المساعد الشخصي الرقمي

مشاهدة نسخة كاملة : افتتاح فرع اخر لماكدونالدز ببريده

معاذ 888
20/12/1430 هـ, 12:45 صباحاً
سيففتح ماكدونالدز ان شاء الله فرعا آخر قريبا في بداية السنة الميلادية الجديدة
والمواقع المتوقعة _ بجوارأسواق بركتين, الموقع الثاني بعد كوبري الدائري.
وسيكون الافتتاح بمشيئة الله تعالى خلال العشر الايام الاولى 1 2010
تقبلو ا تحياتي معاذ 888
الذهبي
20/12/1430 هـ, 12:51 صباحاً
مشكور وما قصرت ... على الخبر ,,,

على الأقل تخف الزحمة اللي بالموقع الحالي ....
mr.muhmmed
20/12/1430 هـ, 01:35 صباحاً
متى تعشينا منه :09:




الظاهر إنهم هونو مهب فاتحين فرع , :113:
معاذ 888
20/12/1430 هـ, 01:38 صباحاً
مب حقك والله.
حقك مفطح فيل على الفحم.
See_you
20/12/1430 هـ, 03:33 صباحاً
الله يبشرك بالخير

نفتك من المشوار البعيد
برنسيسهـ
20/12/1430 هـ, 03:48 صباحاً
وين المقاطعه ياشبآآآآآآآآآآآآآآآآآآآآآآآآآآب هذا وانتم بريداوين حلال وحرام ولابطونكم تنسون كل شي
في مليون مطعم بديل يعني وقفت على ماكدونالدز انا مو مطوعه ولامعقده بس ماكدونالدز ارباحه دعم لليهود ؟؟؟
وين ضمائركم ماتشوفون اطفال فلسطين ؟؟
تحيآتي
{ ابوحاتم }
20/12/1430 هـ, 04:53 صباحاً
وين المقاطعه ياشبآآآآآآآآآآآآآآآآآآآآآآآآآآب هذا وانتم بريداوين حلال وحرام ولابطونكم تنسون كل شي
في مليون مطعم بديل يعني وقفت على ماكدونالدز انا مو مطوعه ولامعقده بس ماكدونالدز ارباحه دعم لليهود ؟؟؟
وين ضمائركم ماتشوفون اطفال فلسطين ؟؟
تحيآتي

هههههههه صبحك الله بالخير ~ سلامات لايكون مكدونالدز هو خزينة أسرائيل وحنا ماندري :cool:

على طاري ماكدونالدز وربي قبل 3 أيام اخذت منهم وجبه " ماك عربي " و " برقر سبايسي " وأصبحت ونا أعاني من الوجبه ذي مغص شديد لاكن ربي لطف
وبعد الحادثه ذي راح اقاطع ماكدونالدز مو عشان فلسطين :d عشان صحتي (h)
California
20/12/1430 هـ, 06:21 صباحاً
زين والله يخففوون الززحمه
طنيبه
20/12/1430 هـ, 06:52 صباحاً
وين المقاطعه ياشبآآآآآآآآآآآآآآآآآآآآآآآآآآب هذا وانتم بريداوين حلال وحرام ولابطونكم تنسون كل شي
في مليون مطعم بديل يعني وقفت على ماكدونالدز انا مو مطوعه ولامعقده بس ماكدونالدز ارباحه دعم لليهود ؟؟؟
وين ضمائركم ماتشوفون اطفال فلسطين ؟؟
تحيآتي

صدقت والله عالم ماهمه إلا بطونهم خوفوا الله ياجماعة الخير
ماكثر الله الا المطاعم
فيه هرفي -كودو-وغيره
البيضة
20/12/1430 هـ, 07:13 صباحاً
وووووووووووووووووووع

ناقصين وجع بطون (( بعد)) يبي يفتحون فروووع الله يستر على بطون أهالي بريدة خخخخخخخخخخخ


يازين بس............... الجريش والسليق والمكرونه ولا يهون الكاتم ............
المكتب العقاري
20/12/1430 هـ, 07:14 صباحاً
اقبح مطعم على الاطلاق
عـاشق الاناشيد
20/12/1430 هـ, 08:57 صباحاً
الله لا يوفقك هالمطعم وصاحب المطعم

وانتم تخف زحمه ما تخف زحمه وين المقاطعه يامن الصلاح

حسافه والله
ابوولعf
20/12/1430 هـ, 09:12 صباحاً
اعوذ بالله قطعوهم

على طاري المطاعم( كودو) ليصير تبع اليهود لاني بتله مسنتر عندهم:d


اذا كان تبع اي منظمه يهوديه ان شاء الله من اللحظه هاذي اسوي مقاطعه :S
xxxx
20/12/1430 هـ, 09:27 صباحاً
عليكم باكل البيت هو الصحي
العقري
20/12/1430 هـ, 10:11 صباحاً
عليك في طبخ البيت
صحي لا امراض ولاغيره
الكاتم عطي الله
فانتزيا
20/12/1430 هـ, 10:32 صباحاً
ماشاء الله بيفتحون فرع جديد بلا من هلمكاسب اللي يلطونه من أهل بريده عيب عليكم أقل نصره لخوانا الفلسطينين إنا نقاطعهم تذكرون العام أيام تبرعات غزة يوم شافو السعودين يتبرعون لغزة إنجلطو وقالو ريع اليوم كله لأطفال إسرائيل يعني ماشاء الله تبرعنا لأسرائيل ومازلنا نتبرع والله لو تحصل لليهود فرصه علينا أول مايهجمون علينا يأهل بريدة بحكم إنا أكثر إلتزام ولا على بالكم حبن فينا ذا الفرع الجديد ماقول إلا ماكثر الله من المطاعم
إدعس
20/12/1430 هـ, 11:03 صباحاً
والله انتم ناس فاضيه والـ مين للأخبار ع طووول فتحتو موضوع من قال ان ماااك بيفتح فرع جديد

يعني الخبر مافيه ولادليل يثبت وجود ذالك بس الرجال تلقاه قال ببريده مافيه غير فرع واحد شرط أنهم

أننهم بيفتحون فرع جديد ولا مو معقوله واكيد أنه ببداية سنه عشره عشان سنه جديده وكذا ثمن جاء

جاء وبعد مأقنع نفسه بالفرع الجديد الي من دمااغه جايبه قال لازم أبشر أهالي بريد5 بالخبر المفرح








والشي الثاني ذا الي مدري منهو يقووول أبقاطع بس عشااان بطني موب عشان فلسطين ماله داعي الصدز بس أنك

جزت لي السراحه تحــــــــــــــب نفسك قووه





قال فرع جديد قال
الدنيا حلوة
20/12/1430 هـ, 12:26 مساءً
قاطعوهم لانة يعتبر جميع الفلوسة تشرى بها ذخائر لاخواننا المجاهدين المحاصرين وهو من المطاعم الامريكية في مطاعم احسن واحلى منه بالف مررررررررررة ماوقفت الا على المطعم
حـنيت
20/12/1430 هـ, 12:49 مساءً
:f:

،،
الله يكتب ما فيه الخير إن شاء الله
،،

:f:
frga_610
20/12/1430 هـ, 12:52 مساءً
ماكدونالدز لو يغيرون لوحتهم ويحطون بداله رقم الهلال الاحمر كان ازين
ديآر بلآ وطن
20/12/1430 هـ, 01:24 مساءً
شي حلووو الصرآحهـ،
ع الاقل يكون قريبـ، :41
بســ، أتوقع أنه يكون فيهـ، زحمهـ،
يعني ماستفدنا :bad
شي ثآني لاتكون تهلس علينا اليوم بروح واشوف الموقع
على حسب وصفكـ،
موفق: 12
محنط
20/12/1430 هـ, 01:28 مساءً
اخيرا
نجدع هم المشاوير للجنوب
الميدان
20/12/1430 هـ, 01:37 مساءً
وين المقاطعه ياشبآآآآآآآآآآآآآآآآآآآآآآآآآآب هذا وانتم بريداوين حلال وحرام ولابطونكم تنسون كل شي
في مليون مطعم بديل يعني وقفت على ماكدونالدز انا مو مطوعه ولامعقده بس ماكدونالدز ارباحه دعم لليهود ؟؟؟
وين ضمائركم ماتشوفون اطفال فلسطين ؟؟
تحيآتي


هنا مربط الفرس

انتم تذكروننا بالمظاهرات في بداية الانتفاضة والعدوان على غزة قبل سنه قاطعوهم واذا انتهت المظاهرة راحوا يشترون من ماكدونلز ويشربون ببسي :confused:

امركم عجيب فعلا يقولون يدعمون اليهود وتلقى بعضهم راكب سيارة فورد والا جمس :confused:


واغلب المنتجات اللي ببيته من شركات امريكية برؤس اموال يهودية :confused:

ومن هنا نقول هل غلة الكاشير في مطعم ماكدونلز بجوار بنده الشبعان او الفروع الجديدة سوف تؤخذ كل صباح وتودع في بنوك تل ابيب او نتانيا :confused:

شركة ما كدونلز لها وكلاء في جميع انحاء العالم ووكيلها في السعودية شركة الرياض للاغذية وهي تدفع اجار للشركة الام في امريكا حالها حال الشركات الاخرة مثل شركة المطاعم الاهلية امريكانا ( هارديز و كنتاكي ) وشركة برجر كنج وكيلها بالسعودية العليان ....ومطاعم الصب واي الايطالية وكيلها في منطقة القصيم رجل الاعمال الاستاذ عبدالله الشريدة ..ومن هنا نقول هل رجال الاعمال والشركات هذاي تدعم امريكا واسرائيل :mad:


خلوا عنكم الحساسية الزايدة ولستم احرص من الدولة علينا فهذه الفروع تبيع الحلال وليست مثل الفروع الموجودة خارج السعودية تبيع الكحول ولحم الخنزير
ŔǺỶĀЙ
20/12/1430 هـ, 01:37 مساءً
^









مابغو يفتحون فرع ثاني .





اعوذ بالله عليه زحمه مهوب معقول .



تحياتي: &جرجس&

^
abo-saly
20/12/1430 هـ, 02:04 مساءً
شي جيد اذا صح الخبر خصوصا انه لايوجد إلا فرع واحد ودائما مزدحم ..!

ومن يقول انه يدعم الإسرائليين فأين الإثبات على هذا الكلام ؟..!
ابوفهد بريدة
20/12/1430 هـ, 02:12 مساءً
وين المقاطعه ياشبآآآآآآآآآآآآآآآآآآآآآآآآآآب هذا وانتم بريداوين حلال وحرام ولابطونكم تنسون كل شي
في مليون مطعم بديل يعني وقفت على ماكدونالدز انا مو مطوعه ولامعقده بس ماكدونالدز ارباحه دعم لليهود ؟؟؟
وين ضمائركم ماتشوفون اطفال فلسطين ؟؟
تحيآتي

:41:41:41:41
كفيت ووفيت يعطيك العافيه
وغير هذا بذآت ها المطعم أكله سبحان الله ثقيل على البطن كانك اكلن لحم خنزير:eek5 أكرم الله النعمه:eek5 ايقالي عمري ذايقه
ابوفهد بريدة
20/12/1430 هـ, 02:15 مساءً
شي جيد اذا صح الخبر خصوصا انه لايوجد إلا فرع واحد ودائما مزدحم ..!

ومن يقول انه يدعم الإسرائليين فأين الإثبات على هذا الكلام ؟..!

يدعم ولا مايدعم لا تشغلنا أيقالك فاهم أهم شي أنه شركه يهوديه:i121
abo-saly
20/12/1430 هـ, 02:19 مساءً
يدعم ولا مايدعم لا تشغلنا أيقالك فاهم أهم شي أنه شركه يهوديه:i121

اذا اخذنا بكلامك الذي لايقبله عاقل
فلماذا تدخل الإنترنت عن طريق جهازك الذي صنعه اليهود ؟..!
أبو نشقه
20/12/1430 هـ, 02:26 مساءً
مبروك

الأخوه والأخوات اللي يتكلمون عن المقاطعه
فتش عن صناعه كمبيوترك , سيارتك , غساله , مكوى , فرن إالخ ..
BAREE
20/12/1430 هـ, 03:38 مساءً
مبروك

الأخوه والأخوات اللي يتكلمون عن المقاطعه
فتش عن صناعه كمبيوترك , سيارتك , غساله , مكوى , فرن إالخ ..

صناعة ياباني.. صيني.. كوري.. تايواني .. هندي :d

دورت وما لقيت شيء يهودي .. اسرائيلي .. الخ .. هخخخخخخخخ :S

بس مقاطعة مثل هالمطعم .. زييين ..

..
كاسر الحظ
20/12/1430 هـ, 04:14 مساءً
السلام عليكم
إن شاء الله ما أطبه لا أنا وأهلي دامي حي .

و هذا عامل في أحد الشركات هندي الجنسية ملتزم ما شالله دوامه من الساعة 7 صباحاً إلي 3 عصراً
ويريد دوام مساء وذهب إلي مطعم ماكدونالدز وقابل مسئول كبير في المطعم و شرح له الوضع كان في فرصة
عمل قال له إذا تريد تعمل عندنا فشل هذي يشير إلي ( اللحية ) والله المستعان .
يقول العامل وأنا مشرفه في العمل وأثق فيه يقول على طول خرجت.
بالله عليكم تبون أشري منه وهو أصلاً حق اليهود و بعد الكلام اللي قاله للعامل
وهذا عندنا ببريده ماهو خارج المملكة .
قولو آمين
<< ألله يوفق العامل عمل يرضي الله ورسوله ويرضيه إن شاء الله >>
بريداوي اصل
20/12/1430 هـ, 04:45 مساءً
مشكوور اخوي عاد حول بيتنا ..
Da7oom
20/12/1430 هـ, 04:58 مساءً
يالبيه متى بس يفتح


لا تخلوني احلف بس ان اللي يقول نقاطه هم اللي مسببين زحمه عند الطلابات هع هع هع

المطعم بيصك لا ماكلتو منه ولا بخسر الا احسن تخففون الزحمه ...هع هع هع
الـــدولـــي ,,,
20/12/1430 هـ, 05:03 مساءً
مشكوووور أخوي ...
الشصراحة أنه أفضل وأنظف مطعم ببريده ...
ا ب د 7772
20/12/1430 هـ, 05:46 مساءً
مشكور اخوي معاذ على هذا الخبر
وقولك عاشت ايامك
الشيـــــ خ ــــه
20/12/1430 هـ, 06:51 مساءً
واااو وناااسه بيصير قريب عندي
مشـــــكـوور اخويْْمعـــــــــاذْْ ع الخبر الـــــــحــلو
ابوفهد بريدة
20/12/1430 هـ, 07:31 مساءً
اذا اخذنا بكلامك الذي لايقبله عاقل
فلماذا تدخل الإنترنت عن طريق جهازك الذي صنعه اليهود ؟..!


أيش دخل المطاعم با اللأجهزه !!؟؟الأجهزه مالنا غنى عنها وهذي نعمه من الله صخرهم لنا!
حتى المسلمين في الحروب يقاتلون اليهود با الاسلحه والاجهزه التى صنعوها !!

لكن الاكل تستطيع تعمله في البيت وغير ذا البديل كثير ولله الحمد ولا انت بميت جوع إذا ماكلت من مكدونالدز.أكرم الله النعمه
CR!S
20/12/1430 هـ, 08:23 مساءً
الاخوه والاخوات اللي يتكلمون عن المقاطعه
معقوله ماعمركم شريتوا شي امريكي
بعض الناس ماشاء الله عليه حريص على الناس قبل نفسه

عوآآآفي ..
لا يأس مع الحياة
20/12/1430 هـ, 08:35 مساءً
مشكورين على الخبريه
معاذ 888
21/12/1430 هـ, 12:32 صباحاً
اختصر المسأله : لو المملكة كلها تقاطع ماك ماخسر ولا 0.0001 % تدرون ولا وقفت عليكم .
بعدين كلن ورايه شكلكم طافين بالمقاطعه ياحليلكم.
LOooOly..
21/12/1430 هـ, 05:54 صباحاً
خبر حلوو ..
شكراً لك أخي معاذ888


LOooOly..
انا واختي
21/12/1430 هـ, 06:49 صباحاً
ياناس وين المقاطعه :oo:oo
والا بعد جي يعلن هنا :(:(
شي والله شي
المفروض كان موضوع عن المقاطعه موتجي تقول تم الافتتاح
انا ودي اعرف من زين المطعم والله في مطاعم واجد احسن منه !!
ياناس يهوووووووووووووووووووووه تركم تدعمون اليهود:eek5:eek5
والا بس همكم الابلع:(:(
ليبرتي
21/12/1430 هـ, 01:07 مساءً
الله يسمع منك
لاكن فيه هارديز في الشمال حلو يكفيكم المشوار الى ماكدونالدز
سيار نجد
21/12/1430 هـ, 01:11 مساءً
تمام الله يبشرك بالخير
أبو حمد 4456
21/12/1430 هـ, 09:29 مساءً
ياسلام سلم

احسن خبر سمعتة ..~

يااارب يكون صدق !!

قد صار لي موقف بالفرع الحالي..

نايم بوسطة والناس يضحكون علي..!
الناعس
22/12/1430 هـ, 01:43 مساءً
بسم الله علي أموت جوع ولا اشتري منه ... الله يخلي لنا طبخ الأميمة والمدام والكويتم وإن حدت الظروف ازبن مطعم الديرة .. بروست الخيام .. الشام شامك .. هرفي .. كودو
الاامبرطور
22/12/1430 هـ, 04:35 مساءً
اخيرا راح نفتك من المشوار
الوافي .
22/12/1430 هـ, 05:05 مساءً
لايهومنك يامعاذ888

ماك له محبينه وله عداونيه

الله يبشرك بالخيييييير اخيرا استجابوا طلبنا

بعدين من اللي قال يدعم اسرائييل .. ههههههههههههه

مخافات انتم ..
بعدين دولتنا الحبيبه(الله ينصرهم) مهب مدخله شي يدعم عدوها الاول .......... وكلن عارف الشي


بس انتم سلكولهم... وقول كييييييييييف الحااااااااااال


والله يازينه لو جت بعد سبايسي دبل .. هلالالالالالالالالالالالالالالالالالالالالالالا مع بيج ماك صوووووووووووووووص ..
ههههههههههههه

سلالالالالالالالالالالالالالالام


happy new yaer
حمد الصالح
22/12/1430 هـ, 05:37 مساءً
افتتاح فرع آخر لماكدونالدز في بريدة ... هذا يعني المزيد من الأشخاص السمينين
BAREE
23/12/1430 هـ, 12:12 صباحاً
.....
..


أعلن الشيخ البريك: أن ماكدونالدز خصصت دخل يوم السبت لدعم إسرائيل(أنشر).

..
.....
..

نسخ ولصق .. نقلته كما هي .. اللهم اللون والحجم .. وما أدري عن صحتها !!..

وووووش تقولون عنها أنتم ؟!!.. هعععععععع :091:..

..
.....
م ـجلعد^_^
23/12/1430 هـ, 07:56 صباحاً
ما تلاحظوون هالايام صارت كل شي حرام وما يجوز ويضر حتى التفاح الاخضر يقولون يضر وش بقى والماء بعد يقولون يضر لانو تحليه ودري ايش ومواد وخرابيط


بس اقوول حاقهـ(اللي ما يآكلك كلهـ) وسلمتكم


وانشاله اول وجبه توخذ انا سبايسي بق صايز و اوريو < عشان نحلي
بارق نجد
23/12/1430 هـ, 08:28 صباحاً
اشين مطعم
ام قراعيط
23/12/1430 هـ, 10:44 صباحاً
:41:41:41:41
كفيت ووفيت يعطيك العافيه
وغير هذا بذآت ها المطعم أكله سبحان الله ثقيل على البطن كانك اكلن لحم خنزير:eek5 أكرم الله النعمه:eek5 ايقالي عمري ذايقه

تعرف الباب ترى يطلع جمل؟ ولا مع الخيل ياشقراء ؟
اقول : حدك بوفيه الحاره

بعدين اللي مع المقآطعه ومدري وشو
آلله يعافيكم ترى الخفّ رحمه خففوا الزحمه علينا :d
صاحب السمو2010
23/12/1430 هـ, 10:56 صباحاً
جزاك أأأأأأأأألف خير
على الموضوع
{ كل همي رضا امي }
23/12/1430 هـ, 01:12 مساءً
الوجبات السرعية خطرة جدا
KALDER
28/12/1430 هـ, 02:04 مساءً
سجل عندك واحد بق تيستي

الغريب ياجماعة أنة لحم بقر
الزاحف المتهور
3/7/1431 هـ, 04:27 صباحاً
يا خي غير الماما لا تدور
وحيده في دنيا كسيفه
3/7/1431 هـ, 05:24 صباحاً
وش صار فتح او لا ؟ وين صار موقعه عند البركتين مافي شي
غـــلـــوز
3/7/1431 هـ, 06:41 صباحاً
مافي شي
يارب القاء اسم
3/7/1431 هـ, 06:47 صباحاً
عـــــالم ماهما الا بطنها ..!
كتكوت ابو الليل
3/7/1431 هـ, 09:38 صباحاً
وفرحان انه يفتح الله يرفع عنك امين ويثبت عقلك