قطيع من الأغنام في مدرسه ولي العهد

[مفقوود]

نعم


فالطلاب تحولو الي اغنام في مدرسه ولي العهد

تم دمج الفصول في قرار غبي لينحشر الطلاب ويصبح عدد الطلاب اكثر من 30 طالب في الفصل الواحد !!

كيف نركز مع المعلم
كيف نتجنب الانلفونزا


غريب

[لا يأس مع الحياة]

الي يبي يركز ياخذ كرسيه ويجلس قدام
والله يعينكم

[الخفاش]

وش تقول بجامعة القصيم يحشرون 70 طالب [ على حسب الكشف ] بقاعة ما تقبل إلا 30 طالب :113:

[فارس السعوديه]

لا تخلي الدراسة تلهيك عن الوناسة

[ريداوي]

لقد بكيت لما قرأت موضوعك لأن عندنا بالرياض الفصل لا يقل عن 40 طالب بالفصل(طبعا هذا السنه هذي اما العام فكنا 55) وماضرنا شي!!!!

[ااااااامول]

دائما نردد النظام ضروري
من المسؤول 0000000000000000

[محمد الشقيران]

.
.
.

أحمد ربك .. :(

في ثانوية أبي ذر الغفااري 38 طالباً في الصف الواحد !!

كيف يتم التركيز ؟!

كيف يتم التنفس ؟! :)

وياقلب لاتحزن ..

.
.
.

[جنرال بريدة]

ثانوية الامير فيصل بن بندر 45 طالب بالفصل الواحد وعمارة

[عبدالرحمن الشايع]

^


هع .. من شاف مصيبة غيره هانت عليه مصيبته .. :d


:)

[الخفاش]

ههههه , يبدو أن الدراسة الآن تحولت إلى مشروع [ ضميد أوادم ] :d

[صريح جد]

وين المباني الجديدة ليش مايوضفون ها العاطلين عن العمل كل ثانويات بريدة مليانة من ها الطلاب وتكديس بهم جاب الله المدارس الاهلية والا كان في الفصل الواحد 80 طالب

[دمـــوعٌ تـبـتـسـم]

<


أذكر كنت بمدرسة ثانوي بالإسكان ( ث 32)
وصلنا 50 طالبة بالفصل !!
وبعد ما طلعت نتايج الفصل الأول كثارين تفاجؤوا ونقلوا لمدارس أهلية
تقريباً صرنا 43 ..


كان أنتم طيع أغنام .. حنّا كنّا جخر نمل :113:


<

[د/ بريدة]

أيه ميخالف وراه مايسير ثلاثين طالب ؟!

ولي العهد قبل ماتنقل كان سقف الفصل يبي يطييح ومع ذالك واصلنا الدراسة وكافحنا وجدينا وإجتهدنا حتى نلنا مانستحقه ...

أما بالنسبة للفهم فالشاعر يقول المهتوي ماكل شئ يرده ...

خل عنك والله لو بالفصل 80 وأنت مفتح مخك وعقلك مع المدرس تسان تفهم بإذن الله ...

أجتهدوا وخل عنكم البربسة ... وبعدين أنا جيت للمدرسة قبل تقريباً أسبوع أو أسبوعين ماشاء الله مدرسة واسعه

الصراحة أنه ممتازة جداً مبنى جديد ونفاه ومكيفات جدد وبالفصل مكيفيين على حسب ماسمعت ...

وش تبون بعد !!

أقول أدرسوا وجدوا وأجتهدوا وأحرصوا على الحضور والمثابرة وخلوا عنكم الثرثرة

من جد وجد ومن زرع حصد

أما بالنسبة للأنفلونزا فتيقن أن مهب جايك شئ إلا مكتوب لك وخل عنك الوسوسة وبعدين الله أكبر عاد فرقت 25 عن 30 ؟!

كلهن واحد وبعدين لو بالفصل خمسة وأنت بينهم وبينكم واحد بوه فلونزا تسان يعديكم كلكم وأنتم خمسة يعني ماله دخل 30 طالب بالأنفلونزا ...

دمت بود عيني

[ابوحسنين]

حتى بمدرسه النجاشي الثانويه:(

ا لفصل به30 طالب :i121
لاكن ماظرنا هذانا ندرس:re
ومركزين:rolleyes:

[د/ بريدة]

حتى بمدرسه النجاشي الثانويه:(

ا لفصل به30 طالب :i121
لاكن ماظرنا هذانا ندرس:re
ومركزين:rolleyes:

هذا يدل على إجتهادك ومثابرتك وحرصك على الفهم ...

أنا معلكم أن المهتوي ما كل شئ يرده ...

أيه أجتهدوا و واصلوا الأجتهاد والتركيز لعلكم تأخذون نسبة زينة خاصة أنه معدل تراكمي ...

دمتم بود

[ابورنا]

والله كتمه مااقدر اتنفس 32 حنا فصلنا حرررررر ومشغل مكيفين موب حاله هذي

[د/ بريدة]

والله كتمه مااقدر اتنفس 32 حنا فصلنا حرررررر ومشغل مكيفين موب حاله هذي

ميخالف ميخالف الصبر زين والحكمة تقول من صبر ظفر

وأبلغ من ذالك قول الله عز وجل ( إن مع العسر يسرا ) الآية

لكن انا مستغرب وشلون مكيفيين وميتين حر ؟! وخاصة أن الأجواء الأيام ذي بارده ؟!

لكن أصبروا أصبروا أصبروا كل شئ يبيله صبر ...

دمتم بود

[م/أبونورهـ]

سجل بمدرسة الإمام الغزنوي عدد الطلاب في الفصل 15 الى 20

[GIVENCHY]

هههههههههههههههههههههه :113: !
رجـآء بدون تعليـــق !! :)

[صريح جد]

سجل بمدرسة الإمام الغزنوي عدد الطلاب في الفصل 15 الى 20

على ما اعتقد انة في المغتصبة الابدية

[عاشق الباترول]

أنا أتوقع أن هدف إدارة التعليم إعجاز الطالب والقرارات مايحتاج أقولها

[ديآر بلآ وطن]

ياناس هذا شكله كله بمدارس بريده حتى في فصلنا 30 طالب
يعني يبونه اسرع للأمراض.؟
د/بريده : كلن يغني على ليلاه

[مجنون سعد11]

اخي وحبيب قلبي
ثانوية الملك عبدالعزيز
2 شرعي 51 طااااااااااااااااااالب
احمد ربك

[اسير الظلام]

تنبية هذا الكلام غير صحيح الفصل في الاول ثانوي لايتعدى 20الى 27 والثاني والثالث ليس الفصول ممتلئة لا بل 30 الفصل شي طبيبعي لان المساحة كبيرة جدا وشكرا

[ŔǺỶĀЙ]

والله انك صادق انا بالمدرسه ولي العهد ثلاثين بفصل واحد...
:::::
بس على قوله @جروح@
(من شاف مصيبه غيره هانت عليه مصيبته)
درر يا@جروح@:d:41

[Đяєαм]

حنااا 34 طالب بـفصل واحد عادي :)

[لي قلب مايعرف يخون]

واااوك الله يعينكم ويعين المدرسين
لازم اجل مراوح شفط عشان مايصير كتمه

[نبع الوفا]

حنا 30 طالب و الفصل ما أدري وش الله قايلنبة
يقولون بعد العيد تبي تنقلون للمبنى الجديد

[بريداوية فلة]

وش جاهم المدارس عبون طلابنا كذا اتقو الله
في أنفسكم

[علشانك بس]

أذكر كنت بمدرسة ثانوي بالإسكان ( ث 32)
وصلنا 50 طالبة بالفصل !!
وبعد ما طلعت نتايج الفصل الأول كثارين تفاجؤوا ونقلوا لمدارس أهلية
تقريباً صرنا 43 ..

كان أنتم طيع أغنام .. حنّا كنّا جخر نمل



هههههههههههههههههههههههههههههههههاااي

[صريح جد]

اخي وحبيب قلبي
ثانوية الملك عبدالعزيز
2 شرعي 51 طااااااااااااااااااالب
احمد ربك

الله يعين المدرس وشلون راح يسيطر عليهم انواع الازعاج تقل عصافير فوق شجرة :i121

[شيبة الهلال]

انا اتوقع ماحد يبي يصير له مثل قاعتي

قاعتي تستوعب 50 طالب

والطلاب 16

والله ياهي فله

[أبو حمد 4456]

الحمدلله حنا بزيد ووناسة واطلق احد..

[في داخلي قلب طفلة]

من المسؤول الله يعينكم

[معشي الذيب]

::عادي::

[الوليد22]

الاوالله صادق وشلون يتحملون

[الوليد22]

:022::022::022::022::022:ال ال ال يشفيهم

[كلمنتان]

نظام التعليم عندنا خطأ ... لكن وش تقول؟

[مجنونة غزل]

حنى مستنسين في الامام الترمذي المتوسطه مع تحيات قوقا % ابو ق

[مجنونة غزل]

28 طالب بس المدير زفت

[مجنونة غزل]

البركه على المطر
وعسى لله يرزقنى الدعاء الله يغيثنى

قوقا

[BREX-M]

تعااال سجل عندنا بثانوية ابي ايوب 25 طالب بالفصل بس :d :41

[صريح جد]

ياشباب كل واحد يدخل ويعلمنا كم عدد الطلاب في الفصل سوى متوسط او ثانوي علشان نختار المدرسة الاقل طلاب واهم شي المكيف يشتغل او خربان خخخخخخخ

[لي قلب مايعرف يخون]

28 طالب بس المدير زفت

:d
مافهمنا لك (انثى )
و28طالب اوطالبه
والمدير او المديره
وضح (ي)اكثر: 12

[وحيد زمانة !!]

وش تقول بجامعة القصيم يحشرون 70 طالب [ على حسب الكشف ] بقاعة ما تقبل إلا 30 طالب
ولاكن لا أدري هل طلاب الجامعه لاتأتيهم الانفلونزا لاقدر الله لا أرى أي أهتمام بطلاب الجامعه

[سعيد بن مسعدة]

درسنا في المعهد العلمي قبل ثمان سنوات خمس وأربعين طالب وتخرجنا بنسب عالية جدا والحمدلله والآن نعلم في إحدى مناطق شمال المملكة أكثر من خمس وثلاثين بالفصل الواحد والدنيا صبر وتصبر بعدين ما أدري وش عندهم الطلاب كأنه مافيه ببريدة إلا ثانوية ولي العهد متزاحمين عليها ؟؟؟؟؟؟؟؟؟؟

[خـآالد]

الله يعين

[البيالة]

الاغنام في المدارس والجامعات كثر...
دام عزك يا وطن !!!

[د.رحال]

انا بجامعة القصيم كلية الزراعة والطب البيطري القاعة به اكثر من 75 طالب والقاعة من القهر ما تشيل ولا 40 طالب اعوذ بالله ما تقدر تفترك متلازقين

[مراسل بريدة ستي]

لالالالالالالالا تبي تلعبون

[صريح جد]

يعني اقل عدد طلاب ثانوية هي ثانوية الغزنوي 15 طالب والله مدلعين


مجمع الامير سلطان كم عددهم وكذلك القيروان غريبة مافية طلاب من ها المدارس يعلموننا

[منتهي رآيح فيها~]

أووف
أنا متخرج من سنتين
أذكر كآن عدنا 20 والي رآآح لآهليه والي غير الفصل..
صفينآ 17 طآلب...
صدق صدق فللله والدرسس يمر عليك بثوآني وسسهل...
[ أتحفظ بآسم المدرسسه مآ أبي أخرب عليهم ] :)

[اميرة البحار الـ7]

هههههههههههه
الضحيه على الابواب............بكم الراس ههههههه

[ا ب د 7772]

الله يعينكم الصبر مفتاح الفرج
بس اهم شي اختر المكان الزين وراااا بالزاويه

[الأصبع الإيجابي]

30 طالب ولا خمسة طلاب كله واحد لأنكم أجساد بلا رووووح مع الأسف وكلامي واقعي ل99%من الطلاب .

[بو معاذ]

حتى بمدرسه النجاشي الثانويه

ا لفصل به30 طالب
لاكن ماظرنا هذانا ندرس
ومركزين

[بو معاذ]

الحمدلله حنا 15 اذا غابو 2 حسينا اننا ناقصين هع

انا في مدارس الرواد الاهليه