اناابي اعرف وين المهزله الي تتكلمون عنها ترااه شي عادي شي يوم وطني ومن حقنا نفرح فيه

[حصوووصي]

السلام عليكم ورحمة الله وبركاته

امس بالنخيل كاان انواع والوناسه

وكانت الهيئه ملياانه ووين ماترووح تلقى واحد قبالك

اناالي قاهرني الي يجلس يسب ويشتم وهو اصلن ماراح للنخيل ولاشااف شي

انامااقول مافيه بنات لابسين اعلام السعوديه الا فيه بس وش فيهاا هم مشوو دون عبياات

وربي استغرب من امرركم يعني شي عادي والحمدالله ماسوو شي غلط :mad:

انارحت مع ابووي وامي وجلسنا نتفررج وصراحه مافيها شي ابد ابد...

والحمدالله وين ماتروح في رجال الهيئه والشرطه وحراس الامن

يعني انتم ماتبوون الواحد يستانس يعني البنت اذا كانت محترمه روحه

ابد ماراح يجيها شي بس الي تبي مغازل تجيبه لو من الصين مو من النخيل

بس الي ماكان له دااعي البنات الي لابسين اعلام يعني لو انهم مالبسوا احسن واصررف

وبليييييييز يكفي قوول هذا حرااام ترى الناس فاهمين وعارفين وش الحرام من الحلال

وخلووا بناات وعيييال بريده يستانسووون ولكن كل شي له حـــــــد;)

واهم شي الوناسه والاخلاق وحب الوطن:d

وروحووا للرياض وجده وتقلوون صياعه مو مهزله وبس :(
تحياااتي

[سعيد بن مسعدة]

كلام خاوي يدل تماما على كاتبه ....

[Michael.2009]

لم احضر اليوم الوطني

لكي اعلق


لكم ودي

[Michael.2009]

السلام عليكم ورحمة الله وبركاته

بس الي ماكان له دااعي البنات الي لابسين اعلام يعني لو انهم مالبسوا احسن واصررف





وعليكم السلام

!!!

وش فيها اذا البنت لبست علم

و العلم ماهو حراااام

ولا هو عيب

لكم ودي

[بــ ح ــر المـشاعر]

*

ههههههههههههههههـــ

اجل وش فيها لا بسين اعلام ؟

وين الحياء والحشمه ؟ والنقابات والظل الي على العيون ولا لابسين عبايات ؟ <~ يبي لهن عبايات فوقهن مثل ما قالوا :113:

أنا الحمد لله مارحت للنخيل لكن من كلام الي راحو ..

وما قلنا ان جده والرياض ماشاء الله عليهم ندري وش الي عندهم !

يعني اذا طبوا الناس بالنار نطب معهم ؟ ;)

[حصوووصي]

بحرالمشاعر

خليهم ان بغوا يطلعوون دوون عبايات

كلن ذنبه ع جنبه ....

وانا ماقلتك طبي معهم بالنار

اجلسي بيتك وان شالله مانتي طابه النار والله حاله

يعني الي يبي يستانس لازم يطب بالناار..

ان شالله بيستانسوون ولكن بحدوود

[بــ ح ــر المـشاعر]

*

اذا كان كل واحد ذنبه على جنبه ! ليش تواجد الهيئه ؟

ومعنى ذلك انتس تأييدين الي جايين باللبس ذا بحجة انهم يحول يبي يستانسون مثل الناس ..

طيب ما قلنا لهم لا تستانسون لكن مهب تلبس علم وتفتح النقاب مايبقى الا خشته ماطلعت ؟ وظل وحركات !

[مدحت شوقي بريده]

حصوصي ..


مافي شي إسمه كلن ذنبه على جنبه ..
وين حنا فيه ..

قلت الحياء والمسخرة تخليه في بيتهم .. إن بغت تمشي مصلوخة ..


أما في الأماكن العامة فالواجب عليها وجوباً إنه تلتزم بالحياء والستر والعفاف ..
وعلى الشاب الالتزم بالذوق العام وعدم خرق أو تجاوز الأنظمة ..


هذا اللي نعرفة عن التواجد في الأماكن العامة ..


فما خالف العرف والعادات والتقاليد والدين قبل كل شي ..
فهذا تجاوز لايُقبل به في الشارع ..
فالأماكن العامة حق للجميع .. ويحكمها عرف البلد وهو ( الاحتشام ) ..



سي يو ..

[بريداوي غير]

إذا أردتي الأنس فعليك بكتاب الله .

وإذا لم تستحين فاصنعي ماشئتي .

[غلا الروح]

اللي اشوفه عااااادي النااس تحتفل وتستاانس
بس اللي انتقده اللي لابسين اعلام اقصد لبنات الكبار يطلع شكلهاا غلط مع اني ماشف احد لابس كذا الا البزارين
وشي يقهر بعد انهم يلبسونه العلم مكتوب لااله الا الله ويسحب الارض ابي الكل ينتبه لهنقطه ..
واللي انتقده اللي حاطين ظل اخضرطالع شكلهااا غلط في غلط..
اذا بتحتفلين ابسي شي نعوم مثل شال او بروش يدل على انوثتك اقل شي كبنت..
واللي كاتب في الموضوع الثاني ساقطاات يااخوي اتق الله في نفسك ..مايلفظ من قول الا لديه رقيب عتيق ..
مايجور تقول هالكلام ..الكافر مايرضى تقول عنه هالكلام فمااا بالك في مسلم ..
واذا انتم تسمونهن سقطااات اجل شنقول عن الشباب اللي يروحون للمراااقص..؟؟!!!!!
ومعقوله لهدرجه تحكمون عليهم انهم ساقطاات عشاان لبسين علم السعوديه ..ويحتفلون بعزهم ومجدهم ..
وبعدين انا شفت رجاال ومعهم زوجااتهم ولابسين احضر كسواره او اشارب عااادي ولا هذا بنظرهم ماعنده غيره ..!!

[حصوووصي]

معلييش انا ماقلت لها البسي علم

وحطي ضل بعيوونك اناالظاهر كاتبه بموضوعي

لو البنات مالبسووا علم اصررف واحسن

بس مانقول لهم لاتروحوون للنخيل لاانااقول روحوا وانبسطوو

بس تكون البنت محتشمه ومحترمه روحهاا

[ابوولعf]

(حصوصي و غلا الروح وبــ ح ــر المـشاعر
اصلن اي وحد رايحه للنخيل هذي مفيه احد يربيها ولا اخوه يخفون عليه عادي نتوقع اي شي من بنات شوارع

انا رجال مسوية الحركات هذي وشلون انتن يلبنات تسون كذا

[حصوووصي]

ابو ولع

انا رايحه يعني انا بنت شوارع

اهنيئك صراحه على ردك الذووق

انا رايحه ومعي امي وابوي والحمدلله محترمه روحي

ماحطيت لاعلم ولاشي انا رايحه غرض اني استانس واتفرج

زي ماالناس يستانسوون وياليت تحترم ردك وماتعم على الجميع

[ابوولعf]

ابو ولع

انا رايحه يعني انا بنت شوارع

اهنيئك صراحه على ردك الذووق

انا رايحه ومعي امي وابوي والحمدلله محترمه روحي

ماحطيت لاعلم ولاشي انا رايحه غرض اني استانس واتفرج

زي ماالناس يستانسوون وياليت تحترم ردك وماتعم على الجميع


وهذا ردك في شباب يبحثون عن السعاده
اليوم, 11:45 صباحاً #5
حصوووصي
عـضـو




تاريخ التسجيل: رمضان 1430
البلد: ببريده الحبيــــــــــبه
الجنس : أنثى
المشاركات: 12 الله وناااسه شكلهم مرره مستانسين

[Michael.2009]

*


أنا الحمد لله مارحت للنخيل لكن من كلام الي راحو



هنىا المشكله

من كلام اللي راحوو

مسويه زحمه و بالاخير مارحتي ولا شفتي حاجه

اللي قالو لك كذاابين

[ابوولعf]

ابو ولع

انا رايحه يعني انا بنت شوارع

اهنيئك صراحه على ردك الذووق

انا رايحه ومعي امي وابوي والحمدلله محترمه روحي

ماحطيت لاعلم ولاشي انا رايحه غرض اني استانس واتفرج

زي ماالناس يستانسوون وياليت تحترم ردك وماتعم على الجميع


طيب ليش مشفنا البنات الصالحات بنخيل ليش اللي اهله يخفون الله على بناتهم مرحو لنخيل وسو فتنه مع الشباب ومغازل ولبس ضيق

انا والله اذا شفة الحركات هذي يضيق صدري اقول وشلون بنات مسلمين يسون كذا
انا موب قصدي اني اهينك ولا اعلق عليك

[حصوووصي]

ابو ولع

ايه بس انت قلت اي وحده ترووح للنخيل بنت شوارع

على العمووم انااقولك فيه بنات امس ماطلع منهاا

ولاضفر محتشمه يعني فيه فرق بين الي تبي ترووح

تغااازل والي تبي ترووح تتفرج وتستاانس

وبعدين انت تقول ليه ماشفنا بنات صالحاات اتوقع انك

تدور ماجلست في فرشتك لان البنات الي جاين بتفرجون تلقاهم

بفرشتهم قدام عيون امهم وابوهم والحمدالله امس انا يدي ماطلقت يد ابوي

وحبيت اقولك لاتعم على بنات الناس وبس

[شنيدر]

في النخيل مشددين على دخول الشباب مررره

اتجهوا الشباب الى المزروع في عنيزه

وهناك المهازل بجد

بريده مافيها شي يذكر الا بنات في النخيل ولابسين اعلام

وهذا شي اقل من عادي

[ابوولعf]

الله يحفظك انا قصدي بليوم الوطني والاختلاط مع الشباب

[الــمــفــتــرس]

الله يصلح

[غلا الروح]

ابو ولع
اتقى الله في نفسك
وربي مالبست ولاشي اخضر ..
وقلت من البداايه حلو الاحتفاال بس بحدود المعقووول ..
واذا تشوف ان البناات اللي يروحون اسواااق بنات شوارع الله يعين اهلك عليك وربي ارحمهم ..
فكر متخلف ..

[بقايا فـــــرح ..]

لا تعليق

الله يهدي الجميع

تحياتي

سديــــــــــم

[ماركو]

نحن في زمن القابض على دينه كالقابظ على الجمر

الله يصلح الحال

[حصوووصي]

مادري فيه بعض الردود فيها تخلف

ومدري كيف انااقول عشان البنت تكون

مودبه ومو بنت شوارع تنطق في البيت

ولا تطلع ابد لا والله اناصراحه بروح وابجي ولكن بكون محترمه روحي

الله يعين بس عليكم الناس وصلوا القمرر وانتم بكل شي تدققون عليه..

[ابوحسنين]

انت تقول وش فيها يلبسون اعلام السعوديه



تلقاء اسم الله بكتفه ولا بضهره ولا
بعلباته اهون من الظهره بس ماقول الا المعافاء بنعمه

[ابوولعf]

ابو ولع
اتقى الله في نفسك
وربي مالبست ولاشي اخضر ..
وقلت من البداايه حلو الاحتفاال بس بحدود المعقووول ..
واذا تشوف ان البناات اللي يروحون اسواااق بنات شوارع الله يعين اهلك عليك وربي ارحمهم ..
فكر متخلف ..


وش فيكم انتم علي يناس انا اقول بليوم الوطني وراه متفهمون يأخي عادي السوق والنخيل والطلعات مع الاهل بس موب بليوم الوطني والمغازل وأغاني ورقص وقلة أدب

[ابوولعf]

نحن في زمن القابض على دينه كالقابظ على الجمر

الله يصلح الحال


والله كلامك صحيح يعتبرون الواحد اللي يخاف الله موسوس ونفسيه والله يقهرون

[حصوووصي]

هههههههاا ابو ولع مو حنا عليك

بس حتى في اليوم الوطني احس انه عادي

ومثل ماقلتلك ياخووي الي يبي يرووح يتفرج تكون محترمه روحهاا

والي غرضها مغازل ولفت انتباه الشباب تكون حاطه كل المكياج في عيونهاا

يعني فيه فرق بين ذي وذيك صح او انا غلطاانه

[ابوولعf]

هههههههههههههههههههه انا ودي اعرف وش تتفرجون عليه وشلون بعض الرجال يجيب بناته بين الناس وبيوم الوطني ولا زوجته الحمدلله والشكر على نعمة العقل

[اخو دريحم]

تفضل إقرأ.....!!!!


http://www.buraydahcity.net/vb/showthread.php?t=172181 (http://www.buraydahcity.net/vb/showthread.php?t=172181)

[حصوووصي]

طيب انت وش موديك مداام مافيه شي نتفرج عليه هاه يابو ولع رد

[ابوولعf]

والله مرحت ولا فيه أمل اروح بس فيه صور ومقاطع فديو ورقص وبنات شفتهن انهبلت

[حصوووصي]

اما رقص لا مافيه رقص

مستحيل يرقصوون ومركز الهيئه كله بالنخيل

على العمووم هاذي وجهة نظرك واحترمها ومشكورخيي

[ابوولعf]

:d:d:d:d

[ام ايوب]

إلى متى وبعض الناس عندهم فكر متحجر
إذا كانت الوحده محترمه نفسهومحتشمه تروح وتستانس
واللي حاطين مكياج ومدري ايش بكل مكان يعني ننحجر بالبيت علشانهم
اقول حصوصي روحي واستانسي وعيشي حياتك:d:d:d:d

[ابوولعf]

هجوم صريح

[صادقة الود]

هنىا المشكله

من كلام اللي راحوو

مسويه زحمه و بالاخير مارحتي ولا شفتي حاجه

اللي قالو لك كذاابين

الكلام مايجي من فراغ .. !

[صادقة الود]

إلى متى وبعض الناس عندهم فكر متحجر
إذا كانت الوحده محترمه نفسهومحتشمه تروح وتستانس
واللي حاطين مكياج ومدري ايش بكل مكان يعني ننحجر بالبيت علشانهم
اقول حصوصي روحي واستانسي وعيشي حياتك

الملكة فكتوريا
ماسلم الا صاحب الفكر المتحجر ..

دوري المتفتحين بالاسواق ايام التجمعات والفوضى ..
ويجونك البنات يقولون ليه الشباب يغازلوننا .. !

الله يهدي الجميع ..

[حصوووصي]

الملكه اناعايشه حيااتي ومن قالك اني ماعشتهاا

عايزه اغني وافرح واحب الحيااة هي دنياء عيشينهاا مرره وخلاص
ياما قالوا وزادوا ولامووو كتييير.....

[حصوووصي]

صادقه الود

صرااحه في اعضاء افكارهم متحجره زوود

طيب حنا بنسانس ونفررح فيهاا شي او حراام

طيب اناابي دليل يقوول ان البنت حراام تستانس ..

[جـلـوكـوز]

ياناس هوشه بين ابوولع وحصووووصي << يحب الشر :d

انا اقترح تحطون موضوع لحالكم وتتناقشون فيه :confused:

[سبيكة صعفق]

يعمرررررررررررري هم يرحموون اتركيهم انتي
كيفهم لو تبتلين تهرجين يبتلون متخلفيييييييييييييييين ...
وهم كذا يعني لو تمرين من عند النخيل ممر تسان صرتي يهوديه ولا مسيحيه
ماقول الا الحمد الله على النعمه

[حصوووصي]

س د ر

ياخي انابغيتها نقاش وهو الله يهديه قلبها هووشه

عااد هذا تفكيره وهوو حرر والله يعينه

[مدحت شوقي بريده]

^
^
^

ماهو تعريفك للوناسة ..

هل ترين الوناسة بقلة الحياء من رقص وتفحيط ونزع حياء ..

اذا هذي الوناسة عندك .. فإذا بليتم فأستتروا ..


ومن متى والبنات الطاهرات يدورن الوناااااسة بالشارع ..

أظنك تعرفين من أي ( فئة ) البنت اللي تدور الوناسة بالشارع ..


البنت وناسته بأنوثتها وهدوئها وحشمته .. واذا تبي تستانس بالبيت مع خواته وبنات عمه فحنا نعين ونعاون ..


أما بالشوارع فلو سمح له ولي أمره .. فالبقية اللي لهم حق احترام مشاعرهم ماراح يرضون بهالمهازل ..



حصوصي تذكري هالخطاب الموجه لكي ولبنات جنسك .. من رب العالمين ..
( وقرن في بيوتكن ولاتبرجن تبرج الجاهلية الأولى ) ..




سي يو ..

[حصوووصي]

سبيكه

والله انا ماههمووني بس توقعت يفهموون

بس المشكله انهم للحين تفكيرهم تفكير ايام زماان

[جهير]

هههههههاا ابو ولع مو حنا عليك

بس حتى في اليوم الوطني احس انه عادي

ومثل ماقلتلك ياخووي الي يبي يرووح يتفرج تكون محترمه روحهاا

والي غرضها مغازل ولفت انتباه الشباب تكون حاطه كل المكياج في عيونهاا

يعني فيه فرق بين ذي وذيك صح او انا غلطاانه



اقول يازينك ساكتة بس

يقالك محامية عن بنات الدعارة ولا وش ؟

ولا تشوفين انتي اللي يسير في النخيل بلازا شي طيب ومايضر شرف المرأة ؟

>> خلي زوجك او اخوك يشوف موضوعك هذا قولي له انا كاتبته
ونشوف ردة فعله لك إ ن كان غيور

[حصوووصي]

مدحت شووقي اقوول الله يخلف عليك بس

الي يشووفك يقول شايفني الحمدالله انا ماتبرجت

انا طالعه بعباة ومعي ابووي وامي ولو سمحت اوزن كلامك

قبل ترد اوك والا الكلام معك ضاايع

[فوشيا]

الصراحه عيييب تروح البنت للنخيل باليوم الوطني الا اذا كان عندها حاجه ضروريه اما اللي تروح للوناسه فهي الصراحه ماتستحي على وجهه .. حبيت اذكركم بنت الحمايل مستحيل تروح لهالأشياء.. لانه مربيه صح..

[حصوووصي]

جهير انت الي يازينك ساكت والله

[جهير]

سبيكه

والله انا ماههمووني بس توقعت يفهموون

بس المشكله انهم للحين تفكيرهم تفكير ايام زماان
^^


ههههههههههههههههههههههههههههههههههههه

ايام زمااان اجل هههههههههههههههههههههههه

وش فيها ايام زمان؟

بالعكس ايام زمان ماشفنا هالتخلف اللي يسير بالنخيل والتجمعات العامة

ما شفناهم إلا من تالي

[مدحت شوقي بريده]

حصوصي ..


والنعم فيك وفي إحتشامك .. انا اتكلم عن الفئة اللي تكلمتي عنها ..
واللي احتفلت بالنخيل ..


سي يو ..

[حصوووصي]

مدحت شووقي

مشكوور خيي لمرورك وهاذي وجهة نظررك واحترمهاا...!

[بــ ح ــر المـشاعر]

*

صراحه حرنا بتس !

مره معنا مره معهم ؟

انتي تقولين ابي الوناسه وانا محتشمه و و طيب !

الي بالنخيل ثلاث ارباعهم لاحشمه ولا شيء !

طيب انتي جيتي محتشمه مع امتس وابوتس حلو .. علشان تفرجون على الدشير ؟

الله يخلف عليتس انتي واهلتس :)

[خ ــجل]

السلام عليكم ومساءاتكم ورد


عضوة جديدة سجلت بسبب الردود في هذا الموضوع

صدمـــــه أنو في ناس أو بالأحرى شباب في عمري .../

وكذا تفكيركم وأسلوبكم بالنقاش

هـو أصلا ماصار نقاش صار تحدي بإثبات الرأي


(( في موضوع سابق لهذا نعت أحد الأخوة الفتيات اللاتي يخرجن للإحتفال باليوم الوطني بالساقطات ))

أخواتك ... خاف على عرضهن إذا إخوانهن على قولتك ماخافوا عليهن

أنت حس وأدع لهن بالهداية .. وأستر عليهن

قول طائشات عاصيات مستهترات

.....


أنا ماني معهن أبــد وأوجعني قلبي عليهن ولكن في يوم راح يكبرن ويندمن

كل مننا يخطي .. أنا في يوم كنت مراهقة وأحب لفت الأنظار

وكنت مرتع خصب لصديق السوء لكن كلن وقربه من الله وتربيته ..

وهذولي أولـآ يفتقدن للرقابة وثانياآ مكبوتات


أنــا بقولكم قصتي وليش رحت للنخيل والحكير


رحنا إشترينا الأعلام وإهتميت إنها تكون فقط إيشاربات وبروشات مافيها أي وجود للشهادتين

مجرد عبارات وطنية

ولبسوها أخواني الصغار

رحت أنا وأخواني كلهم وأمي وأبوي

فرشنا فرشتنا بالحكير وتقهوينا


وأنبسطنا

وإن بغيت أدخل النخيل دخل معي أخوي الكبير


بعد ساعة سمعت السلام الوطني بصوت الأطفال وكانوا بما يشبة المسيرة فتحت جوالي ( وأنا بالفرشة ) وصورتهم وفرحت من قلب بتلك العيون الطفولية

صوروا أختي الصغيرة واللي تحس بأنها بـ عيد

سولفت وتعشيت مع الوالد الله يحفظه وشفت ضحكاته وفرحته بمثل هذا اليوم

عالساعة 11 طلعنا

ولله الحمد شفت تنظيم وتواجد تاااام للهيئة الله يعزهم

وبصراحة أفضل بكثيييير من العاااام


....
أي مصخرة اللي تتكلمون عنها هذا حنا نبي سالفة بس ندردش فيها

ولاتفرحون بالحيل كثييير ساقطات وببيوت أهاليهم لكن مامنعها الحياء والخوف من الله

منعها العجز ماتقدر تطلع


...

التنزه مو حرام ,,, إذا الإنسان عارف حدوده ماراح يأثر فيه أي شيء

تيب بنقول للمبتعثين والناس اللي رايحين سياحة برا حرااام تطلعون برا السعودية

فيه أجواء معاصي ومسخرة

....


يا أخــي من راقب حدود الله لاتخاف عليه بأي مكان


وإذا على النماذج الـمتجرده من الحياء

أنا بكل مره أروح للنخيل أشوفهن حتى بعضهن حفظتها بعلاماتها المميزة

ومما أضحكني بعد شباب وقفوا على سور الحكير وأطلقوا بالألعاب النارية عالخلق (( الله يهديهم ))

لاتنظرون لهم بنظرة الإستحقار ..!

مافي أحد مننا خالي ولابد من يوم غلطت فيه ولو مره وحاولت الإستمتاع بتعدي الحدود ولفت نظر الغير لك


مسكتهم الشرطـة ولا إستفادوا غير عض أصابع الندم


الله يهديني وإياكم جمـيعآآ ...!



ودمتــم بخير /

[حصوووصي]

بحر المشاعر اتفرج ع الدشر او الي مو دشر انتي وش عليك

اهم شي اني رايحه مع امي وابوي ورايحه ابي استانس بس

ماقلت انارايحه ارقص واغازل رايحه استانس واتفررج ولا بعد هاذي حراام

[حصوووصي]

خجل مشكوووره حبيبتي وهذااك انتي رايحه

يعني الحمدالله ماشفناشي ولكن الي يقهر


ان فيه احد ماراح ويتكلم مثل بحرالمشاعر
تقول دشير وهي جالسه بيتهم الحمدالله واشكر
ناس تحكم وهي ماشافت شي..

[فوشيا]

خ ـجل شكلتس انتي حصوصي ..

[حصوووصي]

فوشيا ليه مافيه الا انا وخجل رايحين للنخيل ومعنااهلنا

كل البناات معهم اهاليهم لكن مايقهرك الا الي جالس بيته ويهرج ع كيفه

[ٍسلطـآإ،ن القـصيـم]

عااتي خلوهم يستانسون اهم شي الوناسه :052: وحب الوطن :027:

[بــ ح ــر المـشاعر]

^

حصوصي

:113:

الا غصب يعني تثبتين لي انهم ماشاء الله عليهم الي بالنخيل !

الحين نشوف البلاوي بالايام العاديه مهب باليوم الوطني !

" ان ابغض الاماكن الى الله الاسواق " <~ :)

[غ ــموض ح ــائر]

وإذا لم تستحين فاصنعي ماشئتي .

:41




اجل رايحه تستانسيــــن؟.:confused:


وشو الي يونس

بنات يتمشن وعليهن شالات خضراء

بالله معين الوناسه؟...


:084:

[مدحت شوقي بريده]

(( في موضوع سابق لهذا نعت أحد الأخوة الفتيات اللاتي يخرجن للإحتفال باليوم الوطني بالساقطات ))

أخواتك ... خاف على عرضهن إذا إخوانهن على قولتك ماخافوا عليهن



اعتقد أن التصرفات اللأااااخلاقية لن تعجب احد ..
حتى ولو تظاهرنا بالمثالية ..


وأنت وأن كنتي ذهبتي للفرجه وجلستي بكل حياء مع أهلك فهذا شأنك ..

أما المحتفلااااات بالطرق المقززة البعيدة عن الحشمة فهن بالتأكيد ساقطات ..
فقولي بربك .. هل يرضيك ماتعمله الفتيات من التظاهر ( وتمتير ) الممرات طولاً وعرضاً ..
بالتصفيق والتصفير والتمايل والتوشح بالأعلام والتراقص بها ..

أين المرأة هنا .. اين الأنوثة والنعومة والحياء والأدب ..

لا أظن عاقلاً سيرضى عن هذة المهازل ..


شكراً لأصحاب العقول المتفتحة ..



سي يو ..

[فوشيا]

الله يعز الانترنت عشان محد يكذب فيه مقاطع فيديو وصور..


سؤال/ ماتخافين ربي ياخذ روحك وانتي تناظرين المنكرات؟؟

للأسف اللي كذا صارن بنات بريده وأسفاه ..

[حصوووصي]

هههههههههههاا ليه انا طاقتهم على ايدينهم

وقايله لهم افعلوو منكراات فوشياا الحمدالله

الله اذا خذ رووحي انا بكون ماسوويت شي غلط

لاني جالسه مع اهلي بالفرشه ماقمت وقلت يابنات زينوو منكراات

اعجب من امرركم الي يشوفكم يقول البنات بترقصووون ترى كله

علم وبس ..........

[غ ــموض ح ــائر]

للأسف اللي كذا صارن بنات بريده وأسفاه ..

قصدتس بزاريـــــــن بريـــده
يكفيتس الاملاء بس
مادري وش يبــــــي
:d


تلقينه بزر وراحت مع ابوه للنخيــــل
خلاااص لاتقربينه هي صح
انتي غلط :S



: 12

[أبوفهد351]

:oo ماذبحناالى التشددعلى غير سنع كل المتشددين ما يشوفون الكاس الى الفاضي منه هذا الي يخلينااكثرالناس اعناد

[مدحت شوقي بريده]

ابو فهد ..

اسئلك سؤال .. بس ماتفهمن خطاء .. ولاتزعل من ..

سؤال بس للفائدة .. وعلشان تشيل من رآسك كلمة التشدد ..


ممكن ..

[سبيكة صعفق]

^

حصوصي

:113:

الا غصب يعني تثبتين لي انهم ماشاء الله عليهم الي بالنخيل !

الحين نشوف البلاوي بالايام العاديه مهب باليوم الوطني !

" ان ابغض الاماكن الى الله الاسواق " <~ :)

شسمه انتي تقولين انه النخيل بلاوي مهب اشد بلاويه من الديره بس ماتدرون
النخيل مابه دعااويس وكل شي تشفوونه قدااامكم اما الديررره هو الي يوحش كله يمانيه
وبنقااليه وكل واحد احرم من الثاني الا من رحم الله بس غصب بتحطون الي يروح لنخيل مفسد بالارض

[متابع بصمت]

الله يخلف علينا

[حصوووصي]

خلاص ياناس فكونا من التعقييد

انتم تبوون الناس تنطق ببيوتهم وماتستانس

خاصة الشباب الي يقلون لاترحوون للتخيل

انتم وش عليكم 24 سااعه دوراان بالشوارع مع اصدقاكم

ومستانسين واذا طلعنا للنخيل انهبلتووو

[بــ ح ــر المـشاعر]

قصدتس بزاريـــــــن بريـــده
يكفيتس الاملاء بس
مادري وش يبــــــي
:d


تلقينه بزر وراحت مع ابوه للنخيــــل
خلاااص لاتقربينه هي صح
انتي غلط :S



: 12

*

صـح الرد :41

تقول انا ماطقيتهم على ايدينهم وقلت سووا منكرات <~ :d

خلاص يعني فيه منكرات !!

ليه تروحين مكان فيه منكرات و بلاوي هذا القصد

والساكت عن الحق شيطان اخرص ..

ولاحظت كثر ترديدتس لـ انتس رحتي مع اهلتس !

وانا الاحظ ان هذا الشيء ما يفتخر به ؟ :bad

لان بـ هذا اليوم أنواع وأشكال من التبرج المفروض مارحتوا نهائي والوناسه ماوقفت الا بالنخيل ..

والظاهر انتس فاهمه بس لـ تطويل الموضوع ..

[فوشيا]

هههههههههههاا ليه انا طاقتهم على ايدينهم

وقايله لهم افعلوو منكراات فوشياا الحمدالله

الله اذا خذ رووحي انا بكون ماسوويت شي غلط

لاني جالسه مع اهلي بالفرشه ماقمت وقلت يابنات زينوو منكراات

اعجب من امرركم الي يشوفكم يقول البنات بترقصووون ترى كله

علم وبس ..........

الراضي كالفاعل ..

[ايماض البرق]

يقول تعالى ((وقرن في بيوتكن))
الامر هنا للوجوب فلا يخرج الا لحاجه
وليس التشدد بمنع الخروج بل التشدد بالزام الخروج للاحتفال بيوم ما انزل الله بالاحتفال به من سلطان
يكثر فيه المنكرات ويختل فيه الامن
ان ما يحصل من طريقة للاحتفال باليوم الوطني يعد نوعا من المظاهرات وهذا حرام
كم يحصل من اختلاط ومن ومن فساد
من يقول انه يستمتع فقط بالخروج مع العائله عجبا وهل كان الاستمتاع والراحه في الجلوس خارج المنزل
ثم متى كانت الاسواق لغير التسوق ؟ للاحتفال:eek:!!

نسال الله ان يلهمنا الصواب والرشاد

[وش هنا؟ اختي بذا!!]

حصوص والله لو تتكلمين من اليومـ لبكرى
مآآفيهـ نآآس تفهمـ معنى الوطنيهـ
مآقلنآ روحي أرقصي بآتخيلـ
وبعدين ليهـ كلكمـ حآطين ع حوص
هي رآحت مع أمهـ وأبوهـ >>آحس ما بوهـ غلط

الغلط اللي يتكلم عن بنآت النآس وهو مآشآف شيء

أبسألــ سؤآآل
فوشيآ وبووح المشآعر بذمتكمـ شفتو ع قولتكمـ التبرج ,؟؟؟
>>ولا بس قآلت فلانهـ وقآلت علانهـ
لا تصدقن كلــ كلامـ يقآآل
ترى كلهـ تزوويد والسآلفهـ تزوود

[*The Sniper*]

ما أقول إلا الله يرحم حالنا و لا يبلانا ...

اللي محدد يوم معين لذهاب للنخيل و هو اليوم الوطني أكيد وراه شئ ما يعلمه إلا الله ...

و كل واحد يقول أنا أبروح أشوف الهبال اللي بالنخيل >> و الله من الشرافة عندنا يعني لازم تشوف هبال بنات و عيال صايعين !!!

الله يحمينا من هـ الفتن اللي ما شفناها إلا من تالي ...

المشكلة اللي يحب ستر الفتاة يكون متحجر >> اخخخخخ يا زمن , كان الناس قبل يجون يركضون وراء بنات بريدة لأنهم يدرون حشمتهم و الحين الله يخلف , الحين زيهم زي أي بنات , هبال و دوران بالأسواق و لبس أعلام !!!!

ما أقول إلا الله يستر على الجيل القادم , ما دام عندنا مربيات أجيال بـ هذا الفكر ( لا أقصد صاحبة الموضوع بل كل من رد بـ كلمة تحجر و إنغلاق ) ...

بالتوفيق للجميع ...

[فوشيا]

أبسألــ سؤآآل
فوشيآ وبووح المشآعر بذمتكمـ شفتو ع قولتكمـ التبرج ,؟؟؟
>>ولا بس قآلت فلانهـ وقآلت علانهـ
لا تصدقن كلــ كلامـ يقآآل
ترى كلهـ تزوويد والسآلفهـ تزوود


نشوف بالإيام العاديه وش عاد باليوم الوطني:p
واسفاه:oo

[د/منوشـآ]

يعمرررررررررررري هم يرحموون اتركيهم انتي
كيفهم لو تبتلين تهرجين يبتلون متخلفيييييييييييييييين ...
وهم كذا يعني لو تمرين من عند النخيل ممر تسان صرتي يهوديه ولا مسيحيه ماقول الا الحمد الله على النعمه



سخيـــــــــفه وربي

من عرفتــس بهالمنتدى وردودتـــس لتس عليه

...........


حصــوصي اسمحيلي اقولتس موضوع باااايــــــخ وماله داعي ويدل على تفكيــر صاحبه


وانا ارقى من انـــــي اعلق عليه


حبــــــي/ متخلــفه وافتخــر:d

[ابوولعf]

حصوصي شكلي ابلغي زوجي عشان تصرفتكن واذا كان هذا تفكيرك يبنت بريده أجل الرياض وش بيصير منهن

حصوصي والله ثم والله ان زينت البنات بستر والحشمه وش اقول وش اخلي

[فوشيا]

سخيـــــــــفه وربي

من عرفتــس بهالمنتدى وردودتـــس لتس عليه

...........


حصــوصي اسمحيلي اقولتس موضوع باااايــــــخ وماله داعي ويدل على تفكيــر صاحبه


وانا ارقى من انـــــي اعلق عليه



حبــــــي/ متخلــفه وافتخــر:d


والله انتس صادقه بكل كلمه قلتيها صح اللسانتس.. تعجبيني:41

[وش هنا؟ اختي بذا!!]

فوشيآ
والله إذا رحت للسوق مآعمري شفت شيء من اللي تقولين
>>مآدري أعيوني غير
ولا أنتوا شوفكمـ غير

ونرجع إلى محور الحديث حنآ نتكلم ع اليومـ الوطني
أن شآالله تحتفل بيت أهلهـ ؟........
مو شرط سوق وطلاعآت

[ولد الوهابا]

انا اتعجب من اللي خلو انفسهم مفتين بالموضوع وصنفو الناس والبنات مابين ساقطات وخلافه
وودي من المفتي مدحت وطقته يخلون الناس في حالهم والله هو الاخبر والأعلم
ويحاسب بالنوايا وماكل من يحتفل باليوم الوطني ساقط او ساقطه يالمنغلقين

[وش هنا؟ اختي بذا!!]

والله يآحصوص رحمتكـ مآ قآلت البنت
أبطلع للنخيل وأتمشى
بس هي قآلت مآشفت مهزلهـ
>>يآخي مآتدرون عن البنت !؟؟

[ابوولعf]

فوشيآ
والله إذا رحت للسوق مآعمري شفت شيء من اللي تقولين
>>مآدري أعيوني غير
ولا أنتوا شوفكمـ غير

ونرجع إلى محور الحديث حنآ نتكلم ع اليومـ الوطني
أن شآالله تحتفل بيت أهلهـ ؟........
مو شرط سوق وطلاعآت


هذا الكلام السليم 100%
__________________

[ابوولعf]

انا اتعجب من اللي خلو انفسهم مفتين بالموضوع وصنفو الناس والبنات مابين ساقطات وخلافه
وودي من المفتي مدحت وطقته يخلون الناس في حالهم والله هو الاخبر والأعلم
ويحاسب بالنوايا وماكل من يحتفل باليوم الوطني ساقط او ساقطه يالمنغلقين


مقول شي يراعي الشمال

[ابــو صــدام]

امك لابسه علم السعوديه

[ابودلال2009]

حصوصي اذا انتي كبيرة يعني فوق ال25 سنة تبي تشوفين الفرق منول الساعة حدعش مابوه احد بالشارع لكن الشكوى لله الواحد مايدري وش يزين بهالزمن

[-فيض من غيض-]

>>> لاتــ ع ـــــــــــــليق
لكن اللي مستغربته صراحه اللي تحط روميل أخضر
وش ذالتخلف ياشيخه مادرى عنك الوطن انتي وعـــيونك
أصحـــــــــــــــــــــــاب العقول براااحه


اللهم يامقلب القلوب ثبت قلوبنا على دينك
وصح لسان من قال القابض على دينه كالقابض على الجمر

[جهير]

خلاص ياناس فكونا من التعقييد

انتم تبوون الناس تنطق ببيوتهم وماتستانس

خاصة الشباب الي يقلون لاترحوون للتخيل

انتم وش عليكم 24 سااعه دوراان بالشوارع مع اصدقاكم

ومستانسين واذا طلعنا للنخيل انهبلتووو


انتي فتاة ساقطة والدليل انك ترين الاشياء هذي وناسة

اسئلي اي بزر حتى لو كان توه طالع من بطن امه

ما رأيك بـ فتاة تخرج في اليوم (الوطني) إلى التجمعات العامة
بقصد الوناسة والاستمتاع > > هل هي فتاة ساقطة ام محتشمة ؟

هل الفتاة تــُمــدح بـكـثرة خروجها من منزلها ؟؟

اهنيك يالمحتشمة

[ابوولعf]

انتي فتاة ساقطة والدليل انك ترين الاشياء هذي وناسة

اسئلي اي بزر حتى لو كان توه طالع من بطن امه

ما رأيك بـ فتاة تخرج في اليوم (الوطني) إلى التجمعات العامة
بقصد الوناسة والاستمتاع > > هل هي فتاة ساقطة ام محتشمة ؟

هل الفتاة تــُمــدح بـكـثرة خروجها من منزلها ؟؟

اهنيك يالمحتشمة

:41:41:41:41:41:41:41

[ام ايوب]

انتي فتاة ساقطة والدليل انك ترين الاشياء هذي وناسة

اسئلي اي بزر حتى لو كان توه طالع من بطن امه

ما رأيك بـ فتاة تخرج في اليوم (الوطني) إلى التجمعات العامة
بقصد الوناسة والاستمتاع > > هل هي فتاة ساقطة ام محتشمة ؟

هل الفتاة تــُمــدح بـكـثرة خروجها من منزلها ؟؟

اهنيك يالمحتشمة


اختي جهير اتقي الله بردودك
هذا قذف لبنت الناس
الى متى والحوار عندنا بهالشكل
سب وقذف وتسفيل
لا حول ولا قوة إلا بالله
ارجو من الاداره اغلاق الموضوع باسرع وقت

[شبيه نايف]

قبل قضية الاعلام اليس عليها الشهادتين .. بدلها السيفين والنخله شعار المملكة

اما البنات والاعلام ما يجلب الفتنه حتى لو ساتره ..

واتمنى من وزارة الداخلية تمنع العلم السعودي من العبث فيه ويستبدل بالشعار وكلها تعبر عن المملكة وشعبها

بعدين وش دخل اهل الرياض وجده تعميم عجيب .. يعني الصياعه في الرياض وجده بس

باقي المدن اهل التزام وصلاح ويشهد لهم بالخير والصلاح ..!!

كل المدن فيها حقها الطيب والخبيث ..


انا الي قاهرني ليه دايم الاتهامات توجه الى أهل الرياض .. اخرها ما فعلوه اهل الشرقية وقالوا كلهم من اهل الرياض


اتمنى من الامير نايف يشوف حل مع فئة تعمل على تشويه صورة المملكة وشعبها ونحن لا نرضاهـ

لا نريد يوم للوطن لا نعرف غير اسمه ويكون فيه تشويه للصورة امام الي يسوى والي ما يسوى


شبيه نايف

[الزلفاوي99]

تخلف في تخلف

[أبو رُبـــــى]

عذراً ..

موضوع مكرر .. وتم إغلاقه ..