مشكلة الحفريات

[ولد حرب 888888]

بسم الله الرحمن الرحيم السلام عليكم ورحمة الله وبركاته
نشتكي على اغلق طريق الرواف الحفرية له الان فوق شهر ونصف والتحويلة الي حطين كله مطبات الى متى وحن على هالحال الحين كل طريق وفية حفرية وبعض الاحيان تلق الطريق جديد ماله شهر الالى وتلقهم قعدين يحفرون فيه:i121

[(صافي النوايا)]

ما فيه رقيب

المفروض يغرم المقاول ولا يمسك مشاريع مرة ثانية ((( لكن كيف نتخلص من الواسطة على حساب المواطنين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[غرك زمانك!]

ما فيه رقيب

المفروض يغرم المقاول ولا يمسك مشاريع مرة ثانية ((( لكن كيف نتخلص من الواسطة على حساب المواطنين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


كلام جميل من عضو جميل:41

[ابو شرين]

ماراح تنتهي سالفة الحفريات الا اذا دفنا المسؤول فيها

[سو سو A-S]

والله مشكله
بس ماعندك احد
كلن يشتغل على كيفه
(( الواسطه فووق كل شي ))

[تورنيدو]

ماراح يوقفوا الحفريااات لين يلقووون الكنز والكنز ماراح يلقونه ولا بالأحلاااام

[أبوالعز]

مشكور يالغالي

[محمد1237]

مسحيييييييييييل وخاصة بريدهـ مادري وشلاقين به

[الوساااام]

الرواف بالشان بالكباري وبعض الطرق الي عليها العين .. ماهو فاضي يصلح طريق النقع والفايزية وغيره ..!

لأنك ماعندك واسطة ولا لك كلمة ..!

[صوت البحر]

صراحة الرواف لاتصلح لعمل مثل هذه المشاريع والله عندنا في الحي الاخضر كل شهر يجون ويزفلتون الشارع نصه ولايجون الى بعد شهر بل مرة جلسوا سنة لاحسيب ولارقيب شركة الرواف تمسك كل المشاريع الي في البلد وتأخر العمل حتى تكسب فلوس على حساب المواطنين المساكين ولارقيب ولاحسيب المفروض يشكل لجنة تتبع العمل وتخصم عليهم ام مسألة اذا بغى يشتغل اشتغل واذا مارضي جلس العمل صراحة الوضع لايطاق الواحد والله كانه داخل الربع الخالي او قرية مافي شارع يفتح النفس لاشوارع ولامجسمات كل شي مسروق واذا تكلفوا حطوا اشين شي الله حسيبهم ؟؟

[يزوودي]

راجعناء بعد صلاة الظهر نشوف موضوع ياخي بالعربي الحفريات لاقين به مكسب ويقول ليش يحفرون
انا اقولك
بسم الله
الحين هو لمنه حفر راح للامير يقول تراني حفرناء هيناء وهاذي صورة له
ويقول اوك هاذا مليون يسفلته سفلت الله بالخير وبعد شهر يصير مطبات السفلت يتقشع
و300الف تروح مصاريف و700الف مخباته وانت المتضرر وهو داري عنك انك انت تجي وتكسر سيارتك ماهمه الا هـ المليون
ــــــــــــــــــــــــــــ
وتقبل مروري

[على طريق الأمل]

حتى شارع القناة له ثلاث سنوات حفريات،،
والموطا داخله الحفريات

يارب تنصرنا

[نـــــــــــــــواف]

الرواف بالشان بالكباري وبعض الطرق الي عليها العين .. ماهو فاضي يصلح طريق النقع والفايزية وغيره ..!

لأنك ماعندك واسطة ولا لك كلمة ..!
ايش دخل الواسطه بالمشاريع ! هذي مشاريع تفيد المنطقة !
بس المشكله اللي يعرقل هالمشاريع . . عدم المراقبه من المسؤلين الكبار

[الوساااام]

ايش دخل الواسطه بالمشاريع ! هذي مشاريع تفيد المنطقة !
بس المشكله اللي يعرقل هالمشاريع . . عدم المراقبه من المسؤلين الكبار

ههههههه

كيف مافيه واسطة بالمشاريع ..أضحك الله سنك ..:d

الي يعرقل المشاريع هي نفسها الشركة عندها 150 عامل وماسكة مدينة بريدة بأكملها .. :mad:

كيف مافيه واسطه ..:confused:

ماراح تعمل هذهِ الشركات وتنتج وهي عندها العدد القليل من العمال لمدينة تزحف وتتوسع بشكل كبير ..

بريدة يبغالها 20 شركات مثل شركة الرواف على شان

ترى النور وتتحرك بعض المشاريع النائمة مثل إصلاح الطرق وكشطها وإصلاح الكباري وغيره ..!

[ابو منزوع]

الله يستر