المساعد الشخصي الرقمي

مشاهدة نسخة كاملة : إلى متى وبناتنا ...ضايعــــــــاتّ!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!

مغترب بريدة
13/8/1430 هـ, 01:34 مساءً
يراسلهن عبر الجوال بالرسائل القصيرة والوسائط
ضبط مقيم عربي يغرر بالنساء في منتزهات بريدة
كتبها فارس المشعل (بريدة) :
الثلاثاء, 04 أغسطس 2009 13:33
تمكنت هيئة الأمر بالمعروف والنهي عن المنكر في بريدة ممثله في الفرقة 3 بالمناوبة الليلة أمس من القبض على مقيم "عربي" يعمل بإحدى المنتزهات الكبيرة والشهيرة ببريدة بعدما ثبتت إقامته علاقات غير شرعية مع نساء دأب على محاولات التغرير بهن ومراسلتهن عبر الجوال بالرسائل القصيرة والوسائط.

جاء ذلك عقب توفر معلومات وبلاغات للهيئة حول أنشطة المقيم المشبوهة ليتم رصده والقبض عليه وإحالته لمركز الشرطة لفتح ملف تحقيق بهيئة الإدعاء تمهيدا لعرضه على القضاء لتنفيذ ما يستحقه شرعا
أبـو أسـامـة
13/8/1430 هـ, 01:39 مساءً
الله يخليهـ لنا هالهيئه
المحتار111
13/8/1430 هـ, 02:05 مساءً
المشكله البنات يعانون من فقده الحنااااااااااان الفضائيات تفر المخ والمسلسلات التركية ضيعت البنات

ولازم الاب والام و الاخو يعوضون حناااااااان

مجتمعنا فيه شووي جفاف في التعامل مع البنات

كثير من الاخوان يعامل اخته بي عنتريه وهواش واكيد راح تلجأ الى واحد ثاااااااني

والدهى والامر الزوجات الي يجي زوجها سهران عند خوياه ولا طالع منا ولا منا واذا جاء لمها انواع الهواش وللجه


مته مره رحت اشتريت لك هديه بسيطه لو ورده وعطيتها اختك او زوجتك طبعا ماقول كلهم الاغلبيه

وشكرا
سعيد بن مسعدة
13/8/1430 هـ, 02:15 مساءً
المحتار ، كلامك مهم جداً ولكن لا نعول هذا إلى فقد الحنان فقط هناك بنات في رغد وقمة من الحنان والرقة ومع ذلك قامت بعلاقات غير شرعية .. فبناتنا بحاجة إلى توعية دينية إلى تذكير ووعظ دائم بحاجة إلى تربية من يوم هي صغيرة ترى البنت الصغيرة إذا تعودت على لبس العاري ولبس الملابس الفاتنة هذا له أثر سيء جداً وغالبية الأباء والأمهات متهاونين بهذا الأمر فأوصي جميع الأباء والأمهات على تربية بناتهم على الحشمة من يوم هي صغيرة ...
مغترب بريدة
13/8/1430 هـ, 02:28 مساءً
المحتار ، كلامك مهم جداً ولكن لا نعول هذا إلى فقد الحنان فقط هناك بنات في رغد وقمة من الحنان والرقة ومع ذلك قامت بعلاقات غير شرعية .. فبناتنا بحاجة إلى توعية دينية إلى تذكير ووعظ دائم بحاجة إلى تربية من يوم هي صغيرة ترى البنت الصغيرة إذا تعودت على لبس العاري ولبس الملابس الفاتنة هذا له أثر سيء جداً وغالبية الأباء والأمهات متهاونين بهذا الأمر فأوصي جميع الأباء والأمهات على تربية بناتهم على الحشمة من يوم هي صغيرة ...




أشكر الجميع على المرور والردود الرائعة

يعني نجمع بين العطف والحنان
مع التربية الدينية
والتحذير من مخططات تغريب المرأة من الكفرة وأذنابهم العلمانيين والليبراليين
جيل 2009 صااااايع
13/8/1430 هـ, 02:36 مساءً
الله يخليهـ لنا هالهيئه


بس اناظر البنات

كحل + مكياج + البلثوث فاتحته والغاني وصله لااخر شي + والطيب يشمه اخر بنقالي + وتفتن الشباب = واخر شي تقول يغزلني والله مشكله والله مشكله

يا ناس احفظو محرمكم ؟

الله يعين الشباب ..........الخ)))
الحذر
13/8/1430 هـ, 02:39 مساءً
ياخي البنات من تالي بدا الحياء يروووح من اوجيهههن امس اشوفهن في النخيل يناظرشاب وسيم ويلاحقنه ووالله العيب مو في الشباب فيهن
الحالمة2
13/8/1430 هـ, 02:59 مساءً
انك لا تهدي من أحببت ولكن الله يهدي من يشاء
BRHOOM
13/8/1430 هـ, 03:16 مساءً
يـاالله الستر والعافية ,,,
انترنت
13/8/1430 هـ, 03:54 مساءً
الله يستر
كيان مجروح
13/8/1430 هـ, 04:23 مساءً
الله لاتبـــــــــــــــــــــــــــلانـــــا
حسبي الله ونعم الوكيل....
بناتنا وعيالنا
المطاول
13/8/1430 هـ, 04:52 مساءً
هذا الأنفلات لا يأتي من فراغ بل من خبرة مكتسبة من ضمن المحيط بها والنار ما ترث الا الرماد مثل هذه النوعيات .
غـــلا
13/8/1430 هـ, 05:01 مساءً
الله يهدينا جميعا لاتقول البنات يلاحقن شباب وحتى الشباب يلاحقون بنات بعد والله
نبع الوفآآء
13/8/1430 هـ, 05:04 مساءً
الله يحفظنا وسترعلينا
ليان العمري
13/8/1430 هـ, 05:06 مساءً
حسبا الله ونعم الوكيل على هلاجانب ومن دخلهم ديرتنا فهم البلاء علينا
جروح1000
15/8/1430 هـ, 05:38 صباحاً
والله ثم والله ان بناتنا هن السبب لما يحدث لهن
الله يهدين ويرجعن زي اول بنات القصيم المشهود لهن بالحياء والأدب
مطعونه بشوكـه ~
15/8/1430 هـ, 05:45 صباحاً
انا اقولك مو بس البنـــات ..
والشباب .. بعد ..

بعض البـنـــات يتكلمن مع الشباب .. والشباب ينملدون .. لاشافوا وحده تسولف معهم يحسون انه تبيهم ..
وهي من باب اللعب .. والضحك ..
وبعض البنات قليلات ادب الصراحــة ,, تتكلم ع واحد متزوج .. ومعه زوجتــه ..
يعني كذا حرام ..

والله يهدي الجميع ..

تقبلوا طلتي ..
مشاعر صادقه
15/8/1430 هـ, 06:19 صباحاً
سلاام ع الكل وصباحكم بنات خير
شدني الموضوع حبيت اضيف تعليقي
اولا واخير الخير والشر مجبول علية كل انسان سوى كان ولد او بنت ... يعني اللي صار وقاعد يصير كل واحد من الموجودين بالموقف ذاتة له دخل بالقضية من بعيد او من قريب ومحد ينزه نفسة ويحط اللوم ع البنات او الشباب .. اذا ودك ياشاب ترجع بنات القصيم زي اول بعد البنات مناهم يرجعون شباب اول برجولتهم ونخوتهم وبرهم باهلهم زي اول وهذا من حقنا وحقكم .. وربي الهادي
ملاااك
15/8/1430 هـ, 06:31 صباحاً
الله يستر علينا وعلى بنات المسلمين
*عزيزة نفس*
15/8/1430 هـ, 06:34 صباحاً
انا اقولك مو بس البنـــات ..
والشباب .. بعد ..

بعض البـنـــات يتكلمن مع الشباب .. والشباب ينملدون .. لاشافوا وحده تسولف معهم يحسون انه تبيهم ..
وهي من باب اللعب .. والضحك ..
وبعض البنات قليلات ادب الصراحــة ,, تتكلم ع واحد متزوج .. ومعه زوجتــه ..
يعني كذا حرام ..

والله يهدي الجميع ..

تقبلوا طلتي ..

معليش اختي اصلن البنت الي تكلم مع شباب ما تعرفهم هذاي اكيد فيها شيء

وليش تكلم مع احد وتضحك معه وهي ما تعرفه

لو البنت يشوفه احد من اهله وهي تكلم شباب وتضحك معه

تبي تقول لاهل اني اكلمهم من باب الضحك والعب

ما عليش اختي ما يصدقها العاقل

والله يستر على بنات وشباب المسلمين
صمتهادمعه
15/8/1430 هـ, 07:13 صباحاً
الله يسترع بنات وشباب المسلمين
بولوهي
15/8/1430 هـ, 08:23 صباحاً
شف اخوي الخطا من الطرفين والاكثر البنت ( اين اهلها واين الرقابه الذاتيه ) الحين به ناس (شباب وبنات ) يحسبون اذا صارو الاهل ما يدرون انهم يغازلن خلاص صار عادي
ونسو اهم واحد ( الله ) لاكن وش تسوي التربيه له دور .!!

وبرضو صارت العلثه ( فقد الحنان ) منين فقد حنان اولاه
لو عنده او عندوه دين ما سوى تسذا والله يهدي من يشاء .

اقتباس:
المشاركة الأساسية كتبها تويجرية وافتخر http://www.buraydahcity.net/vb/images/buttons/viewpost.gif (http://www.buraydahcity.net/vb/showthread.php?p=1661898#post1661898)
انا اقولك مو بس البنـــات ..
والشباب .. بعد ..

بعض البـنـــات يتكلمن مع الشباب .. والشباب ينملدون .. لاشافوا وحده تسولف معهم يحسون انه تبيهم ..
وهي من باب اللعب .. والضحك ..
وبعض البنات قليلات ادب الصراحــة ,, تتكلم ع واحد متزوج .. ومعه زوجتــه ..
يعني كذا حرام ..

والله يهدي الجميع ..

تقبلوا طلتي ..


معليش اختي اصلن البنت الي تكلم مع شباب ما تعرفهم هذاي اكيد فيها شيء

وليش تكلم مع احد وتضحك معه وهي ما تعرفه

لو البنت يشوفه احد من اهله وهي تكلم شباب وتضحك معه

تبي تقول لاهل اني اكلمهم من باب الضحك والعب

ما عليش اختي ما يصدقها العاقل

والله يستر على بنات وشباب المسلمين



كلامك صحيح
وش اللي تكلم ولد !! من باب الضحتس .. وين حنا به .
ولاتنسون خطوات الشيطان . اليوم تضحك معه بكرا رقم واللي يستر من االلي يجي .
اخو دريحم
15/8/1430 هـ, 11:36 صباحاً
ياعالم ناس فاضية

راعية غزل تكتب بعدة معرفات

لتشوية سمعة بنات بريدة
ضايق الصدر
15/8/1430 هـ, 11:42 صباحاً
يارب لطفك
كاسر الخاطر
15/8/1430 هـ, 12:05 مساءً
الوقاية خير من العلاج




فقد الحنان في البيت






الأستخدام السيء للوسائل الإتصال







الحبل على الغارب







الدور التغريبي الذي يمارسه العلمانيون 1- قيادة السيارة 2- إهمال النصف الثاني









غياب دور الأسرة









وكل هذه لا يكون عذر في أن يرتكب الشاب أو الشابة هذه الحماقات
بطل بريده
15/8/1430 هـ, 12:09 مساءً
لا حول ولا قوه الى بالله
قويه بكلمتي
15/8/1430 هـ, 12:54 مساءً
السلام عليكم ورحمة الله وبركاته ...

اتمنى منكم انو محد يفهم الموضوع غـلط ولا احد يفهم اني اسهل الموضوع الي بتكلم فيه على البنات ..

شـد انتباهي موضوع الاخ..
(مغترب بـريده ..)
استغربت كثير من عنوانه..؟

الى مـــتى وبناتنا ... ضـآيعــــــــــــــــــــــــآت!!!!!(مـع احترامي الشديد لك عنوان موضوعك يجرح):d

ابتفلسف عليكم شوي تحملون ..ويبقى الموضوع وجهة نظر لي

واختلاف الراي لايفسد للود قضيه..

طبعآاخوي المغترب تكلم عن البنات الي يكلمن شباب من ورا اهلهن واكثر الردود حطو الوم ع البنات .


استغرب كثييير من المجتمع الي حناء فيه .. يحطون الوم كــله على البنت ..

اول شي كل انسان يخطي ويصيب ,, صح الي يسونه خطاء وخطاء كبير وممكن انه يوديهن بـ دواهي انا مااوقف معهن بـ هالشي بـس بنفس الوقت مااوقف ضدهن ,,لااحد يقول تحيز لـ بنات جنسه

لو بتسال وحده منهن ليه سـوت هـآلشي ؟

بترد عليك ..

1@ اناعند اهلي بـ حياتي محد عطان وجه شي طبيعي الانثى تبي احد يحسسه بـ انوثته ,,بتدورهـ الاحد برا ,

تلقى بعضهن يدرن انهم يكذبون بس تلقاه تستمتع لو بكذبه .. تلقآه هـي من داخل قلبه تتعذب اذا شافة اهله يتكلمون عن البنات الي يكلمن ويتشمتون بهن ..تلقاه من داخل تقول بنتكم وحده منهن ..

اول شي يكون بعلمكم كلكم ,,البنت ماتسوي هـ الشي الا انو احد من محارمه سـوا الشي ببنات الناس
او ان امه او ابوه تشمت بـ حداء بنات الناس ,,


2@ولابتقول لك انا احتاج احد يسولف معي مالقيت ..

بعطيكم صوره صغيره عن دور البنت داخل البيت .

تلقى بيتهم به 6 اخوان له كلهم تلقاهم بليل بالبيت بس ولا واحد بيدخل غرفته الا اذا بغى شي منه ..

تحداك تلقى واحد بيجي بيسولف مع اخته وان ان حاولت وسولفت عليه بيجيك انواع التبلد اذا خلصت مسولفه التفت عليه قال (طيب انا وش دخلي تعلميين) ..دخلك انك اخوه اسمع له لو انت ماتفهم ولا حاجه من الي تقول ..

هذا من ناحية الاخوان ,,

تلقى له 4 خوات ..كلهن متزوجات ولهن بزران كثر التراب ,,

اذا جو لم اهلهن اثره مبسوطه اليوم بيجن خواتي بسولف عليهن ..

تلقى الوحده من تدخل قبل تسلم ,,
تستلم رجله تهاوش عليه تخلص من رجله تبدا بعياله تخلص من عياله تبدا بـ حمولته وتخلص الاولى وتبدا الثانيه وتخلص الثانيه وتبدا الثالثه وتخلص الثالثه وتبدا الرابعه تخلص الرابعه اكيد خلص الوقت تعشو وراحو ..

ولا كن فيه لهن اخت هناء مــآتزوجت تكره الزواج وتكره العيال وتكره الحموله وبنفس الوقت تكره خواته من سواليفهن ,,

تـلقى زين وحده منهن تكرمة وسالت عن حاله ...

خلاص راحن من بتسولف عليه هي ...؟؟

تلقى له صديقات بس مو كل صديقه بتسمع له والحين نــآآدر جــدآ انك تلقى الصديقه الحقيقيه تلقاها بس تبيها بمصلحه وصادقتها ولا ربي يبلاها بقرادة حـظ اي صديقها تصادقها تقعد شهر اذا تعودت عليها تزوجت وصارت مثل خواته اذا سولفت تسولف برجله ,,,

يجيكم دور الام الله يخليها ...

تصير شايله هم البيت وهم العيال وهم رجله تسانه حـي وهم بناته المعرسات هذي تهاوشة مع رجله وذي يحول ابطت ماحملة وذي ولده مصخن .. طبعاا كل هالحاجات بخاطره همن من تقوم البنت من النوم بسم الله عليها والله يحفظها تبدا امها تطلع كـل الي بخاطره على البنت تحسبه تحتسي عليه حتسي ماتدري انها تهوشها تقل تحط الوم عليه هي .

فلانه ولده مصخن واخوتس مادري وينه لا تبدا تهوشها على اشياء مالها دخل ,,؟
البنت وش دخلها تهوشينها اخوها زعل له يومين ,,, ؟
وش دخله ذي متهاوشه مع رجله ..؟


ولا تجيك الام يحياتي على نياته والشي الي يدمر البنت تدمير انه تصير هي الوحيده الي عند امه يعني المفروض الدلال كله له
تـلقى انووواااع التفريق بينه وبين اخوانه ,,
اشين شي بـ النسبه للبنت انك تفرق بينه وبين احد تلقى الام تعيي على البنت تعطيه قروش واذا جاء الولد عطته وش تقول

(الولد مايمنع يمكن يسرق)


البنت مراح تسرق بس بتجيب القروش بطريقه ثانيه ,,


تلقاه اذا صخنت يحياتي البنت ماتعطى وجه .. واذا واحد من العيال جته زكمه يحياتي كل العلاجات فوق راسه ..؟

البنت وش بتسوي بذيك الحضه ,,..؟

كلامي واقعي وتبي تاكد منه خل اي بنت ببيت اهله ماتزوجت وله اخوان تقرا هالموضوع ان ماقالت صدقة قويه ماكون بنت ابوي ,,

ادري طلعة عن موضوعي الاساسي بس اعلمكم ان كل هذا يجتمع بخاطر البنت ,,

اسالكم بالله لمن بتشكي ؟؟

الحين ضعف الدين مرره وابليس شاطر ,,

تلقاه دق مرا رقمه بليل رقم غريب يحياتي البنت على نياته ردت .. طلع لعاب اكيد بتسكر بوجهه دق ثانيه ؟

عطته مشغول .,

دق ثالثه ودته لـ واحد من اخوانه قالت دق ثلاث مرات تفاهم معه اول شي بيهوشه وراه ترد على رقم غريب ؟

ياشيخ احمد ربك جابت الجوال لمك .. يعني لازم كل شي هوش هوش هوش تطق اتسبدنا حناء

بيتفاهم مع هذا بيهوشه وبيسكر بيرجع الجوال اذا دق مره ثانيه لاتردين ...

احلف ياشيخ عساك ماتكلفت بس وانت تحاتسيه ؟:(


يمكن يدق العاب ويمكن يدق غيره اذا دق غيره تلقاه تقول منب موديه الجوال لـ اخوي اكليوم هاشن لما قال بـس ..

ومن رداة الحظ مايدقون الا لاصارت البنت
يـآمتضايقه ,,
يـآ فاضيه ..


الفراغ مايصلح ابد للبنت .. تلقاه تجي لـ اهله ابسجل بـ دوره يـآ كمبيوتر يـآ انقلش يـآ حداء الدورات الي ماليات الجرايد ,,,

تحداك كلهم يوافقون لازم حداء الطرفين يعيي ...

اذا طاعت الام عيا الابو واذا طاع الابو والام عيا الاخو قال منب قاعد اطق مشوار عشر دقايق كل يوم ؟.

وبعد كل هذا تحطون الوم كله على البنات...

مرا قريت انو البنت اذا عصبت من اهله راحت تدور الشي الي مايبونه هـم..

سوت الشي الي يخليهم يعصبون ,,,

وش يعرفكم عن البنات انتم ؟...

تلقاه حساسه تهوشه على اي شي يبتل بخاطره ..

بنات اوول رااحن خلاص انسوهن الحين بنات الزمان هذا غيير ...

راحن الي يطبخن ويكرفن لـ اهلهن ..


ادري اخذت راحتي بكلامي بس اقسم بالله اني ماقلت شي ماشفته بعيني كـل هـذا وااقع ..كلامي فيه شوي جـرائه تعديت حدودي بكلامي على الامهات بس هذا الواقع ,,

تبون بناتكم يصيرن احسن البنات صيرو لهن احسن الناس ,,,


لاتخلي اختك تحتاج رجال وانت موجود ..

عرفتو وش دور البنت بـ البيت بـس للهوااش وبعد كل هذا ماتبونها تسوي الي سوته..
ادري بتقولون وش الفايده من الموضوع اقول لكم فايدته ,,

ان البنت ماسوت هالشي لانه لاقيه كل الحنان والدلع من اهله ولا لان ماله اخوان يطلعون حرتهم به ولا خوات بس حاطاته للحاجه ,,
قبل تلومه على الي سوت افهم منه السبب وبعده سو له كل الي تبي ,,
خلك قريب منه علشان مايقرب منه احد غيرك ..

وكلكم حطو بروسكم ان

الــعرض دين ينرد لو بعد مية سنه ...,
ينرد لو بعد مية سنه
ينرد لو بعد مية سنه



انا بقول الـى متـى واهلنآ لاهــــــــــــــين عنــآ

اسفه ع الاطاله كتبت الموضوع بـ العاميه علشان مايصر رسمي ..
واعذرون كان فيه اخطاء املائيه كتبته وانا عجله ,,واتمنى محد يزعل من كلامي ,,:d


اختكم ,,

قُـٍـٍوْيَـُﮧٍ بْكُلًمَتِيٍ ...~}
HILUX 2700
15/8/1430 هـ, 01:10 مساءً
هلا بتس أختي .. موضوع قوي تطرق إلى عدة جوانب تخص الفتيات ..

أنا على ماقال .. ما احب الكتب الكثير .. لذا ..!!

ضعي الصورة عكسية تماما .. وستظهر لكِ إن الشباب قد يعانون مثل ماتعانون ..

موضوعك فتح لي نظرة بعييدة جدا .. وإن شاء الله راح نستفيد منه ..

تحياتي ..
د . علي
15/8/1430 هـ, 01:13 مساءً
والله قويه ياقويه ...
أختي الكريمة الموضوع فيه شيء من الصحة وفيه شيء واقع وشاهدته ولكن ليس كل العوائل كذا .. أبدا مايصلح التعميم على كل شيء ..
أختي الكريمة مهما كان هنا من التغافل من الأهل فهذا لا يبرر للبنت أن تبحث عن الشباب أو بالأصح الذئاب البشرية ..

أخيتي الكريمة : الرجل ليس مثل المرأة , فالرجل يخرج من البيت ويفعل مايشاء ولا أحد يدري عنه ( عيبه بجيبه ) , أما البنت فقد تخطئ وتخرج مع ذئب بشري ضحك عليها عندما سمحت لنفسها الإستماع له بحجة أن أهلها غافلين عنها فقد تخرج معه ثم يذهب بها إلى أستراحة أو شقة فيكون هناك خمسة شباب ينتظرونه فيفعلون بها كل مايريدون ويصورونها ثم تكون البنت سلعة لهؤلاء الشباب وقد تكررت هذه الحكاية وماشابهها ومن لا يصدق هذه الحكايات يذهب للهيئة ويجد القضايا التي تشيب لهولها رؤوس الولدان ..

فالبنت إذا كان اهلها غافلين عنها ولا يلقون لها وجه فعليها الصبر والدعاء حتى تُرزق بزوج صالح تقر بها عينها وتستانس ويأتيها أولاد وتفرح بإستجابة الله لدعائها ...

بارك الله فيك أختي الكريمة ...
سعيد بن مسعدة
15/8/1430 هـ, 01:17 مساءً
جميع ما ذكرت لا يبرر نهائياً ، البنت بحاجة إلى تربية دينية تحفظها من الضياع بإذن الله ، والشيطان له دور كبير يمكن يجي للفتاة ويقول افعلي ما تشائين وأنت معذورة لأن أهلك ما أعطوك وجه وعاملوك بخشونة ، فهذا الكلام يتكرر كثيرا على ألسنة الفتيات ، بعدين فيه بنات عاشن بقمة من الرقة والدلع وكل شيء موفر لهن وفي النهاية ضبطن بأمور مخلة ، فليس الرقة واحترام الفتاة واقٍ لها مما يخدش كرامتها الفتاة بحاجة إلى تربية دينية صحيحة ..
وفقك الله
د/الفـهـد
15/8/1430 هـ, 01:26 مساءً
بنات اوول رااحن خلاص انسوهن الحين بنات الزمان هذاغيير ...راحن الي يطبخن ويكرفن لـ اهلهن ..

عليكم السلام ورحمه الله وبركاته

وجـة نظري ان كلامك البعض منه صحيح والبعض منه غير صحيح

...

ارجع اعلق الذي اقتبستهـ

:oo

لاحرام عليك قسم بالله فيه ياكثرهنـ كثر التراب لكن... انتٍ احس ماله من حياتك وكتبتي تفرغي مابي قلبك

الله يفرج همك ويزوجك الرجل الصالح


....
ضايق الصدر
15/8/1430 هـ, 01:27 مساءً
جميل جدا ً رائعه درر
كلام واقعي جدا ً جدا ً وكل سطر فيه واقعيه نشاهدها , انا معك بأن عنوان الموضوع مجرح جدا ً
((لكن هذا ليس مبرر)) , لو كل منٌا اتبع هواه وحاول يبحث عن أمور تلهيه عن جروح الدنيا من مشاكل وصدمات لما جلسنا هنا , فستجدين اغلبنا ويبحث عن معاصي ومنكرات تلهيه ظنا ً ان تلك الأمور والهموم ستزول ,
ولكن هنا يبقى دور الايمان بالله وقوة الوازع الديني ,
حقيقة الكلام يختلف عن التطبيق , والله احيانا نحن نستغرب من تصرفاتنا التي تعكس كلامنا ومضموننا ,
الحديث يطول ويطول , لكن لا اقول سوى اللهم احفظنا بحفظك واهدنا واستر علينا وحببنا للايمان والقراءن
اللهم احفظ اخواتنا وبناتنا ونساء المسلمين , اللهم زوٌج العازبات والمطلقات والارامل عاجلا غير اجل
اللهم اسعدهن وحببهن للدين والايمان , اللهم جنبنا وجنبهن المعاصي والفسوق والعصيان امين امين
الله يحفظك ويستر عليك , اسجل اعجابي بعقليتك ,
ينبغي الان عليك ان تضعي موضوعا ً للبحث عن العلاج وحل لتلك المشاكل للبنات خصوصا وانتي قريبه منهن وتعرفين
عن مايدور في صدروهن قبل الوقوع بتلك الاخطاء,
HBHB
15/8/1430 هـ, 01:39 مساءً
ما شاءالله لك من اسمك نصيب

لكن من وجهة نظري هظمتي البنات واعطيتيهن جرعة زائدة حتى هلكن

واعطيت العيال اكثر مما يستحقون ورفعتيهم بالنجوم

من الرجل بدون امرأة ومن الاخ بدون اخت ومن الزوج بدون زوجة

على العموم الكل لايكمل الابنصفه الاخر

وانا اعرف ناس كثيرون والله انهم يفضلون البنات على العيال

لكن كلامك فيه بعض الصحة عند بعض العوائل .
لبدان
15/8/1430 هـ, 01:53 مساءً
كلام جميل يحتاجه الكثير من الناس .
فالبنت مهضوم حقها وقد كثر الحديث عن وجوب الاهتمام بالبنات والعناية بهن واشباع العاطغة لديهن .
والمشكلة هنا في التعميم بان كل البنات كذا او كذا .
.
..
شكرا لقلمك
شنيدر
15/8/1430 هـ, 01:56 مساءً
موضوع جميل

وتعليق اجمل بصراحه

البنت اذا تعامل اهلها معها كذا اكيد راح تنحرف

اما اذا اهلها واخوانها مالين عليها البيت ضحك وسوالف

ليش تسوي حركات مايبونها

بالعكس راح تكون اكثر استقامه
وسيم الخب
15/8/1430 هـ, 02:51 مساءً
السلام عليكم ورحمة الله

ياجماعة الخير بعضكم قال كلام ( قوية بكلمتي )صحيح وانه احد الاسباب ومع هذا قال الكلمة الشهيرة عندنا ( بس ولو )
الاخت قوية وضعت يدها على موضع الالم وشخصت الحالة او قاربت كثيرا من الحالة والاسباب.
فكل مشكله لها سبب وكل انحراف ورائه تربية وتعامل مسبب.
اضرب مثال :
شبابنا و ابائنا حالهم اليومي في الاستراحات فالاستراحة الاصل و البيت عند الفراغ من الاستراحة المهمة.
مايسولف ما يسال ما يتابع . ما ما ما ...... واذ انحرفت البنت نحملها كامل المسئولية ، والبنات يختلفن في تفكيرهن وقوة تحملهن وتعاملهن مع دوائر الزمان.
وفي الختام مشاكل البنات اسبابها بيوتهن بالدرجه الاولى فاذا البيوت اهتمت ببناتهن حميناهن من وساوس الشياطين ( الانس والجن )

تحياتي للجميع
الصمت حكمه
15/8/1430 هـ, 02:57 مساءً
والله قويه ياقويه ...
أختي الكريمة الموضوع فيه شيء من الصحة وفيه شيء واقع وشاهدته ولكن ليس كل العوائل كذا .. أبدا مايصلح التعميم على كل شيء ..
أختي الكريمة مهما كان هنا من التغافل من الأهل فهذا لا يبرر للبنت أن تبحث عن الشباب أو بالأصح الذئاب البشرية ..

أخيتي الكريمة : الرجل ليس مثل المرأة , فالرجل يخرج من البيت ويفعل مايشاء ولا أحد يدري عنه ( عيبه بجيبه ) , أما البنت فقد تخطئ وتخرج مع ذئب بشري ضحك عليها عندما سمحت لنفسها الإستماع له بحجة أن أهلها غافلين عنها فقد تخرج معه ثم يذهب بها إلى أستراحة أو شقة فيكون هناك خمسة شباب ينتظرونه فيفعلون بها كل مايريدون ويصورونها ثم تكون البنت سلعة لهؤلاء الشباب وقد تكررت هذه الحكاية وماشابهها ومن لا يصدق هذه الحكايات يذهب للهيئة ويجد القضايا التي تشيب لهولها رؤوس الولدان ..

فالبنت إذا كان اهلها غافلين عنها ولا يلقون لها وجه فعليها الصبر والدعاء حتى تُرزق بزوج صالح تقر بها عينها وتستانس ويأتيها أولاد وتفرح بإستجابة الله لدعائها ...

بارك الله فيك أختي الكريمة ...

وتقبلي تحيتي.
الصمت حكمه
15/8/1430 هـ, 03:00 مساءً
والله قويه ياقويه ...
أختي الكريمة الموضوع فيه شيء من الصحة وفيه شيء واقع وشاهدته ولكن ليس كل العوائل كذا .. أبدا مايصلح التعميم على كل شيء ..
أختي الكريمة مهما كان هنا من التغافل من الأهل فهذا لا يبرر للبنت أن تبحث عن الشباب أو بالأصح الذئاب البشرية ..

أخيتي الكريمة : الرجل ليس مثل المرأة , فالرجل يخرج من البيت ويفعل مايشاء ولا أحد يدري عنه ( عيبه بجيبه ) , أما البنت فقد تخطئ وتخرج مع ذئب بشري ضحك عليها عندما سمحت لنفسها الإستماع له بحجة أن أهلها غافلين عنها فقد تخرج معه ثم يذهب بها إلى أستراحة أو شقة فيكون هناك خمسة شباب ينتظرونه فيفعلون بها كل مايريدون ويصورونها ثم تكون البنت سلعة لهؤلاء الشباب وقد تكررت هذه الحكاية وماشابهها ومن لا يصدق هذه الحكايات يذهب للهيئة ويجد القضايا التي تشيب لهولها رؤوس الولدان ..

فالبنت إذا كان اهلها غافلين عنها ولا يلقون لها وجه فعليها الصبر والدعاء حتى تُرزق بزوج صالح تقر بها عينها وتستانس ويأتيها أولاد وتفرح بإستجابة الله لدعائها ...

اختنا الكريمة يبدو من اسلوبها كأنها توجد حلول واعذار لتلك البنات لمكالمت الذئاب البشرية
(انصح الاخت انها تغير من اسلوبها)
بارك الله فيك أختي الكريمة ...

وتقبلي تحيتي.
أم جمانه
15/8/1430 هـ, 03:39 مساءً
ممكن البنت تنحرف بسلوكياتها
ويكون الله كاتب لها الشقاء لاكن
في سترها ولبسها وعبايتها ولي الامر
هو المسؤل عنها لانه له كلمه عليها يقدر يمنعها
من التكشف و ويكون اللوم عليه في هذا الشي
frrr
15/8/1430 هـ, 04:12 مساءً
بيض الله وجهك
كاتمه الاحزان
15/8/1430 هـ, 04:21 مساءً
ياجماعة بنات واولاد بريدة .......... لاتحكمون عليهم جميعا ...
فية منهم ... فيهم الخير والبركة .....
اما مايفلة بعضهم .... لقلة الوازع الديني ... وضعف ايمانهم ... وقلة خوفهم من الله ...
اللهم احفظنا وااحفظ عروضنا فوق الارض وتحت الارض ويوم العرض
ولاحول ولاقوة الاباللله ...........
قويه بكلمتي
15/8/1430 هـ, 04:26 مساءً
HILUX 2700

حياك الله اخوي وخير الكلام ماقل ودل ..
الله يسعدك ان شاء الله ..

علي 11 ياهلا ومرحبا بك تسلم والله انا ماعممت ولكن اتكلم عن دور نص البنات بـ البيوت ..

صح الرجال عيبه بجيبه بس الي يسويه ينرد له بـ اخته او حداء محارمه ,,

انا ماكتبت الموضوع اقول انو البنات لهن الحق انهن يكلمن الشباب بس انا كتبته اعطيكم صوره او بعض الاسباب للبنات الي تجبرهن انهن يسون كذا حياك الله تشرفت بردك..

سعيد

صحيح انو مايبرر له ولا يشفع له ابد وهذاك انت قلته الشيطان له دور كبير قلته انت الفتاة بحاجه الى تربيه دينيه صحيحه بس ماقلت انه محتاجه لـ بعض الاحترام له من اهله واخوانه ,,

مرورك شرف لي ,,

قليل الدسم

احترم وجهة نظرك ويمكن تلقى الي تطبخ وتكرف لـ اهله بس بـهالزمن 30% تلقاهن غريبه عندك الي يقول الحق يعني انه فاضي ومحتاج رجل الله يستر عليك

ضايق الصدر ..

ارفع القبعه احترامآ لـ رايك وكلامك صحيح واقول لك مثل ماقلت لـ اخوي علي 11 انا مااعطيهن الضو الاخضر انهن يسون الي يبن بس اقول لكم انهن يحتاجن بس لـ احد يسمع لهن ,, الله يسعدك ويوسع صدرك

HBHB
ياهلا ومرحبا بك للاسف هذا الواقع الاهل مايقصرون على البنت ابد من ناحية الشرب والاكل والبس بس من ناحية الاستماع والحنان والخ ...... تلقاهم بخيلين بقووه وصدقت مع ذالك مالنا غناة عن الاخوان والاهل الله يخليهم لنا ذخر الله يحييك ياخيي

لبدان

ياهلا ومسهلا حياك الله ..

شنيدر ياهلا وسهلا ربي يخليك فهمتـ/ي كلامي زين ياهلا ومرحبا

وسيم الخب ياهلا ومرحبا والله وكلامك صحيح ..

الصمت حكمه .. القتيله ,,frrr ,,

الله يسعدكم ويخليكم كلامكم ومروكم على راسي ,,

استغربت كثير ماتوقعت الموضوع ياخذ حجمه توقعت بيحذف ياهلا وسهلا فيكم

قُـٍـٍوْيَـُﮧٍ بْكُلًمَتِيٍ ...~}
فهــ بنت ـــد
15/8/1430 هـ, 04:49 مساءً
يآجماعه الموضوع مو مسألة فضائيات وبس ,,

الحين حنا عندنا يالقصمان الأغلبيه ,, تعقيــــد ,, معقدين وليتها في شيء حرمه الاسلام,, بالعكس اشياء مبيحها الاسلام ومع ذلك تلقانا نتحاشاها وتصير قضية وش كبرها لو أحد سوى هالشي لأنو " عيب "

من متى عيب؟؟!! بس عندكم عيب ,, وهذا اللي خلانا مضطهدين كل شي لاا مايصلح عييب,,
وآآخر شي لما طفح الكيل انفلتووا النآآآس والله صاروا لايعرفون عيب ولا دين,,

والله أنا أعرف ناس بناتهم عمره 10 سنوات ويحذرون من مسألة لبس البنطلون يحاولون مايلبسنهم مو من الدين من العييب ,,
والحين تعآآل شفهم,, الدش دخل بيتهم وبناتهم كبآآر ويلبسن على كيفهن لا حسيب ولا رقيب ,, وتروح لبيت صديقتها بلبس ملآآآهي ؟؟ !!!

شفتوا وين وصل فيكم التعقيد ؟؟!! لأن اسااسنا أصلن مو سليم ,,

وبالنسبه للدش والقنوات والبلاوي قبل اسبوع تقريبا جالسه اسولف انا وبنت قريبتي عمرها 5 سنوات تقريبا امازحها وألعبها ,, تدرون وش قالت لي ؟؟!!

قالت انا أحب خليييل وأحب مهند >> ومن مايعرفه ,,
انا استغربت مرره يعني طفله وش لها بالخرابيط ,, المهم حبيت استرسلها بالكلام بشوف وش عندها ,,

قلت لها اي كملي وش تحبين بعد ,,

قالت اي احب خلييل وودي أنـآآم معه !!!!!

كالصااااعقة نزلت علي ,,

حرآآآم ياناس قتلتوا البرااءة ,,
فهــ بنت ـــد
15/8/1430 هـ, 04:58 مساءً
كلام حبيت اضيفه,,

ترى بنآآت القصيم مثل مااهن ماتغيرن ,,

بس فيه أقليه منزووع منهم الحياء ,,اضافة الى قلة الوازع الديني حمآنا الله,,

هذولا من زماان وهم فيه مو جدد وطلعوا او تغيروا ,,

لآآآ هم من الأصل فيه ,, ولكنهم ماكانت لهم القدرة على المجآآهره بأفعالهم المشينه ,,

ولكن لما لم يجدوا راادع لهم,,

نزعوا أقنعة الحيآآء والدين ليظهر لنا جييل متفتح ولكن اي تفتح هو ذلك ,,؟!

ومنهم انتقلت العدوى الى الغير ,,

ولكن كمآ ذكرت سابقاً هؤلاء الى الآن أقلية والحمدلله وتبقى بنآآت بريده كمآآهن ^^
أم جمانه
15/8/1430 هـ, 05:11 مساءً
اذا ضات البنت يقع اللوم على الاهل واولياء الامور بالدرجه الاولى
صادق الأنصاري
15/8/1430 هـ, 05:15 مساءً
السلام عليكم ورحمة الله وبركاته ...

اتمنى منكم انو محد يفهم الموضوع غـلط ولا احد يفهم اني اسهل الموضوع الي بتكلم فيه على البنات ..

شـد انتباهي موضوع الاخ..
(مغترب بـريده ..)
استغربت كثير من عنوانه..؟

الى مـــتى وبناتنا ... ضـآيعــــــــــــــــــــــــآت!!!!!(مـع احترامي الشديد لك عنوان موضوعك يجرح):d

ابتفلسف عليكم شوي تحملون ..ويبقى الموضوع وجهة نظر لي

واختلاف الراي لايفسد للود قضيه..

طبعآاخوي المغترب تكلم عن البنات الي يكلمن شباب من ورا اهلهن واكثر الردود حطو الوم ع البنات .


استغرب كثييير من المجتمع الي حناء فيه .. يحطون الوم كــله على البنت ..

اول شي كل انسان يخطي ويصيب ,, صح الي يسونه خطاء وخطاء كبير وممكن انه يوديهن بـ دواهي انا مااوقف معهن بـ هالشي بـس بنفس الوقت مااوقف ضدهن ,,لااحد يقول تحيز لـ بنات جنسه

لو بتسال وحده منهن ليه سـوت هـآلشي ؟

بترد عليك ..

1@ اناعند اهلي بـ حياتي محد عطان وجه شي طبيعي الانثى تبي احد يحسسه بـ انوثته ,,بتدورهـ الاحد برا ,

تلقى بعضهن يدرن انهم يكذبون بس تلقاه تستمتع لو بكذبه .. تلقآه هـي من داخل قلبه تتعذب اذا شافة اهله يتكلمون عن البنات الي يكلمن ويتشمتون بهن ..تلقاه من داخل تقول بنتكم وحده منهن ..

اول شي يكون بعلمكم كلكم ,,البنت ماتسوي هـ الشي الا انو احد من محارمه سـوا الشي ببنات الناس
او ان امه او ابوه تشمت بـ حداء بنات الناس ,,


2@ولابتقول لك انا احتاج احد يسولف معي مالقيت ..

بعطيكم صوره صغيره عن دور البنت داخل البيت .

تلقى بيتهم به 6 اخوان له كلهم تلقاهم بليل بالبيت بس ولا واحد بيدخل غرفته الا اذا بغى شي منه ..

تحداك تلقى واحد بيجي بيسولف مع اخته وان ان حاولت وسولفت عليه بيجيك انواع التبلد اذا خلصت مسولفه التفت عليه قال (طيب انا وش دخلي تعلميين) ..دخلك انك اخوه اسمع له لو انت ماتفهم ولا حاجه من الي تقول ..

هذا من ناحية الاخوان ,,

تلقى له 4 خوات ..كلهن متزوجات ولهن بزران كثر التراب ,,

اذا جو لم اهلهن اثره مبسوطه اليوم بيجن خواتي بسولف عليهن ..

تلقى الوحده من تدخل قبل تسلم ,,
تستلم رجله تهاوش عليه تخلص من رجله تبدا بعياله تخلص من عياله تبدا بـ حمولته وتخلص الاولى وتبدا الثانيه وتخلص الثانيه وتبدا الثالثه وتخلص الثالثه وتبدا الرابعه تخلص الرابعه اكيد خلص الوقت تعشو وراحو ..

ولا كن فيه لهن اخت هناء مــآتزوجت تكره الزواج وتكره العيال وتكره الحموله وبنفس الوقت تكره خواته من سواليفهن ,,

تـلقى زين وحده منهن تكرمة وسالت عن حاله ...

خلاص راحن من بتسولف عليه هي ...؟؟

تلقى له صديقات بس مو كل صديقه بتسمع له والحين نــآآدر جــدآ انك تلقى الصديقه الحقيقيه تلقاها بس تبيها بمصلحه وصادقتها ولا ربي يبلاها بقرادة حـظ اي صديقها تصادقها تقعد شهر اذا تعودت عليها تزوجت وصارت مثل خواته اذا سولفت تسولف برجله ,,,

يجيكم دور الام الله يخليها ...

تصير شايله هم البيت وهم العيال وهم رجله تسانه حـي وهم بناته المعرسات هذي تهاوشة مع رجله وذي يحول ابطت ماحملة وذي ولده مصخن .. طبعاا كل هالحاجات بخاطره همن من تقوم البنت من النوم بسم الله عليها والله يحفظها تبدا امها تطلع كـل الي بخاطره على البنت تحسبه تحتسي عليه حتسي ماتدري انها تهوشها تقل تحط الوم عليه هي .

فلانه ولده مصخن واخوتس مادري وينه لا تبدا تهوشها على اشياء مالها دخل ,,؟
البنت وش دخلها تهوشينها اخوها زعل له يومين ,,, ؟
وش دخله ذي متهاوشه مع رجله ..؟





ولا تجيك الام يحياتي على نياته والشي الي يدمر البنت تدمير انه تصير هي الوحيده الي عند امه يعني المفروض الدلال كله له
تـلقى انووواااع التفريق بينه وبين اخوانه ,,
اشين شي بـ النسبه للبنت انك تفرق بينه وبين احد تلقى الام تعيي على البنت تعطيه قروش واذا جاء الولد عطته وش تقول

(الولد مايمنع يمكن يسرق)


البنت مراح تسرق بس بتجيب القروش بطريقه ثانيه ,,


تلقاه اذا صخنت يحياتي البنت ماتعطى وجه .. واذا واحد من العيال جته زكمه يحياتي كل العلاجات فوق راسه ..؟

البنت وش بتسوي بذيك الحضه ,,..؟

كلامي واقعي وتبي تاكد منه خل اي بنت ببيت اهله ماتزوجت وله اخوان تقرا هالموضوع ان ماقالت صدقة قويه ماكون بنت ابوي ,,

ادري طلعة عن موضوعي الاساسي بس اعلمكم ان كل هذا يجتمع بخاطر البنت ,,

اسالكم بالله لمن بتشكي ؟؟

الحين ضعف الدين مرره وابليس شاطر ,,

تلقاه دق مرا رقمه بليل رقم غريب يحياتي البنت على نياته ردت .. طلع لعاب اكيد بتسكر بوجهه دق ثانيه ؟

عطته مشغول .,

دق ثالثه ودته لـ واحد من اخوانه قالت دق ثلاث مرات تفاهم معه اول شي بيهوشه وراه ترد على رقم غريب ؟

ياشيخ احمد ربك جابت الجوال لمك .. يعني لازم كل شي هوش هوش هوش تطق اتسبدنا حناء

بيتفاهم مع هذا بيهوشه وبيسكر بيرجع الجوال اذا دق مره ثانيه لاتردين ...

احلف ياشيخ عساك ماتكلفت بس وانت تحاتسيه ؟:(


يمكن يدق العاب ويمكن يدق غيره اذا دق غيره تلقاه تقول منب موديه الجوال لـ اخوي اكليوم هاشن لما قال بـس ..

ومن رداة الحظ مايدقون الا لاصارت البنت
يـآمتضايقه ,,
يـآ فاضيه ..


الفراغ مايصلح ابد للبنت .. تلقاه تجي لـ اهله ابسجل بـ دوره يـآ كمبيوتر يـآ انقلش يـآ حداء الدورات الي ماليات الجرايد ,,,

تحداك كلهم يوافقون لازم حداء الطرفين يعيي ...

اذا طاعت الام عيا الابو واذا طاع الابو والام عيا الاخو قال منب قاعد اطق مشوار عشر دقايق كل يوم ؟.

وبعد كل هذا تحطون الوم كله على البنات...

مرا قريت انو البنت اذا عصبت من اهله راحت تدور الشي الي مايبونه هـم..

سوت الشي الي يخليهم يعصبون ,,,

وش يعرفكم عن البنات انتم ؟...

تلقاه حساسه تهوشه على اي شي يبتل بخاطره ..

بنات اوول رااحن خلاص انسوهن الحين بنات الزمان هذا غيير ...

راحن الي يطبخن ويكرفن لـ اهلهن ..


ادري اخذت راحتي بكلامي بس اقسم بالله اني ماقلت شي ماشفته بعيني كـل هـذا وااقع ..كلامي فيه شوي جـرائه تعديت حدودي بكلامي على الامهات بس هذا الواقع ,,

تبون بناتكم يصيرن احسن البنات صيرو لهن احسن الناس ,,,


لاتخلي اختك تحتاج رجال وانت موجود ..

عرفتو وش دور البنت بـ البيت بـس للهوااش وبعد كل هذا ماتبونها تسوي الي سوته..
ادري بتقولون وش الفايده من الموضوع اقول لكم فايدته ,,

ان البنت ماسوت هالشي لانه لاقيه كل الحنان والدلع من اهله ولا لان ماله اخوان يطلعون حرتهم به ولا خوات بس حاطاته للحاجه ,,
قبل تلومه على الي سوت افهم منه السبب وبعده سو له كل الي تبي ,,
خلك قريب منه علشان مايقرب منه احد غيرك ..

وكلكم حطو بروسكم ان

الــعرض دين ينرد لو بعد مية سنه ...,
ينرد لو بعد مية سنه
ينرد لو بعد مية سنه



انا بقول الـى متـى واهلنآ لاهــــــــــــــين عنــآ

اسفه ع الاطاله كتبت الموضوع بـ العاميه علشان مايصر رسمي ..
واعذرون كان فيه اخطاء املائيه كتبته وانا عجله ,,واتمنى محد يزعل من كلامي ,,:d


اختكم ,,

قُـٍـٍوْيَـُﮧٍ بْكُلًمَتِيٍ ...~}

لافضفوك ولا عاش من يجفوك
اختي الفاضلة جزاك الله خيرا على كل كلمة كتبتيها لقد وضعتي البلسم على الجرح
نحن بشر ومن الطبيعي ان نخطئ لكنك عرضتي الحلول العمليه لدور الأسرة في تربية البنت ومدى قربهم منها وتلمس احاسيسهاومشاعرها وحلامشكلاتهابالطريقة التربوية الصحيحةكماذكرتي
ووالله بمدى قرب الأب والأم والإخوة والبنات الكبار المتزوجات من البنت الشابه يكون تأثيرهم عليها وترك مجال كبير وواسع للسماع لها وإعطائهاالفرصة الكبيرة لتعبر وتتكلم بمافي نفسها بعدها يأتي دور التوجيه والنصح بالحسنى لآن الهواش والعنف لايولد إلا ردود افعال سلبية
التربيه على الأخلاق الفاضلة لايمكن ان تكون إلابوجود القدوة الحسنة من الكبار
ثم لايمكن التقبل إلاإذا كان الإسلوب طيب وحسن .
الحقيقة انني ضد ان نحمل اي طرف المسؤلية بقدر ماادعوالجميع لتناول الحلول والمساهمة الفاعلة في معالجة هذه الظواهرالسيئة بمثل مافعلت اختنا الكريمة نفع الله بها .

اسأل الله ان يحفظ بناتنا وبنات المسلمين ويهدينا جميعا للخيروالصواب
كلنا عيال قريه
15/8/1430 هـ, 06:53 مساءً
[size="5"][color="navy"]صراحة شدن الموضوع مرة حلو......
صراااااااااااحة هو مو على التربيه على قله الوازع الديني اكثر شي اعرف لكم وحدة والدينه ماشاءالله عليهم بس هي منفلتة الله يستر عليه وعلى بنات المسلمين......
والتربيه بعد له دور معاملة الوالدين والاخوان........وبه بنات ينفلتن بالمعاملة السيئة عموما بنات او عيال
وصراحه اكثر البنات المنفلتات بسب ان الاسرة منغلقين كل ما تقدمت الدنيا انغلقو زيادة يعني كل شي حراااااااااام واكثر بنات القصيم كذا
طبعا مو بنات القصيم كلهن فيه بنات ماشاءالله ما يوصفن بحيائهن...........
والله يستر على بنات وعيال المسلمين كلهم
ولا حول والا قوة الا بالله العلي العظيم
صمت الغروب
15/8/1430 هـ, 07:14 مساءً
المشكله البنات يعانون من فقده الحنااااااااااان الفضائيات تفر المخ والمسلسلات التركية ضيعت البنات

ولازم الاب والام و الاخو يعوضون حناااااااان

مجتمعنا فيه شووي جفاف في التعامل مع البنات

كثير من الاخوان يعامل اخته بعنتريه وهواش واكيد راح تلجأ الى واحد ثاااااااني

والادهى والامر الزوجات الي يجي زوجها سهران عند خوياه ولا طالع منا ولا منا واذا جاء لمها انواع الهواش وللجه


مته مره رحت اشتريت لك هديه بسيطه لو ورده وعطيتها اختك او زوجتك طبعا ماقول كلهم الاغلبيه

وشكرا





.

:)
الـطـبـه
15/8/1430 هـ, 07:18 مساءً
الله يستر علينا ويهدي شبابنا يارب

:)
بياض الثلجة
15/8/1430 هـ, 07:31 مساءً
انا اشوف كل ماكانت الاسرة متشددة كل ماطلع منها بنات عكس الاتجاة يمكن الخطا هنا من اهلهن


طيب اذا بتمنعون شي لا زم تحطون لهن بديل او تعوضونهن هالشي


الرجل اذا منع التلفزيون وشدد على بناتة يحس خلاص انة رباهن وهن يلعبن من وراة


والله اعرف بنات حتى التلفزيون العادي ماعندهم ولا المجد ولا غيرة


تصدقون مرة نزلهن ابوهن بالنخيل وراح

تدرون انهن دخلن الحمامات الله يكرمكم ولبسن البنطلون وغيرن العباية وطلعن ؟؟

طبعا انا ماعمم ولا اقول الكل بس فية فئة لا يستهان بها

اللي ابي اوصلة ان التربية ليست حرمان ومنع وتسلط لا هي قدوة واقتناع وحوار


تقبلو مروري
ماركو
15/8/1430 هـ, 07:42 مساءً
الله يدفع البلاء
ميمو ميرال
15/8/1430 هـ, 08:10 مساءً
الهم وفق رجال الهيه وكن خير نصير لهم
الهم اهد شبابنا وشابات امتنا
وثبتنا ياارحم الراحمين
{ ابوحاتم }
15/8/1430 هـ, 09:02 مساءً
ايه من عذرهـ دامه يشوف البنات قدامه لابسات مخصر الصدر بارز والخلفيه مثيره والعيون واسعه ومكحله مايلام هذا انسان عنده مشاعر وشهوه
والله ودك البنات الي يلبسن مخصر تجلد لين تتأدب دام اهلها مادبوها >>> تراه مقهور حده اجنبي ويغازل سعوديات ,
لاكن الله يستر على بناتنا بس
{ ابوحاتم }
15/8/1430 هـ, 09:05 مساءً
تصدقون مرة نزلهن ابوهن بالنخيل وراح

تدرون انهن دخلن الحمامات الله يكرمكم ولبسن البنطلون وغيرن العباية وطلعن ؟؟



مسكينات وش عاد الجنز .؟
يعني إذا لبسنه خلاص طلعن في قمة الجمال او الأيثاره !!
كلام جدآ سليم وواقعي فعلآ التشدد والحرص الزائد نتائجه في الغالب عكسيه
عسى الله يهدي ويستر على بناتنا
مغترب بريدة
16/8/1430 هـ, 01:24 صباحاً
المشكلة الأساسية
هي
ضعف الوازع الديني للجنسين
موتي ولآ دمعة آمي
16/8/1430 هـ, 01:50 صباحاً
آلسلآم عليڪم و رحمة آلله و برڪآته

..


في آلبدآيه آحب آوجه ڪلمه لصآحب آلموضوع و آقول له

ترآ موب ڪل بنآتڪم ضآيعآت فيه بنآآت لسىآ موجودآت آلحمدلله

و ترآ مآضيع بنآتكم آلآ شبآبكم

..

و علىآ موضوعڪم

آحب آقول لڪم ترآ آلغلط علىآ آلشبآب و آلبنآت

آلحين آلولد يوم آنه مآ يغض آلبصر ويغآزل بنآت خلق آلله

مآ حط ببآله آنه ممڪن يصير لآخته آو بنته آو آي حد قريبآآته ..!!

و غير هذآ

آلبنت بعد مآ آبي آقول نآقصه حنآن ولآ آلغلط ڪله عليڪم يآلعيآآل ولآ آقول آنڪم ضآلمينآ

فيه بنآت يعني مرره لآشفتهم تدعي من ڪل قلبڪ آن آلله يصبر آهلهم عليهم و يهديهم

و فيه بنآت مآ شآء آلله .. آلله لآ يضرهم

و آلعيآل بعد مثل آلبنآت و لآ تنسوون آن آلنآس آجنآآس يعني لآ تعممون ولآ تضلمون حد

ترآ ڪم و ڪم بنت آهلهآ معيشينهآ بنعيم و تروح من ورآآهم و تسوي هوآيل و ڪم ولد مثلهآ

و ترآ آللي برآسه شر يسويه لو علىآ هو علىآ فرآش موته سوآآه

و آبو حآتم هو بس لو يغض آلبصر آحسن له

و تقبلو ريي بصدر رحب

آختڪم

موتي ولآ دمعة آمي

:)
إكسير
16/8/1430 هـ, 02:20 صباحاً
السلام عليكم ورحمة الله وبركاته ...

اتمنى منكم انو محد يفهم الموضوع غـلط ولا احد يفهم اني اسهل الموضوع الي بتكلم فيه على البنات ..

شـد انتباهي موضوع الاخ..
(مغترب بـريده ..)
استغربت كثير من عنوانه..؟

الى مـــتى وبناتنا ... ضـآيعــــــــــــــــــــــــآت!!!!!(مـع احترامي الشديد لك عنوان موضوعك يجرح):d

ابتفلسف عليكم شوي تحملون ..ويبقى الموضوع وجهة نظر لي

واختلاف الراي لايفسد للود قضيه..

طبعآاخوي المغترب تكلم عن البنات الي يكلمن شباب من ورا اهلهن واكثر الردود حطو الوم ع البنات .


استغرب كثييير من المجتمع الي حناء فيه .. يحطون الوم كــله على البنت ..

اول شي كل انسان يخطي ويصيب ,, صح الي يسونه خطاء وخطاء كبير وممكن انه يوديهن بـ دواهي انا مااوقف معهن بـ هالشي بـس بنفس الوقت مااوقف ضدهن ,,لااحد يقول تحيز لـ بنات جنسه

لو بتسال وحده منهن ليه سـوت هـآلشي ؟

بترد عليك ..

1@ اناعند اهلي بـ حياتي محد عطان وجه شي طبيعي الانثى تبي احد يحسسه بـ انوثته ,,بتدورهـ الاحد برا ,

تلقى بعضهن يدرن انهم يكذبون بس تلقاه تستمتع لو بكذبه .. تلقآه هـي من داخل قلبه تتعذب اذا شافة اهله يتكلمون عن البنات الي يكلمن ويتشمتون بهن ..تلقاه من داخل تقول بنتكم وحده منهن ..

اول شي يكون بعلمكم كلكم ,,البنت ماتسوي هـ الشي الا انو احد من محارمه سـوا الشي ببنات الناس
او ان امه او ابوه تشمت بـ حداء بنات الناس ,,


2@ولابتقول لك انا احتاج احد يسولف معي مالقيت ..

بعطيكم صوره صغيره عن دور البنت داخل البيت .

تلقى بيتهم به 6 اخوان له كلهم تلقاهم بليل بالبيت بس ولا واحد بيدخل غرفته الا اذا بغى شي منه ..

تحداك تلقى واحد بيجي بيسولف مع اخته وان ان حاولت وسولفت عليه بيجيك انواع التبلد اذا خلصت مسولفه التفت عليه قال (طيب انا وش دخلي تعلميين) ..دخلك انك اخوه اسمع له لو انت ماتفهم ولا حاجه من الي تقول ..

هذا من ناحية الاخوان ,,

تلقى له 4 خوات ..كلهن متزوجات ولهن بزران كثر التراب ,,

اذا جو لم اهلهن اثره مبسوطه اليوم بيجن خواتي بسولف عليهن ..

تلقى الوحده من تدخل قبل تسلم ,,
تستلم رجله تهاوش عليه تخلص من رجله تبدا بعياله تخلص من عياله تبدا بـ حمولته وتخلص الاولى وتبدا الثانيه وتخلص الثانيه وتبدا الثالثه وتخلص الثالثه وتبدا الرابعه تخلص الرابعه اكيد خلص الوقت تعشو وراحو ..

ولا كن فيه لهن اخت هناء مــآتزوجت تكره الزواج وتكره العيال وتكره الحموله وبنفس الوقت تكره خواته من سواليفهن ,,

تـلقى زين وحده منهن تكرمة وسالت عن حاله ...

خلاص راحن من بتسولف عليه هي ...؟؟

تلقى له صديقات بس مو كل صديقه بتسمع له والحين نــآآدر جــدآ انك تلقى الصديقه الحقيقيه تلقاها بس تبيها بمصلحه وصادقتها ولا ربي يبلاها بقرادة حـظ اي صديقها تصادقها تقعد شهر اذا تعودت عليها تزوجت وصارت مثل خواته اذا سولفت تسولف برجله ,,,

يجيكم دور الام الله يخليها ...

تصير شايله هم البيت وهم العيال وهم رجله تسانه حـي وهم بناته المعرسات هذي تهاوشة مع رجله وذي يحول ابطت ماحملة وذي ولده مصخن .. طبعاا كل هالحاجات بخاطره همن من تقوم البنت من النوم بسم الله عليها والله يحفظها تبدا امها تطلع كـل الي بخاطره على البنت تحسبه تحتسي عليه حتسي ماتدري انها تهوشها تقل تحط الوم عليه هي .

فلانه ولده مصخن واخوتس مادري وينه لا تبدا تهوشها على اشياء مالها دخل ,,؟
البنت وش دخلها تهوشينها اخوها زعل له يومين ,,, ؟
وش دخله ذي متهاوشه مع رجله ..؟


ولا تجيك الام يحياتي على نياته والشي الي يدمر البنت تدمير انه تصير هي الوحيده الي عند امه يعني المفروض الدلال كله له
تـلقى انووواااع التفريق بينه وبين اخوانه ,,
اشين شي بـ النسبه للبنت انك تفرق بينه وبين احد تلقى الام تعيي على البنت تعطيه قروش واذا جاء الولد عطته وش تقول

(الولد مايمنع يمكن يسرق)


البنت مراح تسرق بس بتجيب القروش بطريقه ثانيه ,,


تلقاه اذا صخنت يحياتي البنت ماتعطى وجه .. واذا واحد من العيال جته زكمه يحياتي كل العلاجات فوق راسه ..؟

البنت وش بتسوي بذيك الحضه ,,..؟

كلامي واقعي وتبي تاكد منه خل اي بنت ببيت اهله ماتزوجت وله اخوان تقرا هالموضوع ان ماقالت صدقة قويه ماكون بنت ابوي ,,

ادري طلعة عن موضوعي الاساسي بس اعلمكم ان كل هذا يجتمع بخاطر البنت ,,

اسالكم بالله لمن بتشكي ؟؟

الحين ضعف الدين مرره وابليس شاطر ,,

تلقاه دق مرا رقمه بليل رقم غريب يحياتي البنت على نياته ردت .. طلع لعاب اكيد بتسكر بوجهه دق ثانيه ؟

عطته مشغول .,

دق ثالثه ودته لـ واحد من اخوانه قالت دق ثلاث مرات تفاهم معه اول شي بيهوشه وراه ترد على رقم غريب ؟

ياشيخ احمد ربك جابت الجوال لمك .. يعني لازم كل شي هوش هوش هوش تطق اتسبدنا حناء

بيتفاهم مع هذا بيهوشه وبيسكر بيرجع الجوال اذا دق مره ثانيه لاتردين ...

احلف ياشيخ عساك ماتكلفت بس وانت تحاتسيه ؟:(


يمكن يدق العاب ويمكن يدق غيره اذا دق غيره تلقاه تقول منب موديه الجوال لـ اخوي اكليوم هاشن لما قال بـس ..

ومن رداة الحظ مايدقون الا لاصارت البنت
يـآمتضايقه ,,
يـآ فاضيه ..


الفراغ مايصلح ابد للبنت .. تلقاه تجي لـ اهله ابسجل بـ دوره يـآ كمبيوتر يـآ انقلش يـآ حداء الدورات الي ماليات الجرايد ,,,

تحداك كلهم يوافقون لازم حداء الطرفين يعيي ...

اذا طاعت الام عيا الابو واذا طاع الابو والام عيا الاخو قال منب قاعد اطق مشوار عشر دقايق كل يوم ؟.

وبعد كل هذا تحطون الوم كله على البنات...

مرا قريت انو البنت اذا عصبت من اهله راحت تدور الشي الي مايبونه هـم..

سوت الشي الي يخليهم يعصبون ,,,

وش يعرفكم عن البنات انتم ؟...

تلقاه حساسه تهوشه على اي شي يبتل بخاطره ..

بنات اوول رااحن خلاص انسوهن الحين بنات الزمان هذا غيير ...

راحن الي يطبخن ويكرفن لـ اهلهن ..


ادري اخذت راحتي بكلامي بس اقسم بالله اني ماقلت شي ماشفته بعيني كـل هـذا وااقع ..كلامي فيه شوي جـرائه تعديت حدودي بكلامي على الامهات بس هذا الواقع ,,

تبون بناتكم يصيرن احسن البنات صيرو لهن احسن الناس ,,,


لاتخلي اختك تحتاج رجال وانت موجود ..

عرفتو وش دور البنت بـ البيت بـس للهوااش وبعد كل هذا ماتبونها تسوي الي سوته..
ادري بتقولون وش الفايده من الموضوع اقول لكم فايدته ,,

ان البنت ماسوت هالشي لانه لاقيه كل الحنان والدلع من اهله ولا لان ماله اخوان يطلعون حرتهم به ولا خوات بس حاطاته للحاجه ,,
قبل تلومه على الي سوت افهم منه السبب وبعده سو له كل الي تبي ,,
خلك قريب منه علشان مايقرب منه احد غيرك ..

وكلكم حطو بروسكم ان

الــعرض دين ينرد لو بعد مية سنه ...,
ينرد لو بعد مية سنه
ينرد لو بعد مية سنه



انا بقول الـى متـى واهلنآ لاهــــــــــــــين عنــآ

اسفه ع الاطاله كتبت الموضوع بـ العاميه علشان مايصر رسمي ..
واعذرون كان فيه اخطاء املائيه كتبته وانا عجله ,,واتمنى محد يزعل من كلامي ,,:d


اختكم ,,

قُـٍـٍوْيَـُﮧٍ بْكُلًمَتِيٍ ...~}


رغم شطوح " عنوان الموضوع " بشكل غريب يامغترب ,,, إلا أنه ولله الحمد بناتنا أكبر مما تتصوره

في عنوانكـ , , ,

ويكفيني رد هذهـ الأخت الفاضلة " قوية بكلمتي " ,,, فعلاً كلام في الصميم .,,.


فلله دركـ .
المخبر
16/8/1430 هـ, 04:28 صباحاً
اذا بغيتو تلمون احد لوموا اولياء الأمور اللي مخلين بنتهم يلبسً ويتكشخً ويروحً لسوق بدون محرم
حسبي الله ونعم الوكيل فيهم
في داخلي قلب طفلة
16/8/1430 هـ, 04:42 صباحاً
الله يحفظ رجال الهيئه ويستر على بناتنا
بريداوي 9191
16/8/1430 هـ, 06:07 صباحاً
كل هذا من القنوات الفضائيه والمسلسلات وخاضة المسلسلات التركيه
كبير مايكبرني لقب
16/8/1430 هـ, 06:15 صباحاً
اللهم وفق رجال الهيئه نعم الرجال يضرب فيهم املثل
ღدلوعـــہღ
16/8/1430 هـ, 06:32 صباحاً
..
بصرآإحه اختي ..][قوويه بكلمتي][كفت ووفت..يعطيهآإ ربي ألف عآإفييه..
..
بسس لوو الششبآإب يغض البصرر..كآإن سسلمنآإ..
..
تجيييك البنت متسسترهـ وهوو ينآإظرهآإ من فووق لتحت..!!
..
بصرآإحه ششيء يقههههههههر..
..
بسسس مآأقوول إلآ الله يهدي شششبآإب وبنآإت المسسلمين..
..
سـفـن دآيز
16/8/1430 هـ, 09:17 صباحاً
التربية ثم التربية ثم التربية ,,

بنات بريده والشباب متمردين اغاني + جوالات + نت وبلا رقابه !
هاااوي
16/8/1430 هـ, 09:30 صباحاً
شكرآ اخـوي
الله لا يبـــلانا

____

هاااوي
مآلي شبيه
16/8/1430 هـ, 02:10 مساءً
وانتم دآيم على البنات :eek5

وقصم بالله مالكم دآعي

الحين البنت هي الي به وبه وبه والولد طاهر منزل من السماء

هذي الدنيآ البنت ضعيفه لاحول له ولاقوه والولد طاغوت :42

ماقول الا الله يستر علينا بس:rolleyes:
(خيال الروح)
16/8/1430 هـ, 02:40 مساءً
عنوان الموضوع ينرفز


ليش تعم البنات


انت تقول ليش بناتنا ضايعات يعني كل بناتنا ضايعات ؟؟؟؟؟؟؟؟؟؟؟؟؟؟؟؟؟؟؟؟؟؟؟


قسم با الله انه من عنوانك انك ظلمت البنات


يا اخي مهما كثرت مشاكل المغازل فأنهم با النسبه للعموم قله


اتمنا من المشرفين انهم يغيرون الموضوع ولا يحذف بكامله

لانه فيه ظلم للبنات الطاهرات


واعتقد ان الموضوع فيه قذف للبنات العموم
روووودي
16/8/1430 هـ, 03:13 مساءً
قرأت خبر عن مقيم يرسل رسائل للبنات


وهم في أحد المنتزهات

وعممت وصارت البنات كلهم ضايعات


طيب
روح لك بيوم لجامع الراجحي أيام دورة النخبه اللي تكون بأول ست أسابيع من الدراسه << دوره علميه << علم شرعي

وكل البنات اللي فيها يبون(((علم شرعي))


روح لجامع الراجحي بوم مايكون فيه محاضره للنساء
<< كل اللي فيها يبون ((علم شرعي)) ومافيه أحد جاي يستانس


روح لجامع الراجحي أيام مايكون فيه الشيخ صالح المغامسي
<< كل اللي فيها يبون ((علم شرعي)) ومافيه أحد جاي يستانس


روح للدور النسائيه << ترى الدور النسائيه عندنا أكثر من المنتزهات
<< وكل اللي فيها يبون يحفظون قرآن ويقضون وقتهم بشيء مفيد

وخلك عند الباب وعدّالبنات اللي يطلعون من الجامع واللي طالعين من الدور


وعدّالبنات اللي بالمنتزهات<< مو كلهم

قصدي اللي تقول عنهم أنت

لأن فيه بنات محترمات بيرفهون عن أنفسهم







وشوف إذا بناتنا ضايعات أو لأ
ألماسة حساسة
16/8/1430 هـ, 03:20 مساءً
لا أقول بأن كل شئ نأمل فيه يوفر لنا إلا بـ_(طلعة الروح),,

ولكن لو لم يتوفر لنا لا نسعى له بالنزاع فما بالك بالطريق المشبوه...

وأما فقد الحنان ولا نلقى أحد نتكلم عليه أو نشكي له فهذاواقعي واغلب البنات مثلي,,,
لكن لا يكون هذا عذراً لأن أسلك طريق آخر أعوض به ما فقدت,,,,فهذا أكبر المحرمات...

((فصبراً إن بعد العسر يسرا))....

وليس لنا طريقا سوى الدعاء لله بأن يفرج همنا وغمنا...
خلــ ابو ــيفة
16/8/1430 هـ, 03:27 مساءً
من دون الهيئه والامير نايف حنا انواع الفسق
(خيال الروح)
16/8/1430 هـ, 03:31 مساءً
قرأت خبر عن مقيم يرسل رسائل للبنات


وهم في أحد المنتزهات

وعممت وصارت البنات كلهم ضايعات


طيب
روح لك بيوم لجامع الراجحي أيام دورة النخبه اللي تكون بأول ست أسابيع من الدراسه << دوره علميه << علم شرعي

وكل البنات اللي فيها يبون(((علم شرعي))


روح لجامع الراجحي بوم مايكون فيه محاضره للنساء
<< كل اللي فيها يبون ((علم شرعي)) ومافيه أحد جاي يستانس


روح لجامع الراجحي أيام مايكون فيه الشيخ صالح المغامسي
<< كل اللي فيها يبون ((علم شرعي)) ومافيه أحد جاي يستانس


روح للدور النسائيه << ترى الدور النسائيه عندنا أكثر من المنتزهات
<< وكل اللي فيها يبون يحفظون قرآن ويقضون وقتهم بشيء مفيد

وخلك عند الباب وعدّالبنات اللي يطلعون من الجامع واللي طالعين من الدور


وعدّالبنات اللي بالمنتزهات<< مو كلهم

قصدي اللي تقول عنهم أنت

لأن فيه بنات محترمات بيرفهون عن أنفسهم







وشوف إذا بناتنا ضايعات أو لأ



الله يعطيك العافيه نفس كلامي


اذن نطالب بتغيير الموضوع

لان مغترب بريده حب انه يلفت الانتباه
ابـو عـذآب
16/8/1430 هـ, 03:39 مساءً
كون ان البنات يفقدن الحنان فهذا لا يبرر فعلهن هالفعايل ..

الله يخلف على اهلهن بس ..
α7Łα αŁм3αиỹ
16/8/1430 هـ, 05:54 مساءً
ايه
الله يصلحالجميع
والله أنا أحسن أنه من البنات لأنو أمس في منتزه الرفيعه والله أشوف بنت تمشي ورافعه عباتها
مطلعه سيقانها
مرشدممتاز
17/8/1430 هـ, 12:02 صباحاً
ياأخواني لا نلوم البنات قبل مانربيهن ونحصنهن وهن صغار ونزرع في نفوسهن التربية الدينية ولا ندللهن بما يضيعهن من وضع القنوات الفضائية لديهن ولانترنت ولا نتابعهن ونثق بهن ونخرجهن للأسواق بمفردهن فيكن عرضة للذئاب البشرية والمرأة معروفة بحنانها ورقتها وتصديقها كما ياخواني الرجال المراة محرومة من الحنان العاطفي الابوي فلا تجد اب يمدح بنته عند لباسها فستان جميل او غيررر ذلك فتجد الكلام المعسول من غير ابيها من الذئاب البشرية فيملاْ الفراغ العاطفي لديها فتنجذب لديه بمعسول كلامه حما نا الله وإياكن وستر علينا وعليكن أنه سميع مجيب
frga_610
17/8/1430 هـ, 10:55 صباحاً
الله لايخلينا من الهيئـــــــــــــــــــــــــــــــــــــــــــــ ـــه
عبدالله
17/8/1430 هـ, 05:37 مساءً
التربية الصالحة تحفظ بإذن الله بناتنا وأبنائن من الضياع والله الهادي إلى سواء السبيل........

أنصح بسماع شريط(الابتزاز) للشيخ د/صالح الونيان.
سبيكة صعفق
17/8/1430 هـ, 06:23 مساءً
داخله احسب الموضوع عليه عمده اثره هرج فاضي ..