستر بس
الله يجعلهم صالحين مصلحين.

*هاللحين ماتحملنا سلنتح الامن العام هنا ومشاكلهم مع المراهقين بأحيائنا !
حتى نتحمل عساكر الحرس الوطني

ايه مانقول الا الله يســــــــتر

*ياليت حبيبي الملثم تعطينا مصدرك وتتأكد من الخبر

[zeead]

ياليت الي يعرف مقر اللواء الجديد منهوبه يخبرنا ياشباب

[خنفشارية]

الله يطعمنا خيرهم

ويكفينا شرهم

[حكيم 10]

المشكله العقار والشوارع والتنضيم مكانك راوح وشلون يبيلهم سكن واسوق وغيره
وحرس يعني مشاكل وبلاوي ومصائب وجرايم والله المستعان

[اماني]

الله لا يحييهم . بيملون اسواقنا وانواع المغازل . الله يعين المسلمين على غثاهم

[M 2]

الله يعين عليهم بس

[BUK - KSA]

بترتفع الإيجارات

المشكله العقار والشوارع والتنضيم مكانك راوح وشلون يبيلهم سكن واسوق وغيره
وحرس يعني مشاكل وبلاوي ومصائب وجرايم والله المستعان


على حسب معلوماتي ان هناك وحدات سكنية و6 ابراج تجهز لهم الان بالبكيرية

[abo-saly]

يبدو للبعض انه إذا كان فاسد وراعي بلاوي
يضن ان غيره مثله !
الله يحييهم ..

[غريب احساس]

انا استغرب من ردود اعضاء بريدة ستي ليش كذا ؟

على الأقل تجملوا برد يبيض وجه المنتدى خخ

وانشا الله تكون خيره نقله الحرس للقصيم علشان يتم نقل ناس اخوان لنا من اهل القصيم وتكثر الوظايف بالديره وبالتوفيق للجميع

[غريب احساس]

ياليت الي يعرف مقر اللواء الجديد منهوبه يخبرنا ياشباب

بجانب معهد طيران القوات البرية ومقابل جامعه الملك سعود ( جامعه القصيم ( وبعدين تراهم لهم خمس سنوات وهم يجهزون للمباني الجديدة وبالتوفيق

[حميد الحميد]

الي كاتب الموضوع واضح انه مايعرف شي وجايب كلام من الهوى يبي ينزل موضوع باي طريقة كتب هذا معقولة يسحبون الي برفحاء وعرعر وحائل للقصيم قول غيرها

[zeead]

على حسب معلوماتي ان هناك وحدات سكنية و6 ابراج تجهز لهم الان بالبكيرية

الـــــــله يفتح عليك, ايه تسذا تهون علينا شوي يابعدي :41
.

والاخ abo-saly
من الواضح انك غير مجرب وخبرك بالحياة بسيطة !
انا اقترح عليك تاخذلك لفة بالشقة السفلى هذا اذا كنت مطلع رخصة قيادة
او بالاصح بطاقة احوال عزيزي !
وتشوف تصرفات الاعراب هناك على سجيتهم
وانا واثق جداً من ان الفكرة سوف تتغير لديك 500%
وتبي تعرف ليش الرجال الي ردو هنا متشائمين نوعاً ما من قدوم هذه الكتائب
.
على العموم مانبي نبالغ بالتشاؤم, علنا نلقى منهم رجال من خيرة الرجال ينفعون بريدة, ماندري

( وسوف تبدي لك الأيام ما كنت تجهله )

تحيتي :f:

[صمت الحزين]

بصراحه هذا من صالح أهل بريدة راح يستفدون أكثر من ناحيت أن المنطقه راح تتوسع بعدد السكان وراح يكثر الأقبال على الأيجارات ,,, والله يوفق الجميع

[ابو وليد1]

الـــــــله يفتح عليك, ايه تسذا تهون علينا شوي يابعدي :41
.

والاخ abo-saly
من الواضح انك غير مجرب وخبرك بالحياة بسيطة !
انا اقترح عليك تاخذلك لفة بالشقة السفلى هذا اذا كنت مطلع رخصة قيادة
او بالاصح بطاقة احوال عزيزي !
وتشوف تصرفات الاعراب هناك على سجيتهم
وانا واثق جداً من ان الفكرة سوف تتغير لديك 500%
وتبي تعرف ليش الرجال الي ردو هنا متشائمين نوعاً ما من قدوم هذه الكتائب
.
على العموم مانبي نبالغ بالتشاؤم, علنا نلقى منهم رجال من خيرة الرجال ينفعون بريدة, ماندري

( وسوف تبدي لك الأيام ما كنت تجهله )

تحيتي :f:

ياخي ماعلينا منهم يمكن تصير زحمه صح بس اهم شي تتوفر وضائف للعالم. وهو صادق abo-saly (f)

[فهد لاين]

كلام فاضي مافيه لا عرعر ولا رفحاء يبي يجبون الي بالرياض من يرغب النقل ويبي يجيبون لواءكامل مو كتايب ياااااحبيبي و على السكن اصلاً الحرس مايسكنون بعيد لازم يكون لهم سكن خاص قريب من العمل ...والاغلبيه من الافراد من القرُاء المحيطه بالقصيم مثل الرس ودخنه والظلع وغيره وقبه وفيه من حايل كثير اهلهم بالقُراء ويسكنون معهم مايبون ابريده ابدااااااااا