امرأه تحاول دخول المقبره القديمه ( الأولى )!!!!!!

[manedl]

بسم الله الرحمن الرحيم ,,,, ياشباب وياصبايا تعالوا بقول لكم سالفه صارت لي أمس وانا طالع من الدوام , وباخذ وجهات نظركم فيها ورأيكم , كانت الساعه قريبه من 30\2 الظهر وبعد ماتجاوزت اشارة الزراعه متجه جنوب وانا ألاحظ صاحب سياره دايو زيتيه نوع ليغانزا واقف عند باب المقبره ومعه أمرأه نزلت بسرعه وحاولت فتح باب المقبره !!!! مانجحت رجعت للسياره , استغربت قلت ياولد تابع من بعيد أكيد فيه شي المرأه وشحاجتها للمقبره !!!! مشيت وراهم اخذوا لفه ع المقبره وراحوا للباب الغربي ونفس الشي حاولت تفتح الباب ومانجحت !!! التفتت وشافت سيارتي تقترب منها ركبت وتحرك بسرعه ,طلعوا ثانيه لشارع القناة واخوكم وراهم , السياره كان عليها كومة غبار ومضلله كتم , امسكته اشارة حي الخليج وقفت بجنبه وكان السواق منزل القزازه لحد النص طالعت فيه حصلته شاب أسمر عمره مايتجاوز 17سنه والعالم الله انه ماهو سعودي ياسوداني ولا تشادي , فتحت الاشاره ومشيت هو مااستعجل بعد ماشافني مشيت غير مساره واتجه شمال وبعده اختفى عن عيني وللأسف رقم لوحته مو واضحه لكثرة الغبار , ذكرت السالفه لواحد من الشباب اللي قال أكيد هذولا يبي يحطون سحر داخل المقبره !!! هالحين لاتبخلوا علي برايكم وهل ممكن يكون الهدف وضع سحر مثل ماقال صاحبنا ؟ الله يستر ويحفظ كل من يعطيني رأيه ودمتم بخير .

[ابرا كدبرا]

الله يستر

[ياحبيلتس يانا]

لاحول ولاقوه الا بالله حسبي الله ونعم الوكيل خطا ياخوي تسان بلغت عنهم وراك تتركهم لا ووقت الظهر يعني شاهر ياظاهر الله يخزيهم بسوء افعالهم اذا كانو فعلا كما ظنينا بهم ولاتواخذنا اذا اسئنا الظن..........جزاك الله خير

[مطعونه بشوكـه ~]

الله يسترالدنيـاتوحش الحين

[كلكتاوي]

لاحول ولا قوة الابالله

[ريــم]

يصير سحر والا المره وش تبي بالمقبره
وزياده انهم اجاااانب..
ـــــــــــــــــــــــــــــــــــــــــ

[manedl]

لاحول ولاقوه الا بالله حسبي الله ونعم الوكيل خطا ياخوي تسان بلغت عنهم وراك تتركهم لا ووقت الظهر يعني شاهر ياظاهر الله يخزيهم بسوء افعالهم اذا كانو فعلا كما ظنينا بهم ولاتواخذنا اذا اسئنا الظن..........جزاك الله خير

ولايهمك خيتو باكر من صباح الله خير بروح الهيئه بس المشكله مامعي الامواصفات السياره اللي ذكرتها تتوقعي تنفع ؟ وأخاف بعد الهيئه ماتعطي الموضوع أهميه لان ماعندي دليل كله تفسيرات للي صار !!

[manedl]

يصير سحر والا المره وش تبي بالمقبره
وزياده انهم اجاااانب..
ـــــــــــــــــــــــــــــــــــــــــ

الله يستر والله حمستوني للتبليغ عنهم شاكر مرورك

[ابتسامة تواضع]

وسبديه ذا ببريده؟\
الله يحفظنا من السحر وغيره!
وكل مسلم

[طارق العتيق]

مره و تبي تدخل المقبره أكيد عامله سحر و جايه تحطه بالمقبره ..

بس لو أنت مأخذن اللوحه عشان تعطيه الهيئه او لاحقهم لمين بيتهم اهم شي تجيب اثر لهم عشان تبلغ عليهم ..

الله يستر ..

[الاسلام هو الحل]

و الله فعلا تصرف مريب ..... الله يسامحك يا رجال ... لو (( كلمة لو اداة الشيطان )) انك بلغت الهيئة .. هم ادرى بهذه الامور ازين مني و منك

لكن ما اقول الا ّ -- الله يستر -- و مشكور على تنبيهك

[محمد الدبيخي]

وراك ماركزت على اللوحة زين عشان تبلغ عنة ويمسكونة الشرطة

[ولد شــمر]

الله يستر الزمن ذا يخوف

[manedl]

وراك ماركزت على اللوحة زين عشان تبلغ عنة ويمسكونة الشرطة

والله ياخوك يقولون ياغافل لك الله ماتوقعت توصل لهالمواصيل لولا تنبيه صاحبنا

[صوت من الألم]

الله يحفظنا والمسلمين من كل شر
بس أنت الله يهديك ليتك على الاقل لاحقهم شايف وين يروحون
لانهم أكيد يسووون بلاء
لو هم ماسوو شي كان ماهجوا كذا!!!!!!!!!

[ابوولعf]

لاحول ولاقوه الا بالله

[تميم نجد]

ياخي دق على 999 وبلغ
وقل انا وراهم اللحين

وش المشكلة
حرام تروح وتخليهم

[manedl]

ياخي دق على 999 وبلغ
وقل انا وراهم اللحين

وش المشكلة
حرام تروح وتخليهم

انا مارحت هم اللي انحاشوا بعدين والله اني على نيتي يابعد راسي مبعدن الحوم عنهاالامور

[فديت القصيم]

أنصحك تبلغ الهيئة عشان ينتبهون لها الأشياء
تقبل مروري

[most66]

انت كذاب لوهو صدز حتسيك تسان بللغت عنهم اومشيت وراهم للاخر

[Unique Lady]

لن نستغرب هذا الفعل المشين (( السحر )) فالجنسية التشادية قد ازداد عددها هنا ونتوقع الاخطر ولكن تسؤالنا الا يوجد حارس لبوابة المقبرة فلقد كثرت مثل هذه الحوداث مؤخرا واخرها كانت حادثة مقبرة منفوحة نتمنى ان تهتم الجهات المسؤولة بذلك ولاتعطي فرصة للعابثين وضعاف النفوس تدنيس حرمتها ..

[ابوالعتاهية]

الله يستر
من المفترض انك بلفت الدوريات الامنية999يوم هم عند المقبرة والدوريات
يحولونهم لشرطة

[الوساااام]

بلغ الهيئة وأعطهم الموصفات الي ذكرتها ..

المواصفات الي ذكرتها تُغني عن رقم الوحة ..

بس لا تنسى بكرى الصباح إن شاء الله خلك محضر عندهم ..

وفقك الله ,,

[عندليب بريده]

ممكن يكون سحر وممكن يكون معهم جثه:i125:i125

[دم الغـــــزال]

شكلهم غيرو الوجهه لمك يوم شفتهم يبون يسحرونك انت ع شان ما تحبط اعمالهم .. تسان يوم شففتهم كلمت ع الشرطه:112:

والا تسان ما وقفوا عند الاشاره وناظروك أكيد انه بيجيك شي يوم من الايام:eek5:eek5

[صمت النار]

اجل سحر :rolleyes:

ليه يعني السحر لازم تحطة حرمة مو رجال ..

وبعدين عادي السحر تحطة في أي مكان بعيد , لايستطيع احد الوصول له ( حسب ما اعرف )

لكن ممكن تكون شحاذة .. وحابة تشوف اذا المقبرة مفتوحة تجلس عند الباب :41

[عربي أصيل]

بسم الله الرحمن الرحيم ,,,, ياشباب وياصبايا تعالوا بقول لكم سالفه صارت لي أمس وانا طالع من الدوام , وباخذ وجهات نظركم فيها ورأيكم , كانت الساعه قريبه من 30\2 الظهر وبعد ماتجاوزت اشارة الزراعه متجه جنوب وانا ألاحظ صاحب سياره دايو زيتيه نوع ليغانزا واقف عند باب المقبره ومعه أمرأه نزلت بسرعه وحاولت فتح باب المقبره !!!! مانجحت رجعت للسياره , استغربت قلت ياولد تابع من بعيد أكيد فيه شي المرأه وشحاجتها للمقبره !!!! مشيت وراهم اخذوا لفه ع المقبره وراحوا للباب الغربي ونفس الشي حاولت تفتح الباب ومانجحت !!! التفتت وشافت سيارتي تقترب منها ركبت وتحرك بسرعه ,طلعوا ثانيه لشارع القناة واخوكم وراهم , السياره كان عليها كومة غبار ومضلله كتم , امسكته اشارة حي الخليج وقفت بجنبه وكان السواق منزل القزازه لحد النص طالعت فيه حصلته شاب أسمر عمره مايتجاوز 17سنه والعالم الله انه ماهو سعودي ياسوداني ولا تشادي , فتحت الاشاره ومشيت هو مااستعجل بعد ماشافني مشيت غير مساره واتجه شمال وبعده اختفى عن عيني وللأسف رقم لوحته مو واضحه لكثرة الغبار , ذكرت السالفه لواحد من الشباب اللي قال أكيد هذولا يبي يحطون سحر داخل المقبره !!! هالحين لاتبخلوا علي برايكم وهل ممكن يكون الهدف وضع سحر مثل ماقال صاحبنا ؟ الله يستر ويحفظ كل من يعطيني رأيه ودمتم بخير .

الله يهديك بس لييييييييييييييييييييش ما اخذت لوحة السيارة .. احتمال كبير الموضوع فيه شبهه
بس شف ابي اطلبك طلب اذهب للمركز الرئيسي للهيئات في المنطق واشرح للمسؤلين هناك ولعله من وصف السيارة راح تجيبها مع التنسيق معهم .. زيادة على ذلك اشرح هنا في هذا المنتدى اوصاف السيارة لعل الشباب يحصلونها .وتتعرف عليها ..
والمفروض انك بلغت الشرطة بماشرة ياخي اي اشتباه في اي شي عادي بلغ ما راح تنظر ولا ينظر غيرك اذا هو مجرد اشتباه الدورية تتأكد من ذلك ..

[عربي أصيل]

ولايهمك خيتو باكر من صباح الله خير بروح الهيئه بس المشكله مامعي الامواصفات السياره اللي ذكرتها تتوقعي تنفع ؟ وأخاف بعد الهيئه ماتعطي الموضوع أهميه لان ماعندي دليل كله تفسيرات للي صار !!

يا حبيبي راح تراقبهم الهيئة وتتأكد وهذا شغلها ... ما هو لازم دليل هي أصلاً ما راح تقبض عليهم الا بوجود دليل

[بنت الهاشمي]

سالفة تخوف مرأه وتدخل مقبره بعز الظهر فيها غرابه وغموض
الناس من تالي تخوف الله يحفظن من كل مكره
والله لو انا بمكانك كان ماخلتيهم

[999أبوأحمد]

ولايهمك خيتو باكر من صباح الله خير بروح الهيئه بس المشكله مامعي الامواصفات السياره اللي ذكرتها تتوقعي تنفع ؟ وأخاف بعد الهيئه ماتعطي الموضوع أهميه لان ماعندي دليل كله تفسيرات للي صار !!

انت ياخوي سو اللي عليك وبس والهيئة ما يقصرون

[AL SSHM]

لاحوول ولا قوة الا بالله

[الــغــلا]

الله يستر على المسلمين

[بندر الرياـض]

طيب لاتسيئ الظن يمكن تبي تاخذ مقاسات المقبره وبتبني مقبره بالتشاد

[أديب المجلس]

وضعهم كما قلت مريب ومن المفترض انك اتصلت على الدوريات الامنية لمتابعتهم وايقافهم للتاكد من ضعهم ومسائلتهم عن سبب الذهاب للمقبرة ربما لهم مقصد سى والله اعلم

[ام الزلمات]

الله يستر

[أبو قرون]

يا أخي والله يا بعض الناس غريب !!

أصلاً وشوله تحسسهم أنك تراقبهم ؟؟ تسان دقيت على الدوريات وإلا الهيئة وبلغتهم وأنت تراقبهم ن بعيد وانتهيتنا .

لكن مشكلة اللي ما يعرف يتصرف !!

[انثــــى كلاسيـــكية]

الله يكفي المسلمين شرورهم

واجعل كيدهم في نحرهم

[الطرس ممدوح]

الله يستر المفروض بلغت

[القرعاني]

أتمنى من أخي صاحب الموضوع وكل من وافقه
تأمل هذه الآيات من سورة الحجرات وغيرها حتى لا تزل قدم

قال الله تعالى : (( يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ ))
وقال تعالى : (( يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ وَلَا نِسَاءٌ مِنْ نِسَاءٍ عَسَى أَنْ يَكُنَّ خَيْرًا مِنْهُنَّ ))
وقال تعالى : (( يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ ))
وقال تعالى : (( يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ ))

فلنتأمل هذه الآيات الكريمات ولنحضر جوابا سديدا عندما يسألنا الله

[كاسك]

أتمنى من أخي صاحب الموضوع وكل من وافقه
تأمل هذه الآيات من سورة الحجرات وغيرها حتى لا تزل قدم

قال الله تعالى : (( يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ ))
وقال تعالى : (( يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ وَلَا نِسَاءٌ مِنْ نِسَاءٍ عَسَى أَنْ يَكُنَّ خَيْرًا مِنْهُنَّ ))
وقال تعالى : (( يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ ))
وقال تعالى : (( يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ ))

فلنتأمل هذه الآيات الكريمات ولنحضر جوابا سديدا عندما يسألنا الله

جزاك الله خير ولا احلى من هالرد

بس بعد كان وضعهم على وصف الاخ مريب

[القرعاني]

البلاغ على المجرمين والمشبوهين
واجب على كل مواطن ومقيم لأنهم
جميعا شركاء في استتاب الأمن والأمان في البلاد والعباد
لكن صياغة خبر بطريقة فيها سخرية ولمز بإخوانك المسلمين مرفوض
وهو مخالف لتعاليم ديننا الحنيف ولذلك وجب النصح والتذكير

[كاسك]

البلاغ على المجرمين والمشبوهين
واجب على كل مواطن ومقيم لأنهم
جميعا شركاء في استتاب الأمن والأمان في البلاد والعباد
لكن صياغة خبر بطريقة فيها سخرية ولمز بإخوانك المسلمين مرفوض
وهو مخالف لتعاليم ديننا الحنيف ولذلك وجب النصح والتذكير



ممكن تقصد بعض الردود؟؟

[حوسوس]

جزاك الله خير ولا احلى من هالرد

بس بعد كان وضعهم على وصف الاخ مريب



بس ولو

[ŔǺỶĀЙ]

الله يستر

[ابوخالدg]

الله يحفظ المسلمين ...........

[ام الفزعات]

اتسأل طيب وراه ماحول<< هههـ الرجل وحطه هو بالمقبره ازين من المره لان المره شبههـ
يعطيكـ العافيهـ

[برووكي]

وسبديه ذا ببريده؟\
الله يحفظنا من السحر وغيره!
وكل مسلم

امين الله يحفظ كل مسلم

[سكرة نبات]

انا لواني رجل رحت للمقبرة ودورت احد يعاقبني وراقبت من بعيد يمكن يرجعون والاراحوا لمقبرة اخضيرى

[شيبة الهلال]

يبي يسحر موتى

[روقــآن]

طيب لو هو ساحر ليش ينزل المرأه كان هو يحطه ويفتك من عيون الناس


أدري إن دخول المرأة للمقبره ما يجوز لكن نفرض

أنه مدفون أبوه وحابه تشوفه أو إساءة الظن تمشي مليونين عند خويك

:)

[manedl]

شاكر للجميع مروره وتفاعله وشكري خاص للي انتقد تصرفي , وهذا حق من حقوقه ورحم الله من علمني عيوبي , وأحب أطمن الجميع ان كل الآراء مأخوذه بالإعتبار وكل الي طالبني بالتبليغ أقوله أبشر ومن عيوني هذا حق وطن ولايمكن نتهاون فيه , تحياتي للجميع

[اهوما]

الله يحفظ المسلمين ...........

[سؤال واحد فقط]

مانقول إلا الله يستر

[عضو محترم]

يابعدي

تلقاء ولده ولا رجله متوفي بالمقبره

وهم مامن عقل على نياتهم

تبي ترحم عليه ولا تبي تشوفه

خبرك عارف الحريم وحركاتهم

الله يكفينا الشر يارب

[سيار نجد]

طيب وش الفايدة تاخذ راينا الحين , ماتقدر تجيبه ولامعك اي معلومة عنه ؟؟؟
على العموم موضوعك الحين ما له أي فايدة على الأقل لو أنت أخذت رقم لوحته !!

[%بدريه والذئب%]

الله يستر
اللهم احفظنا من شرور الدنياء

[أم ضياء]

كان علطول بلغت حتى تجي الهيئه تراقب المحل

[الجرح العطيب]

خوي عفوا معليش وش دروك اذا انت تتابعهم

انت تابعتهم لوجود شبهه صح

طيب لماذا لم تبلغ الجهات الامنيه

لماذا لم تسجل رقم اللوحه

مو معقوله توقف بجنبهم عند الاشاره وما تقدر تسجل الرقم

انت طلع دورك صفر للأسف

[روسانا]

من راقب الناس مات هماً

[اسلموني]

الله يستر

[صاحب الجوال]

اخي الكريم انا عندي طريقه لك يمكن تفيد رح خبر الهيئة واطرح عليهم فكرة انهم يفتشون المقبرة صحيح انه صعبه المقبره كبيرة لاكن يفتشون الي عند البيبان ويشوفون اي اثر جديد داخل المقبرة يدلهم على الي حصل ان كان حاصل شي لاسمح الله

الله يكفينا شر من بنفسه شر

[عبدالله]

أرى أن يتم ابلاغ الهيئة ولعلّهم يراقبون الوضع

[abu-ali]

الله يستر بلغ الشرطه يراقبون يمكن يجي مره ثانيه