معجبك في بريدة...؟؟؟؟

[كبرياء انثى...]

بسم الله الرحمن الرحيم
السلام عليكم ورحمة الله وبركاته

أخباركم يا أهالي بريدة؟؟؟؟

وش رايكم كل واحد يدخل يكتب وش معجبة في بريدة فقط؟؟؟؟؟؟؟؟؟
علشان الواحده يروح يشوف اشياء حلوه فيها

والي مو عجبة شي في بريدة لالالالالالالالايدخل من الاساس ..

لاتقولون مافيه شي معجبنا فيه
هذا كلامكم دايم؟؟؟؟؟؟؟؟

با العكس فية اشياء حلوه فيها..


بس انتم ما تنظرون الا الاشياء الشينه فيها

______تحياتي_____

[إيقآع المطر ..~]

الأماكن العامه ..
العييري بارك
وحديقة الإسكان ..,

[دمـعـة الـذيـب]

والله بريدة كله على بعضه معجبتن ..
.. ياحبنا له ..



..
.

[أبو رُبـــــى]

موضوع حلو وهادف ..

(( تمـــــــــيز ))

بارك الله فيك ..

يعجبني في بريدة أهلها الطيبين ..

أي رد خارج عن صلب الموضوع سيحذف ..

[*عزيزة نفس*]

بريده مدينه جميله وكل شيء فيها جميل

وفيه الحديقه الجديده الي عند الجراد تجنن

[ابن الرفيعة]

والله\\\\\\\ حي الرفيعة

[كبرياء انثى...]

مشكورين يا الغالين اهالي بريده على مروركم
واشكرك اخي ابو ربا على تقييم مميز يعطيك العافية

[بولوهي]

كل شي ببريدة زين وخاصه ناسها ...

واحب قرب الاماكن الزينه منها زي النفد والحدايق اللي على الدائري

شكرا على هالموضوع المييز

[SOOSO-----KSA]

طريق النهضهـ :41

[كلمنتان]

المنتزهات الجديدة مثل منتزهات الجراد

[ســـنـــايـــدي]

الأقارب فقط لاغير

[الصمت حكمه]

يكفي فيها انك لبغيت تطلع للبر وتوسع الصدر 10 دقائق وانت بالجراد

الحمد لله على النعمه الله لا يغير علينا..


تحيتي.

[سيدرا]

انا يعجبني النخيل بلازاااااا اذا غير بضاعته هع

[HILUX 2700]

مابه شيء :)

خاصة لنا حنا يالشباب .. لكن فيه مدينة الملك عبدالله .. ( تفك ازمة ) بعض الأحيان ..

وشكرا

[LOOX]

بريده حلوووه بس لنا يالشباب طفش ماندري وين نروح من المرور والهيئه
وانا الحين امووت ببريده عشاانها عشان حبيبتي بريدااويه !!وبريده بعيني احسن مدينه بالعالم مع العلم اني مو قصيمي انا ساكن بس..
فديت بريده واهلها؟؟؟


((((من عشقي لها عشقت مسكنها)))

(وراك يابا راكان خااش كذا وهذا مو مكان الكلام هذا)


مشكورره اختي كبرياء انثى على الموضوع وتقبلي مروري

[كبير مايكبرني لقب]

سوق البعرين ههههههههههه ((الدكات بشماسيه )) فديــــــــــــت الشماسيه واهله

[لايف ستايل]

’


وه بس قسم احووب بريده كلها بكبرها ’’

1- النخيل بلاا

2- العثيم مول

3- حديقة الرفيعه

4- البرج

5- مسطحات الجرآد

6- شارع النهضه

7- حديقة الضاحي

8- الحضاري

9- مهرجان بريده وناسه

10- المهرجان النسائي

11 - المتحف

12- الدائري

13- سوق الماشيه

14- منتجع العييري

15- منتجع عييري بارك

16- ملاهي الأسره

17- حديقة الأسكان

18- المراكز الصيفيه للنساء والرجال

19- حديقة دوار الهديه

20- سوق التمور


وغيره الكثير والكثير

ولاننسى الناس اللي فيهآآآ الطيبين


..

[د/الفـهـد]

*

عليكم السلام ورحمه الله وبركاته


انـا عن نفسي بخير

أفضل مكان للشباب والعوائل

هو النفود[الكشته]

لابه فتن ولاازعاج ولامشاكل ولايحزنونـ

انصحكم بالنفوود مامثلهـ تخلي اهلك يكيفوون به يالله من فضلك...

بـآرك الله فيك

....

[وحيد زمانة !!]

والله مشالله عليها بريدة كل شي فيها حلو
واهم شي طيبة اهلها

[الزير ابوليلى]

بناتها الدينات الجميلات ,,

إلي كل يتمنا من المجتمع السعودي يتزوجهن .

[* شــــذى *]

بالنسبه لي :/


فيــــه اشياء كثيره تعجبني .. مثل الاسواق << هذا اللي هامتس ..


والنخيل بلازا مايكون حلو الا اذا خلا من البنات اللي يقلن ادبهن الله يهديهن ..


وفيه حديقة الاسكـــــــــان .. بس لو يركزون يلتزمون بشروط لباس النساء يكون افضل ..



وشاكره لك اختي كبرياء ...

[ابــو صــدام]

كـــــــــــــــــــــــــــــــــــــــــــل شي
حتى اللي مو معجبني يعجبني
والله اني قلتها صـــــــــادق

تحياتي

[جـلـوكـوز]

زودا على كلام قليل الدسم انك لابغيت تكشت مايبيله شي حلتت عصى وانت واصل (اماكن الكشتات قريبه قوه )

[α7Łα αŁм3αиỹ]

كثره المساجد

[الامريكي]

الدائري الغربي شرح بالحيل ........
:d:d:d

[&بدر الدجى&]

اللي معجبني فيها انتي ياغاليتي ,,
تسلمين على روعة موضوعك ,,

[مخاوي الزعل]

اكثر شي اعجبني فيها انها كانت مدينه اهلها متكاتفين لكن الحين الله يخلف كلن نفسي نفسي

[عزوزتي]

بريده هي الأم 000 بريده 000 الحنان 00 بريده 000 السحر الحلال

بريده روعتها بطبيعتها الساحره 00 وبجوها 00 الحار صيفا 00

والبارد شتاء 000 بريده 00 روعتها بكثرة مساجدها --00

وبتمسك أهلها بدينهم 00 وإلتزامهم بصلاتهم 000

وجمال بريده 000 بأهلها 00

بريده بأختصار 00 من يحبها 00 يحب العفاف والستر والدين 000 والطيبه 00

ومن لايحبها 000 فهو يريد00 الفساد 00 والإنفلات 000 والرذيله 00

00 بريده ليست 00 مدينه 00 وعاصمة 00 بريده 00 هي 00 أم 00

00 ونحن أبناؤها 0000 البرره 00 تحياتي

[بوعلاوي بريداوي]

أميرنا المحبوب ونائبة وموفنبيك وحديقة الاسكان وحي النقع الشرقي.

[المبتسم1000]

الحقيقة... الدوارات الحلوة ..خصوصا المدعومة بالشلالات .... كذالك الرواف شرح بالحيل للي متضايق من ديونه ..

كذالك من باب التنويع والتجديد .. الخبيب يصلح فرجة للي يمر وهو عجل .. يعني 120 تكفي ..

كذالك .. عندما يصبح الليل وسط النهار .. يمديك تكشت فوق المرتفعات اللي على الدايري الغربي ...

كذالك توفر الشقق المفروشة ... للي وده يغير جو عن البيت .. والاستراحات ..


وذا كانت الطلعة من 50 شخص وفوق يالله يمديهم ياخذون استراحة ب 300 ريال بحيث تكون القطية من 7 ريال مع العشاء ...


هذه عصارت مخي .. والله اعلم

[مدحت شوقي بريده]

لا تحقرين بريدة .. ترى به سياحة ..


أنا اذا جيت لحاااااااااااالي لبريدة ..
اندعس بملحق ابو مهند والا ملحق المستشار ..
ومعهم طلعات وكشتات على الدائري وروحات وجيات ..


واذا صارت جيتي عائلية مثل آخر مرة .. أنا وامي واثنين من أخواني ..
الصبح نوم الين بعد الظهر .. همن نقوم نتغدى ونتجهز للطلعة ..

نصلي العصر وندحدر للخبوب .. ونتفرج على المزارع وعلى الشيبان هناك ..
انواع الوناااااااااااااااااااااااااااااسة .. الين قبل المغرب ..

وبعد المغرب نروح لأي سوق .. يوم بالعثيم ويوم بالنخيل ويوم بالداخلي ..
وبعد الساعة عشر .. نجدع أمي عند لطيفة العبدالعزيز او موضي العبدالرحمن ..
وأحياناً نروح لصديقات جدتي .. عايشة العقلاء والا بنات عمتي هيا .. أو حصة العلي ..

وحنا نروح لشارع النهضة الين الساعة ثنتين ..

نروح نآخذ امي ونرجع للشقة .. ونسهر الين الفجر وعقبة ننام ..


واذا صارن البنات معنا .. لابد من الشاليهات ..

هذا غير الطلعات بالدائري بالليل .. او لأحد المزارع نقعد به يوم كامل ..

ترى بريدة فلة ووناسة .. به مميزات كثيرة ..



سي يو ..

[..M..]

اول شي الاهل
وعندنا بالشمال الحين صاير خطييير
اذا مريت من عنده احس اني موب ببريده
قصدي من دورا النهضه وقدام محلات ومطاعم تفتح النفس

وانا عن نفسي مثل السمكه اذا طلعت من المويه تموت

انا اذا طلعت من بريده مااحس اني بالدنيا

ياحبني لها بس

[ناقد ومنقود]

أنا معجبتنى مدينة الأنعام. ترتيب _ وتنظيم رائع. نشكر الأمانة عليها وعلى ما تقوم به.

[حسام السيف]

والله احسن شئء القاع الى على طريق متعب

[NARUTO-77]

النخيل بلازا و الحضاري و موفنبيك
و أهله خـــــــــــــاصــــه

[أم جمانه]

بريده اسمها عشق
وشوفتها حلم

[LOLU..]

يعجبني كل شي بس اكثر شي به حلو......
1-السوق الداخلي وخصيصن (قبـــــــــــــة رشيد)
2-النخيـــــــــــل بلازا
3-مقهى جوثــــــــن

[اشراقتي شدا]

كل شي ببريدة زين وخاصه ناسها الطيبين...

واحب قرب الاماكن موتقعد ساعه بالمشوار

[تشكيليـ ابكيلكـ]

بريده اسمها عشق
وشوفتها حلم
:41:41

[mans]

التراحم والصلة عند المصيبة /اتباع الجنائز والحرص علي المواساة للأهل المصاب/ وأخيرا الضلع الغربي للدائرى خاصة في الصيف والسلام ،،،،،،،،،،،،،،،،،،،،،،،،

[البيضة]

عاشت أيامك يابريدة .......... احسن شئ بالعالم

بريدة بطل العالم <<<< زمن ياجدران الحارة خخخخخخخخخخخخ

[صافي*]

بريده مدينه جميله وكل شيء فيها جميل

وفيه الحديقه الجديده الي عند الجراد تجنن


اي حديقة تقصدين انا ما اعرف شي اسمة الجراد الا الي على طريق الرياض القديم

[شقاوي]

كثرة المرور السري والقسايم !!!

[رحيل ,,]

من كثر طلعاتي :d:d:d

يعجبن بيتنا والشلال اللي أنا حاطته :41

والله ما في احسن من إجتماع الحبايب وطلعات البران ,, وخصوصا إذا ودانا اخوي لأم حزم أنسى الحزن كله ,,:d

[الحالمة2]

يعجبني في بريدة النفود وطلعات البر000 والشئ الحلو في بريدة وفي القصيم عموما عندما تسافربالطائرةوبشرط يكون بالنهار وقريب من شباك الطائرة وبعد ماتقلع بفتره بسيطه أوتكون قادما اليها من السفر أنظرمن الشباك تأمل المنظرجييييييدا وأوصف شعورك سترى شيئا عجيباومنظرخيالي

[لايف ستايل]

حلوه لااني فيهاوالحلى الان بابا فيهاءهههههههههههههههههههههه بريدة فيهاكل شي ولكن وين السيارة الي تودينا وين الي مايقول بعيدباخرالدنياء ابي اروح للحضاري من اول العطلة والاالحين ماحصل

[بلبل الغابة]

لو مايجيك منها الا انها تبرد على قلبك

[طويل بريده]

اشكرك على الموضوع الاكثر من رائع



بصراحه الملاعب الجديده بس لو يكثرونها

[دانه الدنيا]

[COLOR="Magenta"][/COLORصررررررررراحه بريده حلوووه بس لو يزودون المجمعات


يعجبني حي الراشديات

[fantasia]

يجوزلي فندق موفنبيك بالليل..
وبرج بريده لاصار منور.....بس احس لو ينورونه طول السنه ويكون المطعم مفتوح طول السنه يكون احسن لانه هو المعلم الاساسي لبريده ولا عندنا غيره>>>حشا ماصار معجبه



مشكووره ع الموضوع..

[الاشهب ابوشنب]

النفود وجلسة آخر الليل أذا صارت ليلة14أو 15والضغط يتستس وبعدينا نشرب شاهي <سذح>

[الابداع القادم]

حديقة الرفيعة وكثرة الدور النسائية ماشاءالله وحلق القرآن ..
ومزرعة أبوي الله يبارك به ...
وأتمنى أنهم ينظرون للجانب النسائي لايوجد لدينا أماكن رائعة نجتمع فيها,,
وأماكن العوائل لانأمن ولابد من حضور المحارم معنا..
والتجمعات الموجودة الآن لايفتحن النفس نذهب لهن وألسنتنا تلهج قائلة(العوض ولا القطيعة)..

موضوع أكثر من رائع..

[frga_610]

ازين مافي بريده انا .. ..