حطي رايس واقري راي غيرس

[كلي تفائل]

السلام عليكم................




وش رايكن






انتي مع او ضد


اذا احتاجت الوحده قريشات وعنده ذهبه تبيعه وتشتري حاجته
طبعا الحاجه مثل اثاث بيت خلاقين
او تغبيه وما تدري عن الدنيا وحالاته

[يآالقصيم آهوآك]

تبيعه وتشتريه الواحد مايضمن عمره وشوله يخزن الفلوس عنده

[وراهـ تسذا]

اصرف مافي الجيب يأتيك مافي الغيب

[كبـرتني ياهم]

والله انا لو عندي ذهب كان ماقعد عندي شي لاني طوالي ببيعه
خلين استانس بهن وانا حيه بدل مايسنانس بهن غيري
ومثل ماقالوا اصرف مافي الجيب يأتيك مافي الغيب
وياشين الحاجه اه بس

[تباشير المطر ~]

وعليكم السلام ورحمة الله وبركاته
شوفي بس لازم تخلين عندتس ذهب ماتدرين عن الدنيا وأحواله
وبيعي منه أستانسي (h)
الله يسهل أمرك

[كلي تفائل]

مااااااااش ماتسمح نفسي ابيعه يمكن خاتم
لكن الاطقم الله لايحوجن لهن

[أبتسم وكُلـ أمل ـي]

إذا كنتي مضطرة بيعي شي بسيط فقط ،،
ضروي تحطين عندك ذهب يحفظ دخلك ماتدرين وش يصير عليك ،،
الله يسهل أمركـ أختــــي ،،

[أحن امرأه بالعالم]

ممكن ابيع عشان اجدد بشي جديد يعني ذهب بذهب،،

اما ابيع الذهب عشان لبس او اثاث لا مستحيل،،

[أحلى صبية]

على حسب الحاجه اذا مضطره ايه اذا مو مضطره بس حق

الخــربطه لا ,,,,

طبعا عزابيه ماعندي شي كان عندي اشياء بسيطه وبعتهن اخرهم كف وبعته

مادام اني بيت أهلي ان شاء الله ماراح أحتاج...

[1212]

انا والله اذا احتجت اي شي ابيع سواء" طقم او خااتم او اي شي مااش تحكن ايدي

[هايين]

ياسلام على ذيك الايام
انا يوم اتزوج كان عندي ذهب بـ40 الف
والحين ماعتدي الا تعليقه وحده وهذي حاطه العين عليها

اذا حاجه ملحه بيعي واذا ماله داعي خليها

البيع زوال

[هتــــــــــوفي]

اذا احتجت بعت بس اذا جان افلوس عوضت الي بعته
يعني شريتلي كم طقم

[كما عشقتة]

الي اعطني هذا الحلال
يرزقني بغيرة
فهو الكريم سبحانة

رائيي ابيعة ان كان لي به حاجة
او استمتع به من غير اسراف ولا حرمة

[كلي تفائل]

اجل وش رايكن بالي باعت ذهبه علشان تسدد ديون رجله وهو مهب كفو
ااااااااااااااااااااخخخخخخخخ يالقهر

[ديوان]

للأسف بعت كل ذهبي , واتأسف على البيع لاني بعته من دون حاجة وخربطت بفلوسه الين ماصفى عندي الا طقم الصباحة :)

اجل وش رايكن بالي باعت ذهبه علشان تسدد ديون رجله وهو مهب كفو
ااااااااااااااااااااخخخخخخخخ يالقهر
الي باعت ذهبه كله عشان زوجه هذي بنت رجال قول وفعل , بالعكس حتى لو كان زوجك مهوب كفو تبقين انتِ راعية فضل , وصاحبة المبادرات , وتشهد هالحادثة لك مهوب عليك ,,,

لايضيق صدرك ترى الدنيا تزول ومايبقى الا الفعل الحسن والذكر الطيب , ويظل زوجك مهما كانت عيوبه ومساؤه وعذاريبه يظل ابو عيالك وقدوة البيت وشريك حياتك ,, الله يصلح الحال ..

[تباشير المطر ~]

^

أحسنت ِ ياديوان (h)
وياكلي تفائل ياحبيلك ماراح يضيع لك شي عند ربك
الله يصخرلك يارب ملائكة السماء وصلّاح الأرض :f:

[(زورق الايمان)]

اييييه من أول عندي ذهب لكن الحين ماعندي ولا كسره

كله بعته لو تدرون وش شريتبه كان تضحكون :d الله يخلف بس :090::073:

[كلي تفائل]

قالي رجلي بيعي الذهب علشان نكمل عمار البيت
ورفضت رفضا باتا الا اذا تبي تحطه باسمي ولا لاتشاوف ابيعه
باسر يعرس علي واطقه ندامه

[ورد احمر]

ابيع طقم واشري بفلوسه طقم على الموضه اما التعليقات لو بعتها وشريت بفلوسه حاجه نفسي فيها

[خصله مصبوغه]

اهم شي الوناااااااااااااااااسه