يا اخوان شسالفة محل(( Xanaka )) في مجمع النخيل .....؟!! [الأرشيف]

بندركو

1/9/1430 هـ, 12:25 صباحاً

السلام عليكم ورحمة الله وبركاته

اليوم صار قدامي موقف في محل (( Xanaka )) وهو بعد ما اشترت زبونه من المحل واخذ الفلوس منها رفض يرجع الباقي الا بعد كتابة رقم جوالها:eek: وبعد ماكتبت الرقم رجع فلوسها ومشت المرأه..

صراحة قلت مالي واللقافه ممكن القصد دعايات للمحل:42

:confused:وانتم شرااااااايكم بالموقف هذا:confused:

ضامي الشوق

1/9/1430 هـ, 12:33 صباحاً

من يترك بناته او خواته يتقضن لحالهن فو مهد الطريق لمغازلتهن

غير البنات

1/9/1430 هـ, 12:36 صباحاً

موضوع مكرر سبق الطرح حول محل زارا

صراحه ماادري انتم اغبياء او هدفكم تشويه سمعه المحلات

متى تعرفون سياسه محلات الماركه

عند الترجيع لازم تكتب الرقم والا لاترجع

مجنون سعد11

1/9/1430 هـ, 12:38 صباحاً

نحسن الظن يمكن يعرفه

برنسيسة بريدة

1/9/1430 هـ, 12:43 صباحاً

عادي جدا ....
أنا دائما كذا , اكتب أي رقم وكنيتي ام عبدالله ..وانتهت السالفة .
بعض الحريم اطوله وهي قصيره , نحسبه لازم صدق .

MEHWAR

1/9/1430 هـ, 12:54 صباحاً

هاااه

اجل ما يرجعله الفلوس هههههههههـ

عاد الحريم على طول يصدقن انه مهب مرجع له القروش

قولي له ساذهب لاشتكيك

وعلطول يعطيتس القروش

رهش

1/9/1430 هـ, 12:58 صباحاً

بلا ماركه بلا هم!!
مانبي الماركه لاصرنا نبي نعطي اي احد ارقامنا !!!!

الشمالي

1/9/1430 هـ, 01:08 صباحاً

عاد الواحد اذا بغى يشوه صوره اي محل ممكن يلفق اي ساالفه وتمشي

**ابو علي**

1/9/1430 هـ, 01:11 صباحاً

موضوع مكرر سبق الطرح حول محل زارا

صراحه ماادري انتم اغبياء او هدفكم تشويه سمعه المحلات

متى تعرفون سياسه محلات الماركه

عند الترجيع لازم تكتب الرقم والا لاترجع

والله انتي الي ؟؟؟؟:rolleyes:العبو عليكم شفتوهن غاليات قلتو ماركات :oo

د/الفـهـد

1/9/1430 هـ, 01:42 صباحاً

ماءالسماء

1/9/1430 هـ, 01:45 صباحاً

اللي فهمت من كلام الأخ بندركو إنها ما رجعت شي ، هي تبغى تشتري ولما

دفعت رفض يعطيها باقي فلوسها حتى تكتب رقمها ..

وفعلا هذا الشي غريب كيف يطلب الرقم !!!

والمعروف إنه بس عند ترجيع البضاعة ياخذون الرقم.

صح فهمي و إلا لا ؟

زينة الدنيا

1/9/1430 هـ, 01:48 صباحاً

موضوع مكرر سبق الطرح حول محل زارا

صراحه ماادري انتم اغبياء او هدفكم تشويه سمعه المحلات

متى تعرفون سياسه محلات الماركه

عند الترجيع لازم تكتب الرقم والا لاترجع

:41:41:41

:41:41

:41

ففتي ففتي

1/9/1430 هـ, 02:18 صباحاً

واااااااااااااااااو وش ذا الجريمة

دايم تكبرون المواضيع وهي تافهه :i121:i121:07:

أحلى صبية

1/9/1430 هـ, 02:37 صباحاً

*

حسبي الله ونعم الوكيل

ولكن...

هل بهاذي الصوره وصلت بهم

حتى لووو الرقم لهدف صحيح وغير سيء غير مقبول بمجتمعنـااا

والطريقة هاذي سوف تسبب المشاكل للجميـع
وهاذي بدايه للمعاكسات بطريقة غير مباشرة
والله يستر من الجايات
وهل ترضى هذا الشي لأهلك ومهما كان
...

لا طولونهــــــــــــــــا وهي قصــــيره نظام الشركات
ماتـــرجع الا لازم تكــــتب رقم جوال بالفـــاتوره واسم
هــذا شي من زمان مو أول مـــره تصيــر....:oo:oo
والمخفـــه من الحريـــم تكـــتب رقمه حنا دايما ارقــام اخواننا
واسميهم والحمـــدلله والشكـــر شي جـــدا طبيعي...:rolleyes:

ضــامي الشوق<<<<مع احتــرامي الشديد لك هذا كله قله
ثقـــه بأهلك واخـــواتك الحمدلله اذا أنـــت عارف نفســـك زين
ماراح تبتــــــلى ,,,,

كوكتيل

1/9/1430 هـ, 02:42 صباحاً

اخوي الغالي .

ليش ماتروح المرهـ تنادي حراس الامن يساعدونها

او فيه هيئة الامر بالمعروف النهي عن المنكر .

لاكن الحريم . مايدقن شي ياخذ الرقم

رفيــع الشانــ

1/9/1430 هـ, 02:54 صباحاً

الى يقول علشان الترجيع
الرجال ما قال علشان الفاتورة قال ما يرجع باقي الفلوس وش دخل الترجيع
لكن بعض الحريم هي تشوف الحركة طبيعية لكن هو قاصد شي ثاني

المنتهي 2009

1/9/1430 هـ, 03:00 صباحاً

عادي وش فيكم جوال بنت عادي

بكرة يقول نبي صورتك نتاكد وسائط <<<<ليش مكبرين السالفه عادي

الله يخلف بس واللي يقول عادي ممكن تعطي رقم اختك لاحد ؟؟؟؟؟؟؟؟؟؟؟؟؟

اذا لا ليش تقول عادي واذا عادي الله يخلف على اميمتك بس

نبع الوفا

1/9/1430 هـ, 03:09 صباحاً

اولا:رد على الأخت ((((((((غير البنات))))))))هو ماقال ترجع قال اشترت
ثانيا:انتم يالحريم مخفات ايشي غالي تقولن ماركة

انين حياتي

1/9/1430 هـ, 03:40 صباحاً

<<لا تعليق
الموضوع محبط وطريقه تناولكم له محبطه اكثر

لا يأس مع الحياة

1/9/1430 هـ, 04:03 صباحاً

بعض اللحريم تقول لراعي المحل ابعطيك رقمي وذا جت بضاعه جديده اتصل بس يمكن انت غلطان

آنسهـ جحهـ

1/9/1430 هـ, 05:58 صباحاً

انا اللي فهمته انه تشتري مو ترجع شي
يعني موب على كيفه ياخذ الرقم
وبصراحه اللي يبيع المصري ثقيل دم ومسوي نفسه يميلح
على البزران وهو الله اكبر
واصلا اكبرغلط ان وحده تطلع لوحده بالسووق اين كان
ان بغى سنبل لا يقعد يالسياره
انزل مع امك اختك حرمتك اذا انت واثق به والحمدلله بناتنا يوثق بهن
بس الشيطان حريص سواء من شاب والا بائع

اي وحده تمشي بدون محرم توقع يصير له اتفه شي

بنت عبدالله

1/9/1430 هـ, 06:06 صباحاً

أنا دايم اكتب رقم خرابيط وناقص بعد 9 ارقام وتمشي عليهم

والاسم محمد علي :d

ومو مجبره بس عشان ما اطول السالفه أكتب اي شي

ابوولعf

1/9/1430 هـ, 06:21 صباحاً

حسبي الله ونعم الوكيل

abo-saly

1/9/1430 هـ, 06:28 صباحاً

نظرية المؤامره (معشعشه) في عقول الكثير للأسف ..!

شوشتي طايره

1/9/1430 هـ, 06:54 صباحاً

انا حتى بالمستوصف احط اسم وهمي اصرف لي

××××××××××××××××××

وبالنسبه للموضوع هذي شركات عالميه لهانظام معين بكل دول العالم مادروا عن بريده يابقة بالدعيسه

لاحظهم يسكروون بوقت واحد يعني مثلا زارايسكر حق بريده وجده بنفس الوقت ويقفل الحساب لاحظ البضاعه الشتويه

تنزل بدري لانه نزلت بأوربا مهب مثل السوق الداخلي ماتنزل ام رقبه الا بالمربعانيه وهالمصري عبد مامور

وه تعبت من الكتب والمعذره لااحديزعل علي والله اموت ببريده بس ودي نرتقي حتى مانتعب ولا نتعب غيرنا!

غير البنات

1/9/1430 هـ, 06:58 صباحاً

صاحب الموضوع الي مسجل عشان ذا الموضوع يقولكم جاي بنصف السالفه

وخمن وشرق وغرب وجاء هنا يكتب الموضوع

اعوذ بالله من سوء الظن

وبعدين الي يقولون الماركه خرابيط

اكيد بتقولوا كذا لان سعرها غالي وانتم ماسكين
انتم تعتقدون انو مايجذبنا الا الغالي
وهذا اتهام باطل
خذ لك تي شيرت من السوق الداخي
وثاني من اي محل ماركه واغسلها خمس مرات
وبعدين خبرني عن النتيجه

بشيرة الاموره

1/9/1430 هـ, 07:29 صباحاً

كن عطته رقم خرابيط 1234567891وهذا مميز وخربط

ترا الي مايمشي متجر النخيل غيرون السعر بس ويعطونه السوق العادي

وبعدين كنت اقلب القنوات والا جاي برنامج عن المحلات وجاء واحد مدير ماركه قالو وشلون تخلونه ماركه قال كلهن عاديه بس نحط اورقة الماركه ونغلي السعر ماقل وش الماركه حقتوه بس كان يمدح ستي ماكس

بنت الرياده

1/9/1430 هـ, 08:40 صباحاً

خخخخخخخخخخخخخخخخخخخخ

طيب نفرض ان الحرمه مخربه الشي اللي مرجعته

يدقون عليه ويقولن له مهوب قاعدن كلما رجعت حرمه يتفقده

عشان كذا لازم تكتب رقمه للامانه وحتى ماتظلم ولا تظلم ..

ياناس تطـــــــــــــــــــــــــورو شوي وش هالكــــــــــلام الفاضي

يعني هالهندي او المصري اللي يبيع ميتن عليه ولا علىا رقمه

يقاله كشخة

1/9/1430 هـ, 08:58 صباحاً

عادي
هذا هو نظام الماركات

بطل عنزه

1/9/1430 هـ, 10:38 صباحاً

عادي تعطيهم رقم عداد الكهرب يعني انت تحسب ان بنات السعوديه هينين ماعليك لاتخاف

كاسر الخاطر

1/9/1430 هـ, 11:06 صباحاً

يلزم نزور المحل هذا ياخي كثر الهرج عنه

لكن ما أدري هي دعاية ولا تنفير

ساحرة القلوب

1/9/1430 هـ, 01:19 مساءً

آعتقد إنة شي عآدي

لآن هذي إجرآئآت طبيعية لترجيع

سبق وسويتهآ كثير لكن مآصآر إي شي

آشكرك على موضوعك

بس آحسنو آلضن شوي مو كل مآشفو شي قعدتو تنشرون وتشوهون آلسمعة

دكتور محبوب

1/9/1430 هـ, 01:23 مساءً

ياناس الى متى وحنا كذا نعيش في تخلف ؟!!

أولا البنت اللي تخاف على نفسها ومحافظه على دينها لايمكن ان يصل اليها ضعاف النفوس حتى لو كتبت رقمها واللي تبي الخرابيط تعطي رقمها أصلا بدون حتى مايقولها حتى لو محل أبو ريالين

ثانيا ياخي العزيز اسم المحل المفروض لايكتب ياخي قل محل من المحلات اللي في النخيل بلازا

خب الحلوة

1/9/1430 هـ, 01:38 مساءً

ياخوان ماعندكم مواضع نافهه بل الموضوع يستاهل وأما قولت إحسن الظن ؟؟ و قول سبحان الله وبحمده

أيضا موحل الموقف يدعوا للريبه أجنبي يطلب من مرأة رقم الجوال مومنطق ولاكلام ولا أعتقد في نظام السعودية يقر

هذا فمرجع كل شيء لوزارته فهل وزارة التجارة أقرت هذا أو علملت به ؟؟ أجل كيف يطلع نظام من عنده لا سيما وأن

الموضوع جدا حساس لوكان عند خياط رجالي ماإختلفنا ومع هذا لايلزمك

عاشقة السراب

1/9/1430 هـ, 01:40 مساءً

والله انا الموضوع عادي ولا فيها شي وهذا الشي متعامل عليه من زمان اانا الي سنين اشتري من هالماركات سوى داخل وخارج المملكه كلهم نفس الشي شي عادي واذكر مره صار فيه خطاء بالحساب كنت اشتري جاكيت طبعن حاسبت عليه ب600 وقلت ابتاكد من القياس المهم رجعت للبيت وشفت مو مظبوط طبعن رجعت من بكرا لكن مو نفس الموضف وكان عليه تخفيض الجكيت يعني فيها لخبطه وحوسه ومعي الفاتروره المهم انه ما سلمن المبلغ الى بعد ما عطيته الرقم طبعن مو جوالي جوال اخوي ترى حنى ذهينات ماهب شاطر الي يلعب علينا لكن هذا النظام ليه لازم نحوس بالانظمه عادي والله عادي

موكا بارد

1/9/1430 هـ, 08:29 مساءً

والله لو يموت مااعطيه اي رقم اجل حنا لعبه لهم هاالاجانب والحريم يصدقن ياحول اذا وصل الامر انه مايرجع فلوسي الا برقمي اروح اجيب ابوي ولا اخوي يتفاهم معه انا مره صار لي كذا وجبت سنايدي ولا نطق ولا كلمه

خيالة المذنب

1/9/1430 هـ, 08:42 مساءً

.
.
ع ـــادي .. كل المحلات تسوي كــــذا عند الترجيــع.. [ إجراء ]

لو كتبت أي اسم وأي رقم ..يكفـي :)

&ضياءالروح&

1/9/1430 هـ, 09:02 مساءً

احس انهـ توووليفهـ شوووووي
وراه مهبل حنا نصدق
وين الناس والهيئهـ

ღ.. متآبع بصمت ..ღ

1/9/1430 هـ, 09:49 مساءً

. . .

والله علمي علمك ماعرف اصلاً المحل هذا

وبخصوص الرقم المفروض ماتعطيه الرقم

وتشتكي عليه ولا تقول لقريب منها

وانتهت المشكلة

تقبل مروري

. . .

كبير مايكبرني لقب

1/9/1430 هـ, 10:31 مساءً

موضوع مكرر سبق الطرح حول محل زارا

صراحه ماادري انتم اغبياء او هدفكم تشويه سمعه المحلات

متى تعرفون سياسه محلات الماركه

عند الترجيع لازم تكتب الرقم والا لاترجع

تكلمي عن نفسك

كبير مايكبرني لقب

1/9/1430 هـ, 10:32 مساءً

بلا ماركه بلا هم!!
مانبي الماركه لاصرنا نبي نعطي اي احد ارقامنا !!!!

رايك رائع جدااااااااااااااااااااااااااااا

خب الجطيلي

2/9/1430 هـ, 12:00 صباحاً

أقسم بالله حصلي اليوم هذا الموقف اليوم الجمعة
أنا رجال وأستغربت منه يوم قالي وقع وسجل أسمك ورقم جوالك
لازم يتحقق من الأمر لأنه أغلب المتسوقين من النساء ...

وحيد زمانة !!

2/9/1430 هـ, 12:46 صباحاً

السلام عليكم
والله كبرتو السالفه وهي قصيره , هذي سياسة الترجيع عندهم

صمت الغروب

2/9/1430 هـ, 02:03 صباحاً

هذي من شروط الترجيع التوقيع والرقم

ومو ضروري رقم جوالها بالذات اي رقم لو رقم الوالد او الاخوو

ياسبحان الله دايما تفكيركم سلبي !!!

حورالقلوب

2/9/1430 هـ, 02:20 صباحاً

واااااااااااااااااو وش ذا الجريمة

دايم تكبرون المواضيع وهي تافهه :i121:i121:07:

ما ضيعنا الا هذه الكلمة

نتهاون ثم نتهاون ثم .................

هاااوي

2/9/1430 هـ, 03:15 صباحاً

والله الي يخلي بناته او خواته يتمشن للحالهن هو الغلطان

CR!S

2/9/1430 هـ, 04:59 صباحاً

*

وهاذي بدايه للمعاكسات بطريقة غير مباشرة

...

استنتاج قوي .. كونان المنتدى :confused:

حميد الحميد

2/9/1430 هـ, 10:27 صباحاً

وانا ليش اعطيه رقمي الحقيقي ادفه باي رقم وخله يكتشف بنفسه

بندركو

3/9/1430 هـ, 12:34 صباحاً

احس انهـ توووليفهـ شوووووي
وراه مهبل حنا نصدق
وين الناس والهيئهـ

الله يهديك بس

كلامي للغيور

mr.memooo20

3/9/1430 هـ, 12:47 صباحاً

طيب المحاسب سعودي ولا اجنبي و لا عربي ؟.ضروري

أحلى صبية

3/9/1430 هـ, 01:13 صباحاً

دايــــــــــم اجانب مصري سوري هندي ...

الاسطا:مدحت

3/9/1430 هـ, 02:21 صباحاً

تكتب اي رقم
وليها
ر قم زوجها, ابوها , اخوها,

المنتهي 2009

3/9/1430 هـ, 08:00 صباحاً

استنتاج قوي .. كونان المنتدى :confused:

ممكن رقم اختك واذا جت بضاعهاقولها لانه تقول عادي ومتخلفين ؟:d

المخبر

3/9/1430 هـ, 08:45 صباحاً

تعطيه رقم الجوال وتجي العافية لاصار ولي أمرها جدعها في السوق ومخليها ترعى بين هاالمحلات وش توقعون منها يعني

بريداوي بالجبيل

3/9/1430 هـ, 10:17 صباحاً

معليش سواء مره ولا رجل ما يصلح يجبر العميل انه يكتب رقمه.... انا كم مره تهاوشت معهم وقلتله تراني بكتب الرقم خطاء

بغض النظر انه وش راح يسوي برقمي... بس هذا شي شخصي ولا يجبرني اني اسويه

وكل محلات الماركات برا السعودية ما تطلب منك اي شي ويشاورك اذا ممكن ياخذ ايميلك او رقمك علشان يراسلك اذا جاهم جديد او عندهم عروض

مقرقع البيبان

3/9/1430 هـ, 12:57 مساءً

[FONT="Times New Roman"][/FON
الحقيقه لا بد من سؤال صاحب المحل مالغايه من كتابة الرقم ؟؟؟؟؟؟؟؟؟T

الــبــتــار

3/9/1430 هـ, 03:24 مساءً

والله صدق عد الي وش الي يضمنلي أن صاحب المحل مو داق لغرض ثاني:i121

نور عيوني

3/9/1430 هـ, 04:19 مساءً

بعض الردود تضحك والله

لكن اذا هذي سياسة المحل عادي

لو البنت تبي مغازل تحط رقمها وين ماتبي مو مشكله
بس اذا هذا نظام المحل فتقريباً الثقه موجوده

والثقه اولا في بنتنا وبعدين في المحل

وش فيهم بعض الاعضاء زعلو من الطرح ؟؟

بندركو

3/9/1430 هـ, 04:53 مساءً

طيب المحاسب سعودي ولا اجنبي و لا عربي ؟.ضروري

المحاسب اجنبي اللي يضهر لي انه واحد من اثنين
سوري او مصري

اذا تبي مواصفات اكثر
(ابيض البشرة مليان الجسم طويل القامه حليق اللحية مع وجود الشنب)

شفت القمر

3/9/1430 هـ, 05:03 مساءً

خلها تكتبه اذا فيها شر مو على هذا

واذا هي طيبه تسوي مثل ما قلن الأخوات هنا

وكانت القاضيه

خاطرة شعور

3/9/1430 هـ, 05:05 مساءً

بندركو

3/9/1430 هـ, 05:34 مساءً

ياااهو لاتكبرون السالفه انا مره عطيت رقمي راعي محل عشان يخبرني عن البضاعه الجديد
وهو سوا اللي عليه وطول عمري ماجان اتصالالات لامنه ولامن غيره يعني ماووزع الرقم

واللي يشكوونفيهم ز.ز اقوول شكلكم ماتثقون بحريمكم صح :41

الموضوع ماله علاقه بالشك بالحريم

لكن ليش العامل بعد ما اخذ الفلوس رفض يرجع الباقي الا بعد كتابة الرقم هذي المشكلة ..اتمنى وضحة الفكره

نور عيوني

3/9/1430 هـ, 05:41 مساءً

والله اشوف الموضوع طلع عن صلبه

وكل واحد جاي مطفي النور ويعلق على كيفه

وكل واحد هنا بيعلمنا انه فاهم صح وانه عادي ان الرجال ياخذ الرقم

الرجال مو هذا قصده في الموضوع
بلااش فلسفه زايده مسوين فيها متفتحين

اجل لو الموضوع عن المغازل والترقيم وش كانت ردودكم اعتقد تكون ردود بجيحه

عزيزالنفس

3/9/1430 هـ, 08:33 مساءً

شيئ عادي

ماهنا ذرابة :(

3/9/1430 هـ, 08:54 مساءً

شي طبيعي
عند الترجيع تكتب اسمك ورقم جوالك ,, وإذا أنت خواف حط أي رقم
أنا عادة أحط رقمي ول شفت إلا الخير
ياناس أحسنوا الظن

في داخلي قلب طفلة

3/9/1430 هـ, 09:26 مساءً

الحمد لله ماعمري شريت من النخيل

AL-no0o0ry

3/9/1430 هـ, 09:52 مساءً

*

مادري متى تفهمون كل محلات الماركه كذا :)

الناس طلعت للقمر وانتم تقولون يرقم .. كلن يرى الناس بعين طبعه يالله لك الحمد

,

نور عيوني

3/9/1430 هـ, 10:05 مساءً

هههههههههه استغفر الله

ايه والله متى تفهم العالم انه شي عادي وحتى صاحب المحل مستحيل يكلم على رقم وخاصه انه يأخذ ارقام كثيره يعني مو فاضي ييدق ويستهبل

واذا سواها الله لايوفقه

لكن انتم شبيتو نار على صاحب الموضوع :eek:

والله ماتسوى عليه يعني << رحمت صاحب الموضوع

وش يضر اذا رد احد بدون تهزي او تجريح

----------------------

خلاص اخوي وصلت لك المعلومه ؟؟!!

انه اذا شريت من محل ماركه لازم تحط رقم جوالك اذا ولد يكفيهم الرقم
اما اذا بنت الرفم وصوره وهي طاقه النقاب ههههههه

أنحف دب

4/9/1430 هـ, 12:59 صباحاً

طيب ليش تاخذا الموظوع من فكر اخر
ليش ميكون المحل جديد في بريدة ويبغا يعرف مدى التفاعل
ويكون هناك اسئلة عن نوعية المحل واسعاره
وفكر ياخي بحسن الظن

*ابوخالد*

4/9/1430 هـ, 01:11 صباحاً

سبحان الله وبحمده سبحان الله العظيم

سلطان علي الوهيبي

4/9/1430 هـ, 07:14 صباحاً

نعم هذا حصل معي كثيراً ليس في النخيل فحسب وإنما في مثل هذه النوعية من محلات الماركات

العالمية خصوصاً إذا استعملت الشبكة وفي اعتقادي أنه يحتفظ به للحسابات مع اللإحتفاظ بالوقت

والتاريخ . . . وأنا أعتبره شيء عادي إذا فُعل لذلك . . . وشكراً