أسواق نسائية بأسقف مفتوحه على السماء

[راكان القصيم]

تتفقون معي جميعأً بأنه يجب أن يكون هناك أسواق نسائية خاصه بهم توفر جميع مستلزماتهم ، وقد وفر ذلك ولله الحمد بعض محبي الخير والستر من رجال الأعمال والمسئولين ( اسواق الوشاح )
لكن إننا نحلم بسوق أفضل متكامل يضم جميع المنتجات والبضائع كما نحلم بأن يكون ذلك ضمن سوق كبير في وسط المدينة يتسنى للقاصي والداني ، سوق مكشوف بمسجد داخلي بدورات مياه وملحقاتها سوق تأخذ فيه النساء كل الراحة التي لن تجدها الا في سوق يكون ذو مساحه ضخمه خالي من الرجال المتسوقين والباعه ،.
عليه فقد خطر ببالي موقع متميز تتوفر فيه كل الصفات .....
لماذا لا يستثمر رجال الأعمال أسواق مكه .
فلو تخيلنا بأنه سوف يكون بهذا الشكل ... تقفل جميع المخارج والمداخل المحاطه بالسوق من جميع الجهات ولا يبقى سوا مدخلين من جهة ( هايبر بنده ) للدخول ومن جهة الشمال ( محلات الدبابات ) للخروج ، سوق متكامل مكشوف على السماء مغلق من جميع النواحي بمساحة هائلة تتوفر فيه اسواق الذهب والأقمشة والمطاعم والملابس وغيرهاااااا ، تستطيع فيه النساء أن تمشي دون حجاب ودون مضايقة من أحد ( باعة من النساء - مشرفين من النساء - عمال نظافة من النساء ) وخلافه حسب الأحتياج ....
أرجو من الجميع تخيل السوق ومساعدتي لتنفيذ ذلك على أرض الواقع ، خصوصاً أن السوق مغلق كلياً ولا يستفاد منه حالياً .
إذهبو للسوق وتخيلو معي ذلك .. للتواصل معي وشرح الفكره بوضوح ...:
(يمنع وضع البريد الإلكتروني)

[اخو دريحم]

أسواق الحريم الان توحش

[نضرتي هيبه]

اي ولله حلو الفكره نبغى محلات ماركات مثل ..<<النخيل .. ياليت ولله

[انابريده]

و الله الفكره حلوه أســــأل الله ان يتمــــــمها ....
يا رجال الاعمال (( علينا التفكير و عليكم التنفيذ ))

[رحيق الوردة]

ياليت والله

[ميشووو]

يآليت والله ,,, فيه نساء كثير محتآجين للاسواق النسآئيه...ارجآلهم وابائهم يمنعونهم من الطلعه للسوق لحآلهم ومو قآدرين يلآقون احد ...

[عرش بلقيس]

والله حلو ياليت ينفذ
واضافه اليه العاب بالوسط ( بسيطه ) للاطفال

[حنآن الكون]

ياليت والله ونآآآسه

[رذاذ السحاب]

راكان القصيم لك مني الشكر الجزيل على طرح هذه الفكره وياليت يأخذون بكلامك رجال الاعمال

تقبل مروري

[اميرة البحار الـ7]

أسواق الحريم الان توحش

=========================================
توحش ....!!:confused:
اجل وش تقول بشارع الصناعه وهالثور الهايج الي كل شهر يطلع لنا بحركه مرعبه حسبي الله على الي مخلينه ......:oo
وغيره من الاسواق العامه الي فيها البائع الاجنبي ماخذ رااااحته اكثر من المتسوقه نفسها
والله من المعانات الي تواجهنا عند شراء الحاجات الخاصه من ملابس وكماليات ....
انا مع الاخ راكان وفعلا اسواق مكه مناسبه من حيث المساحه والموقع الموجود وسط البلد
الف شكر على طرح الفكره الراااائعه

[أحلى صبية]

والله ياليت يصير فيه مجمع مثل بشرى اللي بالرياض بس نبي شركات زينه....

[خطوات]

والله خوش فكرة ممتاز ياليت يكون سوق خاص للنساء ويكون ماركات مثل العثيو وغيرة

[ام الزلمات]

ياليت والله.

[ياحبيلتس يانا]

نشكرك على حرصك

[بنت غير]

حلوه الفكره

نبي زي مجمع البشرى بالرياض.

<<تختار الاخت

[هواي نجد]

الفكرة حلوة بس مالقيت الا اسواق مكة مهجورة لها سنين عاد المستثمرين مايعيقهم الا المكان

ما كثر الله الاراضي ببريدة يطب ويتنقى ...

[انثــــى كلاسيـــكية]

فكرة حلوة

[ح ـنايـا الـ ق ـلب]

.




مُجَمَّع بُشْرَى بِالْرِّيَاض !!
أَتَوَقَّع بِأَنَّه لَايَسْتَحِق كُل هَذَا الْكَلَام !

ذَهَبَت إِلَيْه عِدَّة مَرَّات وَلَا يُوْجَد بِه جَمِيْع مُسْتَلْزَمَات الْمَرْأَة !
وَأَغْلَب الْنَّاس يَضَعُه كـ الْمُتَنَزِّه !

نَحْن بِحَاجَه لْمَجُمِعَات نِسَائِيَه تُجَارِيْه !
بِحَيْث يُصْبِح مَوْل مُتَكَامِل !
مِن جَمِيْع احْتِيَاجَاتِنا , وَتَوَاجَد المَارَكَات الْعَالَمِيِه ..

ارِيْح لَنَا وُارِيْح لِلْهَيئِه ,

[وردة الع ـز]

عليييك نوور
هاذا اللي نبييه
بس يااليت يتنفذ
قسمن ملينا >>
نبي نآآخذ كآمل رآحتنآ
...{(f)

[البرفسوره]

بصراحه فكره حلووووووووووووووووووووه
وانا المديره على السوق

[فرقاك ثالث اعيادي]

وين النآآس عن افكآآآآآآرك ياخطيييييييررر انت

وبربي انه فكرتن خوووقآآقه

بس من يسمع ياحسررره

[وحده مفهيه]

حلووووووووووووه الفكره
خصوصا انه مافي ببريدة زي كذا

[قـــصـــيـــة]

الفكره ممتازه
وهذا يفتح مجال لتوظيف الفتيات اللي تخرجن من الكليات وجلسن بالبيت بدون وظيفه ايضا لغير الدارسات

لكن الغريب بالسالفه اللي طرح الموضوع ذكر !!!!

[فيونكه]

جـــــــــــــــــــدا الفكرة راااااااااائعة...:41
وياليت تطبق ويكون كل اللي فيها ماركــــات راقية ليش لا!!..ومعليش اللي يقول اسواق الحريم الحين توحش..(طيب يكون للهيئة تدخل ويضعون حارسات مايدخلون اللبس العاري/وجوال الكميرا/وما الى ذلك من الممنوعات)ويكون فيه رقابة على المجمع النسائي من الداخل والخارج والحمدلله..
بالعكس حتى يقل تواجد النساء في المجمعات كالنخيل والعثيم ..واللي فيها بلاوي ما الله به عليم..الله يحفظنا..

[وبيص مسك]

هذي فكرتي من يوم انا احبي

الصراحه مفكره بمجكع كامل منتزه وسوق بنفس الوقت بس شكلنا نحلم بس

[هايين]

فكره مدهشه


شكرالك

..

[فجــــر]

الفكره ممتازه
وهذا يفتح مجال لتوظيف الفتيات اللي تخرجن من الكليات وجلسن بالبيت بدون وظيفه ايضا لغير الدارسات

لكن الغريب بالسالفه اللي طرح الموضوع ذكر !!!!

لا ياحبيلكـ تخيلي
ا توظف بياااعه >>سودانـــيه .امسكــ المخده اصرف لي من بكم هذا وكم هذا

الاجنبيااات احسن من السعوديات بالبيع بكثير..

[هتــــــــــوفي]

واااااااااااااااااااااو
شكرا لك فكره حلوه
يارررررب تتحقق

[قدري عند ابونا]

واو فكره حلوه
بس الحريم الحين يروحن للسوق موللتسوق
يروحن عشان يتنزهن وبكذا اتوقع ان المحلات راح تكون مفتوحه للهواء
شوفي الوشاح عدد الزوار كثيرين بس البائعات يشتكن من ركود البيع
لان في الغالب اللي اهلها او زوجها مايرضون تروح لزميلتها بالبيت تتواعد معها بسوق
الوشاح
وعلى كل حال اتمنى تنجح فكرتك

[راكان القصيم]

تعقيب على تعليق العضو ( جوااااانا ) أنا ذكر زي ما تكرمت بس والله العضيم أهتم في مواضيع النساء اكثر من اهتماماتي في الذكور ..لسبب واحد لأن النساء ( الحريم ) يحتاجون الكثير الكثير ولا يلقون أحد !!!!!!!
أعتبروها لقافه مني .. بس بجد أنا مهتم في كل ما يخص راحت المرءة ويحترم خصوصياتها للأبد ..
al-brens1444
@h

[راكان القصيم]

اتمنى إن كل التعليقات ألي توصلني .. تكون بخصوص الموضوع فقط .. خلونا نبحث عن حل أو عن طريقة نوصل فيها اقتراحاتنا لرجال الاعمال والمسئولين .... وإن كانت عن الأفكار .. الأفكار واجد بس من ينفذها ...

[ام الاولاد]

فكره جدددددددددددداً راعه وارجو من الله ان تنفذ

[ور"جوري"دة]

جـــــــــــــــــــدا الفكرة راااااااااائعة...:41
وياليت تطبق ويكون كل اللي فيها ماركــــات راقية ليش لا!!..ومعليش اللي يقول اسواق الحريم الحين توحش..(طيب يكون للهيئة تدخل ويضعون حارسات مايدخلون اللبس العاري/وجوال الكميرا/وما الى ذلك من الممنوعات)ويكون فيه رقابة على المجمع النسائي من الداخل والخارج والحمدلله..
بالعكس حتى يقل تواجد النساء في المجمعات كالنخيل والعثيم ..واللي فيها بلاوي ما الله به عليم..الله يحفظنا..

:41انا معك والله الفكره حلوه

[أم بيلسان]

فكرهـ جميله و راح يرتاح الكل من المآسي


وراح اقول شويه كلام وارجو ان تتقبلوهأ وهي ::


اي مرأة او فتاة تخرج الى السوق عليها ان تتحلى بالادب وماتقول للبياع لو سمحت لأن اي وحدهـ تقول للبياع لو سمحت راح تتعرض للمشاكل .

[جنتي غايتي]

الفكره جدآ رائعه
والله وحطيت يدك على الجرح
هذي أماني قديمه من زمان كنا نبيها

[ليمتد]

فكره رائعه احسن من اليمنين

[من زمان]

ياليت والله يكون فية ويكون مثل النخيل
طيب وين سوق الوشاح اقرب شي لة

[....]

ايه ياليته تفكوون عنا ازمه شوي << هع

[رمز شامخ في بريده]

يــآليت والله /
أكره السووق بسبب وجوود آلرجال والبنات العارضات الازياء لرجال
الله المستعآن


هههههههه ياحبيلك ياللي تقولين لاتقولين لوسمحت
أجل وش نقول
حسيت انو لآزم اطير عيوني عليه واكلمه بنفس شينه
واقول طلع الاغراض بسرعه
>>>>>>>>>>>>>> أحس الهيئه بتقول الحين غطي نقابك يابنت خخخ

-----> بس اذا بتنتظرون ياليت ترددون يــ ليل ما أطووولك :)

[كبسه]

لو تخيلنااااااااااااا

احسبه صدق جايه ركض فرحت

لكن الآمااال كثيره وقليل تتحقق

فكره حلووووه

[The Virus]

كربة الحريم بالسوق الداخلي
كانت خاصة لنساء و مغلقة

لكن اكتشوا انها وكر دعارة و سحر و بيع ممنوعات
هذا الي سمعت

[غير البنات]

ينجح بشرط ان يكون ع مستوى راقي
مدينة مطاعم متكاملة والعاب اطفال تشكل الثلث
والثلثين محلات لكن ماركات عالمية وليس تكرار للسوق الداخلي او العثيم القديم
بائعات راقيات مثقفات
ولا يمنع استغلال جزء بسيط للاسر المنتجة او المحلات التجارية لكن بشكل منفصل جزئي
معكم لتطوير المشروع
ولو لم يتم ذلك
الاقتراح ساري ليكون مجمع تجاري ثالث ف بريدة
سينجح اذا اصبح ع غرار العثيم التوسعة الجديدة او النخيل

[المميز دوماً]

آآآآآآمل وصووول صوتك للتجار

تستاهل حريمنا

[ماركة بريده]

سراحه اقتراح جمييييييييييييييييييل زي البرجون باالرياض اسواق ومطاعم وكوفي شوب ومشاغل وملاعب للاطفال ومهرجنات في مواسم الاجزات

[أم بيلسان]

هههههههه ياحبيلك ياللي تقولين لاتقولين لوسمحت
أجل وش نقول
حسيت انو لآزم اطير عيوني عليه واكلمه بنفس شينه
واقول طلع الاغراض بسرعه

ماتقولين له لو سمحت ولاتلينين معه بالكلام واللي تلين مع البياع بالكلام راح تتعرض للمشكال وهذا اللي يحصل فــ الاسواق اجل شو اللي مسلط الاجانب على الحريم الا حصاد السنتهن الوحدهـ تقول للبياع ( لوسمحت جيب الشنطه اللي هينا :p وكأن البياع أبوها :i121

[احسااس انثى]

:41 فكررره حلوه ويليت تتحقق
يليت المسؤليين يشوفون للموضوع
والله انن ودنا من زمان انه يكون لنا سوووق مخصص ناخذ راحتنا :eek5

[حنان الأم]

ياليت والله انها زينه

[محمد ابو خالد]

الفكرة ممتازة لكن لابد ان يكون هناك ظوابط وشروط مثل اسواق الوشاح بحيث ان يكون هناك اشراف على اللباس والكاميرات ويكون فيه انشطة مثلا مسابقات وغيرة

[برووكي]

=========================================
توحش ....!!:confused:
اجل وش تقول بشارع الصناعه وهالثور الهايج الي كل شهر يطلع لنا بحركه مرعبه حسبي الله على الي مخلينه ......:oo
وغيره من الاسواق العامه الي فيها البائع الاجنبي ماخذ رااااحته اكثر من المتسوقه نفسها
والله من المعانات الي تواجهنا عند شراء الحاجات الخاصه من ملابس وكماليات ....
انا مع الاخ راكان وفعلا اسواق مكه مناسبه من حيث المساحه والموقع الموجود وسط البلد
الف شكر على طرح الفكره الراااائعه

:d:d:d اجل الثور الهايج :d:d
تقول نواجه معانات في الاسواق ..
كل وحده تبغى ترووح لم السوق تأخذ رجلها او اخوها ..

[بنت ولا كل البنات]

يالييييييييييييييييييييييييييييييييييييييييييييييي ييت والله
وناخذ راااحتنا ويرتاحون رجالنا من الطلعه معنا

[ريـــــم]

الله يسمع....

[انبثاق]

ويصير فيه هيئة نسائية

عشان ما يصير يوحش

[عالمي المجنون]

اللللللللللللله الفكره الحاله تهبل ليته يصير فيه سوق على مستوى سذا
والله كان مانبلشهم ودن لسوق رجعن من السوق كان روحه وحده تكفي لسنه قدام

,, عوآفي راكان

[ملكة بلا مملكة]

انا معاك يا راكان القصيم وكان زميل لي طرح موضوع استغلال اسوق مكة بنشاط تجاري بدل ان يكون مأوي لتجار المخدرات والمدمنين ومأوي الحيوانات الشاردة

وهناك برج في بريد ( لا اعرف اسم الشارع )وضعت قبل ايام لوحة للايجار او البيع وهو مكان وااااايد حلو انة يكون مجمع نسائي رائع

[مسائي قهوتي]

الله يعطيك العافيه سبق وأن طرحت والفكرة


فكرة أسواق مكة وتحولها إلى أسواق نسائية فخمة وش رأيكم؟؟؟

--------------------------------------------------------------------------------

فكرتي تحول أسواق مكة لمشروع نسائي فخم..وش رأيكم

***********************************************
وقد كنت دائماً اتسأل ما السبب والأسباب كثيرة ولكن طبيعة بريدة إذا هجرت مكان تركته فقط دون التفكير باستغلالها لمشروعات آخر يخدم بريدة .
وكنت أقترح لإزميلاتي بأن يتحول لسوق نسائي فخم والعاب وحديقة وجميع الأشياء متوفرة من وإلى وقد ابدينا إعجابهن بهذه الفكرة الرائعة ، ويكون هناك جسر بين الاسواق حتى يتسنى لهن التنقل لأن الشارع يقطع بينهن ويكون بديل الوشاح لصغره وسوف يخدم سيدات الأعمال في منطقة القصيم وخارجها وكذلك الأسر المنتجة وكذلك الفتيات الموهوبات التي لديهن أعمال حرفية وأن يكون هناك مشاغل وامكان لتدريب وسوف يكون نقلة كبيرة لبريدة وكذلك أكبر سوق نسائي خاص بالمملكة أو قل بالشرق الأوسط ..
ياريت وأتمنى أن يصل اقتراحي لرجال الأعمال أو سيدات أعمال مقتدرات لنجاح هذه الفكرة للمشروع إالأستثماري الكبير ..التي سوف يستفدن فتياتنا المبدعات الموهوبات وكذلك وجود الوظائف لهن.

والي يبي يطبق الفكره لا ينسانا من الدعاء
و أن يضع لي محلاً خاص لفرقة المحبة ولا تنسى نصيبك من الدنيا..

والله يرزق الجميع

وهذه بعض الصور التي سبق وعرضها قليل الدسم

[برووكي]

نشكرك على حرسك ..
شكرا .. دمتم بود

تقبل طلتي

[الحق العام والخاص]

فكره رهيبه بس
مايطيعوننا العلمانيين
يقولون هاذا يسبب خساير خلوهن يتمشن اويفتشن بالاسواق الموجوده المخنلطه