برج بريدة

[abdullahaaaaaaa]

تقهوو ثمن بعدين نحتسي

تقهويتوا ...
صوت واحد قولوا إيه
مشكلة معلم سياحي ببريدة مهدور لا يستفاد منه مع انه يمكن انه ازين من بعض اللي يسمونه معالم سياحية هو برج بريدة

ترى اللي ما يعرف طولوه يجهله، تصوروا ان طوله 66متر (طول البيت الرفيع ما يجي 9أمتار يعني البرج أطول من سبع بيوت فوق بعض)
ومحيطه كبير ـ الصراحة إني قريت عنه قبل فترة يمكن قبل ثلاث اسابيع بس نسيت اللي قريت ـ بس اللي يقرى عنه والله يضيق صدره:( :( :( قوه قوه قوه
تصوروا تسود حاتسيت واحد داخله يجي ست مرات، يقول بس القزاز الي يتفرجون من عنده؛ أطول منه وهو رافع يديه ورجليه؛ يعني يجي ثلاث أمتار .
وبه حمامات ومطعم وجلسات وخزان الماء.
وشغله قعد كمَّن سنه، وبعد كل ها الشغل يصك ، ويخلى لزوار بريدة الكبارين والا لبعض المناسبات ـ استقبالات ـ


بعد كل هذا ماهوب حرام يصك؟؟؟ يعني أنا أقول المفروض أنه يفتح ويخلى عليه رسوم أي رسم حتى لو 100ريال للشخص الواحد أهم شي إننا نشوف داخليه .

ودي أسوي استبانة . والاستبانة تتكون من سؤالين ودي كلن يجاوب بس بصراحة وصدق ، موافقين؟

اللي موافق يقرى الأسئلة ويقول هل هو من بريده ولا من خارج بريدة
س1/ هل رأيت برجاً أفضل شكلاً من برج بريدة ؟
س2/ هل دخلت البرج إذا كان الجواب نعم كم مرة؟ اللي جاء لبريدة بس



وشكراً
ــــــــــــــــــــــــــــ
أعمل لدارك الباقية

[الصقر]

ياطويل.......العمـــــــــر......

سؤالك الاول..........

والله انا شفت ابراج.....مو برج.....

أحلى..من برج..بريدة.......

بس..ماادري عن الداخلي....

يعني..انا..اتكلم..عن المظهر..الخارجي.....فقط.

ـــــــ
سؤالك الثاني..

الصراحــــــه...ماحصلي..

الشرف..ودخلته.......

والظاهر..انه..ماراح..يحصلي......

طول.......عمرررررررررررررري....


ــــــــــ
والسلالالالالالالالالالالالالالالالالالالالالام... ...........

ـــــــــ

[الفدائي]

يا جوز الهند
سؤالي عن س1/ هل رأيت برجاً أفضل شكلاً من برج بريدة ؟أقصد داخل المملكة يعني أبراج المدن السعودية وإذا كان فيه أذكر المدينة وإذا حصل صورة فياليت، ولك تحياتي يا جوز الهند

أما عن سؤالي الثاني س2/ هل دخلت البرج إذا كان الجواب نعم كم مرة؟ اللي جاء لبريدة بس
أقصد اللي جاء لبريدة وإلا اللي أصلاً من بريدة

أرجو أنكم فهمتون ياناس

وأضيف سؤال ثالث وأقول
هل تقترح دخوله برسوم وكم تقترح مبلغ الرسم؟
ـــــــــــــــــــــــــــــــــــــــــــ
الموت باب وكل الناس داخله

[سعفة]

أنا ما دخلت البرج الا مرة ....... للأسف ... لا وبعد مع المدرسة

يوم انا بالابتدائية ،،،، يالله يالله اويز مع الدريشة ... والله يانا فرح ذاك اليوم


لكن .. هالحين ..... شكله صعبه الواحد يدخله .....................

ما تبون نشن حملة ، على البرج ..... ونقول الا نبي ندخل ,, ولا حلتنا حصا ..


,,,,,,,,,,,,,,,,,,,,

اما شكل البرج // ما عمري شفت أحسن منه ... يا حبي لوه

تصدق عاد ودي أمكعه من جذورة ,, واصبخ به راس شارون ،،

،،، تحياتي ،، سعفة صديق الجميع

[أبو مسحة]

...................
س1/ هل رأيت برجاً أفضل شكلاً من برج بريدة ؟
ج1/ صراحة لالالالالالالالالالالالالالالالالالالالالالا

.
س2/ هل دخلت البرج إذا كان الجواب نعم كم مرة؟ اللي جاء لبريدة بس

ج2/ صراحة ماعمري دخلته :( :( :( :( :( وشكله مافي أمل أدخله....

إلا إذطبق فكرت الدخول 100ريال مثل ماقالabdullahaaaaaaa

ليتهم يطبقونه:( :( :( :( :( :( :(




..................

[ياسر البريداوي]

خلوا عنكم بس مهن ازين من برج بريدة ,,

[الصقر]

بالمملكه...ماكد..شفت..أحلى منه......

ـــــــــــــــ
ماعمري دخلته...ياليت توسطلي....تروح..انا
وانت.....لو نويق..مع الدريشه..مثل سعفه...
ـــــــــــــــ
والله اقترح رسوم...بس ..بيني وبينك.....
حسافه الدراهم...تروح عشان..دقيقه....
وبها الشرافه..ذي انا متنازل..ماودي..
اشوفه....
ــــــــــــــ
:D :D :D :D :D :D :D
:D :D :D :D :D :D :D

[الوافي]

س1/ هل رأيت برجاً أفضل شكلاً من برج بريدة ؟
ج1/ لا ولاأظن يبي يصير بوه برج احلى منه.
س2/ هل دخلت البرج إذا كان الجواب نعم كم مرة؟ اللي جاء لبريدة بس
ج2/ نعم وذلك مرة واحدة مع الطلاب المتفوقين .
3/ هل تقترح دخوله برسوم وكم تقترح مبلغ الرسم؟
ج3/ لا عاد 100 ريال كثيرة مهوب على البرج كثيرة على الزوار أنا أقول خمسين ريال معقولة يالله فيفتي فيفتي ...
;)

[الفدائي]

السلام عليكم

جزاكم الله خير كل من جوز الهند وسعفة وأبو مسحة وياسر البريداوي والوفي 2002 (على فكر يالوافي 2002 أنا عند برنامج اسمه الوفي للترجمة هو أنت أخوه واذا كنت أخوه تعرف ترجم مثله وإلا لا:D)

يا أخوان اللي بالمنتدى وراكم ما تردون جزاكم الله خير مهب ها لمنتدى لمناقشة قضايا بريدة وإلا لا مهب هذه قضية بريداوية ، اللي بالمنتدى حتى هالحضات 367 يعني نسبة اللي ردوا =1.4% نسبة ترضي يا أخوان؟؟!
لا وألف لا ومليون لا
نهيب جميع الأخوة أن يردوا ويدلوا بدلوهم وجزاكم الله خير

ـــــــــــــــــــــــــــــــــ
ما خاب من استشار

[دسكفري]

اولا انا من الباحه وزين ان عندكم برج تطالعون فيه من برا وتاخذون حوله لفه بالسياره غيركم ما حصلها وانا شفت البرج اللي عندكم في التلفزيون بس ما هو البرج اللي فوقه زي البيضه اضنه بالصفحه الرئيسيه بالمنتدى
وشكرا
تامرون على شي من الباحه انا مستعد