نداء من ورى الكبري

[ابو شرين]

الى الامانة والامين هل بريدة فقط مايقع قبل الدائري وماخلفه ليس تابعا لها

وهل الديرة منطقة مقدسة ومابعد الدائري اراض وبيوت واناس ليسوا من اهل البلد

لقد جعلتم من منطقتنا ملتقى ومزار لاصحاب التتن والتتانة بسبب قراراتكم الفاشلة

اتجهت اليها اقدام العمالة وسيارات الشباب فاصيح ابنائنا يشاهدون الناس يدخلون ويخرجون بانواع والوان واشكال من الدخان فلماذا لماذا تحرصون على ابنائكم دون ابنائنا

رسالة طلب مني ايصالها عبر الموقع وله كامل الحق في انتقاد تصرف الامانة والامين

[ღ.. متآبع بصمت ..ღ]

, , ,



والله يأبو شرين خلهم ينظفون الي من داخل
وبعدين ينظفون الي خارج
وبعدين من قالك إن بريدة مافيها دخان
رح للخبيب تلقى الهنود والبنقال معهم أنواع وأشكال وأعداد
ودرزن وكل شيء


لك ودي :)



: 12



, , ,

[متصفحة]

للأسف ربما يكون الوضع زاد تخبط ..
يفترض من الأمانه انهاء البيع من جميع بقالات ومقاهي وغيرها ببريدة اجمع وليس بمكان عن اخر ..

[اخو دريحم]

بقالة التشليح ياساتر مجمع للشباب و الشيبان التتانة

اشكالهم نحمد الله على العافية


أسأل الله العفو والعافية


أسأل الله العفو والعافية

أسأل الله العفو والعافية

أسأل الله العفو والعافية

[حـنيت]

،،
أهنيك علي موضوعك اللأفت
،،

[frga_610]

لا تدققون 75% من شباب بريده يدخنون .. وفيه موضوع قبل فتره كتبه احد الاعضاء عن المصايب اللي صارت بعد قرار بيع الدخان خارج دائري بريده .. ربما انهم منعوا شي بس فتحوا الباب على شي اعظم من ناحية ثانية ..

[ابوالمعالي]

كلام سليم الله يعطيك العافيه

[أبورامي]

النظام أول أحسن وش يمنعون ووش يخلون

[ابو شرين]

اشكر للجميع مداخلاتهم والموضوع مجرد دليل من مجموعة ادلة على تخبط الامانة وانها تصدر القرارات دون دراسة

ممكن الامين يجاوب ليش التتن ماينباع بالديرة ويباع ورى الكبري نبغى الاسباب اتحداه يعطي سبب مقنع
يعني بالديرة اوادم وورى الكبري مش اوادم
فالمدخن يقول ليش تحرمونه علينا وتحللونه للي ورى الكبري
واللي مايدخن يقول ليش تحرمونه على عيالكم وتحللونه لعيالنا

الغريب ان المعسل مسموح خخخخخ امحق عقل يا ناس
شكلهم مايدرون وين الله حاطهم في احد التقارير راس معسل عن بكيت كامل يعني بطقة وحدة
تتن وخبز هنود وشجر يجيب المرض وحفر اللهم ياكافي كانها قبور
شوارع رغم قصرها المقاول يتبطح فيها شهور وكلنا شفنا المطينة باحد المواضيع والستين وش نقول وش نخلي

اقسم بالله ما اعرف الامين ومابيني وبينه شي حتى ما اعرف اسمه بس العاقل مايرضيه اللي يصير مع امكانية الظهور بمظهر افضل نبي نشوف ديرتنا احسن من كذا والله من وراء القصد

[بريداوي اصل]

لا الحين وين يبعونه في محلات البيع النحاسيه اي محلات الشيشه ..

[مجنون سعد11]

كلام سليم