المساعد الشخصي الرقمي

مشاهدة نسخة كاملة : الشباب في العيد خلونا نستـعرض اهم الاحـداث اللي تصـير للـشباب قبل العيـد و بعـده ..

كفر منسم
8/3/1431 هـ, 01:55 صباحاً
الشباب في العيد
خلونا نستـعرض اهم الاحـداث اللي تصـير للـشباب قبل العيـد و بعـده ..
1- عند الخـياط ..
لازم كل واحد يستـلم ثوبـه الجـديد بليلة العيـد .. لان كلهم يتذكرون انهم مافصلـوا مـلابس الا بـآخر لحظة.
و طبعا ليلة العيد .. تنقضي عندهم بالهواش والمطاقق مع الخياط عشان يخلص الثوب
وحالتهم حالة ... لو توقف عند باب الخياط .. ماتشوف غير اثواب تتطاير وتتحذف .. واللي يصرخ ويقول هذا ثوبي
وراك عفطته .. والثاني ينشق حلقه وتطلع بلاعيمه ويناشق لان عزوز اخذ ثوبه بالغلط .
وعبود ماسكن صويلح من رقبته عشان يتأكد ان اسم صويلح مكتوب على الورقة المعلقة برقبة الثوب
واللي يشق راس الخياط بالمقص عشان سعر الفاتورة ...
واللي يصن الخياط ببقس على دميحته لانه طالب قماش زبدة والخياط مفصل له ثوب من خامة تريكو ..
2- في الحلاق..
تشوف الشباب صافين بالدور .. ((يذكروني بطابور مقصف الابتدائي ))..
(((((((((((بس من جد حالتهم تقطع القلب ..)))))))))))))
واحد يره ابوه من كشته .. ... ..واللي يبكي لان اخوه متعود يحلقه على الصفر ..ويقول له تكفى خل
لي خصلتين و هو صادق ..على الاقل تنفع قرون استشعار .
ا..واللي يبسط بالحلاق للفجر .. وهات يا صنفرة و سمكرة ...
واللي يدرعم بدون احم ولا دستور .. والشرر يتطاير من عينه .. ويخز الموجودين بالصالون وهو ينافخ ويلهث ويدور على راعي الكامري اللي صافطه وراه ..
وما خفي اعظم ..
3-صباح العيد..
ماغير تسمع اصوات تشقق اكياس بلاستيك ..< اصوات اكياس الفنايل الجديدة..ماركة الازدهار ..ولا الدرويش
و حمود يسطر فهد ... لان فهد لبس طاقيته المشخله بالغلط ..
واللي تحرق الشغالة شماغه..
واللي يتدرب شلون يصب القهوة للرجاجيل في المجلس .
واللي يبكي و مضيع بوكه الجديد بولمعة .. واللي اخترب طقم الكبكات الفضة حقه ..
4-برى البيت
سلام من ورى خشومهم تقل مغصوبين
يحتقرصون يحترون الساعه ثمان
وبعد ماتصير الساعه 8 ...
تلاقي نص الشباب بالثمامةاو ماشابه ذلك .وهات يا تفحيط و تقحيص
... و الزحمة تصير عند شواية الخليج .ولا الركن السعودي.
5-واللي يطلع القنص مع الاصدقاء
وياخذ معه عدة الصيد : وااللي تتكون من شوزن و بندق و خنجر..على بالهم رايحين حضرموت وبالنهايه
يبسط بالنعيريه ويأجر دبابات من عند المصري..
جوااد
8/3/1431 هـ, 02:01 صباحاً
موضوع شبه رائع لكن الحمد لله اني مانب معهم
smaart-16
8/3/1431 هـ, 02:01 صباحاً
الحين عب كفرك ثم حط مواضيع ,,,
كفر منسم
8/3/1431 هـ, 02:12 صباحاً
موضوع شبه رائع لكن الحمد لله اني مانب معهم

.
شوكرن
.
الحين عب كفرك ثم حط مواضيع ,,,
ياخي ياولد أمك وأبوك ياخو أختك وأخوك ياحفيد جدك وجدتك ياولد أخت خالك ياولد أخو عمك
دعك من هذه الخرابيطات:d
جوااد
8/3/1431 هـ, 02:14 صباحاً
^ع^ف^و^اً^
قلم جريء
8/3/1431 هـ, 11:33 صباحاً
الحين عب كفرك ثم حط مواضيع ,,,

ههههه
كآيدهمـ
8/3/1431 هـ, 05:21 مساءً
من كلامك يا كفر منسم واسلوب سردك للموضوع
حسيت انك معاني من هذي المعاناه كل عيد بس ابي اقول شي

العيد عيد الخويندات اما الرجال النشاما كل يوم لهم عيد
مـشـعـل
11/3/1431 هـ, 01:26 صباحاً
والله موضوع ممتاز بس انا منب منهم هههههههههههههه
نصراوي حتى النخاع
11/3/1431 هـ, 03:33 مساءً
والله موضوع ممتاز بس انا منب منهم هههههههههههههه

ندري انك منتب منهم مطهر:d
انا البدر اذا طل..
11/3/1431 هـ, 05:07 مساءً
يـًاكثر قـرقك!!(اذا كان الكـلام من ذهـب)فـالًـصمت من فضـه!!؟.

تقبـلوا مـروري: (انا البدر اذا طل..)
فديت القصيم
20/3/1431 هـ, 04:02 مساءً
ههههههههههههه جبتها بالصميم:d:d
ش:f:ك(f)ر(h)ا(f)
مضيّع بس أدل
20/4/1431 هـ, 04:24 مساءً
هههههههههههههه

مشكور يا كفر منسم