التخصصي مواعيده ولا في الاحلاااااااام

[نور عيوني]

سلام عليكم

شي يبط التسبد والله

اليوم رحت للتخرصي ( التخصصي ) وانا على نياتي معاي ورقه من المستوصف تحويله رحت للعيادات الخارجيه ..

قلت خذ الورقه وين الدكتور ضحك قال وين وين قال افتح ملف اول قلت امري لله افتح ..

رحت فتحت ملف ورجعت له قالي اصبر شوي قلت اوكي قال بعطيك موعد قلت لا ياشيخ خلها اليوم ابي اقابل الدكتور .. قال لا لازم موعد قلت خير ان شاء الله قلت يمكن يقولي بكرا او بعده

وانا انتظر ينادي اسمي جاء لمي بنقالي اخذ موعد ويسألني يقولي متى موعدي حصلتهم معطينه موعد في ..
1/5/1431هـ يعني باول السنه الجايه ..
والله رحمته من جد

قلت يمكن بنقالي او هندي مايهتمون

اما انا سعودي لعبو دارهم زيي زيهم يعني هم في خدمتي << اخس يا ولد ............

المهم جاء وقال اسمي قلت انا موجوووووووود من الفرحه هههههه

يوم شفت الموعد قلت صادق انت حاطني بشهر 12 وين وين والله يمكن امرض واشوي ولا جاء الموعد قالي رح كلم المدير قالت ياخي بلا مدير بلاهم معقوله تعطيني في هذا الشهر بعيد مررره وانا جالس اتناقش معااه

قلت طيب لو في اليوم اللي تقول عنه ادخل على الساعه اللي تقول يعني هم كاتبين الساعه 1 الظهر
قالي لا قال تجي وتاخذ رقم وتنتظر

قلت والله انكم خراابيط ودجه

الا ويجي رجل الله يجزاه خير قالي رح للمدير هو ينقصه لك يعني اقل شي يطبح شهر
يعني فيها لعب ويقدر هذا الموظف يحطي موعد قريب

قلت لا والله مااروح << عصبت :d

واتصلت على مستشفى خاص قالو عندنا دكتوره بعد مو دكتور ههههههه

وبكرا موعدي والله في الخاص ...........

يا جماعه انا مقدر وضع التخصصي انهم زحمه وكذا

بس من جد ليش الذله هذي للمرضى وانواع الحوسه ولا تنظيم ولا شي يعني معطيني موعد بعد ثلاث شهور ويقولي تعال بدري خذلك رقم والا تنتظر 3 ساعات ؟؟!!

من جد اتمنى يعيدو ترتيب هالنظام ...

وبس : )

اعرف اني خلبطت في الكلام بس من جد قهر والله على كذا مالنا الا المستشفيات الخاصه ..

على فكره اذا فيه موظف بالتخصصي هنا ياليت اكون صديقه ^_^

[ღ.. متآبع بصمت ..ღ]

. . .



يارجال رح لمستشفى غير حكومي


وتلقى الخدمة الصــــــــح :)





: 12

. . .

[دبدوبه ستي]

هذا الي يبونه انك تروح لأهلي
يماطلون بتاريخ المراجعه علشان يقللون المراجعيين بس

[د/الفـهـد]

-


المدير براسه ابومازن ماينفع وانا اعرفه شخصيا

كيف الموظفين

تخيل اعرفه معرفه شخصيه وبينا علاقة وقرابه

وبالاخير طلبت منه طلب بسيط وكل ماشافني صد ويقاله مايشوف

حتى الوااحد اذا تعرفه ماينفعك ولابريال

تقل المستشفى مستشفى ابوه الله يرحم ابوه

حسبي الله عليه

...

[غرك زمانك؟]

. . .



يارجال رح لمستشفى غير حكومي


وتلقى الخدمة الصــــــــح :)





: 12

. . .



كلامك مظبوط

[ياهم خذ همك ورُح]

السلام عليكم

شهرمبارك عليكم

أي عيادة تراجع
أن كان الأسنان معروف مواعيدهم بعيدة قوة:oo

[ابوولعf]

الله يعين

[!وش السالفه!]

كان قلت له ياقرب الارض ويابعد السماء ماضمن روحي بعد ثواني تجون تعطونن موعد بقريح وبزنه الله يخلف بس

[فهدالقصيعه]

والله انك صادق ابوي دايم كذا يعطونه مواعيد بعد 3 او 4 اشهر:rolleyes: مادري وراه يعني كل بريده مرضى:i125
لا حول ولا قوة الا بالله:bad

[نور عيوني]

. . .



يارجال رح لمستشفى غير حكومي


وتلقى الخدمة الصــــــــح :)





: 12

. . .




إيه والله صدقت
وهذا اللي صار

بس فيه ناس ماتقدر تدفع وش ذنبها

[نور عيوني]

هذا الي يبونه انك تروح لأهلي
يماطلون بتاريخ المراجعه علشان يقللون المراجعيين بس

معقوله ..!!

بس وش مصلحتهم اني اروح لخاص ؟؟!!

بس هذا الظاهر بدون فلوس قالو نذلهم على كيفنا

[&ضياءالروح&]

اقالهم
رااعين مواعيد
وحركات
خلهم يعرفون بس يختاارون اطبه
زي العااالم والناس

[نور عيوني]

-


المدير براسه ابومازن ماينفع وانا اعرفه شخصيا

كيف الموظفين

تخيل اعرفه معرفه شخصيه وبينا علاقة وقرابه

وبالاخير طلبت منه طلب بسيط وكل ماشافني صد ويقاله مايشوف

حتى الوااحد اذا تعرفه ماينفعك ولابريال

تقل المستشفى مستشفى ابوه الله يرحم ابوه

حسبي الله عليه

...

هذي خاصه فيه
والله يهديك من جد وش يخسر لو بيخدمك

الله يهديه

بس انا اقصد اتمنى يغير النظام المتبع

[نور عيوني]

السلام عليكم

شهرمبارك عليكم

أي عيادة تراجع
أن كان الأسنان معروف مواعيدهم بعيدة قوة:oo

لا كله والا الاسنان تروح لحكومي

ياحبيل الخاص خاصه السنون

[نور عيوني]

كان قلت له ياقرب الارض ويابعد السماء ماضمن روحي بعد ثواني تجون تعطونن موعد بقريح وبزنه الله يخلف بس


قلت والله بعد ثلاث شهور يمكن اشوي واكون احسن منك

[نور عيوني]

والله انك صادق ابوي دايم كذا يعطونه مواعيد بعد 3 او 4 اشهر:rolleyes: مادري وراه يعني كل بريده مرضى:i125
لا حول ولا قوة الا بالله:bad

لاوالله مو كله مرضى لو كله مرضى جابو دكاتره زواده

بس هم كذا مجانا تحمل

[نور عيوني]

اقالهم
رااعين مواعيد
وحركات
خلهم يعرفون بس يختاارون اطبه
زي العااالم والناس

بهذي عز الله صدقتي والله بقوه بعدددد

وعندي تحفظ من جد بخصوص هالموضوع

[& ابـــوتـــج &]

يا رجال اي مستشفى حكومي مو بس التخصصي يعطونك موعد بعد شهرين ثلاث اربع سنه هههه

[الغلا وجودي]

ههههههههههه اجل لو تشوف موعدي مته عطون اياه لا للدكتور عبدالله المسعود ما ادري هم ياخرونه علشان اروح لمه بالحبيب او بالصفوه والله محتااااااااااااار

[ابــو صــدام]

ههههههههه يارجال حصلينوعا ما مثل ماحصلك

ودخت الى مين طحت عليهم بالكراسي

وشوى اخوي كان عندي ويروح اخوي ويجي

من جد تخــــــــــــــــــــــــــرصي


تحياتي

[ابو شرين]

يبون الناس تسوي كذا مثلك

عموما يرفع الموضوع بسبب الحقد على الوزارة بكبرها

[قمردين]

عسى الله يعجل بخلاص مستشفى بريدة المركزي
لكي يريحنا من المواعيد المميته .

[نور عيوني]

يا رجال اي مستشفى حكومي مو بس التخصصي يعطونك موعد بعد شهرين ثلاث اربع سنه هههه

اهااااااا

تسذا شغلهم يعني :(

مشكور بس والله قهر لييييييش هذا السؤال

يعني وش بيضرهم ؟؟..!!

[نور عيوني]

ههههههههههه اجل لو تشوف موعدي مته عطون اياه لا للدكتور عبدالله المسعود ما ادري هم ياخرونه علشان اروح لمه بالحبيب او بالصفوه والله محتااااااااااااار

الله يكون بعونك

والله شي لايقاط

[نور عيوني]

ههههههههه يارجال حصلينوعا ما مثل ماحصلك

ودخت الى مين طحت عليهم بالكراسي

وشوى اخوي كان عندي ويروح اخوي ويجي

من جد تخــــــــــــــــــــــــــرصي


تحياتي

ههههههههههههههه
الله والعالم لازم نسوي مثلك

اذا وصلتهم اطيح كأنه مغمى علي :d

[نور عيوني]

يبون الناس تسوي كذا مثلك

عموما يرفع الموضوع بسبب الحقد على الوزارة بكبرها

يا بعدي اذا انا وانت وغيرنا يقدر يروح لم خاص غيرنا مايقدر
والاجانب مستحيل يروح لم خاص

ليش يكون موعده بعد ثلاث او خمس شهور ؟؟!!

[نور عيوني]

عسى الله يعجل بخلاص مستشفى بريدة المركزي
لكي يريحنا من المواعيد المميته .

الله واكبر عاد بيختلف عنه ؟؟!!
اتوقع نفس المشكله لانه حكومي

[الــمــفــتــرس]

ااي مستشفى حكومي


ذلــــــــــة





شكرا لكـ

[عبدالله]

دور واسطة..........................

[حربي القصيم]

يآرجـآل .,

معـك وآسطـه والله تدخـل ,,

آنـآ آول كذآ لاصـآر عندي موعد بعد فترهـ طويله

رحت مع آخوي وآدخل من بكرهـ

ولاحد يكلمني ..~

يعني معك وآسطه تدخل مـآمعك الله يعينك ..

[ميرنا]

اذا انت معطيك بعد ثلاث شهور اجل وش تقولون عن صديقتي معطينها الموعد بعد ثمان شهور مت ياحمار لما يجيك الربيع

[**نجم المعالي **]

يانور عيني والله انك صادقه

انا بي اكزيما وصرفي لي الدكتور حبوب مضاد وحساسيه الجسم وكلهن مالهن داعي اين الرقابه

وموعدي صار بعد ثلاثة اشهر وجلست اسبوع ماشفت نتيجه رحت لم المدير الله يجزاه الخير ودخلت بواسطه مباشره دخلت على الدكتور الفوزان الله يوفقه صرف لي كريم دريم فوت وراح الحمدلله والاكزيما عليكم بعلاجها حتى ماترجع مره ثانيه لاني انا ارجعت يقولون مايوخره الاشحم الضب

اوتبون نروح لم الاهليات :101:

[كونااان]

والله أنا أخذت تحويلة للعيون وجيت ومرمطي قال افتح ملف وعطان موعد 17 /10 >>الكلام هذا بشهر 6 يعني بعد أربع أشهر ..

المهم واثر معي أخوي واتصل على الدكتوزر منصور .. واروح لمه الأسبوع اللي بعده والحين اراجع على كيفي ومعي رقم الدكتور خالد ..

بواسطه تمشي بغيره ... انتظر

[نور عيوني]

ااي مستشفى حكومي


ذلــــــــــة





شكرا لكـ

والله سمعت في الرياض تنضيم حلو
احسن من اللي عندنا

[نور عيوني]

يآرجـآل .,

معـك وآسطـه والله تدخـل ,,

آنـآ آول كذآ لاصـآر عندي موعد بعد فترهـ طويله

رحت مع آخوي وآدخل من بكرهـ

ولاحد يكلمني ..~

يعني معك وآسطه تدخل مـآمعك الله يعينك ..

هلا صديقي والله
شخبارك هههههههههه

ايه ياخي يازين الواسطه واللي ماعندها خلوه ياكلها مثلي مالك الا خاص :41

[نور عيوني]

اذا انت معطيك بعد ثلاث شهور اجل وش تقولون عن صديقتي معطينها الموعد بعد ثمان شهور مت ياحمار لما يجيك الربيع

احلفي شدعوه عاد 8 شهور من جد مايستحي هذااللي شكله وهو يعطيها منزل راسه من الفشيله

عاد تخيلي تنسى الموعد او تتاخر وااااااااااو يعني المعد الثاني بيكون بعد خمس سنوات هههه

[نور عيوني]

يانور عيني والله انك صادقه

انا بي اكزيما وصرفي لي الدكتور حبوب مضاد وحساسيه الجسم وكلهن مالهن داعي اين الرقابه

وموعدي صار بعد ثلاثة اشهر وجلست اسبوع ماشفت نتيجه رحت لم المدير الله يجزاه الخير ودخلت بواسطه مباشره دخلت على الدكتور الفوزان الله يوفقه صرف لي كريم دريم فوت وراح الحمدلله والاكزيما عليكم بعلاجها حتى ماترجع مره ثانيه لاني انا ارجعت يقولون مايوخره الاشحم الضب

اوتبون نروح لم الاهليات :101:
هههههههههههه اما شحم ضب ؟؟!!!

المهم المقصد انه يبونك تروحي لم اهلي : (

[نور عيوني]

والله أنا أخذت تحويلة للعيون وجيت ومرمطي قال افتح ملف وعطان موعد 17 /10 >>الكلام هذا بشهر 6 يعني بعد أربع أشهر ..

المهم واثر معي أخوي واتصل على الدكتوزر منصور .. واروح لمه الأسبوع اللي بعده والحين اراجع على كيفي ومعي رقم الدكتور خالد ..

بواسطه تمشي بغيره ... انتظر

اعوذ بالله من ثلاث شهور الى اسبوع ..؟؟

حسبي الله عليهم والله يشيفك