لأول مرة : الرؤيا تنعدم ببريده بسبب الضباب الكثيف ,, الحذرلقائدي السيارات ,,

[فشخره]

ربما لأول مرة تحدث الرؤيا شبه معدومه بمسافة لاتزيد عن 50 متر



ببريده بسبب الضباب الكثيف , منظر عجيب جميل ومخيف في نفس



الوقت , يلزم الحذر للجميع , وخاصة القادمين لبريده ,,



الساعه السادسه والنصف صباحا ,,,

[ابوولعf]

الله يستر من الاجانب وسواقتهم

مشكور على الموضوع

[فشخره]

الله يستر من الاجانب وسواقتهم

مشكور على الموضوع



صباح الخير أبوولع , صادق الله يستر منهم ومن غيرهم بعد


والله يستر على المدرسات والطالبات وخاصة اللي عملهن


خارج بريده أو اللاتي يأتنين لبريده , الله يحفظ الجميع من كل


مكروه , سبحان الله العظيم , بريده اصبحت باريس العرب ,,

[California]

الان الساعه الساابعه ولازال الضباب كثيف وشديد


اسال الله العافيه والسلامه

[فشخره]

بصراحه مفروض اليوم عطله ,, الرؤيا صعبه ,, الله يريد بنا خير ,,,

[ريــــــما نجد]

اي مررره ضباااااب الله يستر


ليتي ادرس عشان اغيب:d

[فشخره]

الساعه 8 وعشر دقايق توي جاي الشوارع زحمه والضباب لايزال كثيف ووقعت حوادث


إن شاء الله بسيطه , السيارات مضاءة الأنوار وكذلك الفليشر تحذيرا للجميع الله يحفظنا من كل مكروه ,,

[فشخره]

الساعه التاسعه صباحا ,, ياملحك يابريده ,, الضباب لايزال كثيف ,,


والجو بار ,, الله يجيب المطر ,, نستأذنكم ,,

[مراسل بريدة ستي]

الان الساعة 9.30د ولامور مستمره.

[جست مي]

قوووه ضباب..

والله اني رجعت من بعد مامسكنا طريق الجامعه ...وش نسوي مايشوف شي

الله يستر

[ابوولعf]

في اشارة الفروسيه حادث كامري لكزسس قلابي هايلوكس وفيه حادث فورد وانت وجهك الى اشارة الفروسيه \\\

الله يستر في كل مكان حادث من انعدام الروائي

[Fast]

الله يستر

الساعه 10.5


تقل خف شوي

[ابو شرين]

وانت الصادق هذي الثانية بس اليوم بزود

حافظين الدرب للمدارس صح والله يستر من الغشمان وسواقين الاكشن موفي

بالمناسبة وبصفتي خبير ضباب خخخخ من سكان الشرقية سابقا
الضباب يكون اكثر خارج البنيان يعني اللي بيته باطراف بريدة زين ان شاف مفرق البيت

[حرم الدكتور]

هال زال الضباب الان ام لا؟؟؟؟؟؟؟؟؟

ياليت تحطون صور

[السفير ترووك]

في اشارة الفروسيه حادث كامري لكزسس قلابي هايلوكس وفيه حادث فورد وانت وجهك الى اشارة الفروسيه \\\

الله يستر في كل مكان حادث من انعدام الروائي

هذا رااعي الهايلوكس ولد خالتي جااي من الاسياح بعد تعطل الباص حق جامعة البنات واخذ اخته وثلاث بنات من الاقارب

والقلابي قدامه عند اشارة الفروسية وماشافه دخل بالقلابي وطلع هو سليم واخته بالمستشفى الله يقومه بالسلامه والبنات الباقيات ماجاهن شي الحمد لله

المفروض بالاجواء يمنع الدراسة والدوام خارج المدينة

اخوي رايح لدوامه بالاسياح يقول عشرين حاادث على الطريق لكن كلهن دقشات بسيطة

[ابوفهد بريدة]

الساعه الخامسه والنصف فجراً الرؤيه معدومه تماماً إلا لمسافه قريبه جداً تقريباً عشر امتار.


شكراًلكـ

[ما عُدتُ أنا]

اممم..

يعني مو بس عندنا...

[غــرااميـ لعبتيـ]

الله يستر على المسلمين
ويحفظهم

[ღ.. متآبع بصمت ..ღ]

, , ,



اللحمد لله راح الضباب بس والله ياهو قووي
أمشي 20 من بيتنا للمدرسة :d





: 12


, , ,

[صنهــآته]

الله يحفظكم ويستر عليكم ياهل بريدهـ ..

[ودي أشارك]

هذي بعض الصور من جوالي على الطاير
http://files.mothhelah.com/img/TRA20634.jpg
http://files.mothhelah.com/img/Rho20635.jpg
http://files.mothhelah.com/img/Bkn20635.jpg
http://files.mothhelah.com/img/Nwo20635.jpg
http://files.mothhelah.com/img/n5320635.jpg
http://up.7cc.com/upfiles/UJi20710.jpg
وهذي صورة اشارة القصور الملكيه مب واضحه من الضباب
http://up.7cc.com/upfiles/X0T20710.jpg

[ماشي وين؟؟]

الله يستر ع الجميع

[صنهــآته]

لا إله الا الله ..
صور الضبــاب .. مخيفه ..
الله يحفظكم ويستر عليكم ........
انتبهوا لأنفسكم ..

[ماير]

الله يستر..ويحفظ الجميع..

[فشخره]

قلنا لكم بريده باريس العرب , بريده أم الضباب , الحمدلله على سلامة الجميع


والله يعوض من تعرض لحادث بسيارته , والله يشفي من تعرض لإصابه ,,


لقد كتبنا وحذرنا , ولكن لن يصيبنا إلا ماكتب الله لنا ,, شكرا لكم جميعا ,


وشكرا لتواجدكم بموضوع الضباب ,, ههههه


الساعه 10و5مساء الجو بارد شوي وغيوم ,جورائع ,,,