هاااي شباب .. وش افضل مواصفات( لجهاز مكتبي )

[محلق توليت]

سالخير

انا رجال متنبل بالبيت يعني مالي مراويح لا يمنه ولا يسره

وابشتري جهاز مكتبي لان الاب توب يبي واحد يتنقل ومشاكله كثيره واغلب الموجود صيني

فا ياليت واحد يقولي عن مواصفات جهاز يكون توب وقابل للتطوير

يعني على مدى الخمس سنوات اقدر اطوره .

بالنسبه للاستخدامي تصفح و العاب ومايمنع تصاميم على خفيف

وماهو افضل محل عندنا في بريده ويكون السعر معقول .

تحياتي للجميع والف شكر لكم

[نجم معروف]

كل جهاز له مواصفات معينه

وقم بزيارة جرير وراح يشرحون لك كل شي

[محلق توليت]

معقوله المنتدى مافيه الا راعي جرير ؟

[ولد الذيب]

الشـآمل مقـآبل النخيل بلازـآ

امـآ نسبة الصيني

جيميع الجهزة المكتبية او المحمولة تجميع صيني وليس صنـآعة

ولا فييه فرق بينهن

ومن رـآآيي روح لشـآمل وروح لم وـآحد اسمه وعد وقله وش تبي واهو ـآآح يعطييك اللي تبي

[فارس الفرات]

المفترض انك تجمع قطع منا ومناك , وتخلي أحد يركبهن لك تراه اوفر اشوي ..
ومن القطع الزينه ..,
أنك تاخذ ..,
المذربورد , اسمها قيقا بايت وهي افضل شيء , سعرها 220
الذاكره 1قيقا , سعرها تقريبا 180
المعالج كور تو ديو , سعره 400
الصندوق , تقريبا سعره90
الهاردسك 160 , سعره فوق 200 ماأدري بالتحديد كم ..,
لك والزمن ..

[محلق توليت]

ولد الذيب

تسلم يابعدي وماقصرت هذي العلوم الزينه


فارس الفرات

كأنه جازتلي الفكره .. قصدك اخذ القطع من محلات الجمله ؟

مشكورين جميعاً وماقصرتو

[بولوهي]

اذا مستعد تدفع حول 3000 ريال لجهاز الى الان يعتبر من اقوى شي
قلي :)

[محلق توليت]

بولوهي \ حيااااك الله

عطنا مواصفاته ع السريع

[ميغا]

إذا لديك ميزانية جيدة فإختر حجم كبير للهاردسك حتى يمكنك مثلاً تركيب أكثر من نظام إن أردت
يوماً ما .. أيضاً الأجهزة المكتبية قابلة للتطوير أكثر من غيرها ...
فيمكن ايضاً الرفع من حجم الذاكرة وحتى إضافة بعض المميزات الأخرى ...

لكن إختر لوحة حديثة حتى لا تواجهك مشاكل يوماً ما ... ولا مشكلة بتجميع القطع
أو شراءه كاملاً فيرجع هذا لخبرتك بهذه الأشياء ...
ويوجد أجهزة للشركات الآن كـ hp وباقي الشركات الأخرى ...

عموماً خيارك بشراء المكتبي بالنظر في وضعك أعجبني بكل حقيقة ...
وبالتوفيق ومبروك مقدماً ...

[محلق توليت]

ميغا .. هذي الساعه المباركه نورت يالغالي

سوف اضع توجيهاتك من ظمن اختياري للجهاز

لاهنت ميغا والف شكر لك

[zeead]

فا ياليت واحد يقولي عن مواصفات جهاز يكون توب وقابل للتطوير

يعني على مدى الخمس سنوات اقدر اطوره .




مذربورد : ASUS Rampage II Extreme

معالج : Intel core I7 965 Extreme Quad Core 3.2

كرت شاشة : Nvidia GTX 295 1792 MB

رام : OCZ Reaper HPC 6GB DDR3

هارد دسك : طبعا افضل شركتين بنظري هم seagate و western digital .. حجم 1.5 TB
* بس مادري اذا مذبورد ASUS موجود ببريدة او لأ

وشسمه طبعاً السعر غالي نوعاً ما, تقريباً بـ 7000 ريال وانت طالع
وهذا هو التوب الي انت طالبه, طبعاً يزبنك لاكثر من 5 سنوات بالاضافات كالمعالج والكروت, وعلى حسب الاستعمال
والاهتمام بنظافة الجهاز, لان مثل ما تعرف عندنا ببريدة اجواء تستلزم انك تهتم بحرارة الجهاز
وتسويله اكثر من مروحه للتبريد, وايضاً الغبار من الضروري انك تهتم بنظافة الجهاز من الغبار
حتى مايدخل بالدوائر الالكترونية بالمذربورد ويسبب لك مشكلة لاسمح الله.


اما الجهاز القياسي:
(مقتبس)
- المعالج انصح دائماً بأن يكون من نوع INTEL PENTIUMوهي انواع مختلفه وجميعها ممتازه ولكن كمتوسط سعر مناسب
انصح بهذا النوع Intel®Core™2 Duo طبعاً السرعات تختلف
ولكن انصح بسرعة 2.66 أو اعلى منها.

http://www.m5zn.com/uploads/2010/3/22/photo/gif/rcbzz2etfhtnh03ac.gif (http://www.tobikat.com)

2- اللوحة الأم MotherBoard أنصح بأن تكون من نوع قيقا بايت
GA-P31-DS3L/S3L GIGABYTE S-SERIES
- يأتي كرت الصوت مرفق معها وهو من نوع REALTEK ALC888 CODEC
- يوجد بها اربع فتحات للذاكره العشوائيه MEMORY تدعم حتى 4 قيقا
- يوجد بها كرت شبكه مدمج.

http://www.m5zn.com/uploads/2010/3/22/photo/8dbrw6m.jpg (http://www.tobikat.com)


3 -RAM الرام الذاكره العشوائيه طبعا كلما زادت سعة الرام كلما زادت سرعة الجهاز...
اتركك من اللي يحطون برامج تسريع الجهاز ولاتلتفت لهم لأن كل ماصار جهازك بطيئ تحتاج لزيادة الرام الجهاز مثل جسم الانسان اذا انسان اخذ منشطات عشان تزيد نشاطه فعل المنشطات هذه تقوم بزيادة نشاط جسم الانسان لكن بالنهاية ضرر صحي..
اذا كنت تبي سرعة جهازك تزيد مالك الا تزيد من سعة الرام ولا تحمل اي برنامج ما تدري عنه او ماتحتاجه. النوع الجيد اسمه T/M DDR-II 667 BUS واعتقد فيه انواع اغلى لكن هذا سعره مناسب جداً.و أضيف من عندي أن يكون سعته واحد قيقا فما فوق.


http://www.m5zn.com/uploads/2010/3/22/photo/j583zukix344xhc1lq.jpg (http://www.tobikat.com)


4 – الهارددسك HARDDESK احسن نوع من وجهة نظري هو ويسترن ديجتل Western Digital وهناك احجام مختلفه 80 قيقا 100 قيقا 160 قيقا 200 قيقا الى 500 قيقا طبعاً هذا الحجم يعود اليك إن كنت ممن يحمل برامج كثيرة او يعمل داون لوود لأفلام والعاب ..الخ خذ لك واحد حجمه كبير وانا انصح بحجم 160 قيقا او 200 فقط لأنه يؤدي المهمة بنجاح وتأكد انه يكون من نوع SATA


http://www.m5zn.com/uploads/2010/3/22/photo/a4uifpxomyx60vsi2h.jpg (http://www.tobikat.com)


5- كرت الشاشة وهنا لنا وقفه مهمة طبعاً حسب علمي بأن كروت الشاشة VGA كثيرة ولكن أحسنها وأفضلها حتى الآن من نوع NVIDIA ولا تهون ATI ولكني أفضل انفيديا .
GeForce® 8500 GT 512MB DDR2 Standard


http://www.m5zn.com/uploads/2010/3/22/photo/1yihuv2cm7v79klvbe.jpg (http://www.tobikat.com)


6- الشاشة MONITER هناك انواع كثيرة والأفضل من نوع LCD
فمثلاً SAMSUNG (بوصة 19 ) سعرها تقريباً 780 والفرق بينها وبين 17 بوصه 80 ريال فالأفضل 19 وبقوة .


http://www.m5zn.com/uploads/2010/3/22/photo/luisi1re.jpg (http://www.tobikat.com)
-

هذة مواصفات تعتبر عالية الجودة لمن يستخدم الكمبيوتر في الجرافيكس والعاب الكمبيوتر عالية الدقة سعر تقريبي لهذة المواصفات ستكلف 3000 ريال ..

ثالثاً تقول انا مبتدأ هل يصلح هذا النوع لي كجهاز أبدا عليه تعليمي أقولك اذا ميزانيتك تسمح لاتتأخراشتر ورح تدعيلي اذا تقول ميزانيتك ماتسمح تدفع 3000 ريال وتبي جهاز مواصفات عاديه أقولك خذ نفس المواصفات اللي فوق بس تحتاج تغير في بعض الأشياء مثل كرت الشاشة بدل مايكون سرعته 512 نخليه 256 الرام بدل ماهو 4 قيقا نخليه 2 قيقا الشاشة بدل ماتكون 19 بوصه نخليها 17 الهاردسك نخليه 120 قيقا ، اللوحة الأم نختار نوع من نفس شركة قيقا بايت لكن ارخص من اللي ذكرناها ، المعالج بدل مانخليه 2.6 نخليه 2.4 وبكذا نكون نزلنا تقريباً 1000 الى 1300 ريال ويكون سعر الجهاز 2000 او 1800 ريال مع امكانية عمل UPGREAD له مستقبلاً .


انا حسيت اني حطيت موضوع مهو رد :d
بس حبيت ارد لك رد متكامل, والكامل وجه الله
مع تمنياتي لك بالتوفيق في الحياة الدنيا والآخرة

زياد

.
.

[محلق توليت]

زيـــاد \ ماشاء الله عليك الحقيقه شرح وافي ودقيق بيض الله وجهك ولا يهون باقي الشباب

خبرك هالشايب <<<< ماينفع به الا موضوع كامل ماهوب رد وبس متجود وصارن الدراهم بخيشه ههههاااي :)

ابشركم هذاهم يركبون القطع عسى الله يصنعه ؛ :41

<<<< وش دعوه عاد والله ياهو طياره ياخوي تراك غثيتنا انت والمكتبي حقك :d

زياد ماقصرت يالغالي .

[zeead]

عالبركة الف مبروك والله يعطيك من خيرة ويكفيك شرة :41

ولو ودك يعني :d
قلناا مواصفات جهازك ماشالله ..< مب ملقوف ابد :d
.
.
: 12