وين راح الدين يا اهل بريدة .. الله يهديكم يالعثيم مول ..

[أبوأسامة300]

بسم الله الرحمن الرحيم

السلام عليكم ورحمة الله وبركاته

الله المستعان يا بريدة ..

بالسابق كانت تعرف بريدة بالدين ..

اما اليوم فخلاف ما نسمع به عن اهل بريدة ..

العثيم مول حاطن مهرجان وعروض وو...

وجايبين فرقة تعرض اسود و ثعابين وو ..

وحاطين مؤثرات صوت طبل و ايقاعات موسيقى وااااضحة والعالم حريم ورجال وشيبان وعجز تدربية وتسمع ومستانسة ..



وييييين الي يقولون عن اهل بريدة انهم معروفين بالدين ..


الله المستعان بس ..

[صالح البراهيم]

والله يانت قديم خل الناس تستانس انت ماتبي لاتروح.بعدين وش وداك انت؟

[أبوأسامة300]

والله يانت قديم خل الناس تستانس انت ماتبي لاتروح.بعدين وش وداك انت؟

مشاء الله عليك تبي الناس تستانس .. من على ذمته

على ان سؤالك وش وداك بجيييح لكن ابجاوبك ..

مشارك بالسحب .. ورايح لعل اسمي يطلع :d

ويوم بدو يردحون مشيت ..

[ابودلال2009]

أخوي صالح البراهيم انا منب مطوع أنا سربوت بس مايصلح تقول خل الناس تستانس هذا آخر الزمن وإذا انت عمرك من الثلاثين وجاي يمكن تذكر السربوت عندنا من هو الي يكلم بنت بالثابت ولا قد شافه وهالحين رح للسوق الداخلي ممر بس أو العثيم والله لو أنت وجهك يوجعك وتوك قايم ولا حلقت شف الهبال وأنت أبخص بهالأشياء والله من وراء القصد ...

[السيد سامح]

لاحول ولاقوة الابالله حسبي الله ونعم الوكيل
الناس تغيرت والغيرة راحت
اه اه اه بس لونرجع مثل قديم

[عبدالمجيد]

ابشرو بالخير . اهل الخير مجود واهل الدين موجود

[ابوولعf]

والله العظيم هذا شي يقهر وانا امس بسوق رايح اشري ملابس لي اللي بجرده

مريت قسم بالله انهم تقول كفار اللي مطلعه اعيونه وتناضر والثانيه عليه ثياب ضيقه والثالثه تغازل والقهر الكبير المستفيد ابو يمن حسبي الله عليهم


راحو الناس راحو اللي يغارون

[abu omar]

لاحول ولا قوة الا بالله

[محترف الخبوب]

حسبنا الله ونعم الوكيل

انا لله وانا اليه راجعون

ربنا لا تؤاخذنا بما فعل السفهاء منا

[ŔǺỶĀЙ]

والله يانت قديم
اهل بريده منول الدين الحين كل شي تغير
وفيه الصالح وفيه الطالح
وين الهيئه:confused: والله مهزله بالعثيم رحت انا اليوم والله يشيخ متقول هاذي بريده:oo
اغاني ومغازل عينك عينك:(
ولاحول ولاقوه الا بالله

[محمدالعنزي]

والله العظيم هذا شي يقهر وانا امس بسوق رايح اشري ملابس لي اللي بجرده

مريت قسم بالله انهم تقول كفار اللي مطلعه اعيونه وتناضر والثانيه عليه ثياب ضيقه والثالثه تغازل والقهر الكبير المستفيد ابو يمن حسبي الله عليهم


راحو الناس راحو اللي يغارون

ماشفت شي بعد
:oo:oo:oo

[محمدالعنزي]

ان لله وان اليه رجعووون

انصحكم لا تودو اهلكم الى العثيم مول الفساد كثر والزنا كثر وووووووووووووووووووووووو

يا زين الخبيب ويزين شوارع برريدهـ قديم اه اه بس

زمن قاسي


والدين راح قبل امس مريت من عند دوار العثيم ولقيت سياره بي ام حمرا مافيه تنده والاغااني والدوران

حتا بنهضه اغاني ودوران وتفحيط وسربته


الله يعين بس والله يووفق كل مسلم ومسلمه

وتقبلو تحياااتي

[ان70]

خلاص خلاص الزمن غير كل شي

[الوافي .]

الدين موجود الى يوم القيامه
بعدين انت عسى دينك تمام ولا دين برداوي مثل ماقلت


يعدين ياخي خلهم يستانسون الى متى .......

[سدرة المنتهى]

الله يخلف
نسال الله السلامه والعافيه

[بلوتو99]

عيش يبوي

[m.a.s.i_1]

الواجب على كل ولي امر الانتباه لمن هو مسؤؤل عنهم
امسكوا عنزكم لايجيها تيسنا

[ايـ ق ـاع الزم ـن]

والقهر الكبير المستفيد ابو يمن حسبي الله عليهم

..
.
خخخخخخخخخخخخخخخخ
مستفيد؟
!!!!!!!

[البيضة]

الله يخلف بس

[@وردة الجوري@]

الله يهدينـــــــــــــــــا........

[ام حديجان]

ياللعاااار :|
موسيقى ؟!


×××××

[( الطيف المهاجر )]

أنا رجل أشتغل بالسوق الداخلي ..
قسم بالله مهازل وخرابيط يشيب الرأس منها .. بنات ماتستحي على وجهها ..
والمستفيد الكلب أبويمن ..

قسم بالله أكتب من حرقه ..

تحياتي ..
......( الطيف المهاجر )......

[برق بريده]

لاحول ولاقوة إلابالله

يأخوي وش قصدك بدين بريداوي؟؟؟؟؟؟؟؟؟ الدين واحد ومتمسكين بالعقيدة بإذن الله

يوم لاينفع لامال ولابنون إلامن أتى الله بقلب سليم

[|:. مـدرعـمـ]

:::








اكبر دليل على ان الزمن تغير ............!!

ردود البعض ع الموضوع!!





















’
::

[تشكيليـ ابكيلكـ]

يعدين ياخي خلهم يستانسون الى متى .......

وش يستااانسوون فيه :(
تبيهم يستانسوون بالمعاااصي والذنوووب
(( :eek5اللهم لاتاخذنا بما فعل السفهاء منا:eek5))

[(خـ ج ـل النواعمـ)]

لا حول ولا قوة إلا بالله ..

الله يهديهم ..

بس لا تكفرون الناس الله يصلحكم .. ماتاصل لهالدرجه ..

[الامير منصور]

ياناس حرام لاترهون بالحيل وكل انسان مسؤول عن نفسه وعن دينه ولاحول ولاقوة الابالله العلي العظيم

[صموته]

\

صراحه انا رحت امس للعثيم بغرض اتسوق ومااشفت من اللي تقولون شي ؟؟

استغرب من الناس تفرجت على القسم النسائي وانبسطت انا واهلي ورجعت الحمد لله ..

ارجع اقول اللي يبي الشر يجيه لو هو ببيته ..في نااس جالسين ببيوتهم ويدخلون رجال ؟؟

الله المستعان ..

[لبوة بريدة]

القابض على دينه كالقابض على ا لجمر في هذا الزمن ..

او أنا غلطانه يامصور !!؟

[لبوة بريدة]

ياابو سالي !!! وصل بك الفسق للاستهزاء باحكام الدين ..

عاملك الله بما تستحق .. والله لاأ نا داعية عليك في جوف الليل ، إن لم يرد الله لك هداية ..

[frrr]

كلام مبالغ فيه ومن يحب نشر الرذيلة يتفوه بهذا الكلام سوق عادي بس الخوف من أصحاب المحلات اللي بالدور الثاني متمردين وبناتنا خوات أرجال

[يزيدالس]

لا حوول ولا قوة الابالله العلي العظيم

[متميز2010]

لاحول ولاقوة الابالله حسبي الله ونعم الوكيل

[أبوأسامة300]

كلام مبالغ فيه ومن يحب نشر الرذيلة يتفوه بهذا الكلام سوق عادي بس الخوف من أصحاب المحلات اللي بالدور الثاني متمردين وبناتنا خوات أرجال

رح شف قبل ما تقولي كلام مبالغ فيه ..

[أبوأسامة300]

\

صراحه انا رحت امس للعثيم بغرض اتسوق ومااشفت من اللي تقولون شي ؟؟

استغرب من الناس تفرجت على القسم النسائي وانبسطت انا واهلي ورجعت الحمد لله ..

ارجع اقول اللي يبي الشر يجيه لو هو ببيته ..في نااس جالسين ببيوتهم ويدخلون رجال ؟؟

الله المستعان ..


الحق يقال ..

كلهم يقولون شفنا وشفنا وانتي تقلوين ما شفت شي ..:confused:

[بريداؤيه صح]

اللله المستعااااااااااااااااان

[الورد الابيض]

لاحول ولاقوة الا بالله
قال الرسول صلى الله عليه وسلم :
(من رأى منكم منكرا فليغيره بيده فان لم يستطع فلسانه فان لم يستطع فبقلبه فذلك اضعف الايمان )
الله يستر ويحفظ بناتنا واخواتنا وبنات ونساء المسلمين من كل مكروه
اللهم جنبـهـٌن التبرج والسفور امين
جزاك الله خير

[بنـــــــت عـــــــــــــــز]

الله يهديك يابو ولع ,,ياليت تنقي الفاظ احسن من التكفير يعني ماتصل لها الدرج
صحيح هالبنات من سيء لأسوء باللبس والحجاب والستر بدء ينعدم بس كلش ولا التكفير
وياليتك يابو ربى حذفت كلمة الكفر لأنها مو لايقه بموضوع مثل هذا..وانا عن نفسي ماشفت
هالمهرجان ولاأدري وش فيه بس اذا فيه منكر بلغو الهيئه او ادارت السوق وعسى فيهم خير يسمعون لكم
والناس كلن عقله في راسه ويعرف خلاصه ,,

[همسة مشاعر]

الزمن تغير وبريده تغيرت

والناس تغيرت وبعض الناس دينهم على كيفهم

والحين قليل الهيئه في المجمعات

ومفيه هيئه فيه فساد

.. الله يهديهم ..

ومشكور على الموضوع

[مجنون وطني]

الله يهديهم ويصلحهم

[Youth Buraidah]

خلك ريلاكس .........

[ابوولعf]

الله يهديك يابو ولع ,,ياليت تنقي الفاظ احسن من التكفير يعني ماتصل لها الدرج
صحيح هالبنات من سيء لأسوء باللبس والحجاب والستر بدء ينعدم بس كلش ولا التكفير
وياليتك يابو ربى حذفت كلمة الكفر لأنها مو لايقه بموضوع مثل هذا..وانا عن نفسي ماشفت
هالمهرجان ولاأدري وش فيه بس اذا فيه منكر بلغو الهيئه او ادارت السوق وعسى فيهم خير يسمعون لكم
والناس كلن عقله في راسه ويعرف خلاصه ,,


مشكوره اختي العزيزه ابوربى ليش يحذف شي صحيح

وش نسوي كلما اشوف بنات في السوق يغازلن يتقطع قلبي ويضيق صدري والله قهر حنا في بلاد الحرمين والبنات يسون كذا وببريده بعد

اما انتي مشفتي شي انتي نفس امي الله يحفظه تقول كل البنات اللي بسوق متسترات وانا اشوف العكس

الهيئه مساكين ميدرون وش السالفه اشوف اللي يغازلون قدام الهيئه ولايقول شي

[ابوولعf]

..
.
خخخخخخخخخخخخخخخخ
مستفيد؟
!!!!!!!


اسمع قصص تشايب الراس عن ابويمن واخر قضية 21سعوديه تصاب بليدز من ابويمن لعنة الله عليهم

[abo-saly]

ياابو سالي !!! وصل بك الفسق للاستهزاء باحكام الدين ..

عاملك الله بما تستحق .. والله لاأ نا داعية عليك في جوف الليل ، إن لم يرد الله لك هداية ..

يمه :re..!

[abo-saly]

الله المستعان يا بريدة ..
بالسابق كانت تعرف بريدة بالدين .

لاأعرف ماهو مقياس الدين لديك
هل تعتبر بعض العادات المتخلفه التي كانت موجوده بالسابق من الدين ؟!

اما اليوم فخلاف ما نسمع به عن اهل بريدة ..


ماذا تسمع الان عن بريدة وضح لنا رعاك الله ؟!

العثيم مول حاطن مهرجان وعروض وو...
وجايبين فرقة تعرض اسود و ثعابين وو ..

وحاطين مؤثرات صوت طبل و ايقاعات موسيقى وااااضحة والعالم حريم ورجال وشيبان وعجز تدربية وتسمع ومستانسة .

طيب
عروض وفرق وغيرها
اين المحظور الشرعي في ذالك ؟..!


وييييين الي يقولون عن اهل بريدة انهم معروفين بالدين ..


نعم اهل بريدة والسعوديه عامه معروفون بالدين ولايزالون اما بعض العادات المتخلفه التي إنقرضت
فهي ليست من الدين من شي ..!

الله المستعان بس ..


نعم الله المستعان ..!

[**ابو علي**]

وش وداك هناك دام الدعو حوسه

[نبض الروح]

لاحول الله ولا قوة الابالله
الدنيا تغيرت

[أيـALOooFـلاف]

لاحـــــــــــول ولاقـــــــــوه الابــــــــالله

[ابو شرين]

يا رجال هذا في سوق مقفل محد داري عنه

لكن المشكلة قبل كم يوم حفل يحضره رئيس الرياضة ونائبه ووقت الصلاة وعلى الهواء مباشرة
اغاني اجنبية وترقيص كورة علشان يدشنون على قولتهم دوري زين السعودي الله يرحم الحال

[أبوعبدالرحمن]

يا أخوان الحكي زين ..
ونصح المخطي أزين منه ..

نبي نستمر نقول : " الله المستعان " ..
يبي يتعدل شيء ؟؟!!

كلّم المسؤولين .. " ولا تحقرن من المعروف شيئا " ..
ولو كان المسؤول ما بيده صلاحية كاملة ..
فالله يرزقك ويكافئك على قدر نيتك ..

ومن الله التوفيق والتيسير ..

[الغائب]

لو اي واحد منا يعرف من الهيئة شخص ,,
ويتكلم بالموضوع هذا كان راح كل الفساد ,,

بس حنا مسكتين نقرا بس ,,

[مهندس بريده]

الله يستر على المسلمي

وشكرا على غيرتك

[الفــآهيه]

اولالاه مصدق انت ان بريده دينين

قسم بالله اننا صرنا العن من الرياض

والله العظيم اني احيانا تشتب تسبدي من شين اشوفه

خلها على الله بس

بريده القديمه راحت وولت وجا جيل جديد داشر الا من رحم ربي


اللهم يامثبت القلوب ثبت قلبي على دينك





تحيتي

[النبقية]

اخوووي الكلام الي انت تتكلم عليه ماعمري شفته مع اني تقريبنا كل اخر شهر موجود

[موتي ولا حزن امي]

لاحولاولاقوة الا بالله ضعف الدين ومات الخوف من الله

يلي تقولون خلو اناس تستانس لاتستاثم من كلامك

وين الغيره على الدين وين الرجوله هل ترضاء لاختك

اوزوجتك بلفساد والفاحشه اتقو الله ياخوان

[النبقية]

لاحول ولاقوة الاباللة اهل بريدة تغيروا مع الانفتاح الحضاري

[~RAHAL 8347~]

لاحول ولا قوه الا بالله

[بنـــــــت عـــــــــــــــز]

أخوي ابو ولع انا عارفه انك ماقلت هالكلام الا من الي تشوفه بس الي موعاجبني بكلامك كلمة الكفر ...احيي فيك غيرتك وحرصك على الستر والعفه ...واذا على ان الهيئه ماتشوف شي بالعكس هم حرصين اشد الحرص بس اتوقع انهم يحطون عينهم على الشباب اكثر من الشابات لأن البنات الله يهديهن اذا الوحده طلعت للسوق لازم ((مكياج وعدسات وبنطلون وترفع العابات عشان يبان))واذا احد طالعها تقول عيونهم زايغه وخاصه الهيئه والشي هذا سمعته بأذني من وحده فاتحه النقاب ولابسه عدسات وتقول الهيئه بس لحيه وهم يقزوننا قز <<<طيب تستري ولا راح احد يناظرك بالعكس الكل يحترمك .. حفظك الله ذخر للدين واهله

مجنونه كريستيانو,,,,,شقا نفسي>>>هداك الله التطور مو بسماع الغناء والرقص وتقليد الغرب الي واضح من معرفك ,,,اعجب ممن يصفون القابض على دينه بالمتخلف

[سـفـن دآيز]

شقا نفسي لو نسيتك

مجنونه كرستيانو رو

الله يخلف على اللي رباكم

وانتي يامجنونة كرستيانو ,, مجنونة بكافر !! أطالب الإدارة بحذف هذا المعرف المستهزئ المستهتر

والله اني اشك انت ولد مو بنت لأن بنات بريده ربي حافظهن وخليك في كندا ويارب يفكنا من شرك أو يموتك ,,






8
8
8

آخر زمان والله !!

[دموعي دلع]

لا والله الهيئه ما قصروا
من المغرب وهم متواجدين
والحمد لله ما شفنا اللي تقولون
اصلاًاللي يبي الخير يلقاه واللي يبي الشر يلقاه
في اي مكان
اهم شي المراقبه الذاتيه
وجزاكم الله الجنه

[عرش بلقيس]

الله يهدي الجميع لمايحبه ويرضاه
ويصلح احوال المسلمين والمسلمات
يارجال انتبهو لنسائكم عند الخروج انتم مسؤولون عنهن
مو معقوله اللي نشوفه في المجمعات والاسواق تبرج وتميع الله المستعان
لالالا تغترون في الدنيا ( الدنيا فانيه ) مهما طال بكم الامل

[قصمنجاوي]

الله يرحم الحال بريدة خلاص ماهي مثل اول ضهرت الحين انواع الفتن والمصايب


بس الرسول صلى الله علية وسلم يقول(لايزال في أمتى خير حتى قيام الساعه )

[أبو تميم114]

حينما نشاهد تعليق مثل هذا ما هو الانطباع الذي سيتولد عند القارئ ؟؟؟؟

ان المجمع يضم بين جنباته حانات وبيوت للدعارة ومحلات لبيع الكحول وصالات القمار ومطاعم تبيع لحم الخنزير وغيرها ...

ومن هنا نقول ..ان لغة الاقصاء التي انتهجها الاخوانيون وخاصة منظري المراكز الصيفية وفي الاشرطة التي تباع في التسجيلات الاسلامية والمحاظرات في الجوامع والسفرات مع الاحباب الى ابها والطائف والباحة في العقدين الماضيين كان لها الدور الاكبر في تنشئة جيل يعمل بمقولة لا اريكم الا ما ارى ....

فلوا القينا نظرة على مجمع العثيم لوجدنا نسبة كبيرة منهم يتجول مع عائلتة للتسوق في المجمع او تركهم مع ابنه الصغير او ارسلهم مع اهل زوجته او اختها وهو نفسة ومن يدور في فلكة يقول هذا المجمع مكان للزنا والفساد ...فهل نسمي هذا عربدة او استغفال للعقول ؟؟؟؟

الفساد موجود قبل وجود سوق القبة وشارع الخبيب فما بالك بمجمع العثيم الذي تمت توسعته حديثا .او النخيل بلازا ...

فلا ندري كيف يفكر هؤلاء القوم ؟؟؟؟ حرام وما يجوز وهذا فساد ثم نتفاجئ بانهم اول متقدمي الصفوف للذهاب لتلك المواقع ؟؟؟ فحينما بدأت المهرجانات الصيفية قالوا بانها نواة للتغريب والعبث واللهوا والان هم من يدير تلك المناشط ؟؟؟؟

ومن هنا نقول الفساد موجود في العثيم وغير العثيم ومن سيذهب للتسوق فله مرادة ومن سيذهب للمعاكسة فالله حسيبة ولا ذنب للعثيم بما يدور في المجمع الرجل حط سوق وفيه معارض ومطاعم ولا يوجد فيه مراقص او حانات لبيع الكحول ...

ما شاء الله ذابحتك الثقافة والعقلانيه والرزانه
مسوي نفسك ناقد وفاهم الحياة
الحين ياكمخه يادبشة المنتديات
علمن ...وش دخل توسعة العثيم وأسواق النخيل
بأصحاب المراكز الصيفية ومهرجانات الصيف
أنا لن أسب أو أمتدح أسواق العثيم السراحة أنا مادخلة أسواق العثيم عقب التوسعة
ولا أعلم هل هو صحيح أم لا ماقيل عنه
لكن رجاء لا توسع الموضوع وتروح تسب المراكز الصيفيه
لأن لهم جهد واضح ومنافع كثيرة
والسفريات لأبها والطائف والباحه يبدوا أنك حرمة منها فلذالك بدئت بالقذف بها
وشكرا

[الــمــفــتــرس]

لا حول ولا قوة الا بالله

[الشمس المقمره]

لاحول ولاقوة الابالله حسبي الله ونعم الوكيل

[بنـــــــت عـــــــــــــــز]

أختي عرش بلقيس,,,,,,صدقتي والله وهذا الي كنت ودي اقوله المفروض كل ولي امر يراقب
محارمه وخاصه بالخروج للسوق لأنهم يتركون الحبل على الغارب وبعدين يقولون الدنيا مافيه
امان ..والشباب يتحرشون ببناتنا ويعاكسونهن وبناتهم اصلا اساس المشكله باللبس الماصخ
والشباب هم الضحيه ...والله المستعان

[active]

والله يانت قديم خل الناس تستانس انت ماتبي لاتروح.بعدين وش وداك انت؟

ياسلام.. اللي يستنكر المعاصي يصير قديم!!!

استغفرربك أصلحك الله

[ام عص دوت كوم]

اااااااااااااااااايه الحين تغيرت بريده الفسق بكاااااااااااااااال مكان ماوقفت ع العثــــيم يااما شفنا هويل بغير العثـــيم مير ماقول غير كلن ينتبه ع اهلوه ولله يهديــــــهم

[بشيرة الاموره]

والله يانت قديم خل الناس تستانس انت ماتبي لاتروح.بعدين وش وداك انت؟

شف خل النا س تستانس بس بالدين يعني مو يسمعون اغاني ويقول نبي نستانس لا استانس على شئ يفرح الله

(h)(h)(h)(h)(h)(h)

[بسمات دامعة]

العثيم ما تجيه هيئه ليش ؟

هل هم ممنوعين ولا وش السالفة

[فارس القوافي]

أخي الفاضل:

تأمل معي الآية التالية؛ إذ حذرنا الله فيها من إثم كبير. يقول الله تعالى:" إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالآخِرَةِ وَاللَّهُ يَعْلَمُ وَأَنتُمْ لا تَعْلَمُونَ" (النور:19).



فتأمرنا الآية بأن يكف الناس عن التحدث بما رأوه من الفاحشة بين المؤمنين؛ حتى لا تهون في نظر الناس، فيألفوها، ويقل خطرها على قلوبهم. هذا عن الفاحشة التي يرونها عيانا، فكيف بما لم تر العين ولم تسمع الأذن؟



وكيف يجرؤ الإنسان على رمي بريدة كلها في تخليها عن شرع الله،.

كيف وفي بريدة علماؤها وصالحوها، ومصلحوها، كيف وقد امتدت هذه الصحوة الإسلامية في كل بيت، وعلى كل حدب وصوب، وهذه الملابس المحتشمة، وهذه المساجد المكتظة، وهذه البنوك الإسلامية العامرة، وهذه الجمعات المنادية بالإصلاح ومعاقبة المفسدين. فمن وراء ذلك؟ أهم العصاة "سُبْحَانَكَ هَذَا بُهْتَانٌ عَظِيمٌ"(النور:16).



كيف، وقد قال رسول الله صلى الله عليه وسلم: "لا يزال ناس من أمتي ظاهرين حتى يأتيهم أمر الله وهم ظاهرون". وقال أيضا:"من قال هلك الناس فهو أهلكهم"؛ لأن كل إناء بما فيه ينضح.



فصاحب النفس الخبيثة يتخيل أن كل النفوس خبيثة، وإذا طفقت تحدثه أن بين الناس من هو صالح السريرة، مستقيم الطوية ستجده يرد ذلك، وينكره؛ لأنه لا يتصور إلا أنفسا مثل نفسه، فما عرف الصلاح ولا عاشه، فكيف يتصور وجوده.

لقد قرر الإسلام ثمانين جلدة للمفتري، يفتري على شخص واحد بالزنا ما لم يأت بأربعة يشهدون أنهم رأوا ما رأى، فكم عساه يكون حد من يفتري على مدينة كاملة أن نصفها أنهم تركو دينهم!



فاتهام الآخرين بأبشع التهم يعد من أعظم الذنوب، وقد قال رسول الله صلى الله عليه وسلم: "إن الرجل ليتكلم بالكلمة من سخط الله. لا يرى بها بأسا. فيهوي بها في نار جهنم سبعين خريفا، أي سبعين سنة".

أخي الحكم في التعمييم خطير . وأن وجد بعض المعاصي أو الذنوب . فلا تتهمهم في ترك دينهم .
وأن سفة منهم من سفة أو أخطأ طريق الصواب, يضل متمسك في دينة.
الخطأ والذنب وارد ومن طبيعة البشر.
لهم رب يحاسبهم وهو الغفور . (دع الخلق للخالق) ونصح وأمر في المعروف وقتصد في ذالك أخي .

[(فاضي & مليان)]

والله ماعندك رجال تسنع بناته
ما تطلع إلا بمحرم بصراحه شي يضيق الصدر

[الميدان]

ما شاء الله ذابحتك الثقافة والعقلانيه والرزانه
مسوي نفسك ناقد وفاهم الحياة
الحين ياكمخه يادبشة المنتديات
علمن ...وش دخل توسعة العثيم وأسواق النخيل
بأصحاب المراكز الصيفية ومهرجانات الصيف
أنا لن أسب أو أمتدح أسواق العثيم السراحة أنا مادخلة أسواق العثيم عقب التوسعة
ولا أعلم هل هو صحيح أم لا ماقيل عنه
لكن رجاء لا توسع الموضوع وتروح تسب المراكز الصيفيه
لأن لهم جهد واضح ومنافع كثيرة
والسفريات لأبها والطائف والباحه يبدوا أنك حرمة منها فلذالك بدئت بالقذف بها
وشكرا



شكرا لك ولادبك الجم واخلاقك الرفيعة في الرد على التعليق..كان الاولى بادارة المنتدى ان تعامل الاعضاء بالمثل

[همآكـ تحبني]

وش به العثيم وش زينه انواع الوووووناسه لويحصل لي كل يوم هنااااااااااااااك

واسكتووووو بس تشيشون اهالينا وهو شي عااااااادي... مايستاهل الصجه واللجه

[البايسن]

ـآيًٍَِـًٍََِِـًٍَِهَِـَِِ وَِشََِ بَِهَِ اَِلَِعثيييم والله انكم معقديين يااهل بريده

اذا عندكم غييرهـ لا تودوون اهلكم

[Sultms]

وش به العثيم وش زينه انواع الوووووناسه لويحصل لي كل يوم هنااااااااااااااك

واسكتووووو بس تشيشون اهالينا وهو شي عااااااادي... مايستاهل الصجه واللجه

^^ الأشكال هذي هي السبب ببداية النهاية ,, ياليت والله كل رب أسرة ومسؤول ان يراقب أولاده ويحسن تربيتهم مو يتركهم في الشوارع والأسواق لا حسيب ولا رقيب ,, اذا ماكان يغار على أهله ولا يخاف ربه على أقل تقدير يحترم أهل الديرة ولا يشوه سمعة ديرة كاملة بعلمائها ورجلاتها .

شكراً لك صاحب الموضوع

نسخة إلى هيئة الأمر بالمعروف والنهي عن المنكر
نسخة إلى صاحب أسواق العثيم بأنه مسؤول عن اي شيء يحدث داخل المجمع
نسخة لكل من في قلبه غيره على أهله ومصلحة مجتمعة أن يحسن تربية أولاده وبناته في الأسواق ولا يتركهم لا حسيب ولا رقيب

تحياتي للجميع : 12

[أبـو فـهـد 2010]

جـــــــــــزاك اللــــــــــــــــــه خير ياأبو اسامه
علــــــــى الــــــــــــــرد

[انواع التسعم]

والله العظيم هذا شي يقهر وانا امس بسوق رايح اشري ملابس لي اللي بجرده

مريت قسم بالله انهم تقول كفار اللي مطلعه اعيونه وتناضر والثانيه عليه ثياب ضيقه والثالثه تغازل والقهر الكبير المستفيد ابو يمن حسبي الله عليهم


راحو الناس راحو اللي يغارون

ملاحظه: عمري ماشفت كافره متغطيه وشلون تقول تقل كفار مطلعات عيونهن وهذا اعتبره قذف وتكفير اطلب المغفره يااخي

[انواع التسعم]

مشكوره اختي العزيزه ابوربى ليش يحذف شي صحيح

وش نسوي كلما اشوف بنات في السوق يغازلن يتقطع قلبي ويضيق صدري والله قهر <<<شكلك منقهر علشانهن ماعطنك وجه شكل وجهك مقشعه ياعزيزي والدليل انه بردك الاول تقول المستفيد اليمنيين الله يرحمك برحمته حنا في بلاد الحرمين والبنات يسون كذا وببريده بعد

اما انتي مشفتي شي انتي نفس امي الله يحفظه تقول كل البنات اللي بسوق متسترات وانا اشوف العكس

الهيئه مساكين ميدرون وش السالفه اشوف اللي يغازلون قدام الهيئه ولايقول شي

هههههههههههههههههههههههههههه

[مراسل بريدة ستي]

الدين موجود الى قيام الساعه.

[غسان الرايق]

انا دوما اسأل في مثل هذه الحالات التي يختلط الحابل بالنابل:

1م- وين اهاليهم؟
2- هل اصحاب السوق لهم دور ومدفوعين لعمل الشيء؟
3- هل هناك احد يرضى ان يزاحم عرضه بهذا الشكل؟
4- هؤلاء النساء المنفلتات هل لهن هدف غير هذا؟ او طموح بفساد اكثر؟
5- ماهو تقيييم الجهات الامنية والهيئات لهذا الفعل؟ ولماذا يتكرر في اكثر من مناسبة؟
6- ماذا يقدم هذا الفعل للوطن والاسر والمجتمع؟
7- لماذا يوجد اناس يفرحون ويدافعون عن مثل هذا الحدث ؟ مثل اخونا صالح البراهيم ! وهل يرضى لاخته ان تفعل هكذا امر؟؟

[سـفـن دآيز]

ياخي مواضيعكم تافهه ...

^^
^^

ردك هو التافه الرسول والدين أمرنا أن نأمر بالمعروف وننهى عن المنكر ,,

" قل خيراً أو أصمت "

.

.

[*خفايا الروح*]

ربي مواعدناا انه مهوب تاركنا وان الدين بيرجع مثل ماهو لا تظيق صدوركم :eek5
والاشياء اللي نشوفه الحين من علامات يوم القيامه يعني لازم تصير :p

[$مــمـــيــــز$]

والله يانت قديم خل الناس تستانس انت ماتبي لاتروح.بعدين وش وداك انت؟

عقولٌ بــالت عليها الفضائيات !

متى أصبح الدين قديماً ورجعيا
إن كنت جباناً ولم تتكلم بالحق
فلا تخض في الباطل ~
هدى الله الجميع ..

:f:

..

[دبدوبه ستي]

لاحول ولاقوة الابالله

[بـقآآيـآآ ج ــرووح]

طيب يا أساامة 300 ورااك على العرووض والثعااابين ... الاغاني صح ماقلناا شي هذا غلط لاكن العروض والمهرجااان شي زين البزراان يفرحون ويستاانسوون ياليت تحرى الدقة بموااضيعك الجااية

[غيد11ء]

لاحول ولاقوة الا بالله

[mr.muhmmed]

والله يانت قديم خل الناس تستانس انت ماتبي لاتروح.بعدين وش وداك انت؟


ـههههههههههههههـ


ياحبيلكـ يعد ,,
خلاص آجل كل واحد يقعد بـ بيتهم ,, :d

[أبوأسامة300]

طيب يا أساامة 300 ورااك على العرووض والثعااابين ... الاغاني صح ماقلناا شي هذا غلط لاكن العروض والمهرجااان شي زين البزراان يفرحون ويستاانسوون ياليت تحرى الدقة بموااضيعك الجااية


نفس الفرقة هم الي حاطين المؤثرات الصوتية ..وشكرا

[أبوأسامة300]

ياجماعة الكثير فاهمن غلط ..

قصدي بالموضوع ليييش حاطين المؤثرات الموسيقية والعالم ساكتة خااااصتن الهيئة ....؟؟؟؟

بغض النظر عن المغازل وغيره .. هذا موضوع آخر ..

على ما اعتقد لو ان هذا حدث قبل 15 سنة الى 20 لكان حديث الناس بالمجالس ..؟؟

واليوم كل شي عادي واكبر دليل دخول السينما و جامعة جدة وو..الخ)

كل شي تغير والله المستعان ...

*ملاحظة :
الهيئة على راااااااسي لا يفهم احد اني انتقصهم ..

[العـشة]

خذ نص الهرج واجدع باقيه

ولا تدري خذ شوي منه وتنقه

لان الواحد منكم للأسف يعمل من الحبة قبة

وين الي يقول كفار ههههههههههـ الله يصلحك والله ان اكثر هرجك توليف

ولكل قاعدة شذوذ .. وفيه شريحة بنات ما يستحن .. انا اتكلم عن الي ما يستحن بس لأن الي يستحن ومتربيات عن الاساس

خلاص يا عالم تكفي حركات المكبرات .. الواحد ان شاف بنت ما تستحي

قال ان اغلب الي به ما يستحن يكفي وش هالهرج ذا

طفح الكيل كل شي عندكم قلة ادب ما عمري شفتكم تمدحون

والله يانتم عالم بعد :(

[الصمت حكمه]

نحن في خطر الله يستر

[معشي الذيب]

لاحول ولاقوة الابالله

[الخندقـ]

والله يانت قديم خل الناس تستانس انت ماتبي لاتروح.بعدين وش وداك انت؟

ههههههههههههههه
هههههههههههههههههههههههههههه
هههههههههههههاااااااااااااااااي

قسم بالله ياااااااااااانتم فاااااااااضين

[حلاالقصيم]

أخوي صالح البراهيم انا منب مطوع أنا سربوت بس مايصلح تقول خل الناس تستانس هذا آخر الزمن وإذا انت عمرك من الثلاثين وجاي يمكن تذكر السربوت عندنا من هو الي يكلم بنت بالثابت ولا قد شافه وهالحين رح للسوق الداخلي ممر بس أو العثيم والله لو أنت وجهك يوجعك وتوك قايم ولا حلقت شف الهبال وأنت أبخص بهالأشياء والله من وراء القصد ...

طول عمركم ياهل بريده متقوقعين انا ابدددددددددن ماشوف اي شي فيها (نعنبوكم نبي نستانس) وكل انسان ونيته وبالنسبه للموسيقى هاذا الي غير صحيح

[S T R A N G E]

الله يستر بس ..:(

[الورد الابيض]

.
.

التربيه
التربيه
التربيه
زرع الثقه باعتدال
الرقابه الذاتيه
الخوف من الله ومن العواقب بالمستقبل
.
.

لو جمعنا ماسبق في كل أسره لأخرجنا فتيات صالحات وشبابا ً صالحين باذن الله

[&بدر الدجى&]

نعيب زماننا والعيب فيــنا &&& وما لزماننا عيب ســوانا

[بيداء]

أنا بنت وماراح أحكي إلا عن البنات اللي مثلي وش دران عن العيال وهبالهم
لاجاتكم الصراحة البنات انهبلن مع اني ماأروح للأسواق إلا بالشهر مرة أو مرتين بالكثير ع حسب حاجتي
بس كل مرة أنهبل من اللي أشوفه من بعضهن والله العظيم ان عباية الكتف صارت شيء عادي وخصوصاً بالعثيم
كم مرة أشوف وحدة هي وشلته لابساتن عباية كتف وداعجاتن هالكحل والعدسات ألوان وأشكال
أنا اللي هي بنت يعجبني شكلهن وش لون عاد بالرجال يا خزياه
يعني مادري وين أهله هي نفسه ماتستحي وشلون تتجرأ تسوي بروحه كذا ولا تقعد تقزز بخلق الله
عيييب والله عيب ما أقول الله لا يبلانا ويعافيهن ويهديهن لمايحبه ويرضاه وإن شاء الله انهن مهب من بريدة
لني ماظن بنات بريدة فجأة يتفتحن ويلبسن كذا لا تقولون لي وش فرقهن عن غيرهن لا بنات بريدة يفرقن عن غيرهن ان أغلبهن ماتعودن على تسذا
يعني فجأة يلبسن هالعبايات يسون هالحركات البايخة ؟ وصديقتي تقول لي تعالي شوفي السوق الداخلي والهبال اللي فيه بصراحة ما توقعت الحال وصل لهالدرجة
يعني وين أنا عايشتن فيه ؟؟؟؟؟ ليش الزمن تغير والرجال ما ينتبهون لرعيتهم؟؟؟؟؟؟؟ والبنات انهبلن ليش يا ناس لييش " وعلى فكرة قصدي بكلامي كله البعض مهب الكل " حتى ما ألقى رد يقول لي لا تعممين

وشكرااا /

[أبوأسامة300]

طول عمركم ياهل بريده متقوقعين انا ابدددددددددن ماشوف اي شي فيها (نعنبوكم نبي نستانس) وكل انسان ونيته وبالنسبه للموسيقى هاذا الي غير صحيح


يعني موب مصدقتن ..

يعني اني اتسذب ..:i121:i121

قسم بالله العلي العضيم الكريم انهم حاطين موسيقى .. وش تبين غير هالحلف ..

[انين حياتي]

مواضيعكم سطحيه جدا...

[بيارق]

انا اعتقد انك مكبر الموضوع اكبر من حجمه

[ALMOHANNAD]

ياجماعة بريدة كبرت وتوسعت وصار الناس تجي من أنحاء القصيم عشان تتسوق بالعثيم وغيره فأكيد إنه أكثر البنات السيئات من خارج بريدة

[ابتسام القصيم]

اجل وش تبي يسوون الحين يقالك شايف شيء

السكوت افضـــل... وخلك بحالك ولاا تقول شيء ما تدري وش معناااه...


ومشكووووووور

[جديد123]

كلن محاسب على عمله

وفعلا ماكتبته ياخي

الدين والغيرة راحت الله المستعان

بارك الله فيك

[راعي الفزعه]

ان لله وان اليه رجعووون

انصحكم لا تودو اهلكم الى العثيم مول الفساد كثر والزنا كثر وووووووووووووووووووووووو

يا زين الخبيب ويزين شوارع برريدهـ قديم اه اه بس



وييييييييييييييين البلاوي بالخبيب الله يصلح عقلك ..:d(f)

[واخرتها]

ابو اسامه مع احـترامي الشـديد لـك


ياخي انت شكلك تتكلم عام ألف وثلآثمآئــه ، ياخي انت الحين في عـام 1430 يعني روقنـااا


إذا كان الطق مدري الدف الي يقولون انه عادي ، ومدري شنو ، اخرتها تطلع اغـنيه ، ويبغونها

ولا من زود الطفـاقــه ، الي يغـني ، امراء ، وانت تقول اهـل الدين ، ياخي زمانهم ولى والحين جاي تقول وين راح الدين يـ اهل بريده

ليه اهل بريده ملائــكه ..؟

ياخي شوف كلامك قبل لاتـكتبه الله يهـاديك ،،

ترى شخص عن شخص يـفرق الله يطول لي بعمرك ماله داعي تعم اهل بريده كلها

وإذا تقول دين ،، كلهم ،، بقول لك غلطـاان

ياما تحت السـواااهــي دواهــي الله يستر علينا وعليهم ،،

بس إحب اقولك ، يعني إذا موب عاجبك طال ع ـمرك ، لاعـاد تروح العثيم ترى هم بغنى عـنك ربي يخـليك ،،


< يقول ناس فاضيه تبي بس موضوع تطرحه ولا يعرف الموضوع يستفـااد منه او لاا


تحيااطــي [ تحيـاااتي ]

[((قرعيطـــه))]

عجزززت افهم لكم كل واحد جاايبن حااصله مع شششنق

والله يابيي كلن ذنبه ع جنبه

وين رااح الدين يااهل بريده>>وش قصصدك

[شيبة الهلال]

بسم الله الرحمن الرحيم

السلام عليكم ورحمة الله وبركاته

الله المستعان يا بريدة ..

بالسابق كانت تعرف بريدة بالدين ..

اما اليوم فخلاف ما نسمع به عن اهل بريدة ..

العثيم مول حاطن مهرجان وعروض وو...

وجايبين فرقة تعرض اسود و ثعابين وو ..

وحاطين مؤثرات صوت طبل و ايقاعات موسيقى وااااضحة والعالم حريم ورجال وشيبان وعجز تدربية وتسمع ومستانسة ..



وييييين الي يقولون عن اهل بريدة انهم معروفين بالدين ..


الله المستعان بس ..


احس انكواحد كلاك

الحين انت تقول العثيم مول حاط عروض ووووووو

واخرتة ترد وتقول رايح اشارك بالمسابقة

[السعادة]

السلام عليكم أخونا الأستاذ/ أبو أسامة
بريدة تغيرت لان الكثير من المحافظات القريبة قدموا للسكن في بريدةوأيضاً أهل القرى والهجر
يأتون للتسوقفليس غريب أن ترى كل .........في الأسواق والمتنزهات هذا أمر
والأمر الثاني أن بعض الناس ذهبت عنه الغيرة بسبب الدشوش وإتباع الهوى
الرجال(أزواج-- أبناء-- أباء) الكل مشغول عن واجبه الأساسي بالركض وراء جديد القنوات
الصاخبة والاقلية يركضون وراء الرياضة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اللهم اهد جميع المسلمين وردهم لك رداً جميل......... آمين

[ابوسلاف]

بسم الله الرحمن الرحيم

السلام عليكم ورحمة الله وبركاته

الله المستعان يا بريدة ..

بالسابق كانت تعرف بريدة بالدين ..

اما اليوم فخلاف ما نسمع به عن اهل بريدة ..

العثيم مول حاطن مهرجان وعروض وو...

وجايبين فرقة تعرض اسود و ثعابين وو ..

وحاطين مؤثرات صوت طبل و ايقاعات موسيقى وااااضحة والعالم حريم ورجال وشيبان وعجز تدربية وتسمع ومستانسة ..



وييييين الي يقولون عن اهل بريدة انهم معروفين بالدين ..


الله المستعان بس ..



لو الله يفكنا من جنسك ممن ثير البلبلة كان حنا بخير
ياريتك طرقت الموضوع بشكل افضل من هالاسلوب الاستفزازي انا اول ما قرأت كلامك قلت البنات يرقصن ويتعرن على حسب الايقاع
الله يصلحك

[زيزو بن عبودي]

هههههههههههههههههههههههههههه

والله لو هم جآيبين محمد عبدو ونآنسي عجرم

ينآس كبرو عقولكم تبتلوون معقدين ؟!

ياخي مآتبي تسمع أغآني لآ تروح لم السووق ..

وش التخلف هذآ ..!

[$مكتف النملة$]

لاحول ولا قوة إلا بالله
الله يستر على بناتنا وبنات المسلمين
ويهديهم ويصلحهم ويبعد عنهم كل شر
والله يهدي العثيم

[((قرعيطـــه))]

انتم قلتوهــا مؤثرات صوووتيـــــه ويعني لو صــار جد مسسيقه ورااكم بغلطه وحده حكمتوو عليه انهاا مااكنت شي:(

او غلطت الششااطر بعششر>>تقصد اهل بريده:d

انا منب اقووول يعني خلو الاغااني او اني فرحتن بهن لاكن ورااكم قلبتو كلكم على بريده :oo

[برنس]

يا جماعة الخير كل الي تشوفون ليسو من اهلا بريده الأصليين

اهل بريده هم اهل العزه وانخوه

[ذلتهم عيوني]

الموسيقى موب حرآم



...{.الطبل موب حرآم



الي حرآآآم .}.تجلس تقوول رآح دين بريده.

[عزيزالفزعه]

والله يانت قديم خل الناس تستانس انت ماتبي لاتروح.بعدين وش وداك انت؟

يوم القيامه وش تقول قدام الله وتبيهوم يستانسون بمعصيه الله والله انك صاتز راح زمان بريده وجت زبايلهم بيوخرون سمعة بريده
ومشكور على الموضوع

[خفاق]

أعتقد أن الفرق الآن أن كل صار يكتب با النت ...


ويكتب على عقله هوو يعني ما شاف الشي هذا ...

ياليت نفكر قبل ما نكتب ...

.... الجنه تبي والآخره تبي ...

يعني مو معقوله الناس تصير كلها على نمط واحد ...

[مسكين]

لتوضيح بعض الامور لكم

http://www.buraydahcity.net/vb/showthread.php?t=176727

[*حـلا*]

كل منطقه من مناطق المملكه فيها الصاالح :41
وفيهاا الطاالح :42
وكل بيت من بيوت القصيم او بريده خااصه فيهاا الصاالح:41 وفيها الطالح :42حسب القدوه والتربيه يعني بنت تربت ع الفتن وامهاا راعية اغااني والاغاني ترزح بالبيت اكيد تبي تحسب هالشي عاادي:) وفيه بنت نشأت ع الطاعه والحشيمه تلاقيه لابسه عباة من سن 11 سنه هذي لو يصير عمره 30 مستحيل تطلع عيونه:oo ....
ومثل ماقاال الميدان اللي يبغى الشر يجيبه لو مسكر الغرفه عليه بقفل بعد يعني حرماان الاهل من الاسواق مو حل ومراقبة البنات اذا طلعن للسوق مو حل لان كثير بنات اذا نزلوهن اهلهن للسوق لبسن العدساات وكحلن:eek:
واذا قربت جيت اهلهن مسحنه ولاكأن شي صاار....:rolleyes:
ومن كل هالهرج اللي قريته ب9 صفحاات :re مااعجبن الا كلااام(الميدااان و ع البريدي).................
ورجاءً لاحد يتطنز واللي يبي يغعلق على كلامي يقل خيير او يسكت لاني مالي خلق مطاقق بالهرررج:mad:....
لاني اشوفكم كل واحد يقتبس كلام اللي قبله ويتطنز والمشكله انه افضل منه بس شي بالنفس:confused:

[ღ.. متآبع بصمت ..ღ]

, , ,


إلى الحين مارحت للعثيم



: 12

, , ,

[majodi]

إذا لم نأمر بالمعروف وننهى عن المنكر .....
سيبدل الله بنا بقوم يامرون بالمعروف وينهون عن المنكر....

[تميم10]

v
ربن لا تؤاخذنا بما فعل السفهاء منا إن هي إلا فتنتك تضل من تشاء وتهدي من تشاء

[بريداوية مقهورة]

أنا مدري من وين تخترعون هالكلام ..
خافوا ربكم ..
أنا كم مرة رحت العثيم و شفت الهيئة موجودين عند البوابة و من داخل المركز ..
و مافيه شي من اللي تقولونه ..
فرقة تسلّي الحضوور و مافيها شي يخالف الدين ..
الرجال ع جهة و الحريم ع جهة ..
و كلهم متغطيين و الهيئة ما عمرهم قصّروا بـ شي ..
بس فيه ناس يحبون يبالغون و الا أصلاً ما راحوا بس سمعوا و يزودون بالكلام ..!!

[تشكيليـ ابكيلكـ]

الموسيقى موب حرآم



...{.الطبل موب حرآم



الي حرآآآم .}.تجلس تقوول رآح دين بريده.

اللهم لاتأخذما بما فعل السفهاء منا ;)

[التويم]

السلام عليكم
اول الدين مو لااهل بريده الدين لناس عاامه
ثانيا السبب ما تربو الناس زين متروك لهم الحبل ع الغارب زي ما يقولون لو الواحد اذا راحو خواته لسوق راح معهمن وربي ما يصير شي من الي تقولووون كله المصيبه العظماء انا نزل البنات بالسوق الي فيه رجال ونتركهن ونمشي حتى يدقن يقول خلاص تعال وما ندري شنو يصير بالسوق اقل شي لو يكون فيه حريق او شي لاسمح الله كيف بيكون وضع المراءه فيه ووقتها
ثانيا الدكتور غازي القصيبي قالكم نبي اسوووواق خاصه بالنساء كامله وقالو الناس انه يبي يطلع بناتنا يبيعني واغلب الناس قمت التناقض
ما اقلو الا الله يصلح الناس ويفتح على قلوبها ويستر علينا من كل شر وفسااااد

[أبو رُبـــــى]

عذراً ..


لعل الرسالة وصلت المسؤولين ..

يكتفى بهذا النقاش .. بارك الله فيكم ..


[ يغلق ]