قصة ناس ذهبوا للحج وصلوا مكه ولم يمروا على الميقات .. ماذا جرد عليهم ..

[مدحت شوقي بريده]

اهلي وأهلك ....

سنة من السنين حجينا مع البواريد ... والا هك السنه خير وامطار وربيع .. عهدا بالله ان البعير مايرفع راسه من الأرض ..
والله يوم اخذنا ممشى يومين ... وايلا هاك الغدير ..
اومير ننوخ بعاريننا ونروي هاه ... ونملا القرب .. وينزلون الربع معاميلهم ويشبون الضوء هاه .. قال هاك اليوم صالح العلي الله يرحمه والدي وكل مسلم .. قال ياجماعه ترى الأمراح هنا مايصلح هاه ..
الغدير يرودونه الناس وانتم تسذا تضايقونهم ..
قال عزيز البراهيم يامال الجنه .. ترى كلام صالح ياجماعه صحيح هاه ..
مير خلونا نتشطر لنا شوي عن الغدير ونمرح هناك ..
قالو الجماعه اجل شوركم وهداية الله ... توكلوا على الله ..
ركضوا العيال يقومون البعارين المنوخه ويفكون المعقلات هاه ..
والا هاك اليوم معنا ابراهيم المحمد اللي يقالوه (( الدربيه )) ..
يوم راح لبعيره وناظر ويقلبه يمين يسار هاه .. واثر البعير مبنشر ..
قال ابراهيم يالله دخيلك ... انا مامعي استبنه ياجماعه وش السوات هاه ..
قال عبدالعزيز الناصر ... الله يرحمه ويقوموه بالعافبه هاه ..
انا ضارب حسابي جايب معي استبنتين ..
قاموا العيال هاه اومير ينهضون البعير مع عبدالعزيز .. وقم الله يرحمه ويقومه بالعافيه سليمان الأدغم هاه .. وفك الصواميل وغير الأستبنه ..
ايه الحمدلله رحنا ابعدنا عن الغدير هناااااك هاه ..
وتعشينا وامرحنا ... يوم اصبحنا ونشد عفشنا هاه ... ونمد يم الحجاز... اخذنا لنا شهر ونص شمر ونص لا الله واعلم انه شهر وعشرين يوم هاه ..
اومير نقبل على مكه ... يوم بحلقوا الجماعه هاه .. وهم يشوفون الكعبه..
قال صالح العلي الله يرحمه ... الله يرحمه راعي علم وشور ماتعداو هاه ..
قال يامال الجنة البارده .. ياجماعه ترانا وصلنا الحرم مامرينا الميقات ... وش الدبره هاه ..
ايه والله ... يوم ماش الجماعه شانت انفسهم على سليمان الأدغم ..

قال ياجماعه انتم قايلين لي نبي مكه نحج .. ماقلتوا نبي الميقات .. وجبتكم مع هالطريق هاه ..

قاموا العيال ولجوا عليه الله يرحمه وقالوا يالله نكسنا للميقات ياللي فيك مالا فيك هاه ..

امير يحول قم ونكسهم للميقات على كروتوه الله يرحمه ...

ايه راحو كلهم يامال الجنه ... الله يقومهم بالعافيه ..

معاني الكلمات :

انتهى كلامه رحمه الله ..
وكما قالت خالتي هيله ... يامال الدقم ..

او كما قيل ... اللي مايعرف للصقر ... يقول وانا مالي ومالوه ..

((((((( عفواً ... القصه من نسج الخيال )))))))

[العمدة]

مدحت .. جيل هالسوالف راحو الله يغفر لهم ما بقي إلا القليل .

أيام زمان يحج الواحد ويلاقي في سبيل ذلك أنواع المصائب ، وربما لا يرجع من الحج سليماً معافى ..

واليوم أربعة أيام والواحد عند أهله ، وبالكاد يحج ، كل سنة يقول صغير أتوي ما بعد ...

أنا ما أدري مته يكبر ؟

أما البنات .. تتزوج وتحج مع رجلها !

للأسف هذه حال كثير من الناس هذه الأيام ..

ما أدري هم ما دريو إن الحج يجب على الفور ؟ ولا إيش ؟

لا والله من قل الدبرة .

[مدحت شوقي بريده]

العمده ...

انشهد انهم راحو ... وراحت معهم الطيبه والبطوله ...

ماتو وماتت معهم الغيره والشهامه والرجوله ...

ولنا في عبق ذكراهم العيش على انين ماضيهم ...

والله المستعان هاه ...

[فيحان]

الله يكثر هاالسواليف
وشكراً،،،،،،،،،،،،،،،،،;) ;) :p :41 :41

[حفيد اعقيل]

ايه 00 يامتحت ذكرتن باهلي عقيل يومهم يسندون جهة الشام ومصر ذكرتن بالشبه
واجتماعاتنا هاك الحين بدير الزور والا ابلبيس بمصر الله واكبر يالدنيا ييييييييييه
هكالحين يوم النشاط والله ان اواحد ياكل قلة التمر واني أخبر اننا انتهاوش على ( لية) الخروف مانعرف شي يقاله مر 00 كيف كذا يامتحت سويته بي 00 الله على ذاك الزمان امنول ماعندنا شي اسمه كاكاو والله اني أخبرنا انتهاوش على الخلع أحب الينا من ( الجالاكسي) فيد التلوية 00 مير ياراي عندي لك 00 لا وبعد اسمه راشد ورا ماتحط الهرج اللي أنت قلت من شوي تمتيليه أو تنفيليه مادري وش تسمى اللي تتنح 00 هاه وش رايك لا وبعد تراه بطولتي والا تراي أبزعل وأغلدم*0 لا وترا عندنا مصورينن زاهبين عندك اللي ايقاله سعفه وش قلت أولم* علمن 0
---------------------------------------------------------------------------------
أغلدم : من غلدم يغلدم فهو زعلان وتقول العرب طقت الناقة براسها الجدار أي زعلت0
أولم : أي انجز ومنها قول العرب انجز تفو لاتقطعنا 0
قال الشاعر: أولم تراني صابرن أتحراك 000 ترا التميهن طبع بعض الرخومي

[مدحت شوقي بريده]

فيحان ..

شكرا لك حبيب قلب ميدي ...
تبي مثل هالقصص ..
امسك لك شايب من هالشياب واحجره بملحق وشب له ضويه ..
وسلمه الدله وتنكة السكري ..
وقول له ... المكرفون الك .. ابو عزيز ..
وخذ من هالمتخرمات ......
: 12

[مدحت شوقي بريده]

حفيد اعقيل ....

ياحبيل قلب ميدك ....

الله تخيل عندهم منول جالكسي ... ...
قريض ... وماهنا الا بالعيد بعد ....

اموووووووه ..