ياساتر يارب ارتفاع اسعار الحلاقين في بريدة

[doom4444]

السلام قبل الكلام ايه الأخوة الكرام وبعد تفاجأت الاسبوع الماضي بارتفاع سعر حلاق كنت متعود انا وأولادي ان احلق عنده فكان يحلق اولادي بالمكينة بخمسة ريال اي الأثنين بعشرة ريالات وقبل يومين رحت له وبعد ماحلقهم مكينة قال الحساب علشانك بخمسة عشر ريالا علشانك عميل والا المفروض اخذ عليك عشرين قلت وش السالفة قال البلدية تشترط علينا اكياس بلاستيك لكل زبون بدل القماش ويستخدم مرة واحدة ويرمى وايضا موس جديد لكل زبون ويرمى بعد لاستخدام ولازم نزود علشان نستفيد ولا نخسر فهل الزيادة من رأسه ولا من البلدية وشتراطاتها ياليت تفيدونا والله يستر من زيادة الاسعار بدون مقدمات

[فارس الصوتيات]

كلامه صحيح بس ما تصل لرفع السعر يعني درزن أكياس بريالين وكرتون أمواس بريالين وكيس الزبون سفرة بخمسة

يعني كلها عشرة ريالات وإلا وش رأيك

[ابوولعf]

هذا القرار على السعوديه ولايسة بريده فقط

بس الاسعار غاليه

[ابرا كدبرا]

[بلغ 940 الامانه تعطيهم الاغراض
هي وقفت 10 ريال في حلاق بالضاحي يحلق الراس 20 ريال

[doom4444]

والله ما دري لاكن ابي اسعر واشوف الحلاقين الثانين يمكن هو طماع نروح ونتركه

[بولوهي]

انا محلق الاثنين اللي راح والسعر على ماهو عليه بس زاد ريال حق الموس الجديد ..
واذا كنت تحلق عيالك مكينه .. انصحك انك تشري وحده ازين لك

[{ كل همي رضا امي }]

الله يستر كل شي ارتفع ؟

[سهيل اليماني (1)]

يا رجال دامك في هالبلد بع واشر على كيف كيفك
بدون رقيب ولا حسيب

[r.x.x]

اللي ارتفع الببسي موب غريبه يرتفع الحلاق
بعدين حتى القهوه ارتفع سعره اصبروا بعد شوي
كل شئ يبي يرتفع
باتسر يقولون المشي بالشارع بقروش والله العضيم عالم
والله ياهم العبوا بنا لعب
مير الشكوى لله

[فتى الطرفية]

الله يستر من غلا الأسعار

[فهد لاين]

حتى المسواك يبي يرتفع

[أبوريناد]

لاتحلق عند الأتراك وروح عند أبوهنود ..

[ss.sa]

وبعدين ترا فية شنطة تنباع عند الحلاقين به كلا عدة الحلاقة

[أبورامي]

ماشفت شي بعد أبوشكيم يحلق بـ 30ريال

[ابوبدر2010]

يارجال العشرين اخت الخمس طعش عطهم يستاهلون ..

[دائما مبتسم]

[بلغ 940 الامانه تعطيهم الاغراض
هي وقفت 10 ريال في حلاق بالضاحي يحلق الراس 20 ريال


الضاحي جهمورية مستقلة وليس للأمانة دخل فيه لا شوارع و لا نظافه و لا محلات

خاصة الأحياء الجديدة فيه ( مثل روابي وغيره )

[صفقة هواء]

عادي ... اهم شي مايكون سوري أو تركي

[ابــو سامــي 1345]

تـــســـذا نـــنــجــبر انــنـا مانـــتـــزوج ونــنـجـبـر انــنـأ مـانــجـيــب بـزاريــن عــلــى شـــان مــانــحــلــقــهــم:mad:

<<< ياساتر كل هذا على شان عشرين:d

[البيضة]

اهم شي النظافة والاسعار بك بك لا محالة لان >> الأمـــر من البلدية يعني غصب ع الحلاقين كل ألأدوات

يعني يد العامل والطاولات وملابسة << هذا نقطة ناسينها !!

[قصي 100]

انا حلقت عند واحد وقالي بعد التحليق قالي الاغرااااااااااض عليك

[frga_610]

صح النوم ياdoom4444 كم لك ماحلقت

[بريده احلا]

صحيح .. و ما علاقة الموس و هو حالق لعيالك بالمكينة .. و الكيس البلاستيك بـ 4 هللات .. من القهر ..

[صاحب السمو2010]

سعر الكيس ريالين

[قصمنجاوي]

الله يستر على كذا يمكن بعد عشر سنوات تلقى تحلق يمكن بــ 200 ريال الله يستر

[بليسي]

أنا محلق ب8 عند أبوهنود