نداء عاجل لامير منطقة القصيم - فضيحة : بلدية بريدة + الهيئة - ( صو+ فيديو )

[صالح المشاري]

السلام عليكم ورحمة الله وبركاته

من دون مقدمات

الوضع خطير جدا والتأخير سيكون سبب كبير لتفاقم المشكله :mad:

عتبي الكبير بالمقام الاول

لـ إمارة بريده ممثله بصاحب السمو الملكي فيصل بن بندر

كل مايحدث داخل بريده هم المسؤولين في المقام الأول

لابد محاسبة المتخاذلين وأملنا بـ الأمير فيصل (h) كبير لتحسين الأوضاع ومحاسبة جميع الجهات
من بلدية ومركز هيئه ... إلخ

اشياء قاعدهـ تصير قسم بالله ما نرضى نشوفه داخل بلاد الحرمين

استهتار بعوائل العالم وقلة حيا منظر خلاني افقد اعصابي كله بسبب تهاون بلدية بريده وتخاذل مركز الهيئه

المشكله ليست جديده وسبق إن طرحت هنا اكثر من مره هنا :i125

لكن واضح إن المسؤولين مستهترين وشباب قسم بالله إنه يسود الوجه :eek:

كلنا شباب لكن ماتوصل إلى الدناءة ذي ... :(







فضلا انتظر الصورة ...

http://www.9m.com/upfiles/24A08570.png

http://www.9m.com/upfiles/dPi08570.png

http://www.9m.com/upfiles/3qy08717.png

http://www.9m.com/upfiles/OoZ10944.png

ولمشاهدة مقطع الفيديو من خلال موقع اليوتيوب

اضغط على الرابط youtub

http://www.youtube.com/watch?v=VEylXeuSsBQ



تصدقون بالله إن الحديقة ذي خاصه بالعوائل ....!!! هزولت


انا اتمنى شي واحد تشطب الحديقة
مانبي حدايق خلاص والله مانبي

أو يوضع للحديقة سور كبير بالإضافة إلى حراس بكل البوابات مع تواجد الهيئه

وش هالعشوائيه ذي ...!!!

:42



إلى متى وأحنا نشاهد حديقة الاسكان 6 بهذا الشكل ...!!:i121




مع تحيات
صالح المشاري

[غريب احساس]

والله مشكله كبيرة
ما فيه حل إلى انها تتحول لشباب فقط و العوايل يشوفون لهم دبرة

[W1SS]

وش صاير الحين عجزت افهم شي
ممكن احد يشرح

[صالح المشاري]

والله مشكله كبيرة
ما فيه حل إلى انها تتحول لشباب فقط و العوايل يشوفون لهم دبرة

هذا هو المفروض

شكرا لك

وش صاير الحين عجزت افهم شي
ممكن احد يشرح

الموضوع واضح جدا

وسيفهمه بكل تاكيد من يهمه الأمر

[الرااقي]

جزاك ربي كل خير ورفع دراجاتك يا أخي على غيرتك على أعراض المسلمين وهذي أمانة تقع على كل مسؤل عن الحديقة ألتي انقلبت الى وكر من ألأوكار من البلدية وألأمارة والهيئة
وشكرالك أخي مرة اخرى

[W1SS]

شوي شوي بس لايطق بك عرق
انا استفسرت بس والله يخلف

[BRHOOM]

..

يـآرجآل خلـهآ على ربك

رآآح تشووف هالوضع واكثر وحنآ على ابوآب الاجآزة
رآآح تحصل من هـ نــوع كثيـر
..

[جوااد]

لو سمحت عنوان الموضوع " غير لائق "
ثانيا أنا أكلمك عن علم : أن الهيئه ما استطاعات منع الشباب لأن السور شبك بإمكانهم انهم يقمزون

ـــــــ

إضافه لموضوعك :.
حتى الشرطه مايسون شي .. أحد الأيام كنت طالع انا والعايله جو أربع شباب بدبابين ويدورون بالحديقه هاشوهم كثير من الناس لكن مافاد كلمت على الشرطه مرتين انتظرناهم ماشفنا احد ..

[@سموالذوق@]

جد عنوان موضوعك مو حلو ابد تشكر على غيرتك بس بعد تواخذ على اسلوبك وطرحك

[رفيــع الشانــ]

البلدية غير مسؤلة عن دخول الشباب
البلدية وضعت اللافتتات على حدود الحديقة وحددت الحديقة للعوائل
لا توجد لها سلطة بمنع دخول الشباب
المسؤلية تقع على الهئية والجهات الأمنية
شكراً على غيرتك وكثر الله أمثالك

[وادي الرمة]

والله مشكله كبيرة
ما فيه حل إلى انها تتحول لشباب فقط و العوايل يشوفون لهم دبرة

لا تعلييييييييييييييييق

[احساسي مخملي]

اليوم انا كنت هناك ماتصدقون ايش صااار
لما كنا جالسين وكان مكاننا قريب من احد الممرات واذ بصووت زغرته وتصقيق وصرااخ واذا بشاب لابس بشت <مشلح ومسوي نفسه عريس ومخلي الشباب يلحقون فيه ومتجمهرين عليه والبنات ما صدقو خبر يلحقونه ويغنون وهذا مستانس والبنت كتفها بكتف ولد \\\ حسبي الله ونعم الوكيل
لمتى احنا كذا وين البلديه وين الهيئه ووووين النااااااس

وحبيت اضيف على رد اخي الساابق يقووول البلديه غير مسؤله عن دخول الشباب
لا غلاطان اخوي الا مسؤله بامكانها وضع اسوااار عاليه للحديقه حيث لا يستطيعون القفز من خلال السور

بالنسبه لحراس الامن الموجدين انا شفت اثنين صراحه وجودهم مثل عدمه احسهم مجرد ديكوووور!!

[حربي القصيم]

والله شيء يقهر صرآحه
مـآقول الا الله يهديهم
لاهنت آبو فراس

[Leader.20]

*
*

الشرهه على اللي ياخذ اهله ويروح لذي الحديقه .

قسم بالله لو يعطونن قروش ما وديت الاهل هناك .


*

[احساسي مخملي]

*
*

الشرهه على اللي ياخذ اهله ويروح لذي الحديقه .

قسم بالله لو يعطونن قروش ما وديت الاهل هناك .


*

معذره اخوي صحيح ان الحديقه مو حلووه وفوضى لكن ايش نسوي من كثر المتنزهات عندنا,,علشان هذا السبب العوايل يروحون له

[مهاااااااااااوي]

منظر بجد خوفني
بس معليش ترا ماجو الشباب الا لانهم سامعين شي عنها!!؟

[عاشق الزعيم]

حسب معلوووماتي
الهيئة موقفين عملهم بالليل

[رواقي]

الله يصلحهم ويهديهم للطريق الصحيح . . .


والله مثل هالأشياء تضيق الصدر . . .

واتوقع حل هالمشاكل بالحدايق اللي تكون عوائل يحطون سور رفيع وبوابة رئيسية وعنده حارس
لكن المشكله بعد ما تحط السور اللي بنفس الحديق ما يحسوون انهم طالعين مصكره من كل مكان ولا تصير
فلله وسعة صدر . . .

تسييييف تسذا هالشباب ما خلو هالعوائل يرتاحون (( ما اقصد كل الشباب ))

[جولدن ستي]

بصراحه مالك حق تدخل البلديه بالموضوع

[كلمنتان]

شبابنا عليهم العتب الكبـــــــــير
وإلا فحدائق الشباب كثـــــــــيرة

[ويبقى أمل]

الهيئة تمشي بأمر الامارة والشرطة
لكن اين حراس الامن للبلدية

[هاوي الربع]

المفروض وسمحولي على اللفض هذا انه تمحى نهائيا موب لا زم حديقه قدامها ملاهي الأسره حط حريمك وبزارينك بوسطه ورتح وطمئن

[C R Λ S H]

^^ المشكلة يآ آخوي آن ملآآهي الإسرة تحم الكبد والله يقعدون بالبيت ولا يروووحون لمهـآ ..


صدقت اخوي صـآلح فهذه الحديقة كثر الكلآم عنها وهي في حالة لا يرثى لها

اتمنى يلتفتووون لهـآ ,, مع الاسف اجي لمهـآ مع الاهل ولا اجد الهيئة ..


تشكرآتي لك

[قص100]

الله يكفينا الشر
احسن شيء يصير للشباااااب والعوائل مووووووولازم

[غالية الثمن]

حسبي الله ونعم الوكيل

حسبي الله ونعم الوكيل

[999]

مرحبا
من وجهت نظري ان يكون هناك يوم عوائل ويوم شباب نرضي الكل
مجرد رأي

[غاليه الغالين]

الله يهديهم ان شاء الله ...:bad[/CENTER]

[طارق العتيق]

لا حول ولا قوه الا بالله

من زمان وهم كذا بس امس صار حادث شنيع جداً عند باب حديقه الاسكان و العالم اذا قضو متفرجين من الحادث دخلو و سربتو

[دايم الغيرة]

اخوي صالح موضوعك حله واحد لاغير

سور ارتفاع مترين مع بوابتين رئيسيتين غربية وشرقية .

[fai 2010]

شكرا لطرحك هذا الموضوع
والهيئه صارت ماتتواجد بالحدائق
وانت اللي تقول العوائل يشوفون لهم دبره << ليش
اصلا الحديقه للعوائل الشباب اللي يشوفون لهم دبره
يعني حلو انه الواحد يفكر قبل مايبدي رأيه

تنبيه لك اخوي (الموضوع غيررررر لائق ابدا)

[صدى الأيام]

انا اعتقد بان الجميع يتحمل المسئولية كاملة عما يحدث فالبلدية لها دور وكذا الهيئة والشرطة لو الجميع يعي دوره لما حدثت المشكلة اصلاً......

[ثلاثيني غير]

ووووووووووين الهيئه ولاكل شخص الحين يقرا المقال ويقرا ردي لازم نكون حنا رجل الهيئه ونوقف هذي المهزززززززززله الي عمرها ماصارت في بعض الدول العربيه المتفتحه واماكن عامله في اختلاط ماحصل كذا كيف حنا في بلد الحرررمين رجال فكرررررروا وخلونا احنا رجل الهيئه وكل واحد يمنع اهله من يرووح لهي الحديقه لين تتنتضم

[عــرووب]

الله يخلف

وزيادة التربية صايرة رهاف
أتذكر وحدة جو الصغرين عندها قالوا ولدك يسمع اغاني ويتحرش بنا قالت خلوه يستانس!!!!
والبنات وين أهلهم عنهم شيء يرفع الضغط أستغفر الله
الله يستر علينا وعلى بناتنا وخواتنا يارب

[بندر ..]

الحمدلله إني مآقد دخلته .


بس أسمع إن كله غزل x غزل .

ومآفي هيئة .

[ابو اريام]

كل من يقلل من شأن الموضوع هو احد امرين اما انه ماله خوات ولا بنات والا ما عنده غيره اخي الغيور على محارم المسلمين صالح المشاري اشكرك واسأل الله تعالى ان يثبتني ويثبتك على الطريق المستقيم

[المطنووخه]

لله يهديهم وجزاك الله خير على الموضوع

[تيجان]

الله يهدي الجميع
مشكلة الناس
طول الامل
يضنون انهم مخلدون
الله يهدينا ويهديهم جميعا

[راشدعبدالعزيزالراشد]

أخي صالح إذهب إلى بلدية الصفراء الفرعية مقابل مدينة الملك عبدالله الرياضية لحل المشكلة ومشكور على الموضع

[كنترول بريدة]

لاتعليق

[منتهى آلرقه]

يآآخرآآآآآشي آيش هزآآآآآ :oo

[منسم بس عاقل]

السلا م عليكم اذا الشباب داخلين مع عوائلهم هنا المشكله يجب ان تتفهم الموضوع من جميع الجوانب

[muom]

حديقه المضمار حقت الشباب اللي وراء حديقه العوايل بالبصر كلها عوايل

[HADAD]

البلدية غير مسؤلة عن دخول الشباب
البلدية وضعت اللافتتات على حدود الحديقة وحددت الحديقة للعوائل
لا توجد لها سلطة بمنع دخول الشباب
المسؤلية تقع على الهئية والجهات الأمنية
شكراً على غيرتك وكثر الله أمثالك
اخالفك الرائي...
الهيئه ماقصرت لاكن <الكثره تغلب الشجاعه>
لو البلديه وضعت سور او شبك رفيع وحراسه مشدده مثل حديقة الملك خالد مااستطاعو الدخول
لاكن اذ حضر رجلان او ثلاثه من رجال الهيئه لمواجهة مئاة الشباب مااستطاعو عليهم..

[دموع القلبــ]

مشكله كبيره

مشكوره

[sami123]

والله بأيديهم يسون العجايب لكن الشكوى لله , لكن إذا احد الشباب رجال يدخل البرج حق بريده شف وش يسون فيه لكن وش تقول الله حسيبهم

[احلى عضو]

:07:===================

[هاوي دلع]

والله معك حق ياعزيزي

[dxn]

بعد التحية بالخط الاحمر
اولاً اشكر الاخ المشاري على طرح الموضوع لمناشدة المسؤلين لايجاد الحلول السريعة
ثانيأ الحدث له فترة تقريباً الشهريين الماضيين في حديقة الاسكان ( شباب + عوائل = مشاكل ) ونتطرق لهذا الموضوع من عدة نقاط تكون حلول للجهات المسؤلة عن المشاكل داخل الحديقة
( نقاط واقعية ) ( مشاهد موجودة )
1- ملا صقة الحديقة العوائل مضمار الشباب يعني ( هيا نتعشى لكي نتمشى ويين في مضمار حديقة العوائل امام النساء)
2- السور الخارجي للحديقة قصير وتالف يعني ( ارفع ثوبك وانت داخل الحديقة - معاك دباب ادخل وتمشى على كيفك )
3- انعدام وجود الامن والهيئة في الحديقة يعني ( مكان الامن سكن بنقالية - مكان الهيئة شكل ديكور خارجي بدون اثاث)
4- يلزم وجود دورية امن بجانب الحديقة يعني ( اذا في مشكلة بس اتصل ونحن نصل بالسرعة الجانونية)
واخيراً توجد ملاحظات كثيرة في مدينة بريدة يعني ( حدثة مشكلة في مكان ما نضع الحلول المناسبة )

[شمالية جنوبية]

الله يهديهم وجميع أبناء المسلمين

[بارقة]

حسبنا الله ونعم الوكيل

[الداهية]

مانقول الا حسبي الله ونعم الوكيل

[ابو تسنيم]

المشكلة خطيرة جدا والامر مستهان فيه من زمان
الحديقة لازم تسور بسور جداري
ولو طبقة عقوبات على من يتم مسكه داخل الحديقة في مكان الحدث كان يتأدب الحثالة
والله عيال حمايل شايفهم بعيني لكن اذا امن العقوبة اساء الادب

[د. صالح التويجري]

يؤسسفنا جد ان نشتغل بتدافع المسؤلية عن القضية(( الامن /الامانة //البلدية// الهيئة// الاسرة //كلنا مسؤل بحسب صلاحياته / ولكن الجهاز التنفيذي البلدية قادرة على التنسيق مع الجهات ذات العلاقة على ا ن يتوصلوا الى حل يعفي الناس من هذا القلق الاجتماعي // اهم شيئ لا يتحول الناس الى تدخل مباشر في حراسة اسرهم * فهذه الفوضى في التدافع وغياب الدور الرقابي قد تكون شرارة فتنة شؤمها على من اخل بعمله فايقضها ..

[صمت النار]

أعود وأكرر واقول

لايوجد دخان من غير نار

هؤلاء الشباب لم يقوموا بالدخول أو الدوران عند الحديقة إلا بسبب الفتيات الاتي يستعرضن أمامهم

وأكرررر

هل بناء سووور وإقفال ابواب سينهي المشكلة

بالتأكيد لا والف لا

يجب أن يكون هناك عقاب شديد على الشباب والفتيات ايضاً ( وللحق الفتيات اولاً )

فتيات قل عندهن الحياء وقد شاهدنا بأعيننا

فماذا نتوقع من هؤلاء الشباب

يجب أن نطالب اولياء أمور تلك الفتيات ( الذين تركوا بناتهم ليكونوا سبب فيما يحصل ) بمتابعة بناتهم ومراقبتهم جيداً

:41

[" الملهم "]

تبي تشوووف اكثر الاجازه باقي عليه 14 يوم

[سـارآ]

المسئول هم الشباب انفسهم :oo:ooالمفروض يحسون ويستحون :p:pلكن الله يخلف كثر امثلك طرحك جيد بسسسسسسسسس تاكد يااخي ان المسؤل هم الشعب وليس ولي الامر:41

[مع اجمل تحيه]

شكرا لك اخوي صالح يجب وضع حل لهذه المهزله ويجب معاقبة الشباب المستهتر عقابا رادعا ووضع حد لهذه المهزله
استغرب لحال بعض الشباب المتخلف 00000000000مكان عوائل ليش تذهب لمكان مايخصك وين عايشين
اتمنى ردع ومعاقبة الشباب المستهتر لاجل راحة العوائل واتمنى وضع سور وحراس من اجل راحة وسلامة المتنزهين00000000000

[الهواء الغايب]

من قال مافيه هيئة

الهيئة موجودة بس من الصعب التواجد 24 ساعة

عندهم العثيم وماسكين اكثر الاسكان بس ما نقول الا الامارة الازم تشوفلها حل

شوفت عيني بنات يلحقن شباب ويهربو والبنات وراهم تقل يلعبو امليحق


والي يقول يوم للشباب يوم للعوائل
فيه المضمار مقابل العوائل وفيه النهضة يعني ماجو يجلسون جاين يتكسعون

وبعدين اغلبية المتواجدين هم الاجهلة وهم البدو ما اقول الاغلبية الذين لم يتطورو هم من يتواجدون في الحديقة من البنات

والشباب  ولا حمايل بريدة من شباب وبنات مافيه والي يبي يتاكد يروح بنفسه ويشوف

[سكـ[القصيم]ـري]

والله انا كنت به يوم الخميس واشوف عرابجه
معهم عجرات !!
واثنين مسكتهم الهيئه قالو وين اهلكم وقالو اهناك قالو الهيئه تعالو ورنا اياهم مادريت الا وهم هاجين من الهيئه..!
طبعاً رايح مع الاهل !!!!
ماقول الا ياااارب تهديهم :067:

[khaledjaser]

من يقول ان الامانه والشرطة مالها دخل فلينظر الي حدائق عنيزة ولينظر الي المسطحات الخضراء التي في عنيزة والتي تسمى الحاجب والثيل الذي فيها وليشاهد التنظيم ومنع دخول العزاب ومراقبة المسطحات من قبل دوريات البلديه 24 ساعة واتحدى اي شاب يدخل او يحاول يستهبل او يعاكس وليتعلم الجميع من مدينة عنيزة فن التنظيم وحب العمل والتفاني ومراقبة الله والأخلاص والأبداع فحسبي الله على كل مسؤل ببريدة يستمتع بأستراحته ومزرعته وسفرياته ويترك الفقراء وذوي الدخل المحدود يتمرمطون ويعانون في خروجهم ودخولهم للحدائق والمنتزهات .
هذا أثر معروف عن عثمان -رضي الله عنه-، وثابت عن عثمان بن عفان الخليفة الراشد الثالث -رضي الله عنه-، ويروى عن عمر أيضاً -رضي الله عنه-: (إن الله يزع بالسلطان ما لا يزع بالقرآن)، معناه يمنع بالسلطان باقتراف المحارم، أكثر ما يمنع بالقرآن؛ لأن بعض الناس ضعيف الإيمان لا تؤثر فيه زواجر القرآن، ونهي القرآن، بل يقدم على المحارم ولا يبالي، لكن متى علم أن هناك عقوبة من السلطان، ارتدع، خاف من العقوبة السلطانية، فالله يزع بالسلطان يعني عقوبات السلطان، يزع بها بعض المجرمين أكثر مما يزعهم بالقرآن لضعف إيمانهم، وقلة خوفهم من الله -سبحانه وتعالى-، ولكنهم يخافون من السلطان لئلا يفتنهم، أو يضربهم، أو ينسَّلهم أموالاً، أو ينفيهم من البلاد، فهم يخافون ذلك، فينزجرون من بعض المنكرات التي يخشون عقوبة السلطان فيها، وإيمانهم ضعيف، فلا ينزجرون بزواجر القرآن ونواهي القرآن؛ لضعف الإيمان وقلة البصيرة، ولا حول ولا قوة إلا بالله.

[..سوسو..]

الله يهديهم ~

[وش قولك]

الله يسترررررررر

[جرح القصيم]

كل الي يصير من النقزززززززززززززززززززززززززززززززززززززززززز ابو راس ابو سيفون ابو ددسن

الي رجعوونااا 50 سنه ورا من سبة تخلفهم .. سبحاان الله كيف يطلع راسه من ورا كنه فيه صعرور او كنه كبس

سسسسسسسسسسسسسيكل ؟

[صقرشمر]

كله ضياع بضياع الحديقة ماله لازم
الاسوار تالفة والشباب مزيطينة
الى متى الفشل
حتى الكشكات مافيها اي مشروب

[صقرشمر]

الـــــــــــــــــــــــله يهددددددددددددددددديهم



امين

[صريح بحدود]

والله إن الوضع مؤسف ، ولا بد من التغيير حالا ، وليت الجهات المسؤولة تتحرك ؟

سبق أن كتبت موضوعا يخص هذا الامر بعنوان (( كانت حديقة؟))

[رحيق الوردة]

*
*

الشرهه على اللي ياخذ اهله ويروح لذي الحديقه .

قسم بالله لو يعطونن قروش ما وديت الاهل هناك .


*

كلام صحيح

[ابوفيصل اليحيى]

غريبه المشكله ان فيه مركز هيئه هناك ومن زمان موجود مادري هذا خوف من الشباب ولى ايش وبعدين سبب التجمع هذا لان فيه شارع شرق الحديقه جنب المسجد فا الشباب بسب هذا الشارع اولها يدورن بالسياره على هذا الشارع والبنات كمان يتمشن جنب الشارع هذا يرمي الرقم وهذا يتكلم معاها يعني بالعربي البنات هم السبب

[حول ومتخوبل]

الله يهديهم العيال ويستر ع البنــآت
لا حول ولا قوة الا بالله

[مخطط]

جزاك الله اخي على هذه الغيرة انا كنت يوم الخميس الماضي في المضمار الساعة الثانية ليلاً ورأيت هذه المهازل واتصلت على هيئة الصفراء وأخبرتهم بالوضع الحاصل فماذا تفعل الهيئة لوحدها اذا كانت الحديقة مفتوحة من جميع الجهات أين الشرطة ؟ اين الأمانه ؟ أين الأهالي الغيورين على أعراضهم ؟ ...... فياليت يوضع وقت محد تغلق فيه هذه الحديقه ويوضع لها حراس آمن معقوله بنات في الحديقه الساعة الثانية ليلاً اين اهلهم وأين الرقابة...............؟

[ولد اخو عمي]

انالله واٍنااٍليه راجعون

[Abu hmid]

يارجال شعب فاضي صار همه يضايق خلق الله هذا شي الشي الثاني أنه فيه ناس يحب المهايط يعني لو احد سواها قدام اهله كان قوم الدنيا ولا قعدها

[ღ Miss Chuklt ღ]

يمه وراهم تقل هوشه

أهم شي انا مااروح للأماكن هذي حقت البدووو

[لوليتآ]

هزلت ..
وربي هزلت ..

ضاعت الغيره ...