هل رجل الامن ملزم بتعبئة جميع حقول المخالفة قبل تسليمها للمواطن ام لا

[أديب المجلس]

الملاحظ ان رجل الامن عندما يقوم بتحرير مخالفة للمواطن لم يقم بتعبئة جميع حقول المخالفة بل يكتفي بتدوين الاسم ورقم البطاقة ورقم لوحة المركبة ونوع المخالفة ويتم تسليم المخالف الصورة الصفراء ، وبلا شك تسلم للمخالف بحقول خالية مثل اسم محرر المخالفة ورقم بطاقتة وغيرة ومن المحتمل ان يكمل تعبئة الحقول عند تسليم ورقة المخالفة البيضاء لجهة التسجيل

ومما يبدوا ان هناك مخالفة بهذه الطريقة لانه من المفترض ان تسلم للمخالف كاملة منعا لتبادل دفاتر المخالفات ، ولضمان ان يكن محرر المخالفة من سلم له الدفتر اصلا

فمن لدية معلومات بهذه الخصوص الرجاء ايضاحة والسلام

[فان در سار]

خله على ربك ..انا من وجهه نظري اوصخ واكثر قطاع فيه الفساد هم القطاع العسكري من مروور ودوريات ..ألخ

بس الواحد المفروض مايخالف ويريح رااسه ..

يعني سرعه ممنووع ليش تسرع ..تضليل ممنوع ليش تضلل ...وهكذا

يسلموووو

[آبو عمآر]

مادام نموذج المخالفة الرسمي يوجد فيه حقول معدة رسميا لتعبئة فمن الضروري جدا تبئتها حرفا حرف وإذا لم
يلتزم رجل الأمن يصور نموذج المخالفة ويبلغ مرجعه حفظا لحق المواطن

[شميساوي]

يا أبن الحلال ....

خله على ربك ,,,, هـ القسايم أكلتنا وجحدتنا ....

قبل كم يوم شيكت على المخالفات اللي علي ,,, حصلت علي قسيمه وحدهـ ....

والمشكله أن سبب المخالفه ماله داعي ... وهو السير بمركبه زراعيه في الشارع !!!!!!!!!!!

وش المركبه الزراعيه اللي أنا سايقها ؟؟؟؟؟

خرابيط ما بعده خرابيط


...

[غاف]

اخي ابرق الشيوخ

المشكلة أنه مافيه توقيع المواطن على استلام المخالفة بعني العسكري ممكن يلعب على كيفه
لكن لوفيه خانة توضح توقيع المواطن المرتكب للمخالفة كان انحلت الأمور
يعني إذا ارتكبت مخالفة وجاء العسكري يمنحك مخالفة ولا حظت أن بعض الخانات لم يقم بتعبئتها لا تستلم المخالفة وقله كامل باقي الخانات وإذا رفض انت ارفض استلام المخالفة وبكذا إذا بغيب تجدد رخصة أو غيره وقالو ان عليك مخالفة قل أنا ما وقعت على المخالفة واذكر السبب
صدقوني لو يطبق هذا النظام لأنتهت مثل هذه المشاكل نهائياً
واتمنى من وزارة الداخلية النظر في هذا الموضوع ودراسته وتطبيقه بأسرع وقت ممكن

صورة مع التحية والتقدير لسعادة الفريق/ سعيد القحطاني مدير الأمن العام
صورة مع التحية والتقدير لسعادة اللواء/ سليمان العجلان مدير الإدارة العامة للمرور
صورة مع التحية لكل مدير إدارة مرور بالمملكة وأولهم سعادة العميد/ عبدالعزيز الخلف مدير إدارة مرور القصيم

[ضايق الصدر]

يـُكتب اعلى المخالفه من الجهه اليسرى رقم الفرقه والوقت والتاريخ
وبهذا يمكن التحقيق مع محرر المخالفه عند وجود خطأ وذلك بعد الرفع بشكوى الى مرور المنطقه

[عذب النوايا]

أبرق الشيوخ

شكراً لك على هذا الطرح ,,, وبالفعل تساؤل يجب أن يجد من يجيب ويرد عليه ومن جهة الاختصاص

لماذا لا يقوم رجل المرور بتعبئة الحقول التي تترك فارغه وما أكثرها في المخالفة المرورية

والهدف من ذلك هو أن يجد من يقوم بالاعتراض على المخالفة ما يبين له وقت ومكان وحالة المخالفة و أن يتذكر ويرض بمخالفته ويسددها بنفس راضية مرضية أو أن يرد له حقه ويحاسب من أخطأ ( رجل المرور المخطئ ) .

تحيتي لكم ,,,

[غريب احساس]

غير ملزم
بس تحديد الخطا

[ابوولعf]

خله على ربك

[ابو شرين]

اللي شفته بطريق الرياض مسوين نقطة للمسرعين
الظابط المسؤول حاط اللابتوب فوق كبوت السيارة وياخذالرخصة ويحط الرقم بدون قسايم

[طارق العتيق]

المفروض يتم تسجيل كل حقول الورقه لكي اذا واجهت مشكله بتحرير المخالفه يتم التفاهم مع العسكري ..

تحياتي

[قصمنجاوي]

انا سمعت بعض امن الناس أنه يقول أن الذي ينهي دفتر القسايم الي معه يطلع له يومين كشكر له
وهو لذالك يقوم بظلم الناس لكي يحصل على هاليوم والله أعلم

[shahen]

يا أبن الحلال ....

خله على ربك ,,,, هـ القسايم أكلتنا وجحدتنا ....

قبل كم يوم شيكت على المخالفات اللي علي ,,, حصلت علي قسيمه وحدهـ ....

والمشكله أن سبب المخالفه ماله داعي ... وهو السير بمركبه زراعيه في الشارع !!!!!!!!!!!

وش المركبه الزراعيه اللي أنا سايقها ؟؟؟؟؟

خرابيط ما بعده خرابيط


...

عندنا لا تستغرب شيء ! :d

[أبوسعدون]

الملاحظ ان رجل الامن عندما يقوم بتحرير مخالفة للمواطن لم يقم بتعبئة جميع حقول المخالفة بل يكتفي بتدوين الاسم ورقم البطاقة ورقم لوحة المركبة ونوع المخالفة ويتم تسليم المخالف الصورة الصفراء ، وبلا شك تسلم للمخالف بحقول خالية مثل اسم محرر المخالفة ورقم بطاقتة وغيرة ومن المحتمل ان يكمل تعبئة الحقول عند تسليم ورقة المخالفة البيضاء لجهة التسجيل

ومما يبدوا ان هناك مخالفة بهذه الطريقة لانه من المفترض ان تسلم للمخالف كاملة منعا لتبادل دفاتر المخالفات ، ولضمان ان يكن محرر المخالفة من سلم له الدفتر اصلا

فمن لدية معلومات بهذه الخصوص الرجاء ايضاحة والسلام

مشكور أخوي على التنبيه من اليوم ورايح أخلي العسكري يصير خايف راح أدقق عليه وأخلي المخالفه عليه وأخذ راحه يومين للبيت ههههههههههههه مشكور على التنبيه لاخوف بعد اليوم
راح نسوي حمله

[قــــصيمي]

الي يخطي يستاهل

[قــــصيمي]

يستاهل

[Abo-Hssan]

انا سمعت بعض امن الناس أنه يقول أن الذي ينهي دفتر القسايم الي معه يطلع له يومين كشكر له
وهو لذالك يقوم بظلم الناس لكي يحصل على هاليوم والله أعلم





لا مهوب صحيح ما يعطى لا شكر ولا شيئ :oo .....

[ابوفهد بريدة]

لا وزودك من الشعر بيت، هاالحين اغلب العساكر يفك الاسم اللي على بدلته!!!!
ولا يلبس الطاقيه
تخلف عينك عينك

[ولد روما]

غير ملزم
بس تحديد الخطا

[k&n]

السلام عليكم ورحمه الله وبركاته

يعطيك العافيه على الموضوع

انا مره مو مسرع بس حسبي الله عليهم

والله مايعرف كم امشي سجل بس سرعه يعني تخيل القسيمه مافيها الا اسمي ونوع السياره وكااتب سرعه بس

حسبي الله عليهم

والي يقول تسير مركبه زراعيه هاذا سرعه الي يصورون بسيارة انا لي زي كذا بشرقيه طبعا لقط لي صورة وحصلت المخافه

[k&n]

على فكره الي يخلص دفترين يعطى تعديه او زي ماتقول راحه


الي يقول مهب صحيح اسال اذا تعرف احد

[سعودي مغترب ببريدة]

هههههههههههههههههههههه تعرفون الانظمه ماشاء الله صارت شغلتكم بس المرور الدوريات الدوريات

المرور ليش ما تعلمونهم النظام بعد صج اهل العقول براحة,,,, صراحة انا ادخل المنتدى علشان اطالع الموضيع واضحك

[عشير النشاما]

أهم شئ عندهم السجل المدني علشان تثبت القيمة

[الاسلام هو الحل]

الصحيح يجب عليه تعبئة النموذج كامل ، المهم يعبيها معلومات صحيحة

انا صار معي موقف و الله على ما اقول شهيد ...... الشرطي سجل رقم الاقامة خطا .. و الجنسية خطا .. و رقم السيارة خطا .. الشيء الصحيح هو اسمه ... ((( و انا ما انتبهت وش كتب على الورقة ))) بعد اسبوع رحت لم الصراف ادفع المخالفة ما هي موجودة .. صار اسبوعين ... صار شهر .. خفت تتضاعف رحت للمرور .. و اكتشفوا الخطا مباشرة .. بس الحمد لله ما ضاعفوا المخالفة

[LOVELORN]

يا أبن الحلال ....



خله على ربك ,,,, هـ القسايم أكلتنا وجحدتنا ....

قبل كم يوم شيكت على المخالفات اللي علي ,,, حصلت علي قسيمه وحدهـ ....

والمشكله أن سبب المخالفه ماله داعي ... وهو السير بمركبه زراعيه في الشارع !!!!!!!!!!!

وش المركبه الزراعيه اللي أنا سايقها ؟؟؟؟؟

خرابيط ما بعده خرابيط


...





وش سالفتهم مع المخالفة هذي
واحد من خوياي عليه مخالفه كذا المشكله هو لو تعطيه غير موتره ماعرف يسوقه وشلون يسوق مركبه زراعيه ....؟؟؟؟ :confused:




.