..[ تصويت ]..( عاجل ) عطني رأيكـ .. ربي يعطيكـ العافية .. بشأن التضليل ..

[حامل راية التوحيد]

هل تؤيد إعطاء المخالفة لمن يضلل سيارته ؟

[ماليزيااا نجد]

يشرفني ان اكوون اوووول من يرد على موضوووعك الرائع
لا اووووافقك وخلناا :dنكيف ونستانس :d

[حامل راية التوحيد]

الله يعطيكـ العافية .. يسلمو على المرور .. أتشرف

[الفـــارس]

على حسب درجة التظليلة ..
إن كانت خفيفة فغير مؤيد للمخالفة،
أما إن كانت داكنة فمؤيد لمنح صاحبها غرامتن كبر راسه ..

[حامل راية التوحيد]

أشكرك على المرور أخوي الفارس .. ونحترم وجهة نظركـ

[تميم نجد]

لا وخاصة قدوم وقت الصيف

يكفي ازالتها

[abu omar]

على حسب درجة التظليلة ..
إن كانت خفيفة فغير مؤيد للمخالفة،
أما إن كانت داكنة فمؤيد لمنح صاحبها غرامتن كبر راسه ..

اضم صوتي لصوته
تحياتي لك

[حول ومتخوبل]

يا حبيبي انا حاط اثقل شي زيرو 3 وربي واان رايح للجامعه وجاي كني بغرفتي من الراحه
مهب الشمس تصقعك من عند الصناديح(الجبهه) انا مؤيد للتضليله وبقووه
ياخي بعد حرآم تضليله بـ 30 ريال غرآمتها 100 اضلل بها 3 مرات واغسل السياره مره
ههههههههههههههههههـ

[صوت البحر]

المخالفة قليلة في حق من يضلل وخصوص الي في الزجاج الامامي ماتدري وش داخل السيارة الله يستر

[%بدريه والذئب%]

ولله ان التظليله راحه

خاصه لنا يا الحريم

عشان اقدر افتش واطلع عيوني بعد بدون ما يهوشون علي اخواني

[ابرا كدبرا]

ولله ان التظليله راحه

خاصه لنا يا الحريم

عشان اقدر افتش واطلع عيوني بعد بدون ما يهوشون علي اخواني


والله صادقه انا مثل اخوانك:)

[Leader.20]

ليته مخالفه وبس . يقولك اقشع التضليله .تقوله طيب ما تعطين قسيمه .يقولك لا . واذا جيت لمه اثره مولم القسيمه:i121
عساه يعلق :(

[عز الخيل الأصيل]

نعم بقوه

[المنخرش]

اعنبوبليسكم حنا في ديررة حرررررررررر
صلخ
تجلدك الشمس لين تدوخ

وش المشكلة لو ضلل ,, ليش المنع

لو حنا في أبها أقول ممكن


الله يخلف بس

[الخييال]

لا أؤيــــــد المخالفة
إذا كان التضليل خفيف عن حرارة الشمس
غير كذا
مثل اللي يتلطم ( طاق اللطمه )
وتبقى حرية شخصية

[أبو قرون]

نعم أنا مؤيد لإعطائه مخالفة كبر قريح << شروف يبي يشوف :d

[أمير القوافي]

اوافقك ياشيخ حرررررررررررر ولا بعد للعائله مثل الجمس يلزم وااجب يحط علشان العائله الكريمه ترتاح

[محمد ابو خالد]

التضليل مهم اوقات الصيف والحر الشديد

[طيف المشاعر]

نعم وبقووووووووووووووووووووه

[الرومي]

على حسب درجة التظليلة ..
إن كانت خفيفة فغير مؤيد للمخالفة،
أما إن كانت داكنة فمؤيد لمنح صاحبها غرامتن كبر راسه ..

وانا أأيد اخوي الفارس لأن بعض الشباب ولو انه اكثرهم يضلل السيارة كتم ليييييييش مهب رجال :i121 عشان مايناظرونه الناس هو مره ويتعلث يقول الشمس حارة:mad:شباب آخر زمن

[GIVENCHY]

في الشتاء يعطى مخالفة , فقط !

[كلنا عيال بريده!!!]

ليه مخالفه وحنا الشمس صاقعه على كل شي
عن نفسي للالالالالالالالالالالالالالالالالالالالالالالالال الالالالالالالالالالالالالالالالالالالا

[خـآالد]

ياليته بس تقشيع التظليلة
يعطيكـ قسيمة ويقول قشع التظليلة بعد .. :113:

[Unavoidable Man]

بسم الله الرحمن الرحيم .
اذا كانت التضليه خفيفه وفي الشتاء لا أوافق
أبدا على إعطاء المخالفه لأنها في غير محلها.
أما اذا كانت في الصيف .. فا أعتقد انه اذا كانت التضليه وسط ولاهي مرره مكتمه لاكن تقوم بالوااجب فهذا ماعليه شي ولايستلزم مخالفه خصوصا الصيف جاي وهالصيف هذا شكله بيصفق 50 درجه هواااااء يعني يالله تضليله ؟!
اما اللي يقول داكنه مره وفيها اختلاف اعتقد قيه عازل حراري صح انه غالي بس مايكتم وبنفس الوقت يعزل الحراره أعتقد لونه أبيض ..
اما أخي اللي يقول المخالفه عليها 100 ريال هع اقوله يصحى زييين هذاك أول الحين 200 ريال الله لايوفق االي عدل هالنظام انا مسددها من حر ماالي وعشان تتأكدون أي واحد ياخذ مخالفه يروح للمرور ويطبع برنت وويتأكد انها 200 هالكلام هذا ماله اكثر من شهرين الى هالحين حمقن على اللي عطاان .. __ أنتبهوا من التضليل ترااااااااه غالي هع
وبسراحه لي وقفه مع رجال الأمن بهالموضوع:
السراحه في نااس يتفهمون الوضع وتستحي منه يقولك أقشع التضليه وتوكل على الله هذا اذا ما مشاك أصلا ولكن فيه البعض مدري وش يحس به يستانس اذا خلاك تقشع تضليه وتاخذ مخالفه الحمدلله والشكر..
>> تقبل مروري

[ابوفهد بريدة]

يابقة با الدعيسه، من تهرجون عليه ها الحين؟؟ الاوامر ذي من فوق

[وحده مفهيه]

بالعكس
ليت السيارات كلها مظلله
الشمس تشويك وانت بالسياره
واذا وقفت عند اشاره انواع المناظر
والله التظليل استر للناس واكثر راحه
وياليت يكون وسط لا ثقيل ولا خفيف

[ღ»گاميليا«ღ]

لا اؤيد ابدا

صدق والله التظليل راحه لنا

وراحة ل راعي السيارة لان الاجواء الان اصبحت حارة تقلل من الحرارة شوي

[برووكي]

لا لا لا لا لا لا لا لا

[عربي أصيل]

أوافق منع ومخالفه التضليل للزجاج الأمامي الجانبي من السيارة . والزجاج الخلفي للسيارة ..
وانا بالنسبة لي ما فيه أي تضليلة لسيارتي على كل الجهات ولا ارغبها نهائياً مع انه من نوع GMCيوكن . اقلولكم ليش .
هي تضعف الرأية وبالذات ليلاً عاد انتم خابرين الشباب الله يهديهم يمشون وهم مطفين النور ومولعين النور الصغير يجخ على باله أن السيارة تصير نصبه بكذا :d وهو الحين مسوي هالحركة على انه يشوف وهو يسوق طيب شغل النور حتى تشفا ياخي مادريت ان النور يشغل حتى يشفونك الآخرين ، وبهاذي فيها خطورة كالمعتاد يخالف ويمر من عندك مسرع على يمين السيارة ولا حتى من يسارك وتوافق إنارة الشارع ضعيفة والله يستر ..والحقيقة من تصرفات الشباب هذه كرهت التضليلة ..
وبعدين التضليلة ما فيها الا حاجة زينه وحده وهي أن السيارة في وقت الصيف تكون باردة ولاشغلت المكيف تبرد السيارة أسرع . بس هذه النقطه الإجابية .. وأنا اشوف ان سلبياتها أكثر من إجابياتها ..
وأنا اناشد كل الشباب بعدم تطفية النور ليلاً حرصاً على سلامتك وسلامت الأخرين .واضرب لكم مثال خارج الموضوع على ( عدم تشغيل النور ) وهو أن كثير من الناس صغير ولا كبير اذا صار مسافر ويمشي العصر وبدت الشمس بالغايب عليه في وقت السفر تجده يمشي وما ولع النور بحجة انه لا زال يشوف الطريق طيب فيه ناس الشوف عندة ضعيف ويمكن ما يشوفك ، ولا يقطع عليه احد من جانب الطريق والسبب ما يشوفه ..
وأنا مره صار مع موقف في أحد السفرات امشي من الرياض للقصيم في وقت متأخر من الليل تصدقون فيه راعي جيب ربع سقط علي ما شفته انا اسمع صوت السيارة ولا ادري وينها يم دريت يوم سقط علي الله يهديه وصلنا بريدة وهو مطفي النور .. ممكن نقول ان النور خربان هذا ماهو عذر ما يمشي في النهار اسلم له واسلم للمسلمين .
آسف على الإطالــــــــــــــــــــــــــــــة وكثــــــــــــر الكـــــــــــــلام ...
تقبل مروري وشكراً على الموضوع الجيد ؛؛؛؛

[عجيب!تذبحني همن عاد]

يالربع من ناحيه انه مريح مره وللغايه بعد >>>بس فيه درسات تبحث اجاابه لهذا السؤال
لماذابعد ان كاان مرفوض وضع التضليله اصبح الان مجوز به ولا بااس ؟؟؟؟؟؟؟
بعض الاقوال تقول انه مدعاه للسفور وزي مااقالو بعض النساء انه راحه ولا نكلف ارواحنا يتغطي ومااشابه >> يعني يفتحون النقاب
وهذا يدعو الى الفتنه وعدم الاحساس
والله ولي التوفيق

[قزيز القصيم]

انا مااضحكة الا من الى يقول ماتدري وش الى با السياره >وراه ذابحتك الشرافه هههههههه
ياخي خله وش دخللك فيه
انشالله جن بسارته لازم يعني اذا مريت من جنبه تشوووووف

[أبو قرون]

^^

لازم تشوف كل اللي بالسيارة حتى عداد البنزين تشوف هو معبي فل وإلا بعشرة :d

[Total ransom eyes]

انت يابريده اللحين
اذا جيت وسيارتي مظلله
لازم مخالفه
اما بالرياض اجلس شهور مظلل مافيه مشكل
اما بالقصيم مادري وش فيهم

[الاسلام هو الحل]

على حسب درجة التظليلة ..
إن كانت خفيفة فغير مؤيد للمخالفة،
أما إن كانت داكنة فمؤيد لمنح صاحبها غرامتن كبر راسه ..

اضم صوتي لصوته

[Total ransom eyes]

انا عن نفسي حاط التضليله
عشان اذا جيت لبريده بعض الناس معليش اخوني على الكلام هذا
اذا وقفت عند الاشاره الكل يناظرني
مادري تصدقون اشك بروحي
كل ابوهم يناظروني

[خجولةالمبسم]

انا عن نفسي حاط التضليله
عشان اذا جيت لبريده بعض الناس معليش اخوني على الكلام هذا
اذا وقفت عند الاشاره الكل يناظرني
مادري تصدقون اشك بروحي
كل ابوهم يناظروني



هههههههههههههههههههههههههههههههههههههههههههه

البس نقاب اريح لك ههههههههههههههههههههههه

<<عاد معروفين القصمنج وانت عارف انهم شروفين عكسكم يا اهل الرياض الواحد مايدري عن الثاني :d

[شباابيه كوول]

حرام عليكم نبي تظليل لانو حنا البنات نبي نتنقب بالسياره حتى بالسياره تبي توخرون التظليل

[عربي أصيل]

انا عن نفسي حاط التضليله
عشان اذا جيت لبريده بعض الناس معليش اخوني على الكلام هذا
اذا وقفت عند الاشاره الكل يناظرني
مادري تصدقون اشك بروحي
كل ابوهم يناظروني

طيب واذا ناظروك ياخوي فيها شي خلهم يناظرون ويتمقلون بوجهك عيب حتى تغطية معليش لا تزعل مني :d ..
غريبة الحين انت من بد الناس يناظرونك هذا انا ما يناظرني احد ويمكن يناظرني أحد طيب في هذه الحالة فيها شي . الا انكانك مخالف الناس بهيئك وشكلك هذه ما ادري عنها مثل ما قال المثل( خالف تذكر ) . آمل منك تغيير المفهوم والرجوع وشكراً ؛؛؛

[ξــزتــےِ مَالهَـآ כــد]

تم التصويت

[أبوحــمــد]

رأيي مثل رأي الفارس .. !!

يكون مخالفة لمنح قسيمة التضليل بشروط ..

يعني تكون معقوله تضليله نبر 2 حلوو

مهب مثل بعض حقين البادية يصير معه هايلكس ومكتم ووتخطيم بينا الناس وحاط لك التضليله زيرو4

هذا يحط قسيمة ونص

[حساني الروماني]

يا شباب لو يحط اعلى درجه تضليل يا ناس بصيف تاصل درجت الحراره 48 والله موت حر

[متصفحة]

التضليل كما وضح الشباب .. إتقاء لحر الشمس ..

ونحن أيضًا نحترق كثيرًا من الحر أثناء النهار .. فأشعة شمسنا لاترحم فما بالكم بالموظفين والتي تبعد مكان الوظيفه
حوالي الربع ساعه أو أكثر .

[ابتسامة تواضع]

انا لااؤ يـــدـ و بقــوه المخالفات اللي يعطونكم
مايجيــك الا
لاخبونا امي وابوي >>اطلعو اطلعو يالله مشينا يالله مشينا
نطلع و ان تمكياج بسيــاره ولايشوفنا احد

ولاتطب بسيـاره ثانيه وتقــز كل شي وهو مادرى عــن
بس ياشينـــهـ باليـــــــــــــل تصير ضلاما قــوه

[أبو غــلا]

ليت القسيمه على الكتم أما الخفيف أتمنى ماعليها شي !

[عذب الإحساس]

على حسب درجة التظليلة ..
إن كانت خفيفة فغير مؤيد للمخالفة،
أما إن كانت داكنة فمؤيد لمنح صاحبها غرامتن كبر راسه ..


انا أأيــــدكـ:41:41:41

[AboNawaf]

والله انا من اشد المعجبين بالتظليل صيف شتاء كله واحد


واتمنى انهم مايعطون مخالفه على التظليل

[AboNawaf]

انا عن نفسي حاط التضليله
عشان اذا جيت لبريده بعض الناس معليش اخوني على الكلام هذا
اذا وقفت عند الاشاره الكل يناظرني
مادري تصدقون اشك بروحي
كل ابوهم يناظروني


ياعووومري انت لالاظلل علشان مايناظرونك بسم الله عليك :cool:

[الغزالة]

ليس لها فائده انا ضد التضليل


لانها توثر على العين وعلى الرؤيا بشكل جيد


نشكر طرحك الرائع

(( وجهة نظري ))

[ДβǾĐỹ]

بـقوووووووووووووه