تخيلوا اننا في بيت واحد ... وش يبي يصير ... يالله اعطونا صلخكم ..[/

[مدحت شوقي بريده]

هذا موضوع قديم .
كان حد الأخوه قد طرحه .. ولكن لظرف حصل في المنتدى تم حذفــه مع جمله من المواضيع ...

فكرة الموضوع ..

تخيلوا اننا في بيت واحد ... وش يبي يصير ... يالله اعطونا صلخكم ..

[الطيــــر]

قصدك عزوبية ساكنين مع بعض ...

أصلخ صلخي وأتوقع إن سعفه هو الطباخ لنا ... وأنت يامدحت عنيد ودايم ملاقط مع سعفه ..!

والجنرال دافووووور بالدراسة ودايم يهووووش على الشجاع والداعية لأنهم كسالى مهسترين ..!

والنمر على نياته وهو وعلى نياته حووول بعض دايم روحات وجيات مع بعض ..!

عطش الرمال والجارح تنسيم X تنسيم دايم مشاكل مع الناس ومع حقين البقالة الهنود اللي بجنب العمارة حقتنا تعرفها يا مدحت .......!

أنا وأعوذ بالله من كلمة أنا صاحب الشقة اللي أنتم ساكنينها ودايم مسنتر عند بابكم وأبي الإيجار ودايم يطلع سعفه ويسلم على وريحته كشنه ويقوووووووول الشقة ما بها أحد .... أقوووووله الإيجار يقووووووووول إذا جاء مدحت ومدحت مووووووجود لكن سعفه الله يحلله نصاب وراعي تصريف ...!

هذا صلخي لهذا اليوم ونلتقي في صلخات أخرى ... أستودعكم الله الذي لا تضيع ودائعه ...

والسلام

[السمو]

السلام عليكم
لو كان ماتقول
قسم بالله لأصير أحسن عالم بالدنيا
وأحسن نكوتي بالعالم كله
أدرس العلم الشرعي عند بريده وبس وجدس البأس وباقي الشباب
وبعد العشاء درس بالطهبله عند مدحت وسعفه والشله
عاد وش رايك بالتحليل صح سياسي ***** والله ياهو درنقه

والسلام عليكم ورحمة الله وبركاته

[=> قناص بريدة <=]

الأخ مدحت هذا اسمك بالإنجليزي :: شكله حلو ::

وأتوقعك مدرس خصوصي بتاع كله
اسمك ..

Midhat Shawqi

وخوينا سعفه وبطل العالم وكيش اشمنت ببيت وحده :: اتخيل البيت يتشقق ::

من الهسترة

[هاني كريم]

يااااااااااااا ألبي .. تشكر على هالفكرة ..


قناص بريده أذا تشقق البيت أبد لا يهمك .. خابرن لك شطنطووور لزقه

[مدحت شوقي بريده]

اما انا دخلت مره ومعاي الواد مصطفى ..

ولقيت شن الحلايا بطل العالم ومعه سعفه يلعبون مصاقيل ...

ولقيت الذهبي حسران ورايح لدورة المياه ويطق الباب ويرد عليه المرصاع يقول مشغول ياخي ..

راح الذهبي لطرف الحوش وقال به .. وع ..

والعله عطش الرمال ماغير يلاحق مصطفى وقوله انت يالطعميه ...
خل ابوك يدخل بالمجلس والله لاافضخك .. ياساتر ...

والشجاع ياحليله ز.. صاف النعال ويلعب بهن سيارات ..

ودخلت لم مصطفى عند الحريم ..
جت تقول .. ماعندك احد قلت ليه ..

قالت يلعبن دور ..

عاد الوعد بكرا ..

[مدحت شوقي بريده]

دخلت اليوم ولقيت بطل العالم واقف عند الثلاجه ..

وبجنبه سعفه .. يصكون الثلاجه همن يفتحونه قوه ..
ويوم سالتهم قالو نبي نشوف من اللي يفتح اللمبه ..


شوي الا لشامخ يلحق نور الشمس .. يقولوه انا حلي بي الكرسي الدوار ..
امير يجيهم الأمبراطور قال يالله الكرسي لي انا الكبير ..

اما المرصاع فاسخ ثيابه ورايح للحمام ماعليه الا وزره ..
ويوم دخل يبي يتروش وحط الشامبو والصابون ..
امير ينقطع الماء .. ويقعد يلجلج افتحو الدينمو .. والشباب رادين بوه ..
عاد ياخزياه طلع وهو مصلوخ وراح يولع الدينمو ..
قلتلوه .. هيه ياولد عيب تستر ..
قال لا ماعليك مغمض ..


والباقي بكرا ...

[رسيــل]

السلام عليكم ورحمة الله وبركاته...

أخي الكريم مدحت شوقي بريده ...
موضوع رائع مضحك لدرجة انك في لحظه تنسى همومك التي تحملها ... جزاك الله الف خير على ما ابدعته يداك ...

أما بالنسبه لي مالي خلق انقّل جلالي معي من مكان لمكان :D عشان كذا وش يجيبن معكم ;)

الا كانك بتجيب ام مصطفى تقعد معي وتوسع صدري .. اكون ممنونه وارجع للموضوع واشارك :o

[رسيــل]

عذرا ...:)

بعد أن أرسلت ردي الاول اكتشفت ان فيه ام مصطفى وحريم ودنيا :D

يعني موب انا بلحالي بس ...
والله ونااااااااااااااااااااااااسه أثركم ... تاخذون حريمكم معكم اذا رحتوا وجيتوا ;) ;)

أما بالنسبه لنا يالحريم ... فحنا عقدنا اجتماع ... قررنا فيه ما يلي :

* التخلص من مسؤولياتنا جميعها من طبخ وغسيل وكوي (( اللي بتله ما يجوز لكم )) وغيره وغيره ... وجدعها جميعها على الرجال :D:D

* كل يوم ستبعث لكم قائمه مع المحروس (( مصطفى )) فيها طلباتنا على الفطور والغدا والعشا ... واياكم اياكم والتلاعب اما باكثار الملح والفلفل او الخربطه في المقادير ترانا حاطين كميرات تجسس عليكم بالمطبخ :D:D

* كل يوم من بعد الساعه 11 بالليل سترسل كل أم (( رضعانه )) كللللللهم الى ولي أمرهم ليتكفل بأمرهم حتى تصبح الأم فكلكم يعرف ما تحتاجه المرأه من وقت طويل للنوم حرصا منها على الاهتمام بنفسها ...

* الباقي بارجع اكتبه لن لم تشن علي حرب في هذا البيت وتُقلب المظاهرات ضدي مطالبة بطردي من البيت :eek: :eek:

[مدحت شوقي بريده]

رسيل ...

اها بس بلا خرط ..

كل الأمور اللي ذكرتي ... تبع الحريم .. ماعلينا منكن ..

الا الرضاعـــه .. عندنا الدبي عطش الرمال ..
نلقمه هالبزارين ويرضعون منوه ..
عاد عنده اليمين كامل الدسم واليسار قليل الأدب قصدي قليل الدسم ..

ويصير امهم من الرضاع بعد ..