المساعد الشخصي الرقمي

مشاهدة نسخة كاملة : هل خسرت بريدة الرهان

ابو شرين
15/9/1430 هـ, 01:01 صباحاً
السلام عليكم ورحمة الله وبركاته

كلنا نعلم التنافس المحموم بين بريدة وعنيزة الذي بلغ ذروته بمهرجانات الصيف واسواق التمور اخيرا

انا كمتابع اجد ان عنيزة نجحت بكل المقاييس بخصوص سوق التمور الذي لقى صداه خارج المملكة
في الجزيرة تحدثوا عنه واليوم في الاقتصادية وربما فاتني في قنوات فضائية اخرى

فمن المسؤول عن هذا الفشل
عن نفسي كنت متوقع الفشل في ضل هذا النظام الفاشل
ذاك النظام الذي يهرع ليدفن ويسفلت ويعمل مظلات في سباق مع الزمن قبل موعد الافتتاح
هي اشارة واضحة وصريحة الى ان التنظيم غير موجود اصلا عطفا على وجود رقيب يحاسب ويتابع

هل سيكون هناك حساب وعقاب لمن تسبب بهذه الخسارة ام ان رجالات بريدة عازمون على تحسين الصورة وسحب البساط من تحت اقدام محافظة عنيزة بعدم فتح الباب لكل من هب ودب في العام القادم بجلب مايجلب السمعة السيئة للمحافظة والله من وراء القصد
ابوولعf
15/9/1430 هـ, 01:31 صباحاً
ان شاء الله كلهم نجحين
بولوهي
15/9/1430 هـ, 01:47 صباحاً
شكلك غبي او تذكيا
معين عنيزة تصدرت برا السعوديه
واشنطن بوست و داى لايف اكبر دليل على مهرجان بريدة
صح التنظيم دمار انا معك بس اللي ناجح سوق بريدة
اخو دريحم
15/9/1430 هـ, 01:55 صباحاً
ابو شرين

رأيك يهمنا وماهو مقياس النجاح التي امتازت به

عنيزة هل عندما طلعت بالجزيرة والاقتصادية

تفوقت . وهل عندما اسرعت الامانة بتركيب

المظلات لتسابق الزمن قبل بداية موسم التمور

من اسباب الفشل ورصفت الارضية بسرعة متناهية

اوتفوقت عنيزة بالكرت الاحمر ووضع على تمر

من الاصل متبرع فيه صاحبه للجمعية الخيرية

تقبل الله منه وجزاه الله خير
بريداوي غير
15/9/1430 هـ, 01:59 صباحاً
وبعدين وش فيها عنيزة

الله يوفقهم .

أما من ناحية فشل بريدة .

الغش .

مجرد رأي
اخو دريحم
15/9/1430 هـ, 02:05 صباحاً
بريداوي غير

طيب كيف اكتشفت الغش
ابـو بنـدر
15/9/1430 هـ, 02:22 صباحاً
هاااااااااااااااااااااااااااااااه
بريداوي غير
15/9/1430 هـ, 02:39 صباحاً
ياخو دريحم

واحد من زملائي . ضايق صدره .

سألته وش فيك . قال ياخي شريت تمر من السوق .

وشريت عدد لا بأس به . ويوم رحت للبيت . كل اللي شريت مغشوش .

حاطين اللي فوق زين . واللي تحت كيف الحال ..

يعني غش . وشلون تبي السوق يكون ناجح .

لنكن واقعين ولا نكن عاطفين .

أنا بالعكس أفتخر إذا قيل لي ماشاء الله تمر بريدة ممتااز .

لكن اللي ضيق صدري . قصة زميلي ..

وما يحصل فيه من التلاعب ..
بولوهي
15/9/1430 هـ, 02:43 صباحاً
بريداوي غير
الله من الصدز وانت كنت صادز فهذا بعد خطا من خويه
وراه ما قعد يدزلب الكراتين ادامه شاري شي كثير ..!!!
ويبدوا ان معرفك لا يدل على انك من هنا
ابو شرين
15/9/1430 هـ, 02:45 صباحاً
المقياس انطباع من ما قرأت وشاهدت فقط لاغير
وللامانة لم ازور اي واحد من السوقين

لكن عندما ترى قنوات فضائية تتكلم عنه حصريا ومقابلة خاصة مع المحافظ وتتكلم عن التطوير الذي يحدث فيه كاستحداث البطاقة الحمراء وتوعية وتذكير بالماضي وشرح وتعليم للجيل الجديد بكل مايتعلق بالنخل من لقاح وخراف الخ الخ الخ

عموما امور كثيرة اعطتني انا على اقل تقدير انطباع بهذا الشيء واتمنى ان اكون مخطيء
كتجهيز السوق الذي يعطي انطباع بقرارات ارتجالية غير مدروسة مسبقا رغم توفر عنصر الوقت
وربما مثل هذا الموضوع يعطي انطباع عن التجاوزات في بريدة

http://www.buraydahcity.net/vb/showthread.php?t=167207

اكرر اتمنى ان اكون مخطيء وهذا مجرد انطباع
بريداوي غير
15/9/1430 هـ, 02:57 صباحاً
بريداوي غير
الله من الصدز وانت كنت صادز فهذا بعد خطا من خويه
وراه ما قعد يدزلب الكراتين ادامه شاري شي كثير ..!!!
ويبدوا ان معرفك لا يدل على انك من هنا

يعني إذا قلت الحقيقة . يصير تسذب . . وإذا قلت التسذب يصير هو الصح .

ولازم أقول أحلى تمور بالعالم .. تمور بريدة .

طبعاً زميلي مهب فاضي يقلب كل الكراتين .. هو شاف الزين اللي فوق وأكيد واثق أن تموور بريدة ممتازة

لكن طلع مغشوش ..

والغش هو اللي يسبب الفشل في المشروع .. من غير أنه حراام .

أما أنا يالحبيب أموووت على بريدة .. لكن في وقت الحقيقة أكون مع الحق .
بولوهي
15/9/1430 هـ, 03:03 صباحاً
بريدواي
انا قلت يمكن تسذب مو تسذب
لان فيه ناس كثارين مختبئين تحت معرفات ..

ابوشرين
لازم تزور المهرجانين وتتاكد بنفسك
اما الجرايد والتلفزيون ما عليك منهم
اخو دريحم
15/9/1430 هـ, 03:07 صباحاً
حلوة مهوب فاضي يقلب قلعته حقه وماجاه
ღ.. متآبع بصمت ..ღ
15/9/1430 هـ, 03:35 صباحاً
, , ,


حلوة مهوب فاضي يقلب قلعته حقه وماجاه


أيه والله قلعته فيه أحد يشري ولا يقلب التمر ؟؟!!!!!!!!!




: 12


. . .
بريداوي غير
15/9/1430 هـ, 03:37 صباحاً
اخو دريحم

تبي الزبون ماييثق بسوق بريدة

إذا كنتم تبون المشروع ينجح وتكسبون من الحلال الطيب

كونوا صادقين مع الله . ويتركون الغش .

مهب لازم يجي أي يزبون يفتش لا جاء يشري .
بولوهي
15/9/1430 هـ, 03:41 صباحاً
بريداوي
باي مكان لابد ان تشوف قشك
اما انك تطب على وجهك هذا ما ينفع حتى لو مضمون ...
بريداوي غير
15/9/1430 هـ, 03:50 صباحاً
بولوهي

كلامك صح . أي مكان لازم أشوف وأتأكد

بس لكن اللي قاهرن أزعجونا بريدة عاصمة التمور ومدري ايش من الكلام .

وكذلك البهرجة بالاعلانات . وآخر شيء يكون فيه غش .
جولي القصيم
15/9/1430 هـ, 03:55 صباحاً
أخي أرجوا بأن لاتفهوني غلط وأرجوا عدم المقارنه ولنجعل نجاحنا يستمر ولا ننظر للغير فالأبداع يأتي من جهد فأذا ننظر للغير سوف نتعب ونضيع ويقل جهدنا وتعبنا وأيضآ أنتاجنا
أخي هل العاَلِم حين يغلق الباب ويبداء يبحث ويتعمق هل هو نظر للغير أم للعلم والمعرفه ...
BUK - KSA
15/9/1430 هـ, 04:09 صباحاً
كلهن تمام وناجحات بنظري..

وكل سنة احسن من قبل باذن الله