أمير منطقة القصيم يلتقي رئيس شركة الكهرباء ويطالب .............؟؟؟

[د/الفـهـد]

بسم الله الرحمن الرحيم

السلام عليكم ورحمه الله وبركاته

..

http://www.burnews.com/styles/dciwww/images/arroww2.gifأمير منطقة القصيم يلتقي رئيس شركة الكهرباء ويطالب بحل سريع لمشكلة الانقطاع في أسرع وقت ممكن والعمل على ألا يتكرر


http://www.burnews.com/newsm/8876.jpg
عاجل - ( سلطان المحيطب )


التقى صاحب السمو الملكي الأمير فيصل بن بندر بن عبدالعزيز أمير منطقة القصيم بحضور سمو نائبه الأمير الدكتور فيصل بن مشعل بن سعود بن عبدالعزيز نائب أمير منطقة القصيم بمكتبه في الإمارة بمدينة بريدة ظهر اليوم الرئيس التنفيذي للشركة السعودية الموحدة للكهرباء المهندس علي بن صالح البراك يرافقه نائب الرئيس للنقل المهندس صالح العنيزان ونائب الرئيس للتوليد المهندس فؤاد الشريبي ونائب الرئيس للتوزيع وخدمات المشتركين المهندس سعد المنصور ومدير كهرباء منطقة القصيم المكلف المهندس علي التركي.

وتم خلال اللقاء مناقشة وضع الكهرباء بمنطقة القصيم وأسباب الأعطال التي حصلت خلال الأيام الماضية وانقطاع التيار الكهربائي بعدد من مدن ومحافظات ومراكز منطقة القصيم لعدت فترات متوالية .

واستمع الجميع لتوجيه سموه بهذا الخصوص وتأكيده على سرعة العمل لحل هذه المشكلة في أسرع وقت ممكن والعمل على ألا يتكرر مؤكدا سموه الحرص على خدمة أبناء منطقة القصيم والسهر على راحتهم في المدن والمحافظات والمراكز والقرى وأن تقدم لهم كافة الخدمات على أكمل وجه .

وقد أكد المهندس البراك على بذل كل جهد ممكن لتنفيذ توجيه سموه وخدمة المواطنين في منطقة القصيم كما قدم البرك لسموه إيضاحاً لخطط شركة الكهرباء لتعزيز النظام الكهربائي بمنطقة القصيم حيث أكد أنه سيتم زيادة قدرات التوليد بقدرة /240/ ميقاوات وتشغيل محطة غرب منطقة القصيم قريبا بجهد /380/ ألف فولت بقدرات /1000/ ميقاوات حيث سيتم العمل على عدم انقطاع التيار الكهربائي بالمنطقة .

وقال : تهدف الشركة إلى إيصال التيار الكهربائي للمواطن والمقيم بأعلى مستوى خدمة إن شاء الله.
واستمع الجميع لتوجيه سمو أمير منطقة القصيم بهذا الخصوص وتم تعميد الجهة المختصة بتنفيذها في إطار حرص ومتابعة سموه لإيصال الخدمة الكهربائية لجميع أبناء منطقة القصيم والمقيمين وفق توجيهات قيادتنا الحكيمة وفقها الله .

...

[حرام كسر الخواطر]

كفو والله يالامير هاذا الي نبيه

[سامي بريدة]

وعليكم السلام ورحمة الله وبركاته

شكرا أخي الفاضل قليل الدسم

لفتة طيبة من سمو الأمير لإحساسه بمعاناة المواطن

نرجوا أن تؤخذ توجيهاته بعين الاعتبار

وليته ناقش معهم الخسارات التي منيت بها كثير من البيوت والمساجد

وتعويض أصحابها ،،،


جزاك الله خيرا

[shahen]

طيب بشر عساهم طلعوا ومخابيهم فاضيه !

اخاف السالفه شحاذه وترز عند الأمير

[خـآالد]

إن شاء الله يطلعون بنتائج

[التويجري]

متى هالكلام ..؟

يوم الإنقطاعات الأولى وإلا جديد ..؟

أنا ودي فيصل يفصخ كندرته ويمحط البراك مع وجهه ..

صح ان كندرة الأمير أغلى من وجه البراك لكن للضرورة أحكام ..!

[بولوهي]

الهرج سهل
لاكن ان شاء الله الامير يشري ارض 4*5 ويحط به مكتب ويخلي البراك وخويه يشتغلون هناك لحالهم يقالهم بالصدز . ويفكوننا شرهم
ان تسانه اليوم المقابله فالعصر الكهرب طافي بالجنوب

[GDD]

ياخي وش فيكم على البراك هذا من ابناء بريدة
والانقطاعات المتوالية بسبب المولدات مو هو اللي قفله عنكم
ياجماعة المفروض نفتخر ان ابناء بريدة وصلوا لهذي المناصب القيادية .....

[أبو رُبـــــى]

^^


لا والله ما نفتخر بأمثال هؤلاء ..



شكراً قليل الدسم ..

[ملكة المشاعر22]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههه يازينكم وانتم بلشين بمواضيع الكهرباء ماتواطنون احد يطالكم على طرف وه قصمان
ودي يطفاء الكهرب يومين بس ابشوف وش بيصير المنتدى يااااااااااااااااااااارب يطفى

[digz]

ليتة قال لة

قدم استقالتك انت مدير فاشل

باي حال من الاحوال ومهما تعددت الاسباب

حصل خلل او مشكله في الشركة انت المسؤل عنها

يا اخي احترم نفسك ورح لبيتكم اذا منتب كفؤ تدير شركة بالحجم هذا



عجيب حالهم فاشل ويترزز بالصور

ولا حصل شي عنده الاخ

[**ابو علي**]

الله يجزاه خير لصار مفكرمبن

[كلمنتان]

ما أقول إلا الله يوفق أميرنا الغالي فيصل بن بندر ويحفظه يارب ، ، ،
ونائبه الأمير الدكتور فيصل بن مشعل حفظه الله ...

[أبو إياس]

كيلو وااااااط ........!!:( كيلو هرررررررش :(:(

أنا من سمعت الشركة وهذي علثتهم :(:(

طيب ورا ماتزينون الكيلو هرش هذا :(:(:confused::confused:

[ابـو بنـدر]

ياخوان كلام بلاء فعل

يقلون انه ضغط وراه مايحلون مشكلت الضغط

الا متا وحن على الحاله ذي الي بلونا بها

اقول ياخوان مالكم الا الصبر والصبر مفتاح الفرج

[جمراوي]

متى هالكلام ..؟

يوم الإنقطاعات الأولى وإلا جديد ..؟

أنا ودي فيصل يفصخ كندرته ويمحط البراك مع وجهه ..

صح ان كندرة الأمير أغلى من وجه البراك لكن للضرورة أحكام ..!



والمهندس البراك ومن معه يعملون ليل نهار
المدينه تكبر بشكل سريع وتحتاج الي دعم وهذه الانقطعات له فوائد لجلب اضافة جهد للمنطقه وفائدته اشبه بهذا الحر وفائدته للتمر لنظجه

[هلالي مدريدي356]

:i121:i121:i121:i121:i121ههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه يازينكم وانتم بلشين بمواضيع الكهرباء ماتواطنون احد يطالكم على طرف وه قصمان
ودي يطفاء الكهرب يومين بس ابشوف وش بيصير المنتدى يااااااااااااااااااااارب يطفى

والله من الحقد

[ملكة المشاعر22]

:i121:i121:i121:i121:i121

والله من الحقد

هههههههههههههههههههههههههههههههه شوي شوي لاتفقع
بس ونااااااااااااااااسه خليهم يرفعون ضغطكم شوي
وه فديتك يارئيس الكهرباء وهذي حبة راس
اغديك تطفيء الكهرب هاليومين بس ابي اعضاء بريده ستي تطفى فيوزهم

[د/الفـهـد]

*


اشكر كل من شرفني وخرج عن صلب الموضوع

...


هـــاه انقطع الكهرباء او لا



...

[عبدالله]

يا(التويجري) لاتقل مثل هذا الكلام
الله عزوجل يقول(ولقد كرّمنا بني آدم)

وأسأل الله أن يوفق ولات أمرنا عامة وولاتنا في القصيم خاصّة لما لافيه الخير والصلاح للجميع

[المنخرش]

أتمنى ان أميرنا الله يطول عمره ..
يقيم على الحد بالتعزير

فلوسنا راحت عشان كلمتين حلوات قالها للأمير

او يخرب بواط وميقا ومادري ايش
وخلاص صدقناو ..؟


هذا حنا
نطاطي ومادري ايش
والكلمتين تسكتنا



ياخي وش فيكم على البراك هذا من ابناء بريدة
والانقطاعات المتوالية بسبب المولدات مو هو اللي قفله عنكم
ياجماعة المفروض نفتخر ان ابناء بريدة وصلوا لهذي المناصب القيادية .....


اي منصب
هذا ابليس مايحطه سكرتير
وش عاد كهباء


اللهم انتقم على من ظلمنا

وشكراً لأميرنا على هذه المبادره الطيبة في دعوة حق الكهرباء
الذي لايمثل بريدة ولا جزء منها

[ام قراعيط]

والمهندس البراك ومن معه يعملون ليل نهار
المدينه تكبر بشكل سريع وتحتاج الي دعم وهذه الانقطعات له فوائد لجلب اضافة جهد للمنطقه وفائدته اشبه بهذا الحر وفائدته للتمر لنظجه

قال ليل نهار قال نايم طول الوقت:(

الله واكبر يشتغلون ؟

ايـه علينا بس
:
:
ع فكـرة شكيت انك ولدهـ :rolleyes:

[ملكة المشاعر22]

*


اشكر كل من شرفني وخرج عن صلب الموضوع

...


هـــاه انقطع الكهرباء او لا



...
العفو ياخي اسفه قطعت حبل افكاركم لكن الموضوع كله دعاوي وبلاوي على شيء مايستاهل قلت بسوي فاصل يمكن يهدون اعضاء المنتدى ويتفهامون بهدوء فقط
ايه في بيوت طفى عليهم

[ابو معاذ29]

مشكور اخوي قليل دسم
وانشألله يطلعون بنتايج

[د/الفـهـد]

العفو ياخي اسفه قطعت حبل افكاركم لكن الموضوع كله دعاوي وبلاوي على شيء مايستاهل قلت بسوي فاصل يمكن يهدون اعضاء المنتدى ويتفهامون بهدوء فقط
ايه في بيوت طفى عليهم


يعجبني الناس اللي تفهمها وهي طايرهـ


لكن...


انااا من طبعي ماحب احد يخرج عن صلب الموضوع

وانت خرج عن صلب الموضوع وانا لمحت والحمدلله فهمته

...

[ملكة المشاعر22]

يعجبني الناس اللي تفهمها وهي طايرهـ


لكن...


انااا من طبعي ماحب احد يخرج عن صلب الموضوع

وانت خرج عن صلب الموضوع وانا لمحت والحمدلله فهمته

...
اول شيء اني بنيه منيب ولد علشان تحسين تسذا
وبعدين ترى مابعدت بلحيل حسيت بالكهرب

[ابوولعf]

ما أقول إلا الله يوفق أميرنا الغالي فيصل بن بندر ويحفظه يارب ، ، ،
ونائبه الأمير الدكتور فيصل بن مشعل حفظه الله ..

[مراسل بريدة ستي]

ونتهت الازمه ولله الحمد