ضعت بين غلاء الأسعر ( 8001241616 ) والبلدية ( 940 ) , قصة حقيقية

[سهيل اليماني (1)]

السلام عليكم

تعرفون إدارة التربية والتعليم للبنين إلي في حي السادة
فيه مقابل لها بوفيه , دخلت وطلبت طلب , ولأني مقاطع الببسي ومشتقاته ما لقيت عنده مشروب غير الكوكاكولا والفانتا
وسألت عامل البوفيه ( وكان بنقالي ) بكم ؟ قال بريالين , قلت ماهو بريال ونص ؟ قال لا
طلعت من عنده وتركت الطلب واتصلت على وزارة التجارة لكي أقدم بلاغ عن غلاء الأسعار على الرقم ( 8001241616 ) رد علي الموظف وشرحت له الوضع وقلت له إن فيه بوفيه في المكان الفلاني تبيع الكوكاكولا بريالين وهو بريال ونص.
قال : هذا الموضوع ماهو عندنا , هذا عند البلدية لأن عندنا تعميم من ( مجلس الوزراء ) إن أي شي يتعلق بالبوفيات والمطاعم يكون عند البلدية , قلت أنا أبغى أقدم بلاغ عن غلاء أسعار وش دخل البلدية ؟
قال لي موضوعك عند البلدية اتصل على الرقم ( 940 ) وقدم بلاغك.
اتصلت على ( 940 ) عشان أقدم البلاغ قالوا لي : موضوعك عند غلاء الأسعار كلمهم على الرقم ( 8001241616 ) , قلت كلمتهم وقالوا أكلمكم أنتوا , قال لي الموظف : هذا شغلهم هم كلمهم وقدم بلاغك عندهم.
كلمت غلاء الأسعار ثاني مرة , قالوا لي نفس الكلام اتصل على ( 940 )
وبصراحه بعدها ما عاد كلمت أحد , وتركت البنقالي يبيع على كيفه: 12.
أقسم بالله العظيم إن هذا هو إلي حصل لي.

[أبورامي]

الدعوى منفلته الله يخلف
كل شي فيه غش

[الشمالي]

مافيه حمايه للمستهلك بهالبلد ..
اذا كان البنقالي يشتغل بشكل شخصي ومااحد داري عنه
قبل يومين الحديد مرتفع ومعلن بالصحف من غير سبب وعلى مسامع حمايه المستهلك والوزاره ولااحد حرك ساكن

[يازين الحر]

بس معقوله بيشري احد منه بريالين
هو حدا الاثنين باأما موضف البلديه والا موضف غلاء الاسعار كسول هو خشته
شكرا

[ابومهره]

الله يكون بالعون ..

[العاصميn]

لوعلى الببسي كان زين

[حـنيت]

آعآنكم آلله ..

[منسم بس عاقل]

وناخوك ماعندك حماية مستهلك الاصل الاسعار وزارة التجاره بسابع نومه ولا هذا شغلهم الله يرحم الحال

[مخفي]

المره الثانية يبي يقولون أتصل على 997 .. :113:

[صادق احساس]

صدقني

ما فيه حمايه للمستهلك

بس اتعبت روحك يا عمري انت

زين اللي ماهاشوك وقالوا لاتتصل ثانيه
تحياتي لك

[كاتم سره ماحد يضره]

ودي اقول شي بس ترا مافيه حماية مستهلك ولا احد بيكون ضد اي بنقالي مستحيل ياخي ترضى والا غصب عنك
الدعوى ضايعه

[سهيل اليماني (1)]

مشكورين ع المرور والتشريف
الظاهر ما بقى قدامي إلا إني أتصل على حقوق الانسان ( 014624587 )
أو أتصل على مكافحة الفساد ( 988 )

[برمودا]

هرفي قبل يغلا الاسعار بريالين

[%%عاشق المريدسيه%%]

مطعم كمون بريالاين بعد الاغلا الحين

[جبل شمر]

ههههههههههه ياكثر مانسمع عن هالسالفه خاصه بالدوائر الحكوميه .. كل واحد يقولك موضوعك عند فلان .. واذا

رحت له .. قالك موضوعك ماهو عندي . ارجعله .. وابلش عاد ..

الله يكون بعون المواطن الغلباااااااااان ..

[an6]

حماية المستهلك الله يرحم حالها

وينهم عن بعض المطاعم اللي تبيع المياه الصحية و المشروبات الغازية بـــ 4 و 6 وحتى 8 ريال

[أبونادرالأجتماعي20]

ياعييييييييييييييييني أنت يا سهيل .. اشتر كرتون أو أكثر من المواد الغذائية [ بالجملة]

وضربه بالبيت .. وبيكون بسعر

خيالي:41 وخل البلدية والبوفية تسرحااان لأنهنّ مستفيدتان ولاتحبانَّ كثير الكلام : 12!؟

وأما البوفية [ بالسادة] و [ بنقالي] :eek: [قهررر] !

خبز السلمان مع شكشووووكة بالبيت , أروع وأنظف من البغبغاني !!

والنفس تكون اسعد بكثير , مما لو كان الأكل مشبوه من تلك الأصناف المريبه :oo

..
الله يخليك لاعاد تعوّدله تشتري منهم :d

وحقك علي أخوي سهيل (f)

[الجوال777]

على طاري غلا الاسعار !!

كيس الشعير مشتريه قبل اسبوع بــ 32 ريال الكيس الاسترالي
واليوم صار بــ 38 ريال نفسه !!!!!!!!!!!!!!!!

مادري كيف أرتفع 6 ريالات بأسبوع ووزارة التجاره نايمه الله يرحمنا

قال أيه قال حماية مستهلك !!!

والله ماسرقنا ألا حماية المستهلك

وللتأكد أرجوا الذهاب لمستودع السويلم قبل كبري الهديه يسار وتشوفو الاسعار

[بريدةnext]

انا بنفسي اتصلت على النقيدان موظف البلديه من مكه والله
وقلت له فيه بوفيه تبيع الشاورمابثلاثه ريال والشكشوكه بريالين وش الحل
رغم ان الدجاج والبيض رجع لسعره الطبيعي
تدرون ايش قالي!
قال يمكن انه متكلف على ديكور المحل 000
رغم ان الحل هوا هوا من قبل غلاء الاسعار0
مقصف الانهاربالصفراء حتى الفلافل بريالين ليش0

مالقوا فوقهم احد

[m.a.s.i_1]

الطاسة ضايعة
كان كلمت من جوالين وخليتهم يكلمون بعض

[Naief]

هههههههه
لو هي مخالفه او تطويف رخصة كن ماصرفوك بس الشكوى لله