مدارس البنات وكثرت الطلبات ؟؟؟؟؟؟؟؟؟؟؟؟

[الغالي 111]

السلام عليكم ورحمة الله وبركاتة
اماسي عليكم بالخير ,,, ياجماعة وش قصة المدارس وخاصة مدارس البنات عندي أخت تدرس بالمتوسط ودام الطلبات مايروح يوم الا تقول مدرسة المادة تقول جيبوا كذا وكذ والي مايجيب تري أبنقص من درجاتة وتعلمون أغراض البنات تواجع الرأس هذا مايصلح جب غيرة لاجب الوان الثاني والله يعين صارت الدراسة بفلوس على الحال

[ابتسامة تواضع]

يا اخوي اختك بمتوسط>>

تو الناس ماشفت شي
بثانوي بعد الله يعينك اذا دخلت فنيه

يسعدني اول من يرد على موضوعك اخوي الغالي

[الغالي 111]

أشكرك

[اخو دريحم]

الفنية كيلو الطين 35 ريال فقط

[متصفحة]

طلبات المدارس والمدرسات لن تخلص ..

أبنتي بالصف الثالث .. وقد طلبت منها المعلمة كتاب التعبير .. أشترينا لها الكتاب فقالت أنه ليس هذا المطلوب ..
أليس كتاب التعبير يفترض أن يوحد بجميع المكتبات أو أن يوزع على الطالبات ..
بعد فترة طلبت المعلمة نقود لتشتري للطالبة بنفسها ثم بعد ذلك لم تجده .. بحثنا عن هذا الكتاب مايقارب شهر كامل ونحن من مكتبة الى مكتبة وبالتالي تم تحصيله .. >> هذا بالترم الأول .
وبعد أن جاء الفصل الدراسي الثاني نفاجأ أيضًا بطلب كتاب التعبير ونذهب لشرائه .. ويتم تغيير المعلمة وتطلب هي أيضًا كتاب رابع ..
أصبحت الحصيلة التعبيرية فقط للصف الثالث أربع كتب مع العلم أن كتاب الفصل الأول لم ينتهي كله وأنما بقي أكثر من النصف ..

والطلبات لن تخلص أيضًا لم تحسب لها الدرجة الكامله بنهاية الفصل الدراسي الأول لمادة الفنية .. لأن الطالبة ينقصها بعض الأغراض خلال الحصه المقرره فالمطلوب أن تأتي بألوان خشبية ومائية وصلصال وقص ولزق .. وهي أشياء ضرورية تنقلها يومين بالأسبوع وكثير ماتأتي الطالبة لتقول اليوم لم تطلب منَّا الأستاذة أن نقص أو نعجن ..

والله المستعااااان ..

[هديل الحب]

ايه والله انهم كسل اجل يقولن لي لازم اسوي لوحه للمدرسه ولا بنقص من درجات ولا بعد يوم سويت اللوحه بخمس ميه قسم بالله وكبر قريح من النصف الاول وللحين ماعلقوه وزياده الطين بله معلمت الفنيه تبينا نجيب لوح خشب والللي تحرق الخشاب والله مادري وش اسمه ولا بعد الللي موب زين شغله تنقص >>يعني الللي ماتعرف عشان تاخذ درجه كامله لازم توديه للرسام يسويه
والله هالمدارس ماصارت حكوميه لو داخلين اهلي كان احسن

[ام عزوز]

الله يعينك ما شفت شيء

اجل لو عندك حقين قسم الفنية
معدن 100
وطين يمكن من دخلت الكليه الا ماتخرج صرفت اكثر من عشرين الف بدون مبالغه

لانها اغراض شبه يومي ما اذكر رحت لمكتبه وصرفت اقل من 50 ريال
بس يالله انك توفقنا

[الدموع حبر العيون]

والله انك صادق
اشوف خواتي بي مدرسه
المتوسطه 11 با الرفيعه
بس طلبات
ابوي رايح جاي لي للمكتبات
<<مالقى الطلب بذي راح الذي وذي المهنه
ولتهن طلبات اهوينه
<<<

[المختب]

هههههههههه ما شفة شي

[عاصي خانوم]

ايوالله ماشفت شي
ونصيييييحه لاحد يدخل قسم فنيه بكليه الاقتصااد
انواااع الطلباااات وليت بعد فيه وضااايف
يعني انواااااع المصاااااااريف على هالمصرياااات اللي بس يتشررطن اووف منهن

[الفائزالاول]

لا أبشرك حتى الأولاد اردى
عندك بدل البدنيه كل مرة بدلة منتخب

[Total ransom eyes]

وانا بعد اشوف من خواتي الصغـار بالابتدائيه
تجي المعلمه تخوفها تقول اذا ماجبتي ماراح تدخلين المدرسه او تهددها بشي
ثاني ماصارت هالحاله كانها داخله بمدرسه اهليه

[سمره ومملوحه]

ياكثر المدارس الي ماتخلص طلباتهم الي تقص الظهر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ

والمعلمات الله يهديهم مايشفون انى في بعض الطالبات على قد حالهم فوق ذالك تطلب منهم
ماقول الا الله يعينهم بس

[الغالي 111]

ماأدري وش رايكم نرفع خطاب لمدير تعليم البنات ::::: ياناس والله تعبنا من كثر الطلبات

[مجهربريده]

السلام عليكم ورحمة الله وبركاته
من خلال هذه الملاحظه وغيرها من ملاحظات أولياء الأمور يتبين ان هناك فجوه بين البيت والمدرسه بشتى مراحلها ( الابتدائيه اوالمتوسطه اوالثانويه ) هذه الفجوه بسبب عدم تواصل اهل الطالب اوالطالبه مع المدرسه حتى أن الكثيرمن البيوت وليس الكل لايعرفون أرقاهم هواتف مدارس ابنائهم وبناتهم0 وقدلايعرفون بأي صف يدرسون !
والمفترض ان تحتفظ كل عائله بهذه الأرقام وتتواصل مع المدرسه للوقوف على احوال أبنائهم وبناتهم الدارسين بهذه المدارس وابداء أي ملاحظه لادارة المدرسه اولمدرس اومدرسة الماده فادارات المدارس بنين وبنات تشتكي من عدم تواصل أولياء الأمورمعهم
اسأل الله لنا ولكم التوفيق والسداد

[ولد عقار]

الحل خطاب إلى مدير التعليم بالقصيم..






تحياتي

[&*& كندا &*&]

: آآآآآووووف بس والله والقهر

أنا اختي كانت بالمتوسط وماشاء الله فنانه بالرسم والاستاذه متسلطه عليه تسلط تسلط تقول اختي والله ان رسم بعض البنات وا باولى ابتدائي ولاتقولهن شي اما اختي تهزيئ واستحقار للرسم من قبل المعلمه واعمال انواع الطلبات وتحطيم للاشغال

فلماصارت بثالث صارت المدرسه تدرسهم تفصيل ويالله يابنات فصلوا سديريه اختي فصلته مرتبه وشغل نظيف طبعا بمساعدة مني وحلو على قده الشغل وتجي المدرسه تهزيييئ بالشغل وتحطيم لاختي وعيدي شغلك من جديد :eek5انا كان اقول شي بس اختي تحلف ان بعض الطالبات من تحت ماكف الجليه وكله خيوط واللي مايل واللي ماركبت ازارير

اما في الترم الثاني بدت المعلمه لاشافت الرسم بدت تشحط باختي وش السالفه؟؟:confused:

[ابتسامة تواضع]

كنـــداا^^

قهــر والله سالفتكم سالفه

من رايي شجعيه ولاتحطـــم
وتروح موهبتــه على الهبنـــي
اشكو الله

[متصفحة]

السلام عليكم ورحمة الله وبركاته
من خلال هذه الملاحظه وغيرها من ملاحظات أولياء الأمور يتبين ان هناك فجوه بين البيت والمدرسه بشتى مراحلها ( الابتدائيه اوالمتوسطه اوالثانويه ) هذه الفجوه بسبب عدم تواصل اهل الطالب اوالطالبه مع المدرسه حتى أن الكثيرمن البيوت وليس الكل لايعرفون أرقاهم هواتف مدارس ابنائهم وبناتهم0 وقدلايعرفون بأي صف يدرسون !
والمفترض ان تحتفظ كل عائله بهذه الأرقام وتتواصل مع المدرسه للوقوف على احوال أبنائهم وبناتهم الدارسين بهذه المدارس وابداء أي ملاحظه لادارة المدرسه اولمدرس اومدرسة الماده فادارات المدارس بنين وبنات تشتكي من عدم تواصل أولياء الأمورمعهم
اسأل الله لنا ولكم التوفيق والسداد


أنا أتعارض معك بهذا الأمر ..

فلدي أرقام ليس المدرسة فقط أنما الهواتف الخاصه للمعلمات .. مثل المرشدة ومعلمة الرياضيات
وكثيرًا ماأذهب للمتابعة ولكن تغير المعلمات وكلُ واحده منهن لها طلباتها الخاصه هذا ماكان يؤزمنا
وغير ذلك يسير ..

[abh]

ماأدري وش رايكم نرفع خطاب لمدير تعليم البنات ::::: ياناس والله تعبنا من كثر الطلبات


الله يعينك .......لكن اخوي ترى فيه تعميم من وزارة التربيه والتعليم
يمنع الزام الطلاب والطالبات باحضار متطلبات غيراساسيه
يعني مافيه شي الزامي على الطلاب غيرالشي المهم مثل الاقلام والدفاتر.:re

[قصيمية11]

ماشفتوا شي الله يعين بس والجاي امر وادهى ياعمري يالبنات ماغير جيبن جيبن ولا يحاسبن ابد هالمعلمات الله يهديهن واخر شي نطلع بشي مايفيد والله سخافة

[مجهربريده]

أنا أتعارض معك بهذا الأمر ..

فلدي أرقام ليس المدرسة فقط أنما الهواتف الخاصه للمعلمات .. مثل المرشدة ومعلمة الرياضيات
وكثيرًا ماأذهب للمتابعة ولكن تغير المعلمات وكلُ واحده منهن لها طلباتها الخاصه هذا ماكان يؤزمنا
وغير ذلك يسير ..

اختي العزيزه
اناقلت الكثيروليس الكل وليت الكثيرمن أولياء الأموريهتمون نصف اهتمامك زادك الله حرصا واصلح لنا ولك الذريه

[mr.memooo20]

الله يعيينك على المدارس ويعيننا

[ابوولعf]

هذولي المعلمات انواع البلشه

[(عادل)]

هذا في كل مدارس البنات متى تنتهي

[(عادل)]

الى متى

[بحرالفكر]

تصدقون يوم انا بالمتوسط ابوي يدق علي يقول انا حول المكتبه تبين شي مالي خلق اطلع لدخلت البيت من كثر الطلبات