المساعد الشخصي الرقمي

مشاهدة نسخة كاملة : هذا ما حــــــــــــــدث معي في شارع المشاغل اليوم

عشق الطفوله
30/9/1430 هـ, 03:53 صباحاً
السلام عليكم ورحمة الله وبركاته

حدث معي امر غريب ظهر هذا اليوم

اعذروني بسولف معكم عادي

اليوم الله يسلمكم رحت انا واخياتي للمشغل على اننا نبي نشقر حواجبنا المهم قلنا لا بوي الله يحفظه

ودنا الله يسلمك بعد صلاة الجمعه عاد ابيي الله يحفظه بعد ماصلى جنا ركض والله اننا مبلشينه المشكله

اننا كلنا متزوجين مدري وين التيوس رجلنا المهم ما اطول رحنا

عاد انا اقترحت على خواتي نروح مشغل شفون قلت لاخواتي ما نبي شهد اخبره دايم زحمه
تقل مابه الاهو
المهم يوم وصلنا الا الحريم عند شهد قاعدت بالشمس بالقايله صدق مهبل ما فتح المشغل جد الناس بدون عقول


انا نزلت واحط ايدي فوق راسي انا اقول جد الناس مهابيل



الله يسلمكن عاد رحنا شفون كان ما فيه زحمه واجد دخلنا انا وخواتي ما لاحظوني اني فرحتن بخواتي
ههههههههههههههههه


المهم ولا اسال كم صبغ الحواجب كذا من باب اللقافه والا انا اعرف انه بثلاثين ريال اذا غلي

الا تصدمن بالسعر 70 انا فتحت اثمي اقول هاه وشو كم قالت بكل ثقه 70 قلت ليش بالعطله 30 شلون

يكون 70 قالت هذا اسعارنا قلت لاختي ماله داعي ندور غير اختي الكبيره راحت لشهد دقينا عليها
وقلنا لها قلت اخذ لكم ارقام

طلعنا لشهد امير ندخل الله لايوريكم تقولبن يرمون جمرات طلعنا وقلت اختي مو بالازم طلعنا فلنا نروح
لمشغل ثاني المهم تقل مهبل حنا واختي ما لقينا احد وقفنا بنا المسير بنواعم عاد اتفقنا انا واختي ندق على ابوي نقوله تعال خلاص حنا نضبغ حواجبنا الحمدلله جا ابوي ورحنا للبيت ونمنا بالبراد

ام اختي الكبيره ماجت قعدت بشهد تدرون متى جت قبل اذان المغرب بنصف ساعه تقريبا

عاد وحنا نمشي سمعنا شيب يحول شكله مجرر هالظهر يقول المشاغل شغله



عاد اترك لكم التعليق
مايرا
30/9/1430 هـ, 05:17 صباحاً
هلا اختي

انا نفسك رحت لشهد لقيته زحمه ورحت شيفون ونفس الشي ورحت لمشغل دار نور وصبغت حواجبي

تخيلي ب50 ريال وليته طلع زين يحوم الكبد شغله انةاع الاستغلال هذا موسمهم الله يعافيك

ولواعرف اصبغ انا حواجبي كان ماحتديت لهم
هايين
30/9/1430 هـ, 05:19 صباحاً
لماذ صبغ الحواجب اصلا

ابن جبرين غفر الله له حرمها وافتى انها من النمص

(يمكرون ويمكر الله والله خير الماكرين ))


..
أحلى صبية
30/9/1430 هـ, 06:18 صباحاً
موسمهـــــــــم ألف بالميه أكيد بيرفعون الأسعار......
وعن الزحمــه يادافع البلا الحمدلله ما طبيت مشاغل هالسنــه
شعـ،ـــري ومتحسفه بوه ....
ولا بعد بروح وأنـــــــــطق كسل,,,,
فوشيا
30/9/1430 هـ, 06:28 صباحاً
ام اختي الكبيره ماجت قعدت بشهد تدرون متى جت قبل اذان المغرب بنصف ساعه تقريبا



معقولــــــه:eek:!!!!!!!!!
روح الدواسر
30/9/1430 هـ, 06:31 صباحاً
نفسسسسسسسسسك بالظبط...رحت لمشغل شهد والحريم بالشارع قلت لابوي يبه بنروح لمشغل مها وأصبغ مزبوووووووط بـ30 ريال خطنطر
بنت الشماسية
30/9/1430 هـ, 06:39 صباحاً
السلام عليكم

بنات بريدة وش الموضوع لاتصير موضة عندكم صبغة الحواجب .. !

ماسمعت بشهرتها عندنا في الرياض إلى الحد اللي وصل عندكم حتى بالجامعة ماشفتها بشكل ملفت !!؟

وياحبيــلكم بقولكم شيء حنا بآخر شهر الخير والواحد يتحرى من هالأمور

وأقول للجميع " دع مايريبك إلى مالا يريبك "

ولاننسى أن الجنة حفت بالمكاره , والنار حفت بالشهوات أعاذنا الله وإياكم منها .

دمتم بخير

:)
ρίє¢є Όƒ Сђoсoζάtє
30/9/1430 هـ, 07:36 صباحاً
بنات بريدة وش الموضوع لاتصير موضة عندكم صبغة الحواجب .. !

ماسمعت بشهرتها عندنا في الرياض إلى الحد اللي وصل عندكم حتى بالجامعة ماشفتها بشكل ملفت !!؟






هلا وغلا
{بعض} حقين الرياض الله يرحم حالهم زلط{مزع}<= ايقاله ترجمت :d مافيه مقدمات تشقير ;)
مير المشقره ذي مطوعة :oo
الله يثبت قلوبنا على دينـه ..
وبالنسبة للموزوع يقولون اقضب الجادة لو طالت
اقل شي ترتاحين انه يبي يصير مزبوط :41
اخبر وحده العام تقول اجيب العفش والفطور للمشغل
اننا كلنا متزوجين مدري وين التيوس رجلنا
احلى يعني انتِ عنز :d
مالتس الا ابوتس الله يخليه لتس : 12
بشيرة الاموره
30/9/1430 هـ, 08:16 صباحاً
والله مرة خالي تصبغ من نفسها وتخليه يجنن بس تجيب من الصيدليه صبغه 10 ريال وجيب منقاش وتنقشه
حَنِيني لِطيْبة
30/9/1430 هـ, 09:24 صباحاً
احلى يعني انتِ عنز
مالتس الا ابوتس الله يخليه لتس


^
http://www.aburenaz.com/smilies/smilies2/9'hk_w_frfsh/roflmao.gif


الحين سؤال وش لوه تشقرين ؟؟

اوب لازم خليتس على الطبيعة <ـــــــ تمخمخ :d
رموش العين
30/9/1430 هـ, 09:49 صباحاً
انا كنت اول انطق بالمشاغل بس الحمدلله الحين تعودت كل شي اسويه ..
يختي ملينا من لعبهم علينا ..
التشقير اشتري لك بودرة بيجون بني غامق وارسمي فيها الشكل اللي تبين ...
بيطلع ملخبط بس انتي بعدين ظبطيه بالصبغة الشقرا ..
شوي شوي لما ينظبط وتصيرين احسن من المشاغل ...
الله يسهل اموركم .. وكل عام وانتم بالف خير
احزان الشيشان
30/9/1430 هـ, 11:29 صباحاً
لماذ صبغ الحواجب اصلا

ابن جبرين غفر الله له حرمها وافتى انها من النمص

(يمكرون ويمكر الله والله خير الماكرين ))


..

...صدقت أخيتي..الله يهديهن..نرى كل يوم الجنائز من حولنا محموله...لكن غرنا الامل بطول البقاء في هالدنيا:oo:oo:oo
وش راح ينفعكم التشقير بقبوركم؟؟؟:eek5

:oo
°•° صنــقــوحـه°•°
30/9/1430 هـ, 04:38 مساءً
مساء الخيراااااااات

ياعمري انتم قصمن انهم يلعبون علينا المشاغل انا جربت بمشغل صارت حواجبي تقل حواجب رجل ومير عقبه تبت اصبغ بمشاغل بس الحين الحمد لله اعرف اصبغ يعني الي بتجي حياااه والله لاظبط له حواجبه << ابعدو عنه بص هع

بالنسبه للي يقولون انه محرم المشايخه اختلفو بالحكم ويقولون اختلاف العلماء رحمتن للعباد
انا مااقول الا غصب شقرو بس انا الصراحه شقرت وابردت تسبدي والحمدلله هذاي تركته وبعد كل ممنوع مرغوب هع << ياكثر قرقتس بعد ايه


وتسلميييييييييين عشق الطفوله ..
أم بنتها
30/9/1430 هـ, 06:20 مساءً
لاتروحين لمشغل معروف وبوقت زنقه وتبين مافي غيرك..
كل الناس بييتزينون
أنا رحت لمها قبل 4 ايام الظهر مافي الا انا.
بنت السلاطين
30/9/1430 هـ, 06:45 مساءً
السلام عليكم

بنات بريدة وش الموضوع لاتصير موضة عندكم صبغة الحواجب .. !

ماسمعت بشهرتها عندنا في الرياض إلى الحد اللي وصل عندكم حتى بالجامعة ماشفتها بشكل ملفت !!؟

وياحبيــلكم بقولكم شيء حنا بآخر شهر الخير والواحد يتحرى من هالأمور

وأقول للجميع " دع مايريبك إلى مالا يريبك "

ولاننسى أن الجنة حفت بالمكاره , والنار حفت بالشهوات أعاذنا الله وإياكم منها .

دمتم بخير

:)



السلام عليكم
حبيبتي بنت الشماسيه
مو بس بنات بريده يشقرون حواجبهم
وربي بنات الجامعات والثانويات اللي بالرياض
كـــــــــــلهم تشقيرxتشقير
:::::::::::::::
وعاااااادي تعودي اذا انتي بتروحين بوقت الموسم
راح تلاقين زحمة مو طبيعيه
والله قبل سنتين انا وامي وخواتي رحنا عشان تشقير وشمع
من صلاة الظهر وما طلعنا الا بصلاة التراويح
@وردة الجوري@
30/9/1430 هـ, 10:30 مساءً
لاحول ولاقوة الا بالله ...............


ليش الصبغ؟؟؟؟؟؟؟؟؟؟ والله الطبيعه احسن لك...........


الله يهديكن بس..........
غادهـ
1/10/1430 هـ, 12:19 صباحاً
أيييه الله المستعآن :)

كل عآم وانتي بخير ......
عشق الطفوله
1/10/1430 هـ, 02:18 صباحاً
انا لم اقصد هذا الذي فهمتو
اقصد هل ذهب شهر الخير بهذا النهايه عند الناس
$سكون الليل$
1/10/1430 هـ, 08:27 مساءً
ايه الحين وشوله التشقير والله العظيم اني اشوف البنات





بالطبيعه احلى واللي مشقره ياربي لك الحمد اول يوم حلو





وبعدين يطلع يوحش خخخخ
توفي~
2/10/1430 هـ, 06:54 صباحاً
قسم بالله هاالبنات انهبلو بالمشاغل
أنا رحت شوي لمشغل فربينيا بس كنت ابسألهم عن شي وأخوي واقف عند الباب والله لا يوريكم تقولون يوزعون شي على هاالزحمه , تخيلو البنات جالسات باأسياب المشغل من الزحمه والله العظيم اني رحمتهن , اقول بنفسي وش حادكن عاد>>>>>>> يااختي انتي زيني نفسك باالبيت مافي احد بيكون اخلص لك من نفسك

يسلموووووووووووو عالموضوع خيتو
~أدلع مهسترهـ~
3/10/1430 هـ, 03:08 صباحاً
يا قدمنا مشاغل !

انا خلاص كنسلت المشاغل حتى للزواجات اسوي روحي بروحي ..

قص / صبغ / استشوار / مكياج <- ما شاء الله لا تنحتونن ..

بس من جد بعض المشاغل او اكثر المشاغل برابيس ..

تعودي بروحك و خلي قريشاتك بمخباتك ..

اما عن الحلال و الحرام ..

احد قال حلال مطلقا .. احد قال مكروه .. احد قال اشد حرمه لانه يعتبر من آلتحايل يوم حرم آلنمص رحتوا تشقرون ..

اللهم إنني مالي دخل و لا كد سويت تشقير حواجب .. و سلآمتكم .....’
&اخت رجال&
3/10/1430 هـ, 11:22 مساءً
بنسبه التشقير الحواجب فيه اختلاف بنسبه الحلال والحرام والمكروه
وانا مره سمعت الفتوه من شيخ معروف بالرديو يقول حلال ومشيت على قوله
وبنسبه الروحه اللمشغل والله انواع الكسل وانا ماروح الا اذا بغيت اقص شعري لاني اخاف خربه وحوسه اروح المشغل علشان يضبطةوالحواجب والصبغة شعر انا اصبغ النفسي ومرتاحه
المساله تعود بس تعلمي تلقينه سهل جدا
::خـزان الأحـزان::
4/10/1430 هـ, 05:36 صباحاً
يسلمو عالموضوع والله ما أدري
وش أقول<< هع هع
كليرز للمواعين
5/10/1430 هـ, 02:50 مساءً
هلا والله حبيبتي

ايه كل الناااس زحححمه

انا رحت يوم السبت الضهر الي هو ليله العيد لي مشغل شوراعيد صبغت شعري ..

مو كثارين الناس.. عاد طلعت العصر مادري اذا هم بيطبون بعد الصلاهه المغرب هع

اما عن صبغه الحواجب
حبيباتي حنا مانشيل اوننتف الشعر من االحاجب الي نشيل الشعر او تنتفه من الحاجب
هي الملعونه
اما التشقير يجلس اسبوع وثم يرجع
يعني مو حرام وكثير من العلماء اختلفو
تدرون ليش اختلفو
لان بعض الحريم اذا تخشن شعر حاجبه راحت تشيله وكثير من البنات اعرفهن يشيلنهن
ويقولن حنا مشقرين يارب ان لنا اعيون ونشوف انه مشيول وبعد كم اسبوع يطلع
وانا احس ان راي العلماء كذا عشان استدراج لشيل الحاحجب ونشالله الله لايقوله نشيله وثبتنا
+_+
نبع الوفا
5/10/1430 هـ, 09:26 مساءً
تـــــــــــــــــــــــــــــراالعقـــــــــــــل نعمــــــــــــــــــه وال30اللي تبي تشقرينبهن تصدقيبهن ابرك
دنيا
5/10/1430 هـ, 09:29 مساءً
عاااد تصدقووون مرره رحت لمشغل ابغى تسوي لي مكياج مضبوووط ع شان عندنا مناسبه وقامت تلطخ بوجهي حسبي الله عليه ذاك اليوم انا انخرعت من مكياجه :eek:

ورحت للبيت وقعدت اعدل الي سوت لي وضبطت نفسي من جديد

واخذت عهد ع نفسي اني مااروح لمشاغل غير مارحت

انا اصلح نفسي بنفسي ويازيني اذا انا سويت مكياجي بنفسي بدون العاملات الله يبحطهن

ماهن صايرات احرص ع نفسي منهن :mad:
غلا الروح
5/10/1430 هـ, 10:38 مساءً
الله يعين..الا بسالكم ..
المشاغل مفتووووحه او لا..؟؟؟
وروبي اللي بشهد فيه او لا.؟؟
غفوــہۧ פلم
6/10/1430 هـ, 02:15 صباحاً
اللهم عـآفنا فيمــآ بتليتهم فيه
ولآتجآهرو بالمعصيه..
الوحده تسمع النصيحه منآ وتطلعه منآك الحمد لله والشكر أحس إني أستحقر اللي يشقرن حوآجبهن
مآدري من اللي هآكن عليهن وقآيل لهن أنوه زين والله يآربي لك الحمد يآزين الشي لآصآر على طبيعتوه
موب ملعوبن بوه لعب

أشكرك غآليتي هآيين تعجبن ردودتس دمتي بحفظ المولى
masheel
6/10/1430 هـ, 10:59 مساءً
الله يجزاك خير