الغيـــــــره؟؟؟؟

[ملكة الاحاسيس]

السلام عليكم
بدخل بالموضوع على طول ماحب المقدمات
وحده البارح تهرج علي تقولي مشكلته هي غيوره مرررره بشكل خطير
تغار على زوجها غيره مو طبيعيه حتى تغار من امه واخواته
وتنهبل لاشافت زوجها يحب راس امه او يسلم على خواته
عاد امس زوجها دق عليها وقال بيوصل خواته لزواج ومير يطلع براسها نخل
وتبدا تطقطق باصابعه وتصبصب من العرق ويرتفع ضغطها عادي هذي امه واخواته بس ماااافي امل انها تفهم نبي رايكم ونصايحكم لها الله يرفع شأنكم بالدنيا والاخره لاني تعبت وانا انصحه وافهمه :oo

[بودرة نونو]

الحمدلله والشكر ..
هذا شي انا عاشرته بعيني .. والله اعرف وحدة تقول اتضايق لاصار يكلم خواته ويضحك معهن !
من الغيرة مايجلس لحاله مع اهله لازم تجلس معاه حتى لو في اخوان زوجها تلبس جلال وتقعد كل هذا غيرة من خواته !!
المشكلة خواته كلهن كبار وعيالهم متزوجين !
وقدرت تفرق بينهم والحين علاقتهم من 3 سنين سطحية من عيد لعيد !!
اعتقد انه هذا يسمى غيرة مرضية .. وفعلا هو مرض نفسي وهي تتوتر وتتصرف بهالشكل غصب عليها ... وهي بنعمة ان زوجها مامل من هالغيرة ولا لو احد ثاني قضبها الباب لانها تجاوزت المعقول بغيرتها من والدة زوجها !!

واذا صديقتك هذي فعلا تبي حل تتجه لرب العالمين وتدعو الله انه يخلصها من هذا المرض . ودايما تدعو (اللهم لاتجعل في قلوبنا غلا للذين آمنوا)

وتستوعب ان هذولي اخواته وامه والطبيعي والمعروف انه يجلس معهم ويسولف معهم ويوديهم ويجيبهم وتستوعب انها غلطانة ومخطئة اذا شعرت بغيرة من هالامر ..
المهم هنا كيف ( تستـــــــــــــــوعب )!
دايم تردد في خاطرها وخاصة لما تروح لهم تردد انه عادي لو تكلم معهم ..
تردد على نفسها وتحذر نفسها بالطريق لهم مثلا انها تتوتر او تغار وانه شي طبيعي
اذا وداهم ولا جابهم على طول تردد مع نفسها .. عادي .. طبيعي ..
ومع الاستغفار ان شالله بتتجاوز هالمشكلة .
لكن المصيبة اذا كانت صديقتك ماعندها استعداد لحل المشكلة . او انها ترى ان الخطأ منهم !! هنا فعلا مصيبة !

[بحرالفكر]

هذا اسمه غيره مرضيه

[ديما - - -]

معه حق تغار عليه بس بحدوووووود

[**((الحنونه))**]

هذي مش غيره .. تفريق وتشتيت شمل !!
هي ترضى ان زوجات أخوانه يعاملنه هي وأمه وخواته بنفس الطريقه اللي تسويها بأم زوجه وخواته؟
بطبع لا
إذا ماعدلت عن شره (الله يرزق زوجه ببنت الاجواد اللي تسره بــ نفسه وتجمع شمل زوجه بأهله)

[اميرة النساء]

صدق اصحاب العقول براحه هذي مو غيره هذي انانيه...ترضى على زوجة اخوه تسوي مثله استغفر الله اسأل الله العافيه

[< جميلة >]

اعتقد هذي لو زوجها لو يتزوج عليها تموووووووووووت على طول :081:
ومن المفروض الوحدة ماتكون ضعيفةو مستسلمة لعواطفها لهالدرجة :035:
حتى الرجال يحس كذا انه مخنوق معاها ,,
ويبدأ يبحث عن متنفس آخر,,

[قصيمية11]

والله ياانتن قلق يالحريم الحمدلله والشكر على العافية ونعمة العقل

[موكا بارد]

الغيره بحدود بس ماتاصل اني اغاااااار من امه وخواته مثل ماله حق بعد امه وخواته لهم حق الله يهديها يارب

[TOO-TOO]

غريبه هالمــره

المفروض تفهم ان هذي امه وهذولي خواته قبل ماتصير زوجته ...

الله يعينه ع نفسه ويبعد الغيره عنه ومن مثله .....

[َ ربـــــــــــى]

الله يعيننا على الدنيا ..

والله يعافيهم ويعافينا وكل مسلم ولا يبتلينا ..

[ام الزلمات]

هذه ليست بمريضه
بل متخلفه

[عسجد ..]

وعليكم السلام
هذي تعلقت بغير الله وتعذبت به
الي يتعلق بغير الله حياااااااااااااااااته عذاب صدقوني

[•°انكسار الأماني°•]

هذي مريضة عقلياً ونفسياً لو تزور مستشفى شهار أفضل لها ,

الله يشفيها ولايبتلينا .

,

[دلـع أأنـثـى ..!]

لا هذي الله يصلحه مهب غييره والله متنقاال

شللون بتعيييش داام بس عشاان امه وخواته
اجل لو صار شغله مع حرريم تسسسان اعتلقت

الحمد الله والششكرر تخلف
يالله انك لا تبلانا

[loquacious]

الحمد لله الذى عافيتنا فى ماابتليت به غيرنا و فضلتنا على كثير من خلقك

[تباشير المطر ~]

اعوذ بالله !
الغيرة هنا ليست غيرة بل مثل ماقالت الأخوات
انانية وتفريق شمل وكره وعدم صفاء مع الاخوات والام
فلو كانت تحب الأم والأخوات لحثت أخيهم على وصلهم
وكما قالت الاخت عسجد من تعلق بغير الله عذب به
والله لو كان الله همها لفرحت لحسن تعامل زوجها مع الناس
زوجة خالي - ماشاء الله - تحث خالي على والدتي وخالاتي
بان يقوم بإهدائهم الهدايا وعدم الإنقطاع عنهم
والسبب قرب هذه الطيبه من الله عزوجل
عرفت ماهي الطرق لرضاه فأنست به
اللهم اهدها وعافها من هذا المرض
وفقك الله ياغاليه ملكة الاحاسيس على مناصحتها اتمنى ان تخبريها
ان الغيرة بسبب تعلق قلبك به , والبعد عن الله

[قُنصـل ~]

مايؤلم بالفعل وضع الشيء بغير موضعه..

هناك من تعتبر رؤيت زوجها لفنانات أمام التلفاز أمراً طبيعياً!
وتموتها الغيره حينما تراه يقبل أمه أو يضم أخواته..!

هنا..أرى همجيةً وتخلف وتناقض لديها وللأسف..

[~{الغند}~]

على المرأه دائما وأبد ألأتجعل الرجل محيطها وعالمها الوحيد حتى لا تصل الى هذا الحد من الغيره وما تعقبه
من أمراض نفسيه تشقيها ولا تسعدها

[غريبة الديار]

**

الأفضل أن تكون الغيرهـ بحدود

عشان مايزهق زوجه ويمل

الله يعين بس ~

**

[نوووف]

الله يهديها هذي امه جنتوونارو المفروض هي الي تقواله امك هذه لاتقطع امك وهي الي تنصحوا لا يقطع اهلو وتحثوا علي خواتو فعلا انها مريضة نفسيه انصحها ان تزور دكتور نفسني

[乂♥ متفائلة ♥乂]

هذي فاهمة الغيرة خطأ !

على بالها أن الوحدة لا تزوجت تملك زوجه حتى بتصرفاته وتتحكم فيه ;)

الله يعافيها ولا يبلانا ~

[إمتزـآج روح]

●●

الله يعافيها ولا يبلانا

هذي انانيه وليست غيره وعليها ان تتقي الله في اخواته وامه

وهل ترضى بالمستقبل ان مرت ولده وقرة عينه تسوي به كذا ..؟

والله هذي بلوى الله يشفيه يااارب ولابد ان تبادر بحل مشكلتها حتى لو اضطرت ان تأخذ حبوب من الدكتور النفسي والله تجد الرااااحه ومع الوقت ان شاء الله تختفي ..

[توفي~]

اللة يعافية ولا تبلانا يارب

[زهور الوادي]

لا اقول الا الحمدلله على العاااااااافيه
وهذي ماهي غيرة محمودة
بس احب اقولك شي
خليها تقراء كتاب الرجال من المريخ والنساء من الزهرة وتقراءه بتمعن
حتى تدرك ان الللذي تسويه حااااااجة بايخة ومالها داعي واذا هي مصممه قولي لها تقول زهور الوادي الله يقويها
ويكون بعلمها ان زوجها ماجاب لها خبر ويستفزها وهي ماتدري وهي على بالها مسويه نفسها الزوجة المثاليه
ولو عرفت تقلب الللعبه كويس كانت كسبت اكثر
والانسان طبيب نفسه

[أحلى صبية]

وعليكم السلام ....

بصراحه صديقتك مريضه نفسيا هذي مو غيره تغار على زوجه
من أمه وخواته تغار عليه بحدود وزين ماشاء الله عليه اللي مداري
زوجته لو غيره كان مسكه الباب وﻻ اخذ له ثانيه تحشمه هو واهله...

ما اقول اﻻ الله يشفيه بس وخليه تكثر من اﻷستغفار وقوليله أحلى صبيه

تقول ترى بكرى زوجات عيالك ان الله أحياك بيسون سواتك بزوجك وأمه,,,,

[هايين]

والله ياخيتي انها مريضه
اما تقبيل راس الام تغار منه
وليتها تشوف رجلي وهو يحبب رجلين خالته اخت امه يقول هذي من ريحه الغاليه
ولا خواته اذا جت الوحده ضرب لها سلام
ومسك يدها الين تركب هذولي اهله اذا مافيه خير لهم مافيه خير لبنت الناس
عطيها ماء بارد وخليها تشرب ماء مقري فيه

الله يشفيها
...

[شاطى الامــــــاني]

الحمد لله والشكر

الله يقطع هالاشكال
اللي يوم اخذت هالرجل املكته

لايعيني هذولا اهله وامه قبل ماتصيرين زوجته

قطع الله بذرة ها لاشكال

بتفرق الرجل عن اهله

حسبي الله عليها

[معزوفة أنين]

وعليكم السلام
هذي تعلقت بغير الله وتعذبت به
الي يتعلق بغير الله حياااااااااااااااااته عذاب صدقوني

:41:41:41:41

:41يارب اهدينا جميعا :eek5

الأخوات ماقصرو كفوو ووفو بس بدون هواش :d

[لوليت]

صدقتي ياعسجد هذا حب فوق الحب الله يستر أثر قيس بن الملوح وحبيبته كانوا يموتون من العشق لأنهم جاهلييين وهذي مثلهم الله يعينه عليه

[غ ــيــومة||~]

لا تستغربين الغيرة من بنااات هالبلد

شي طبيعي !!

[$$هاديه ومملوحه$$]

الغيره بحدود بس ماتاصل اني اغاااااار من (امه) وخواته مثل ماله حق بعد امه وخواته لهم حق الله يهديها يارب

[سمره ومملوحه]

الله يعينه يارب ون شاءالله بعدين تعرف وتميز ان
هذي امه وهذول وخواته

[تهاني]

يارب الله يعينه على نفسه ..
ــــــــــــــــــــــــــــــــــــــــــــــــــ ــــــــ

[pink touch]

شفاها الله وعافها ..

هذه غيرة مذمومة ..

أنصحها بالرجوع لربها والاستغفار ..

وتخفف من غيرتها قد ماتقدر ..

حرآم تفرق بين زوجها وأهله !!

بس الحين غارت انه يودي أهله وخواته لزواج يعني خايفة يشوف خواته متمكيجات ومتزينات !!

يعني ماوثقت بنفسها !!

أجل لو يسافر بهن وش تسوي الله يهديها ..


بعض النساء تحب تملك زوجها لها فقط

انصح اللي عنده نفس المرض تآخذ زوج مقطوع من شجرة

ويعيشون بغابة مايدري عنهم احد .. :)

[تهاني]

pinktouch

ومتى يحصل واحد مقطوع من شجره

هههههههههههههههههههههههههه
ــــــــــــــــــــــــــــــــــــــــــــــــــ ـــــــــــــــ

[الجمان]

طيب هل هي ترضى ان زوجها يغار عليها من اخوانها
ويزعل اذا سولفت او ضحكت معهم ؟؟
هذي غيرة مرضية بلاشك ...
لكن مع كل هذا ماندري عن ظروفها
بعض الاهل بلوى
انا اعرف خوات يستعرضن قدام اخوانهن الله لايبلانا
وبعض البنات تلبس ملابس فاضحة وبناطيل ضيقة توضح كل شي قدام اخوانهاوالله ياانتن قلق يالحريم الحمدلله والشكر على العافية ونعمة العقل وانت وش انت ؟؟؟!!!!!
لا تستغربين الغيرة من بنااات هالبلد
شي طبيعي !! وغير بنات هالبلد مايغارن ؟؟؟!!!

[بنـــــــت عـــــــــــــــز]

الله يهديه ويفتح على قلبه وترا يابنات احيانا يكون بين الزوجه والحموله حزازات ويكون الجو موصافي فهذا يخليه تغار
ولا لو علاقتهن مع ببعض حلوه ومعتبرين بعض مثل الخوات كان ماوصلت الامور لهلحد من الغيره...والمفروض من الوحده مهما صاربينه وبين حمولته ماتدخل زوجه بالموضوع وتعبي راسه على اهله وتطلب منه ينهي علاقته فيهم لأن مهما كان هذوا اهله دمه ولحمه..الام مابداله ام والزوجه بداله عشر,,,الله يهديه وبرده لصوابه,,,


والخوات الي يقولن تحمد ربه الي مامسكه الباب,,يابعدي انتي هذاك منول ولا الحين السلطه بيده وياما سمعنا برجال خربتهم حريمهم على اهلهم ..مير الله المستعان,,,

[Unique Lady]

لازم تفهميها ان زوجها ملك لها لو جلس مع خواته علاقته فيها تختلف جذريا عن علاقته بأخواته لانهم محارم له وهذا مايستدعي انها تغار منهم ,,, الشي الثاني هاذي الغيره تسبب نفور الزوج على المدى البعيد وكثير من المشاكل..

[اهوما]

صدق الناس عقول .......

المصيبة انة خواتة وامة:070: يعني مب اي وحدة


يعني الحين تغار من خالتة و عمات عيالة

ماأقول إلا الله يعا فيهم وما يبتلينا....:d