اليوم رحت لسوق الحمام ... شفت العجب

[سهيل اليماني (1)]

بسم الله الرحمن الرحيم
كيف حالكم يا إخوان
اليوم الصبح رحت لسوق الحمام أتمشى
بصراحة انقطعت عن السوق فترة طويله
وفي السوق شفت أسعار غاليه بالحيل
خذ عندك مثلاً:
جوز نفاخ بـ(700 ) ريال
جوز بلجيكي كامل ( يسمونه فوطه ) بـ( 200 و 300 و 500 ) ريال
جوز بخاري بـ( 400 ) ريال على ما أعتقد.
جوز النجدي جمله وصل ما بين ( 16 و 18 ) ريال وجوز لحاله بـ( 20 ) ريال وأنا أذكر الجوز جمله وتفريد ما بين ( 8 و 10 ) ريال.
الببغاء الهندي كان لحاله بـ( 50 ) ريال والجوز بـ( 100 ) ريال , واليوم لقيت الجوز بـ( 300 ) ريال والببغاء الواحد بـ( 150 ) ريال.
استغربت الغلا هذا , والله يرزق الجميع .
لكني تسائلت ... وش سبب الغلا هذا ؟
1) هل أن غلاء أسعار الماشيه والإبل شمل الحمام والطيور أيضاً ؟
2) أم أن هواة تربية الحمام أصبحوا محترفين ؟
3) أم أن تربية الحمام أصبحت تجارة تدر ذهباً ؟
ولقيت إن تربية الحمام ما تكلف كثير:
مخافق ( بيوت الحمام ) + معلف ماء + كيس ذرة أو كيس شعير بـ( 30 ) ريال يكفيها شهر ... وقضينا , أسهل بكثير من تربية الماشيه والإبل ومردودها بالأسعار هذي ممتاز.
وسلامتكم.

[على بلاطه]

وش وداك للسوق ...؟
اذا انت تارك الحمام انصحك هج ولا ترجع... ماوراهن الا الدجه والوصاخه..!

اسأل مجرب قالولي حط حمام تغتني حطيت صارن شغلتي بلاستراحه بدال ما اجي اتكي واتقهوى واشم هواء صرت اعلفهن واروح اخذ زمزميتي واقعد فوق النفود خخخخخ كله من ريحتهن ...انصحك هج

والغلا هذا عادي الظاهر هي مواسم يعني يمكن تجي بعد شهر تلقاه ارخص

[كوووك]

وش هال الخرابيط الحمام ب100 اقول الغو هال الخرابيط

[ابوفهد بريدة]

هههههههههههههه يقدمه سوق الحمام أخر خبري به يوم هو عند المعهد العلمي
ايييييييييييييه يا الدنيا
والله اتوقع سبب ارتفاعهن ندرة اللي يربونهن موزي اول كل واحد عنده عشه با البيت

[بس أنـا]

كل شي غآلي الحين وآنآ إخوٍك.

الله كرٍـرٍيم بسٍ ُ

:f:

[سهيل اليماني (1)]

اخوي كوووك
إذا ما أنت مصدقني
رح لسوق الحمام الجمعه الجايه الصبح وشف بنفسك

[كاسك]

ياشباب من سنين والطيور مو من هالمدة البسيطة

يعني البغابغ والكناريات من زمان ممكن لهم 6 سنوات غاليات من بعد منع الاستيراد

[اجمل احساس**]

حتى البيبسي صار بريال ونص؟:eek5

[صامتة بزمن هزاز]

ياااااااااااا قدمه الحمااااااااااااام

[حربي القصيم]

آلنـآس صـآرو يفتحون مشـآريـع فيهـآ
وفيـهـآ مكسب حلو
قبل كـآنت هوآيـــه وتضيع وقــت
الحين صـآرو يسترزقون من ورآهـآ،،
والشعيـر بعد آرتفع وآكيد بيرتفع سعرهـ ،،

[ابو مقبل]

شكلك ماعمرك رحت لمزاد اللوتي على قول اهل الكويت ، الحمامة من 5000 الى عشرات الالوف هذا

غير مزاد بيض الحمام الله يكرمكم .


بعدين ليه العجب نسينا التيوس السورية والبعارين اللبنانية ؟؟

[سهيل اليماني (1)]

أعتقد من أسباب غلاء الطيور والحمام إغلاق البلديه للمحلات التي تبيع دجاج وحمام حي وغير كذا إيقاف استيراد طيور الزينة والببغاوات والبلابل من أيام اشاعة انفلونزا الطيور
بس يوم شفت الحمام تذكرت الأيام الخوالي
ولقيت ناس كبار في السن في السوق
كثيير منهم عمرة فوق 40 سنة

[الحركي]

إذا مافيه رقابه على اسعار وجودة السلع
كل شي راح يكون مبالغ في اسعاره وكل من ايده إله

[مزحلط]

جوز النجدي جمله وصل ما بين ( 16 و 18 ) ريال وجوز لحاله بـ( 20 ) ريال وأنا أذكر الجوز جمله وتفريد ما بين ( 8 و 10 ) ريال.

مخافق ( بيوت الحمام ) + معلف ماء + كيس ذرة أو كيس شعير بـ( 30 ) ريال يكفيها شهر ... وقضينا , أسهل بكثير من تربية الماشيه والإبل ومردودها بالأسعار هذي ممتاز.
وسلامتكم.


صادز والله االسوق ارتفع انا عندي حمام نجدي بالمزرعه وحاطن عنده عاملنا حق المزرعه
ومادري عنه الا بعد اربع او خمس شهور وابيعه بالسوق ولقيت ان السوق ماشاء الله مرتفع

الشي الثاني انت تقول كيس شعير يكفيهن شهر < وووووووين شهرر قل اسبوع مايكفي شهر خصوصا اذا صار عندك كميه كبيره من الحمام قسم بالله تلقى الحمام طالعه عظامه

وأبي اسالك جابك الله مير ...... كم الدجــــــــــاج ؟

على طاري الحمام ودام هالوجيه المباركه موجوده

عندي حمام نجدي أحلي شي للتربيه متوالف من يشري .. ترا ماسيم
:d

[نبض الروح]

لاحول ولا قوة حتى الحمام زاد سعره

[فهد لاين]

ذكرتن بالروزنه بالحوش وااااااااااااااااوك طلع غبار ...لكن ابي الحمام الخضاري هو موجود للحين ولا انقرض ههه والله يانا اموت به الخضاري عندي انه اجمل حمامه شفته بحياتي وشكرا على الموضوع

[متصفحة]

إرتفاع الأسعار شمل كل شيء

ففي مهرجان الربيع تجد أنواع الإستغلال المادي .. ومن صاحبات البسطات

فالكل يعلم أن مكاسب الفيشار والبوفك من خمس الى سبع ريالات .. إذا كان البيع بنص ريال ..

ولكن هناك السعر مختلف جدًا .. فقد كان سعر أبونص بريال واللذي بريال بريالين

فدبلت الأسعار .. وهذا ماصنعه الطمع بقلوبهم فتبًا لهم ولما يكسبون

[HeeMo]

ماشفت شي يالغلا المهم كان خابرلي نجدي حمآم إرسلي على الخآص ...

[اميره في عز ابوها]

صدق راتفاع الاسعار انا اليوم رايحه عند احد اقاربي وران حمام فوطه اشترها 100 ريال علشانه سودا ام البيضاء 500 ريال

[غريب احساس]

حمام
ولا عمري رحت لسوق الحمام اسمع فية
الله يرزقهم

[القوه العاشره]

خلهم يترزقون الله ماعليك منهم

[عاشق بريدهـ]

حتى البيبسي صار بريال ونص؟:eek5



ســلامــات يا اجمل احــســآس....

وشـ دخل الحين البيبسي بسالفة الحــمــآم......:confused:

[وطني فخور]

أي شي له اعيون أنحش عنه ولا تاجر فيه طع شوري

[أبوسعدون]

الله يعينكم على الأسعار

[معشي الذيب]

وارقصي

[قصمنجاوي]

هههههه سوق حمام والله ياهو قديم أن شاء الله مليون وش نبي فيه

غريب إحساس وش هالتحديثات

[صاحب الهاى]

يمزحلط كم العدد لوسمحت وش لون اغلب الحمام

[مزحلط]

يمزحلط كم العدد لوسمحت وش لون اغلب الحمام


الحمـام نجــدي و أكثره لونه أبيــــــــــــــــــــــــــــض


من عشـه وحده بالمزرعـه والمزرعه بعيــــده حاطن عندهن عامل مزرعتنا


مادري كم عددهـن بس مانيب بايعـهن كلهن أبي أبيـع اللي أقدر عليـه ؟


وترا واحد أو اثنين سألوني بالخـاص بس عجـزت أرد عليـهم يقولون لازم مشاركاتك فوق 66

أغديني أدور واحد له معرف فيه مشاركات وارسل لهم


شكرا

[الاسلام هو الحل]

اانت وين عايش .... ترى ماهوب بس الطيور ارتفع سعرها .. كل شي ارتفع .. حتى الشغالات

[4200]

اذا حولكم عشة حمام نجدي 250 الى 300 جوز علموني :d

[Leader.20]

الحين كل شي غالي حتى اللي يشحذن عند المساجد ما يقبلن ريال او ريالين تقوله ليش تقول كل شي غالي الحين:d هههههه .ماله دخل ......

[صقر الخالدي]

ياعزيزي ..... كل شي من برا سهل ومايكلف لكن مافي شي خالي ناقش واحد يشتغل فيهم احسب العلاجات والامراض وكم يموت طال عمرك وكان الكيس بثلاثين الظاهر ببدا اجيبه للبيت هونا بلا رز بلا هك ...... لكن وانا اخوك كان النيد على حمام تهون المشكله ترا مو ابلاسعار المشكله بنا حنا وين ترويض النفس مو قادرين اقاطعون ببسي ولا تايد وهم اهم بكثير, قالو الرز بينقطع قامو اتنافضون ..... خله على ربك البلا فينا حنا مو في ارتفاع السلع

[مراسل بريدة ستي]

الله يخلف ماارتفع الحمااااام الى يوم بعت اللي عندي ولاعندك احد يشري تلاحقهم املاحق لاويقولون ((((ســــــــــو تــــــخــــــــفـــــــــيــــــــــض الـــــلـــــه يعـــــــافيـــــــــك)) هالحين ابيع الجوز بـــ8ـــــــ لاوتبون تخفيض وبد عادى اسوي تخفيضاااات اشتر واحد جوز نجدي تحصل على بصبوص مجاناً.اهههههههههه

[سهيل اليماني (1)]

أشكر الجميع على التفاعل
ما توقعت يكون التفاعل مع موضوعي هذا بهالشكل
لا وصار بعض الأعضاء يبغى يبيع , والثاني يبغى يشري
بس ياليت أحد الأعضاء يتكرم ويروح للسوق ويا خذ لنا كم صورة
وينزلها لنا بهالمنتدى بتقرير كامل
لو أعرف أصور وأنزل الصور في الموقع كان نزّلت أنا التقرير

[{ كل همي رضا امي }]

الله المستعان على ما تصفون ؟

[المثقف بكل شي]

كيس الشعيربـ 31رياااال

[عضو محترم]

اوووه الحمام

على طاري الحمام

به واحد منهن ياقاله الجذاب اللي يروح لحمام ثانيات ولقط منهن ويجبهن لمك

والله فاااااله بس ما يجيب الى نجدي ولا هندي

[عازف الكي بورد]

الحمام كل يوم يرتفع سعره

اصلن شغلت الحمام او تجارة الحمام

مادخلت مزاجي

[ابو رائد 2010]

تجارة بيع الحمام ما وراهن إلا الدجه !!

عرفنا رجال ضاعت سنوات من اعمارهم على هذه التجارة واخرتها يعيشون الان على الله ثم الضمان الاجتماعي

[رعد3]

ياخوي ماشريت غالي بعت غالي

[أبوسامي 123]

يارجال كل شيئ ارتفع وشحيتهم:):d:028:؟؟؟؟؟؟؟؟؟؟؟؟؟؟؟

[المكشات]

يارجال الدنيا كلمالها تزود وتغلا حتى التراب صار غالي

[المبتسم1000]

لحمام يحتاج عناية ..... وامراض وشغله ....

[AL KAL]

صادز والله االسوق ارتفع انا عندي حمام نجدي بالمزرعه وحاطن عنده عاملنا حق المزرعه
ومادري عنه الا بعد اربع او خمس شهور وابيعه بالسوق ولقيت ان السوق ماشاء الله مرتفع

الشي الثاني انت تقول كيس شعير يكفيهن شهر < وووووووين شهرر قل اسبوع مايكفي شهر خصوصا اذا صار عندك كميه كبيره من الحمام قسم بالله تلقى الحمام طالعه عظامه

وأبي اسالك جابك الله مير ...... كم الدجــــــــــاج ؟

على طاري الحمام ودام هالوجيه المباركه موجوده

عندي حمام نجدي أحلي شي للتربيه متوالف من يشري .. ترا ماسيم
:d




انا اشتريهم على 12 الجوز وشرط تفريخ ويكونوا من ال100 جوز وطالع:105: ولتواصل معي 0503210513

[مزحلط]

انا اشتريهم على 12 الجوز وشرط تفريخ ويكونوا من ال100 جوز وطالع:105: ولتواصل معي 0503210513

ماعندي 100 عندي اقل بكثيرر

ولو عندي مانيب بايع على 12 :d