في العــــثيم !

[أبوغسان]

’’ تحية طيبة ’’
’’ صياماً وقياماً مقبولين ,, ’’

موضوعي
دخلت أحدى محلات العثيم أنا وأختي المصونه ooo1
شافت أختي تيور مدري فستان تراني مااعرف إلا البلوزه :d والشباصه :eek:
لأن شغلات النسوان كثيره :p
المهم اعجبها التيور مكتوب عليه سعره بــ 689 كامل
سألت البائع قال السعر بــــ 689
أعجبها التيور و قررت تشتريه
ورأيت مدير المحل وكنت أعرفه منذ زمن
وقد كان على كفاله قريب لي في مؤسسة وسبق ان تعاملت معاه
ومشرف المحل نقل كفالته لهذا المحل وصارالمدير على فروع هالمحل
وبعد أن سلمت عليه قال علشانك بيكون
سعر التيور بــــ 280 :confused: قلت له لا اذا مو كسبان فيه
عطني نفس السعر الأول ماابغاك تخسر فيه
قال لا كسبان فيه كثير بسعر 280 ريال !!!!
يعني شوفوا اللعب من 689 إلى 280 ريال !!
الفرق اصبروا بحسب :confused: الفرق 409 !!

واكبر دليل شوفوا التخفيضات يعني يخفضون 70% ومع ذلك كسبانين !!!
وين وزارة التجارة ووين ووين !!!!!!!

ودمتم سالمين ,,,
أخوكم أبوغسان

تنويه :
ففي الصحيحين من حديث عائشة: (كان رسول الله إذا دخلت العشر شد مئزره و أحيا ليله و أيقظ أهله)

[أحلى صبية]

يـــــا أبن الحلال خلهم يترزقون الله أجاراتهم مو رخيصــه....
بــعدين ما هك علينا غيرهم شــف الشركات أسعــار بالهبـــل
واذا جاء شهر 6 و 7 تخفيضـــات رخص تــراب....
عادي شـــريت جكـــيت بــ 600 بعد شهــر بالضبــط 130
مانقــول الا حسبـــي الله عليــهم ...

[**ابو علي**]

هذولي الححريم يلعب عليهن

[غيد11ء]

خلها على ربك
اناامس اشتريت بلوزه قماشه شيفون يعني خفيفه شفافه ساده الا اللهم فيها ازارير
سعره299من محل معروف بالعثيم<<مانغوللي وده يعرف وشو
المهم لماجيت احاسب نفس اللي يحاسب عربي حمق علي قال كلمه بس مادري وشيئ بس فيمامعناه والله انك غبيه
اناسكت وبداالرجل يفضفض قال هذا انتم يالعربيات ماتفكرون ولا لو هي بضاعه عربيه كان مااشتريتيه بس عشانه اسباني اخذتيه اصلا البلوزه ماكلفت عشره الازاريربريالين والقماش بخمسه والباقي حق الخياط
طبعا رديت عليه قلت بسرعه بس حاسب وهو انقهراني شريته<<ياقرقه

والله يعينا
تشكرااات
..

[أبو رُبـــــى]

لا ووش الطامة الكبرى ....؟؟؟؟


إذا قلت له العثيم غالي قالت إيه هم مستأجرين غالي .... !!!!!!!!!!!!!!!!!


طيب أنا وش عليه منه مستأجر غالي وإلا رخيص ....؟؟؟؟


الحمد لله على نعمة العقل ...


أبو غسان .... الله يعينك ...

[مخاااوي الليل]

الصزززززز قويه الفرق:eek::eek: 409

[California]

حسبي الله ونعم الوكيل

[خب الجطيلي]

جميع شئ أسمه ماركات نصب *نصب
والله غشاشين
الله يخلي لنا الحسون سنتر عنده جميع الماركات بسعر معقول .

[ღ.. متآبع بصمت ..ღ]

, , ,





شيء طبيعي لا تستغرب منهم







: 12


, , ,

[غيد11ء]

ومن قال ان الحسون وماشابهه اسعارهم معقووله بيطلع لك الطقم 100 واغسله مره وحده وبعدين ارميه بالزباله خربت القطعه
اما الماركات الاسبانيه والهنديه والامريكيه ووو تجلس عندك سنه ماتتغير<<سووري شطحت برا الموضوع بس توضيح

[بولوهي]

شي يقهر بالحيل
انا اذا وديت اهلي اقولهم لا تورونن السعر علشان اوديكم ثانيه
هبال لاخر درجه
الله يخلي شارع الصناعه :rolleyes:

ولا السعر اللي انت تقول هذا اقدر كرجل اسوي به
هذولا
690
ثلاث ثياب ونعال (اكرمكم الله ) وشماغ وعقال وطاقيه وملابس داخليه كامله + سبحة + مسواك وان حصل بعد عطر ويبي يبقى حق العشاء والبانزين
وشوي للبقاله
:d بدون اي مبالغه





يـــــا أبن الحلال خلهم يترزقون الله أجاراتهم مو رخيصــه....
بــعدين ما هك علينا غيرهم شــف الشركات أسعــار بالهبـــل
واذا جاء شهر 6 و 7 تخفيضـــات رخص تــراب....
عادي شـــريت جكـــيت بــ 600 بعد شهــر بالضبــط 130
مانقــول الا حسبـــي الله عليــهم ...



هذي الشكليه من الناس اللي يلعب عليهم واكبر دليل المحل اجاره غالي .!!
انا شريكه يوم اني ادفع معه
انا مجرد زبون اشري وامشي موب يخلي كل شي بالمحل على حسابي من ديكور وسراميك و و و :mad:

لا ووش الطامة الكبرى ....؟؟؟؟


إذا قلت له العثيم غالي قالت إيه هم مستأجرين غالي .... !!!!!!!!!!!!!!!!!


طيب أنا وش عليه منه مستأجر غالي وإلا رخيص ....؟؟؟؟


الحمد لله على نعمة العقل ...


أبو غسان .... الله يعينك ...


صدقت كلام عين العقل :023:

جميع شئ أسمه ماركات نصب *نصب
والله غشاشين
الله يخلي لنا الحسون سنتر عنده جميع الماركات بسعر معقول .


والله انك صادز والناس طافين هاليومين بالماركات ومنول كلهم ما يدرون وشي ماركه ..!!
هذا ماركه .. ايه جبه لو هو بالف ..!!! والصدز انه دمار
وانا اعرف اكثر من ماركه من الرخيصات للملابس الرجاليه الطقم كامل ( بدله ) بـ100 ريال
لو تغسل بديزل ما جاه شي :055:

اما ان الماركات يلعبون علي لا ذي ميب علينا ..!!! :087:

[بسحتكم بعرجد]

يؤ الناس تطوووورت وانتم العثيم ذولا ابووو يمن منزين بضااعتهم الخاايسه
اصلن مافكر ادخل لمهم بجد مرعبييين واما بالمحلات الفخمه فهي سعره موحده بكل العاالم...

[|مزاجي صعب توصله|]

^ ^ ^
ياشــين اللي بيسوي نفسه غصب كشخه ويعرف ماركات

اقول بلا خرط ولا يكثر حدك البطحاء وسوق حجاب ويخب عليك بعد

والدليل نك نيمك اللي مدري وش يحس فيه !

[$سكون الليل$]

صدقتي أخي والدليل الخيمه التسويقيه التي تاتي في المهرجانات

مثل الموجوده في حديقة الملك فهد ومهرجان عنيزه , اشتريت من عندهم بلايز وتنانيرو ملابس للاطفال من ماركات معروفه

سااذكره منها ليتأكد الجميع وبالطبع الاخوات يعرفنها جيدا(اتام -كاميو -زارا- مذركير- اوكايدي- بيرشكا- جينيفر-الخ ......... وهناك الكثير الكثير من

الماركات المشهوره والمعروفه

اقسم بالله اني أشتريت القطعه الواحده ب10ريال وقد كانت تباع بالمحلات المذكوره اقل شي بالنسبه للتنانير 300ريال

وبالنسبه للملابس الأطفال اقل شي 100ريال اشتريت القطعه ب25ريال .....هل رأيتم الفرق الشاسع وذلك السعر

الغالي جدا من اجل اجار المحل على حسابنا نحن المواطنين والمواطنات

[!وش السالفه!]

أيـــه واللـــه تـسذب *تــســذب خـويـتــي اشــترت فــســتان مـن مــحـل مــعروف بالــنــخـيـل واللــه شــــافــته بــشــارع الــصــنــاعه وبأقــل ســـعـر بــس يــهــكون عـلــينا هالــكلاكــين وقـســمن شــفــت فــســاتين بــشــارع الــصنــاعه على 200 وشـوي وشــفــتهـن بالنخــيــل على 1000 وشــوي صــدز تــسذا قــهر<< قــولـي لــهم وش اكلـــتــو الــيوم

[طنش تعش تنتعش]

الشرهه مهب عليهم والله الشرهه على هالي يشري منهم
مصدقين انه به ماركه شوفو مصانعهم بالصين والهند

[دمعه بلمعه]

الله يحوم كبد الي يقوال الله يخليلنا الحسولن سنتر قصدك الزباله

[BRHOOM]

...

صدق بدون اي استغراب

شي عاادي مرة

مداام لا رقيب ولأ حسيب

اللهـ يعينكـ ,,

...

[يزيدالس]

خلها على ربك
اناامس اشتريت بلوزه قماشه شيفون يعني خفيفه شفافه ساده الا اللهم فيها ازارير
سعره299من محل معروف بالعثيم<<مانغوللي وده يعرف وشو
المهم لماجيت احاسب نفس اللي يحاسب عربي حمق علي قال كلمه بس مادري وشيئ بس فيمامعناه والله انك غبيه
اناسكت وبداالرجل يفضفض قال هذا انتم يالعربيات ماتفكرون ولا لو هي بضاعه عربيه كان مااشتريتيه بس عشانه اسباني اخذتيه اصلا البلوزه ماكلفت عشره الازاريربريالين والقماش بخمسه والباقي حق الخياط
طبعا رديت عليه قلت بسرعه بس حاسب وهو انقهراني شريته<<ياقرقه

والله يعينا
تشكرااات
..

والله انك عرفتي تردين عليه!!!اصلا ذا مايبي يردك عن البضاعه او انه يعلمك انه ملعوب عيه لا ذا مسوي فيهاافهم واحد بالبنات ويبي يجرك يحسبك من البنات اللي ؟؟؟؟ظ
لا كن الحمدلله انك عرفتي تردين عليه.

[ماءالسماء]

حسبي الله عليهم لاقيننا ..

وأنا الله يهديني من اللي منخدعين بالماركات وأسعارهم الخيالية

ودايما تصير على راسي إذا فيه تخفيض بس الشكوى لله ..

أما اللي يقول إن بضاعتهم أصلية ولا تتغير والله كله نصب واحتيال وبقول وش صار لي معهم

اشتريت قبل فترة من محل مكس تنورة ب300 ريال ولبسته للدوام وكان مباشرة

يعني وقعت ورجعت للبيت على طول من دون ما أجلس

لما جيت أكويها من اليوم اللي بعده بلبسها

وألاقيها منشقة ،، استغربت ولما جاء العصر دقيت عليهم وقلت لهم قال جيبيها نشوف إذا ما هو سوء استخدام

ولما رحت لهم وشافها قال لا هذا الشق منك شوفي قماشها كويس مرة

وهو يحاول يوريني بدت تتمزع بيده وإذا مسكها مع جهة ثانية برضو انشقت والله لو أنتم شايفين

وجهه أويت له :i125 مت عليه من الضحك وحاول يرقعها بس ما فيه فايدة ، قال خلاص خوذي بداله أي شي من المحل..

ولا بس هو حتى زارا و والز أحيانا أقمشتهم بايخة وعلى طول تنشق

بس الشرهة مو عليهم الشرهة علينا حنا اللي نلاحق وراهم.

شكرا لك أخي على هذا الموضوع وآسفة على الإطالة في الرد

[مشاكسة بريدة]

الله يحوم كبد الي يقوال الله يخليلنا الحسولن سنتر قصدك الزباله

امس اخذت منة بلوزة بـ60

العام انا اخذة للعيد من زارا بـ295

وكلهن شيفون بعد الي عند الحسون

احسن موديل وافخم

[* شــــذى *]

الله يـــعــــطــــيــــــهــــــم الـــــبـــــــلاء
,
,
,
,
نـــــــروح للــــــســــــوق مـــعـــنـــا ألـــــــف ,
ونــــرجــــع مـــابـــالــــبــــوكـ إلآ ريـالــــــين,
نــــــشــــــري بـهــــــن (فـــــســــحــــتي وديـــــو),
كـــــــــــــــررررررره
,
,

[**ضفاف**]

الصراحة إنه فيه تلاعب كثير بالاسعااااااااااار......وخاااااااصة بالعثيم والنخيل
وليت قماش البلوزة يستاااااهل شيفون ويتنشل ولا عندهم شئ يفتح العين
ويوم رحت لصنااااااااااعة فر ق وأسعار معقولة مع إنهم يغلون الأسعااااااار وخاصة بالليل يعني الظهر أرخص..
والقبة أحلى وأرخص ...يعني بلوزة شفته بالصناعة سعرها( 90) والقبة بـ(75)
وبضاعة (ذرى) أحيااااااااانا أحسن من خلاقين العثيم
وبالنسبة للخامة اللي تقول ماركة ماتخرب اللي يشوف هااااااااااالبنات مقطعات ثيابهن بهاااااااااالبس أصلن مايكررن اللبس (البعض) يعني حرام تشريها غالية وخامتها ماتستاهل
صح ملابس الأطفال وخااااااااااصة القطنية وتكون ناعمة تستاهل ..
والحسون احيانا تكون بضاعته زينه
يعني قبل رمضان كانت حلوة بعكس رمضان مابه شيء يفتح النفس خاصة البلايز (بس يبقى الحسون هو الحسون)
وقسم الولادي والرجاااالي ماااعليه كلام

والذهينة اللي تخلص أغراضها قبل رمضااااااااان مب مثلي الله يهدينا

[لا يأس مع الحياة]

لا لا لالا عاد يعرررف الغالي والله ماملح بناتنا الا يوم فتح العثيم والنخيل والا قبل حوسهxحوسه يعني لاتساوين الحسون بزاارا
على العموم دارين انهم لاعبين علينا باالاسعار لاكن....!

[&&ريا&&]

شوفوا هم اصلا لاقين احد يلعبون عليه فلو كل مره دخلت محل غالي طلعت وخلت البضاعه تقطن من القهر كان تشوفون الاسعار الزينه الله يخلف بس
يازين الصناعة بس يهبل شريت تيورين كاملات ب200 ريال
وقماش متره بعشره وديه عند الخياط يطلعلك الثوب كله ب90ريال واكرفيه كرف بالغساله مايتغير
وخلن عنكن الخرابيط جاكيت اسابني ولاصيني ولا امريكي اهم شيء التيور يعجبني ان شاء الله انه هندي وسعره مناسب
خصوصا اذا كنت تحبين التغيير في لبسك فماله داعي ضرب قروش الا اذا كنتي تكرفينه زي وحده تقول اشري فستان ماركه واحد واكرفه بكل العزايم اللي تجينا خلال السنه همن افكر اشري ثانيه عاد انا ماقول شيء لو شريتي ماركه اهم شيء تحليلين دراهمه
الله لايحللهم عاد جاك اخر الشهر ابلش برفع الاسعار والله من النصب والنهب لكن نقول جعلهم لمره تسان انهم ياخذون اكثر من حقهم

[برنس الوهوب]

عزيزي00000000000

المشكلة كل المشكلة

انة ماعندنا حماية مستهلك يعني مخلين كلن على كيفة وهذي هي المصيبة

متى وزارة التجارة حط حماية مستهلك مثل الدول لاخرى


وهذا الي خلى ابويمن واشكالة يتجرا علينا ويحط اسعار من راسة

[تشكيليـ ابكيلكـ]

جميع شئ أسمه ماركات نصب *نصب
والله غشاشين
الله يخلي لنا الحسون سنتر عنده جميع الماركات بسعر معقول .

بالحيييييييييييييييل عنده ماركات :mad:

[ابوولعf]

انواع الغش

[الــمــفــتــرس]

تدري وراة الفرق 409


لان الحريم يلعب عليهن

[غيد11ء]

يااولااااه لاتقوولوون يلعب عليهن وتحسسوننا اننا دبش
لامايلعب علينا وحنا ماندري يلعب علينا برضاانااا
ولاشرايك ترضى على اختك تجلس تكاسر بالرجل وتترجاه ينزل لها والله ماتسوى عليهاااااا
فياااااااااااليت الواحد مايقول الحريم يلعب عليهن

[ابوهباشـ]

عادي كل او اغلب المحلات نفس طريقة صاحبكـ
او اشد

[BUK - KSA]

اصلا اغلب المحلات اللي بالعثيم مول ليست ماركة واغلبها ((صناعة سورية)) حدها 120 ريال

العثيم مافيه شي زين غير سنتر بوينت

المحلات اللي بالنخيل افضل بمليون مرة من العثيم

[موكا بارد]

الواحد مايشري بهبال بعد المفروض اللبس مايتعدى 500ريال والقناعه حلوووووووووووووه
بعض الناس عنده نظريه مايصير كشخه الا اذا شرى من المااااااركات<<<<<<<<<<<<<<<<<<< الاناقه تعتمد على الذوق مو على كثر الفلوس وروحو شوفو السوق مقلد الماركات واسعارهم 170 <180 قسم بالله العظيم اني شايفه ثوب عند فيمي اللي بالنخيل ولقيته بالسوق نفسه والله العظيم وب170ريال <<<<<<<<<<<<<<صارت قصه هههههههههههه بس حبيت اوضح واشاركم الرأي واسفه على الاطاله

[ليلة شتاء]

ابو غسان,,,,,,,,,,تحياتي لك

وش علاقة العثيم إذا كان أصحاب المحلات رفعوا من قيمة البضائع اللي عندهم ولا لا ؟؟؟؟

بهذه الطريقة راح تخلي الناس تترك العثيم لا تقولي ياخوي هو اللي رفع عليهم الإيجارات

ياخي هذا مول متطور كالتي نشاهدها بالرياض وغيره وبعدين إيجاراته معقوله وهذاك أنت قلته

هم طماعين رافعين ثلاثة أضعاف السعر......فالعثيم لا علاقة له بذلك أن أعرف إنك تبي تقول للناس

المحل في العثيم لكن ياخي قولهم المحل الفلاني في العثيم أفضل......تقبل رأيي ولك تحياتي,

[مادموزيل]

ندري انهم ربحانين اضعاف الاضعاف..
بس وش نسوي ماعندنا غيره..حتى الحسون<<ع قولكم وشارع الصناعه<محلات ابو يمن>
مضاعفين السعر ويقالهم كشخه وماركات<<<لاتحومون كبدي تكفون

[بسحتكم بعرجد]

^ ^ ^
ياشــين اللي بيسوي نفسه غصب كشخه ويعرف ماركات

اقول بلا خرط ولا يكثر حدك البطحاء وسوق حجاب ويخب عليك بعد

والدليل نك نيمك اللي مدري وش يحس فيه !

ياااااااااااااااااااعمري انتي
ترحميييييييين وشدخل اسمي يعني
لاصرة من بريده وهرج بريده بحته اصير ماعرف الكشخه
صدز انتس صحيييحه تحسبين الفخااامه بالكلام ولا لبديت اكااكي
بعدين وراتس رحتي لرياض ونطيتي بريده ولا من زود فخاامتس انتس تعرفين البطحاء :d
بعدين ماطلبت رابيس باسمي جيزللي
ولا انتي الي نكتس انوااع الفخاامه :d
يحليلتس بس

[فارس99]

والله انك صزز يسكون الليل

[عبدالله الصالح]

هههههههه

والله عرفت المحل الي تحكي عنه

وكنت مقتنع أنهم رفعوا الأسعار من أجل تقتنع الحريم أنه يستاهل؟؟؟؟؟؟؟؟؟؟

[كتكوته]

فعلا الخيمه التسويقيه نفس اللي بالاسواق على 20 و30 فرررررررررررق شاسع..
سبحان الله العثيم ماخش مزاجي لانه خايس بضاعته وغاليه..
اروح لسنبل والنخيل ولا اشتري وقت التخفيض..و زر يلعبون علي..خخخخخخ
حدي ان انهبلت بلوزة 160ريال..وتنورة كذلك..

[أنفال القصيم]

الله المستعااااااااااااان قدر الله وما شاء فعل موضوعك آثار شجوني ذكرتيني أنا بها الإجازة
تمشينا بجدة واشتريت ساري ب800 من مجمع العرب رجعنا لبريدة وأنا انتظر العيد بلهفة غير كل سنة ولكن يااااا
فرحة ما تمت تصوروا حصلت نفس الساري ب120 عند محل ما طيقة وآخر محل كنت أفكر فيه
يقاله فرح صدمة ياناس إن لله وإن إليه راجعوووووووون:061:

[Ĥấmśấť Ŏņţħă]

الله المستعااااااااااااان قدر الله وما شاء فعل موضوعك آثار شجوني ذكرتيني أنا بها الإجازة
تمشينا بجدة واشتريت ساري ب800 من مجمع العرب رجعنا لبريدة وأنا انتظر العيد بلهفة غير كل سنة ولكن يااااا
فرحة ما تمت تصوروا حصلت نفس الساري ب120 عند محل ما طيقة وآخر محل كنت أفكر فيه
يقاله فرح صدمة ياناس إن لله وإن إليه راجعوووووووون:061:

تكفين حطي صورتة

ساري بـ800 حرام

[أبوغسان]

شكراً لكل من قرأ
شكراً لكل من شارك
شكراً لكل من شكر
شكراً شكراً لمن كتب تعقيب ينبي عن كاتبه و تمنيت أني لم اقرأه !!!

لاعدمت تواجدكم الغالي
أخوك ابوغسان ,,,

[@وردة الجوري@]

اصلا اللي يبي الزين يرخي الجيب.............

[|مزاجي صعب توصله|]

ياااااااااااااااااااعمري انتي
ترحميييييييين وشدخل اسمي يعني
لاصرة من بريده وهرج بريده بحته اصير ماعرف الكشخه
صدز انتس صحيييحه تحسبين الفخااامه بالكلام ولا لبديت اكااكي
بعدين وراتس رحتي لرياض ونطيتي بريده ولا من زود فخاامتس انتس تعرفين البطحاء :d
بعدين ماطلبت رابيس باسمي جيزللي
ولا انتي الي نكتس انوااع الفخاامه :d
يحليلتس بس

حبوبهـ ياليتكـ تاخذين كورس املاء لأني من جد رحمتكـ وحسيتكـ متحمسهـ بردكـ :d

[برنسيسة بريدة]

غيداء شفتي البلوزة اللي شريتي روحي بسرعه رجعيه ,,,,تلقينه عند محل في العثيم فوق الظاهر اسمه "زين" سعره 100 ريال ومعه شيء الظاهر 30 أنا مثلك شريتها من مانقو وبعد مدة شفتها فوق وانقهرت نفسه بالضبط والله حرام تخيلي طاحت من عيني وحتى الآن مالبستها وماراح ألبسها للعيد , وكل مارحت رحت أشوفه ب100 ريال وأنا أخذته من مانقو ب300إلا ريال ..
وبعذره المحاسب يوم يتكلم يمكنه شايف المحل اللي يبيعه فوق ..
غيداء ليتي بايعته عليك ب200 ولارحتي تشرينه ب300

[برنسيسة بريدة]

خلها على ربك
اناامس اشتريت بلوزه قماشه شيفون يعني خفيفه شفافه ساده الا اللهم فيها ازارير
سعره299من محل معروف بالعثيم<<مانغوللي وده يعرف وشو
المهم لماجيت احاسب نفس اللي يحاسب عربي حمق علي قال كلمه بس مادري وشيئ بس فيمامعناه والله انك غبيه
اناسكت وبداالرجل يفضفض قال هذا انتم يالعربيات ماتفكرون ولا لو هي بضاعه عربيه كان مااشتريتيه بس عشانه اسباني اخذتيه اصلا البلوزه ماكلفت عشره الازاريربريالين والقماش بخمسه والباقي حق الخياط
طبعا رديت عليه قلت بسرعه بس حاسب وهو انقهراني شريته<<ياقرقه

والله يعينا
تشكرااات
..

غيداء أتمنى تشوفين ردي ...

[إبداع قلم]

ومن قال ان الحسون وماشابهه اسعارهم معقووله بيطلع لك الطقم 100 واغسله مره وحده وبعدين ارميه بالزباله خربت القطعه
اما الماركات الاسبانيه والهنديه والامريكيه ووو تجلس عندك سنه ماتتغير<<سووري شطحت برا الموضوع بس توضيح


أنت اضمني لي إن الحريم يبن يلبسن القطعة لمدة سنة .. والمعروف إنهن يوم وبسسسسس همن للأرشيفففف !! وإذا قلتي ليش ماتلبسينه مرة ثانية قالت : وععع مهبول أنت حسبي الله عليكم يالرجال تبون فلانااات يضحكن علينا علشاننا لبسناه مرة ثانية .

[إبداع قلم]

الواحد مايشري بهبال بعد المفروض اللبس مايتعدى 500ريال والقناعه حلوووووووووووووه
بعض الناس عنده نظريه مايصير كشخه الا اذا شرى من المااااااركات<<<<<<<<<<<<<<<<<<< الاناقه تعتمد على الذوق مو على كثر الفلوس وروحو شوفو السوق مقلد الماركات واسعارهم 170 <180 قسم بالله العظيم اني شايفه ثوب عند فيمي اللي بالنخيل ولقيته بالسوق نفسه والله العظيم وب170ريال <<<<<<<<<<<<<<صارت قصه هههههههههههه بس حبيت اوضح واشاركم الرأي واسفه على الاطاله

كلام صحيح .. والله إني شريت نعال الله يكرمكم من الموسى وهو ماركة معروف بسعر 290ريال تقريبا وبعد كم يوم شريت من محل نعال بسعر 15 تقريبا ( وهن للبر )وقلت للأهل : وش رايكم أيهن أحسن قالوا كلهن حلوات ويوم علمتهن إن الثانيات بسعر15 قالن : وععععععععع تسيف تسمح نفسك تشريهن خخخخخخ
شفتوا إن السعر هو المقياس .

[بريده وناسه ..]

ماانقدر نقول إلا حسبنا الله ونعم الوكيل



والله لو افتح لي محل وااقوول هذا ماركه واسميه اسم انقلش واشتري القطع من الخبيب (بريده) ههه

[سكرة نبات]

انا ابرد عليكم كلكم

متى ومتى ومتى الا بكرى نحن ننخدع بشرائنا والله اللبس ذوووووووووووووووووووووووووووووووق وليس بالقيمة
اشترى بذوق ونسقي وتري المستحيل

قبل رمضان اشتري وبسعر معقول وقبل كل شئء خل ببالك انك مسئولة عن هالنعيم وعن هالاموال ووضعها في محلها كوني يقضة بشرائكي ومن لم تتعب بالمال فتهدره وزوجها هو الضحية

انا موضفة واشتري بالمعقول ولا ادخل محلات ارى بانها مستغلة لنا فااعرف متى ادخلها ولله الحمد

فهناك من يشتري جزمة ب200 ريال لطفلة ثم تضيع او 000000
اين هي وعندما يقال لك مااجمل ذلك ماذا يكون لك بعدها بعدة ايام ارهقتي زوجك ولم تحل البركة لك
ولكن اقول يارجال اعطوا زوجاتكم بالمعقول وشدوا عليهن وانتم السبب اولا واخرا

والله لو تعبنا بهذه النقود ماصرفت ولا ربع المبلغ

[رابعة]

^^
من عطاه الله تبصر..

واللعب على الناس بهالزمن بكل شي ماهو على سعر الملابس بس..

[نسمة بريده]

حسبي الله عليهم تراهم يرحون لصين ويشترونهن بريال واحد

[tootaa]

حلوووووه اجل الحسون سنتر يبيع ماركات هههههههههههههههههههههههه