هل تم السماح لعماله المطاعم تلقي الطلبات من السيارات ..؟ أم فقط للمرور؟ صورة

[المنخرش]

السلام عليكم ورحمة الله وبركاته ..

لدي أستفسار ..
وموجه إلى المسؤولين الأفاضل .. في هذا القطاع
قطاع المرور ..
و أمانة القصيم

هل تم السماح لعماله المطاعم تلقي الطلبات من السيارات ..؟ أم فقط للمرور؟

لأنني سررت لما رأيت هذا المنظر ..

فقلت قرار البلدية .. انتهى

ولكني دققت النظر في المطعم .. فوجدت الورقة مازالت موجودة والبيان واضح ..
(تم منع تلقي الطلبات من السيارات)
بلدية بريدة

يبدوا ان صاحب هذه السيارة من المرور
له وضعه الخاص
فلم أشك في ذلك ولم أتهمه أو أسيء الضن

ولكن هي فقط إشادة واستفسار فقط
ومن جهة أخرى
لفت الأنتباهـ



الموقع
حي البشر

المطعم
مطعم (فراولة للعصائر)
بجانب مطعم رشوش

الوقت
صباح يوم السبت الموافق 19/11/1430 .. الساعة 9:45 دقيقة .. صباحاً

رقم اللوحة

محفوظ لدي..


الصور
http://www.7ammil.com/upfiles/I5J26665.jpg

الصورة .. اتا فيها العامل الهندي وهو واقف يتلقى الطلب
والموقع واضح من خلال لوحة (قريت التوت)


صورة أوضح


http://www.7ammil.com/upfiles/IdW26665.jpg




أتمنى من الله العلي القدير . انني مخطأ في كلامي او لهم اوضاع أخرى





محبكم/أبو فهد

[HeeMo]

أنآ أقول مالك إلى البلديه يالغلا تقولهم عن العامل وش سوى وهم يقولون لك هل هو صحيح ولالا تحيآتي لك أخوي على الصوره

[LOVELORN]

,


وعليكم السلام ورحمة الله وبركاته ..

المرور والدوريات لهم وضع خاص
لانه عنده جهاز ما يقدر يبعد عنه ..



.

[شهَرزاد]

هل تم السماح لعماله المطاعم تلقي الطلبات من السيارات ..؟ أم فقط للمرور؟
طيب ورآهـ هو ممنوع ..
:(

سالت قالو لي مو ممنوع ..!

يوم انه مب ممنوع وشوله كل ابو الزيطه اللي بذآ ;)

يآ أخوي الله يطول بعمرك :rolleyes:

يمكن الرجآل نفسيته زفت ومير ينادي العامل يخاف لو تشوفون وجهه لي هالصبح تكتئبون :oo


من رآقب النآس مآت همن :eek:

[880088]

:112: خايف على السياره والجهاز

[wméédh]

توّك تدري انهم يوصلون للمرور والشرطة .... ياحبيلك بعد .. صح النوم :d

[طارق العتيق]

والله شي يقهر :( ..


تحياتي / ابو يوسف :f:

[سلطان1234]

هاذولا هم الشرطه حتى البقاله يخلون العمال يوصلونلهم دخان ببسي مويه اي شي بس للأمانه البعض لكن الأكثر مايتنزل ينزل يخدم نفسه _ طوووويل العمر ـ
وسبق لما كنت فاتح محل لاهو بقاله ولا مطعم جاء عسكري وقف بالجيب الربع ويدقدق بالبوري وياشرلي تعال واشرتله قلتله لا انت تعال
شوي ونزل وجاء حمق وقال ليش ماطلعتلي قلت منهو انت عشان اطلعلك قال انا موظف حكومي امثل ادارتي قلت وبعدين وخير ياطير تبي شي حياك بس انا اطلعلك لا معصي وضف طربوشه وطلع ـ

[علشانك بس]

قرار المنع حتى لا يتسبب بزحمة وضيق بالشوارع .
رجـل الأمــن في وقت عمله وله وضع خـآص جدآ .. ولا يستطيع البعد عن الجهاز
من حقه يأكل فهو بشر ويريد إسكات جوعه .

أما انت وياه دواران ومضايقات ولا شغل ولا مشغله وتبي العامل يجيك لحد سيارتك ..!!

[الذئب لا يهرول عبث]

اقووول النظام واضح يمشي علينا وعليهم
هو مشاء الله مايسد الشارع وغيره يسده ويسبب زحمه
لاكن يقولون لاصار خصمك القاضي من تقاضي
حسبنا الله ونعم الوكيل.

[ا ب د 7772]

صحيح مثل ماقالوا الاخوه الاعزاء لهم وضع ثاني لانه مداوم وصعبه يخلي السياره والجهاز يمكن يجيه بلاغ حادث اوغيره وهو مهب موجود عند الجهاز ثمن يجااااااازا والله مشكله

[لي قلب مايعرف يخون]

ياحول ياهالعسكر
انواع الحش بهم

[شهَرزاد]

صحيح مثل ماقالوا الاخوه الاعزاء لهم وضع ثاني لانه مداوم وصعبه يخلي السياره والجهاز يمكن يجيه بلاغ حادث اوغيره وهو مهب موجود عند الجهاز ثمن يجااااااازا والله مشكله
:oo
من تحاتسين انتي ..>>شآفت الخط وردي علي بالهآ بنت ..:d

ذولآ قصمن انهم مدري وش يحسون بوهـ ..؟!

طيب هذآ مخالف النظآم الحين ..
بكيفه كل شي بحسآبه وش اللي مشغلكم بوه ..

الحين حاطين حيلكم بالضعيف ..

روحو شوفو اللي فوق وخلو عندكم ذآ

اذا بكم حيل للتدقيق ..:(

[العميد خالد]

يعني رايك ينزل رجل المرور ويطلب ويخلي سياره الحكومه

لا يطلب ويتامر وهو بسياره

وانت وش عندك ماتزل وتطلب ماخلق الله لك رجلين
خل عندك كرامه وطلب ابنفسك

[السيد سامح]

لاحول ولاقوة الابالله

[أبو هشام وضاري]

صحيح مثل ماقالوا الاخوه الاعزاء لهم وضع ثاني لانه مداوم وصعبه يخلي السياره والجهاز يمكن يجيه بلاغ حادث اوغيره وهو مهب موجود عند الجهاز ثمن يجااااااازا والله مشكله

سيارات المرور والدوريات لايكون بها شخص واحد بل يوجد بها شخصاً فلاماتع لو نزل واحد وجلس الاخر يحرس( السيارة والجهاز) على قولكم

[فارس قلبي]

ووواااااااااااااااااااسطة

[محترف الخبوب]

هههههه

والله الاغلبيه مع رجل المرور

كيف مايقدر يبعد عن سياته وجهازه

انا اشوفهم شخصين ويطلبون وهم بالسياره

طيب واحد ينزل وواحد يجلس بالسياره

واعتقد قرارالبلديه واضح وينطبق على الجميع

وشــكــرا

[ابو صالح 7]

يعطيك العافيه ماقصرت

[خفاق]

طيب هم اتعشوى ولا لا ..

هذا اهم شي ...

يا حبيلكم بعد..

[ابو شرين]

اعتقد انك غلطان يمكن راعي البوفية مشمع القزاز او ان السندويش ماربط الحزام خخخخخخ

بدون تحية ترفع الصور للمسؤولين

[غريب احساس]

رجـل الأمــن عــادي

[خب الجطيلي]

الشيوخ أبخص .

[كلمنتان]

اليوم الصبح نفس الحركة حصلت لي ...

[البيضة]

هههههههههههههههههههه

[الأصبع الإيجابي]

خلنا نصير واقعيين ..العامل يخاف من أي سفتي أكيد يبي يطلع له حتى لو صار إسعاف .هذا رجل أمن مشغول وجاي ياخذ وقوده .

[حـلم●•]

سواء كان عند الجهاز ولاغيره
الحين الي مضيق صدوركم شي بايخ صرآحــه.!!..!!..!!

وش يظرك يامال الغنيمه انزل واشر الي تبي

[مهاااااااااااوي]

كل هذه
غيـــــــــــــــــره من العسكر:(

[الصباخ]

اللي يقول لهم وضع خاص ممكن يعطينا مادة النظام اللي تم فيه استثناء رجال الأمن من القرار؟
لأنه نبي نستفيد!
:)

[خلــ ابو ــيفة]

والله ماشاء الله عليك
تصلح جاسوس ضد الشرطة

[د/الفـهـد]

..



صيده محترمه وبعد مرور..




ياحول ياهالعسكر انواع الحش بهم



:dبالصميم :d



..

[Total ransom eyes]

,


وعليكم السلام ورحمة الله وبركاته ..

المرور والدوريات لهم وضع خاص
لانه عنده جهاز ما يقدر يبعد عنه ..



.



بعد انا ابغا اخاف على سيـاره واللي موجود فيها :mad:
ضحكتنـي والله :d
مفروووض البلديه تعدل مع الموطن ومع غير الموطن

[الوساااام]

هاذولا هم الشرطه حتى البقاله يخلون العمال يوصلونلهم دخان ببسي مويه اي شي بس للأمانه البعض لكن الأكثر مايتنزل ينزل يخدم نفسه _ طوووويل العمر ـ
وسبق لما كنت فاتح محل لاهو بقاله ولا مطعم جاء عسكري وقف بالجيب الربع ويدقدق بالبوري وياشرلي تعال واشرتله قلتله لا انت تعال
شوي ونزل وجاء حمق وقال ليش ماطلعتلي قلت منهو انت عشان اطلعلك قال انا موظف حكومي امثل ادارتي قلت وبعدين وخير ياطير تبي شي حياك بس انا اطلعلك لا معصي وضف طربوشه وطلع ـ

أيه هين ..:02:

[الوساااام]

أقول يالمنخرش ..

المرور والبلديات واي سيارة رسمية له أستثناء خاص وماهو شرط يُكتب على الورقة بهالخصوص..!

الصورة غير واضحه .. بعدين ليه ما مسحة المرايه ...؟؟؟

[شبكة دروب الخير]

ياحبي للمكان ياشيخ

ذكرتني بأيام الدراسة

بس تبي الصتس محترف شلون فكرت تأخذ الصورة بالطريقة هذي

بأختصار ماانت بسييييييييط

[حااااحاااا]

الـمــــرور

الـشـــرطــــة

الـدفـــاع المـدنــي

الـهــلال الاحــمـــر


لــهــم وضـعـهــم الـخأص

لـي انـهـم حــالات طــارئــة

ومـن المـمـكـن ان يـأتــي بــلاغ و يـغــادر و يـتــرك طــلـبـة

ومــن المــفـروض ان يـكــون لـهـم مـعـامـلـه خـاصـة فـي تـقـديـم الـطـلب و بـي

اســرع وقــت

كــان الله بـعـون الـجـمـيـع

[طبيب شرعي]

بعض الأعضاء يجهلون نظام الدولة! فقط يهذون!

بعض الاعضاء قام يخرف اخر عمره والظاهر انه معرّفه أخترق وقام يستهبل فيه !

[أبو إياس]

صفة المطاعم اللي عند هرفي منتالي أشوف عمال المطعم يوصلون الطلبات للسيارات !!!

يمكن القرار ألغي ....!!

[رعد3]

هههههههههههههههههه


ياخي تجيبها بالطيب ولا بالقوه


عامل ضعيف مايدري عن شي

[أرسلان]

إلا خل عنك المرور وطقتهم هاللحين أنت وراك ماتقولي وراه ماتغسل سيارك
عجزت أشوف من قزازك المغبرة << وش حارق رزك

ههههههههههههههه
عندكم مابعد تطورتوا لكن عندنا بمطاعم الفاخرية يطلعون وورقة المنع موجودة .

[المركات]

الصراحه دايماً مواضيعك بالصميم ..
تصلح تشتغل إف بي أي ..

هذولا الهنود لاشافوا الدوريه يذرقون والدينه ..

ليت من يشد عليهم ..

[BAREE]

لأنه نبي نستفيد!

أجل تبي تستفيد .. رح المطرسة!!:d
أنت وش اللي حاشرك؟؟:( تبيه يمسك سرى مع الناس وهو في دوامه!!..
عفواً هذا رأي.. وشكراً لك..

[ابو رائد 2010]

قرار منع توصيل الطلبات للسيارات بنظري قرار ارتجالي !!!!!

ماراح يحلون مشكلة الزحمة عند المطاعم حتى لو نزل المواطن داخل المطعم واشترى بنفسه راح تتكدس السيارات بصورة ابشع وذلك لعدم توفر مواقف للسيارات في اغلب المطاعم .

[آلحرفـ آلعنيـد]

ياخي وراكم كذا المرور له وضع يسمح له اشتغل مرور ولاتشغلنا

[mr.memooo20]

هذا مرورنا ولا مره شفت واحد عند اشارة



يكلم + يدخن + ماربط حزام الامان

[ابو شرين]

قرار منع توصيل الطلبات للسيارات بنظري قرار ارتجالي !!!!!

ماراح يحلون مشكلة الزحمة عند المطاعم حتى لو نزل المواطن داخل المطعم واشترى بنفسه راح تتكدس السيارات بصورة ابشع وذلك لعدم توفر مواقف للسيارات في اغلب المطاعم .

تفاصيل المنع تقول علشان التلوث يعني لم تتم الاشارة الى المرور والزحام
وانا استغرب هالمخ عند الامين يعني وش يفرق لو طلع العامل للسيارة عن توصيل الاكل للبيت او عن تسليم الاكل مع الشباك للسيارات قرار فعلا غبي انتقدته في وقته ولا زلت

فقط تخيل يا امين بريدة لو كان السائق معاقا كيف راح يصير الوضع اصح شوي يابو شجر الحساسية يا مكابر حتى بالخطأ

[ريــــــما نجد]

اييييييه مير كم رقم قرية التوت أبطلب منهم :d :057:

[آخر الوادي]

نعم للمرور وضع خاص ... وانا واثق تمام الثقة لو شافه مسؤل
ماراح يتعرضه او ينتقده... واللي مو عاجبه ... الله لا يهينه اقرب حيطه .

[العاصف]

أبوفهد بما إنك تستفسر أنا عندي استفسار
وش أفطرت ذاك اليوم ..

[الشاقي285]

العساكر عندنا مادري وش يحسون به ؟؟؟؟؟
لاكن اشتغل بالعسكريه واطلب على كيفك وانت بالسياره وخطر يخليك تذوق العامل قبل تشري من الخوف والدباشه الي به ياويلي؟؟

[wméédh]

بس تكفى ماله داعي تبهذل الرجال ... اغديك سامحن له :d
لانه على حسب علمي انك محتفظ برقم لوحة سيارة المرور ..! :d < متعوبن عليه محتفظ يوم تقوله يالمنخرش :113:

[أبو حمد 4456]

هل تم السماح لعماله المطاعم تلقي الطلبات من السيارات ..؟ أم فقط للمرور؟

نعمم ممنوع من البلدية

[PLUS]

,


وعليكم السلام ورحمة الله وبركاته ..

المرور والدوريات لهم وضع خاص
لانه عنده جهاز ما يقدر يبعد عنه ..



.


خويه موجود بالدوريه مافيه اي خوف ...من وجهت نظري:d

[المنخرش]

انتهى كلامكم ..؟ ولا باقي ههههه


اليوم ششفت مرور نازل يطلب على رجليه ..
وهو لحالة

كما إني شفت دوريات نازل يؤدي صلاة المغرب

كما إني رأيت دوريات واقف ونازل لدورت المياه

الغريب وشلون راحوا وتركوا الجهاز بالسيارة هههههه

ماتفكرون انتم ..

اللي يسمعكم يقول حنا بمدينة نيويورك

وشي تراه بريدة والصبح

وفي كل صلاة ينزل يصلي جزاهم الله خير .. ويؤدون واجبهم على أكمل وجهـ

يضع الجهاز انتظاار وينزل ..

لاتكبروا الموضوع

وأنا لم أتكلم أصلاً في موضوع المرور بالذات .

أنا استفسرت فقط

واريد الجواب

[الوساااام]

انتهى كلامكم ..؟ ولا باقي ههههه


اليوم ششفت مرور نازل يطلب على رجليه ..
وهو لحالة

كما إني شفت دوريات نازل يؤدي صلاة المغرب

كما إني رأيت دوريات واقف ونازل لدورت المياه

الغريب وشلون راحوا وتركوا الجهاز بالسيارة هههههه

ماتفكرون انتم ..

اللي يسمعكم يقول حنا بمدينة نيويورك

وشي تراه بريدة والصبح

وفي كل صلاة ينزل يصلي جزاهم الله خير .. ويؤدون واجبهم على أكمل وجهـ

يضع الجهاز انتظاار وينزل ..

لاتكبروا الموضوع

وأنا لم أتكلم أصلاً في موضوع المرور بالذات .

أنا استفسرت فقط

واريد الجواب


إذا كان على الأستفسار طال عمرك .. إحنا نجاوبك ...

المرو والدوريات لما يأدو الصلاة وهذا واجب ديني عليهم ..
أو يدخلوا دورات المياه ( أعزكم الله ) وهو مضطر لهذا الشي ..
أو يباشرون حادث ( لقدر الله ) فمن حقهم أن يقوموا بتبليغ فرقة العمليات بهذا الشي وهذا الشي مسموح ونظامي ..

أما غيره مثل بوفيه أو مطعم أو بقاله أو قهوه أو عسكريم ياحبهم للبلع ..:113: فممنوع أن يبلغوا بالجهاز ..
تخيل كل مادخل عسكري بقاله وإلا مطعم أو وقف عند بوفية بلغ بالجهاز ..!!
كان صارت الشغلة ماسخة .. وجهاز الدوريات كلها مطاعم وبقالات بدل متابعتهم لعملهم ...

[أبورامي]

رجال الأمن لهم وضعهم الخاص

وممنوع أنه ينزل من الدورية عند أي محل

أسألوا المسؤولين يفيدونكم

[لي قلب مايعرف يخون]

[QUOTE=د/الفـهـد;1864586][CENTER][]
[FONT=Sim]صيده محترمه وبعد مرور..[/SIZE]
[=T]
:dبالصميم :d



مافهمت قصدك يادكتور:rolleyes:

[ورد فاخر]

المنخرش ليش خايف تصورهم عن طريق المرايا
تدري وش الهدف من المنع ( البلدية ) يبون الزبون يشاهد المطرسة من داخل البوفيه حتى يكره أكل المطاعم والبوفيهات :(:(:(:(:(:(:(

بوفيه بحي المنار يطلع البنقالي حتى ماييفضح أمره بالمطاريس

[ღ.. متآبع بصمت ..ღ]

, , ,

الصراحة كلامك سليم ليش للمرور يروح العامل وللرجل العادي مايروح



الصراحة كيف فكرت تصور من عند المراية لو أنا كنت رحت لزقت الكاميرا بوجهه :d


أحلى مافي الموضوع الصورة لأني أنا مانب راعي مطاعم :d


, , ,

[ابوفهد بريدة]

إذا كان على الأستفسار طال عمرك .. إحنا نجاوبك ...

المرو والدوريات لما يأدو الصلاة وهذا واجب ديني عليهم ..
أو يدخلوا دورات المياه ( أعزكم الله ) وهو مضطر لهذا الشي ..
أو يباشرون حادث ( لقدر الله ) فمن حقهم أن يقوموا بتبليغ فرقة العمليات بهذا الشي وهذا الشي مسموح ونظامي ..

أما غيره مثل بوفيه أو مطعم أو بقاله أو قهوه أو عسكريم ياحبهم للبلع ..:113: فممنوع أن يبلغوا بالجهاز ..
تخيل كل مادخل عسكري بقاله وإلا مطعم أو وقف عند بوفية بلغ بالجهاز ..!!
كان صارت الشغلة ماسخة .. وجهاز الدوريات كلها مطاعم وبقالات بدل متابعتهم لعملهم ...






يا الوسااام هههههه
جزاكـ الله خير شفهم دآيم يوقف الدوريه وينزل يسولف مع رفاقه ساعات إيقاله ماسكه!!
والطلب باالمطعم خاصه إذا طلب با التلفون يجهزه ولا دقيقه إذانزل يأخذه.

المثل يقول ، المهتوي يقطع المستوي .....وشكرأ

[**ابو علي**]

وراه ماخذت لوحته
ووقت التصوير
وشكل الرجال ورحت لم مدير المرور

علشان يقطعغ رزقه لان المرور ملعن ^ملعن

[انا عاشق]

النظام يطبق على الضعوف بس ،،

[المتميز2000]

يستاهلون ياخي لو يحصل نوكلهم بيديننا بعد

هذا الي ناقص يسهرون على حمايتنا من بعد الله

وانت تقولي ليش ماينزل ياشيخ اتق الله

تقبل مروري بكل اريحية

[frga_610]

إلا مير يالمنخرش شلون تسبدة المطعم زينه ..